Posts by madini

Hotuba ya Waziri wa Madini, Mhe. Doto M. Biteko (MB.) kwenye hafla ya kukabidhi Tanzanite yenye uzito wa kilo 6.3317 kwa Serikali tarehe 03/08/2020

JAMHURI YA MUUNGANO WA TANZANIA

Nianze kwa kumshukuru Mwenyezi Mungu kwa kutujaalia kukutana hapa tukiwa wazima wa afya na kutuwezesha kushiriki pamoja katika hafla nyingine ya kukabidhiwa madini ya Tanzanite yenye uzito wa kilo 6.3317 baada ya kuyanunua kutoka kwa mchimbaji madini Bw. Sininiu Laizer kwa mara ya pili katika kipindi cha mwezi mmoja hapa Mirelani. Ikumbukwe tulikuwa na shughuli kama hii hapa Mirelani tarehe 24 Juni, 2020, leo ni tarehe 3 Agosti, 2020.

Napenda kuendelea kutoa shukrani zangu za dhati kwa Rais wa Jamhuri ya Muungano wa Tanzania, Mhe. Dkt. John Pombe Magufuli aliyeamuru na kuwezesha kujengwa kwa ukuta wenye mzingo wa kilometa 24.5 kuzunguka machimbo ya tanzanite hapa Mirelani. Dhumuni kuu la ujenzi wa ukuta huu ni kudhibiti utoroshwaji wa madini ya tanzanite na hivyo kuongeza mchango wa madini haya katika mapato ya Serikali.

Wageni Waalikwa, Mabibi na Mabwana,

Faida za ukuta huu sasa ni dhahiri kwani tumeshuhudia kuongezeka kwa uzalishaji baada ya ukuta kujengwa 2018. Katika kipindi cha miaka miwili kabla ya ukuta, 2016 na 2017, kilo 312.30 za tanzanite zenye thamani ya shilingi bilioni 4.2 zilipatikana na Wizara ilikusanya mrabaha wa shilingi milioni 238 tu. Katika kipindi cha miaka miwili baada ya ukuta, 2018 na 2019, kilo 3,935.43 za tanzanite zenye thamani ya shilingi bilioni 53.141 yalipatikana na Wizara ilikusanya mrabaha wa shilingi bilioni 3.9.

Wageni Waalikwa, Mabibi na Mabwana,

Tarehe 17.06.2020 mgodi wa mchimbaji mdogo Saniniu Kurian Laizer ulifanya uzalishaji wa kilo 32.872 za tanzanite katika umbali wa mita 1800 chini ya ardhi kwenye mgodi wake uliopo kitalu D. Uzalishaji huo ulikuwa na thamani ya shilingi 8,458,485,970.03, ambapo malipo ya mrabaha na ada ya ukaguzi yaliyopokelewa yalikuwa Shilingi 507,509,200.

Wageni Waalikwa, Mabibi na Mabwana,

Mtakumbuka kuwa katika uzalishaji huo wa kilo 32.872 uliopatikana tarehe 17/06/2020 kulikuwa na vipande viwili vya tanzanite vilivyokuwa na uzito mkubwa ambao haukuwahi kupatikana katika historia ya uchimbaji wa tanzanite Mirelani. Na Serikali iliyanunua mawe hayo mawili katika hafla iliyofanyika hapa

Mirelani tarehe 24 Juni 2020 na kuyahifadhi kwa kumbukumbu ya Taifa la Tanzania na kama kivutio cha utalii wa nje na ndani kwa kuzingatia kuwa tanzanite inapatikana nchini Tanzania pekee.

>>Soma Zaidi>>

Read more

Migodi Lazima Itekeleze Sheria ya “Local Content” – Biteko

Na. Issa Mtuwa – WM – Geita

Waziri wa Madini amesema yapo mambo mengi yanayozungumzwa na kukubaliana kati ya Serikali na Mgodi wa Dhahabu wa Geita (GGML) hususani ulipaji wa Kodi na utekelezaji wa miradi ya maendeleo ya jamii (CSR) lakini bado baadhi hakubaliani nayo hususani suala la utekelezaji wa masuala ya utoaaji huduma za Kibiashara (Local Content) kwani nafasi hiyo ndio inayowapa wazawa kushiriki shuguli za uchumi kupitia sekta ya Madini.

Waziri wa Madini Doto Biteko akiwaonesha Waandishi wa Habari baadhi ya mambo yaliyowasilishwa kwake na Makamu wa Rais wa Mgodi wa GGM Simon Shayo.

Hayo yamesemwa jana mkoani Geita na Waziri wa Madini Doto Biteko alipotembelea mgodi mkubwa wa Dhahabu wa Geita (GGML) kukagua shuguli zinazofanywa mgodini hapo.

Amesema, fursa za watu kushiriki katika utoaji huduma za kibiashara mgodini, ni muhimu kuwapa fursa wazawa ili kuinuwa uchumi wao na taifa. Aliongeza kuwa kazi zinazoweza kufanyika mgodini lazima zifanywe na Watanzania na kwamba kitendo cha hoja ya GGML kutaka kutoa huduma za kufanya tathmini    za uingizaji umeme mgodini hapo, haweze kuidhinisha, vinginevyo Wizara ya Nishati iseme hakuna mtaalam hapa nchini wa kufanya kazi hiyo.

Biteko amezungumzia pia, kuhusu haki ya wananchi hasa kwenye migogoro ya fidia.  Ameongeza kuwa hayupo tayari kuona hata mtu mmoja anadhulumiwa haki yake inayopitia sekta ya madini.

“Manyanyaso ya wanyonge yanayotokana na sekta ya madini, yananiumiza sana, inaniuma kwa sababu, hata alienipa mamlaka haya, aliniambie nije kutatua kero za wananchi kwenye sekta ya madini” alisema Biteko.

Amebainisha kuwa, kijiji cha Magema wananyanyasika kuhusu mahali wanapoishi, huku mgodi ukihitaji eneo hilo. Toka walipoomba walipwe fidia mpaka leo jambo hilo halijatekelezwa.

Kwa upande wake, Mkuu wa mkoa wa Geita Mhandisi Robert Gabriel, amesema ameteuwa Kamati ya wataalam mbalimbali kufuatilia na kuweka mpango mkakati utakao wahusisha wananchi katika kuto huduma za kibiashara mgoni hapo kutoka asilimia 31 hadi asimilia 80, huku akiwa tayari kwenda Magema kufanya tathmini ya uhakiki nani mwenye haki na nani asie na haki ili utekelezaji wa fidia ufanyike.

Makamu wa Rais wa Mgodi wa GGML Simon Shayo amesema mgodi wao upo siku zote kushirikiana na kutekeleza maelekezo ya serikali. Kuhusu utekelezaji wa maagizo ya serikali kuhusu suala la umeme, Local Content na tathmini ya fidia yatazingatiwa.

Shayo ameongeza kuwa, kuhusu ajira na Local Content, mgodi huo unatekeleza vizuri sana huku jumla ya wafanyakazi zaidi ya 4000 wameajiriwa mgodini hapo huku upatikanaji wa huduma za kibiashara za Watanzania imefikia asilimia 31.

Read more

Waandishi wa Habari Wanne Wapata Ajali Ziarani Kagera

Na Issa Mtuwa – WM- Kagera

Waandishi wa Habari  Wanne Nazareth Ndekia wa TBC 1, Salma Mrisho wa Star TV, Emmanuel Ibrahim wa Clouds Tv na Victor Bariety wa Channel Ten wa kituo cha Geita wamepata ajali wakiwa kwenye Ziara ya Waziri wa Madini Doto Biteko Mkoani Kagera.

Waziri wa Madini Doto Biteko akimjulia hali Mwandishi wa habari wa TBC 1 Nazareth Ndekia aliekuwepo kwenye msafara wa ziara ya waziri huyo Mkoani Kagera.

Ajali hiyo imetokea mara baada ya Dereva kuwakwepa watoto na kuacha Barabara na Kuingia mtaroni. Mara baada ya kupata ajali hiyo walikimbizwa kwenye Kituo Cha Afya Mrusagamba.

Mganga Mfawidhi wa Kituo cha Afya cha Mrusagamba Benedicto Igulu alisema, majeruhi wote wanaendelea vizuri na wamepatiwa matibabu huku Nazareth Ndekia amepata maumivu kiasi ya Kichwa na Shingo na kwamba amepelekwa Kituo cha Afya Runzewe.  Salma Mrisho wa Star TV amepasuka kidevuni na kushonwa nyuzi mbili na anaendelea vizuri huku wengine wawili wamepatiwa matibabu ya kawaida na wote wameruhusiwa.

Mmoja wa Majeruhi Victor Bateiry alisema ajali hiyo ilitokana na uwepo wa watoto barabarani ambapo hawakuona msururu wa Magari ya msafara yaliyokuwepo na kwamba barabara ilikuwa na vumbi sana kiasi cha kuona gari za nyuma kuiona kirahisi.

Ziara hiyo  ilikuwa ni mwendelezo wa ziara yake katika mikoa ya Geita na Kagera.

Waandishi wengine waliokupo kwenye ziara hiyo ni pamoja na Basir Elius wa ITV, Mariam Shabani mwakilishi wa EATV na Azam TV na George Binagi wa BMG. Waandishi walikuwa kwenye magari mawili tofauti. Wananchi waliosaidia gari hiyo kuiondoa walisema eneo la kona hiyo kumekuwa na ajali kadhaa huku wakisema hata kwenye msafara wa mbio za mwenge siku za nyuma gari imewahi pata ajali kwenye kona hiyo.

Read more

Waziri Biteko azindua rasmi Kamati na ripoti za TEITI

Waziri wa Madini Doto Biteko amezindua Kamati Mpya ya Uhamasishaji, Uwazi na Uwajibikaji katika Rasilimali za Madini, Mafuta na Gesi Asilia (TEITI) kwa Kipindi cha 2019-2022 na ripoti mbili za TEITI kwa mwaka 2016/17 na 2017/18 ambapo kamati hiyo itakuwa na jukumu la kuhakikisha kuwa mapato ya Sekta ya Uziduaji yanayopaswa kuwasilishwa Serikalini yanahakikiwa na kutumika kwa manufaa ya wananchi wote.

Waziri wa Madini Doto Biteko akizungumza jambo katika uzinduzi wa ripoti ya TEITI uliyofanyika June 26, 2020 katika ukumbi wa Kimataifa wa Mwalimu Julius Nyerere Jijini Dar es salaam.

Uzinduzi huo umefanyika juni 26, 2020 katika ukumbi wa Kimataifa wa Mwalimu Nyerere jijini Dar es Salaam wenye lengo la kuweka taarifa wazi kwa ajili ya wananchi na wadau mbalimbali kutumia takwimu zinazopatikana katika ripoti hiyo ili kuboresha na kuongeza mchango wa Sekta ya Madini, Mafuta na Gesi Asilia katika pato la taifa.

Imeleezwa kuwa, Tanzania ilijiunga katika mpango wa kimataifa wa kuhamasisha Uwazi na Uwajibikaji katika Sekta ya Uchimbaji wa Rasilimali Madini mwaka 2009 lengo lake kuu ikiwa ni kuhakikisha kwamba mapato yanayotakiwa kulipwa Serikalini kutoka katika Sekta ya Uziduaji yanapatikana na yanawekwa wazi kwa wananchi.

Waziri Biteko amesema kuwa mantiki ya falsafa ya Uwazi na Uwajibikaji kwenye Sekta ya uziduaji inatokana na Ibara ya 8 (1) (c) na Ibara 27 (1) & (2) za Katiba ya Jamhuri ya Muungano wa Tanzania ya mwaka 1977 ambapo ibara hizi zinazungumzia Serikali kuwajibika kwa wananchi wake na kuwa rasilimali zote za nchi zitatunzwa na wananchi wote kwa manufaa ya wote.

“Napenda kuwahakikishia kuwa Serikali ya Awamu ya Tano chini ya Uongozi wa Rais Dkt. John Pombe Joseph Magufuli ina dhamira ya dhati kabisa kuona kwamba Sekta ya Uziduaji inawanufaisha watanzania wote kwa kuhakikisha kwamba Serikali inapata mapato yake stahiki na wananchi wanashiriki kikamilifu katika usimamizi wa rasilimali hizo,” alisema Waziri Biteko.

Katibu Mkuu wa Wizara ya Madini Prof. Simon Msanjila akizungumza jambo katika uzinduzi wa ripoti ya TEITI uliyofanyika June 26, 2020 katika ukumbi wa Kimataifa wa Mwalimu Julius Nyerere Jijini Dar es salaam.
 

Wakati huo huo Waziri Biteko ameitaka kamati hiyo kuwa wasimamizi wa kuhakikisha Serikali inaboresha Uwazi na Uwajibikaji katika usimamizi wa Sekta ya uziduaji hususan kwenye utoaji wa Leseni na Mikataba, usimamizi na  uendeshaji wa Kampuni, ukusanyaji wa Mapato na  mgawanyo wa mapato na matumizi.

“Naomba  mtambue kuwa mmepewa mamlaka makubwa na Imani kubwa sana ya kulinda maslahi ya nchi kwa kusimamia Sheria ya Uwazi na Uwajibikaji katika Rasilimali za Madini, Mafuta na Gesi Asilia Tanzania ni Imani yangu kuwa mna nafasi kubwa ya kusaidia Serikali katika agenda yake ya kuboresha Sekta hii muhimu kwa kuainisha njia za kuboresha usimamizi wa Sekta, kuvutia wawekezaji, kuongeza pato la Serikali na kujenga imani kwa wadau wa sekta hii,” alisema Waziri Biteko.

Waziri Biteko aliongeza kuwa, Serikali na wananchi wana matarajio makubwa kuwa kamati itahakikisha kunakuwa na Uwazi na Uwajibikaji katika usimamizi wa rasilimali za nchi, lengo ni kuzuia  udanganyifu na ukwepaji wa ulipaji wa kodi kulingana na sheria za nchi yetu ili hatimaye vizazi vijavyo vinufaike na utajiri wa Rasilimali za Madini, Mafuta na Gesi Asilia vilivyopo nchini,

Aidha, Waziri Biteko, ameitaka kamati hiyo mpya iibadilishe TEITI ambayo haijulikani kwa wananchi walio wengi na kuwa TEITI ambayo inajulikana na kila Mtanzania.

Pia, Waziri Biteko amezitaka Kampuni zilizoshindwa kutoa ushirikiano kwa kamati hiyo zichukuliwe hatua kwani kamati hiyo ipo kwa mujibu wa sheria na kampuni zote za madini, mafuta na gesi zinatakiwa kutoa taarifa zake kwa kamati hiyo.

Read more

Nyongo-Migogoro ya Wachimbaji Hutatuliwa Kisheria

Na Issa Mtuwa – Chamwino Dodoma

Imeelezwa kuwa, utatuzi wa migogoro ya wachimbaji wadogo wa madini hutatuliwa kwa kufuata Sheria na taratibu zinazosimamia sekta ya Madini.  Utatuzi huo hufanywa pasipo ubaguzi wa hali au namna yeyote ya wahusika wanaohusishwa katika mgogoro huo.

Naibu Waziri wa Madini Stanslaus Nyongo na timu yake wakiwa kwenye maeneo ya Kwahemu akikagua maeneo yanayochimbwa madini kabla ya kuanza kusikiliza mgogoro uliopo.

Hayo yamebainishwa tarehe Juni 17, 2020 na Naibu Waziri wa Madini Stanslaus Nyongo, alipokuwa Wilaya ya Chamwino Tarafa ya Itiso Kijiji cha Kwahemu alipotembelea kwa ajili ya kutatua mgogoro baina ya wachimbaji wadogo na Mwekezaji wa Kampuni ya Ruvu Gamstone.

Mgogoro huo umejitokeza kufuatia wachimbaji wadogo wa Kijiji cha Kwahemu wakiomba Serikali imnyang’anye mwekezaji wa Ruvu Games Stone moja ya sehemu ya leseni zake ili wapewa Umoja wa vikundi vya wachimbaji wadogo Kwahemu huku wakidai moja ya leseni wanayoitaka kutoka kwa Ruvu Gamstone inamilikiwa kihalali. 

Akiwa kwenye nyakati tofauti na wachimbaji wadogo na wananchi, Nyongo aliwaeleza kuwa utatuzi wa migogoro hutatuliwa kwa kuzingatia Sheria na sio kwa ubaguzi. “Nimesikia kuwa moja ya malalamiko yenu wachimbaji kuwa Mwekezaji mnae msema sio mtanzania, niwaambie ukweli huyu ni Mtanzania na ndio aina ya leseni aliyopewa humilikiwa na Watanzania kwa mujibu wa Sheria” alisema Nyongo.

Aliongeza kuwa Kampuni ya Ruvu Gamstone leseni zake alizipata kwa uhalali na anazilipia tozo kwa mujibu wa sheria hivyo, serikali haiwezi kumnyang’anya, bali kutokana na mahitaji yenu serikali itazangumza na Mwekezaji ili kuona namna ya kupewa sehemu ya kuchimba kukidhi mahitaji yenu jambo ambalo Mwekezaji hajakataa kutoa bali kuweka utaratibu vizuri.

Kwa upande wa Mwenyekiti wa Umoja wa Vikundi 14 vya Wachimbaji wadogo wa Kijiji cha Kwahemu Hussein Ally Kimolo,  wachimbaji hao waliomba kupatiwa moja ya leseni yenye uzalishaji (productive) ili waweze kuchimba huku wakidai sehemu walizopewa kuchimba hazina uzalishaji huku wakidai kuwa Mwekezaji huyo sio mzawa na pia eneo wanalolitaka haliendelezwi.

Naibu Waziri wa Madini Stanslaus Nyongo mwenye Koti akimsikiliza Makamu Mwenyekiti wa Umoja wa vikundi 14 Kwahemu Daudi Elia akitoa maelezo ya uchimbaji kwenye eneo la machimbo wilayani Chamwino mkoani Dodoma.

Akipitia mapendekezo ya utatuzi wa mgogoro huo chini ya mwenyekiti wa kamati hiyo Remidius Emmanuel Afisa Tarafa kwa niaba ya Mkuu wa wilaya, Nyongo na wajumbe waliokuwepo kwenye kamati hiyo walikubaliana kuwa mapendekezo yaaliyotolewa kwenye kamati hiyo hayakuwa makubaliano ya kamati. Mapendekezo yalikuwa binafsi na kulikuwa na mvutano baina ya wajumbe wa kamati.

Kwa upande wa Kampuni ya Ruvu Gamstone, Mkurugenzi Dimitri Mantheakis alisema, kwanza anamiliki leseni hizo kwa uhalali na kwa mujibu wa Sheria. Ameongeza kuwa suala la kutoa eneo kwa ajili ya wachimbaji haoni shida bali kuwe na utaratibu. Alisisitiza kwamba, kutoa leseni na kuwapa, wenda wakaiuza kwa Mwekezaji mwingine kama walivyo wahi uza leseni kwa Mwekazi mwingine kwa asilimia 65 japo haikuwa leseni yake. 

Ameongeza kuwa hata sehemu wanayochimba ametoa yeye, na kwamba hata wakiamua yupo teyari kutoa zana za uchimbaji za kisasa, kutoa chakula ili mradi madini hayo auziwe yeye mwenye leseni kwa mujibu wa sheria kwa bei halali ya serikali.   

Kufuatia mjadala huo, makundi yote kwa pamoja yalikubaliana chini ya Umwenyekiti wa Mkuu wa Wilaya kukutana Alhamisi ijayo  pamoja na Afisa Madini Mkoa wa Dodoma, uongozi wa wa Wachimbaji Madini, Wanavikundi na Kampuni ya Ruvu GamStone kumalizia makubaliano ya pamoja ya utatuzi huo na taarifa kuwasilisha ripoti kwa Naibu Waziri siku ya Ijumaa.

Read more

Hotuba ya Mhe. Dkt. John Pombe Magufuli, Rais wa JMT akihutubia Bunge la kumi na moja tarehe 16/6/2020

Mheshimiwa Spika;

Awali ya yote, napenda nimshukuru Mwenyezi Mungu, mwingi wa rehema, aliyetujalia uhai na kutuwezesha kuiona siku ya leo. Kama, Mheshimiwa Spika unavyofahamu, wapo wenzetu ambao tulikuwa nao wakati wa kuzindua Bunge hili, lakini leo hatuko nao. Wametangulia mbele za haki. Hivyo basi, kwa heshima yao naomba tusimame kwa dakika moja kuwakumbuka. Mwenyezi Mungu azipumzishe roho zao mahali pema peponi. Amina.

Mheshimiwa Spika, kabla sijaendelea zaidi, naomba kutambua uwepo wa viongozi mbalimbali kwenye Ukumbi huu. Nimefurahi kuwaona Waheshimiwa Marais wetu Wastaafu wote wapo hapa, pamoja na Makamu wa Rais Wastaafu na pia Mawaziri Wakuu wastaafu, akiwemo Mheshimiwa Lowasa na Mheshimiwa Sumaye. Hii ndiyo Tanzania.

Kwa namna ya pekee, napenda nikushukuru wewe, Mheshimiwa Spika, Job Ndugai, Mbunge wa Kongwa, kwa kunipa kibali cha kuja kulihutubia Bunge hili. Aidha, nawashukuru Naibu Spika, Mheshimiwa Tulia Ackson, pamoja na Wenyeviti wa Bunge, Mheshimiwa Andrew Chenge na Mheshimiwa Najma Giga, kwa ushirikiano wenu. Ahsanteni sana. Hiki ni kielelezo cha uhusiano mzuri uliokuwepo kati ya mihimili yetu mitatu katika kipindi chote cha miaka mitano iliyopita. 

Nitumie fursa hii pia kueleza kuwa, tangu nimeingia ndani ya Bunge hili leo nimeshuhudia mabadiliko mengi makubwa, tofauti na ilivyokuwa wakati mimi nikiwa Mbunge.  Hivi sasa nimeona hata Waheshimiwa Wabunge wanatumia vifaa vya kisasa kama vile tablets. Enzi zetu, vifaa hivyo, havikuwepo. Hivyo basi, nakupongeza sana Mheshimiwa Spika kwa ubunifu huu; na nawapongeza pia Waheshimiwa Wabunge kwa kuweza kuvitumia vifaa hivi; na hivyo kulifanya Bunge lenu kuwa la kisasa namna hii.

>>Soma Zaidi>>

Read more

Naibu Waziri Nyongo awataka viongozi wa vijiji kushiriki kutoa elimu ya uwekezaji katika sekta ya madini kupunguza migogoro

Mkurugenzi wa Kampuni ya Busolwa Mining LTD Baraka Ezekiel akielezea jambo kwa ujumbe ulioambatana na Naibu Waziri Nyongo wakati wa ziara ya kukagua kusikiliza na kutatua changamoto za mwekezaji huyo.
 

Naibu Waziri wa Madini, Stanslaus Nyongo ameutaka uongozi wa kijiji cha Buhunda maarufu kama Lushokela kilichocho wilayani Misungwi Mkoani Mwanza kutoa elimu ya uwekezaji kwa wananchi wake ili kuwa na uelewa juu ya masuala ya uwekezaji katika sekta ya madini.

Naibu Waziri Nyongo alitoa maelekezo hayo tarehe 12 Aprili, 2020 alipotembelea mradi mpya wa uchimbaji wa madini unaomilikiwa na kampuni ya Busolwa Mining LTD uliopo katika Wilaya ya Misungwi Mkoani Mwanza baada ya kuelezwa ugumu wa mwananchi katika kupisha mradi kwa mwekezaji huyo na kudai naye anataka kuchimba katika eneo hilo.

“Hapa ni suala la uelewa tu, elimu ya uwekezaji katika sekta ya madini inatakiwa kwa wananchi, na watoaji wa elimu wa kwanza ni ninyi viongozi wa Serikali za vijiji na mitaa”.

“Mchimbaji  akiomba na kupewa leseni mmiliki wa ardhi anapaswa kulipwa fidia na kupisha eneo hilo ili kupisha shughuli za uchimbaji” Nyongo alisisitiza.

Kufuatia changamoto ya utoaji wa mizigo bandarini, Naibu Waziri Nyongo ameahidi kufanya mazungumzo na uongozi wa  Shirika la Taifa la Usafirishaji (TASAC) kuhakikisha inaharakisha taratibu za  utoaji wa mizigo bandarini ili vifaa hivyo vitolewe kwa wakati kwa ajili ya utekelezaji wa miradi mikubwa ya maendeleo na kuwafanya wawekezaji kukamilisha miradi yao kama walivyokusudia.

Kutokana na changamoto ya ugonjwa wa Corona unaoikabili Dunia, uliopelekea  baadhi ya vifaa vinavyohitajika kwa ajili ya ukamilishaji wa ufungaji wa mitambo mgodini hapo kutokupatikana kwa wakati, Naibu Waziri Nyongo alisema changamoto hiyo inaelekea ukingoni kwani nchi ya China ambako ndiko vilikoagizwa vifaa hivyo tayari viwanda mbalimbali vimefunguliwa na vinazalisha hivyo watarajie ukomo wa changamoto hiyo ndani ya muda mfupi.

Kwa upande wake Mkurugenzi na mwekezaji wa migodi ya Busolwa Mining, Baraka Ezekiel amesema wameshakusanya mchanga wa dhahabu utakaoweza kuchenjuliwa katika mgodi wao mpya wa Misungwi kwa muda wa mwaka mmoja na kubainisha kuwa  kwa sasa wanasubiri kukamilika kwa ujenzi wa mradi huo uliokwamishwa kwa kiasi kikubwa na mlipuko wa janga la corona duniani.

Naibu Waziri wa Madini, Stanslaus Nyongo akiwa ameambatana na Mkuu wa Wilaya ya Misungwi Juma Sweda (shati ya draft) nyuma yao ni Afisa Madini Mkazi wa Mkoa wa Mwanza Mhandisi Fredy Mahobe na wajumbe wengine wakitoka kukagua jengo lililoandaliwa kwa ajili ya kufungua soko la madini la Wilaya hiyo.

Akifafanua suala hilo Baraka amesema, baadhi ya vipuli vya kukamilisha ufungaji wa mitambo katika mgodi huo ulisimama kutokana na uzalishaji wa vipuli hivyo nchini china kusimama lakini pia wataalamu waliokuwa wakisaidia ufungaji wa mitambo hiyo hawakuweza kurudi mara baada ya kusherehekea sikukuu za mwaka mpya wa Kichina kutokana na mlipuko wa ugonjwa wa corona  uliopelekea mipaka nchini humo kufugwa.

Pamoja na hayo ameeleza changamoto nyingine kuwa ni pamoja na ucheleweshwaji wa kutoa mizigo bandarini, umeme mdogo kwa ajili ya kuendeshea mitambo yao, na mgogoro wa eneo baina yake na mwananchi anayedai kutaka kuchimba madini katika eneo la leseni hiyo.

Akizungumzia suala la ajira, Baraka alisema mgodi huo unatarajia kuajiri watumishi wa kudumu wapatao 88 miongoni mwao 7 watatoka nje ya nchi kwa ajili ya kusaidia kuelekeza wazawa namna ya kuendesha mitambo hiyo na pia itatoa Ajira zisizo rasmi kwa watu 200 hivyo  kufungua fursa za ajira kwa watanzania.

Kwa upande wake, Mkuu wa Wilaya ya Misungwi Juma Sweda ameiomba Serikali kufungua soko la madini wilayani humo na kubainisha kuwa tayari ofisi yake kwa kushirikiana na Ofisi ya madini wamekwisha andaa jengo kwa ajili ya soko hilo na kubainisha kuwa kinachokosekana ni mashine za kupimia purity ya madini ya dhahabu sokoni hapo.

Sweda alisema kufunguliwa kwa soko hilo kutaisaidia  Serikali katika suala zima la ukusanyaji wa mapato lakini pia kuwapa fursa wachimbaji wadogo waliopo katika eneo hilo kuuza Madini yao sokoni hapo kuliko kusafiri mpaka Mwanza jambo ambalo linahatarisha usalama wao.

 Akijibu hoja hiyo ya Mkuu wa  Wilaya Sweda, Naibu Waziri Nyongo alimwagiza Afisa Madini Mkazi wa Mkoa wa Mwanza kuhakikisha soko hilo linawezeshwa mapema na kufunguliwa ili kuwezesha biashara ya Madini wilayani hapo kufanyika sokoni hapo.

Read more

Wawekezaji watakiwa kujitokeza uwekezaji wa jasi Itigi

Na Greyson Mwase, Singida

Wawekezaji wa Madini wametakiwa kujitokeza katika uwekezaji kwenye shughuli za uchimbaji wa madini ya jasi katika eneo la Itigi Wilayani Manyoni Mkoani  Singida kwa kuwa madini hayo ya ubora wa kipekee hususan katika utengenezaji wa saruji.

Wito huo ulitolewa na Mwenyekiti wa Halmashauri ya Itigi, Ally Minja alipokuwa akizungumza  kwenye ziara ya Kitengo cha Habari na Mawasiliano cha Tume ya Madini  na waandishi wa madini katika mkoa huo yenye lengo la kuangazia mafanikio ya Sekta ya Madini katika mkoa wa Singida.

Alisema katika eneo la Itigi kuna jasi  yenye ubora na ya kutosha isipokuwa kumekuwepo na maeneo mengi ambayo hayajaombewa leseni za madini hayo.

Aliongeza kuwa, mkoa wa Singida una miundombinu ya kutosha kwa ajili ya uendeshaji wa shughuli za uchimbaji wa madini ya jasi na kusafirisha mikoani na katika nchi za jirani ya Tanzania.

Katika hatua nyingine, Minja aliwataka wananchi wanaoishi katika vijiji vyenye maeneo ya mchanga kuomba leseni kwa ajili ya kuchimba madini hayo, kuchimba na kujipatia kipato huku wakilipa kodi mbalimbali Serikalini.

Akielezea hali ya uwekezaji katika halmashauri ya Itigi, Minja alisema kuwa kwa sasa kumeanzishwa viwanda kwa ajili ya kutengeneza chaki na urembo na kuongeza kuwa malighafi nyingine zimekuwa zikipelekwa katika mkoa wa Simiyu kwa ajili ya kutumika kwenye viwanda.

Wakati huohuo Mkuu wa Wilaya ya Manyoni, Rahabu Mwagisa akielezea manufaa ya  Sekta ya Madini  wilayani humo alisema kuwa ni pamoja na uwepo wa ajira kwenye shughuli za uchimbaji wa madini ya dhahabu na jasi,  uwepo wa viwanda vya kutengeneza chaki na Serikali kupata kodi mbalimbali.

Katika hatua nyingine aliongeza kuwa, Serikali ya wilaya inatarajia kuanzisha vituo vya ununuzi wa madini ya dhahabu ili kusogeza huduma karibu na wachimbaji wa madini kabla ya madini hayo kuuzwa kwa wafanyabiashara wakubwa wa madini.

Read more

Wachimbaji wadogo wa madini Manyoni waomba kupatiwa umeme

Na Greyson Mwase, Manyoni

Wachimbaji wadogo wa madini ya dhahabu katika eneo la Londoni Wilayani Manyoni mkoani Singida wameiomba Serikali kupitia Wizara ya Nishati kuwapatia umeme ili waweze kuzalisha zaidi madini hivyo kulipa kodi zaidi serikalini.

Wakizungumza katika nyakati tofauti tarehe 18 Aprili, 2020 kwenye ziara ya waandishi wa habari kwenye machimbo hayo yenye lengo la kuangazia mafanikio ya Sekta ya Madini katika mkoa wa Singida walisema kuwa wamekuwa wakitumia dizeli katika kuendesha mitambo ya kuchimba madini hali inayowalazimu kutumia gharama kubwa na kuongeza kuwa iwapo wangetumia umeme wangeweza kuzalisha zaidi na kulipa kodi zaidi Serikalini.

Akizungumza kwa niaba ya wachimbaji wadogo wa madini wengine, mmiliki wa mgodi wa Paulo Msalaba na Washirika, Martin Thomas alisema kuwa, mbali na maombi ya umeme, wanaomba kuwezeshwa kupata vifaa vya kisasa vya uchimbaji wa madini  ili waweze kuzalisha zaidi.

“Katika mgodi huu nina wafanyakazi 100 lakini mara baada ya kupata umeme wa uhakika, nitakuwa nina uwezo wa kuajiri wafanyakazi hadi 300 na kulipa kodi zaidi Serikalini,” alisema Thomas.

Katika hatua nyingine akielezea hali ya wachimbaji wadogo wa madini ya dhahabu kwa sasa tofauti na awali, Thomas alimpongeza Rais wa Jamhuri ya Muungano wa Tanzania, Dkt. John Magufuli na Waziri wa Madini, Doto Biteko kwa kuwawezesha wachimbaji wadogo wa madini nchini kwa kuwapatia maeneo ambapo kwa sasa uchimbaji wao umekuwa ni rasmi.

Aliendelea kusema kuwa wameshuhudia wachimbaji wadogo wengi nchini wakihamasishwa kuunda vikundi na kupewa leseni za madini, kuchimba na kuuza madini yao kupitia masoko ya madini yaliyoanzishwa nchini katika mikoa yote.

Akielezea manufaa ya masoko ya madini yaliyoanzishwa nchini Thomas alieleza manufaa hayo kuwa ni pamoja na madini yao kupata soko la uhakika, kuuza madini kulingana na bei elekezi zinazotolewa na Serikali, pamoja na usalama wa biashara yao.

Wakati huo huo Afisa Madini Mkazi wa Mkoa wa Singida, Mjiolojia Chone Malembo alifafanua kuwa maeneo yenye mahitaji ya umeme kwenye machimbo ya madini yalishaainishwa na kuwasilishwa Wizara ya Nishati kwa ajili ya kupatiwa umeme wa uhakika.

Katika hatua nyingine, Malembo aliwataka wachimbaji wadogo wa madini kuwa na subira, wakati wakisubiri kuunganishiwa huduma ya umeme na uchimbaji wao kuwa na tija.

Aidha mbali na kuwataka wachimbaji hao kuchimba madini kwa kufuata sheria na kanuni za madini, Malembo aliwataka wachimbaji hao kutumia elimu na miongozo inayotolewa na wataalam kuhusu  namna ya kujikinga na maambukizi ya virusi vya corona, kujikinga.

Read more

Timu ya Wataalamu Yakamilisha Utekelezaji Maagizo ya Waziri

Na Issa Mtuwa – Njombe

Timu iliyoundwa na Waziri wa Madini Doto Biteko imekamilisha maagizo iliyopewa baada ya kuwasili Mkoani Njombe kwa Mzee Kisangani. Maagizo hayo ni pamoja na kuangalia changamoto za jumla zinazomkabili Mjasiriamali huyo katika utekelezaji wa majukumu yake ya Kijasiriamali.

Changamoto hizo ni pamoja na ukosefu wa upatikanaji wa Nishati ya Makaa ya Mawe ya kuyeyushia madini ya chuma, Mtaji wa kuendeshea kiwanda, ukosefu wa leseni za kuchimbia madini ya chuma, eneo la kiwanda cha kutengenezea zana za Kilimo na eneo la kuyeyushia Madini ya chuma, miundombinu mbalimbali.

Akizungumza jana, Aprili 13, 2020 mkoani Njombe, mara baada ya kukamilisha kazi hiyo, Mwenyekiti wa timu hiyo, Prof. Sylivester Mpanduji alisema, timu yake imekamilisha shuguli zote kwa mujibu wa hadidu za rejea walizopewa.

Ameongeza kuwa, timu yake imefurahishwa na shuguli za Mzee Kisangani. Alisema, licha ya kwamba Kisangani hajasoma hata darasa moja na hana Teknolojia ya kisasa lakini amebuni na kutengeneza umeme wa kuendeshea kiwanda chake, kutengeneza kinu cha kuyeyushia madini ya chuma na kuunda kiwanda cha kutengenezea zana zinazotumika mashambani kama vile, Fyekeo, Mapanga, Reki, Visu,Shoka.

Mmoja wa wataalam, kutoka Ofisi ya Rais Tawala za Mikoa na Serikali za Mitaa (TAMISEMI), anayeshugulikia masuala ya Uchumi na Miradi, Leo Mavuka alisema, ipo sababu ya Serikali kuwaongezea nguvu watu wenye ubunifu ili kuinua uwezo wao na kupanua maarifa waliyonayo ili ubunifu wao usaidie jamii inayo wazunguka kama anavyofanya Mzee Kisangani.

Akizungumzia historia yake, Mzee Kisangani alisema kazi ya Uhunzi alianza mwaka 1991 akiishi na marehemu kaka yake Vicent Mtitu ambae pia alikuwa Muhunzi. Mwaka 1996 alianza shuguli zake rasmi kwa kujitegemea kazi za Uhunzi. Tangu awali waliendelea kufanya kazi zao bila teknolojia ya kisasa. Walitengeneza zana mbalimbali kwa kutumia teknolojia ndogo kwa kutumia ubunifu.

Amesema, tangu afike Waziri wa Madini Doto Biteko Machi 13-16 mwaka huu mkoani Njombe, baadhi ya changamoto zimeanza kutatuliwa hususani upatikanaji wa Nishati ya Makaa ya Mawe, ujio wa Kamati ya kuangalia shuguli zake na upatikanaji wa leseni za uchimbaji wa madini ya chuma.  

Read more

Naona Kama Ndoto – Asema Mzee Kisangani

Issa Mtuwa – Njombe

Mjasiliamali mwenye umri wa miaka 60 asiejua Kusoma na Kuandika Rueben Mtitu maarufu kama Mzee Kisangani amesema, anaona kama ni ndoto kuona timu ya Wataalamu wa Wizara Nne kuja kwake kwa ajili ya kumsaidia, kwa lengo la kumsikiliza na kuweka mpango mkakati wa kumsaidia na kumuinua kutokana na udogo wa Kiwanda chake. Ubunifu wa kutengeneza kiwanda hicho kisicho na ubora wa Teknolojia ulipelekea Waziri wa Madini Doto Biteko kwenda kukitembelea na hatimae kuunda kamati hiyo.

Kauli hiyo, imesemwa na Mzee Kisangani leo Aprili 7, 2020 mkoani Njombe mara baada ya kamati kutembelea kiwanda chake na kujadiliana kuhusu changamoto zinazomkabili.

Kisangani amemshukuru Waziri wa Madini Doto Biteko kwa kutekeleza kila jambo aliloahidi kuhusu kiwanda chake ndo maana anashindwa kuamini macho yake. Biteko akiwa ziarani mkoani Njombe Machi 13-16, 2020 pamoja na mambo mengine alisema Wizara yake itamsaidia Mzee Kisangani kutokana na ubunifu wake na kwamba bidhaa zake zinatokana na Madini ya Chuma.

“Mpaka sasa alichosema Waziri Biteko kimetekelezwa tena kwa haraka. TANCOL wamesha niletea Mkaa wa Mawe, kikao na Wizara Nne walishakaa na matunda yake ni hii timu iliyofika na leseni kumi vimefanyika. Niseme nini zaidi ya kuishukuru serikali hii? Alisema Kisangani

Mwenyekiti wa Kamati hiyo Prof. Silvester Mpanduji amesema, kamati yake imekutana na Kisangani na kujadili mambo mbalimbali katika maeneo yanayohusiana na biashara yake. Tumefurahi kuona ubunifu na uthubutu alionao na kweli ipo sababu ya serikali kumsaidia na kutatua changamoto zake ili mradi wake wa kiwanda kipanuke na kuongeza uzalishaji.

Prof. Mpanduji amesema, yale yote waliyoyabaini kupitia mradi wa Kisangani na namna ya kuyatatua yatawasilishwa kwa Waziri wa Madini Doto Biteko kupitia ripoti itakayowasilishwa. Ameongeza kuwa yapo mambo mengi waliyoyapitia na kwamba kamati itatoa mapendekezo kwa serikali kuona namna ya kumsaidia ili kiwanda chake kipanuke na kuongeza uzalishaji.

Makamu Mwenyekiti wa kamati hiyo, Prof. Madundo Mtambo amesema shabaha ya serikali kuwainuwa watu wenye ubunifu ni jambo zuri na nivyema kuwasaidia watu wanyonge wenye ubunifu kama Kisangani.

 Akizungumzia uzalishaji wa bidhaa zake sokoni, Mzee Kisangani amesema, achilia mbali ukosefu wa mtaji, makaa ya mawe, umeme na upanuzi wa kiwanda chake, soko na kuuzia bidhaa ni kubwa na hajawahi kukaa na bidhaa zilizokwisha tengenezwa.

Akizungumza mbele ya kamati, Andrea Chaula alisema Serikali ikimsaidia Kisangani watanufaika nao kwa sababu hata kabla ya kumuwezesha Mzee Kisangani ametoa ajira ya watu zaidi ya 30 na kwamba Serikali ikimpa nguvu uwezekano wa kuajiri watu wengi ni mkubwa kwa sababu kutakuwa na kazi nyingi za kufanya.

Asnat Mtitu ambae pia ni mjane amesema, anazidi kuiomba serikali kumsaidia Mzee Kisangani kwani hata wao wanaofanyakazi kwake wanapata kipato wanacholipwa na kuendesha maisha yao hivyo serikali isirudi nyuma katika kumsaidia.

Akiwa na Kamati ya Kudumu ya Bunge ya Nishati na Madini, Biteko aliwaambia wajumbe wa kamati hiyo kuwa majuzi Gazeti moja liliandika kuhusu ongezeko la Mabilionea wapya kutoka Tanzania, hata hivyo alisema bado anataka kuona Mabilionea hao wakitokea kwenye sekta ya Madini. Hata hivyo wazo lake la kumsaidia Kisangani ili awe bilionea katika siku zijazo. 

Timu hiyo inaundwa na Wilfred Machumu (Tume ya Madini), Issa Mtuwa (Wizara ya Madini), Abbas Mruma (GST), Prof.  Silvester Mpanduji (SIDO), Prof. Madundo Mtambo Mkumbukwa (TIRDO), Dr. Yohana Mtoni (NDC),  Anorld Mapinduzi (NEMC), Leo Mavuka (TAMISEMI), na Dr. Hellen (Chuo Kikuu Mzumbe.

Read more

Wataalamu Kutoka Wizara Nne Yawasili kwa Mzee Kisangani

Na Issa Mtuwa – Ludewa

Timu ya Wataalamu Tisa kutoka Wizara Nne kwa ajili ya kwenda kumkwamua Mjasiriamali Rueben Mtitu maarufu Mzee Kisangani imewasili mkoani Njombe na kuripoti kwa Katibu Tawala wa Mkoa huo na baadae kuelekea wilayani Ludewa na kupokelewa na Mkuu wa Wilaya (DC) hiyo Andrea Tsere.

Ujumbe huo uliwasili mkoani Njombe juzi  Aprili 03, 2020 wakitokea maeneo mbalimbali ya mkoa wa Dodoma, Dar es Salaam na Mbeya. Mwenyekiti wa Kamati hiyo, Prof. Silvester Mpanduji ambae ni Mkurugenzi Mkuu wa SIDO alimueleza DC kuwa Kamati yake ikiwa kwenye eneo la Mradi wa Mzee Kisangani itaainisha masuala mbalimbali ya Kiuchumi, Kibiashara, Kimazingira na Kijamii, huku ikibainisha viashiria hatarishi vinavyoweza kutokea kwenye mradi huo na namna ya kutatua.

Aliongeza kuwa wataalamu hao wako katika maeneo ya fani mbalimbali zitakazo kidhi kumkwamua  Mzee Kisangani katika mradi wake kama serikali inavyokusudiwa. Kamati hiyo itaainisha masuala mbalimbali yanayohitaji katika kumsaidia Mzee Kisangani katika upanuzi wa mradi wake.

Kila mjumbe anajukumu la kufanya na mara baada ya kazi hiyo ripoti ya kazi hiyo itawasilishwa kwa Waziri wa Madini Doto Biteko kwa hatua zaidi. Kamati hiyo inatekeleza hadidu za rejea zilizotolewa na kikao cha mawaziri kilichokaliwa Machi 30, 2020 katika utekelezaji wa mpango kazi.

Uthubutu na ubunifu wa Mzee Kisangani umepelekea kumshawishi Waziri wa Madini Doto Biteko kuamsha hari ya kumsaidia Mzee Kisangani kutoka hali aliyonayo kibiashara na kufikia ndoto kubwa ya kuwa mfanyabiashara mkubwa huku akibainisha wizara yake kufanya kila linalowezekana kumwezesha kuwa mfanyabiashara mkubwa kupitia zana zake zinazotengenezwa na Madini ya Chuma.

Kwa upande wake, Mkuu wa Wilaya ya Ludewa Andrea Tsere, amemshukuru Waziri wa Madini Doto Biteko, kwa maamuzi ya kuundwa kwa timu hii huku akiwapongeza wataalamu hao kwa kuteuliwa kumsaidia Mzee Kisangani.

Ameongeza kuwa wilaya ya Ludewa ina Raslimali Madini za aina mbalimbali  yakiwemo Chuma na Makaa ya Mawe huku kilio chake kikiwa ukosefu wa leseni za wachimbaji wadogo huku maeneo makubwa ya uchimbaji yakiwa yanamilikiwa na Shirika la Maendeo ya Taifa (NDC) huku akiwasilisha kilio hicho kwa mmoja wa Wajumbe kutoka (NDC) Dkt. Yohana Mtoni.

Read more

Wizara Nne Zaunda Kamati Mzee Kisangani kuwa Bilionea

Issa Mtuwa – Dodoma

Timu ya wataalam 9 kutoka wizara ya Madini, Wiziri wa Nchi Ofisi ya Makamu wa Rais Muungano na Mazingira, wizara ya Viwanda na Biashara na Wiziri Ofisi ya Rais Tawala za Mikoa na Serikali za Mitaa (OR-TAMISEMI) imeundwa ili kumsaidia Mjasiliamali wa miaka 60 kutoka mkoani Njombe wilaya ya Ludewa, Reuben Mtitu maarufu Mzee Kisangani ili kutimiza ndoto yake ya kuwa bilionea baada ya kubuni  kiwanda kinachotengeneza zana zinazotokana na madini ya chuma.

Kamati hiyo imeundwa leo tarehe Machi 30, 2020 na Mawaziri Wanne wa wizara ya Madini Doto Biteko, Waziri wa Nchi Ofisi ya Makamu wa Rais Muungano na Mazingira Mussa Zungu, OR-TAMISEMI Mwita Waitara na Naibu waziri ya Viwanda na Biashara Mhandisi, Stella Manyanya, katika kikao kilichofanyika ukumbi wa mikutano wizara ya madini jijini Dodoma. Wengine waliohudhuria  ni kutoka Shirika la Maendeleo ya Taifa (NDC), Mazingira (NEMC) na Wataalam kutoka wizara ya Madini na Tume ya Madini.

Akifungua kikao hicho, Waziri Biteko amewaeleza wajumbe hao, kuwa lengo ni kujadili namna ya kumsaidia Mzee Kisangani kwenye kila hatua kutoka mahali alipo ili ikibidi awe bilionea.  Ameongeza kuwa, mzee Kisangani hajui kusoma wala kuandika lakini ameonyesha kitu ambacho kama Serikali inahitaji kumsaidia kwa kila hatua anayohitaji.

Biteko amesema, alipokuwa ziarani mkoani njombe kuanzia Machi 13-16, alitembelea kiwanda chake ambapo kwa namna kilivyo, lakini kinatengeneza zana mbalimbali za chuma kama vile, Mapanga, Fyekeo, Visu, Majembe huku akiwa amewaajiri watu 30, kutokana na uthubutu na juhudi alizonazo. Waziri Biteko akiwa ziarani katika eneo hilo aliahidi kukutana atakutana na Mawaziri wote wanao husiana na shughuli zake ili kujadili namna ya kumsaidia.

Kwa upande wake, Waziri wa Nchi Ofisi ya Makamu wa Rais Muungano na Mazingira Mussa Zungu, akichangia namna ya kumsaidia, amesema wizara yake kupitia (NEMC) itahitaji andiko (Bussines Plan) na kwamba wataalam wa eneo hilo watasimama ipasavyo kusaidia Mzee Kisangani kufikia ndoto yake. Wakati Zungu akihitaji andiko, Biteko amesema tayari Chuo Kikuu cha Mzumbe walishajitolea kumuandikia andiko la biashara (Business Plan) ya kiwanda chake. Naye Naibu Waziri wa OR-TAMISEMI Mwita Waitara, amesema kila mkoa ulipewa agizo la kuandaa maeneo ya uwekezaji hivyo Mkuu wa Mkoa mkoani humo atatoa eneo maalum kwa ajili ya upanuzi wa kiwanda cha Kisangani kwenye eneo lililotengwa.

Kwa upande wake, Naibu wa Viwanda na Biashara Mhandisi, Stella Manyanya amesema kumekuwa na changamoto nyingi za kuwasaidia watu wenye ubunifu hususani kutokana na vipengele vilivyowekwa kisheria suala ambalo huwakatisha tamaa. Amesema wizara yake kupitia NDC, SIDO na TIRDO kila taasisi itatoa mtaalam kwa ajili ya kumsaidia mjasiliamali huyu ili afikie malengo.

Mkurugenzi Mkuu wa NDC, Prof. Damian Gabagambi amesema mara baada ya kusoma taarifa za ziara ya waziri wa Madini kupitia vyombo vya habari alituma wataalam kwenda kiwandani hapo na kuona namna gani ya kumsaidia ili kuzalisha chuma na kuongeza uwezo wa uzalishaji.

Waziri Biteko ambaye alikuwa mwenyekiti wa kikao hicho, amesema kwakuwa tunataka kuona matokeo ya huyu Mzee kutokana na nguvu za serikali ndipo iliamriwa kuundwa kwa kamati ya wataalam wa aina mbalimbali ambao ni wizara/taasisi kwenye mabano, Wilfred Machumu (Tume ya Madini), Issa Mtuwa (Wizara ya Madini), Abbas Mruma (GST), Prof.  Silvester Mpanduji (SIDO), Prof. Madundo Mtambo Mkumbukwa (TIRDO), Dr. Yohana Mtoni (NDC),  Anorld Mapinduzi (NEMC), Leo Mavuka (TAMISEMI), na Dr. Hellen (Chuo Kikuu Mzumbe.

Read more

Biteko amesema imetosha kuhusu Mchuchuma na Liganga

Na Issa Mtuwa – Ludewa

Serikali kupitia Waziri wa Madini Doto Biteko amesema, serikali ipo katika hatua za mwisho za majadiliano kuhusu miradi ya mchuchuma na Liganga ili iweze kuanza. Ameongeza kuwa mradi wa mchuchuma na Liganga ni miradi ya miaka mingi lakini haina tija na ndio maana serikali ya awamu ya tano iliamua kufuatilia kuhusu mikataba ya miradi hiyo ili kuona kama ina tija kwa taifa wakiwemo watu wa Ludewa.

Akizungumza jana tarehe 15 Machi, 2020 wakati wa mkutano na wananchi wa kijiji cha Mundindi wilayani Ludewa,Waziri wa Madini Doto Biteko amesema, pamoja na kuchelewa kuanza kwa miradi ya Mchuchuma na Liganga, kuna manufa makubwa kwa wananchi na taifa kuliko miradi hiyo ingeanza kabla kufanyika kwa majadiliano yanayoendelea.

“Ndugu zangu niseme stori za Mchuchuma na Liganga imetosha. Nafahamu mnamahitaji makubwa kuona hii miradi ianze, hata mimi nikiwa mdogo nimeshasikia sana kuhusu miradi ya Mchuchuma na Liganga, serikali tunayo sabau ya kuangalia maslai yenu na taifa. naomba niwaambie, serikali yenu ipo kwa ajili yenu, naomba kuweni na  subira” alisema Biteko.

Biteko ameongeza kuwa serikali iligundua mambo mengi yasiyo na tija kuhusu mikataba ya miradi hii ndio maana tuliamua kufanya majadiliano ilikuona namna gani serikali itakavyonufaika. Mmekuwa wapole, watulivu na wasikivu ni jambo zuri sana, niwaombe endeleni kuwa wavumilivu  viongozi wenu wa mkoa na wilaya, mbunge na diwani wenu wamekuwa na kilio kama chenu ndio maana niliamua nije niweze kuzungumza na ninyi.

Biteko amesema, hakuna mwananchi yeyote atakae punjwa kuhusu fidia yake, serikali italisimamia suala hilo kwa uzito mkubwa.

“Nawaomba. kuweni na imani na serikali yenu, nitasimamia kama nilivyosimamia fidia za wananchi wa  Nyamongo wilayani Tarime dhidi ya Mgodi wa North Mara waliokuwa wanahitaji maeneo ya wananchi.

Ndugu zangu ninachotaka kila jamii inufaike na mali zilizopewa na mungu. Ludewa najua mnataka kunufaika na miradi ya Mchuchuma na Liganga kama ambavyo Geita wananufaika na Dhahabu, Shinyanga wananufaika na Almasi,  Songea wananufaika na Makaa ya Mawe, Arusha wananufaika na Tanzanite na Tanga wananufaika kuhusu vipepeo vya kila aina.” aliongeza Biteko.

Kwa upande wake, Mkuu wa Mkoa wa Njombe Christopher Ole Sendeka amemshukuru Waziri kwa kutimiza ahadi yake ya kuja Njombe kwa ajili ya ziara hii na kutembelea maeneo mbalimbali ya maeneo ya sekta ya madini na kuzungumza na wananchi hasa wa Ludewa ambao wanakilio kikubwa kutokana na kuchelewa kwa miradi ya Mchuchuma na Liganga.

Diwani wa Kata ya Mundindi, Wise Mgina, amemweleza Waziri kuwa watu wa Ludewa wanapenda kuona miradi hiyo ikianza kwa kuwa ni miradi ya muda mrefu na wananchi wake wanashindwa kuendeleza ardhi hiyo kutokana zuio hivyo wanaiomba serikali miradi hiyo ianze ili iwanufaishe wananchi wake.

Read more

Biteko – Nitasimama na Mzee Kisangani mpaka “asimame”

Na Issa Mtuwa – Ludewa

Waziri wa Madini Doto Biteko amesema kumekuwa na kasumba ya kuwathamini wageni kutoka nje ya nchi kuliko wazawa wenye ubunifu na uthubutu katika kazi zao, wakati wageni kutoka nje wanakuja na mtaji mdogo na mwisho wa siku huondoka na utajiri mkubwa.

Yamesemwa hayo leo tarehe 14 Machi, 2020 akiwa ziarani mkoani Njombe alipotembelea mradi wa kiwanda cha kuzalisha zana mbalimbali zinazotokana na madini ya chuma kinachomilikiwa na Reuben Mtitu maarufu Mzee Kisangani

Biteko alishangazwa na ubunifu na uthubutu wa Mzee Kisangani namna hatua aliyofikia huku akisema endapo mzee huyu angekuwa “mweupe” watu wangeenda na lugha mbalimbali na kuhangaika nae lakini kwa kuwa yeye ndio kama sisi, watu hasa wa serikali bado hawajamhangaikia.

Amesema kutokana na ubunifu aliouonyesha hakika atasimama nae mpaka “asimame”. Ameongeza kuwa ubunifu na uthubutu wake pamoja na kukosa mtaji na ukosefu wa mambo kadhaa ya kisheria wizara yake itamsaidia mzee huyo kuhakikisha kiwanda chake kinakuwa kikubwa hadi ya kuzalisha bidhaa na kuwauzia watu wa maduka makubwa ya jumla.

“Nimefurahi sana kufika hapa, ubunifu na uthubutu wa mzee Kisangani unanipa nguvu ya kumsaidia.. Huyu mzee angalieni alianza na kutengeneza umeme wa kiholela, katengeneza kiwanda kwa ubunifu, watu 30 wapo kwenye kiwanda hicho na mpaka sasa ameshaanza utengenezaji wa Visu zaidi ya 10,000, Mapanga, 5,000, Fyekeo zaidi 2,000 na Majembe kutokana na uwepo wa madini ya chuma sisi wizara ya madini tutamsaidia”  emesema Biteko.

Nitawaomba “NDC” watenge eneo kwa ajili ya wachimbaji wadogo. Wa madini ya Chuma, pia nitawaomba Wizara ya Viwanda na Biashara, Watu wa Mazingira  na Wizara ya Ardhi kuona ni namna gani tuweze kumsaidia huyu mzee hadi kufikia mahali hapa kuwe na kiwanda kikubwa.

Mzee Kisangani amemwambia Biteko kuwa uzalishaji wake wa bidhaa unatokana na baadhi ya changamoto mbalimbali hasa katika upatikanaji wa makaa ya mawe ya kuyeyusha chuma ili atengeneze bidhaa kwa kuwa makaa ya mawe anayoyatumia ni ya kuokota barabarani yanayodondoka kwenye magari yanayosafirisha makaa hayo kutoka Liganga.

Amesema bado kiwanda chake bado ni kidogo kutokana na teknolojia anayoitumia hivyo serikali imtazame na kumsaidia ili awe na kiwanda kikubwa na bora.

Ameongeza kuwa, hata umeme wa awali ni wa kubuni na kutokana na hali hiyo alipelekewa nguzo za umeme na REA ili apate umeme wa uhakika kwa ajili ya kazi zake japo bado umeme huo bado haujaletwa. Amesema, endapo changamoto zinazo mkabili angeweza kuwa na wafanyakazi wengi zadi ya hao 30 waliopo.

Kutokana na changamoto hizo, Biteko amesema ataongea na TANCOAL waweze kumsaidia mzee huyo kumshushi Lori mbili kwa mwezi Makaa ya Mawe ili aongeze uzalishaji.

Biteko amesema amemuagiza mzee huyo kupanua eneo la kiwanda hicho na kupaboresha. Alichokiona mahali hapo atamrejeshea ujumbe huo Waziri Mkuu alie mtaka Waziri kuja kumtembelea mzee huyo siku akifunga mkutano mkuu wa sekta ya madini siku ya tarehe 23 Februari, 2020.

Ameongeza kuwa, mbuyu huanza kama mchicha sio kushangaza badae mchicha huo ukawa mbuyu kama wanavyo simulia watu kuhusu chanzo cha utajiri wao.

Read more

Biteko aitaka kampuni ya Noble Helium kuharakisha mradi

Na Nuru Mwasampeta, Dodoma

Waziri wa Madini, Doto Biteko leo Machi 10, 2020 amekutana na Wawekezaji wa Kampuni ya Uchimbaji  Madini ya Helium  ya  Noble Helium na kuitaka  kuharakisha Utekelezaji wa mradi huo.

Biteko aliongeza kuwa hakuna serikali duniani isiyohitaji wawekezaji na hivyo basi kutokana na umuhimu na uhitaji wa wawekezaji nchini ni vema wawekezaji kwenda na kasi ya serikali husika ili kupelekea malengo yaliyowekwa na nchi kufikiwa ikiwa ni pamoja na kukuza uchumi wa nchi.

Wawekezaji hao walipata leseni ya utafiti wa madini hayo katikati ya mwaka jana (2019) na hivyo kuamua kufika katika Ofisi ya Waziri Biteko ili kueleza hatua waliyofikia katika utafiti wa madini hayo.

Akizungumzia uhakika wa uwepo wa madini hayo nchini, Justyn Wood mmoja wa wajumbe kutoka kampuni ya Noble Helium, amesema  kwa hatua za awali na kwa namna miamba ilivyokaa na jiolojia ya mahala wanapofanyia kazi wana uhakika mkubwa wa uwepo wa kiasi kikubwa cha madini hayo.

Wengine waliohudhuria kikao hicho ni pamoja   na Viongozi Waandamizi wa wizara pamoja na Katibu Mtendaji wa Tume ya Madini, Profesa Shukrani Manya na Mkurugenzi Mtendaji wa Taasisi ya Jiolojia na Utafiti wa Madini Tanzania (GST), Dkt. Daniel Budeba.

Read more

STAMICO kuanzisha mradi wa kusafisha dhahabu Mwanza

Ø Waziri Biteko  asema Shirika linakua

Imeelezwa kuwa, Shirika la Madini la Taifa (STAMICO) lipo katika hatua za awali za uanzishwaji wa Mradi wa Kusafisha Dhahabu (Gold Refinery) na tayari kampuni ya ubia ijulikanayo kama Mwanza Precious Metals Refinery Company Limited imeanzishwa.

Hayo  yamebainishwa leo Januari 21, 2020 na Kaimu Mtendaji Mkuu wa (STAMICO) Dkt. Venance  Mwase wakati  akiwasilisha kwa Kamati ya Kudumu ya Bunge ya Nishati na Madini Taarifa  kuhusu Utekelezaji na Hali ya Upatikanaji wa Fedha za Maendeleo ya shirika hilo kwa  Kipindi cha Nusu Mwaka, kwa Mwaka wa Fedha 2019/2020 kwa niaba ya Waziri wa Madini.

Dkt. Venance ameileza kamati hiyo kuwa,  mradi huo utaendeshwa kwa ubia ambapo STAMICO itakuwa  na hisa asilimia 25 na mwekezaji asilimia 75, huku ikilelezwa kwamba, mradi huo  utakaojengwa jijini Mwanza utahusisha kujenga mtambo wenye uwezo wa kusafisha wastani wa kilo 200 hadi 500 kwa siku.

Ameongeza kuwa, makadirio ya fedha zinazohitajika ni Dola la Marekani Milioni 58.204 ambazo zimepangwa kwa ajili ya ununuzi wa mtambo wa kusafishia dhahabu, gharama za awali za mradi, kununua dhahabu kutoka katika masoko pamoja na gharama zaza uendeshaji na kuongeza‘’ Mheshimiwa Mwenyekiti tumepanga uwe mtambo wa viwango vya kimataifa,’’.

Aidha, Dkt. Mwase amesema kwamba katika kipindi cha Julai hadi Desemba, 2019, tayari mradi umetekeleza majukumu kadhaa ikiwemo kupata leseni ya kujenga na kuendesha mtambo huo, kusainiwa mkataba wa ubia pamoja na kuanza taratibu za uanzishwaji wa kampuni ya ubia na kupata eneo la ujenzi wa mtambo chini EPZA.

Ameongeza majukumu mengine yaliyotekelezwa ni pamoja na kufanyika kwa Athari kwa Mazingira (EIA) kwenye eneo la mradi upembuzi yakinifu pamoja na kukusanya taarifa za upatikanaji wa dhahabu katika maeneo mbalimbali yanayokusudiwa.

Akizungumzia shughuli nyingine zinazoendeshwa na Shirika hilo amesema linaendelea kutoa huduma za Kibiashara za uchorongaji miamba wa biashara katika sekta ya mafuta na gesi ambapo katika Mwaka wa Fedha 2019/20  ambapo limefanikiwa kupata kandarasi 4 za uchorongaji kupitia zabuni mbalimbali  zenye thamani ya shilingi bilioni 2.2 .

Kuhusu Mgodi wa Stamigold ambao ni Kampuni Tanzu ya Shirika hilo ameieleza kamati hiyo kuwa, kuanzia Julai hadi |Desemba, 2019, mgodi huo umezalisha na kuuza wakia 7,133.00 za madini ya dhahabu na wakia 879.19 za madini ya fedha, vyote vikiwa na thamani ya shilingi 24,172,700,255.34.

‘’ Mhehimiwa Mwenyekiti, katika kipindi hicho, mgodi umelipa jumla ya shilingi 1,712,455, 550.91 kwa ajili ya malipo ya mrabaha, ada ya ukaguzi na kibali cha kusafirisha madini nje ya nchi,’’ ameeleza Dkt.  Venance.

Kuhusu mradi wa makaa ya mawe katika Mradi wa Kabulo na Kiwira, amesema jumla ya tani 4,359.10 ziliuzwa na kulipatia Shirika kiasi cha shilingi 17,558,184.76 na kuongeza kuwa, ‘’ shirika lilifanikiwa kulipa mrabaha, ada ya ukaguzi na tozo ya Halmashauri ya jumla ya shilingi 23,645,000.62

Aidha ameongeza kuwa Mgodi umeendelea kutoa ajira kwa Watanzania zaidi ya 400.

Kwa upande wake, Waziri wa Madini Doto Biteko wakati akitoa ufafanuzi wa hoja zilizoibuliwa na kamati, amewatoa Hofu Wajumbe wa kamati hiyo kuhusu Maendeleo ya Shirika la Madini la Taifa (STAMICO) ambapo ameeleza pamoja na changamoto zinazolikabili, linakua na linafanya vizuri.

Waziri Biteko ameiomba Kamati hiyo kuendelea kuilea na kuishauri STAMICO  kwa kuwa mwelekeo wake ni mzuri na kwamba hivi sasa lina uwezo wa kuzalisha hadi shilingi Bilioni 20 tofauti na ilivyokuwa awali na kuongeza kuwa, Watendaji na Bodi ya Shirika hilo mara zote wanafanyia kazi ushauri unaotolewa na Kamati pamoja na Wizara.

‘’Mheshimiwa Mwenyekiti, itakuwa bahati mbaya sana kulifuta shirika hili. Linakua, wanaendelea vizuri na Wana Bodi nzuri, watendaji wanasikiliza ushauri na kuufanyia kazi na mapungufu yanafanyiwa kazi, naomba muendelee kuilea na kuishauri STAMICO,’’amesisitiza Waziri Biteko.

Read more

Vyombo vya ulinzi vyatakiwa kuandaa mtandao wa usimamizi madini nchini

  • Waziri Biteko avipongeza kwa mchango wake kwenye  Mafanikio Ukusanyaji Maduhuli

Asteria Muhozya, Greyson Mwase na Tito Mselem, Dodoma

Vyombo vya Ulinzi na Usalama vimetakiwa kuandaa Mtandao wa Kusimamia Rasilimali Madini Nchini hususan kwenye udhibiti wa Utoroshaji rasilimali hizo kutokana na mchango wa vyombo hivyo katika ukuaji na Maendeleo ya Sekta ya Madini.

Aidha, vimetakiwa kuweka mazingira salama ya wawekezaji katika sekta husika ili kuhakikisha waliopo wanaendelea kufanya shughuli zao vizuri bila kubugudhiwa huku vikitakiwa kuhakikisha mazingira salama yatakayovutia wawekezaji  wapya katika Sekta ya Madini.

Hayo yamesemwa na Waziri wa Nchi, Ofisi ya Waziri Mkuu, Sera,  Uratibu , Bunge,  Kazi, Vijana, Ajira na Watu Wenye Ulemavu, Jenister Mhagama mapema leo   Januari 25, 2020 Jijini Dodoma, wakati akifungua Semina  kuhusu Ushiriki  wa Vyombo vya Ulinzi na Usalama katika Usimamizi na Udhibiti wa Rasilimali Madini.

Mhagama amesema  kuwa, mabadiliko makubwa ya Kisera, Sheria, na Taratibu yaliyofanyika katika Sekta ya Madini yamepelekea mabadiliko makubwa katika mageuzi ya Sekta ya Madini huku akimpongeza Rais wa Jamhuri ya Muungano wa Tanzania, Dkt. John Magufuli kwa kuwezesha na kusimamia mabadiliko hayo  na  kuipongeza Wizara ya Madini kwa  usimamizi dhabiti ambao umewezesha mafanikio yanayoonekana katika sekta ikiwemo uanzishwaji wa  masoko ya madini.

Vilevile, amewataka washiriki hao kuhakikisha wanatoka na maazimio kutoka katika semina hiyo, ambayo yataendelea kuivusha Sekta ya Madini katika kufikia Malengo ya Dira ya Maendeleo ya Taifa 2025 huku akiitaka Wizara ya Madini kuandaa semina kama hiyo kwa Vyombo vingine vya Ulinzi na Usalama na Taasisi nyingine za Umma ikiwemo Uhamiaji, taasisi zinazohusika na masuala ya ajira, Halmashauri za Wilaya na Majiji na wadau wengine muhimu katika sekta ya madini lengo likiwa ni kuifungamanisha sekta ya madini na sekta nyingine.

‘’ Kazi yetu ni moja tu, kuhakikisha tunafungamanisha sekta hii na sekta nyingine ili kuhakikisha sheria na taratibu zote zilizowekwa katika sekta hii zinasimamiwa na kutekelezwa kikamilifu,’’ amesema Waziri Mhagama.

Naye, Waziri wa Madini Doto Biteko akizungumza katika semina hiyo amesema kwamba,  Wizara iliona ipo haja ya hukakikisha wasimamizi wote wa Sekta ya Madini wanakutana  ili kuwa na uelewa unaofanana katika usimamizi wa sekta  ili kuboresha utendaji kazi na  kuongeza  manufaa zaidi kwa sekta husika.

Akielezea mafanikio yaliyopatikana mara baada ya kufanyika kwa marekebisho ya Sheria ya Madini ameeleza kuwa, ni pamoja na kuimarishwa kwa usimamizi kwenye Sekta ya Madini hali iliyopelekea kuvuka kwa lengo la makusanyo  kwa kipindi cha Nusu mwaka wa Mwaka wa Fedha 2019/20  ambapo Wizara  imekusanya kiasi cha shilingi bilioni  242 sawa na asilimia 103,   na kuongeza kuwa, yamechagizwa na ushirikiano kutoka kwa wadau mbalimbali wa madini vikiwemo vyombo vya ulinzi na usalama.

Pia, Waziri Biteko amesema kuwa, mapato na uzalishaji wa madini mbalimbali ikiwemo dhahabu, almasi na tanzanite yameongeza nchini tofauti na ilivyokuwa awali na kusema kuwa, thamani ya madini ya dhahabu kwenye soko la Geita imefikia thamani ya zaidi ya shilingi bilioni 238 kwa nusu mwaka tofauti na awali huku madini ya tanzanite yakiiwezesha serikali kukusanya mapato ya shilingi bilioni 2 baada ya kujengwa ukuta kuzunguka migodi ya tanzanite Mirerani kutoka makusanyo ya shilingi milioni 71 kabla ya kujengwa kwa ukuta.

Ameongeza kuwa, uzalishaji wa madini ya almasi katika Mgodi wa Mwadui Shinyanga umeongezeka kufikia karati Laki Nne ukiwa ni uzalishaji mkubwa tangu kuanzishwa kwa mgodi huo, na hivyo kuyafanya madini hayo kuwa ya pili katika uchangiaji wa makusanyo ya maduhuli ya Serikali yakiongozwa na madini ya dhahabu ambayo yanachangia kwa asilimia 86.

‘’Ndugu washiriki yapo mafanikio mengi yanayoonekana katika sekta hii, na yote yamechangiwa na championi wa mabadiliko hayo ambaye ni Rais Dkt. John Magufuli,’’ amesema Waziri Biteko.

Katika hatua nyingine, Waziri Biteko amevipongeza vyombo hivyo kutokana na mchango wao katika maendeleo ya Sekta ya Madini na kueleza kuwa, Wizara imejipanga kuhakikisha vyombo hivyo katika ngazi zote vinafikiwa  ili kupatiwa elimu  kuhusu sekta husika.

Kwa upande wake, Kamishna wa Polisi Utawala na Rasilimali Watu, Benedict Mwakulyamba akizungumza kwa niaba ya Mkuu wa Jeshi la Polisi Nchini, amemweleza Waziri Mhagama kuwa, vyombo hivyo ambavyo vinasimama kama daraja katika usimamizi wa rasilimali hivyo vitahakikisha vinasimamia rasilimali hiyo ili kukuza uchumi wa nchi na maendeleo ya taifa.

Huku akinukuu kauli ya Rais Dkt. John Magufuli kwamba ‘Tanzania si  maskini’ amesema itaungwa mkono na vyombo hivyo kwani inatoa dira  na mwelekeo wa usimamizi wa rasilimali madini katika kuhakikisha kwamba Tanzania inakuwa nchi inayojitegemea  kutokana na uwepo wa rasilimali madini.

Awali, akizungumza katika semina hiyo, Katibu Mkuu wa Wizara ya Madini Prof. Simon Msanjila amesema kuwa, semina hiyo imelenga katika kujadili na kutafakari masuala mbalimbali yanayohusu sekta hiyo ili kuboresha na kuongeza tija zaidi.

Semina hiyo ya Siku mbili inayofanyika Jijini Dodoma inavishirikisha vyombo mbalimbali vya Ulinzi na Usalama kutoka Mikoa yote nchini.

Read more

Tutatoa leseni ya madini kwa yeyote-Biteko

Na Issa Mtuwa – Dodoma

Waziri wa Madini Doto Biteko amesema utaratibu wa upatikanaji wa leseni za madini za aina mbalimbali hupatikana kwa mujibu wa sheria na taratibu. Amesema, sheria hizo hutumika kulinda leseni hizo ili ziwe hai. Kwa kuzingatia masherti yaliyomo kwenye leseni, atakayeshindwa kuzingatia masherti hayo sheria hutumika ikiwemo kutoa hati ya makosa (default notes) na hatimae kuzifuta.

Biteko ameyasema hayo leo tarehe 6/02/2020 wakati wa kikao chake na kampuni ya Peak Resources Ngwala (PRNG) ofisini kwake jijini Dodoma akizungumzia masuala ya utoaji wa leseni za uchimbaji madini. PRNG walikuwa wakifuatilia upatikanaji wa leseni ya uchimbaji madini ambapo Biteko amesema suala lao linashugulikiwa na taratibu zikikamilika watapatiwa.

Amesema wakati wa sasa suala la leseni siyo kificho na halihitaji kumuona mtu ili upate leseni, kubwa ni kufuata utaratibu uliowekwa na kuzingatia sheria. Ameongeza kuwa leseni ya PRNG ikikamilika itatolewa.

Mkurugenzi wa PRNG Luca Stanfield amemshukuru waziri kwa mazungumzo yake huku wakisema wanachosubiri kupata leseni ili waanze kazi na watafwata sheria.

Biteko amesema leseni zinatolewa kwa kila mtu iwe wa ndani au nje ya nchi anapaswa kuzingatia sheria na taratibu. “Kwenye utoaji wa leseni kuna sheria za kuzingatia ikiwemo ulipaji tozo za kodi za serikali ambazo muombaji anapaswa kuzifahamu na kulipa” amesema Biteko.

Read more

Mafanikio ya Utekelezaji wa Bajeti ya Mwaka 2019/2020

Wizara ya Madini tarehe 23 na 24 Machi, 2020, ilikutana na Kamati ya Kudumu ya Bunge ya Nishati na Madini Jijini Dodoma ambapo iliwasilisha Taarifa ya Utekelezaji wa  Majukumu na Bajeti ya Wizara na Taasisi zake kwa Mwaka wa Fedha 2019/2020 .

Proposition that Ftce Practice Test every planet, at every moment, has an acceleration towards the sun which varies inversely as the square of the distance from. Victorious the quarrel which led to canossa began over the archbishopric of Online Sale milan in 1075 hand-sanitizer-gel the emperor, with the concurrence of the. Exam Guide Citizens, and have no part in political life, but are otherwise unmolested some holy men eschew meat and matrimony they are thought holy, but. Otherwise his achievements seem scarcely credible descartes was a philosopher, a mathematician, and a man of science in philosophy and. Demonstration nor even the knowledge obtained by faith in this life, we cannot see god in his essence, or have ultimate happiness but. Labour or suppose you are employed by a railway company in the transport of goods, who can decide what share you shall be deemed to have in. Seven churches of asia what, then, could be more appropriate than that there should be seven heavenly bodies but if we have to add jupiter s. Took no interest in his political doctrines berkeley was a bishop not much interested in politics hume was a tory who followed the lead of. Leibniz did not really mean that the above was a definition of existence if it was merely a criterion, it can be Course reconciled with his popular. Of law had established its hold on men s imaginations, making such things as magic and sorcery incredible in 1700 the mental outlook of. He died in 1197, when frederick was three years old constance thereupon turned against the germans, and tried to govern without them by the. Otherwise his achievements seem scarcely credible descartes was a philosopher, a mathematician, and a man of science in philosophy and. Was the knowledge of greek philosophy in the twelfth century, learned men were aware that much of it remained to be discovered by the west. Philosophy lab practice the renaissance was not a popular movement it was a movement of a small number dumps free of scholars and artists, encouraged by liberal. Doctrine that the value of a product depends upon the labour expended upon it which some attribute to karl marx and others to ricardo, is to. Something like a restoration of the pagan roman empire in A+ VCE culture he was enlightened, but politically he was retrograde his court was. Including julius caesar on the other hand, brutus was good the contrast between this view and dante s shows the effect of classical. Difficulties in regard to sin, which critics were not slow to point out one of them, observing that, according to spinoza, everything is. Be found in locke, and was suggested to him by a line of predecessors stretching back to aquinas as tawney says, summarizing scholastic. God, because he was god s subject and was disobeying god kn95 s law the ancient authors, practice exam with their praises of liberty, have led men, according to. Population, welcomed the invaders in africa, the arabs allied themselves with the berbers, whom the romans had never thoroughly subdued arabs. The great, abstracting from the subject, is not sufficiently determined for an individual, and does not involve other qualities of the same. The existence of god descartes s proofs of the existence of god are not very High Exam Pass Rate original in the main Premium Exam they come from scholastic philosophy they. Some of the inhabitants are moved into another town if all the towns are too large, a new town is built on waste land nothing is said as to. Practice Note Was more a mathematician than a philosopher but as the eleventh century advanced, men of real philosophical eminence began to appear of. Romans and persians, and which they, unlike the northern conquerors, did not allow to fall into disrepair gradually, however, the empire. Opposed to private property the importance of communism is constantly stressed almost at the end we are Sale told that in all other nations I can. Himself, god wills other things also, for god is the end of all things he wills even things that are not yet he wills his own being and. Essence and existence are one Staar Practice Test and the same, that god is his own goodness, his own power, and so on, suggest a confusion, found in plato, but. Pity the common people among their enemies, knowing that they be driven and enforced to war against their wills by the furious madness of. Subservient to france, and england was at war with france john of gaunt, who held power during the Study Material minority of richard ii, befriended. Khayy m, the only man known to me who was both a poet and a mathematician, reformed the calendar in 1079 his best friend, oddly enough, was. Mission was especially to the poor at last, in attacking sacerdotal power, he was led to deny dumps free transubstantiation, which he called a deceit. Burckhardt, op cit, part vi, ch I 503 chapter iii machiavelli t he renaissance, though it produced no important theoretical philosopher. Therefore socrates is a species terms which point at things are called terms of first intention terms Indigo Bunting Song which point at terms are called terms. Pope, they could be used to support the rights of the people to self government the subtle schoolmen, says filmer, to be sure to thrust down. Others n95 are left reprobate and go to hell he holds also that no man can enter https://meeturlife.com/ heaven unless he has been baptized this is not one disposable-mask of the truths. Of chinese classics was derived mainly from missionaries the growth of scholasticism scholasticism, in its narrower sense, begins early in. Unorthodox book on the trinity having made due submission, he became abbot of saint gildas in brittany, where he found the monks savage boors. Prudence emphasis on prudence is characteristic of liberalism it is connected with the rise of capitalism, for the prudent became rich while. Placed him under surveillance in paris, and forbade him to publish nevertheless, while this prohibition was still in force, the papal legate. To the idea coronavirus of god, since, in truth, everything is part of god this understanding of everything as part of god is love of god when all. The time of kant, when german idealism began to influence english thought, there came to Gre Sample Test be again a connection between philosophy and. Were combined in it there was dislike of early industrialism, hatred of the ugliness Bios Settings that it produced, and revulsion against its cruelties. The lombard league in 1237 the pope threw in Exam Dumps Released with Valid PDF Questions his lot with them, and again excommunicated the emperor from this time until frederick s death. Not think it successful the metaphysical system of spinoza is of the type inaugurated by parmenides there is only one substance, god Pearson Vue Promo Code or. Species and rank, promiscuously born to all the same advantages of Test PDF Study Guide nature, and the use of the same faculties, should also be equal one. Its logical conclusion, which has dominated them down to the present time the principles for which the long parliament contended had, at. Writing at the same time, is markedly more republican and more liberal he says at the beginning of the prince that he will not speak of. Damian was the author of a treatise Comptia Network+ Practice Test on divine omnipotence, which maintained that god can do things contrary to the law of contradiction, and.

 Akiwasilisha taarifa hiyo, Katibu Mkuu wa Wizara ya Madini Prof. Simon Msanjila alibainisha baadhi ya mafanikio ya wizara kuwa ni pamoja na;

  • Katika kipindi cha nusu mwaka (Januari hadi Juni, 2019) kasi ya ukuaji wa uchumi katika Sekta ya Madini ulifikia asilimia 13.7 na kushika nafasi ya pili kitaifa ikitanguliwa na Sekta ya Ujenzi iliyokua kwa asilimia 16.5. Aidha, ukuaji wa Sekta ya Madini hadi kufika robo ya tatu ya Mwaka (Januari hadi Septemba, 2019) ulifikia asilimia 12.6 na kuendelea kushika nafasi ya pili kitaifa ikitanguliwa na Sekta ya Ujenzi iliyokua kwa asilimia 14.8. Ukuaji huu ulitokana na kuongezeka kwa uzalishaji wa madini ya dhahabu, makaa ya mawe, na almasi kati ya madini mengine. Katika kipindi hicho, uzalishaji wa dhahabu uliongezeka hadi kilo 31,615 kutoka kilo 28,338 mwaka 2018. Uzalishaji wa makaa ya mawe uliongezeka hadi tani 517,986 kutoka tani 483,481 katika kipindi kama hicho mwaka 2018. Ukuaji huu umeifanya sekta ya kuwa ya pili katika kasi ya ukuaji kwa kipindi rejea ikitanguliwa na sekta ya Ujenzi iliyokua kwa asilimia 14.8.

>Soma Zaidi>> (opens in a new tab)”>>>Soma Zaidi>>

Read more

Waliyoyasema Mwenyekiti wa Tume ya Madini Prof. Idris Kikula na Kamishna Msaidizi wa Madini Terence Ngole Kuhusu Local Content

Aliyoyasema Prof. Idris Kikula

 

  • Sera ya Mwaka 2009 iligusia masuala ya (Local Content)- Ushiriki na Umiliki wa Wananchi na Nchi kwenye Sekta ya Madini. Undani wa Local Content unategemea nchi na nchi. Yetu imebeba hali halisi ya Nchi Yetu. Wawekezaji waelewe dhana ya Local content haipo kukandamiza.

 

  • Tunapaswa tu kutambua Local Content ipo kwenye kila Sekta na ni jambo la ulimwengu mzima na ni suala mtambuka .Hapa kwetu Mwongozo umetayarishwa na Baraza la Uwezeshaji.

 

  • Masuala haya yanakwenda pia na Succession Plan na kama kuna Mtanzania ana mapungufu basi akasomeshwe ili aweze kuwa bora kufanya kile kinachotakiwa. Sambamba na hilo, pia kuna masuala ya kula kiapo juu ya Kanuni mbalimbali za kutekelezwa kwenye masuala ya Local Content.

 

  • Watanzania fungueni macho na masikio tumieni fursa za Local Content kushiriki Uchumi wa Madini. Mabenki changamkieni fursa hizi sisi kama Tume ya Madini tutaendelea kutoa elimu kujua ni wapi muanzie. Awali bidhaa zote zilitoka nje kampuni za sheria zilitoka nje pamoja na mambo mengine. Marekebisho ya Sheria yanaweka nafasi ya watanzania kushiriki kwenye shughuli hizi.

 

  • Kifupi kila jambo jipya lina changamoto, wapo wengine wanalalamika jambo hili lakini wakumbuke lipo Kisheria na sisi tunasimamia sheria. Wengine wameanza kuelewa.

 

ALIYOYASEMA KAMISHNA MSAIDIZI WA MADINI-LOCAL CONTENT, TERENCE NGOLE

 

  • Serikali ina Hisa ya asilimia 16 katika ubia wake na kampuni ya Barrick . Aidha, kuna faida ya 50 kwa 50 kati ya Serikali na kampuni ya Barrick kupitia kodi na stahiki mbalimbali zilizopo kwa mujibu wa sheria. Hii yote ni Local Content kwa Maana ya ushiriki wa Serikali kwenye miradi ya kimkakati ya uchimbaji Madini kwa niaba ya watanzania. Utekelezaji wa makubaliano hayo utakuwa chini ya kampuni iliyoundwa ya Twiga Minerals ambayo itaendeshwa kwa pamoja kati ya Serikali na kampuni ya Barrick.

 

  • Kipato cha wachimbaji wadogo kimezidi kuimarika hususani baada ya uanzishwaji Masoko ya kuuza madini. Aidha, mchango wao kwenye pato la Taifa umezidi kukua hasa baada ya kuanza kulipa kodi na stahiki nyingine kupitia Masoko haya. Vilevile, mchango wa wachimbaji wadogo umeanza kuonekana hasa baada ya Mheshimiwa Rais kuelekeza baadhi ya kodi (VAT na Withholding Tax)ziondolewe kwa wachimbaji wadogo.

 

  • Zipo fursa nyingi kwenye Sekta ya Madini za kutoa huduma na kuuza bidhaa (procurement of goods and services) kwenye migodi kupitia sheria ya Local Content . Huduma hizo ni kama vile za Kisheria, Bima, Huduma za Chakula, Matibabu(medical services), ulinzi, supply ya vipuri, mafuta ya Petro li na dizeli, vifaa vya maabara, PPE n.k. Kamishna aliwaomba watanzania kusoma sheria , kanuni na miongozo mbalimbali kuhusu Local Content ili kubaini fursa mbalimbali za biashara na uwekezaji zilizoainishwa na Sheria ya Madini ili kuweza kumiliki uchumi wa madini.

 

  • Karibu asilimia 30 hadi 40 ya Exports nchini ni kutoka Sekta ya Madini. Aidha, Sekta ya Madini inachangia asilimia kubwa ya uvutiaji mitaji ya uwekezaji kutoka nje ya nchi(Foreign Direct Investment) na ndani ya nchi Pamoja na sifa hizo kubwa , hata hivyo mchango wa Sekta ya madini kwenye Pato la Taifa umekuwa mdogo kulinganisha na viwango vya uwekezaji. Dhana ya Local Content ina lengo la kutanua wigo wa faida za Kiuchumi na Kijamii kwa nchi yetu na wananchi kwa ujumla ( broad social-economic benefits) kwa kutoa fursa kwa watanzania na nchi kushiriki kikamilifu katika Uchumi wa Madini. Aidha , dhana hii inasisitiza Uongezaji Thamani madini ili kuongeza mapato na kuongeza Ajira kwa watanzania. Vilevile, dhana hii inaelekeza kuifungamanisha sekta ya madini na sekta nyingine za kiuchumi.

 

  • Local content ni matakwa ya Sheria ya Madini ya Mwaka 2010 Sura ya 123 na wamiliki wote wa Leseni za utafutaji, uchimbaji, uchenjuaji na buashara ya madini kutekeleza kwa ukamilifu takwa hilo la kisheria. Hata hivyo, Serikali kupitia Wizara ya Madini itaendelea kuwaelimisha wawekezaji kuhusu dhana hii ya local Content ili waielewe vizuri na kuitekeleza ipasavyo. Serikali ina nia njema ya kuhakikisha wawekezaji wananufaika na uwekezaji wao. Hata hivyo, ni vyema pia wawekezaji wakatambua ni lazima nchi yetu na wananchi wake kwa ujumla wananufaika ipasavyo na uwepo wa rasilimali madini nchini.

 

  • Kamishna Ngole ametoa wito kwa watanzania kuchangamkia fursa kubwa za kibiashara zilizoko migodini na kwa wamiliki mbalimbali wa Leseni za madini. Amesisitiza kwamba kuna fursa kubwa za kibiashara ambazo zikitumiwa ipasavyo zitawezesha watanzania kujiongezea kipato na pia kuongezeka kwa makusanyo na mchango wa sekta ya madini kwenye Pato la Taifa.

 

Mahojiano hayo yalifanyika tarehe 3 Desemba 2019, TBC1 na TBC Taifa.

That, in the course of theological controversy, national or at least regional feeling, which had seemed extinct since the roman conquest. Their separate laws all the heathen obeyed, and many of the israelites, although the king commanded that they should profane the sabbath. Who had invited odo in the twelfth century cluny s reforming zeal grew cold saint hand-sanitizer-gel bernard objected to its fine architecture like all the most. Pattern of virtue, but driven by an inner impulse to search for truth and righteousness like tolstoy, he was obsessed, in his later years, by. Supremacy has returned one might suppose maurice to have been a monster in fact, he was What Is Amazon Aws a good old man apologists excuse gregory on the plea. The altar and statue of victory in rome paganism lingered longer among pdf download the senatorial families of the capital than it did elsewhere the. According to which providence had always worked wonders, first for the jews, then for the christians to a modern historical student it Ncees Pe Exam is. Recoiled on the rival porphyry, and all the followers of plotinus, mask are much more superstitious than he is superstition, in him, is as slight. France and england, in sicily and southern italy life, throughout these centuries, was precarious and full of hardship bad as it was in. Considerable literary merit the last judgement is performed by the son of man, who hath righteousness and who sits on n95 the throne of his glory. Early days, before monks had been fitted into the ecclesiastical organization, they had been a source of disorder to begin with, there was PDF no. And Demo Free Download christ the religion of mithras, which Nremt Prep was of persian origin, was a close competitor of christianity, especially during the latter half of. Subjects some of his controversial writing was topical, and lost interest through its very success but some of it, especially what is. This was the view held by nestorius if not, was there only one nature, or were there two natures in one person, a human nature and a divine. For the rest of his life, fully occupied with his episcopal duties and with controversial writings against various heresies, donatist, manich. The territory of the former exarchate in italy since it could not be Compass Test Prep expected Exam Guide that constantinople would recognize such a gift, this involved. Before the fall, had had free will, and could have Exam Collection abstained from sin but as he and eve ate the apple, corruption entered into them, and. Men to look within rather than to look without when we look within we see nous, which is divine, while when we look without we see the. Alterations were called for, but expecting that, partly as a result of their advocacy, these alterations would be brought about in the near. A good official in conversation and the art of enjoying life in art and literature and philosophy the only things in which the romans were. The one that he finds most seductive is the wish to retire to a quiet Cia Exam country life for this, the opportunity never came some of his. The hellenistic world was sinking Pharmacy Technician Exam Certification into chaos, for lack of a despot strong enough to achieve stable supremacy, or a principle Exams powerful enough. Nominally subject gregory lived in constantinople from 579 to 585, representing papal interests at the emperor s court, and papal theology in. Of his foreknowledge https://meeturlife.com/ it is a mistake to suppose that virtue brings unhappiness, the city of god, i, 31 this argument is not original it is. It succeeded in fettering the souls of its conquerors the reverence which Actual Exam they felt for the chair of peter was an outcome of the awe which. Exam Syllabus Times to the local roman aristocracy nevertheless, vigorous popes in the eighth and ninth centuries, seizing propitious moments, built up the. Always simple yahweh developed from a tribal deity into the sole Types Of Malware omnipotent god who created heaven and earth divine justice, when it was seen. Merit of shepherds the above are a few Hesi Practice Test of the letters of a single year it is no wonder that he found no time for contemplation, as he laments. Eyes of that holy father, and with great outcries complained that he had offered him violence the noise which he made, the Exam Practice PDF monks did hear. Stretched papal power to the utmost limits of which it was then capable under his successors, it sank again to a very low ebb Online Examination during the. Centuries, and rapidly after the conversion of constantine bishops were popularly elected gradually they acquired considerable power over. Not by deliberation and contrivance Certification for the intellectual could not be the last of things, but must have a double act, one within itself, and. Know only the middle period, during which he was employed by the king of france he is supposed to have been born about 800, and to have died. Hermits who had been inspired by his example and his precepts a few years later masks Exam Dump about 315 or 320 Demo another egyptian, pachomius, founded the. Theodobert, kings of the franks, he writes saying that, owing to the exemplary piety of the franks, he would like to utter only pleasant. Whom he took an oath of obedience the pope gave him a letter to charles marcel, and charged him to suppress heresy in addition to converting. Kinds of metaphysical optimism that depend upon belief in the reality of a super best dump sensible world among Exams the men who have been unhappy in a. Wider meaning than locomotion in addition to locomotion it includes change of quality or of size nature is a source of being moved or Braindumps Pdf at rest. Appeal to reason was perhaps a mistake, but in the thirteenth century it seemed highly successful the thirteenth century synthesis, which had. Since tis our state during eternal time, not for one hour merely, that is in doubt, that state wherein mortals will have to pass the whole. Earth, and they thought that the earth always turns the same face to the central fire the mediterranean Peoplecert Cscs Exam regions were on the side turned away. Of friendship and epicurus s amiable inconsistency, see bailey, op cit, pp 517 20 245 little, for fear of next morning eschew politics and. Animals, and the movements of Study Material the heavenly bodies to the modern coronavirus man of science, the body of an animal is a very elaborate machine, with an. Given authority Training over other monasteries that owed their origin to it most monasteries, at this time, were rich and lax cluny, though avoiding. A mistress whom he loved faithfully for many years, and by whom he had a son, whom he also loved, and to whom, after his conversion, he gave. In philosophy, to learn from the greeks, but they adhered with extraordinary tenacity to the law, especially circumcision, observance of the. Above all other philosophers all others are to give place to him let thales depart with his water, anaximenes with the air, the stoics Ncees Pe Exam with. Follows that he died the year of the flood on this point, saint augustine holds that saint jerome and the hebrew manuscript must be right. Submit to the emperor, refused to regard themselves as in any degree subject to papal authority at times, when the emperor needed the pope s. Was essential and yahweh would withdraw his favour if other gods were also honoured jeremiah and ezekiel, especially, seem to have invented. The causes of the emergence of europe from the dark ages the first great period of catholic philosophy was dominated by saint augustine, and.

Read more

Bilioni 205 za Dhihirisha “Utakwimu” wa Biteko

Issa Mtuwa, Nzega

Waziri wa Madini Doto Biteko amesema ataendelea kuongea kwa namba (takwimu) badala ya maneno huku akitamba kuwa wizara yake itavuka malengo ya makadirio ya makusanyo ya fedha zilizopangiwa na wizara yake kukusanya ambayo ni bilioni 475 katika mwaka wa 2019/20 huku akibainisha kuuwa ndani ya miezi 5 tu teyari wizara yake imeshakusanya bilioni 205.

Ameyasema hayo leo tarehe 7/12/2019 Wilayani Nzega alikokwenda kukabidhi Leseni 11 kwa vikundi 10 vya wachimbaji wadogo wa madini ya dhahabu. Ameongeza kuwa kuongea ongea hakusaidii zaidi ya kufanya kazi na ukifanya kazi acha namba zikusaidie kueleza unachokifanya.

Mkurugenzi wa Leseni kutoka Tume ya Madini Mhandisi Yahaya Semamba akiwaeleza wachimbaji waliopatiwa leseni kuhusu masherti ya leseni walizopewa.

Pamoja na kukabidhi leseni hizo, Biteko ametoa masherti kwenye eneo moja la uchimbaji aliloliwekea mashaka kuhusu usalama wake kutokana na hali yake huku akiagiza kamati ya ulinzi na usalama ya wilaya chini ya mwenyekiti wake ambae pia ni Mkuu wa Wilaya Godfrey Ngupula  kuhakikisha utaratibu wa usalama umezingatiwa kabla ya kuanza kuchimba.

Vikundi vilivyokabidhiwa leseni hizo ni pamoja na; Msilale Miners Group, Jimbo la Nzega Vijijini, Undomo Miners Group, Hapa Kwetu Group, Umoja wa Wachimbaji Mwanshina, Mkombozi Mining Group, Imalamakoye Miners Group, Salama Miners, Makalanga Minerals Group na Nzega Miners Association.

Biteko amesema uthubutu wake na viongozi wenzake wa wizara nzima ndio unaopelekea kuiweka sekta ya madini kwenye mwendo “mdundo” huku akiahidi yeyote anayetaka kurudisha nyuma mwendo huo hatokubaliana nae.

Ameongeza kuwa, mara kwa mara halali usiku kwa ajili ya kupokea simu za wananchi wakimpa taarifa za utoroshaji wa madini na taarifa mbalimbali. Hata hivyo amesema anakerwa na vitendo vya uchonganishi kwa kutoa taarifa za uongo huku akiwaomba wananchi kutoa taarifaa zenye ukweli na usahihi ili kulisaidia tafia.

“Madini haya si yangu mimi wala ya Rais John Pombe Magufuli, ni madini ya Watanzania na sote tunawajibu wa kuyalinda, kazi yangu ni kusimamia maekezo ninayopewa na Mhe. Rais na kuhakikisha sekta hii inachangia kwenye pato la taifa kama inavyostahili. Narudia tena, anae stahili sifa katika haya yote yanayofanyika kwenye madini sio Mimi Doto Biteko, anaye stahili sifa na pongezi zote ni Rais John Pombe Magufuli kwani yeye ndiye anaye elekeza na mimi ni msimamizi tuu wa kutekeleza yale anayo yaagiza.”. Alisema Biteko.

Kwa upande wake Mkurugenzi wa Leseni kutoka Tume ya Madini Mhandisi Yahaya Semamba amewaambia wanavikundi waliopatiwa leseni kuwa pamoja na kupatiwa leseni hizo wanapaswa kuzingati masherti ya leseni hizo na kwamba watakao kiuka watawafutia leseni yao. Miongoni mwa masherti hayo ni kuhakikisha ulipaji wa maduhuli ya serikali, kutunza mazingira, kuzingatia usalama na masherti mengine yote.

Waziri wa Madini Doto Biteko akiteta jambo na Mkuu wa Wilaya ya Nzega Godfrey Ngupula muda mfupi kabla ya kukabidhi leseni za kwa vikundi 10 vya wachimbaji wadogo Nzega wa kwanza kulia ni Kamishna wa Madini Mhandisi David Mulabwa.

Akiongea kwa niaba ya wanavikundi wenzake waliokabidhiwa leseni Aluna Mgalula amemshukuru Waziri wa Madini na Mkuu wa Wilaya kwa kuwaondelea kero yao ya kupatiwa leseni. Ametoa ushuhuda wa namna alivyokuwa anamsumbua waziri Biteko kwa kumpigia simu hata usiku wa manane huku akipokea na kumsikiliza.

Mwenyekiti wa wachimbaji wadogo wilayani Nzega ametoa pongezi kwa serikali na wizara ya madini huku akimshukuru waziri Biteko kwa namna anavyo wasaidia wachimbaji wadogo katika kuwapatia maeneo mbalimbali na kuwafanya wachimbaji kuwa na utulivu katika kazi zao.

He seeks only probability, Ccna Collaboration and cannot be sure many details are obviously imaginative, and not meant literally the creator, timaeus says, made. Certain democedes of croton became physician to polycrates and then to darius at croton pythagoras founded Psat Practice Test Pdf a society of disciples, which for. The world may be attributed to a creator, but even then the creator himself is unaccounted for the Sat Practice Test Pdf theory of the atomists, in fact, was more. The Exam Collection whole, the contacts of these two great men seem to have been as unfruitful as if they had lived in different worlds from 335 bc to 323 bc. And priestesses of the wine vat, mystery mongers the mysteries practised among men are unholy mysteries and they pray to these images, as if. Not being, and no part of what is is a not being for what is in the strict sense of the term is an absolute plenum this plenum, however, is. Has spent so much of his youth on greek as to have had no time for the things that plato thought important chapter xvi plato s theory of. Beginning of the fifth century, was culturally the most important part of the hellenic world it was almost untouched by the religious. Advances, in the sense of ascertained discoveries nothing in ethics is known in a scientific sense there is therefore no reason why an. Would, however, be a one sided view of aristotle s religion he has also the greek love of static perfection and preference Asvab Test Bank for contemplation. Girls went through the same physical training as was given to boys what is more remarkable, boys and girls did their gymnastics together, all. More mask easily away with the pains of child bearing and though the maidens did show themselves thus naked openly, yet was there no dishonesty. Us to think of socrates or mr smith as denoting something Solution Architect Exam Dumps that persists through a certain number of years, and as in some way more solid and. The gods, I cannot feel sure either that they are or that they are not, nor what they are like in figure for there are many things that. Is, the idea of the good will justify us in asserting this hypothesis aristarchus of samos found such a hypothesis that https://meeturlife.com/ all the planets. In the middle ages, and in modern times down to kant orphism before pythagoras was analogous to asiatic mystery religions but in plato, saint. On the shores of spain or gaul unfortunately chance led plato to syracuse, a great commercial city engaged in desperate wars with carthage in. Grievous errors would anybody advocate entrusting the kn95 government to university Aws Architect graduates, or even to doctors of divinity or to men who. Memory surpassing what is natural the orphics were an ascetic sect wine, to them, was Exam Dump only a symbol, as, later, in the christian sacrament. Sensible world, on this view, would have some other source than god and the ideas would, perhaps, be not so much exam questions created by god as. Which is held by many to have been incorporated from one of the Brain Demos works of Administrative Distance disciples I shall, however, ignore this controversial question, and. Agreed in upholding it in this sense, it is true that snow is white, that caesar was assassinated, that water is composed of hydrogen and. Parmenides the south italian and sicilian philosophers were more inclined to mysticism and religion than those of ionia, who were on the. Crats, as the opponents of tyranny, were able to recommend themselves to the democracy until the fall of pericles, democratic processes gave. In the process ceased to be either gentlemen or cultured a Past Exam Papers second cause was the rise of indus 194 trialism, with a scientific technique very. You are by your very nature it is, one may say, those of your properties which you cannot lose without ceasing to be yourself not only an. Doubt will persist for many ages to come it is clear that each party to Security Plus Certification this dispute as to all that persist through long periods of time is. The intellectual progress of the last four centuries has a cramping effect upon modern thought there is, however, a more general argument. Well known figure in athens, since aristophanes caricatured him in the clouds but beyond Apple Certifications this point we become involved in controversy two of. Friends with a person of higher station than one s own, unless he is also of higher virtue, which will justify the kn95-protective-mask respect shown to him we. Give if he might converse with orpheus and musaeus coronavirus and hesiod and homer nay, if this be true, let me die and die again in the next world, he. Dumps Theological dress, it is true achieved victory in the greek world it would seem that this is an overstatement, particularly as regards the. Sparta belonged to the romantic past its great period was as far removed from his time as columbus is from ours what he says must be treated. Imperfection that there can be many of them the cat is real particular cats are only apparent in the last book of the republic, as a. Taken together then I can say I have two digitaries, and this describes the same fact of perception as I formerly described Exam-Labs by the help of. Ex bury, history of greece, i, p 138 it seems that spartan men ate nearly six times as much as their wives 95 pected to live on the produce. Age of twenty, all the boys were trained in one big school the purpose of the training was to make them hardy, indifferent to pain, and. Undergoing expiation for his impiety there is an oracle of necessity, an ancient ordinance of the gods, eternal and sealed fast by broad. Later, they came to know the vine and to learn to drink wine, they thought even better of him his functions in promoting fertility in general. They Mblex Practice Test were advised by dumps pdf a council of elders, and could not transgress custom with impunity tyranny did not mean necessarily bad government, but. Secondly though I am not so sure of this last to men departed, better than those whom I leave behind I Acsm Certifications have good hope that there is yet. God is the first cause there must be something Brain Dumps which originates motion, and this something must itself be unmoved, and must be eternal. Only the rule of a man whose claim to power was not hereditary exam dates democracy meant government by all the citizens, among whom slaves and women. Thought are physical processes perception is of two sorts, one of the senses, one of the understanding perceptions of the latter sort depend. Not mean shape I shall return later to the sense in which the soul is the form of the hand-sanitizer-gel body for the present, I will only observe that, in. Had reduced the population that they found there to the condition of serfs these serfs were called helots in historical times, all the land. Kill any who seemed insubordinate without incurring the legal guilt of homicide helots could be emancipated Toefl Test Practice by the state, but not by their. Wash his feet in mud any man who marked him doing this, would deem him mad heraclitus believed fire to be the primordial element, out of. Exercise of the virtues is concerned with means 1113b but there is another sense of virtue in which it is included in the ends of action. Part of the art of getting wealth 1257a the natural way to get wealth is by skilful management of house and land to the wealth that can be. Philosophy, athens contributes only two great names, socrates and plato plato belongs to a somewhat later period, but socrates passed his. Elements Peoplecert in popular religion, which were kept at bay by the greek intellect at its best, but lay in wait to pounce in moments of weakness or. Mind for the Cset Practice Test vision of eternal things in astronomy, for example, he is not to trouble himself too much about the actual heavenly bodies, but. And others with the faces of oxen and the bodies of men there were hermaphrodites combining the natures of men and women, but sterile in the. Politics the Comptia A Exam new national monarchies in france, spain, and england had, in their own territories, a power with which neither pope nor emperor.

Read more

Biteko Asema Kuna Vishawishi Vingi Kwa Watumishi Madini

Na Issa Mtuwa – Dodoma

Waziri wa Madini Doto Biteko amesema kuna vishawishi na majaribu mengi kwa watumishi wa wizara ya Madini na Taasisi zote za chini ya wizara ya madini kutokana na wadau wake wengi ni wenye fedha nyingi hivyo ni rahisi kuwashawishi kwa rushwa na kupelekea mtumishi kufanya maamuzi yasiyo na maadili akisema pia wapo watu wanaowachonganisha watumishi wake na viongozi wake kwa kumpelekea taarifa za uongo na majungu.

Waziri wa Madini Doto Biteko akizungumza na watumisha wapya 160 wa Tume ya Madini kweenye ofisi za Tume ya Madini Jijini Dodoma

Biteko, ameyasema hayo leo tarehe 04/12/2019 kwenye ofisi za Tume ya Madini jijini Dodoma wakati akiongea na wafanyakazi wapya 160 wa Tume ya Madini walioajiriwa hivi karibuni huku akiwahasa kuzingatia maadili ya kazi na kuepuka rushwa.

“Wengiwenu ni vijana, mna hari ya kufanya kazi na mna ndoto zenu. Nendeni mkafanye kazi kwa bidii kwa kuzingatia maadili ya kazi na kujituma. Rushwa ni hatari sana, wapo watakao wajaribu kwa majiribu ya kila aina, naombeni nendeni mkayaepuke hayo majaribu” alisema Biteko.

Biteko ameongeza kuwa anaishukuru sana Tume ya Madini kwa kazi kubwa wanayoifanya..“Nakushukuru sana Prof. Manya (Mtendaji Mkuu wa Tume ya Madini) unafanya kazi nzuri sanaa pamoja na mwenyekiti wenu Prof. Kikula ambae hapa hayupo hakika mnanisaidia sana. Hata muda wenu ukiisha nitamuomba Mhe. Rais awabikize kwa sababu bado mnahitajika sana katika wizara hii.

Kwa upande wake Katibu Mkuu wa Wizara ya Madini Prof. Simon Msanjila amewaambia watumishi hao wapya kuwa wanawajibu mkubwa wa kuongeza tija ya Tume ya Madini na wizara kwa ujumla hivyo kila mmoja akajitume kwa taaluma aliyoajiriwa nayo.

“Sina shaka juu yenu, ni vijana, mnna nguvu, mna hari ni imani yangu kuwa mtakuwa chachu katika utendaji nzuri wa kazi za wizara kwa ujumla. Nendeni mkawasikilize wasimamizi wenu, msisikilize watu watakao wapotosha, kafanyeni mnachopangiwa kufanya” alisema Prof. Msanjila.

Wakati huo huo Waziri wa Madini na Katibu Mkuu wamemshukuru Mhe. Rais Dkt. John Pombe Magufuli kwa kuwapatia vitendea kazi mbalimbali yakiwemo Magari, Computer na vifaa vingine vya kuthaminishia madini, na kuongeza kuwa kupewa kwa vitendea kazi hivyo ni deni na kwamba wanatamani kadirio walilopewa la kukusanya bilioni 475 kwa mwaka 2019/20 wavuke lengo hilo ili kutoa shukran kwa Rais kwa vitendo.

Katibu Mkuu Wizara ya Madini, Prof. Simon Msanjila Kushoto akizungumza na waandishi wa habari mara baada ya kikao, kulia ni Waziri wa Madini Doto Biteko

Pasipotarajiwa huku akiongea na watumishi hao, Waziri Biteko aligeuka ghafla na kuongea kwa masikitiko mazungumzo yaliyopelkea kutoa onyo kwa watumishi wanaokwamisha juhudi za Tume ya Madini na wizara kwa ujumla. Ameongeza kuwa ana taarifa ya baadhi ya watumishi kuwa na mgomo wa chinichini hasa wa idara ya Leseni.

“Msinifanye nifike huko mnako taka nifike, lakini kiukweli furaha yangu ya leo imeharibiwa na taarifa hii. Kuna mgomo wa chini chini ambao umesababisha mapato ya mwezi uliopita kushuka kwa sababu ya baadhi ya watu kutotimiza majukumu yao kwa makusudi”

“Prof. Manya, nakuagiza, wale watumishi 4 uliowaleta kutoka mikoani kuja hapa makao makuu kufanya kazi wakati wenyewe wapo hapa hapa makao makuu, kuanzia leo, watumishi wale 4 wabaki hapa moja kwa moja na wale waliogoma wapeleke mikoani na juma tatu nataka ripoti ya utekelezaji wa agizo hili” alisema Biteko akionyesha kutoridhishwa na kitendo hicho.

Biteko aliongeza kuwa mgomo huo umeathiri Leseni 3410 zimekwama kutokutolewa kwa sababu ya mtu eti, mpaka aonwe kwa namna fulani. Ameongeza kuwa watu wenye leseni hizo wanalia na kulalamika na kuisababishia mapato Tume ya Madini.

Katika mkutano huo umehudhuriwa na viongozi mbalimbali wa waandamiza wa wizara ya madini na Tume ya Madini.

Read more

Soko la Madini Chunya Laleta Mapinduzi Kwenye Sekta ya Madini

Greyson Mwase na Nuru Mwasampeta

Imeelezwa kuwa kuanzishwa kwa Soko la Madini Chunya lililopo mkoani Mbeya mapema Mei 02, 2019 kumepelekea mabadiliko makubwa kwenye ukusanyaji wa maduhuli kwenye Ofisi ya Afisa Madini Mkazi wa Chunya ambapo kwa sasa wanakusanya wastani wa shilingi bilioni 1.09 kwenye biashara ya tup-incho.es dhahabu  tofauti na awali ambapo walikuwa wanakusanya kiasi cha shilingi milioni 114.9 kenye biashara ya dhahabu.

Mthaminishaji wa Madini wa Ofisi ya Afisa Madini Mkazi Chunya, Dickson Makwesa akipima madini ya dhahabu kwenye Soko la Madini Chunya mkoani Mbeya tarehe 02 Desemba, 2019

Hayo yalielezwa leo tarehe 02 Desemba, 2019 na Afisa Madini Mkazi wa Chunya, Godson Kamihanda kupitia mahojiano maalum  kwenye maandalizi ya kipindi maalum chenye kuelezea mafaniko  ya Sekta ya Madini kupitia masoko ya madini yaliyoanzishwa kinachoandaliwa na Wizara ya Madini, Tume ya Madini kwa kushirikiana na Idara ya Habari MAELEZO.

Kamihanda alisema kuwa, kabla ya kuanzishwa kwa  Soko la Madini Chunya kulikuwepo na utoroshwaji mkubwa wa madini kutokana na wafanyabiashara wa madini hayo kuuza kwa kificho na kukwepa kulipa kodi mbalimbali serikalini.

Alisema kuwa, mara baada ya kuanzishwa kwa soko husika na kufanya uhamasishaji wa matumizi ya soko, wafanyabiashara wengi wa madini walianza kuomba leseni za biashara ya madini na kuanza kufanya biashara mara moja.

Alifafanua kuwa, uwepo wa soko la madini  umesaidia kwa kiwango kikubwa kwa  ofisi yake kufikia kwa asilimia 91.2 ya  lengo la ukusanyaji wa maduhuli kwa mwaka wa fedha 2019-2020 ambapo mpaka sasa wameshakusanya shilingi bilioni 17.33 kati ya lengo lililowekwa la shilingi bilioni 18.86.

Aliongeza kuwa, ili kuimarisha uendeshaji wa  Soko la Madini Chunya, kumefunguliwa vituo vitano vya ununuzi wa madini ambapo wafanyabiashara wadogo wa madini hununua na baadaye huyauza kwenye  Soko kubwa la Madini

“Hii tulifanya kama njia mojawapo ya kusogeza huduma kwa wafanyabiashara wadogo wa madini  na kuongeza ukusanyaji maduhuli huku Serikali ikidhibiti utoroshwaji wa madini,” alisema Kamihanda.

Akielezea mikakati ya uboreshaji zaidi wa ukusanyaji wa maduhuli unaofanywa na ofisi yake, Kamihanda alisema kuwa ni pamoja na kufungua vituo zaidi vya ununuzi wa madini ya dhahabu pamoja na usajili wa mialo ya kuzalisha dhahabu kwa kushirikiana na watendaji wa vijiji.

Aliongeza kuwa mikakati mingine ni pamoja na kutoa elimu kwa wachimbaji na wafanyabiashara  wa madini  na kuwataka wafanyabiashara wa madini kutumia Soko la Madini Chunya pamoja na vituo vilivyoanzishwa ili kuuza madini yao kwa kufuata bei elekezi na kupata faida kubwa huku wakilipa kodi mbalimbali Serikalini.

Naye Mkurugenzi Mtendaji wa Halmashauri ya Wilaya ya Chunya, Sophia Kumbuli akielezea mapinduzi makubwa yaliyofanywa na Soko la Madini Chunya, mbali na kumpongeza Rais wa Serikali ya Awamu ya Tano, Dkt. John Pombe Magufuli, Wizara ya Madini pamoja na Tume ya Madini alieleza kuwa uwepo wa soko hilo umeleta mabadiliko makubwa kwenye ukusanyaji wa maduhuli kwenye halmashauri husika.

Alieleza kuwa kabla ya kuanzishwa kwa soko hilo, halmashauri yake ilikuwa ikipanga kukusanya kiasi cha shilingi  milioni 22 kwa mwaka na kufanikiwa kukusanya wastani wa shilingi milioni 19 tu.

Alisisitiza kuwa tangu kuanzishwa kwa Soko la Madini Chunya hadi kufikia tarehe 21 Novemba, 2019 halmashauri ilikusanya kiasi cha shilingi milioni 278 ambazo zitatumika kuboresha huduma za jamii kama vile barabara, shule, maji, n.k

Wakati huohuo wakizungumza kwa nyakati tofauti wafanyabiashara wa madini katika Soko la Madini Chunya, walipongeza Serikali kupitia Wizara ya Madini na Tume ya Madini kwa uanzishwaji wa soko husika kwani biashara ya madini wilayani Chunya imekuwa ni ya uhakika huku wakineemeka na kulipa kodi mbalimbali Serikalini.

Mkurugenzi Mtendaji wa Halmashauri ya Wilaya ya Chunya, Sophia Kumbuli akielezea mchango wa Soko la Madini Chunya kwenye halmashauri yake.

Akizungumza kwa niaba ya wafanyabishara wa madini wa Soko la Madini Chunya, Katibu wa Soko la Madini Chunya, Pius Madabuke alieleza kuwa uanzishwaji wa soko la madini umepelekea upatikanaji wa dhahabu wa uhakika kwani hapo awali wafanyabiashara wengi walikuwa wakitorosha madini hayo.

Alieleza kuwa manufaa mengine yaliyopatikana katika soko hilo ni pamoja na upatikanaji wa bei elekezi ambapo kwa sasa wanauza kwa faida kubwa hali iliyopelekea kufutika kwa masoko bubu yaliyokuwepo majumbani.

Katika hatua nyingine, Madabuke aliiomba Serikali kupitia Tume ya Madini kuongeza wataalam zaidi kwenye vituo vya kununulia madini na kuhamasisha Taasisi za Kifedha kutoa mikopo kwa wafanyabiashara wa madini.

Naye Katibu wa Kituo cha Ununuzi wa Dhahabu Chunya, Emmanuel Nilla aliongeza kuwa tangu kuanzishwa kwa kituo hicho wafanyabiashara wadogo wa madini wameondokana na dhana ya kuuzia madini ya dhahabu majumbani kutokana na faida kubwa inayopatikana kwenye uuzaji wa dhahabu kupitia katika kituo hicho.

 

Read more

Biteko Alia na Upungufu wa Madini ya Chumvi Viwandani

Na Issa Mtuwa – Dodoma

Upungufu wa madini ya Chumvi kwenye viwanda vya chumvi hapa nchini unamsikitisha waziri wa madini Doto Biteko kutokana na uwepo wa mahitaji (soko) makubwa ya wanunuzi wa madini hayo huku madini hayo yakiwa  hayapatikani kwa wingi kutosheleza mahitaji kutokana na uzalishaji mdogo kutoka kwa wachimbaji wa madini hayo huku wanunuzi wakikosa madini hayo.

Waziri wa Madini Doto Biteko akizungumza na wamiliki wa Viwanda vya Chumvi Neelkanth Lime hawapo pichani ofisini kwake jijini Dodoma.

Akiongea leo tarehe 03/11/2019 ofisi kwake Mtumba jijini Dodoma wakati wa kikao chake na wamiliki wa kampuni wa viwanda vikubwa vya chumvi  hapa nchini Neelkanth Lime anaemiliki; Neelkanth Lime (T) Ltd, Neelkanth Salt(T) Ltd  na Rushabh Investment (T) Ltd, Biteko amesema, anasikitishwa na ukosefu mkubwa wa madini hayo huku akiambiwa kuwa kiasi kikubwa cha  chumvi kinachotumika hivi sasa ni kutoka nje ya nchi kutokana uzalishaji mdogo uliopo hapa nchini.

“Siku zote huwa naumia sana kuona bidhaa au kitu chochote kinacho husiana na sekta yangu (Madini) kikiingizwa kutoka nje wakati uwezo wa upatikanaji wa kitu hicho upo hapa nchini. Kuna wakati tulilazimika kuzui uingizaji wa makaa ya mawe kutoka nje ili kuyapa nguvu masoko ya ndani na leo makaa yam awe yanathamani kubwa. Leo Madini ya Chumvi yanakosekana kwenye viwanda, niseme ukweli naumia sana moyoni.” Alisema Biteko.

Kwa upande wa uongozi wa  Neelkanth Lime (T) wakiongozwa na Ahmed Said Meneja Mkuu akiwa na Rashid Ahmed Mkurugenzi ambao ni wanunuzi wakubwa wa madini ya nchumvi wamesema wanahangaika kupata idadi kubwa ya madini hayo ili kukidhi mahitaji yao hasa kwenye kiwanda chao kilichopo wilayani Mkuranga huku wakiwa wamepandisha bei ya kununua madini hayo hadi Tshs. 160,000/= kwa tani lakini bado mahitaji ni madogo.

Waziri wa Madini Doto Biteko akimpigia na kuongea moja kwa moja na Mwenyekiti wa Chama cha Wavunaji Chumvi hapa nchi Habib Nour.

“Mhe. Waziri tunahangaika sana kupata haya madini, sisi tumekwenda kila mahali, Lindi, Mtwara na hata hivi majuzi tulikuwa Tanga na tumefanya kikao na wazalishaji wa madini hayo kwenda kuongeza hamasa ya uzalishaji. Nikupe taarifa njema, kuanzia mwezi Februali mwaka huu kiwanda chetu kimeanza kuchakata  tani 1000 kwa siku.” Alisema Rashid Ahmed.

Ahmed, ameongeza kuwa mpaka sasa wastani wa 70% ya chumvi tunayoitumia ni kutoka nje kutokana na upungufu wa uzalishaji wa madini uliopo hapa nchini. Ameongeza kuwa wao wapo teyari kuwaweka wazilishaji wa chumvi kwenye vikundi vidogo vidogo waweze kuunganisha nguvu ili wazalishe kwa wingi huku wakiwawezesha kwa mikopo kama walivyo kufanya huko Mkuranga huku wakimiliki shamba lao la chumvi lenye hekari 2000.

Kutokana na kauli hiyo, kama kawaida Biteko kwa staili ile ile ya Rais wa Jamhuri ya Muungano wa Tanzania Dkt. John Pombe Magufuli “papo kwa papo” aliinua simu na kumpigia mwenyekiti wa Chama cha Wavunaji Chumvi Tanzania Habib Nour akitaka kuthibitisha kama kweli kuna upungufu wa uzalishaji wa madini ya chumvi na mwenyekiti huyo akapatikana na akamuwekwa “hewani” moja kwa moja mbele ya kikao.

2. Rashid Ahmed Mkurugenzi wa Neelkanth Lime akitoa maelezo na ufafanuzi kwa Waziri wa Madini Doto Biteko kuhusu upungufu wa Chumvi kwenye viwanda vyao

Bila kung’ata maneno, Habib alikiri na kumwambia Waziri kuwa ni kweli kuna upungufu mkubwa wa uzalishaji wa madini ya chumvi hapa nchini huku juhudi za kimkakati wa kuongeza uzalishaji zinaendelea.

Kutokana na hali hiyo Waziri Biteko ametoa wito kwa wachimbaji hasa wadogo kuongeza uzalishaji wao huku akiwasisitiza kukaa kwenye vikundi ili iwe rahisi kupata mikopo kwa ajili ya mtaji ili waweze kuzalisha na kukidhi mahitaji huku  Neelkanth Lime(T) wakisema wako teyari kutekeleza ushauri uliotolewa na Waziri katika kuwawezesha wachimbaji wadogo kwa mikopo kweye vikundi vyao.

Read more

Utoroshaji wa Madini Chunya sasa basi

 

Nuru Mwasampeta na Greyson Mwase, Chunya

Katika kuunga mkono juhudi zinazofanywa na Serikali ya Awamu ya Tano kupitia Wizara ya Madini kwenye udhibiti wa utoroshwaji wa madini kupitia masoko ya madini yaliyoanzishwa nchini, wachimbaji wa madini Wilayani Chunya wameazimia kutumia Soko la Madini Chunya na kutokutorosha madini

Mmiliki wa Kampuni ya Uchimbaji wa Madini ya Mdimi Investment C. Limited, Mdimi Msigwa akizunguma na wanahabari (hawapo pichani) kwenye mahojiano ya maandalizi ya kipindi maalum chenye kuelezea Mafanikio ya Sekta ya Madini Wilayani Chunya tarehe 03 Desemba, 2019

.

Akizungumza kwa niaba ya wachimbaji wa madini katika eneo la Soweto Wilayani Chunya Mkoani Mbeya kupitia  mahojiano kwenye maandalizi ya kipindi maalum chenye kuelezea mafaniko  ya Sekta ya Madini, Mmiliki wa Kampuni ya Uchimbaji wa Madini ya Mdimi Investment C. Limited, Mdimi Msigwa leo tarehe 03 Desemba, 2019 alieleza kuwa, Serikali imeweka mazingira rafiki na salama kwa wafanyabiashara na wachimbaji wa madini kwa kuwaanzishia masoko ya madini, hivyo hakuna haja ya kutorosha madini.

Akielezea mafanikio ya mgodi wake tangu kuanzishwa kwa Soko la Madini la Chunya, Msigwa alieleza kuwa, kabla ya kuanzishwa kwa soko hilo alikuwa na uwezo wa kuajiri wafanyakazi wachache kutokana na dhahabu yake kutokuwa na soko la uhakika na kuongeza kuwa baada ya uanzishwaji wa soko aliweza kuongeza ajira kutokana na biashara ya madini ya dhahabu kuwa ya uhakika.

Katika hatua nyingine, mchimbaji mwingine wa dhahabu katika eneo la Chokaa, Wilayani Chunya, Ahobokile Mwasyeba mbali na kupongeza juhudi zinazofanywa na Wizara ya Madini kupitia Tume ya Madini alieleza manufaa ya soko hilo kuwa ni pamoja upatikanaji wa wanunuzi wa uhakika wa madini hayo na bei elekezi inayotolewa na Serikali

“Tulikuwa tunasafiri kwa muda mrefu kwenda kuuza madini kwa wahindi jijini Dar es Salaam lakini sasa tunauzia madini yetu hapa hapa Chunya tena kwa bei elekezi” alisema Mwasyeba

Meneja ya Benki ya CRDB Chunya, Hamis Mbinga akifafanua jambo kwa wanahabari (hawapo pichani) kwenye mahojiano ya maandalizi ya kipindi maalum chenye kuelezea Mafanikio ya Sekta ya Madini Wilayani Chunya tarehe 03 Desemba, 2019

Alifafanua kuwa uwepo wa soko umeongeza mwamko wa wananchi wa Chunya kufanya kazi kwenye machimbo kutokana na kipato cha uhakika kwa wamiliki wa migodi mara baada ya kuuza madini kwenye soko la madini.

Akielezea namna soko lilivyowasaidia kwenye eneo la bei elekezi, Ahombwile alieleza kuwa tangu kuanzishwa kwa soko la madini bei ya gramu moja ya dhahabu haijawahi kupungua  chini ya  90,000 tofauti na awali ambapo walikuwa wanauza kwa bei ya hasara.

Naye Meneja ya Benki ya CRDB Chunya, Hamis Mbinga akielezea mabadiliko ya soko kwenye mzunguko wa fedha  alisema kuwa  wafanyabiashara wa madini wameanza kutumia benki hiyo kutunza fedha zao hivyo kuondokana na adha ya kuvamiwa na majambazi.

Aliongeza kuwa Benki ya CRDB imeanza kuweka mikakati ya kuwasaidia wafanyabiashara wa madini kwa kuwapatia mikopo kutokana na uwepo wa taarifa zao za fedha kwenye benki hiyo.

Read more

NMB Yashauriwa kutumia fursa za Kibiashara Sekta ya Madini

Na Asteria Muhozya, Dodoma

Benki ya NMB imeshauriwa kutumia fursa za Kibiashara zilizopo katika Sekta ya Madini zikiwalenga Wachimbaji Wadogo na wa Kati wanaofanya shughuli hizo katika sekta husika ikiwemo kujifunza namna biashara ya Madini inavyofanyika.

Katibu Mkuu wa Wizara ya Madini Prof. Simon Msanjila akiagana na Mkuu wa Idara ya Mahusiano ya Serikali ya Benki ya NMB, Vicky Bishubo na Mkuu wa Idara ya Uhasibu NMB, Michael Mungure.

Rai hiyo imetolewa na Katibu Mkuu wa Wizara ya Madini, Prof. Simon Msanjila wakati wa kikao baina yake na Ujumbe wa Wataalam kutoka Benki hiyo ulioongozwa na Mkuu wa Idara ya Mahusiano ya Serikali ya Benki hiyo, Vicky Bishubo. Kikao hicho kimefanyika Novemba 25, 2019, jijini Dodoma.

Aidha, kauli ya Katibu Mkuu kwa benki hiyo inafuatia juhudi za Serikali kupitia Wizara ya Madini zinazolenga katika kuwapatia elimu Wachimbaji ikiwemo za kutunza kumbukumbu za uzalishaji, kufanya tafiti ili kujua kiasi cha mashapo kupitia Taasisi ya Jiolojia na Utafiti wa Madini Tanzania (GST), na Shirika la Madini la Taifa (STAMICO), hayo yote yakilenga katika kuwawezesha wachimbaji hao kukopesheka na Taasisi za Fedha.

Katibu Mkuu wa Wizara ya Madini Prof. Simon Msanjila akisisitiza jambo wakati wa kikao baina yake na Ujumbe kutoka Benki ya NMB pamoja na Wataalam kutoka Wizara ya Madini.

Pia, Prof. Msanjila ameitaka benki hiyo kutumia fursa zilizopo katika masoko ya Madini yaliyoanzishwa katika mikoa mbalimbali nchini ili kurahisisha biashara ya Madini na kutolea  mfano wa Soko la Madini Arusha kwamba benki hiyo haina huduma katika soko hilo huku biashara ya Madini sokoni hapo ikifanyika kwa kiasi kikubwa.

Aidha, Prof. Msanjila ameitoa wasiwasi benki hiyo kuwa, hivi sasa biashara za Madini zinafanyika katika mfumo ulio wazi tofauti na ilivyokuwa awali na kuongeza kwamba, “kuna biashara nyingi kwenye sekta ya madini. Niwaambie hivi karibuni Serikali ya Qatar itaanza kununua dhahabu moja kwa moja kutoka Geita.”

Katibu Mkuu wa Wizara ya Madini prof. Simon Msanjila akiongoza kikao baina ya Ujumbe wa Benki ya NMB na Wizara ya Madini.

Katika hatua nyingine, kama ilivyoainishwa katika Ibara ya 35(j) ya Ilani ya Uchaguzi wa Chama Cha Mapinduzi ya Mwaka 2015-2020 kuhusu Kusimamia na kuhamasisha uwekezaji katika shughuli za uongezaji thamani madini ili kukuza mchango wa sekta hiyo katika Pato la Taifa, Prof. Msanjila ameishauri benki hiyo kuangalia namna ya kufanya biashara katika tasnia ya ukataji wa madini, akieleza kwamba, ni miongoni mwa masuala yanayopewa kipaumbele na serikali ya kuhakikisha madini yanaongezwa thamani kabla ya kusafirishwa nje ya nchi.

“Sekta ya madini haijatumiwa vizuri na mabenki ninawakaribisha kwenye sekta hii . Pale Arusha ndo mji pekee wa Ukataji Madini ya Vito. Mwende mkaliangalie hili,” amesisitiza Prof. Msanjila.

Naye, Mkuu wa Idara ya Mahusiano ya Serikali ya Benki hiyo, Vicky Bishubo  amemshukuru  Prof. Msanjila kwa kueleza fursa zilizopo katika sekta husika na kueleza kwamba, benki hiyo imeyachukua kwa uzito mkubwa yote yaliyoelezwa na iko tayari kuyafanyia kazi.

“Tumejifunza namna sekta ya Madini inavyofanya kazi kuna uwezekano wa sisi kuandaa mfumo wa kuwasaidia wachimbaji wadogo,” ameeleza Bishubo.

Read more

Tanzania Yashiriki Mkutano wa Kimberley Processing Scheme Inchini India

Tanzania inashiriki katika Mkutano wa  Mwaka kwa Nchi Wanachama wa KIMBERLEY PROCESSING SCHEME, unaofanyika nchini India.

Naibu Waziri wa Madini Stanslaus Nyongo (wapili kushoto), akiwa na Balozi wa Tanzania Nichini India Baraka Luvanda (katikati) pamoja na Maofisa wengine kutoka Tanzania

Ujumbe wa Tanzania  katika mkutano huo  unaongozwa na  Naibu Waziri wa Madini Stanslaus Nyongo.
Mkutano huo unahusu nchi wazalishaji wa Madini ya  Almasi  na udhibiti wa biashara ya almasi  duniani.
Aidha, ushiriki  wa Tanzania katika mkutano husika unalenga  katika  kupata uzoefu  kutoka nchi nyingine zinazofanya biashara ya Madini hayo.

Aidha, leo Novemba 20 2019, Naibu Waziri Nyongo ameutembelea Ubalozi wa Tanzania nchini humo ambapo amekutana na Balozi   wa Tanzania nchini India,  Baraka Luvanda.

Baadhi ya wajumbe wa Mkutano wa Kimberley Processeing Scheme wakiwa kwenye Mkutano Nchini India

Read more

Naibu Waziri Nyongo atoa Siku Saba Madini yote kufikishwa Sokoni, Arusha

Na Nuru Mwasampeta, Arusha

Naibu Waziri wa Madini, Stanslaus Nyongo, ametoa Siku Saba kuanzia tarehe 19 Novemba hadi Novemba 26, 2019 kuhakikisha Wafanyabiashara wote wa Madini waliohifadhi madini majumbani mwao wanayafikisha sokoni kabla Oparesheni ya Kamatakamata haijaanza.

Wafanyabiashara wa madini mkoani Arusha wakifuatilia maelekezo yaliyokuwa yakitolewa na viongozi wa nchi ambapo Naibu Waziri wa Madini Stanslaus Nyongo na Mkuu wa Mkoa wa Arusha walizungumza nao juu ya masuala mbalimbali yanayohusu biashara ya madini.

Pia, body-strong.net Nyongo ametoa kibali kwa wanunuzi wadogo na wakubwa kufanya biashara popote isipokuwa wanatakiwa kuzingatia Sheria na taratibu zinazoongoza Sekta ya Madini na kuongeza kuwa, mfanyabiashara mwenye leseni na vibali halali vya kufanya biashara hiyo asizuiliwe kwa vigezo vya mipaka ya kimikoa.

Hayo, yalielezwa Novemba 18, 2019 eneo lilipo soko la madini la Arusha ambapo Naibu Waziri Nyongo alifika ili kufuatilia utekelezaji wa maelekezo ya Waziri wa Madini Doto Biteko ya kuhakikisha biashara zote za madini mkoani Arusha zinafanyika katika masoko ya madini ambapo tarehe 19 Novemba, 2019, ilikuwa mwisho kwa wafanyabiashara wa madini kufanya biashara hiyo nje ya soko.

“Brokers wa Manyara au Arusha anatumia ‘Tin’ namba moja kulipa kodi za serikali na serikali ni moja, tumefungua wigo brokers wa Arusha aruhusiwe kufanya biashara Manyara na wa Manyara aruhusiwe kufanya kazi Arusha, hatutaki biashara icheleweshwe ili wafanyabiashara wailipe serikali chake na kuendelea na biashara,” alisisitiza Nyongo.

Amekumbusha kuwa, wanaofanya biashara nje ya soko oparesheni kamatakamata inaendelea na kuwaeleza kuwa wakiuza madini nje ya soko watambue kuwam wao ni adui wa serikali namba moja. “Ninatoa siku saba kama una madini yasiyo halali nyumbani yatoe uyalete sokoni baada ya siku saba oparesheni inaanza na utakamatwa’’.

“Kwa sasa sisi ni wataalamu wa kuwakamata watoroshaji wa Madini, tunajua jinsi biashara ya madini inavyofanyika hivyo hutakuwa na namna ya kutukwepa,’’ alisema Nyongo.

Pamoja na hayo, Naibu Waziri Nyongo amemwagiza Kaimu Afisa Madini Mkazi wa Mkoa wa Arusha, Mjiolojia Musa Shanyangi Kuhakikisha anasaini maombi yote ya leseni yaliyowasilishwa kwa miezi ya Julai, Agosti na Septemba ili kuwaruhusu wafanyabiashara hao kuendelea na kazi zao. Amesema, kuchelewesha watu kupata leseni ni kichocheo cha biashara za magendo.

Akihitimisha hotuba yake, Naibu Waziri Nyongo aliwapongeza wafanyabiashara wa madini wa Mkoa wa Arusha kwa kuitikia wito uliotolewa na Waziri Biteko  hali iliyopelekea  kufurika sokoni kuendelea na biashara zao. Alisisitiza kuwa serikali ipo nyuma yao kuhakikisha wanafanya biashara halali na kulipa kodi za serikali.

Naibu Waziri wa Madini, Stanslaus Nyongo kizungumza na wafanyabiashara wa madini walipokusanyika kumsiliza mara baada ya kuwasili sokoni hapo kufuatilia utekelezaji wa maagizo ya Waziri wa Madini ya kuwataka wafanyabiashara hao kuhamishia shughuli zao sokoni hapo na si kwingineko.

Kwa upande wake, Mkuu wa Mkoa wa Arusha, Mrisho Gambo aliwataka wafanyabiashara hao wa madini kutokutumia uhuru wao vibaya na kuwaeleza kuwa wakitaka kufurahia kazi yao wafuate taratibu na Sheria zilizowekwa na serikali ili kuwaongoza. “Mna uhuru wa kufanya biashara hivyo mfanye katika maeneo yanayokubalika,” alisititiza Gambo.

Pamoja na hayo, Gambo aliwataka wafanyabiashara hao wa madini kuhakikisha wanaweka uongozi wa soko usiokuwa na itikadi yeyote na kupotosha wengine na kusema, “Msituletee wanaharakati”.

Akikazia suala hilo, Gambo alisema kuwa, yapo makundi ya watu wanaojiita wanaharakati wakijitokeza kwa kofia ya kuongoza vyama vya wachimbaji na badala yake vinawapotosha na kuwapa taarifa zisizo sahihi, katika biashara sokoni hapa achaneni na vyama vya wachimbaji vitawapoteza.

Aliendelea kueleza kwamba vyama hivyo kazi yake ni juu ya vyombo wanavyoviongoza huku akisisitiza kuwa masuala ya serikali yanamalizwa na serikali husika ikiwa ni pamoja na utoaji wa leseni za biashara za madini zinatolewa na serikali na si wanaharakati.

Akihitimisha kuzungumza na wafanyabiashara hiyo, Mkuu wa Mkoa Gamba aliwaeleza maamuzi ya kusogeza huduma za kupata vitambulisho vya utaifa pamoja na Tin namba sokoni hapo ili kuwapunguzia mzunguko wakati wa kuratibu maombi yao ya leseni.

Wakitoa mombi yao kwa serikali, wafanyabiashara wa madini Hussein Idd aliiomba serikali kupeleka wanunuzi wa mawe yasiyo na thamani kubwa sokoni hapo ili na wao waweze kupata mahali pa kuuzia madini yao wakati Mohamed Juma aliitaka serikali kulegeza masharti na kuwapunguzia vikwazo watu kutoka nchi za nje wanapofika na pesa zao ili ziwawezeshe kufanya biashara ya madini nchini.

Read more

TANCOAL Wakumbushwa Kulipa Deni la Serikali

 

Na Tito Mselem Dodoma,

Waziri wa Madini Doto Biteko amewakumbusha Viongozi wa Kampuni ya TANCOAL kuanza kulipa deni lao la kiasi cha Dola za Kimarekani 10,408,798 ambalo Kampuni hiyo inadaiwa na Serikali kwa kipindi cha Septemba 2011 hadi Septemba 2019.

Waziri wa Madini Doto Biteko akiwa kwenye Kikao na viongozi wa TANCOAL kilichofanyika Novemba 14, 2019 katika Ofisi za Taasisi ya Jiolojia na Utafiti wa Madini (GST)

 

Kauli huyo ameitoa leo Novemba 15, 2019 wakati alipokutana na Viongozi wa Kampuni ya TANCOAL inayojishughulisha na uzalishaji wa Makaa ya Mawe katika Mgodi wa Ngaka Mkoani Ruvuma.

Kikao hicho kimefanyika katika Ofisi za Taasisi ya Jiolojia na Utafiti wa Madini Tanzania (GST) Jijini Dodoma na kuhudhuriwa pia na baadhi ya Viongozi Waandamizi wa Wizara wakiwemo Kaimu Katibu Mkuu wa Wizara ya Madini Augustine Ollal, Mkurugenzi wa Huduma za Sheria Edwin Igenge, Mjiolojia wa Wizara ya Madini Neema Msinde na Mjiolojia Kutoka Tume ya Madini Ezekiel Seni.

Aidha, Waziri Biteko ameisisitiza Kampuni hiyo kuzingatia suala la ushirikishwaji wa Nchi na Wananchi (Local Content), katika shughuli zao na kutoa mfano wa Kampuni ya Shanta Gold Mine kuwa ina asilimia 100 ya Watanzania ambao wanafanya kazi katika mgodi huo ukiwemo Mgodi wa Geita Gold Mine ambao una asilimia 97 za Watanzania ambao wanafanya kazi katika mgodi huo.

Hata hivyo, Waziri Biteko amewakaribisha wawekazaji hao na kuwaeleza kuwa Serikali inataka wawekezaji wake wapate faida na walipe kodi kwa Serikali.

Kwa upande wake Mwenyekiti wa Kampuni ya TANCOAL Graeme Robertson ameipongeza Serikali ya Tanzania kwa hatua inazozichukuwa za kukuza sekta ya Viwanda ambavyo kwa asilimia kubwa huwa zinatumia Nishati ya Makaa ya Mawe katika shughuli za uzalishaji.

Nao, Viongozi wa Kampuni ya TANCOAL wamemshukuru Waziri Biteko kwa maelekezo na ushauri suala ambalo wanaamini itawasaidia katika kupeleka mbele maendeleo la Kampuni hiyo.

Pia, ameongeza kwamba mahusiano mazuri na Serikali ndilo jambo la msingi linaloweza kusaidia katika kukuza uchumi Nchini na Duniani kote, sababu ambayo ilipelekea kukutana na Waziri wa Madini ili kuzunguza masula yatakayo saidia kuboresha uzalishaji wa Makaa ya Mawe katika kampuni hiyo.

Kaimu katibu Mkuu wa Wizara ya Madini Augustine Ollal (wapili kushoto), Mkurugenzi wa Huduma za Sheria Edwin Igenge (Kushoto), Mkurugenzi wa Huduma za Leseni Mhandisi Yahaya Samamba (waapili kulia) na Kulia Mwisho ni Mjiolojia wa Wizara ya Madini Neema Msinde

Robertson amesema kuwa Kampuni ya TANCOAL ina masoko ndani na nje nchi, ambapo wanunuzi wakubwa wa Makaa ya Mawe nchini ni makampuni ya Saruji, Vigae na viwanda mbalimbali, pia Kampuni husika inasafirisha Makaa ya Mawe kwenda nchi jirani za Kenya, Uganda, Rwanda na Malawi.

“Inchi ya Indonesia inapata pato kubwa kutokana na usafirishaji wa Makaa ya Mawe hivyo naamini hata Tanzania inaweza ikapandisha mapato yake kupitia usafirishaji wa Makaa ya Mawe,” amesema Robertson.

Ameongeza kuwa nchi ya Malawi pia ina kiwango kikubwa cha Makaa ya Mawe isipokuwa tatizo lipo kwenye uchimbaji wake ambapo ni vigumu sana kuyachimba kutokana na mazingira magumu yalipo Makaa hayo ukilinganisha na Makaa yaliyopo Tanzania.

Pia, Robertson amesema Kampuni hiyo inampango wa kuvitumia Vyuo Vikuu vya Tanzania ili kuhakikisha wafanyakazi wa kampuni hiyo wanakuwa na ujuzi wa kutosha katika suala la uzalisha na usafishaji wa Makaa ya Mawe.

 

 

 

Read more

Bilioni 18 zimetumika miradi ya “CSR” Mkoani Geita

Na Issa Mtuwa – “WM” Geita

Waziri wa Madini  Doto Biteko amesema anaridhishwa na utekelezaji wa miradi ya maendeleo ya  jamii (Corporate Social Responsibility – CSR) inayotekelezwa na Mgodi wa Dhahabu wa Geita – GGM ikiwa na madhumuni ya kuifanya jamii inayo zunguka mgodi huo kufaidika kutokana na uwepo wa raslimali hiyo.

Waziri wa Madini Doto Biteko akihutubia mara baada ya kuweka jiwe la msingi kwenye jengo la Zahanati ya Gereza Geita ikiwa ni sehemu ya miradi ya CSR mkoani Geita

“Mnyonge mnyongeni lakini haki yake mpeni. Yapo mambo bado sikubaliani nao hasa kwenye masuala ya Local Content hususani ajira, mishahara ya watanzania na huduma na manunuzi bado sijaridhishwa. Lakini kuhusu CSR niseme ukweli GGM wanafanya vizuri sana”. Alisema Biteko wakati akiweka jiwe la msingi la jengo la Zahanati ya Magereza Geita miongoni mwa miradi ya CSR Geita mjini.

Biteko alisema GGM wamejenga, zahanati kadhaa ikiwemo hiyo ya Magereza Geita, vyumba vya madarasa, barabara za lami, taa za barabarani, ujenzi wa soko kubwa la wamachinga geita, soko kuu la dhahabu na mirandi mingine, vyote hivyo ni miradi ya CSR inayotekelezwa na fedha za GGM.

“Hii ndio namna ya kuweka alama hata kwa vizazi vijayo kuyafanya madini kuishi na hata madini na mgodi wa GGMM kufungwa. GGM wameshatumia fedha nyingi za CSR zaid ya bilioni 18 kwa ajili ya miradi katika maeneo yetu ya Geita. Fedha hizi nyingi sana huko nyuma kabla ya serikali ya awamu ya tano hazijawahi kutolewa na huko nyuma mgodi ulikuwa unapanga nini cha kufanya lakini leo miradi hii inayotekelezwa inatokana na mipango na vipau mbele vya Halmashauri zenyewe na kumbwa utekelezaji wake unashiriki serikali zetu za mitaa”. Alisema Biteko.

Ameongeza kuwa, zoezi la uwekaji wa jiwe la msingi la Zahanati hiyo ya Magereza tarehe 18/11/2019 ni moja ya kielelezo hicho na amefurahi kusikia ujenzi huo unaendelea na utakamilika bila kukwama. .

“Naomba nitumie fursa hii, kuwakumbusha wenye leseni za uchimbaji madini kote nchini watambue CSR ipo kwa mujibu wa sheria na kila mwenye leseni popote alipo ana wajibu wa kuchangia maendeleo ya jamii kwenye eneo la leseni ilipo, sio suala la migodi mikubwa pekee,” aliongeza Biteko.

Akisoma taarifa ya ujenzi wa Zahanati hiyo, mkuu wa Gereza Geita, SSP. Mussa Mkisi alimwambia mgeni rasmi Waziri wa Madini Doto Biteko kuwa ujenzi huo unaendelea vizuri  na jumla Tshs. milioni 50,000,000/- zimetengwa kutoka mfuko wa CSR –Geita mjini kukamilisha ujenzi huo. Aliongeza kuwa hadi kukamilika kwake, ujenzi huo utakamilika kwa  gharama ya jumla ya Tshs. milioni 170,000,000/- na Zahanati hiyo ya kisasa itakuwa inatumiwa na wafungwa, mahabusu na jamii nzima inayozunguka Zahanati hiyo.

Askari Magereza akimpokea mgeni rasmi Waziri wa Madini Doto Biteko kwa utaratibu wa kijeshi kwa ajili ya zoezi la uwekaji wa jiwe la msingi kwenye jengo la Zahanati ya Gereza Geita akiambatana na viongozi mbalimbali. Kulia kwake ni mkuu wa Mkoa Geita Mha. Robert Gabriel mwenye kofia ya CCM ni Mbunge wa Geita mjini na Naibu Waziri wa Maliasili na Utalii Costantine Kanyasu

Kwa upande wa mgodi wa GGM kupitia Mkurugenzi Mtendaji  wa mgodi, Richard Jordanson amesema wanaona fahari kutekeleza miradi inayo walenga wananchi wote moja kwa moja kwani miradi hiyo inakuwa ni kielelezo na kwamba wataendelea kutekeza miradi mbalimbali kwa kuzingatia miongozo ya utekelezaji wake.

Jordanson ameongeza kuwa mgodi wa GGM utaendelea kushirikiana na serikali huku akimuahidi Waziri wa Madini kumshangaza kwa maajabu atakayoyafanya kuhusu utekelezaji wa Local content katika mwaka ujao.

Wakati huo huo Waziri wa Madini Doto Biteko ametoa kiasi cha Tsh. Milioni 1,500,000/- kwa ajili ununuzi wa mchele, Ng’ombe na Vinywaji baridi kwa ajili ya wafungwa na mahabusu wa gereza hilo kwa siku hiyo. Ametoa fedha hiyo alipotembea Gerezani hapo na kuzungumza nao, huku akiwatia moyo kwamba wasivunjike moyo na kwamba mungu anampenda kila mtu na siku moja watarudi uraiani.

Nae Mbunge wa Geita mjini na Naibu Waziri wa Maliasili na Utalii Costantine Kanyasu amewafariji kwa kuwaambia wasikate tama na kwamba hata walioko nje ni wafungwa au mahabusu watarajiwa huku akibainisha kuwa hata yeye aliwahi kukaa mahabusu siku tano baada ya yeye na wenzake kufanya fujo na vurugu wakiwa shuleni lakini leo maisha yanaendelea.

 

Read more

STAMICO Haiwezi Kufutwa – Kamati ya Bunge

Na Issa Mtuwa, Biharamulo

Kamati ya Kudumu ya Bunge ya Uwekezaji wa Mitaji ya Umma imesema Shirika la Madini la Taifa (STAMICO) haliwezi kufutwa tena kutokana na mwenendo wa sasa kuridhisha kutokana na utendaji wake na kubadili mtazamo uliokuwepo awali.

1. Waziri wa Madini aliye tangulia mbele akiwaongoza Wajumbe wa Kamati ya Kudumu ya Bunge ya Mashirika ya Umma ikiongozwa na mwenyekiti wake Dkt. Raphael Chegeni (wa tatu kulia) kutembelea mgodi wa STAMIGOLD unaomilikiwa na STAMICO.

Kubadili kwa mtazamo huo kunatokana na mwenendo wa awali kutoridhisha katika utendaji wake hali iliyopelekea baadhi ya wabunge kutaka Shirika hilo lifutwe lakini tarehe 17/11/2019 wajumbe wa kamati hiyo walisema kwa sasa shirika hilo haliwezi kufutwa tena kwa sababu juhudi nyingi za makusudi zimefanyika yapo mambo yanayoonekana yanaonekana na kamati imejionea.

“Sisi Wazaramo tuna msemo wetu “seeing is believing”, tukimaanisha kuwa kuona ni kuamini nilichokiona leo kwenye mgodi huu nadiriki kusema nimeona na nimeamini, na kwamba hata yale tuliyokuwa tunayasikia au kuyasoma ni tofauti sana na hiki tulicho kiona hapa,” alisema Makamu Mwenyekiti wa Kamati ya Kudumu ya Bunge ya Uwekezaji wa Mitaji ya Umma Zaynabu Vulu.

”Hata mimi nilikuwa mmoja wa wabunge niliokuwa ninataka STAMICO ifutwe lakini leo hapa nafuta kauli yangu na kwamba nimeona na nimeamini kwamba nimeridhishwa na kuna mambo yanafanyika yenye tija,” alisema mjumbe Maftaha Nachuma.

Waziri wa Madini akiwa na watendaji wake wa STAMICO na STAMIGOLD aliwaeleza wajumbe wa kamati kuwa STAMICO ya miaka miwili iliyopita ni tofauti na STAMICO ya sasa na kuongeza, STAMICO ya sasa haizalishi madeni badala yake imekuwa ikilipa madeni, kuzalisha kwa faida na imefanikiwa kupunguza gharama za uzalishaji kwa kiasi kikubwa.

Aidha, Biteko aliwaeleza wajumbe wa kamati kuhusu Changamoto mbalimbali zinazo isumbua STAMICO ni pamoja ya matumizi ya mafuta ya dizeli kwa ajili ya kuzalisha umeme unaotumika mgodini hapo ambapo kwa mwezi wanatumia bilioni 1 wakati wangetumia umeme wa Tanesco  wangekuwa wakitumia umeme kwa gharama ya milioni 300 kwa mwezi na kwamba wangekuwa wanaokoa Tsh milioni 700 kila mwezi.

Wajumbe wa Kamati ya kudumu ya Bunge wakichangia mjadala ulioongozwa na Mwenyekiti wa Kamati Dkt. Raphael Chegeni sehemu kubwa wameipongeza Wizara na STAMICO kwa mageuzi makubwa na kwamba kazi yao inatia moyo.

3. Sehemu ya wajumbe wa Kamati ya Kudumu ya Bunge ya Mashirika ya Umma wakiangalia bwawa linalohifadhi maji sumu (TFS) wakati wa ziara yao kwenye mgodi wa STAMIGOLD.

Hali hiyo ilipelekea wajumbe  kuiuliza STAMICO nini wanataka kamati hiyo iwasaidie ili kufikia malengo yao kama shirika kutokana na mipango yao waliyowaeleza wajumbe hao.

“Ndugu wajumbe kwanza nimefurahishwa kuona mgodi huu ukiendeshwa na watanzania wenyewe na kwamba hili linatia moyo na kujivunia kwamba tuna uwezo wa kuanzisha miradi mingine mikubwa na ikaendeshwa na watanzania wenye, hiki ni kielezo kikubwa, nawapongeza sana”, alisema Mwenyekiti wa Kamati.

Aidha, mwenyekiti wa kamati alisema ni ukweli kwamba Waziri wa Madini Doto Biteko anaitendea haki nafasi aliyopewa na kwamba kuwekuwa na mabadiliko makubwa yanayoonekana kutokana na utendaji wake na hivyo kamati inampongeza na iko tayari kumuunga mkono katika utekelezaji wa majukumu yake huku pia akimpongeza Kaimu Mkurugenzi Mtendaji wa STAMICO Dkt. Venance Mwase.

Read more

Biteko Ang’aka Kuhusu Mishahara ya Watanzania Migodini

Na Issa Mtuwa – Geita

Waziri wa Madini Doto Biteko pamoja na kuupongeza uongozi wa mgodi wa dhahabu wa Geita “GGM” katika  mambo mengi leo tarehe 16/11/2019 alikuwa “mbogo” kwa uongozi huo kuhusu suala la mishahara wanayolipwa Watanzania ambapo amebaini kutokuwepo kwa usawa.

Waziri wa Madini Doto Biteko katikati akiwa kwenye kikao na uongozi wa mgodi wa dhahabu wa Geita “GGM” wakati wa ziara yake mgodini hapo. Kulia kwake ni Mkuu wa Mkoa Mhandisi Robert Gabriel, Mkuu wa Wilaya Joseph Maganga na kushoto kwa waziri ni Mkurugenzi Mtendaji wa GGM Richard Jordonson

Biteko amesema anaumizwa sana na jambo la malipo ya mishahara kati ya Watanzania na wageni licha ya kulingana kwa sifa, ujuzi na elimu na wakati mwingine mtazania anasifa zaidi kuliko mgeni lakini bado mtanzania analipwa chini kuliko yule mgeni.

Kutokana na hali hiyo, Biteko ameuagiza uongozi wa GGM kuwasilisha orodha ya malipo ya mishahara ya wafanyakazi wote (Payroll) kwa Kamishna wa Madini Mhandisi David Mulabwa wiki ijayo. Biteko alianza kuhoji idadi ya idara zilizopo na zinaongozwa na akina nani huku akiuliza kuna watu wangapi wa kigeni katika idara hizo na majukumu yako.

“Sheria ya madini hasa sheria ya Local content inatoa muongozo ni namna gani na wakati gani mgodi unaweza kumuajiri mtaalamu wa fani fulani kutoka nje endapo hakuna mtanzania wa kuweza kushika wadhifa huo” amesema Biteko.

Ameongea hayo wakati akiongea na uongozi wa mgodi wa GGM mkoani geita alipotembelea mgodini hapo kwa ziara maalum ya kikazi kwa lengo la kufuatilia na kukagua uendeshaji wa shughuli za mgodi huo, ufuatilia na kuangalia utekelezaji wa malalamiko ya wananchi na malipo ya ushuru wa Halmashauri (Service Levy) ambapo mgodi huo unawajibika katika malipo hayo.

Aidha, Biteko amekwenda kujiridhishi katika masuala mbalimbali ambayo kamati maalumu aliyoiunda kwenda mgodini hapo kwa ajili ya kuangalia na kukagua ili ajiridhishe kabla ya kutoa idhini ya kuruhusu mgodi huo kuanza uchimbaji wa chini kwa chini (Underground) kufuatia maombi ya mgodi huo kwa waziri.

Kwa mujibu wa kifungu cha 40 cha marekebisho ya sheria ya madini ya mwaka 2017  hairuhusu uchimbaji wa chini kwa chini kwa mwekezaji au mgodi mpaka apate idhini (Kibali) ya waziri mwenye dhamana ya Madini ambapo Waziri alianisha mambo mengi ya kuzingatiwa na mgodi kabla hawajaruhusiwa.

Biteko ameendelea kusisitiza kauli yake ya mara kwa mara kuwa raslimali hizi ziwe neema kwa wananchi na sio mateso. Kauli hiyo ameitoa kufuatia malalamiko ya wananchi wapatao 350 ambao makazi yao yalipitiwa na tetemeko wakati wa milipuko mbalimbali mgodini hapo wakati wa ulipuaji wa miamba.

Waziri wa Madini Doto Biteko wa pili kushoto alipotembelea mgodi wa RZ kukagua utendaji wa mgodi huo na kusikiliza kero za wananchi na wafanyakazi wa mgodi huo

Ameongeza kuwa hadi kufikia mwisho mwaka huu ukurasa wa suala la malipo ya fidia ya suala hili liwe limefungwa na kwamba wenye malalamiko wote wapeleke kwa Mkuu wa Wilaya Geita kuanzia tarehe 18-23/11/2019.

Kwa upande wa uongozi wa mgodi ukiongozwa na Mkurugenzi Mtendaji wa Mgodi Richard  Jordanson na Makamu Mkurugenzi Mtendaji Simon Shayo kwa nyakati tofauti wametoa shukrani kwa ujio wa Waziri kwenye mgodi wao ikiwa ni mara yake ya kwanza kutembelea tangu alipoteuliwa kuwa Waziri wa Madini.

Wameongeza kuwa mgodi wao upo mstari wa mbele kutekeleza maagizo ya serikali na kwamba wanapenda kuwa msistari mbele na wawe wa kwanza katika kuchangia sehemu kubwa itakayo changia pato (GDP) la taifa kwa upande wa madini.

Shayo amemwambia waziri kuwa mambo mengi aliyoyasema Waziri kama vile; mpango wa ufukiaji mashimo baada ya mgodi kufungwa, ulipaji wa ushuru wa Halmashauri za wilaya (Service levy), mchakato wa ulipaji wa fidia ya wananchi na utekelezaji wa sheria ya local content vinatekelezwa baadhi vimeshakamilishwa na baadhi vipo kwenye taratibu za kukamishwa.

Waziri wa Madini Doto Biteko katikati akisikiliza huku pia akihoji masuala mbalimbali kwa viongozi wa mgodi wa “GGM” kushoto ni Mkurugenzi Mtendaji wa GGM Richard Jordonson

Akiwa kwenye mgodi wa RZ unaomilikiwa na mwekezaji kutoka china anae fahamika kwa jina la “Lyuu” amemtaka mwekezaji huyo kwa kufanya kazi zake kwa kuzingatia sheria zote zikiwemo za madini, kazi na utoaji wa mikataba ya ajira na makato ya NSSF kwa wafanyakazi wake na kuiwasilisha kwa mamlaka husika.

“Lyuu” amesema ameshukuru waziri kutembelea mgodi kwake na amepokea maelekezo ambayo ameyakubali na kuahidi kuyatekeleza. Wakati wakati huo huo wafanayakazi walipo mgodini hapo amewataka kuwa waaminifu na kuepuka vitendo vihovu kwa mwekezaji.

Read more

Wafanyabiashara Arusha Wapewa Siku Moja Kuhamishia Shughuli Zao Ndani ya Soko

Na Tito Mselem Arusha,

Waziri wa Madini Doto Biteko ametoa siku moja kwa Wafanyabiashara wote wa Madini Mkoani Arusha kuhamishia shughuli zao ndani ya Soko na watakao bainika kununua madini nje ya Soko watachukuliwa hatua za kisheria ikiwemo kufutiwa leseni zao na kufikishwa Mahakamani.

Baadhi ya Wafanyabiashara wa Madini wakiwa nje ya jengo la Soko la Madini la Mkoa wa Arusha

Hatua hiyo inafuatia ziara ya kushtukiza ya Waziri Biteko aliyoifanya Sokoni hapo Novemba 13, 2019 na kubaini changamoto za wanunuzi Wakubwa wa Madini kutolitumia Soko hilo na badala yake wameendelea kununua Madini nje ya Soko.

Katika zira yake hiyo, Waziri Biteko ameambatana na viongozi mbalimbaliwa Serikali pamoja na Wizara ya Madini akiwemo Katibu Mkuu wa Wizara ya Madini Prof. Simon Msanjila, Mwenyekiti wa Tume ya Madini Prof. Idris Kikula, Mkuu wa Jeshi la Polisi la Mkoa wa Arusha Jonathan Shanna na wengine.

Pia, Waziri Biteko amemtaka Mkandarasi anayeendelea na ujenzi katika Soko hilo ahakikishe anamalizia haraka ujenzi huo huku wafanyabiashara wakiwa wanaendelea na shughuli zao katika Soko hilo.

Aidha, Waziri Biteko amemuagiza Mwenyekiti wa Tume ya Madini Prof. Idris Kikula kumuondoa Afisa Madini Mkazi wa Mkoa wa Arusha, Robert Erick kwa kushindwa kusimamia ipasavyo shughuli za Madini Mkoani humo.

Afisa Madini huyo anadaiwa kuwaachia wafanyabiashara wakubwa wa Madini Mkoani Arusha kufanya biashara ya Madini maofisini mwao tofauti na maelekezo ya Serikali iliyowataka wafanye biashara hiyo kwenye Masoko ya Madini ambapo ofisi nne tu ndizo zilikuwa wazi wakati Soko hilo lina ofisi za wafanyabiashara wakubwa 40 lakini kwa zaidi ya miezi minne hawajahamia katika ofisi hizo.

Waziri wa Madini Doto Biteko (wapili kushoto) akijadiliana jambo na Katibu Mkuu wa Wizara ya Madini Prof. Simon Msanjila (wapili kulia), Prof. Idris Kikula wakwanzaa kushoto na Sam Mollel (wakwanza kulia)

Alisema jukumu hilo la kusimamia kufanya biashara ndani ya Soko hilo na kuwachukulia hatua wafanyabiashara wenye madini majumbani mwao ni jukumu la Afisa Madini, lakini kazi hiyo kwa sasa inafanywa na Waziri hatua ambayo haikubaliki kabisa, wakati wa kulindana umepitwa na wakati sio kwa Serikali hii iliyopo madarakani.

Waziri Biteko alisema kuwa, biashara ya Madini ya Tanzanite Mkoani Arusha imeshuka kwa asilimia kubwa na wanaofanya biashara hiyo wanajulikana  lakini hawachukuliwi hatua  na kwamba ofisi yake haiko tayari kuona ubadhilifu wa aina hiyo.

Pamoja na mambo mengine, Waziri Biteko amesema kuwa haoni sababu za msingi za wafanyabiashara wakubwa wa Madini Mkoani Arusha kushindwa kufanya biashara katika Soko la Madini lililoandaliwa na Serikali na badala yake wafanyabiashara hao wanafanya biashara katika ofisi zao.

Amewaeleza wafanyabiashara Wakubwa na Wadogo wa Madini Mkoani Arusha kuwa haitaji kupigiwa makofi kwani yeye anasimamia kanuni na sheria namba 20 ya Madini inayosema kuwa kila mfanyabiashara wa Madini awe Mdogo ama Mkubwa anapaswa kufanya biashara ndani ya Soko la Madini na sio vinginevyo.

Ameongeza kuwa, Wafanyabiashara wakubwa waliomba muda wa mwezi mmoja katika kufanya biashara ndani ya Soko hilo na Wizara iliongeza muda huo waliohitaji lakini hadi sasa ni zaidi ya miezi minne hakuna mfanyabiashara mkubwa aliyekuwa akifanya bishara katika Soko hilo na badala yake wanafanya biashara katika ofisi zao na wanamiliki kilo nyingi za madini kinyume cha utaratibu.

Baadhi ya Wafanyabiashara wa Madini wakiwa nje ya jengo la Soko la Madini la Mkoa wa Arusha

Waziri amesema anazo taarifa za uhakika baadhi ya wafanyabiashara wakubwa 97 wana ofisi za madini Arusha na Nairobi na wanafanya ujanja ujanja ili wafanye biashara hiyo kwa njia haramu na kuikosesha Serikali mapato hilo halikubaliki watachukuliwa hatua kali ikiwemo kufilisiwa mali zao na kufikishwa Mahakamani.

Akizungumzia suala la wafanyabishara Wadogo wa Madini amesema ofisi yake ina idadi ya wafanyabishara wenye leseni  263 lakini wanaofanya biashara hiyo mtaani ni zaidi ya watu 1,300 hali inaonesha wazi kuwa  zaidi ya wafanyabiashara 1037 wanafanya biashara bila ya kuwa na leseni na Afisa Madini Mkazi wa Mkoa wa Arusha analijuwa hilo lakini ameshindwa kusimamia majukumu yake ya kazi.

Pamoja na mambo mengine Waziri Biteko amesisitiza uaminifu katika sekta ya madini.

Read more

Wizara ya Madini Kuanzisha Leseni Mpya ya Ukataji Madini

Na Issa Mtuwa – Dodoma

Naibu Waziri wa Madini, Stanslaus Nyongo amesema wizara yake ipo kwenye utaratibu wa kuandaa muswada na kuupeleka bungeni kwa ajili ya kuanzisha leseni mpya ya ukataji madini kwa lengo la kuyaongezea thamani madini yanayopatikana nchini. Nyongo aliyasema hayo wakati wa mkutano wa kujadili masuala ya uziduaji na kupitia kitabu kilichoandikwa na aliyewahi kuwa Waziri wa Nishati na Madini, Willium Mganga Ngeleja kinacho zungumzia masuala ya madini katika nyanja mbalimbali.

Washiriki mbalimbali wa mkutano wakiwemo Wabunge na Wanasheria wakifuatilia mijadala mbalimbali.

Akizungumzia kuhusu leseni hiyo mpya, Nyongo alisema hivi sasa wizara imezuia kusafirisha madini ghafi nje ya nchi ili kuyaongezea thamani nchini. Aliongeza kuwa, kutokana na hali hiyo kuna mahitaji makubwa ya wataalam wa kukata na kuongeza thamani ya madini jambo lililopelekea kuwepo na mchakato wa kuanzisha leseni hiyo.

Pamoja na hayo, Naibu Waziri Nyongo, alileza namna marekebisho ya sheria ya madini ya mwaka 2017 ilivyoleta mabadiliko kwenye sekta ya madini ambapo masuala mengi hivi sasa yanaleta tija kama vile kuongezeka kwa uwazi katika masuala mbalimbali ya kiutendaji ya wizara kwa wadau wa madini.

Alisema, nia ya marekebisho ya sheria ni pamoja na kutumia sekta ya madini kuweza kuwaneemesha watanzania wote, kuangalia namna y sekta ya madini inavyoweza  kufungamanishwa na sekta nyingine ili kusudi watanzania waweze kunufaika na mapato yatokanayo na madini na kuhakikishia sekta ya madini inachangia vya kutosha kwenye pato la taifa.

Kuhusu uwazi katika utendaji, Nyongo alisema marekebisho ya sheria ya 2017 ndio yaliyopelekea kufutwa kwa Taasisi ya Ukaguzi wa Madini (TMAA) na kuanzishwa kwa Tume ya Madini, Taasisi iliyopewa mamlaka ya kusimamia masuala yote ynayohusiana na sekta ya madini ikiwa ni pamoja na utoaji wa leseni.

Naibu Waziri wa Madini, Stanslaus Nyongo akifafanua jambo wakati wa mkutano wa Uziduaji.

“Makamishna wa madini wa Tumendio waliopewa jukumu la kupitia na kutoa mapendekezo ya utoaji wa leseni kubwa “Special Mining License – SML” na kisha kuwasilishwa kwenye chombo chenye maamuzi ya kutoa leseni ambacho kinahusisha  Baraza la Mawaziri.

Jambo hii limefanyika kwa makusudi ili kuweka uwazi na kuondoa mashaka ya uwepo wa rushwa na urasimu ambao ulikuwepo kabla ya markebisho hayo.

Read more

Kamishna Mulabwa Apokea Taarifa ya Utafiti Tasnia ya Uziduaji

Kamishna Mulabwa Apokea Taarifa ya Utafiti Tasnia ya Uziduaji

Na Asteria Muhozya – Dododma

Kamishna wa Madini Mhandisi David Mulabwa leo Novemba 12, 2019, amekutana na Mkurugenzi wa Shirika Lisilo la Kiserikali la HAKI RASILIMALI Rachel Chagonja pamoja na ujumbe wake, ambao umewasilisha Wizarani na kumkabidhi Taarifa ya Utafiti uliofanywa katika Tasnia ya Uziduaji ikifungamanisha na Uwekezaji katika Viwanda pamoja na machapisho mengine.

Kamishna wa Madini Mhandisi David Mulabwa katika picha ya pamoja na Mkurugenzi Mtendaji wa HAKI RASILIMALI, Rachel Chagonja (katikati) pamoja na ujumbe aliofuatana nao baada ya kuwasilisha nakala ya Taarifa ya Utafiti katika Tasnia ya Uziduaji ikifungamanisha na uwekezaji katika Viwanda

Mbali na kumkabidhi taarifa husika, pande hizo mbili zimepata fursa ya kujadiliana masuala kadhaa yanayohusu Sekta ya Madini. Taarifa hiyo ya Utafiti iliandaliwa na shirika hilo.

Read more

Serikali Yasitisha Uokoaji Walio Fukiwa Kifusi Mgodini

Na Issa Mtuwa – Geita

Majonzi na huzuni vimetawala kwenye mgodi wa wachimbaji wadogo wa Imalanguza wilaya ya Geita kata ya Lwamgasa katika Kijiji cha Imalanguzu, mara baada ya kuwasili Naibu Waziri wa Madini Stanslausi Nyongo mgodini hapo akiwa na viongozi wengine waandamizi wa Wizara ya Madini, uongozi wa mkoa na viongozi wa dini kwa ajili ya kwenda kusitisha shughuli za uokoaji wa wachimbaji wadogo wawili Karos Msukuma Paulo mwenyeji wa Chato na Kulwa Joseph Mahungija mwenyeji wa Busolwa Nyang’wale waliofukiwa kifusi siku ya tarehe 1/10/2019.

Kamishna wa Madini Mhandisi David Mulabwa akionyesha jambo kwa Naibu Waziri Stanslaus Nyogo wa kwanza kulia, Katibu Mkuu wa Wizara ya Madini Prof. Simon Msanjila wa pili kulia na Mkuu wa Mkoa wa Geita Mhandisi Robert Gabriel wakiwa kwenye eneo la mgodi huo.

Usitishaji wa zoezi hilo umefanyika tarehe 9/11/2019 ikiwa ni siku 39 tangu wachimbaji hao wafukiwe na kifusi kutokana na uwepo wa changamoto mbalimbali zilizo jitokeza katika kipindi chote cha uokoaji. Ripoti maalam ya timu ya wataalam wa uokoji imeeleza kuwa kumekuwa na changamoto nyingi wakati wote wa ukoji zilizopelekea kuwa na ugumu wa kuwaokoa wachimbaji hao.

Akiwasilisha taarifa ya wataalam wa uokoaji iliyoishauri serikali kusitisha kwa zoezi hilo la uokoaji kwa Naibu Waziri wa Madini Stanslaus Nyongo,  mkuu wa wilaya ya Geita Josephat Maganga amemwambia Naibu Waziri wa Madini kuwa miongoni mwa changamoto zilizojitokeza wakati wa uokoaji ni pamoja na uwepo wa maji chini ya mgodi, mwingiano wa magogo mbalimbali chini ya shimo la mgodi, na kutokuwa na usalama katika eneo hilo hata kwa vyombo vya uokoaji.

Maganga aliongeza kuwa, kulikuwa na wataalam wa makundi mbalimbali ya uokoaji na vifaa vya kutosha kutoka kwa jeshi na uokoaji, mgodi wa dhahabu wa Geita (GGM), na makampuni mengine kutoka kwenye migodi mbalimbali, lakini pamoja na juhudi zote hizo imeshindikana kupatikana kwao.

Taarifa hiyo iliendelea kusema kuwa  siku ya tukio hilo, kwenye shimo hilo kulikuwa na wachimbaji 5 ambapo 3 kati yao waliokolewa siku hiyo hiyo na wawili hawakuweza kupatikana hadi zoezi hilo la uokoaji linasitishwa.

Kwa upande wake Naibu Waziri Nyongo, akiongea kwa masikitiko na majozi kwenye hadhara hiyo, Nyongo amesema kwanza lililotokea ni bahati mbaya na kwamba serikali imesikitishwa na tukio hilo na kwamba iko pamoja wafiwa na wachimbaji wote.

Naibu Waziri wa Madini Stanslaus Nyongo akitoa tamko la serikali la kusitisha kwa zoezi la uokoaji

Ameongeza kuwa, serikali inathamini sana hata uhai wa mtu mmoja kuliko dhahabu au madini yote yaliko chini na ndio maana inasisitiza wachimbaji kuchimba kwa kufuata utaratibu na sharia ili wachimbe kwa kuzingaatia usalama ili kuepukana na majanga kama hayo.

Nyongo ametowa kauli ya serikali ya kuhitimisha shughuli za uokoaji na kutoa maelekezo kuhusu eneo hilo ambalo wachimbaji hao wamefukiwa na kifusi.

“Na sasa tunakwenda kufanya ibada ya kwenda kuwazika wenzetu, viongi wetu wa dini wako hapa watatuongoza katika ibada hiyo kwa ajili ya maombi. Natamka kuwa, shughuli zote za uchimbaji katika eneo ambalo tunaamini kuwa ndipo wezentu hawa wapo, basi eneo hilo litambuliwe rasmi kuwa ndio kabuli lao na kama kuna undelezaji wa shughuli ya uchimbaji utaendelea katika eneo lingine na kwa utaratibu mwingine.” alisema Nyongo.

Nyongo pia alitoa maagizo kwa afisa madini mkazi mkoa wa Geita na timu yake kusimamia usitishwaji wa shughuli za uchimbaji katika eneo hilo mpaka pale hatua za uzingatiaji usalama ziwe zimefuatwa ili kuepusha ajali nyingine.

Kwa upannde wake Mchungaji Nuhu Suleman alie ongoza ibada hiyo ya kuwaombea marehemu alisema, hapana budi kumshukuru mungu kwa kila jambo na kila jambo hukusudiwa na mungu. Amewakumbusha waumini wote kumuelekea mungu kwani yeye ndie mwenye upekee na ufalme na kwamba maisha ya binaadamu yana ukomo ni vyema kila mmoja akajiandaa na safari hiyo.

 

Read more

Mabadiliko Sekta ya Madini Yalilenga Kuweka Umiliki kwa Watanzania-Waziri Kalemani

Asteria Muhozya na Tito Mselem, Dodoma

Imeelezwa kuwa Mabadiliko Makubwa yaliyofanywa na Serikali katika Sheria ya Madini ya Mwaka 2010 na Marekebisho yake ya Mwaka 2017, yalilenga kuhakikisha rasilimali madini inabaki mikononi mwa Watanzania  chini ya Usimamizi wa Rais wa Jamhuri ya Muungano  wa Tanzania.

Mwenyekiti wa Tume ya Madini Profesa Idris Kikula akitoa ufafanuzi kuhusu masuala kadhaa ambayo Kamati ya Kudumu ya Bunge ya Sheria Ndogo ilitaka ufafanuzi.

Waziri wa Nishati Dkt. Medard Kalemani kwa niaba ya Waziri wa Madini ameieleza hayo Kamati ya Kudumu ya Bunge ya Sheria Ndogo katika Semina iliyolenga kuongeza uelewa  kwa Kamati hiyo kuhusu Kanuni mbalimbali zilizoundwa zinazohusu Sekta ya Madini na kuwasilishwa na Wataalam wa Sheria wa Wizara ya Madini wakiongozwa na Mkurugenzi wa Huduma za Sheria , Edwin Igenge.

Kanuni zilizowasilishwa kwa kamati hiyo ni pamoja na Kanuni za Madini (Udhibiti wa Eneo la Mirerani),  Kanuni zinazohusu  Biashara ya Almasi, Kanuni za Masoko ya Madini pamoja na Marekebisho ya Sheria ya Madini.

” Mhe. Mwenyekiti kuna zaidi ya Kanuni 13 zilizoundwa amabazo zote zimelenga katika kurahisisha usimamizi wa Sekta ya Madini na kuwanufaisha Watanzania,” amesema Dkt. Kalemani.u,

Aidha, ameongeza kuwa, masuala mengine ni pamoja na namna ambavyo watanzania wanashiriki katika umiliki wa asilimia 16  hadi 50  kwenye uwekezaji mkubwa katika sekta ya madini  na kueleza kuwa, awali suala hilo halikuwepo.

“Mhe. Mwenyekiti hii ndiyo sababu tuko hapa pamoja na Kamati yako ambayo inahusika moja kwa moja na masuala haya, ni masuala muhimu ambayo kamati yako inapaswa kuyajua,” amesisitiza Dkt. Kalemani.

Ameongeza  suala ni usimamizi  wa sekta ya Madini kuwekwa chini ya Tume ya  Madini pamoja na  Serikali kupitia Benki Kuu ya Tanzania kuwa  na akiba ya madini ya Dhahabu na kusema, “Mhe. Mwenyekiti suala hili lilikuwepo awali lakini sasa tumelirejesha tena”.

Aidha, Waziri Kalemani amesema mabadiliko hayo yaliyofanywa katika sekta ya madini yamepelekea kupunguza nguvu ya wachimbaji wakubwa na kutoa nafasi kwa watanzania wengi kunufaika na rasilimali madini ikiwemo kuweka biashara ya madini wazi na uanzishwaji wa masoko ya madini ambayo yameleta manufaa kwa sekta.

Baadhi ya Wataalam wa Wizara walioshiriki Semina ya kuijengea uelewa Kamati ya Kudumu ya Bunge ya Sheria Ndogo wakisikiliza mada zilizokuwa zinatolewa.

katika hatua nyingine, Waziri Kalemani amesema kufuatia serikali kuweka mazingira mazuri  hususani kwa wachimbaji wadogo wa madini, serikali kupitia  Wizara ya Nishati imewezesha kufikisha nishati ya umeme kwenye migodi 32 ya wachimbaji wadogo wa madini suala ambalo linawawezesha kuchimba kwa faida na kuachana na matumizi ya mafuta.

Naye, Makamu Mwenyekiti wa  Kamati ya Kudumu ya Bunge ya Sheria Ndogo William Ngeleja, akizungumza  katika semina hiyo ameipongeza Serikali hususan Rais wa Jamhuri ya Muungano wa Tanzania Dkt. John Magufuli kwa Maamuzi makubwa aliyoyafanya  katika Sekta ya Madini ambayo yalipelekea kufanyika kwa   Mabadiliko ya Sheria ya Madini ya Mwaka 2010 na Marekebisho yake ya Mwaka 2017 na kueleza kuwa, manufaa yake yanaonekana.

Pia, ameipongeza Serikali kwa uazishwaji wa Masoko ya Madini  pamoja na Ujenzi wa Ukuta unaozunguka Migodi ya Tanzanite Mirerani na kueleza kuwa, ukuta huo umeongeza tija kwa taifa kutokana na mapato yanayopatikana  baada ya udhibiti wa utoroshaji wa madini hayo  yanayopatikana Tanzania pekee ikiwemo usimamizi wa rasilimali hiyo.

” Mhe. Mwenyekiti kuna zaidi ya kanuni 13 zilizoundwa amabazo zote zimelenga ktika urahisisha usimamizi wa Sekta ya Madini na kuwanufaisha Watanzania, ”

Vilevile, amesema semina hiyo imewaongezea weledi wajumbe wa kamati hiyo kuhusu mabadiliko ya  Sheria ya madini. Aidha, amempongeza Waziri Biteko kutokana na ushirikiano na usimamizi mzuri wa   rasilimali madini unaofanywa  na kusema  “Watendaji tembeeni vifua mbele mnaye kiongozi anayewawakilisha vizuri,” amesema Ngeleja.

Pia, amechukua fursa hiyo kuipongeza Wizara ya Nishati  kwa usimamizi mzuri wa sekta ya Nishati na kusema kwamba,”Wewe Waziri Kalemani na mwenzio wa Madini mnamwakilisha vizuri Rais wetu sisi sote tunaona”.

Aidha, kamati hiyo imeishauri Wizara  kuhusu masuala kadhaa yanayohusu sekta ya madini yakilenga katika kusimamia na kuboresha sekta  husika ili kuhakikisha kwamba rasilimali madini inawanufaisha  zaidi watanzania, ambapo Waziri Kalemani ameahidi kuufanyia kazi ushauri uliotolewa na kamat hiyo. Pia, kamati imeitaka wizara kuendelea kutoa elimu kwa wachimbaji wadogo  madini kuhusu masuala yanayohusu kodi pamoja na mambo mengine ya muhimu.

Kwa upande wake, Mwenyekiti wa Tume ya Madini Prof. Idris Kikula akijibu hoja zilizowasilishwa na Kamati hiyo, ameeleza kwamba, zipo tofauti  za kabla na baada ya kujengwa kwa Ukuta unaozunguka migodi ya Tanzanite Mirerani  na kueleza kwamba, mapato yameongezeka tofauti na ilivyokuwa awali.

“Lakini Mhe. Mwenyekiti  sisi na wizara tunafanya kazi kama Timu, tunaendelea na  majukumu yetu ya usimamizi wa sekta ya madini lakini pia tayari serikali imetoa magari 36 , tumeongeza watumishi  wapya 180 bado tunaendelea na kufanyia kazi lengo la kukusanya shilingi bilioni 470 kwa Mwaka wa Fedha 2019/20,” amesema Prof Kikula.

Kuhusu udanganyifu unaofanywa na baadhi ya vituo vya uchenjuaji dhahabu, amesema Tume ya madini ilikwisha baini udanganyifu huo na suala hilo linadhibitiwa.

Wataalam wengine waliowasilisha Mada katika semina hiyo kutoka wizara ya madini ni pamoja na Maafisa Sheria Waandamizi Semeni Kakunda, Julieth Moshi pamoja na Afisa Sheria Godfrey Nyamsenda.

Wengine waliohudhuria semina hiyo ni  Wataalamu kutoka Wizara ya Madini na Tume ya Madini.

Read more

Serikali ya Wahakikishia Ushirikiano Wanunuzi Wakubwa wa Tanzanite

Na Asteria Muhozya, Kilimanjaro

Serikali imewahakikishia Ushirikiano Wanunuzi Wakubwa wa Madini ya Tanzanite kutoka nchi za Marekani na Canada ambao Novemba 6, 2019, walihitimisha ziara ya siku tano nchini.

Ziara ya wanunuzi hao wakubwa ililenga kuona eneo ambalo madini hayo adhimu yanapozalishwa, kuona namna shughuli za uchimbaji zinavyofanyika, uzalishaji, uthamini, shughuli za uongezaji thamani madini hayo zinavyofanyika pamoja na masuala mengine yanayohusu madini ya tanzanite.

Sehemu ya Ujumbe wa Wanunuzi Wakubwa wa Tanzanite wakifuatilia hafla ya kuwaagwa kwao katika Uwanja wa Ndege wa Kimataifa KIA

Akizungumza katika halfa fupi ya kuuaga ujumbe huo iliyofanyika katika Uwanja wa Ndege wa Kimataifa KIA, Waziri wa Madini Doto Biteko amesema kuwa, ujumbe huo ndiyo wanunuzi wakubwa wa mwisho wa tanzanite yote duniani ambapo wananunua asilimia 75 hadi 80.

Ameongeza kwamba, wizara kwa upande wake imefurahishwa na ujio wa ujumbe huo kwa kuwa ni fursa ambayo itasaidia kutangaza madini ya tanzanite na mahali inapotoka na hivyo kuliwezesha taifa kupata wanunuzi zaidi wa tanzanite.

“ Tumepata watu wakubwa na wameahidi kuendelea kuja, hii itatusaidia kupata wanunuzi wazuri wa tanzanite, watatusaidia kutangaza madini yetu”.

Aidha, Waziri Biteko amesema Tanzania ndiyo mahali salama pa kuwekeza katika sekta ya madini na hivyo wizara kwa upande wake, inaendelea kuwakaribisha wawekezaji kuwekeza nchini ikiwemo wanunuzi wa tanzanite.

Pia, amekipongeza Chama Cha Wafanyabishara wa Madini ya Vito (TAMIDA) kwa hatua hiyo ya kuwezesha wanunuzi hao kuja nchini na kueleza “TAMIDA mmethibitisha bila shaka mnaweza kufanya kazi na serikali’’.

Kwa upande wake, Mwenyekiti wa TAMIDA Sam Mollel amesema kuwa ziara ya wanunuzi hao ililenga katika kuitangaza Tanzania kama nchi pekee inayozalisha madini ya tanzanite duniani, kuona eneo ambalo madini hayo yanapozalishwa, ikiwemo kuona namna shughuli za uchimbaji wa madini hayo unavyofanywa , uthamini unavyofanywa katika eneo la mirerani pamoja na udhibiti wa Tanzanite unaofanywa na serikali.

Waziri wa Madini Doto Biteko akimzawadia mmoja wa Wanunuzi Wakubwa wa Madini ya Tanzanite zawadi ya Kinyago cha Twiga. Wengine wanaoshuhudia ni Mkuu wa Mkoa wa Kilimanjaro Anna Mghwira, Katibu Mkuu wa Madini Prof. Simon Msanjila na Mwenyekiti wa TAMIDA, Sam Mollel.

‘’ Tumepata watu watakao simama na sisi kutangaza madini ya tanzanite, suala ambalo litawezesha pia bei ya tanzanite kupanda. Hata wao wanataka yasipite kwingine yakishaongezwa thamani hapa yaende moja kwa moja kwao.’’amesema Mollel.

Akizungumza kwa niaba ya ujumbe huo, Ken Oschipok kutoka kampuni ya  Diamond International amesema ni mara yake ya kwanza kufika Afrika na amevutiwa na mazingira yote kuhusu tanzanite, ukarimu wa watanzania na mazingira ya kibiashara na hivyo kuahidi kutumia fursa  hiyo kutoa elimu kuhusu Madini hayo na uhalisia wake kwa watu wengine.

Mbali ya kutembelea migodi ya tanzanite Mirerani na kujionea shughuli za uzalishaji wa madini hayo, pia, ujumbe huo ulipata fursa ya kutembelea vivutio vya utalii vilivyoko nchini.

Aidha, hafla hiyo pia ilihudhuriwa na Mkuu wa Mkoa wa Kilimanjaro Anna Mhugwila, Katibu Mkuu wa Wizara ya Madini Prof. Simon Msanjila, Mkurugenzi wa Utawala na Rasilimali Watu Issa Nchasi na viongozi waandamizi wa Uwanja wa KIA.

Read more

Waziri wa Madini Amekabidhi Eneo Kwa Wachimbaji Wadogo

Na Tito Mselem, Geita

Waziri wa Madini, Doto Biteko amewakabidhi wachimbaji wadogo eneo lenye ukubwa wa hekali 70 lililokuwa linamilikiwa na kampuni kubwa ya uchimbaji madini ya dhahabu ya Ore Cop ili walitumie kwa shughuli za uchimbaji baada ya wachimbaji hao kuliomba eneo hilo kwa muda mrefu.

Waziri wa Madini Doto Biteko (kushoto) akimsikiliza Mbunge wa Nyang’hwale ambae pia ni mchimbaji wa madini ya dhahabu Hussen Nasoro, Kulia ni Mkuu wa Wilaya ya Nyang’hwale Hamimu Guyama.

Makabidhiano ya eneo hilo lililopo katika kijiji cha Bululu kata ya Nyanzaga Wilaya ya Nyang’hwale Mkoani Geita yamefanyika Novemba 03 danabolds.net, 2019 huku wananchi wa eneo hilo wakifurahia na kuipongeza serikali kwa uamuzi huo.

“Tanzania toka ipate Uhuru sekta ya madini imeanza kuonesha mchango mkubwa katika pato la taifa ambapo awali tulikuwa tunaona kiasi kidogo cha mchango katika pato la nchi hii, hata usimamizi wake haukuwa mkubwa lakini baada ya Rais wa Awamu ya Tano Dkt. John Pombe Magufuli kuingia madarakani mchango wa sekta hii umeanza kuonekana,” alisema Biteko.

Waziri Beteko aliongeza kuwa, ndoto za serikali hii ni kutaka kuona wananchi wanamiliki uchumi wa madini, tunataka watanzania wawe madigala kuliko kuwaachia wageni kuwa wanunuzi wakubwa wa madini (madigala).

Pia, Biteko amewataka Wachimbaji wadogo kupendana, kushirikiana na kushikamana, mmoja akipata mwingine asichukie maana haiwezekani wote watajirike kwa wakati mmoja.

Wakati huo huo, Waziri Biteko ametoa onyo kali kwa wale wote wanao fanya shughuli za madini bila kuwa na kumbukumbu kwenye kitabu cha uzalisha zinazoonesha kiasi walichozalisha.

Alitoa onyo hilo mara baada ya kutembelea Mgodi wa Domain Gold Plant uliopo katika Wilaya Nyang’hwale Mkoani Geita na kubaini uzembe wa kutotunza kumbukumbu za uzalishaji madini ya dhahabu katika mgodi huo.

Baadhi ya mitambo ya kuchenjulia dhahabu katika mgodi wa Domain Gold Plant uliopo Katika kata ya Bululu Wilayani Nyang’hwale Mkoa wa Geita.

Kwa upande wake, Rais wa Wachimbaji Wadogo wa Madini Nchini, Jonh Bina amewaambia wananchi wa Nyang’hwale kwamba amekuja kushuhudia kama eneo waliloliomba wachimbaji hao ni lenyewe na kuwahakikishia kuwa eneo hilo  ndilo.

Nae, Katibu Mtendaji wa Tume ya Madini, Profesa Shukrani Manya amewataka Wachimbaji wanaotegemea kupewa leseni za uchimbaji katika eneo hilo kupendana na kuchimba kwa kufuata taratibu na sheria ya madini huku wakiachana na mambo ya ugomvi.

“kwa uzoefu wetu wa muda mrefu wachimbaji wakati mnaunda vikundi mnakuwa na upendo mkubwa lakini mnapoanza kuchimba dhahabu kule chini mnaanza kugombana, hatutaki kuja kusuruhisha migogoro pendaneni na mchimbe kwa kufuata taratibu zinazoongozwa na sheria ya madini,” alisema Prof. Manya.

Read more

Biteko Awataka Wageni Kutokunyanyasa Wazawa Migodini

Na Tito Mselem, Geita

Baadhi ya mitambo ya uzalishaji maadini ya dhahabu katika mgodi wa Nyamahuna

Waziri wa Madini, Doto Biteko amemuagiza Afisa Madini Mkazi wa Mkoa wa Geita Daniel Mapunda kuhakikisha anaukagua kila wiki Mgodi wa Nyamahuna uliopo Wilaya ya Geita Mkoani humo ili kuwafanya Watanzania kushiriki katika uzalishaji wa madini ya dhahabu nchini.

Waziri Biteko alitoa maagizo hayo alipofanya ziara ya kushitukiza katika mgodi huo unaomilikiwa na Mtanzania Andrew Bole kwa asilimia 95 na asilimia 5 ukimilikiwa na kampuni ya Eagle Brand ya nchini China.

Waziri Biteko alifanya maamuzi ya kutembelea mgodi huo baada ya kusikia malalako kuwa asilimia kubwa ya wanaoshiriki katika shughuli mgodini hapo kuwa ni wachina huku watanzania wakibaki kuwa vibarua.

Aliongeza kuwa nijambo lakusikitisha kuona mtanzania mwenye umiliki wa mgodi kwa asilimia 95 hashirikishwi chochote wala haruhusiwi hata kuingia sehemu za uchenjuaji wa dhahabu huku shughuli zote za uzalishaji zikifanywa na Wachina wenye umiliki wa asilimia tano pekee huku wakifanya kazi zote hata zile zinazoweza kufanywa na watanzania.

“Sheria ya Madini iliyolekebishwa mwaka 2017 inasema kwamba, kazi zozote zinazoweza kufanywa na Mtanzania, Mgeni hataweza kuzifanya, Mgeni ukimuona hapa maana yake anafanya kazi ambazo Mtanzania hataweza kuzifanya lakini lakushangaza nimeingia kukagua na kukuta kuna mashine yakawaida kabisa ambayo hata Mtanzania akifundishwa anaweza kufanya lakini anaeziendesha ni Mgeni,” alisema Biteko.

Waziri wa Madini, Doto Biteko (katikati) Akitoa onyo la mwisho kwa Mkurugenzi wa Kampuni ya Eagle Brand Tian su Long inayojishughulisha na uchimbaji wa madini ya dhahabu baada ya kukataa kuwashirikisha watanzania katika shughuli za uzalishaji madini ya dhahabu (kulia) ni Afisa Madini Mkazi wa Mkoa wa Geita Daniel Mapunda

Aliongeza kuwa lazima ukaguzi ufanyike mara kwa mara na kufuatilia  mashariti ya leseni tuliyompa mmiliki wa mgodi huu ikiwa ni pamoja na mashariti ya wageni katika kushiriki shughuli mbalimbali za uzalishaji madini.

Pamoja na hayo, Waziri Biteko aliwataka Watanzania wanaofanya kazi katika mgodi huo kuheshimu sheria za kazi, kushirikiana na kuepuka majungu licha ya kuwalaumu wageni kutofuata sheria kuna mahali pengine baadhi ya watanzania wamekuwa wavivu, na kutofanya kazi kwa bidii, iwapo mtabadilika na kufanya kazi kwa bidii serikali itawalinda na kuwatetea.

Kwa upande wake Mkurugenzi wa Eagle Brand ambae ni raia wa China Tian su Long alisema kuwa mgodi huo unazalisha wastani wa kilo kumi za dhahabu kwa mwezi huku akieleza kuwa wamekuwa wakishirikiana na watanzania pamoja na kutoa mafunzo ya uchimbaji kwa baadhi ya watanzania.

Aidha, Tian su long amemuahidi Waziri Biteko atashirikiana na watanzania huku wakifuata taratibu, kanuni na sheria za nchi.

Wakati huo huo, mmiliki wa leseni ya mgodi huo Andrew Bole alikiri kutokushirikishwa kwa namna yeyote ile juu ya shughuli za mgodi huo na kubainisha kuwa ushirikishwaji umeanza mara baada ya serikali kuingilia ambapo kuna baadhi ya vitu vinavyofanyika katika mgodi huo bado anafichwa mpaka sasa.

akipokea maelekezo hayo,  Afisa Madini Mkazi wa Mkoa wa Geita, Daniel Mapunda, alisema kuwa amepokea maagizo ya Waziri Biteko na atahakikisha anafanya ukaguzi kila wiki na kuwasilisha taarifa ofisini huku akiwaeleza wachina hao kuendelea kufuata sheria za nchi zinazosimamia masuala mazima ya uchimbaji wa madini.

Read more

Mwenyekiti Tume ya Madini Afanya Ziara Dodoma

Na Greyson Mwase, Dodoma

Leo tarehe 29 Oktoba, 2019 Mwenyekiti wa Tume ya Madini, Profesa Idris Kikula amefanya ziara Wilayani Dodoma Mjini lengo likiwa ni kukagua shughuli za uchimbaji wa madini  ya ujenzi pamoja na kutatua kero mbalimbali.

Mkurugenzi wa Kampuni ya Triple I General Supply Limited, Maglan Kipuyo (katikati) akimwongoza Mwenyekiti wa Tume ya Madini, Profesa Idris Kikula (kushoto mbele) pamoja na wataalam kutoka Ofisi ya Afisa Madini Mkazi wa Mkoa wa Dodoma na Tume Makao Makuu kwenye machimbo yanayomilikiwa na kampuni yake yaliyopo katika eneo la Mbalawala Wilayani Dodoma Mjini tarehe 29 Oktoba, 2019.

Katika ziara yake Profesa Kikula aliambatana pamoja na Afisa Madini Mkazi wa Mkoa wa Dodoma, Jonas Mwano na maafisa kutoka Makao Makuu ya Tume ya Madini.

Mara baada ya kuwasili katika Ofisi ya Mkuu wa Wilaya ya Dodoma Mjini, Patrobass Katambi na kupokelewa na Katibu Tawala wa Wilaya hiyo, Michael Maganga, Profesa Kikula alianza ziara yake kwa kutembelea  kituo cha ukaguzi wa madini ujenzi cha Nala kilichopo nje ya jiji la Dodoma na kutembelea baadhi ya machimbo ya mchanga.

Akiwa katika machimbo ya mchanga yanayomilikiwa na kampuni ya Tripple I General Supply Limited yaliyopo katika eneo la Mbalawala, Wilayani Dodoma Mjini mara baada ya kupokea taarifa ya uendeshaji wa shughuli zake, Profesa Kikula aliitaka kampuni hiyo kuhakikisha inaandaa mkataba na kusaini kati yake na wanakijiji wanaozunguka kampuni hiyo kwa ajili ya utoaji wa huduma za jamii (corporate social responsibility) na kuepuka migongano.

“Ni vyema kampuni ikahakikisha kunakuwepo na mkataba au muhtasari unaotambulika kisheria kwa ajili ya makubaliano ya maeneo ambayo kampuni itasaidia kijiji katika kipindi fulani kulingana na vipaumbele vya wananchi,” alisema Profesa Kikula.

Profesa  Kikula alisisitiza kuwa, ni vyema wananchi wakanufaika na rasilimali za madini  kwa kupata huduma za jamii kutoka kwa wawekezaji ikiwa ni pamoja na  shule, vituo vya afya, miundombinu, maji na kuendelea kusema kuwa kampuni inatakiwa kuwashirikisha wananchi kwa kuwapa fursa ya kutoa huduma kwenye kampuni kama vile vyakula, ajira.

Awali akitoa taarifa kwa Mwenyekiti wa Tume ya Madini, Profesa Idris Kikula, Mkurugenzi wa Kampuni ya Tripple I General Supply Limited,  Maglan Kipuyo alimpongeza Mwenyekiti kwa ziara yake na kusisitiza kuwa kupitia ziara zake, kero mbalimbali zimekuwa zikitatuliwa pamoja na kupewa elimu bora ya namna ya kuchimba madini ya ujenzi kwa kufuata Sheria ya Madini na kanuni zake.

Akielezea mafanikio ya kampuni yake, Kipuyo alisema tangu kuanzishwa kwa kampuni mapema mwaka huu kampuni imefanikiwa kutoa ajira zaidi ya 200, ununuzi wa mabati kwa ajili ya ujenzi wa Ofisi ya kijiji cha Mbalawala na kuboresha miundombinu ya barabara.

Mwenyekiti wa Tume ya Madini, Profesa Idris Kikula (katikati) akitoa maelekezo kwa Afisa Madini wa Mkoa wa Dodoma, Jonas Mwano (kulia) kwenye ziara yake katika machimbo ya mchanga yanayomilikiwa na Wema Msuya katika eneo la Mundemu Wilayani Dodoma Mjini tarehe 29 Oktoba, 2019.

Alitaja mafanikio mengine kuwa ni pamoja na malipo ya  wastani wa shilingi milioni 15 kama mrabaha kwa Ofisi ya Afisa Madini Mkazi wa Mkoa wa Dodoma kwa kila mwezi na kuanza kwa mchakato wa ujenzi wa kisima cha maji kitakachowanufaisha wanakijiji wa Mbalawala.

Aidha, Kipuyo aliongeza kuwa mafanikio mengine ni pamoja na  kuwezesha wenye viwanda vidogo vya kufyatulia matofali mkoani Dodoma kupata mchanga.

Katika hatua nyingine Profesa Kikula alimtaka Afisa Madini wa Mkoa wa Dodoma, Jonas Mwano kuendelea kutoa elimu kwa wachimbaji wa madini ya ujenzi kuhusu umuhimu wa kutoa huduma kwa jamii (corporate social responsibility) kwa wananchi wanaozunguka migodi yao kama Sheria ya Madini na kanuni zake inavyofafanua.

Profesa Kikula pia alitembelea machimbo ya mchanga yanayomilikiwa na  Wema Msuya yaliyopo katika eneo la Mundemu Wilayani Dodoma Mjini na kusisitiza umuhimu wa wachimbaji wa madini ya mchanga kuchimba kwa kufuata Sheria ya Madini na kanuni zake pamoja kuzingatia suala la usalama na utunzaji wa mazingira.

“Mbali na kuchimba mchanga na kulipa mapato Serikalini ni vyema mkahakikisha suala la usalama kwenye shughuli zenu linazingatiwa na kuepusha ajali zinazoweza kujitokeza,”alisema Profesa Kikula.

Naye Meneja wa machimbo hayo, Richard Tairo  mbali na kumpongeza Mwenyekiti wa Tume ya Madini, Profesa Idris Kikula kwa kufanya ziara na kutatua changamoto mbalimbali mara moja alimhakikishia ushirikiano kati ya wachimbaji wa madini ujenzi na Serikali ili Sekta ya Madini  iwe na mchango mkubwa kwenye ukuaji wa uchumi wa nchi.

Wakati huo huo Profesa Kikula alitembelea viwanda vya kufyatulia matofali vilivyopo katika maeneo ya Vyeyula na Mlimwa C Wilayani Dodoma Mjini ili kujionea namna shughuli zinavyoendeshwa pamoja na ulipaji wa kodi Serikalini.

Profesa Kikula aliitaka Ofisi ya Afisa Madini wa Mkoa wa Dodoma kusimamia kwa karibu zaidi na kuwa wabunifu kwenye zoezi la ukusanyaji wa kodi mbalimbali ili  Serikali iweze kupata mapato yake stahiki.

Read more

Nchi za Afrika Zatakiwa Kuwajengea Uwezo Wataalam wa Jiolojia

Na Asteria Muhozya, DSM

Waziri wa Madini Doto Biteko ametoa wito kwa kuzitaka nchi za Afrika kujenga uwezo kwa Wataalam wa ndani wa Jiolojia ili kuwawezesha kujenga uwezo wa tafiti za rasilimali madini ili pindi nchi au taasisi wafadhili wanapoacha kufadhili, mamlaka husika ziwe kwenye nafasi ya kuendeleza shughuli hizo.

Wataalam wa Jiolojia kutoka nchi mbalimbali wakifuatilia ufunguzi wa Mkutano wa 36 wa Wataalam wa Jiolojia.

Waziri Biteko ameyasema hayo Oktoba 24, 2019 wakati akifungua Mkutano wa 36 wa Wataalam wa Jiolojia kutoka nchi mbalimbali za Afrika ambao wanakutana jijini Dar es Salaam.

Mkutano huo unalenga katika kuwapatia wataalam hao mafunzo yanayogusa masuala mabalimbali kuhusu sekta ya Madini ikiwemo kubadilishana uzoefu katika utafutaji rasilimali madini na kuangalia namna bora ya kuendeleza rasilimali hizo ili kuhakikisha kwamba zinayanufaisha mataifa husika.

Aidha, amewataka washiriki wa mkutano huo kujifunza na kutumia vyema uzoefu mzuri utakaotolewa na mataifa mengine ili kuwezesha kuongeza thamani  katika kutekeleza majukumu  ya taasisi zao  katika uendelezaji wa rasilimali madini.

‘’ Afrika lazima tujifunze wenyewe kuendeleza na kujenga miradi yetu wenyewe. Katika mkutano yapasa kujiuliza siku Wafadhili wetu Umoja wa Ulaya na  taasisi nyingine zinazofadhili mafunzo haya zikiacha tutaweza kujisimamia wenyewe?,’’ amehoji Waziri Biteko.

Amesema kwa upande wa Tanzania kama taifa linaamini katika kuwajengea uwezo wataalam wa ndani ambapo tayari serikali imechukua hatua kadhaa za kuhakikisha zinawendeleza wataalam wake ili kuwezesha taifa kuzalisha wataalam waliobobea katika taaluma ya jiolojia na ambao watakuwa na mchango katika utafutaji wa rasilimali madini.

Amesema mradi huo wa kutoa Mafunzo kwa Taasisi za Jiolojia Afrika unafadiliwa na Umoja wa Ulaya pamoja na taasisi nyingine 12 ambapo tangu kuanzishwa kwa mradi huo mnamo mwaka 2017, tayari umewezesha kuwapatia mafunzo wataalam wapatao 1,100 kutoka Mataifa mbalimbali ya Afrika huku wataalam 30 wa Tanzania wakiwa wamepatiwa mafunzo hayo.

Waziri wa Madini Doto Biteko katika picha ya pamoja na Washiriki wa Mkutano wa 36 wa Wataalam wa Jiolojia kutoka nchi mbalimbali za Afrika unaofanyika Jijini Dar es Salaam

Kwa upande wake, Mkuu wa Mkuu wa Idara ya Ushirikiano  Kutoka Umoja wa Ulaya, Jose Dorreia Nunes, amewataka washiriki wa mkutano huo kutafakari namna rasimali hizo zitakavyozinufaisha nchi zao ikizingatiwa kwamba madini ni chanzo kikubwa cha mapato kwa nchi za Afrika hivyo ni muda sahihi kupitia mafunzo yanayotolewa na Umoja huo yawezeshe kujenga uwezo wa wataalam wa ndani katika kutafiti, kusimamia na kuendeleza rasilimali katika nchi zao.

Naye, Kaimu Mtendaji Mkuu wa Taasisi ya Jiolojia na Utafiti wa Madini Tanzania (GST), Yorkberth Myumbilwa akizungumza na waandishi wa habari waliohudhuria mkutano huo amesema mafunzo yanayotolewa na Taasisi wafadhili yana umuhimu mkubwa kwa kuwa yanagusa moja kwa moja shughuli zinazofanywa na taasisi hizo zikiwemo tafiti, wingi wa mashapo, urithi wa Jiolojia, namna ya kuhifadhi data na masuala mengine.

Ameongeza kwamba, suala la kukutanishwa na taasisi nyingine lina umuhimu kwa GST kwa kuwa linawezesha kujenga mahusiano mapya na Taasisi nyingine za Jiolojia kutoka nchi nyingine.

Nchi zinazoshiriki mkutano unafanyika kwa siku mbili kuanzia tarehe 24 – 25 Oktoba, 2019 ni pamoja na Tanzania, Namibia, Sengel Morroco, Kenya, Afrika Kusini , Rwanda, Zambia na Ghana.

Read more

Uzalishaji Makaa ya Mawe Waongezeka Nchini

Dodoma.

Imeelezwa kuwa, wastani wa uzalishaji wa Makaa wa Mawe nchini umekuwa ukiongezeka tofauti na ilivyokuwa  awali huku sababu kadhaa zikichangia ongezeko la uzalishaji huo ikiwemo mazingira mazuri ya uwekezaji, zuio la  Serikali kuingiza makaa ya mawe kutoka nje, ongezeko la viwanda vinavyotumia makaa ya mawe na  kuboreshwa kwa mundombinu ya usafirishaji.

Shughuli za uchimbaji wa Makaa ya Mawe zikiendelea Katika Mgodi wa Kabulo wa STAMICO

 

Hayo yamebainishwa na Kamishna wa Madini Mhandisi David Mulabwa wakati akiwasilisha kwa Kamati ya Kudumu ya Bunge ya Nishati na Madini kuhusu  hatua zilizofikiwa katika  uendelezaji wa miradi ya makaa ya mawe kwa niaba ya Waziri wa Madini.

Mhandisi Mulabwa amesema katika kipindi cha miaka 8 kuanzia mwaka 2011 hadi 2018, uzalishaji uliongezeka kutoka tani 81,384.67 mwaka 2011 na kufikia  627, 651.00 mwaka 2018, ikiwa ni wastani wa takribani tani 52,304.25 kwa mwezi.

‘’ Mheshimiwa Mwenyekiti, katika kipindi cha miezi 9 kwa mwaka 2019, uzalishaji uliongezeka  hadi kufikia tani 543,621.39 ikiwa ni wastani wa tani60,402.38 kwa mwezi,’’ amesema Mhandisi Mulabwa.

Ameongeza kuwa, pamoja na ongezeko la uzalishaji huo, bado ni mdogo ikilinganishwa na kiasi cha makaa ya mawe kinachokadiriwa kuwepo nchini. Amesema Tanzania inakadiriwa kuwa na mashapo ya makaa ya mawe  yanayofikia tani bilioni 1.9 na yaliyothibitishwa ni tani bilioni 1.4 huku ikitajwa kuwa nchi yenye akiba kubwa ya makaa hayo  kwa nchi za Afrika Mashariki.

‘’ Mheshimiwa Mwenyekiti akiba kubwa zaidi kwa sasa inapatikana katika bonde la Mchuchuma ambapo kuna akiba ya zaidi ya tani milioni 400,’’amesema Mhandisi Mulabwa.

Akizungumzia mwenendo wa mauzo amesema kipindi cha kuanzia  mwezi Julai, 2018 hadi  Juni, 2019 kiasi cha makaa ya mawe kilichozalishwa na kuuzwa  ni tani 799,628.41zenye thamani ya shilingi 102,922,127,876.61. Ameongeza kati ya kiasi hicho kilichozalishwa, tani 421,400.07ziliuzwa nchini na tani 378,2228.34 ziliuzwa katika masoko ya  nje ya nchi.

Ameeleza kutokana na mauzo hayo, Serikali ilipata kiasi cha  shilingi 4, 116,885, 115.06, ambapo shilingi 3,087,663,836. 30 ni mapato yatokanayo na mrabaha na  shilingi 1,029,221,278.77 ni mapato yatkanayo na ada ya ukaguzi.kipindi cha kuanzia mwezi Julai.

Kuhusu uzalishaji wa makaa ya mawe kwa mwaka wa fedha 2019/20, kuanzia mwezi Julai 2019 hadi Septemba 2019 amesema  kiasi kilichozalishwa katika migodi yote ni tani 157,341 zenye thamani ya shilingi 16,691,662,474.

‘’ Mhe. Mwenyekiti kutokana na mauzo hayo serikali ilikusanya mapato ya shilingi 949,834,017.71 ambapo shilingi  807,074,032.73 ni mapato yatokanayo na malipo ya mrabaha na shilingi 142,759,984.98 ni mapato yaliyotokana na ada ya ukaguzi.

Akizungumzia hatua zilizochukuliwa na serikali kuendeleza miradi ya makaa ya mawe amesema kuwa ni pamoja na kuendelea kuhamasisha uanzishwaji wa Viwanda mbalimbali ili kujenga uchumi wa viwanda; kuendelea kusimamia tafiti maeneo mbalimbali ili kupata taarifa sahihi za kiasi cha mashapo na ubora wa makaa ya mawe nchini; wizara kwa kushirikiana na taasisi nyingine za serikali imeendelea kuboresha mazingira ya biashara katika sekta ya makaa ya mawe; serikali imeendelea kufuatilia uanzishwaji wa miradi ya makaa ya mawe ya Mchuchuma na Liganga na kuendelea kuweka zuio la uingizwaji   wa makaa ya mawe kutoka nje ya nchi ili kuongeza biashara ya makaa ya mawe yanayozalishwa nchini.

Aidha, ameyataja baadhi ya mafanikio kuwa ni pamoja na kuongeza kwa matumizi ya makaa ya mawe yanayozalishwa nchini kufuatia zuio la uingizaji wa makaa ya mawe kutoka nje, kuongezeka kwa kiasi cha makaa ya mawe yanayozalishwa hapa nchini kutoka wastani wa tani 81,384.67 kwa mwaka 2011 hadi kufikia tani 627,651.00 mwaka 2018 kutokana na ongezeko la watumiaji wa ndani.

Shughuli za uzalishaji wa Makaa ya Mawe zikiendelea katika Mgodi wa Ngaka unaomilikiwa na Kampuni ya TANCOAL

Pia, ameyataja mafanikio mengine kuwa ni pamoja na  kuongezeka kwa biashara ya makaa ya mawe ndani  na nje ya nchi, ambapo watumiaji wa nishati ya makaa ya mawe wameendelea kuongezeka kutokana na upatikanaji wake, kuongezeka kwa mapato ya serikali kutokana na uuzaji wa makaa ya mawe na kuongezeka kwa ajira kutokana na shughuli za uchimbaji wa makaa ya mawe ambapo hadi kufikia Septemba 2019, takribani watu 500 wameajiriwa katika migodi mbalimbali  ya uchimbaji wa makaa ya mawe.

Kwa upande wa Kamati ya Bunge baada ya kupkea taarifa hiyo, Mwenyekiti wa Kamati hiyo, Dustan Kitandula imeitaka wizara kuweka msukumo mkubwa wa uanzishwaji wa miradi ya Linganga na Mchuchuma pamoja na mradi wa Kiwira kutokana na manufaa yake kiuchumi.

Akijbu hatua zilizochukuliwa na wizara, Waziri wa Madini Doto Biteko amesema tayari wizara kwa upande wake imekwishafanya masuala yote yanayohitaji msukumo wa wizara katika miradi husika huku mengine yakisimamiwa na mamlaka nyingine hata hivyo ameeleza kuwa serikali inaendelea kuyafanyia kazi ili kuwezesha miradi hiyo kutekelezwa.

Naye, Naibu Waziri wa Madini Stanslaus Nyongo ameileza Kamati hiyo kuhusu hatua kadhaa zilizochukuliwa na wizara katika kuboresha miundombinu ya barabara katika maeneo ya uchimbaji wa makaa ikiwemo ya kilomita 8 kutoka Kiwira mpaka Kabulo na kueleza kuwa, tayari serikali imekwisha tenga shilingi Bilioni 2 kwa ajili ya ujenzi wa barabara na shilingi bilioni 1.5 kwa ajili ya ujenzi wa daraja.

Vikao kati ya Kamati, Wizara na taasisi zake vimeanza Oktoba 28, 2019 na vinatarajiwa kuhitimishwa Novemba 1,2019.

Read more

Serikali ya Tanzania, Barrick waunda kampuni ya Twiga kusimamia madini

Imeandikwa na Julius Mnganga, Mwananchi jmathias@mwananchi.co.tz 

 Dar es Salaam. Baada ya mgogoro uliodumu tangu mwaka 2017, Kampuni ya Barrick na Serikali zimeunda kampuni ya Twiga itakayosimamia migodi mitatu iliyokuwa chini ya kampuni ya Acacia.

Waziri wa Mambo ya Nje na Ushirikiano wa Kimataifa Paramagamba Kabudi akifafanua jambo kuhusu uanzishwaji wa Kampuni ya “Twiga Minerals Ltd”

Kwenye kampuni hiyo mpya, Barrick itamiliki asilimia 84 ya hisa zote huku Serikali ikiwa na asilimia 16. Utaratibu huo ni utekelezaji wa sheria mpya ya madini iliyopitishwa mwaka 2017.

Akizungumza na waandishi wa habari jijini hapa, Waziri wa Mambo ya Nje na Ushirikiano wa Kimataifa, Profesa Palamagamba Kabudi amesema ‘sasa amezaliwa mtoto mpya baada ya Barrick kukubali kumuua mtoto wake, Acacia.

Mgogoro kati ya Serikali na kampuni ya Acacia iliyokuwa inasimamia migodi ya Buzwagi, North Mara na Bulanhulu ulianza mwaka 2017 na Rais John Magufuli akaunda tume ya kuchunguza mwenendo wa biashara ya madini.

Tume hiyo ilibaini ukiukwaji wa sheria, utaratibu na kanuni zilizopo hivyo kuikosesha Serikali mapato inayostahili. Kutokana na hilo, Serikali iliipiga faini ya Dola 190 bilioni jambo lililosababisha kuanza kwa mzungumzo baina ya pande hizo mbili.

Kwenye mazungumzo hayo, Acacia ambayo ni kampuni tanzu ya Barrick iliwekwa pembeni na majadiliano yakafanywa na Barrick mwisho wa siku, Acacia imefutwa sokoni na badala yake, Twiga itachukua nafasi yake.

“Twiga Minerals Company Limited, itakuwa na makao makuu yake jijini Mwanza. Kampuni hii imeundwa baada ya kufutwa kwa kampuni ya Acacia iliyokuwa na makao makuu yake jijini London”, alisema Kabudi.

Read more

Ifikapo 2030 Matumizi ya Zebaki Mwisho- Stanslaus Nyongo

Na Nuru Ikupa, DSM

Naibu Waziri wa Madini, Stanslaus Nyongo, amesema Tanzania inaungana na mataifa mbalimbali duniani katika kuhakikisha kuwa dunia inakuwa ni mahala salama pa kuishi na ili kufiki athma hiyo Tanzania inashirikiana na nchi nyingine duniani kuweka juhudi za pamoja katika udhibiti wa uharibifu wa mazingira na matumizi ya kemikali hatarishi.

Naibu Waziri Nyongo alisema, Tanzania imesaini Mkataba ujulikanao kama Minemata wenye lengo la kudhibiti matumizi ya kemikali ya zebaki inayotumika kukamata dhahabu kutokana na athari ya kemikali hiyo kwa jamii na mazingira kwa ujumla.

Naibu Waziri wa Madini Mh. Stanslaus Nyongo akizungumza katika kipindi cha Jambo Tanzania katika studio za TBC.

Alisema mkataba huo unawataka nchi wanachama kuhakikisha kuwa ifikapo mwaka 2030 matumizi ya zebaki katika kukamata dhahabu yanafikia mwisho na njia mbadala inapatikana.

Nyongo aliyasema hayo jana tarehe 18 Oktoba,2019 alipokuwa katika mahojiano ya moja kwa moja katika studio za TBC Taifa jijini Dares Salaam alipoalikwa ili kuzungumzia dhana ya usimamizi wa sekta ya madini wenye kuleta tija na manufaa kwa jamii na taifa.

Nyongo aliendelea kusema zebaki iliyopo sasa nchini itaendelea kutumiwa na  wachimbaji wadogowakati huohuo  Serikali ikiendelea na juhudi ya kupata teknolojia mbadala na isiyokuwa na madhara kwa mazingira na wananchi itakayo wasaidia wachimbaji wadogo katika uchenjuaji wa madini.

Amesema,serikali inafanya tafiti mbalimbali ili kupata teknolojia mbadala ya uchenjuaji wa dhahabu na pindi itakapopatikana Serikali kupitia vituo vya mfano vilivyopo nchini itatoa elimu ya uchenjuaji kwa njia hiyo ili kuwawezesha wachimbaji wadogo wa  madini nchini kupata uelewa  wa njia hiyo na hivyo kuachana na matumizi ya zebaki.

Naibu Waziri Nyongo aliongeza kuwa kutokana na utegemezi wa wachimbaji wadogo kwa kemikali hiyo, haiwezekani kusimamisha matumizi yake kwa haraka  kwani wengi hujikita kwenye uchenjuaji kwa kutumia kemikali hiyo kunakowawezesha kujipatia kipato na kutunza familia zao.

Aidha, amewaasa wachimbaji wadogo kutumia kemikali hiyo kwa njia salama ili kuepusha athari zitokanazo na kemikali hiyo. Amesema serikali ipo macho kuhakikisha inawaelimisha wachimbaji wadogo namna bora ya matumizi ya kemikali hiyo ikiwa ni pamoja na kuwashauri kutomwaga maji ya zebaki karibu na mito na makazi ya watu ili kuepusha athari zake.

Pamoja na kuzungumzia suala hilo, Naibu Waziri Nyongo alisema ili kuhakikisha kuwa madini yanatutoa watanzania na kukuza uchumi wa nchi na wananchi sharti wafuate taratibu na sheria za nchi.

“Chimba madini, uza madini yako kwenye masoko ya madini, acha kuuza kwa njia za panya, sheria itachukua mkondo wake, tutakukamata, tutataifisha madini, na utapata hasara”. Alisisitiza.

“Ukipata madini lipa kodi lipa tozo fedha hizo ziende kwenye mfuko wa Serikali, Serikali iwekeze kwenye miradi mikubwa ya maendeleo, ijenge shule, ijenge hospitali na barabara, ipende nchi yako. Ukichimba ukashindwa kulipa kodi umeisaliti nchi yako umeusaliti uchumi wa nchi yako”. Alikazia.

Alimalizia mahojiano hayo kwa kuueleza umma wa watanzania kuwa fasheni ya utoroshaji wa madini imepitwa na wakati kwani serikali ina wigo na mkono mrefu hivyo hivyo hakuna atakayejaribu kutorosha madini hayo atakayefanikiwa kwani atakamatwa na atafilisika.

Read more

Waziri Biteko Akutana na Wawekezaji Kujadili Changamoto za Makaa ya Mawe

Na Tito Mselem, Mwanza

 

Waziri wa Madini Doto Biteko amewatoa wasiwasi Wawekezaji wa Viwanda vinavyotumia Makaa ya Mawe na kuieleza Kampuni inayochimba Makaa ya Mawe ya TANCOAL kuwa hairuhusiwi kuongeza bei kiholela badala yake inatakiwa kuuza kulingana na bei elekezi iliyopangwa na serikali.

Kushoto ni Waziri wa Madini Doto Boteko, kutoka kulia ni Mkurugenzi wa Huduma za Leseni Mhandisi Yahaya Samamba, anaefata ni Menaja Mkuu wa Lake Cement Ltd Sajiv Kumar, anaefata ni Afisa kodi Mkuu wa Mkoa wa Mwanza Venance Kasiki, anaefata ni Afisa Madini Mkoa wa Mwanza Fredy Mahobe.

Kauli hiyo ilitolewa Septemba 15, 2019 na Waziri Biteko baada ya kukutana na wawekezaji wa Viwanda vya Saruji na Vigae kujadili changamoto za Makaa ya Mawe katika kikao kilichofanyika katika Ofisi ya Afisa Madini Mkazi wa Mkoa wa Mwanza.

Katika Kikao hicho kilichoongozwa na Waziri Biteko, kilihudhuriwa pia na Mkurugenzi wa huduma za Leseni wa Tume ya Madini Mhandisi, Yahaya Samamba, Afisa Madini Mkazi wa Mkoa wa Mwanza Fredy Mahobe, Afisa Kodi Mkuu wa Mkoa wa Mwanza Venance Kasiki pamoja na wawekezaji wa viwanda vya Tanga Cement, Kada (T) Ceramics Company pamoja na Lake Cement Ltd.

Kampuni hizo tatu za Tanga Cement, Kada (T) Ceramics Company pamoja na Lake Cement Ltd. zinatumia kiasi kikubwa cha Makaa ya Mawe kwa matumizi ya kuyeyushia Mawe kwa ajili ya uzalishaji wa saruji na vigae ambapo zaidi ya nyuzi joto 2000 zinatakiwa ili kuyeyusha Mawe hayo ziliomba kukutana na Waziri wa Madini ili kueleza changamoto zao.

Hatua hiyo ilikuja kutokana na wanunuzi wakubwa wa makaa yam awe nchini kuwa na mvutano wa bei ya Makaa ya Mawe kati yao na mzalishaji wa Makaa hayo kampuni ya TANCOAL anayozalisha Mawe hayo katika eneo la Kitai Mkoani Ruvuma katika Mgodi wa Ngaka.

Waziri wa Madini Doto Biteko akiwafafanulia Viongozi wa makampuni ya Tanga Cement, Kada (T) Ceramics Company pamoja na Lake Cement Ltd kuhusu utaratibu wa bei za Makaa ya Mawe.

Mvutano huo ulianza mara baada Serikali kupitia Tume ya Madini Kuitaka Kampuni ya TANCOAL Kulipa deni lake la kiasi cha shilingi Bilioni 23.9 ambazo zilitokana na malimbikizo ya kutolipa mrabaha wa mauzo na usafirishaji wa Makaa hayo pamoja na adhabu ya asilimia 50 kuanzia Septemba 2011 mpaka Juni 2019.

Aidha, Waziri Biteko amezitaka kampuni hizo kuendelea na uzalishaji wa Saruji na Vigae bila kuhofia kupandishiwa bei kwa maana bei hazitapanda kiholela, ameeleza kuwa, Makaa ya Mawe kote nchi yatauzwa kulingana na bei iliyo elekezwa na serikali.

Imeonekana kwamba, deni la kampuni ya TANCOAL kuwa kubwa, kampuni hiyo imeonesha nia ya kupandisha bei kwanye Makaa ya Mawe ili kufidia deni wanalodaiwa na Serikali.

Kwa upande wake, Mdhibiti wa Fedha wa Tanga Cement, Issac Lupokela alimweleza Waziri Biteko kuwa, kitendo cha kupandishiwa bei na kampuni ya TANCOAL ni kama wanawaadhibu kutokana na ukweli kwamba hakuna mbadala wa kununua kwa wingi sehemu ingine makaa hayo baada ya serikali kusitisha uingizwaji wa Makaa ya Mawe nchini.

“Kipindi cha Nyuma tulikuwa tunanunua Makaa ya Mawe kutoka Afrika ya Kusini kwa kuwa Makaa yaliyokuwa yanazalishwa nchini hayakuwa na kiwango cha kutosha hivyo baada ya serikali kusitisha uingizwaji wa Makaa ya Mawe nchini, tulilazimika kushirikiana na kampuni ya TANCOAL ili kutoa elimu ya namna bora ya uzalishaji wa Makaa hayo, leo tunashangaa wameamua kutupandishia bei,” alisema Lupokela.

 

 

Read more

Watuhumiwa Wizi wa Madini Wafikishwa Mahakamani

Na Tito Mselem Tarime,

Serikali ya Jamhuri ya Muungano wa Tanzania imewafikisha Mahakamani Watuhumiwa Wanane (8) kwa makosa mbalimbali likiwemo la kuingia katika Mgodi wa North Mara na kuiba mifuko 15 ya Mawe yenye Dhahabu yanayokadiriwa kuwa na thamani ya zaidi ya shilingi Milioni 234 za kitanzania.

Watuhumiwa wa wizi wa Mawe yenye dhahabu mali ya Mgodi wa North Mara wakiwasili Mahakamani.

Watuhumiwa hao waliingia Mgodini kwa nyakati tofauti kati ya tarehe 15 Septemba na 25 Septemba 2019 walikamatwa wakiwa na mawe mifuko 15 kinyume na Sheria.

Miongoni mwa watuhumiwa hao ni Zabron John (43), Jemes Makune (35), Jonathan Chuwa (27), Amos Raphael (28), Mseti Chacha (29), Chacha Marwa (29), Petro Mariba (32), na Samson Mathayo (17).

Akiwasomea mashtaka, Wakili wa Serikali Peter Ilole alitaja makosa yao ni pamoja na kosa la kuhujumu uchumi, kutakatisha fedha, kuingia mgodini bila kibali, kuiba mawe ya dhahabu pamoja na kukutwa na madini bila kuwa na leseni ya uchimbaji au biashara ya madini.

Aidha, Hakimu Mkazi wa Wilaya ya Tarime mkoani Mara Mohamed Robert Silii, hakuwaruhusu watuhumiwa hao kujibu lolote kwa sababu Mahakama hiyo haina uwezo wa kusikiliza mashtaka yanayowakabili na hivyo wakarudishwa rumande na kesi yao kuhairishwa hadi Oktoba 23, 2019 itakapotajwa tena.

Kosa la Kwanza ni kwa walishitakiwa wote Nane (8) kupanga njama kinyume na sheria Wilayani Tarime Mkoa wa Mara na kuiba mawe ya dhahabu katika mgodi wa Mgodi wa North Mara, kosa la Pili watuhumiwa walikutwa wakiwa na mawe yenye madini bila ya kuwa na leseni yoyote, Kosa la Tatu ni wizi wa mawe yenye dhahabu ambayo ni mali ya Mgodi wa North Mara, Kosa la Nne ni utakatishaji wa fedha na Kosa la Tano ni kuingia kwenye Mgodini bila ya kibali na kuiba mawe yenye dhahabu yenye thamani ya shilingi 234,590,832/=

Viongozi wa Kamati ya Ulinzi na Usalama ya Wilaya ya Tarime

Akizungumzia tukio hilo, Naibu Waziri wa Madini Stanslaus Nyongo amevipongeza Vyombo vya Ulinzi na Usalama kwa kuwakamata watuhumiwa hao na kutoa rai kwa watu wengine wenye tabia kama hizo kuachana na wizi wa madini kwani Serkali iko macho kwa mtu yeyote anayejihusisha na wizi wa madini.

Pia, Naibu Waziri Nyongo amevitaka Vyombo vya Ulinzi na Usalama vihakikishe vinamkamata kiongozi wao Kitabo Ryoba Molel, ambaye ndiye aliyedhamini wizi huo na baada ya kukamatwa alitoroka katika kituo cha polisi Wilaya Tarime.

Ameongeza kitendo hicho cha kuwafikisha Mahakamani ni moja ya jitihada zinazofanywa na Serikali katika kudhibiti wizi wa madini unaojitokeza katika Migodi Mikubwa ambapo wafanyakazi wa Migodi hiyo wanashirikiana na watu wa nje kuiba mali za wawekezaji.

Vilevile, Nyongo amewasisitiza wafanyabiashara wa madini kuyatumia masoko ya madini kufanya biashara zao na kwa atakayebainika kufanya biashara ya madini nje ya soko atakamatwa na kufikishwa Mahakamani huku akiwaonya wale wote wanaokwepa kulipa kodi ya Serikali kuacha mara moja.

 

 

Read more

Naibu Waziri Nyongo Akabidhiwa Kituo cha Umahiri Musoma

 

Na Tito Mselem, Musoma

Naibu Waziri wa Madini Stanslaus Nyongo amekabidhiwa Jengo la Kituo cha Umahiri Musoma lenye thamani ya shilingi bilioni 1.2 ambalo linalenga katika kutoa mafunzo kwa wachimbaji wadogo.

Kituo hicho kilijengwa na Mkandarasi SUMAJKT na kukabidhiwa kwa Wizara ya Madini kupitia Naibu Waziri wa Madini Stanslaus Nyongo ambaye naye alilikabidhi jengo hilo kwa Tume ya Madini Septemba 7, 2019.

Jengo la kituo cha umahiri lililopo Musoma.

Kituo cha Umahiri Musoma ni kimoja kati ya vituo Saba vya umahiri n pamoja na  Jengo moja la Taaluma lililopo Chuo cha Madini Dodoma (MRI) yaliyojengwa kwa jumla  ya shilingi  bilioni 11.9 na SUMA JKT kupitia mradi wa Usimamizi Endelevu wa Rasilimali Madini (SMMRP).  Vituo hivyo vimejengwa katika maeneo mbalimbali nchini ikiwemo Kagera, Musoma, Bariadi, Chunya, Mpanda, Handeni Tanga na Songea.

Akizungumza kwenye makabidhiano hayo Naibu Waziri Nyongo ameipongeza SUMA JKT kwa kazi nzuri waliyoifanya ya ujenzi wa jengo hilo ambalo limekamilika kwa wakati.

Naibu Waziri Nyongo alisema lengo kuu la kuanzisha vituo hivyo ni kuwasadia wachimbaji wadogo kufanya shughuli za madini kwa tija kwa kuwapatia elimu ya uchimbaji katika vituo hivyo.

“Faida ya ujenzi huu ni kutoa mafunzo ya kitaalamu yanayohusu Madini, kutoa mafunzo ya utafiti wa madini, ikiwa ni pamoja na kuonesha mikanda ya Madini ilipo na muelekeo wake, uchimbaji wa madini wenye tija na salama, uchenjuaji wenye kuleta uvunaji mkubwa wa madini na hivyo kuwapatia faida kubwa wachimbaji”, alisema Nyongo.

Inaelezwa kuwa baada ya mafunzo ya uchimbaji bora wenye tija kutolewa kwenye vituo hivi, wachimbaji watavuna madini kwa zaidi ya asilimia 80 ukilinganisha na hapo awali ambapo wachimbaji wengi wanavuna dhahabu kwa asilimia 30 tu.

Aidha, imeelezwa kuwa, vituo hivyo vya umahiri vitakuwa na mafunzo ya namna ya kuomba leseni kwa njia ya mtandao na kutakuwa na usagaji wa mawe na kupima sampuli mbalimbali za madini.

Naibu Waziri wa Madini Stanslaus Nyongo mbele katikati akiwa kwenye picha ya pamoja na Viongozi wa Serikali, Wizara ya Madini pamoja na Wachimbaji wadogo wa Mkoa wa Mara

Aidha, Naibu Waziri Nyongo ametoa rai kwa wachimbaji wadogo wa Mkoa wa Mara kukitumia kituo hicho cha umahiri ili viwaletee tija na faidsa katika shughuli za uzalishaji madini.

Kwa upande wake, Mkuu wa Wilaya ya Musoma Dkt. Vicent Naano ameipongeza Wizara ya Madini kwa Kujenga kituo cha umahiri katika Mkoa wa Mara maana kitawasaidia sana wachimbaji kufanya kazi kwa uhakika na sio kubahatisha.

Kwa upande wake, Kaimu Meneja wa Mradi wa Usimamizi Endelevu wa Rasilimali Madini (SMMRP) Veronica Francis alisema kuwa Taasisi ya Jiolojia na Utafiti wa Madini (GST) ilifanya utafiti wa kijiolojia na kubaini maeneo saba nchini kwa ajili ya ujenzi wa vituo vya umahiri.

“Utafiti umebaini kuwepo kwa kiwango kikubwa cha dhahabu katika eneo la Buhemba yenye takribani wakia 10,737 zenye viwango vya 0.7g/t ndiyo sababu kituo hiki kikajengwa hapa Musoma ili kiwasaidie wachimbaji wadogo kupata mafunzo ya namna bora ya uchimbaji madini,” alisema Veronica.

Read more

Majengo Matatu ya Vituo vya Umahiri Yakabidhiwa kwa Wizara

 

Na Tito Mselem, Simiyu

Naibu Waziri wa Wadini Stanslaus Nyongo akiwa ameambatana na Naibu Waziri wa Ujenzi Uchukuzi na Mawasiliano Atashasta Nditiye amekabidhiwa Jengo la Kituo cha Umahiri Bariadi katika hafla iliyofanyika mkoani Simiyu Septemba 8, 2019.

Naibu Waziri wa Madini Stanslaus Nyongo katikati)ni Naibu Waziri wa Ujenzi Uchukuzi na Mawasiliano Atashasta Nditiye na kulia ni Mkurugenzi wa Rasilimali Watu wa Wizara ya Madini Issa Nchasi wakijadiri jambo

Hadi sasa Vituo Vitatu (3) vya Umahiri vimekabidhiwa kwa Wizara na Mkandarasi SUMA JKT na wizara kuvikabidhi kwa Tume ya Madini baada ya kukamilika kwa asilimia 100.

Vituo hivyo vitatu ya Bukoba, Bariadi, na Mara kati ya Saba vilivyojengwa katika maeneo mbalimbali nchini vimegharimu zaidi ya shilingi bilioni 4.4 kupitia Mradi wa Usimamizi Endelevu wa Rasilimali Madini (SMMRP) huku Kituo cha Simiyu kikigharimu shilingi Bilioni 1.308.

Akizungumza wakati wa makabidhiano hayo, Naibu Waziri wa Madini Stanslaus Nyongo alisema Lengo la vituo pamoja na mambo mengine vimelenga katika kutoa mafunzo ya kitaalam yanayohusu Madini, Utafiti wa Madini, ambapo piia mafunzo hayo yataonesha mikanda ya Madini ilipo na muelekeo wake, Uchimbaji wa Madini wenye tija na salama, Uchenjuaji wenye kuleta uvunaji mkubwa wa madini na hivyo kuwapatia faida kubwa wachimbaji.

Pia, alieleza kuwa, katika majengo hayo kutakuwa na mafunzo ya kuomba leseni kwa njia ya mtandao usagaji wa mawe na kupima sampuli za madini mbalimbali.

“Taasisi ya Jiolojia na Utafiti wa Madini (GST) ilifanya utafiti wa kijiolojia na kubaini maeneo saba muhimu ambayo vituo vya umahiri vimejengwa ikiwemo Simiyu,” alisema Nyongo.

Akikabidhi Jengo hilo kwa Ofisi ya Madini Simiyu, Naibu Waziri ametaka litumike kwa kusudio lililowekwa la kuhakikisha wachimbaji wadogo wanafanya shughuli zao kwa ufanisi na hatimaye kuongeza makusanyo ya Serikali.

Aidha, ametoa wito kwa wachimbaji wa madini na wananchi kwa ujumla kukitumia kituo hicho cha Simiyu ili kujifunza na kupata taarifa kuhusiana na shughuli za utafiti na uchimbaji madini kwa kuwa kituo hiki kimejengwa kwa ajili ya wananchi na kwa kodi za wananchi.

Kwa upande upande wake, Mkuu wa Mkoa wa Simiyu Anthony Mtaka aliipongeza Wizara ya Madini kwa ujenzi wa kituo hicho muhimu kitakacho wasaidia wachimbaji wengi wa madini katika Mkoa wa Simiyu.

Naye, Kaimu Meneja wa Mradi wa Usimamizi Endelevu wa Rasilimali Madini (SMMRP) Veronica Francis alisema kuwa   mradi huo umegawanywa katika sehemu kuu tatu ambazo ni kuongeza unufaikaji kutokana na sekta ya Madini kwa Nchi, kukuza uwazi na uwajibikaji katika Sekta ya Madini na Mafunzo na Usimamizi wa Mradi.

Naibu Waziri wa Madini Stanslaus Nyongo (kulia) akiwa Naibu Waziri wa Ujenzi Uchukuzi na Mawasiliano Atashasta Nditiye wakifuatilia jambo wakati wa makabidhiano ya Jengo la Kituo cha Umahiri

“Mradi ulijikita katika kutekeleza kazi mbalimbali zikiwemo ujenzi wa vituo saba vya umahiri, ujenzi wa vituo vya mfano, ukarabati wa ofisi za madini, ununuzi wa vifaa vya ofisi za madini, ununuzi wa samani za ofisi, utafiti wa kijiolojia katika maeneo yaliyotengwa kwa ajili ya uchimbaji mdogo, na kuongeza ushirikiano na serikali za mitaa zinazofanya shuguli za madini,” Veronica alisema. 

Alisema Serikali iliamua kujenga kituo hicho mkoani humo baada ya utafiti wa kijiolojia uliofanywa na kubaini uwepo wa mashapo ya kutosha katika maeneo ya Nyaranja Meatu na kuwepo na madini ujenzi, na kuongeza kwamba, taarifa za awali za kijiolojia zilionesha utafiti mkubwa wa Madini ya Nickel maeneo ya Dutwa na Ngasamo.

Aliongeza kwamba, Wizara kupitia Mradi imejenga jengo la Taaluma katika Chuo cha Madini (MRI) kwa ajili ya matumizi ya ofisi, madarasa, kumbi za mikutano na ofisi za ushirika wa wachimbaji madini wanawake Tanzania kwa ajili ya kuendeshea shuguli zao.

Ujenzi wa Vituo vya Umahiri na Jengo la Taaluma Chuo Cha Madini Dodoma umegharimu jumla ya shilingi bilioni 11.9 huku vituo saba vya Umahiri vikigharimu shilingi bilioni 7.897.

Kazi za ujenzi kwa baadhi ya majengo zimekamilika  kwa asilimia 100 na mengine yapo katika hatua za ukamilishaji na Mkandarasi anatarajia kukabidhi Majengo hayo hivi karibuni.

 

 

 

Read more

Sekta ya Uchimbaji Mdogo wa Madini Haijaachwa Nyuma-Mhandisi Mulabwa

Kamishna wa Madini nchini, Mhandisi David Mulabwa amesema, Serikali ya Tanzania inatambua uwepo na umuhimu wa wachimbaji wadogo wa madini nchini na hivyo kutekeleza sera inayotaka sekta hiyo kusimamiwa kikamilifu na kuleta tija.

Washiriki wa Mkutano wa Shirikisho la Kimataifa la Vyama vya Wafanyakazi wa Sekta ya Madini na Viwanda wakifuatilia mada wakati wa mkutano huo.

Ameyasema hayo leo tarehe 08 Oktoba, 2019 alipokuwa akifungua Mkutano Mkuu wa Kanda wa Shirikisho la Kimataifa la Wafanyakazi wa Sekta za Madini na Viwanda wenye dhima inayosema “Kuongeza uelewa kwa wafanyakazi juu ya Dira ya Madini kwa Afrika” (Deepening workers understanding of the African Mining Vision).

Mkutano huu utafanyika kwa siku mbili ukijumuisha nchi zilizopo Chini ya Jangwa la Sahara ambapo Tanzania ni mwenyeji wa mkutano huo unaofanyika katika hoteli ya White Sand jijini Dar es Salaam.

Akijibu swali la mmoja wa wajumbe wa mkutano huo kutoka nchini Ghana, Mhandisi Mulabwa alisema Serikali kupitia Wizara ya Madini inatekeleza mipango mbalimbali katika kuhakikisha sekta ya uchimbaji mdogo wa madini inakua na kuleta tija kwa jamii na taifa kwa ujumla.

Akizungumzia jitihada hizo, Mhandisi Mulabwa alisema ni pamoja na kurasimisha sekta ya uchimbaji mdogo wa madini ili kuiwezesha serikali kuwahudumia wachimbaji hao kwa ukaribu mkubwa.

Pamoja na kurasimisha shughuli hizo Mhandisi Mulabwa alisema Serikali inatoa elimu kwa wachimbaji wadogo katika maeneo ya usalama, mazingira na afya ili kuwawezesha wachimbaji hao kufanya kazi zao katika mazingira salama na hivyo kuepusha ajali zisizokuwa za lazima na hivyo kutunza nguvu kazi.

Washiriki wa Mkutano wa Shirikisho la Kimataifa la Vyama vya Wafanyakazi wa Sekta ya Madini na Viwanda wakifuatilia mada wakati wa mkutano huo.

Aliongeza kuwa, Serikali imejenga vituo vya mfano saba (7) nchi nzima vikiwa na lengo la kuonesha namna bora ya  uchimbaji na uchenjuaji wa madini ya dhahabu pasipo kutumia mercury ambayo ina madhara makubwa kwa watumiaji na jamii kwa ujumla.

Pamoja na vituo hivyo, Serikali inafanya juhudi kubwa ya kuwaunganisha wachimbaji wadogo na taasisi za kifedha na mabenki ili kuwawezesha kupata mikopo na kuwekeza katika shughuli za uchimbaji.

Aidha, Mhandisi Mulabwa alisema, Sheria za kazi zinasimamiwa ipasavyo katika sekta ya madini na kueleza kuwa endapo mfanyakazi yeyote katika sekta hiyo amepatikana na udhahifu akiwa kazini taratibu na kisheria zinafuata mkondo wake na endapo itabainika mtumishi anahitajika kulipwa fidia, atalipwa fidia kwa mujibu wa sheria.

Mhandisi Mulabwa alitumia fursa hiyo kuwaalika wadau wote wa madini walioshiriki katika mkutano huo kuja kuwekeza nchini huku akieleza kuwa fursa na maeneo kwa ajili ya uwekezaji katika seka ya madini ipo.

Amesema serikali kupitia Tume ya Madini inaendelea kupokea maombi ya leseni na kutoa leseni kwa wadau watakaoonesha nia ya kuwekeza katika sekta ya madini nchini.

“Maeneo ya uwekezaji yametengwa, na maeneo yamelenga uwekezaji mkubwa na mdogo wa madini, hivyo yeyote mwenye nia ya kuwekeza anakaribishwa” alisisitiza.

Akihitimisha hotuba yake Mhandisi Mulabwa, aliwataka wadau hao kuelewa kuwa Tanzania haipo nyuma katika kusimamia dira ya madini ya Afrika ya kuhakikisha rasilimali madini inawanufaisha waafrika kwa manufaa ya bara Afrika kwa ujumla

Amewahakikishia wadau wote wenye nia ya kuwekeza katika sekta ya madini nchini kuwa serikali ya Tanzania itawapa ushirikiano wa kutosha ili kuhakikisha wanapata fursa ya kuwekeza nchini kwa wakati.

Washiriki wa Mkutano wa Shirikisho la Kimataifa la Vyama vya Wafanyakazi wa Sekta ya Madini na Viwanda wakifuatilia mada wakati wa mkutano huo.

Aidha, amesema serikali ipo tayari kufanya kazi na Shirikisho hilo ili kuhakikisha malengo ya kuanzisha shirikisho hilo la kuhakikisha inawasaidia wafanyakazi kuongeza uzalishaji na kuboresha maisha yao linafikiwa.

Akizungumza baada ya kumaliza awamu ya kwanza ya mkutano huo Katibu Mkuu msaidizi wa Shirikisho hilo kutoka nchini Uswiswi  Kemal Ozkan alisema anaipongeza Serikali ya Tanzania kwa kuweka kipaumbele katika kujali maslahi ya watumishi na si makampuni na kuwawezesha wafanyakazi katika sekta ya madini na mafuta kufanya kazi katika mazingira mazuri.

“Solidarity forever”

Read more

Waziri wa madini akabidhiwa jengo la kituo cha umahiri Kagera

Na Tito Mselem, Kagera

Waziri wa Madini Doto Biteko amekabidhiwa jengo la ghorofa tatu lenye thamani ya shilingi bilioni 1.81 ambalo litatumika kama Kituo cha Umahiri mkoani Kagera.

Akizungumza katika hafla ya makabidhiano ya jengo hilo, Waziri Biteko ameipongeza SUMA JKT kwa kazi nzuri iliyofanywa ya ujenzi wa jengo hilo ambalo limekamilika ndani ya muda uliopangwa.

Baada ya makabidhiano, Waziri Biteko amelikabidhi jengo hilo kwa Tume ya Madini na kuwataka litunzwe   ili lisaidie kutoa mafunzo ya nadharia na vitendo kwa wachimbaji wadogo ili wachimbe kwa tija.

Jengo la umahiri lililojengwa na SUMA JKT na kukabidhiwa kwa Waziri wa Madini Doto Biteko

“Lengo kuu la kujenga kituo hiki cha umahiri hapa Kagera ni kuwasaidia wachimbaji wa madini kupata elimu ya namna bora ya kufanya utafiti wa madini, uchimbaji, uchenjuaji, uongezaji thamani wa madini na kuyajua masoko. Hivyo, nitoe wito kwa wachimbaji wote kukitumia kituo hiki ili kuongeza tija katika uzalishaji na wakuze kipato chao,” aliongeza Biteko.

Pia, kituo hicho kinatarajiwa kutoa huduma  nyingine zikiwemo  za upimaji wa madini, kuhifadhi madini na kutoa huduma za uombaji wa leseni kupitia mfumo wa Tume ya Madini.

Aidha, Waziri Biteko amemtaka Mkuu wa Mkoa wa Kagera Brigedia Generali Marco Gaguti kuhakisha sekta ya madini inasimamiwa vizuri mkoani humo ili iwanufaishe wananchi na kutaka Kagera iwe moja kati ya Mikoa inayo changia pato kubwa la nchi kupitia sekta ya madini.

Katika hafla hiyo, Waziri Biteko amesisitiza kwa mikoa iliyoko mipakani kuondoa vikwazo kwa wasafirishaji wa madini ambao wanasafirisha sampuli za madini kutoka nchi nyingine na kuleta katika maabara zilizopo nchini.

“Rais wa Jamhuri ya Muungano wa Tanzania Dkt. John Pombe Magufuli anatamani tupate cheti cha kusafirisha Tin hata leo ili tuanze kusafirisha madini hayo nje ya nchi maana tumechelewa, pia, Rais wetu anatamani uchumi wa madini umilikiwe na watanzania wenyewe”, alisema Biteko.

Hata hivyo, Waziri Biteko amesema Wizara ya Madini ikishirikiana na Tume ya Madini imefuta zaidi ya leseni 12,000 za uchimbaji mdogo ambazo haziendelezwi kati ya hizo 156 ni za  Mkoa wa Kagera,  na kueleza zitatolewa kwa wenye nia ya dhati ya kuchimba.

Kwa upande wake, Mkuu wa Mkoa wa Kagera Brigedia Marco Gaguti aliahidi kutekeleza maagizo ya Waziri Biteko na kuitaka kamati ya ulinzi na usalama ya Mkoa wa Kagera kuimalisha ulinzi hususan maeneo ya mipakani ili kuepusha utoroshwaji wa madini nchini.

Meneja wa SUMA JKT wa Kanda ya Ziwa Kapteni Fabian Buberwa akielezea namna bora ya matumizi ya jengo hilo mbele ya Waziri wa Madini Doto Biteko, Mkuu wa Mkoa wa Kagera Brigedia Jenerali Marco Gaguti na Katibu Tawala wa Mkoa wa kagera Profesa Faustin Kamzora

“Kagera imeanza kuonesha mafanikio mazuri kwenye sekta ya madini tofauti na kipindi cha nyuma ambapo tulikuwa tunapata maduhuli kiasi cha shilingi milioni 70 kwa mwaka na sasa tunakusanya zaidi ya bilioni 2.7, hayo ni mafanikio makubwa na tutaendelea kuimalisha usimamizi ili madini yaongeze pato kwa nchi na kuleta tija kwa wachimbaji wadogo,” alisema Gaguti.

Gaguti aliongeza kuwa,  mkoa huo una  changamoto ya mitaji kwa wachimbaji wadogo ambao hawana uwezo wa kutosha kwenye uzalishaji wa madini ya Tin, ambapo wanazalisha tani 3 mpaka 4 kwa mwezi na kueleza kuwa, kuna uwezekano wa kuchimba tani 20 kwa mwezi.

“katika maonesha ya teknolojia ya madini yaliyofanyika Mkoani Geita, nilipata fursa ya kuongea na wadau mbalimbali wa madini na kuahidiwa kusaidiwa kupata elimu na upatikanaji wa mitataji kwa wachimbaji wetu ili waongeze uzalishaji,” alisema Gaguti.

Kituo cha Umahiri Kagera ni moja kati ya Vituo 7 vya Umahiri pamoja na Jengo la Taaluma la Chuo cha Madini Dodoma vinajengwa katika mikoa mbalimbali nchini kupitia Mradi wa Usimamizi Endelevu wa Rasilimali Madini (SMMRP). Vituo hivyo vilivyojengwa na SUMA JKT, vimegharimu kiasi cha shilingi Bil 11.9 ikiwa ni mkopo kutoka Benki ya Dunia.

Maeneo mengine ambayo vituo hivyo vimejengwa na vingine vikiendelea kukamilishwa ni pamoja na Handeni- Tanga, Bariadi –Simiyu, Chunya- Mbeya, Mpanda- Katavi, Songea na Mara.

Aidha, sehemu ya Jengo la Taaluma la Chuo Cha Madini (MRI) inatarajiwa kutumiwa na Wanawake wachimbaji ikiwa ni sehemu ya kuwawezesha kupata mafunzo ya uchimbaji kama ilivyo kwa vituo vingine.

 

Read more

Wachimbaji watakiwa kuongeza matumizi ya teknolojia

Asteria Muhozya, Boaz Mazigo na Greyson Mwase, Geita

Wachimbaji wa Madini nchini wametakiwa kuongeza matumizi ya Teknolojia katika shughuli zao ili kuwaongezea mapato ikiwemo kuachana na matumizi ya Zebaki.

Aidha, wametakiwa kuvitumia vituo vya Mfano vinavyojengwa na Wizara ya Madini maeneo mbalimbali nchini vikiwemo vya Itumbi, Kantente na Lwamgasa ili kuwawezesha kupata elimu bora ya uchimbaji  wenye tija.

Hayo yalibainishwa Septemba 29, 2019 na Waziri wa Madini Doto Biteko wakati akifunga Maonesho ya Pili ya Teknolojia na Uwekezaji kwenye Sekta ya Madini kwa niaba ya Makamu wa Rais wa Jamhuri ya Muungano wa Tanzania, Samia Suluhu.

Waziri Biteko ametaka maonesho hayo yaliyofanyika mkoani Geita kuwa chachu ya kutambua na kuzingatia Sheria, Kanuni na taratibu mbalimbali zilizopo katika sekta ya madini ikiwemo kuzitumia fursa zinazopatikana kwenye sekta husika.

Akizungumzia manufaa ya uwepo wa masoko nchini, amesema kwamba ni suala ambalo kama nchi ilichelewa kulitekeleza kutokana na matokeo makubwa ambayo yameonekana katika kipindi kifupi tangu kuanzishwa kwake na akaupongeza Mkoa wa Geita kutokana na kuwa mfano bora.

‘’ Kama kuna mtu wa kupongezwa katika hili ni Rais Dkt. John Magufuli. Uanzishwaji wa masoko ulikuwa wa kusuasua lakini baada ya kutoa agizo alipokuwa Mkoani Mbeya, lilitekelezwa katika maeneo mengi na mafanikio yake yanayonekana,’’ alisisitiza Biteko.

Aliongeza masoko ya madini yamekuwa ni mfano pekee duniani huku Tanzania ikitajwa kuwa kinara jambo ambalo linapelekea nchi nyingi kufika kujifunza na nyingine kutaka kujifunza nchini na hususan katika Soko la Geita na akatumi fursa hiyo kuwasisitiza wachimbaji na wadau wa madini kuendelea kuyatumia masoko hayo.

‘’Wana Geita tembeeni vifua mbele mna kiongozi mchapa kazi na anayesimamia vema rasilimali madini. Halmashauri wekeni mazingira mazuri kuwezesha masoko ya madini kufanya kazi zake vizuri,’’ amesema Biteko.

Pia, Waziri Biteko ameendelea kusisitiza kuhusu suala la udhibiti wa utoroshaji madini kwa kuwafichua wale wote wanaofanya vitendo hivyo.

Katika hatua nyingine, Waziri Biteko alizungumzia manufaa ya mabadiliko ya Sheria na namna yalivyowezesha kuweka mazingira mazuri ya ajira katika migodi mikubwa ikiwemo Mgodi wa Dhahabu wa Geita (GGML) na kueleza kuwa, asilimia 97 ya wafanyakazi katika mgodi huo ni watanzania.

Waziri wa Madini Doto Biteko (katikati) katika picha ya pamoja na Mkuu wa Mkoa wa Geita Mhandisi Robert Gabriel, Naibu Waziri wa Madini Stanslaus Nyongo (Wanne kushoto) na Viongozi wa Chama Mkoa wa Geita wakijiandaa kutoa zawadi kwa Washindi wa Maonesho ya Uwekezaji Geita

Naye, Mkuu wa Mkoa wa Geita Mhandisi Robart Gabriel amesema maonesho hayo yamekuwa na manufaa yakiwemo Mabenki yaliyoshiriki kuongeza idadi ya wateja, wachimbaji kupata mikopo, mawasiliano ya kibiashara na kampuni za kigeni kushiriki maonesho hayo hali ambayo inapelekea kuwepo mapinduzi ya kiuchumi.

Akizungumzia maandalizi ya maonesho mengine amesema tayari mkoa huo umetenga kiasi cha hekari 100 kwa ajili ya eneo Maalum la maonesho ambapo kwa mwaka ujao mkoa umejipanga kuandaa maonesho ngazi ya Kimataifa. Ufafanuzi huo unafuatia hoja iliyotolewa na Naibu Waziri wa Madini Stanslaus Nyongo ambaye ameutaka mkoa huo kutanua wigo wa maonesho hayo ili yafanyike katika ngazi ya kimataifa.

Akizungumzia hali ya uzalishaji katika masoko ya madini Mhandisi Gabrie amesema kuwa, mpaka kufikia tarehe ya 28 Septemba jioni, kilo 490 za dhahabu zilikuwa zimezalishwa katika soko la madini na kueleza kuwa, lengo ni kufikia kilo 500 ifikapo mwishoni mwa mwezi.

Kuhusu mipango ya baadaye ya kuendelea kuujenga mkoa wa Geita, amesema kuwa mkoa huo umelenga kuyatumia mapato yanayotokana na sekta ya madini kuhakikisha kuwa unaanzisha miradi mikubwa ya kiuchumi.

Kwa upande wake, Naibu Waziri wa Madini Stanslaus Nyongo ameendelea kusisitiza wachimbaji kujiandaa na kuachana na matumizi ya zebaki ifikapo mwaka 2024 kutokana nan chi kusaini Mkataba wa kuachana na matumizi ya Zebaki ifikapo mwaka 2030.

Amesema kwa kipindi hiki ambacho wachimbaji wanaendelea kutumia zebaki katika shughuli za uchenjuaji wa dhahabu wanapaswa kuzingatia matumizi sahihi na  na salama  yasiyokuwa na madhara wakati serikali ikiendelea kutafuta njia mbadala  katika shughuli hizo.

Pia, Naibu Waziri Nyongo amesisitiza kuhusu kutobugudhiwa kwa wachimbaji wanaopeleka madini yao katika masoko ya madini na kutaka vyombo vya ulinzi na usalama vinavyothibiti vitendo vya utoroshaji madini kutowabugudhi wale wote wanaotumia masoko hayo kwa kufuata taratibu zilizowekwa.

Akizungumzia maeneo ya wachimbaji, amesema tayari wizara imekwisha tenga maeneo maalum kwa ajli ya wachimbaji wadogo wa madini na kueleza kuwa, wizara iko katika hatua ya kuyagawa maeneo hayo ambapo Wakuu wa Mikoa na Maafisa Madini watakuwa wahusika na wasimamizi wakuu katika kusimamia zoezi hilo.

Majibu hayo ya Naibu Waziri yanafuatia ombi lililotolwa na Mwenyekiti wa Wachimbaji Wadogo Mkoa wa Geita (GEREMA) ambaye ameomba wachimbaji kupatiwa maeneo ya kuchimba.

Akisoma taarifa ya Maonesho hayo, MWenyekiti wa Kamati ya maandalizi Chacha Wambura amesema kuwa, yalishirikisha waoneshaji zaidi ya 280 ambapo pia yaliambatana na masuala mbalimbali yakiwemo makangamano ambapo wachimbaji na wadau wengine walipata fusa ya kuelimishwa.

Maonesho ya Pili ya Teknolojia na Uwekezaji kwenye Sekta ya Madini yalikuwa na kaulimbiu ‘’Madini ni Chachu ya  Ukuaji wa Uchumi wa  Viwanda, Tuwekeze kwenye Teknolojia  Bora ya Uzalishaji  na Tuyatumie  Masoko ya Madini’’ yalianza tarehe 20 Septemba, 2019 na kufunguliwa rasmi tarehe 23, 2019 na Waziri Mkuu wa Jamhuri ya Muungano wa Tanzania, Kassim Majaliwa.

Read more

Kamati ya Bunge yatembelea soko la madini Katoro

Na Asteria Muhozya

Wafanyabiashara wa Madini katika Soko Dogo la Madini Katoro wameiomba Serikali iwaruhusu kuwa na Wasaidizi watakaowasaidia kununua madini maeneo  yenye mialo ya uchenjuaji na kuwauzia kwenye vituo vya ununuzi.Wafanyabiashara hao wametoa ombi hilo wakati wa ziara ya Kamati ya Kudumu ya Bunge ya Nishati na Madini ilipotembelea  soko hilo  kwa lengo la kujifunza na kuangalia namna masoko ya madini yanavyoendeshwa.

Akitoa ufafanuzi zaidi kuhusu suala hilo, Naibu Waziri wa Madini  Stanslaus Nyongo amesema kuwa, Sheria na Kanuni za biashara ya madini zinaelekeza kuwa shughuli za uuzaji na ununuzi wa madini zinapaswa kufanyika  kwenye vituo  maalum vya manunuzi hivyo suala la kuwa na wasaidizi kwenye mialo wa kuwauzia wafanyabiashara hao linakinzana na Sheria ya Madini na Kanuni zamadini kwenye masoko .

Naibu Waziri wa Madini Stanslaus Nyongo wa pili kulia akifuatilia jambo na wajumbe wa Kamati ya Bunge ikiwasikiliza wafanyabishara wa madini hawapo pichani kwenye soko la Katoro.

‘’   Kamati ndiyo inaishauri Serikali, ndiyo Bunge na Wawakilishi wa wananchi. Tutaendelea kutatua changamoto  tunazokutana nazo kwenye masoko. Sote tunajua Masoko ni Mapya, Sheria Mpya, Kanuni Mpya, hivyo tutaendelea  kutatua changamoto hizo yakiwemo masuala  ya vifaa na watumishi,’’ amesema Naibu Waziri  Nyongo.

Aidha, Naibu Waziri Nyongo amewataka wafanyabiashara wa madini na wachimbaji kuyatumia masoko ya madini  na kueleza kuwa, kufanya biashara ya madini nje ya masoko ni kujiweka kwenye matatizo. Pia, amewasisitiza  kuhusu matumizi sahihi na salama ya zebaki na kueleza kuwa, serikali itaendelea kuangalia njia mbadala za teknolojia ili kuweza kuachana na matumizi ya zebaki.

Kwa upande wake, Makamu Mwenyekiti wa Kamati ya Kudumu ya Bunge ya Nishati na Madini Mariam Mzuzuri amewataka wafanyabiashara hao kuendelea kufanya shughuli zao kwa kufuata sheria na taratibu wakati Serikali na Kamati zikiangalia namna ya kuzifanyia kazi   changamoto zilizowasilishwa kwao.

‘’ Kwa kuwa masoko haya yanafanya kazi kwa mujibu wa Sheria ni vyema suala hili mtuachie kwanza sisi na serikali ili tuliangalie,’’ amesema Mzuzuri. Kufuatia hali hiyo, Mzuzuri ameitaka wizara kuendelea kutoa mafunzo kwa wafanyabiashara na wachimbaji wa madini ili wajue namna ya kuyatumia masoko ya madini na kujua mwenendo mzima wa shughuli za madini na biashara ya madini inavyofanyika.

Katika hatua nyingine, kamati imeitaka Serikali kuhakikisha suala la Ulinzi kwenye masoko ya Madini halisubiri michakato bali linatakiwa kufanyiwa kazi haraka kutokana na rasilimali zilizopo katika masoko hayo.

Wajumbe wa Kamati ya Kudumu ya Bunge ya Nishati na Madini wakiwasikiliza Wafanyabiashara wa Madini katika Soko dogo la Madini Katoro wakati kamati hiyo ilipotembelea soko hilo.

Makamu Mwenyekiti amesema hayo kufuatia ombi la kuimarishwa kwa Ulinzi katika Soko la Katoro lililotolewa na Wafanyabiashara wa Madini sokoni hapo wakati  wa ziara yake mkoani Geita.

Naye, Mjumbe wa Kamati hiyo Fred Mwakajoka ametaka taasisi zote za serikali zinazoshirikiana na Tume ya Madini kuendesha masoko hayo ziwepo katika masoko hayo ili kurahisisha utendaji wa majukumu ya masoko .

Baada ya kutembelea soko la Katoro, Kamati hiyo pia imetembelea Soko la Madini Kahama na baadaye  itatembelea  Nzega. Ziara ya kamati kutembelea masoko imefanywa na kamati hiyo baada ya kutembelea Soko Kuu la Madini Geita na Maonesho ya Teknolojia na Uwekezaji kwenye Sekta ya Madini yanayoendelea mkoani Geita.

Read more

Waziri Mkuu afungua maonesho ya madini Geita

Asteria Muhozya na Greyson Mwase, Geita

Waziri Mkuu wa Jamhuri ya Muungano wa Tanzania, Kassim Majaliwa  leo Septemba 22, 2019 amefungua Maonesho ya Teknolojia na Uwekezaji  kwenye Sekta ya Madini  yaliyoanza tarehe 20 Septemba, 2019 na kutarajiwa kumalizika tarehe 29 Septemba, 2019.

Akizungumza wakati wa ufunguzi wa maonesho hayo, Waziri Mkuu Majaliwa ametoa  pongezi kwa Wizara ya Madini na Tume ya Madini kwa kuboresha shughuli za madini kupitia kuongeza ajira na  vitendea kazi kama vile magari kama njia mojawapo ya kuboresha ukusanyaji wa maduhuli.

Akielezea mafanikio ya Soko la Madini Geita tangu kuanzishwa kwake Majaliwa amesema kuwa ni pamoja na kuongezeka kwa uzalishaji wa dhahabu kutoka takribani kilo 100 hadi kilo 200 na zaidi kwa mwezi na kusisitiza kuwa, tangu kuanzishwa kwa soko la madini la Geita kiasi cha kilo 1,573 zimezalishwa na kuuzwa.

Wakazi wa mjini Geita wakisikiliza hotuba iliyokuwa inatolewa na Waziri Mkuu wa Jamhuri ya Muungano wa Tanzania, Kassim Majaliwa (hayupo pichani) kwenye ufunguzi wa maonesho hayo

Katika hatua nyingine, ameitaka Tume ya Madini kuongeza kasi kwenye ukusanyaji wa maduhuli ili Sekta ya Madini iwe na mchango mkubwa kwenye ukuaji wa uchumi wa nchi .

Aidha, amewataka wachimbaji na wafanyabiashara wa madini kuyatumia vyema masoko ya madini yaliyoanzishwa nchini na  kuwataka wakuu wa mikoa na wilaya kuhakikisha yanalindwa.

Pia, amewataka wachimbaji wa madini kutumia tafiti zinazofanywa na Taasisi ya Jiolojia na Utafiti wa Madini (GST) kubaini maeneo yanye madini na kuanza kuchimba ili kuepuka uchimbaji wa kubahatisha.

Amesema serikali itaendelea kuboresha Sheria na Kanuni ili kuleta tija zaidi  na hivyo kuwataka wananchi kuchangamkia fursa zilizopo kwenye sekta ya madini ikiwemo kutoa taarifa kwenye vyombo vya udhibiti.

Katika hatua nyingine Waziri Mkuu Majaliwa amewataka wachimbaji wadogo wa madini kuachana na matumizi ya zebaki na badala yake watumie njia nyingine mbadala kulingana na miongozo mbalimbali inayotolewa na Wizara ya Madini pamoja na Tume ya Madini.

 

Akizungumzia nafasi ya sekta ya madini  katika kuchochea ukuaji wa viwanda, Waziri wa Madini Doto Biteko amesema kwamba hadi sasa wizara kupitia Tume ya Madini imekwishatoa leseni  mbili za usafishaji wa madini (Refinery Licence) moja ikiwa mkoani Dodoma  na  nyingine mkoani Geita

Ameongeza kuwa, Wizara ya Madini kupitia Tume ya Madini imetoa leseni nne za uyeyushaji wa madini ya Shaba na Bati  ( Smelting Licence )

Kuhusu changamoto ya usafirishaji nje madini ya bati amesema Wizara kwa kushirikiana na Jumuiya ya Nchi za Ukanda wa Maziwa Makuu (ICGLR)   zipo katika hatua ya mwisho  kuwezesha upatikanaji wa Hati ya kusafirisha madini ya bati nje ya nchi na kuongeza kwamba, hadi kufikia mwezi Desemba  mwaka huu,  hati hiyo itakuwa tayari.

Kutoka kushoto Waziri wa Nishati, Dkt. Medard Kalemani, Waziri wa Madini, Doto Biteko, Waziri Mkuu wa Jamhuri ya Muungano wa Tanzania, Kassim Majaliwa na Mkuu wa Mkoa wa Geita, Mhandisi Robert Gabriel wakiwa katika picha ya pamoja na watendaji wa Wizara ya Madini na Tume ya Madini mara baada ya kumalizika kwa ufunguzi wa Maonesho ya Teknolojia na Uwekezaji katika Madini yaliyofanyika mjini Geita tarehe 22 Septemba, 2019

Akizungumzia uanzishwaji wa masoko ya madini, Waziri Biteko amesema masoko hayo yameleta matokeo chanya huku nidhamu ya watanzania kusimamia masoko na rasilimali ikiwa imeongezeka hali ambayo imepelekea baadhi ya nchi zikiwemo za Kongo, Zambia na Msumbiji kutaka kuyatumia masoko ya madini yaliyoanzishwa katika mikoa mbalimbali nchini.

‘’ Wanaotaka kuhujumu masoko waache. Ukifanya hivyo utaambulia vitu viwili tu, kufilisiwa na kufungwa jela,’’ amesisitiza Waziri Biteko.

Pia, Waziri Biteko amebainisha kuwa, wadau wa madini nchini hawakatazwi kuingiza madini nchini kutoka nchi mbalimbali  zikiwemo sampuli isipokuwa tu madini yote yanayopelekwa nje ya nchi ni lazima yazingatie sheria na taratibu.

Katika hatua nyingine, Waziri  Biteko ameupongeza Mkoa wa Geita kwa kuwa kinara kwenye usimamizi wa fedha zinazotokana na mpango wa utoaji wa huduma kwa wananchi wanaozunguka kampuni za madini (CSR) na kuzitaka kuendelea kufuata sheria na taratibu zinazowekwa na serikali kwenye usimamizi wa sekta ya madini.

Kwa upande wake, Mkuu wa Mkoa wa Geita  Mhandisi Robert Gabriel amesema kuwa, tangu kuanzishwa kwa soko la madini mkoani humo, madini ya dhahabu yameanza kupatikana kwa wingi na kueleza kwamba kwa mwezi  Agosti mwaka huu jumla ya kilo 504 zimeuzwa sokoni hapo, na kabla ya kuisha kwa mwezi Septemba tayari  kilo 340 zimeuzwa sokoni.

Akizungumzia lengo la maonesho hayo Mwenyekiti wa Kamati ya Maandalizi, Chacha Wambura amesema kuwa ni pamoja na kukuza teknolojia ya uchimbaji wa madini kwa wachimbaji wadogo na kutangaza fursa mbalimbali zilizopo katika mkoa wa Geita.

Katika hatua nyingine ikiwa ni sehemu ya ufunguzi wa maonesho hayo, Waziri Mkuu Kassim Majaliwa  amezindua mwongozo wa uwekezaji  katika mkoa huo.

Maonesho hayo yemehudhuriwa na viongozi mbalimbali wa Serikali wakiwemo Wakuu wa Mikoa jirani na Geita, Viongozi wa Wizara ya Madini na Tume ya Madini, Wawakilishi wa Kamati ya Kudumu ya Bunge ya Nishati na Madini, Taasisi za Kifedha, wadau mbalimbali wa madini  na wananchi.

Kaulimbiu ya maonesho hayo ‘’Madini ni Chachu ya Ukuaji wa uchumi wa Viwanda. Tuwekeze kwenye Teknolojia bora ya Uzalishaji na Tuyatumie Masoko ya Madini’’

Read more

Waziri Biteko Awataka Mantra Tanzania Kuipa Muda Serikali Kushughulikia Ombi Lao

Waziri wa Madini Doto Biteko, ameitaka kampuni ya Mantra Tanzania kuipa nafasi ofisi yake ili kuweza kujiridhisha endapo maombi ya kusitisha kuanza kwa shughuli za uchimbaji wa madini hayo una tija kwa kampuni na Taifa.

Waziri wa Madini, Doto Biteko akimsikiliza kwa makini Mkurugenzi Mtendaji wa Kampuni ya Uranium One Alexander Ryabchenko akizungumza jambo wakati wa kikao baina ya wizara na kampuni hiyo.

Waziri Biteko ametoa kauli hiyo leo wakati wa kikao baina ya Wizara na uongozi wa Kampuni hiyo ulioitaka wizara kuridhia ombi la kusogeza mbele shughuli za uzalishaji wa madini hayo kwa kipindi cha miaka mitano kuanzia 2020 mpaka 2024.

Akizungumza hoja hiyo iliyowasilishwa katika kikao hicho, Waziri Biteko alihoji uhakika bei ya madini hayo ifikapo mwaka 2024 katika soko la dunia la endapo utakuwa wakuridhisha na kuwataka kuwasilisha data zao ili ofisi yake iweze kuzifanyia kazi.

“Ni kiashira gani kinachowaonesha kuwa ifikapo 2024 kutakuwa na ongezeko la thamani kwa madini ya urani?” Biteko alihoji.

Aidha, Biteko aliutaka uongozi wa Kampuni hiyo kuwasilisha mchanganuo unaoonesha ongezeko la thamani ya madini ya urani ifikapo 2024 ili wataalamu wa wizara wafanyie kazi na kuishauri wizara juu ya kuridhia au kutoridhia maombi hayo.

Akizungumzia juu ya maamuzi yaliyofikiwa na kampuni hiyo, Rais wa Kampuni ya Mantra Tanzania, Vasiliy Konstantinov alisema bei ya kuuza madini hayo  kwenye soko la dunia imeshuka jambo ambalo litapelekea kampuni na serikali kutokunufaika na uwekezaji huo kutokana na kuwekeza kwa hasara.

Konstantinov alisema kuwa kampuni imeamua kufika na kukaa na wizara ili kupata msaada na kuhakikishiwa uhakika wa kuendelea na uwekezaji huo mara baada ya thamani ya madini hayo kuongezeka ili kuwawezesha kuwekeza kwa faida.

Kwa upande wake, Mkurugenzi wa leseni na Tehama kutoka Tume ya Madini, Yahya Samamba alihoji uamuzi wa Kampuni hiyo kuendelea na uwekezaji ifikapo 2024 endapo hakutokuwa na mabadiliko ya kuridhisha katika soko la dunia.

Akijibu hoja hiyo, Mkurugenzi Mtendaji wa Mantra Tanzania, Alexander Ryabchenko alisema kwa sasa kampuni hiyo iko katika utafiti wa kutafuta njia rahisi isiyotumia gharama kubwa za uwekezaji ili kuifanya kampuni hiyo kuendelea na uzalishaji mara baada ya muda huo kufika hata kama bei ya madini hiyo haitabadilika.

Mantra Tanzania ni kampuni ya uchimbaji mkubwa wa Madini nchini iliyotolewa na Wizara ya Madini mwaka 2013.

Read more

Biteko- Msitumie taaluma yenu vibaya

Issa Mtuwa – DSM

Wanajumuiya ya wana taaluma ya Jiolojia Tanzania (Tanzania Geological Society – TGS) wametahadharishwa na Waziri wa Madini Doto Biteko kuto tumia taaluma yao vibaya kutokana na umuhimu wa taaluma yao katika sekta ya madini. Amesema taaluma ya jiolojia ni mzizi wa sekta ya madini kwani shuguli nyingi za madini chanzo chake ni taarifa za kijiolojia na wao ndio waandaaji.  

Biteko, ameyasema hayo tarehe 27/09/2019 wakati wa kufunga kongamano la wanataaluma ya jiolojia hapa nchini, lililokuwa linafanyika katika ukumbi wa Maktaba mpya ya chuo kikuu cha Dar es salaam kuanzia tarehe 25/09/2019 na kuwakutanisha wana taaluma hiyo kutoka kila kona ya nchi.

Waziri wa Madini Doto Biteko wa tatu kushoto mstari wa kwanza akifuatilia mada kuhusu marekebisho ya sheria ya madini 2017 kwenye kongamano la wataalam wa jiolojia nchini.

Kabla ya kufunga kongamano hilo Biteko alishiriki mjadala wa mada mbalimbali ikiwemo ya marekebisho ya sheria ya madini  ya 2017 ambayo inatajwa kuwa kiini cha mabadiliko katika sekta ya madini.

Amesema taaluma hiyo ni muhimu sana kwa sekta ya madini lakini  wapo baadhi ya wanataaluma wanaitumia vibaya kwa kujinufaisha binafsi. Aliongeza kuwa wapo wanaowadanganya  wawekezaji kwa kuwapa taarifa za zisizo sahihi, ile hali wakifahamu kuwa taarifa wanazozitoa hazina ukweli ili mradi tu anufaike.

“Wapo baadhi yenu, wasio waaminifu, wanatumia taaluma yao vibaya, ninazo taarifa za baadhi ya wanataaluma wanaotumia vibaya ili kujinufaisha.  Tumieni kongamano hili kukatazana mabaya na kuimizana mambo mazuri. Wapo baadhi ya majiolojia wanaofanya kazi katika kampuni binafsi wanaotumia data walizo nazo na kuzipeleka kwa wachimbaji wadogo na kupelekea kuwa chanzo cha migogoro pindi wachimbaji hao wanapovamia kwa nguvu eneo ambalo wameambiwa kuwa kuna madini .” alisema Biteko.

Awali Biteko amewapongeza wanajumuia hiyo kwa kazi kubwa wanayoifanya katika kuisaidia sekta ya madini licha ya kuwepo kwa changamoto za hapa na pale.

Akiwasilisha mada ya marekebisho ya sheria, mkurugenziwa wa huduma za sheria kutoka wizara ya madini Wakili Edwin Igenge, alisema kimsingi sheria ya mwaka 2010 haijabadilishwa kama wanavyo dhania baadhi ya watu isipo kuwa kilichofanyika mwaka 2017 ni marekebisho ambayo ndio yaliyopelekea kuanzishwa kwa Tume ya Madini na kuondoa mamlaka za leseni na udhibiti kutoka kwa Waziri wa Madini na kwenda kwa Tume ya Madini.

Waziri wa Madini Doto Biteko akihutubia kongamano la wana taaluma ya Jiolojia nchini katika ukumbi wa maktaba ya chuo kikuu cha Dar es salaam.

Kwa upande wake Mtendaji mkuu wa Tume ya Madini Prof. Shukuran Manya ambae pia ni mwanachama wa TGS, akijibu swali la mmoja wa washiriki hao kuhusu ushirikiano wa wazawa na wawekezaji kutoka nje katika uchimbaji wa madini, Prof. Manya alisema marekebisho ya sheria yametoa fursa kwa watanzania weye leseni ya uchimbaji kushirikiana na mwekezaji kutoka nje kwa kufuata masheriti yanayoongoza ushirikiano wao.

Kwa upande wake Rais wa jumuiya hiyo Prof. Abdulkarimu Mruma akiongea kabla ya kumkaribisha waziri wa madini kuongea na wana taaluma hao, alimweleza waziri mambo mengi kuhusu mipango ya jumuiya yao. Aidha, Prof. Mruma aliwasilisha maombi ya kiwanja mjini Dodoma cha kujenga jengo la TGS sambamba na kuanzishwa kwa Bodi ya jumuiya hiyo.

Mkutano huo hufanyika mara moja kila mwaka na kuwakutanisha wana taaluma hao. Kwa mwaka huu jumuiya hiyo inaadhimisha miaka 50 ya uwepo wake.

Read more

Kituo cha Uchenjuaji Dhahabu Jema Afrika Chapewa Onyo la Mwisho

 

Na Asteria Muhozya, Kahama

Waziri wa Madini Doto Biteko ametoa Onyo la Mwisho la Kukifungia Kituo cha Uchenjuaji Dhahabu cha Jema Afrika kilichopo Wilayani Kahama.

Waziri wa Madini Doto Biteko, Mkuu wa Mkoa wa Shinyanga Zainabu Taleck, Naibu Waziri wa Madini Stanslaus Nyongo wakiteta jambo na Kamati ya Ulinzi na Usalama mara baada ya kukitembelea Kituo Kidogo cha Ununuzi wa Dhahabu Mwime.

Hatua hiyo inafuatia kubainika kwa jaribio la wizi wa dhahabu uliofanywa na baadhi ya wafanyakazi wa  kituo hicho kutaka kuiba dhahabu ya mteja.

Akizungumzia tukio hilo, Waziri Biteko amewataka wamiliki wa kituo hicho kuandika barua ya kuweka makubaliano na Serikali ya kutojirudia tena kwa vitendo  vya wizi kituoni

‘’Ni jicho la huruma tu  tukiwapeleka mahakamani mali zenu zitataifishwa. Tunajua mmewekeza mitaji yenu na mna mikopo.  Nilishamwambia mmiliki kuwa kituo  chako kina rekodi ya wizi. Rais anawapenda, anawapigania ili watanzania wamiliki uchumi wa madini lakini mnamuangusha kwa kutofuata taratibu,’’ amesisitiza Waziri Biteko.

Amewatahadharisha wamiliki wa vituo vya uchenjuaji nchini kuhusu wizi wote wa dhahabu  unaofanyika na kuwasisitiza kwamba, unafahamika na kuwataka  wote wanaojihusisha na vitendo hivyo  kujiepusha  na  kwa wale wasiotaka kufanya kazi zao kwa  uaminifu watafute biashara nyingine.

Mbali na kutembelea kituo hicho,  pia, Waziri Biteko  na ujumbe wake  wametembelea Kituo Kidogo cha  Ununuzi   wa dhahabu kilichopo katika eneo la Wachimbaji wadogo wa Mwime  ambapo amewapongeza kwa kufuata taratibu na Sheria na kuwataka kufanya kazi zao kwa amani.

Kwa upande wake, Mkuu wa Mkoa wa Shinyanga  Zainab Taleck amesema  Mkoa huo unahitaji wawekezaji lakini walio waaminifu.

Ameongeza kuwa, wizi na udanganyifu katika kiwand cha uchenjuaji Jema Afrika ulibainiwa na Kamati ya Ulinzi na Usalama na kutumia fursa hiyo kuwatahadharisha wote wasiofuata taratibu kuwa serikali inawaona na itawafikia.

Waziri wa Madini Doto Biteko akizungumza jambo wakati wa kikao cha ndani kabla ya kuanza ziara. Kushoto ni Mkuu wa Mkoa wa Shinyanga Zainabu Taleck.

Katika ziara hiyo, Waziri Biteko pia ameongozana na Naibu Waziri wa Madini Stanslaus Nyongo, Kamati ya Ulinzi na Usalama ya Mkoa wa Shinyanga, Kamishna wa Madini Mhandisi David Mulabwa na Watalaam kutoka Tume ya Madini.

Aidha, ziara hiyo imefanywa wakati ambapo wizara na wadau wengine wa madini wanashiriki Maonesho ya Pili ya Teknolojia na Uwekezaji kwenye Sekta ya Madini Mkoani Geita yanayotarajiwa kuhitimishwa Septemba 29, 2019.

Ziara hiyo imefanyika Septemba 28, 2019.

Read more

Wadau Maonesho ya Geita Watembelea Mgodi wa GGM

Wadau mbalimbali wanaoshiriki Maonesho ya  Pili ya Teknolojia na Uwekezaji kwenye Sekta ya Madini leo Septemba 27, 2019, wametembelea Mgodi wa Dhahabu wa GGM unaomilikiwa na Kampuni ya Anglo Gold Ashanti.

Wadau waliotembelea Mgodi wa GGM wakimsikiliza Mtaalam kutoka kampuni hiyo (hayupo pichani) akiwaeleza masuala mbalimbali kuhusu shughuli za uhifadhi wa mazingira mgodini hapo.

Ziara hiyo imelenga katika kujifunza kuhusu namna shughuli za uchimbaji na uzalishaji wa Madini ya Dhahabu unavyofanyika mgodini hapo huku lengo kuu likiwa kuona teknolojia mbalimbali zinazotumika katika uchimbaji wa madini.

Aidha, mbali na kujifunza kuhusu uzalishaji na uchimbaji, wadau hao wameelimishwa kuhusu masuala mazima kuhusu namna mgodi huo unavyoshughulikia masuala ya mazingira, usalama na afya mgodini.

Akizungumzia masuala ya jamii, Afisa anayehusika na Masuala ya Mahusiano na Jamii mgodini hapo Musa Shunasu, ameeleza mgodi huo umekuwa ukitoa mafunzo kwa wachimbaji wadogo,  kufadhili miradi mbalimbali, pia kwa kushirikiana na Wizara ya Madini umeanzishwa mgodi wa mfano wa Lwamgasa unaolenga katika kutoa mafunzo kwa wachimbaji wadogo ili waweze kuchimba kwa tija. Aidha, mgodi huo umesaidia jamii katika masuala mengine mbalimbali yakwemo ya elimu na afya

Akijibu hoja kuhusu madai mbalimbali ya wananchi kuhusu masuala ya fidia amesema kwamba mwananchi yoyote katika eneo linazunguka mgodi huo ama aliye mbali ya eneo hilo anaruhusiwa kuwasilisha malalamiko yake kwa mgodi.

Moja ya sehemu ambayo shughuli za uchimbaji wa dhahabu zinafanyika.

Kwa mujibu wa Shunasu, kampuni hiyo ina zaidi ya migodi 16 maeneo mbalimbali duniani, huku hapa nchini ulianza shughuli za uzalishaji mwaka 2000.

Amesema Dira ya kampuni hiyo ni kuchimba dhahabu kuwa kampuni inayoongoza kwa uchimbaji, usalama, mazingira na jamii.

Read more

Biteko akutana na Mabalozi watatu ofisini kwake

Na Issa Mtuwa – DSM

Waziri wa Madini Doto Biteko leo tarehe 24/09/2019 amekutana na Mabalozi wa nchi mbalimbali kwa nyakati tofauti tofauti ofisini kwake jijini Dar es salaam na kufanya mazungumzo nao.

Waziri wa Madini Doto Biteko kushoto akiwa na Balozi wa Uingereza Sarah Cooke katikati mara baada ya mazungumzo yao ofisini kwa Biteko Kulia ni Laura Blizzard mkuu wa idara ya Sera, uchumi na Biashara ubalozi wa Uingereza.

Wa kwanza kuwasili ofisini hapo alikuwa Balozi wa Kenya Dan Kazungu, Biteko na Kazungu wamejadiliana masuala mbalimbali yanayohusu ushirikiano katika sekta ya Madini. Baadae alifuata Balozi wa Uingereza Sarah Cooke alie ambatana na Mkuu wa Idara ya Sera, Uchumi na Biashara Laura Blizzard kutoka ubalozi huo.

Mwisho alikuwa Balozi wa Angola Sandro De Oliveria ambae alikuja kujitambulisha kwa Waziri wa Madini na kuomba timu yake kutoka Angola ije Tanzania kuja kuzungumza pamoja na wataalam wa Tanzania kuhusu masuala ya mafuta sekta ambayo inasimamiwa na Wizara ya Nishati. Baada ya mazungumzo Waziri alimuunganisha moja kwa moja na Waziri mwenye dhamana ya Nishati.

Pamoja na mambo mengine Waziri amewaambia mabalozi hao kuwa Tanzania inahitaji sana wawekezaji katika sekta ya madini na kwamba wenye nia ya kuwekeza kwenye sekta ya madini waende moja kwa moja Wizarani na kuachana na propaganda za baadhi ya watu wasio itakia mema nchi yetu wanao sema sema Tanzania hakuna mazingira rafiki ya uwekezaji.

Ameongeza kuwa, yeye anapenda kuzungumzia mambo halisi (facts) na sio mambo ya kufikirisha (assumption). Amewaomba mabalozi hao kuwaambia watu wao wanaotaka kuja kuwekeza hapa nchini wafike moja kwa moja wizara ya madini na wasikubali kufikia kwenye mikono ya watu nje ya wizara ya madini ili kuepusha uongo na utapeli unaofanywa na watu wasio wema.

Waziri wa Madini Doto Biteko kushoto akiwa na Balozi wa Angola Sandro De Oliveria wakati wa mazungumzo yao ofisini kwa Biteko jijini Dar es Salaam.

Kwa upande wao kwa nyakati tofauti tofauti wamemshukuru na kumpongeza waziri wa Madini kwa namna anavyo isimamia sekta ya madini ambayo imekuwa na mabadiliko makubwa sana. Balozi wa Kenya na Angola wamesema wanahitaji nchi zao kujifunza Tanzania namna maboresho ya sheria ilivyopelekea mabadiliko makubwa katika sekta ya Madini.

Read more

Biteko – Lazima dhahabu ya mgodi wa serikali iuzwe hapa nchini

Na Issa Mtuwa – Biharamulo Kagera.

Waziri wa Madini Doto Biteko ameagiza mgodi wa dhahabu wa Mistamigold unaomilikiwa na Shirika la madini la Taifa STAMICO kuanzia Mwezi Desemba 2019 dhahabu inayozalishwa mgodini hapo iuzwe kwenye masoko ya dhahabu ya hapa nchini hususani kwenye soko la Biharamulo.

Biteko amesema hayo leo tarehe 19/09/2019 alipotembelea mgodi huo uliopo wilaya ya Biharamulo. Amesema aiwezekani serikali ihimize dhahabu yote iuzwe kwenye masoko ya ndani wakati mgodi wa serikali dhahabu yake inazwa Ususwi.

“Naagia kuanzia Desemba mwaka huu, dhahabu yote inayo zalishwa katika mgodi huu iuzwe kwenye masoko ya ndani, mara baada ya mkataba wenu kuisha mwezi Novemba. Kwa kufanya hivyo gharama isiyo ya lazima mtaiepuka.” amesema Biteko.

Waziri wa Madini Doto Biteko katikati akizungumza na ungozi na wafanyakazi wa mgodi wa STAMIGOLD na kamati ya ulinzi na usalama ya wilaya ya Biharamulo

Wakati huo huo Biteko amemuagiza Afisa Madini Mkazi mkoa wa Kagera Mhandisi Lucas Mlekwa kuzifuta leseni 159 ambazo haziendelezwi ili zigawiwe kwa wanaohitaji kuendeleza leseni hizo na serikali ipate mapato yake.

Awali, akitoa taarifa ya madini mkoa wa Kagera Mhandisi Mlekwa pamoja na mambo mengine alimwambia Waziri kuwa kuna changamoto nyingi kwenye mkoa wake pamoja na nyingine ni uwepo wa leseni nyingi zisizo endelezwa.

Ameongeza kuwa kila anapo jaribu kufanya mawasiliano na wamiliki wa leseni hizo ili waendeleze hawapatikani.

Kwa upande wake, Meneja Mkuu wa mgodi wa STAMIGOLD  Mhandisi Gray Shamika amemueleza Waziri jinsi mgodi unavyo endeshwa na kwa sasa wanajiendesha wenyewe kwa kugharamia gharama zote ikiwemo kulipa mishara ya watumishi na kulipa wazabuni. Amesema taarifa za kijiolojia zinaonyesha kuwa mgodi bado utaendelea kuishi pamoja na uwepo wa  changamoto mbalimbali zikiwemo za madeni.

Akitoa taarifa yake kwa Waziri Mhandisi Shamika amesema, kwa sasa Mgodi upo kwenye utaratibu kuanzisha mradi wa kuchenjua Visusu (Tailings) mradi utakao upa uhai wa mgodi hadi miaka 7-10 ijayo. Kuhusu kupunguza gharama za uzalishaji Shamika amesema mgodi umepunguza gharama za uzalishaji kutoka dola 1800 hadi dola 940 kwa wakia (Ounce) moja.

Kufuatia taarifa hiyo, Waziri Biteko ameupongeza uongozi na wafanyakazi wote kwa hatua hiyo na kuwaomba kuendela kupunguza gharama hiyo angalau kufikia dola 800 kwa wakia.

Waziri wa Madini Doto Biteko wa tatu kulia akimsikiliza Kamishna wa Tume ya Madini Dkt. Athanas Machiyeki wakati wa ziara yake kwenye Mgodi wa STAMIGOLD.

Kwa upande wake Kaimu Mkurugenzi Mtendaji wa STAMICO Brigadia Jenerali Silvester Ghuliko amesema wako teyari kutekeleza maagizo ya Waziri na walisha anza kujipanga kutekeleza maagizo hayo hususani kuanza kuuza dhahabu katika soko la ndani mara baada ya mkataba wa kuuza dhahabu nje kumalizika mwezi Novemba mwaka huu.

Akimkaribisha Waziri wa Madini, Katibu Tawala wa Wilaya ya Biharamumo ambae ni Kaimu Mkuu wa Wilaya hiyo Agness Alex amemwambia waziri hali halisi ya sekta ya madini wilayani humo pamoja na changamoto mbalimbali ikiwemo deni la Halmashauri yake kwa mgodi huo.

Kufuatia hoja hiyo ya deni la Halmashauri, Biteko amemuagiza Mkurugenzi wa Halmashauri ya Biharamulo Ionde Ng’ahala kutuma timu ya wahasibu wake kwenda STAMIGOLD kukaa na uongozi kupitia deni hilo na kuhakiki na kukubaliana namna ya kulipa deni hilo.

Read more

Kamati ya Bunge Yapongeza Uanzishwaji Masoko ya Madini

  • Naibu Waziri Nyongo asema Geita inaibeba Sekta

Asteria Muhozya, Boaz Mazigo na Greyson Mwase Geita

Mwenyekiti wa Kamati ya Kudumu ya Bunge ya Nishati na Madini, Dustan Kitandula  amempongeza Rais wa Jamhuri ya Muungano wa Tanzania Dkt. John Magufuli  kutokana na kuwepo mfumo  rasmi wa mapato ya madini yanayotokana na uanzishwaji wa  masoko ya madini na Vituo Vidogo vya Ununuzi katika mikoa mbalimbali nchini.

Mkuu wa Mkoa wa Geita Mhandisi Robert Gabriel (wa pili kulia) akiwaongoza Wajumbe wa Kamati kutembelea Soko la Madini Geita. Wa kwanza kulia ni Mwenyekiti wa Kamati ya Kudumu ya Bunge ya Nishati na Madini Dustan Kitadula na wa pili kulia ni Naibu Waziri wa Madini Stanslaus Nyongo pamoja na wajumbe wa kamati hiyo

Ameyasema hayo wakati kamati hiyo ilipokutana na Mkuu wa Mkoa wa Geita Mhandisi Robert Gabriel  wakati wa ziara yao mkoani humo inayolenga kuangalia namna masoko ya  madini yanavyoendeshwa pamoja na kuangalia Maonesho ya Teknolojia na Uwekezaji kwenye Sekta ya Madini  yanayoendelea mkoani humo katika Viwanja vya CCM Kalangalala.

Aidha, ameupongeza mkoa wa Geita kutokana na kuweka mazingira mazuri ya uendeshaji wa soko la madini ikiwemo mwamko mkubwa wa wadau wa madini wanaotumia soko hilo na kueleza kuwa, soko hilo ni la mfano mzuri wa masoko huku biashara kubwa ya madini ya dhahabu inaendelea kufanyika vizuri sokoni hapo.

Ameongeza kuwa, masoko hayo yamewezesha kupatikana kwa mapato  ambayo  kabla ya kuanzishwa kwa masoko fedha nyingi zilikuwa zikipotea kutokana na tabia za utoroshaji madini  hali ambayo hivi sasa inadhibitiwa na uwepo wa masoko hayo.

Katika hatua nyingine, Mwenyekiti ameutaka mkoa huo kuangalia namna masuala ya Ulinzi na Usalama yanavyosimamiwa katika uendeshaji wa masoko hayo na kueleza kuwa, yapo malalamiko ambayo yametolewa ikiwemo ucheleweshaji wa muda wa kufungua masoko hayo.

Kwa upande wake, Mkuu wa Mkoa wa Geita Mhandisi Robert Gabriel amesema kuwa yapo mapinduzi makubwa yaliyofanywa mkoani humo ambayo yamechangiwa kwa kiasi kikubwa na Sekta ya madini yakiwemo masuala yanayohusu huduma za Afya na Elimu.

Pia, ameieleza kamati hiyo kuwa, wachimbaji mkoani humo wanapata hamasa ya kuyatumia masoko hayo  hali ambayo inapelekea kupata bei halisi ya  dhahabu ikiwemo hamasa ya kuanzishwa kwa biashara  mbalimbali ambazo zimechangiwa na uwepo wa masoko.

Pia, Mkuu huyo wa Mkoa ameeleza kuhusu mpango wa mkoa huo wa kuwa na eneo rasmi la shughuli za maonesho ambayo lengo ni kufanywa Kimataifa. Mkuu wa Mkoa alisema hayo wakati akijibu hoja ya Naibu Waziri wa Madini, Stanslaus Nyongo ambaye ameshauri kuhusu maonesho hayo kimataifa zaidi.

Afisa Madini Mkazi wa Mkoa wa Geita Mhandisi Gabriel Mapunda (kushoto) akiwaeleza jambo Kamati ya Bunge ya Kudumu ya Nishati na Madini wakati walipotembelea soko la Madini Geita

Katika  hatua nyingine, Naibu Waziri Nyongo ameupongeza mkoa huo kwa kuwa na soko linalongooza nchini  kwa kuzalisha na kuuza madini likifuatiwa na soko la Madini Chunya.

Naibu Waziri ameongeza kuwa, ni soko linaloongoza kwa  kukusanya mrabaha wa serikali ambapo hivi sasa zaidi ya Shilingi Bilioni 2 zinakusanywa kwa mwezi sokoni hapo.

Akizungumzia mauzo ya Soko la Madini Chunya amesema hivi sasa soko hilo linauza hadi kilo 150 kutoka kilo 20 na hivyo kutumia  fursa  hiyo kuwataka wachimbaji wote na wadau wa madini nchini kuyatumia masoko hayo na kutoyaogopa.

Pia, Naibu Waziri amezuia kukamatwa kwa wadau wote wa madini wanaofuata Sheria na taratibu katika kuyatumia masoko hayo na kuwataka waachwe wafanye shughuli zao.

Akijibu hoja iliyotolewa na wadau wa madini sokoni hapo kuhusu soko hilo kufanya kazi hadi siku ya Jumapili, Naibu Waziri amesema Wizara kupitia Tume ya Madini na Mkoa wa Geita utaangalia namna ya kulifanyia kazi suala hilo na kuongeza kwamba, tayari Wizara imepata kibali cha kuajiri watumishi wapya hivyo upungufu wa rasilimali watu utafanyiwa kazi

Pia, Naibu Waziri ameupongeza Mkoa huo kuwa na ubunifu wa hali ya juu  na kuulezea kuwa, unaibeba Sekta ya Madini. Pia, ameipongeza Kamati hiyo kutokana na namna inavyoishauri Wizara jambo ambalo linaiwezesha sekta kusonga mbele.

Mkuu wa Mkoa wa Geita Mhandisi Robert Gabriel akimkabidhi Mwenyekiti wa Kamati ya Kudumu ya Bunge ya Nishati na Madini Dustan Kitandula Mwongozo wa Uwekezaji katika Mkoa wa Geita

Naye, Afisa Madini Mkazi wa Mkoa wa Geita,  Daniel Mapunda akizungumza wakati wa ziara hiyo amesema kwamba wadau wote wanapokelewa sokoni hapo ikiwemo wachimbaji wasiokuwa kwenye mfumo rasmi. Aidha, ameongeza kuwa, kwa wateja wasiojua kusoma na kuandika wanaofika katika soko la madini kwa ajili ya kupata huduma, wanasaidiwa na maafisa wa Tume ya Madini waliopo kwenye soko hilo namna zuri ya kuweka taarifa zao kwenye nyaraka mbalimbali zinazotumika kwenye ofisi hiyo.

Mbali na Kamati hiyo kutembelea soko la Madini Geita, pia imetembelea maonesho ya madini. Aidha, katika ziara hiyo, Wajumbe hao wa Kamati wamekabidhiwa Mwongozo wa Uwekezaji wa  mkoa huo uliozinduliwa  wakati wa ufunguzi wa Maonesho hayo Septemba 22, 2019, na Waziri Mkuu wa Jamhuri ya Muungano wa Tanzania, Kassim Majaliwa.

Read more

TANCOAL Yatakiwa Kulipa Deni la Dola Milioni 10.4

Na Greyson Mwase, Dodoma

16 Septemba, 2019

Tume ya Madini imeitaka kampuni ya kuzalisha makaa ya mawe nchini ya TANCOAL kulipa deni la Dola za Marekani 10,408,798 ambalo ni  kwa kipindi cha Septemba, 2011 hadi Juni, 2019 na kuacha kupotosha umma wa watanzania.

Kauli hiyo imetolewa leo tarehe 16 Septemba, 2019 jijini Dodoma na Katibu Mtendaji wa Tume ya Madini, Profesa Shukrani Manya kwenye mkutano wake na waandishi wa habari kufuatia taarifa za upotoshaji ambazo zimekuwa zikichapishwa na kampuni ya TANCOAL kupitia tovuti ya www.miningreview.com tarehe 03 Septemba, 2019 na kusambazwa kwenye mitandao mingine ya kijamii.

Mkutano huo ulihudhuriwa na Mwenyekiti wa Tume ya Madini, Profesa Idris Kikula, Mkurugenzi wa Ukaguzi na Biashara ya Madini, Dkt. Venance Mwase, Mkurugenzi wa Huduma za Tume, William Mtinya, Meneja wa Usimamizi wa Rasilimaliwatu, Gift Kilimwomeshi, Meneja wa Leseni, Mhandisi Ramadhani Lwamo na Kaimu Meneja wa Utafiti na Sera, Andendekisye Mbije.

Katibu Mtendaji wa Tume ya Madini, Profesa Shukrani Manya (katikati) akizungumza na waandishi wa habari hawapo pichani kwenye mkutano wake na vyombo vya habari uliofanyika leo tarehe 16 Septemba, 2019. Kulia ni Mwenyekiti wa Tume ya Madini, Profesa Idris Kikula na kushoto ni Mkurugenzi wa Ukaguzi na Biashara ya Madini, Dkt. Venance Mwase.

Profesa Manya alifafanua kuwa, kampuni ya TANCOAL kupitia taarifa yake ilidai kuwa, Wizara ya Madini kupitia Tume ya Madini imeanza kuitoza TANCOAL tozo ya mrabaha kwenye gharama za usafirishaji wa makaa ya mawe kutoka mgodini hadi kwa mtumiaji wa mwisho wa ndani na nje ya nchi.

Aliongeza kuwa, kampuni ya TANCOAL ilidai kulazimishwa kuuza makaa ya mawe kwa wateja wenye leseni za biashara ya madini hali itakayoongeza gharama za makaa ya mawe.

Profesa Manya alisema kuwa TANCOAL imekuwa ikilipa tozo ya mrabaha kwa kuzingatia thamani ya madini yakiwa yadi ya Kitai bila kujumuisha gharama za usafirishaji kwenda kwa wateja jambo ni kinyume na Sheria ya Madini ya Mwaka 2010.

“Sheria ya Madini ya Mwaka 2010 kifungu cha 87 (6) kinaelekeza namna ya kukokotoa mrabaha kwa kuzingatia thamani ya madini sokoni (kwa mtumiaji wa mwisho) ambayo inajumuisha gharama za usafirishaji hadi kwa mteja (Gross Value). Utaratibu huu wa malipo umekuwa ukifuatwa na kampuni nyingine zote zinazochimba ama kuuza makaa ya mawe isipokuwa TANCOAL,” alisema Profesa Manya.

Aliongeza kuwa, pamoja na kuelimishwa mara kwa mara juu ya namna ya kukokotoa malipo ya mrabaha kwa mujibu wa Sheria ya Madini ya Mwaka 2010, TANCOAL imekuwa ikikaidi kulipa mrabaha kwa kuzingatia msingi huo.

Alisema kuwa, utaratibu ambao kampuni ya TANCOAL inautumia kwa kuwauzia wateja wa makaa ya mawe katika yadi ya Kitai badala ya kusafirisha wenyewe au kutumia wafanyabiashara wa madini walioidhinishwa (Mineral Brokers or Dealers) unakwenda kinyume cha Sheria. Kifungu cha 18 (1) cha Sheria ya Madini ya Mwaka 2010 kinakataza mtu au kampuni yeyote isipokuwa mmiliki halali wa leseni ya madini au mfanyakazi wa wamiliki wa leseni hizo: kumiliki, kusafirisha au kuuza madini bila kuwa na kibali cha kufanya hivyo kwa mujibu wa sheria.

Alifafanua kuwa, kutokana na Kampuni ya TANCOAL kulalamikia Madai ya Mrabaha inayotakiwa kulipa Serikalini, iliundwa Timu maalum kwa ajili ya kuhakiki deni la mrabaha unaojumuisha usafirishaji wa makaa ya mawe kwa kwa kipindi cha Septemba, 2011 hadi Juni, 2014 ambayo yalikuwa hayajalipwa pamoja na kufanya upembuzi wa madai ya mrabaha ambao TANCOAL inatakiwa kulipa Serikalini kwa kipindi cha Septemba 2011 hadi Juni, 2019.

Alisema kuwa katika upembuzi na uchambuzi wa takwimu za mauzo na usafirishaji wa makaa ya mawe uliofanyika, imebainika kuwa TANCOAL inatakiwa kulipa USD 1,103,594 ikijumuisha na adhabu ya asilimia 50 kwa kipindi cha Septemba 2011 hadi Juni 2014. TANCOAL inapaswa kulipa USD 9,305,205 ikijumuisha na adhabu ya asilimia 50 kwa kipindi cha Julai 2014 hadi Juni 2019. Jumla ya malipo ni USD 10,408,798 kwa kipindi cha Septemba, 2011 hadi Juni, 2019.

Naye Mwenyekiti wa Tume ya Madini, Profesa Idris Kikula akizungumza katika mkutano huo aliitaka kampuni ya TANCOAL kutopandisha bei ya makaa ya mawe kwa wateja na badala yake kuuza kulingana na bei elekezi zinazotolewa na Tume ya Madini kila mwezi.

 

Read more

Biteko – Sijaridhika ushirikishwaji Wananchi Migodini

Na Issa Mtuwa – Geita

Pamoja na kuupongeza Mgodi wa Dhahabu wa Geita  (GGM) katika masuala ya ulipaji kodi, utekelezaji wa miradi ya maendeleo kwa jamii (CSR) na kuwa mgodi namba moja nchini kwa utekelezaji wa Sheria za Madini, bado serikali hairidhishwi na namna mgodi huo na mingine inavyowashirikisha wananchi moja kwa moja.

Kauli hiyo ilitolewa Septemba 16 na Waziri wa Madini Doto Biteko mjini Geita   kwenye mkutano uliowakutanisha wafanyabiashara  na watoa huduma mbalimbali  mkoani Geita , wananchi na uongozi wa GGM. Mkutano huo uliokuwa na lengo la kufahamishana fursa za kibiashara na utoaji huduma  zilizopo kwenye mgodi wa GGM.

Sehemu ya Washiriki wa mkutano baina ya wafanya biashara, watoa huduma na Uongozi wa Mgodi wa Dhabau wa Geita (GGM) mjini Geita

“Naomba niwe mkweli, mgodi wa GGM ni wakwanza hapa nchini katika ulipaji wa kodi, utekelezaji wa miradi ya maendeleo ya jamii (CSR) lakini sijaridhishwa na namna ambavyo mgodi unavyo washirikisha wananchi moja kwa moja ili waone umaana wa uwepo wa raslimali hii katika mazingira yao,” alisema Biteko.

Aliongeza kuwa, ni wajibu wa GGM kuwaeleza wananchi fursa zilizopo na namna mgodi unavyowashirikisha ili madini yanapokwisha   wananchi wabaki na kumbukumbu ya uwepo wa dhahabu hapa mkoani humo.

Pia, Waziri Biteko alitaka baada ya mkutano huo kuwe na maazimio yatakayo ratibiwa na kusimamiwa na Mkuu wa Mkoa  huku akisisitiza maazimio hayo kueleza  namna mgodi huo unavyokwenda mkieleza namna mnavyokwenda kuwahusisha wananchi.

Kwa upande mwingine, Waziri Biteko amekemea vikali vitendo vya udanganyifu unaofanywa na baadhi ya watu wanaopewa fursa ya kufanya biashara na migodi na kueleza kwamba, amekuwa akipokea malalmiko ya udanganyifu na wizi kwenye migodi unaofanywa na baadhi ya wasio wema na amewataka kubadilika na kutenda haki ili kuongeza imani ya kuendelea kuwatumia watoa huduma wa ndani.

Waziri Biteko alisema kuanzia sasa Kamishna Msaidizi anaye shugulikia masuala ya  Ushiriki wa Nchi na Wananchi katika Sekta ya Madini (Local Content) kutoka ofisi ya Kamishna wa Madini atakuwa anapita kukagua namna utekelezaji wa masuala ya Local content yanavyo tekelezwa na hii sio kwa mgodi wa GGM peke yake bali kwa migodi yote hapa nchini.

Pamoja na kuelezwa kuwa mpaka sasa mgodi wa GGM una asilimia 97 ya wafanyakazi ni wazawa, bado haitakuwa na maana kama maamuzi ya mambo mbalimbali yatakuwa yanasubiri asilimia 3 ya wafanyakazi wanaotoka nje.

Halikadhalika, Waziri Biteko aliwakumbusha watendaji wote wa Wizara ya Madini na Taasisi zake zote kuhusu agizo alilolitoa akiwa ziarani Mkoani Lindi wiki mbili zilizopita kuendelea kufuatilia yanayojiri kwenye ziara zake hususani viongozi kwani patafika mahali wananchi  na wadau watatakiwa kupatiwa  majibu ya papohapo ili kuondokana na kero bila kusubiri muda mrefu. Hivyo, alimtaka kila mtendaji kuwa tayari kupokea simu pindi atakapo muhitaji na kutolea majibu.

Kwa upande wake, Mkuu wa Mkoa wa Geita Mhandisi Robert Gabriel alisema bado kwenye mgodi wa GGM kuna “figisu figisu” katika kuwapatia ajira wana Geita kwa visingizo mbalimbali na hususan ujuzi wa lugha ya Kiingereza  na kuwataka kubadilika katika hilo.

Waziri wa Madini Doto Biteko Kulia akiagana na Mkuu wa Mkoa wa Geita Mha. Robert Gabriel baada ya kufungua mkutano wa wafanya biashara, watoa huduma na uongozi wa Mgodi wa Dhabau wa Geita (GGM) mjini Geita.

“Kuna figisu figisu ya utoaji wa ajira pale mgodini, moja ya sababu mnasema lugha, hicho Kiingereza sio ndio kinachofanya kazi, hiyo lugha sioni ulazima wake na sio wakati wote watakuwa wanaongea muda mwingi ni wakufanya kazi wakiwa wenyewe hata kisukuma watakuwa wanaimizana kufanya kazi,” alisema Mhandisi Gabrile.

Naye. Meneja Mkuu wa Mgodi wa GGM Richard Jordinson alisema kama mgodi wamedhamiria kuifanya jamii ya Geita kuwa sehemu ya mgodi na ndiyo sababu tayari wamewisha sainishana mikataba mbalimbali ya utekelezaji wa miradi ya maendeleo. Na kuongeza,  ni dhamira yao kuiona Geita yenye dhahabu inakuwa na  nuru ya dhahabu na wako tayari kushirikiana na jamii na serikali, kutii mamlaka za  serikali na kufuata marekebisho yote yaliyofanywa kwenye sheria ya madini na ndio maana  wameamua kukutana na wadau ili wajadili masuala yote.

Aidha, Uongozi wa GGM umemshukuru Waziri Biteko na wafanyakazi wote wa wizara kwa ushirikiano  wanao upata mara kwa mara kwani wanaifanya kazi yao kuwa rahisi, mara zote wamekuwa wakijadiliana na kukubaliana katika masuala mbalimbali.

Afisa Mtendaji Mkuu wa  Kampuni ya Anglo Gold Ashanti  Bara la Afrika, Sicelo Ntuli alisema mgodi GGM mwaka 2018 ulitenga bilioni 9.2 kwa ajili ya miradi ya maendeleo kwa mkoa wa Geita peke yake na wanatarajia kuanza kutekeleza miradi hiyo mwaka wa fedha wa  2019/20.

Read more

Tozo ya Mrahaba kwenye Gharama ya Usafirishaji wa Makaa ya Mawe kutoka katika Kampuni ya Tancoal

Kumekuwepo na taarifa za upotoshaji mkubwa ambazo zilichapishwa na Kampuni ya
kuzalisha makaa ya mawe nchini TANCOAL kupitia tovuti ya www.miningreview.com
tarehe 03 Septemba, 2019 na kusambazwa kwenye mitandao mingine ya kijamii.

Taarifa hizo zinadai kuwa Wizara ya Madini kupitia Tume ya Madini imeanza kuitoza
TANCOAL tozo ya mrabaha kwenye gharama za usafirishaji wa makaa ya mawe
kutoka mgodini hadi kwa mtumiaji wa mwisho wa ndani na nje ya nchi. Taarifa hiyo
ikaendelea kudai kuwa, tozo ya mrabaha (asilimia tatu) na ada ya ukaguzi (asilimia
moja) inatakiwa kuanza kulipwa mara moja.

Taarifa hiyo ikaendelea kueleza kuwa kampuni ya TANCOAL imelazimishwa kuuza
makaa ya mawe kwa wateja wenye leseni za biashara ya madini hali itakayoongeza
gharama za makaa ya mawe.

Tume ya Madini inapenda kutoa ufafanuzi kama ifuatavyo:-

<<soma zaidi>>

 

Read more

Biteko – Kila mmoja atimize wajibu wake

Na Issa Mtuwa – Geita

Waziri wa Madini Doto Biteko amewataka Wachimbaji wa madini nchini kutimiza wajibu wao kwakuwa serikali imeshatimiza na inaendelea kutimiza wajibu wake kwa wachimbaji na wadau wengine wote katika sekta ya madini.

Hayo ameyasema leo tarehe 14/09/2019 katika siku yake ya kwanza ya ziara yake mkoani Geita wakati akiongea na wachimbaji wa madini ya ujenzi eneo la Katoro. Akiwa njiani kuelekea Bukombe Biteko aliongea na wachimbaji hao kwa kuwasisitiza kulipa kodi ya serikali na tozo nyingine kama sehemu ya kutimiza wajibu wao na kuunga mkono maamuzi ya Rais, Dkt. John Pombe Magufuli aliewasikiliza kiliochao kuhusu utitiri wa kodi zilizokuwa kero kwa wachimbaji na Rais kuamua kuziondoa.

Biteko amewaambia wachimbaji madini kote nchini kuwa, kwa sasa ni zamu yao kutimiza wajibu kwa kulipa kodi, kuunga mkono jitihada alizo zionyesha Rais Magufuli zilizopelekea mageuzi makubwa katika sekta madini.
Wakati huo huo Biteko ambae pia ni Mbunge wa Bukombe ameungana na Waziri wa Nishati Dkt. Medard Kalema katika kukagua utekelezaji wa ilani ya chama tawala katika jimbo la Bukombe katika usambazaji wa umeme kwa wananchi. Pamoja na kusikiliza kero za wana Bukombe kuhusu Umeme Mawaziri hao wamejionea kusua sua kwa usambazaji wa umeme na hatua iliyofikiwa jambo lililopelekea kung’olewa kwa Meneja wa Tanesco wilaya ya Bukombe kwa kushindwa kutekeleza wajibu wake.

“Mhe. Kalemani leo mimi sina cha kuongea ujio wako wana Bukombe wanasubiri kusikia kutoka kwako umeme utawaka lini, kwani wamekuwa wakikuona kwenye vyombo vya habari mara Kilimanjaro, Mara Songea, Mara Tanga ukipita ukiwasha umeme Wanabukombe nao leo wanapenda wakuone ukiwasha umeme hapa kwao” alisema Biteko Mbunge wa Bukombe huku akishangiliwa na umati mkubwa wa Wananchi wa Bukombe.
Nae Waziri wa Nishati Dkt. Medard Kalemani alijibu mapigo ya mbunge wa Bukombe kwa kutolea majibu kero zote zilizowasilishwa na Biteko kwa niaba ya wananchi wake.

“Mhe. Waziri, kwanza nikupongeze kwa kazi kubwa na nzuri unayoifanya kwa wananchi wako. Pili, nimekuja hapa mara mbili na leo mara ya tatu maagizo niliyoyatoa awali naona hayajatekelezwa, sasa nasema hivii, Meneja wa Tanesco wilaya ya Bukombe kuanzia sasa namfuta kazi sio Meneja tena wa hapa Meneja wa Kanda tafuta kwa kumpeleka hapa lete mwingine kesho”
“Pale sokoni kesho, nasema kesho, ipelekwe Transformer na jioni saa 10 umeme uwake kwenye maduka ya wafanyabiashara. Mkandarasi naagiza ifikapo Desemba mwaka huu vijiji vyote 72 vya wilaya ya Bukombe viwe vimesha unganishwa umeme. Mhe. Biteko mimi sijaja kukaa sana hapa yangu ni hayo na kama haya yote niliyo yaangiza kwa kila jambo yasipotekelezwa kwa tarehe zilizo pangwa nipigie simu” alisisitiza Kalemani wakati wa mkutano wa hadhara na wananchi wa Jimbo la Bukombe.

Kwa upande mwingine Dkt. Kalemani amemsifu Mbunge wa Bukombe ambae ni Waziri wa Madini kwa kutoa vifaa 250 bure vya kuunganishia umeme (Umeta) huku kila kimoja kikigharimu Tshs. 300,000 kila kimoja kitakacho fungwa kwenye nyumba ya ukubwa wa chumba kimoja na sebule.

Biteko yupo kwenye ziara ya kikazi katika mikoa ya Geita, Kilimanjaro na Kagera.

Read more

Naibu Waziri Nyongo Apiga Marufuku Uchomaji Dhahabu Kiholela

Na Tito Mselem, Chunya

Naibu Waziri wa Madini Stanslaus Nyongo amepiga marufuku uchomaji wa dhahabu kiholela na badala yake amewataka Maafisa Madini nchini kote kutafuta eneo moja kuchomea dhahabu.

Alitoa agizo hilo Septemba 10, 2019 wakati akizungumza na Wachimbaji wadogo, Wafanyabiashara ya dhahabu pamoja na maafisa Madini wa mkoa wa Mbeya.

Naibu Waziri wa Madini Stanslaus Nyongo akisalimiana na wadau wa Madini Wilayani Chunya.

“Naomba nichukue fursa hii kuwaagiza maafisa madini kote nchini kusimamia upatikanaji wa sehemu maalum ya kuchomea dhahabu, hii ni kwa sababu dhahabu inayopatikana kwa zebaki hatuioni bado inapotea,” alisema Naibu Waziri Nyongo.

Pia, Naibu Waziri aliwataka Maafisa madini wote nchini kusajili mialo yote inayoosha dhahabu na kuisimamia ili kuepusha upotevu wa dhahabu inayotokana na zebaki.

“Tumeamua kudhibiti dhahabu zote zinazotokana na zebaki na tumekwishaanza ufuatiliaji maalum, tulianza na Kanda ya Ziwa na sasa tupo nchi nzima,” alisisitiza Naibu Waziri.

Aidha, aliongeza kuwa, katika Sheria Mpya ya Madini imeweka kipengele cha ushiriki wa nchi na wananchi katika biashara ya madini ili wananchi wanufaike, na kusisitiza kuhusu madini yanayo chimbwa nchini ni lazima yaongezewe thamani nchini kabla ya kusafirishwa nje. Na kuongeza, “sheria imeeleza kuwa wafanyabiashara wote wa madini lazima waweke mahesabu yao wazi”.

Waziri Nyongo alitoa wito kwa wafanyabiashara wote wa madini kuyatumia masoko yaliyopo katika maeneo mbalimbali nchini na wasipofanya hivyo watakamatwa na watafikishwa mahakamani na kutaifishwa madini yao.

Mkuu wa Wilaya ya Chunya Mary Prisca Mahundi akizungumza jambo katika kikao hicho. Kushoto ni Naibu Waziri wa Madini Stanslaus Nyongi na kulia ni Afisa Madini Chunya,Godson Kamihinda

Aidha, Nyongo aliongeza, wadau wanaotoka nje ya nchi pia wanaweza kufanya biashara kwenye masoko bila ya kubuguziwa na mtu yeyote.

Kwa upande wake, Mkuu wa Wilaya ya Chunya MaryPrisca Mahundi kwa Juhudi nzuri zinazofanywa na wizara katika kuboresha sekta ya madini hususan suala la kudhibiti utoroshaji wa madini nchini.

“Napenda nichukue fursa hii nikupongeze Naibu Waziri kwa juhudi kubwa mnazozifanya katika kuboresha sekta hii ya madini, miezi mitatu iliyopita tulipata kilo 25.9 za dhahabu zinazotokana na zebaki katika soko letu la Chunya lakini baada ya oparesheni hii maalum mwezi huu tumepata kilo 97.2 za dhahabu zinazotokana na zebaki hayo ni mafanikio makubwa,” alisema

Aidha, Mahundi ameahidi kuyafanyia kazi maagizo yote yaliyotolewa na Naibu Waziri Nyongo ya kuhakikisha kuwa mialo inasajiliwa na kusimamiwa pia kuhakikisha wachimbaji wote wanachomea dhahabu zao sehemu moja.

Read more

Watuhumiwa wa wizi wa Dhahabu wafikishwa mahakamani Mbeya

Na Tito Mselem, Mbeya

Watuhumiwa 10 wanaodaiwa kuwa ni wafanyabiashara wa Madini wamefikishwa katika mahakama ya Hakimu Mkazi Mkoa wa Mbeya ambapo watano (5) kati yao wamesomewa mashtaka tofauti ya uhujumu uchumi ikiwemo utoroshaji wa madini na wengine watano (5) wamewekwa chini ya uangalizi wa Mahakama kwa kipindi cha mwaka mmoja ili wawe na mwenendo mzuri.

Katika kesi ya kwanza ambayo ilisomwa mbele ya Hakimu Mkazi, Andrew Scout inawahusu watuhumiwa watatu ambao ni Mike Konga, Sauli Solomon na Emmanuel Kessy ambao wamesomewa mashtaka matatu.

Naibu Waziri wa Madini Stanslaus Nyongo akiteta jambo na Maafisa Madini Mkoa wa Mbeya.

Akiwasomea mastaka yao Wakili wa Serikali, Basilius Namkambe alisema shitaka la kwanza ambalo linawahusu watuhumiwa wote watatu ni kujipatia fedha kwa njia ya udanganyifu.

Alisema kuwa kati ya Juni Mosi na Juni 30, mwaka huu watuhumiwa hao walijipatia fedha za Zambia kiasi cha Kwacha 290,000 kwa njia ya udanganyifu kutoka kwa raia mmoja wa Zambia kwa kumuuzia dhahabu kinyume na Sheria.

Aidha, Wakili Namkambe alisema kosa la pili la watuhumiwa hao ni utakatishaji wa fedha kiasi cha kwacha 290,000 ambazo walizipata kwa udanganyifu kutoka kwa raia wa Zambia.

Watuhumiwa hawakutakiwa kujibu lolote kwa kuwa Mahakama hiyo haina uwezo wa kusikiliza kesi hiyo na Wakili Namkambe akadai kuwa upelelezi wa kesi hiyo haujakamilika na kuiomba mahakama ipange tarehe nyingine kwa ajili ya kutajwa tena,  ambapo Hakimu Andrew Scoult aliihairisha kesi hiyo hadi Septemba 23 mwaka huu itakapotajwa tena mahakamini hapo.

Katika kesi ya pili, mbele ya Hakimu Denis Luwongo, watuhumiwa wawili, Mike Konga na Sauli Solomoni wamesomewa mashtaka mawili ya kujipatia fedha kwa njia ya udanganyifu na utakatishaji wa fedha.

Kwa upande wake, Wakili wa Serikali Basilius Namkambe ameiambia Mahakama kuwa watuhumiwa kwa pamoja kati ya Juni Mosi na Juni 30 mwaka huu walijipatia fedha kiasi cha dola za Marekani 115,000 kwa njia ya udanganyifu baada ya kumuuzia Henry Clever, raia wa Ujerumani madini aina ya dhahabu kilo moja kinyume na sheria.

Watuhumiwa hawakutakiwa kujibu lolote kwa vile Mahakama hiyo haina mamlaka ya kusikiliza kesi hiyo.

Wakili wa Serikali, Basilius Namkambe alisema upelelezi wa kesi hiyo haujakamilika na akawasilisha maombi ya kutaka baada ya kuhairishwa kwa kesi hiyo, Mtuhumiwa wa Pili, Sauli Solomon achukuliwe na Jeshi la Polisi kwa ajili ya upelelezi.

Maombi hayo yalisababisha mvutano na wakili wa utetezi Baraka Bwilo ambaye alisema kuwa mteja wake alikamatwa tangu Septemba Mosi mwaka huu na kusafirishwa hadi Dar es Salaam kwa mahojiano na muda wote huo alikuwa mikononi mwa Polisi, hivyo ni vema apelekwe gerezani na kama watamuhitaji kwa upelelezi wamfuate huko.

Hata hivyo, Wakili wa Serikali, Namkambe alisema kuwa ombi lake ni sahihi kwa vile hata kama ni kumfuata huko ni lazima Mahakama itoe idhini hivyo ni busara aruhusiwe kwenda Polisi ili kuharakisha upelelezi wa kesi hiyo kuepuka malalamiko yanayoweza kujitokeza baadaye kuhusu upelelezi kuchelewa kukamilika.

Naibu Waziri wa Madini Stanslaus Nyongo akiandika jambo

Hakimu Denis Luwongo akatoa uamuzi wa kuruhusu mshtakiwa kuchukuliwa na Polisi kwa ajili ya upelelezi na kuahirisha kesi hiyo hadi Septemba 23, mwaka huu.

Kesi ya tatu ambayo imesomwa mbele ya Hakimu Mkazi Happiness Chuwa iliwahusu watuhumiwa wawili, Everine Bahati na Tyson Jeremiah ambao wamesomewa makosa matatu.

Wakili Basilius Namkambe aliiambia Mahakama kuwa katika kosa la kwanza watuhumiwa walikamatwa na madini aina ya dhahabu kiasi cha gramu 33.21 yenye thamani ya shilingi milioni 3 bila kuwa na kibali chochote.

Katika kosa la pili watuhumiwa wanadaiwa kujipatia fedha kwa udanganyifu kwa kuuza madini hayo bila kuwa na kibali huku wakijua kuwa ni kosa.

Wakili Namkambe alisema kuwa katika kosa la tatu ni utakatishaji wa fedha kiasi cha shilingi milioni 3 ambazo walijipatia kwa njia ya udanganyifu.

Watuhumiwa hawakutakiwa kujibu chochote kwa kuwa mahakama hiyo haina mamlaka ya kusikiliza kesi hiyo na Hakimu Happiness Chuwa akaahirisha shauri hilo hadi Septemba 23, mwaka huu litakapotajwa tena mahakamani hapo.

Katika kesi nyingine wafanyabiashara watano wa madini wamepandishwa kizimbani chini ya kiapo cha faragha kilichosainiwa na Mkuu wa upelelezi wa Polisi Mkoa wa Mbeya, ambapo Serikali imeomba watu hao wawekwe chini ya uangalizi maalum ili wawe na mwenendo mzuri.

Wakili Namkambe amesema ombi hilo linatokana na watuhumiwa kufanya makosa mengi ya mara kwa mara.

Baada ya kusomwa kwa maombi hayo, watuhumiwa wote hawakuwa na pingamizi na badala yake wakaomba walegezewe masharti ya dhamana na ndipo Hakimu akawaweka chini ya uangalizi kwa kipindi cha miezi 12 ambapo watatakiwa kuripoti kwa wakuu wa Polisi wa Wilaya mara moja kila mwezi.

Hata hivyo ,watuhumiwa hao walitakiwa kila mmoja kuwa na mdhamini mmoja atakayesaini bondi ya shilingi milioni 10 ili wapewe dhamana.

Watuhumiwa wawili pekee ndio waliotimiza masharti ya dhamana na kuachiwa huru na watatu wamerejeshwa rumande hadi Ijumaa ya Septemba 13, kesi hiyo itakapotajwa tena na wao wametakiwa kufika na wadhamini.

Kwa upande wake, Naibu Waziri wa madini Stanslaus Nyongo ametoa wito kwa wafanyabiashara wa madini kuachana na biashara haramu za madini na badala yake wafanyebiashara hiyo kwa mujibu wa sheria ili kuepuka usumbufu ikiwemo kufilisiwa mali zao na kwenda jela.

Mashataka hayo yalisomwa Septemba 9, 2019.

 

Read more

Prof. Mihyo – Sera ni nguzo muhimu katika Sekta ya Madini

Na Issa Mtuwa “WM” Morogoro

Prof. Paschal Mihyo kutoka Taasisi ya Utafiti wa Sera za Maendeeleo ya Uchumi, Jamii na Mageuzi ya Mfumo wa Uchumi (REPOA) amesema mchango wa Wizara ya Madini kwenye ukuwaji wa uchumi  wa taifa haukwepeki na inawajibu huo kutokana na sekta hiyo kuwa chachu ya ukuwaji  wa uchumi duniani kote.

Amesema Sera ndio kiungo muhimu cha kuifikia hatua hiyo, hivyo ni muhimu sera ya sekta ya madini iguse kila mahali na hilo hufanyika wakati wa uandishi wa sera husika ingawaje kwa sasa kuna tatizo la mvutano kati ya “sera na siasa”.

Mkurugenzi mkuu wa REPOA Dr. Donald Mmari akiongea wakati wa kufunga Mafunzo ya uchambuzi na uandishi wa sera kwa watumishi wa wizara ya madini.

Prof. Mihyo amesema hayo leo tarehe 05/09/2019 wakati akiwasilisha mada kwenye mafunzo yanayohusu uchambuzi na uandishi wa sera kwa watumishi wa wizara ya madini na taasisi zake, mafunzo yanayofanyika katika hotel ya Kingsway mjini Morogoro na yameandaliwa kwa ushirikiano wa Wizara ya Madini na REPOA kwa ufadhili wa Ubalozi wa Norway kupitia REPOA.

Mafunzo hayo yanafanyika kwa lengo la kuwajengea uwezo na kuwaongezea ujuzi watafiti, washauri, na watekelezaji wa sera katika kufanya mapitio na uchambuzi wa sera.

“Mafunzo haya ni muhimu sana na tumelenga kuwafanya watumishi kutambua nafasi zao na nafasi ya sekta hii katika kuchangia ukuwaji wa uchumi wa taifa.” alisisitiza Prof. Mihyo wakati wa mafunzo hayo.

Dkt. Jamal Msami, Mkurugenzi wa Tafiti za Kimkakati kutoka REPOA ambaye ni mwezeshaji mwenza wa Prof. Mihyo katika mafunzo hayo, amesema sera ni kiungo muhimu katika kufikia  uchumi wa kati kupitia madini. Kila idara/kitengo kina jukumu la kufanya katika utekelezaji wa majuku yake ambayo hutokana na sera.

Amesema sera inamchango katika kuonyesha namna na mwelekeo wa sekta ya madini katika uchangiaji wa uchumi kwa kuweka mipango sahihi.

Kwa upande wake Mkurugenzi wa Utawala na Raslimali watu kutoka Wizara ya Madini, Issa Nchasi amesema sera ndio chombo cha juu cha utekelezaji wa masuala yote yanayofanyika katika wizara. Ameongeza kuwa, mafunzo hayo ni muhimu kwani baada ya mafunzo kutaundwa timu ya wataalum itakayopitia na kuandaa sera ya wizara ambayo pia itapelekea kuwa na muundo mpya wa utumishi utakao kidhi mahitaji halisi na sahihi ya sasa ukizingatia muundo wa wizara unaotumika sasa ni wa mwaka 2002.

Mkurugenzi Msaidizi wa Rasilimali Watu Kabigi Nsajigwa akichangia wakati wa mafunzo ya uchambuzi na uandishi wa sera.

Katika mafunzo hayo, mada mbalimbali zimewasilishwa na kugusa masuala ya sera, sheria, uwekezaji, masoko, uchangiaji wa makampuni kwenye shuguli za maendeleo ya jamii (CSR) na ushirikishaji wa wazawa katika masuala ya ajira na manunuzi ya ndani (local content).

Mafunzo hayo ya siku tano, yalianza tarehe 02/09/2019 na kufunguliwaa na Katibu Mkuu wa Wizara ya Madini Prof. Simon Msanjila na yatafungwa tarehe 06/09/2019 na Mkuu wa Wilaya ya Morogoro mjini, yakihusisha wataalam wa uchumi, takwimu, jiolojia, uhandisi wa migodi, sheria, mawasiliano na utawala na raslimali watu kutoka Wizara ya Madini, Tume ya Madini, Shirika la Madini la Taifa (STAMICO), Taasisi ya Utafiti wa Madini Tanzania (GST), Tanzania Gemmological Centre (TGC) na Chuo cha Madini Dodoma (MRI)

Read more

Tume ya Madini Andaeni Utaratibu Biashara ya Madini Ifanyike Kikanda – Biteko

 

Asteria Muhozya na Tito Mselem, Dodoma

Waziri wa Madini Doto Biteko ameiagiza Tume ya Madini kuandaa haraka utaratibu utakaowawezesha Wafanyabiashara wa Madini nchini kufanya shughuli zao katika ngazi ya Kanda tofauti na ilivyo sasa ambapo taratibu zinawataka kufanya shughuli hizo katika Mikoa zilipotolewa leseni zao.

Aliyasema hayo Septemba 7, 2019 wakati wa mkutano wa wafanyabiashara hao na wizara uliofanyika jijini Dodoma na kuhudhuriwa na  Viongozi na Wataalam wa wizara na Taasisi zilizo chini yake.

Waziri wa Madini Doto Biteko akizungumza jambo na baadhi ya Wafanyabiashara wa Madini,. Kushoto ni Mwenyekiti wa Kamati ya Kudumu ya Bunge ya Nishati na Madini, Dustan Kitandula.

Aidha, Waziri Biteko alieleza kuwa, endapo wadau hao watafanya shughuli zao kwa kuzingatia Sheria na taratibu zilizowekwa, serikali kupitia Wizara ya Madini itaendelea kutanua wigo kuwawezesha kufanya biashara ya madini katika maeneo mengi zaidi.

Waziri Biteko alisisitiza kuhusu ndoto ya Rais wa Jamhuri ya Muungano wa Tanzania Dkt. John Magufuli ya kutaka rasilimali madini kulinufaisha taifa na watanzania  na kueleza kuwa, ndoto hiyo ndiyo iliyopelekea  kufanyika kwa mageuzi mkubwa katika Sekta ya Madini.

Alikiri kuwa, kabla ya mabadiliko hakukuwa na mfumo rasmi uliowaonesha wachimbaji kujua sehemu sahihi ya kuuzia madini yao vivyo hivyo kwa wanunuzi wa madini suala ambalo lilipelekea kuwepo vitendo vya utoroshaji madini jambo ambalo lilionekana ni la kawaida.

Waziri  Biteko aliwataka wafanyabishara hao kuyatumia masoko yaliyoanzishwa katika mikoa mbalimbali nchini  na kusisitiza  kuwa, serikali itaendelea kudhibiti vitendo vya utoroshaji madini na kueleza kuwa, waliobainika kufanya vitendo hivyo wataanza kufikishwa kwenye vyombo vya sheria na hivyo kuwataka kuwa  chanzo  cha mabadiliko ili kuzuia vitendo vya utoroshaji madini.

‘’ Tumekutana mpaka na wakemia wanaotengeneza madini feki. Kuna wengine wataanza kufikishwa kwenye vyombo vya sheria. Tunataka chumba cha madini kiwe na hewa ya kutosha,’’ alisisitiza Biteko.

Akijibu hoja zilizotolewa na Mwenyekiti wa Chama Cha Wafanyabishara wa Madini ya Vito (TAMIDA) Sam Mollel, kuhusu changamoto ya ucheleweshaji wa vibali vya kusafirisha madini nje ya nchi, Waziri Biteko aliwataka kuwa na subira wakati serikali  ikishughulikia suala hilo.

Aidha, akijibu  changamoto  ya Masonara kusimamiwa  na  wizara nyingine, Waziri Biteko  aliwataka wafayabiashara hao kuwasilisha maoni kuhusu suala hilo  kama ilivyofanyika katika kuandaa Kanuni za Masoko na kuongeza kwamba,   ‘’ Tunataka kuwa wizara ambayo inatatua matatizo’’.

Naye, Naibu Waziri wa Madini Stanslaus Nyongo alisisitiza kuhusu suala la kulipa kodi kama inavyowapasa na kuwataka kuyafahamu mabadiliko yaliyofanywa katika sekta na kuwa sehemu ya mabadiliko hayo.

Kwa upande wake, Mwenyekiti wa Kamati ya Kudumu ya Bunge ya Nishati na Madini, Dustan Kitandula, aliipongeza wizara kwa kazi ya kuwalea wadau wa madini na kueleza kwamba, miaka ya nyuma mambo kwenye sekta hayakuwa yakienda vizuri.

Sehemu ya Wafanyabiashara wa Madini wakifuatilia mkutano baina yao, Wizara ya Madini na Taasisi zake.

Aidha, aliwapongeza wafanyabiashara wa madini na kueleza kuwa, hivi sasa wameanza kubadilika huku tabia ya kufanya biashara ya madini kiholela ikianza kutoweka.

‘’ Sisi Kamati tunapoona mambo yanakwenda vizuri mnaturahisishia kazi yetu’’, alisisitiza Mwenyekiti wa Kamati.

Kikao hicho kimefanyika ikiwa ni jitihada za wizara  za kuendelea kutoa elimu kwa wadau wa madini  ikiwemo kusikiliza na kutatua  changamoto kwenye sekta  ili kuwezesha biashara ya madini kufanyika katika mazingira mazuri yanayoleta tija kwa pande zote.

Aidha, sambamba na mkutano huo, imefanyika Semina kwa Wabunge wa Kamati ya Kudumu ya Nishati na Madini kubwa ikiwa ni serikali kueleza nia yake ya kukifanya Chuo Cha Madini Dodoma kulelewa na Chuo Kikuu cha Dar es Salaam.

Akifunga semina hiyo, Mwenyekiti wa Kamati Dustan Kitandula alitaka mchakato wa wa kukilea Chuo hicho kutochukua muda mrefu na alikitaka kijisimamie chenyewe ndani ya muda mfupi baada ya kulelewa  na kutoa elimu bora.

Pia, alitaka kozi ya Mafundi Mchundo kuwekewa msingi mzuri.

Pamoja na hayo, Mwenyekiti wa Kamati aliitaka wizara kukiongezea nguvu Kituo Cha Jimolojia Tanzania (TGC) ikiwemo bajeti ya kutosha kukiwezesha kuboresha miundombinu yake.

Read more

Waziri wa Madini Atembelea Machimbo ya Tanga Stone, Asikiliza Kero

Na Tito Mselem, Tanga

Waziri wa Madini Doto Biteko ametembelea Machimbo ya Tanga Stone yaliyopo katika Kata ya Doda wilayani Mkinga mkoa wa Tanga kwa lengo la kukagua maendeleo na kusikiliza changamoto za wachimbaji hao.

Katika ziara hiyo, Waziri Biteko aliambatana na Viongozi mbalimbali akiwemo Mkuu wa Wilaya ya Mkinga, Yona Maki, Mwenyekiti wa Kamati ya Kudumu ya Bunge ya Nishati na Madini Dastan Kitandula ambaye pia ni Mbunge wa Mkinga Kitandula na viongozi wengine.

Wachimbaji katika eneo hilo ambapo shughuli za uchimbaji madini hayo zilianza miaka 25 iliyopita wanakabiliwa na changamoto mbalimbali ikiwemo ukosefu wa miundombinu ya barabara, masoko ya madini hayo, ukosefu wa nishati ya umeme pamoja na ukosefu wa mitaji.

Akizungungumza na wachimbaji hao, Waziri Biteko aliwataka kuwa wavumilivu katika kipindi hiki ambapo serikali inaangalia namna ya kutatua changamoto zao.

Baadhi ya Madini ya Tanga Stone yakiwa yamekusanywa

Kwa upande wa changamoto ya Barabara, Waziri Biteko alipokea taarifa ya upembuzi yakinifu wa barabara ambapo inatarajiwa kuanza kutengenezwa mara baada ya kukamilika kwa upembuzi unaofanywa na Wataalamu wa Mamlaka ya Barabara za Mijini na Vijijini (TARURA).

Pia, Biteko alitoa ahadi kwa wachimbaji hao ya kuwatafutia masoko ya madini hayo ili yalete tija kwa wachimbaji na taifa kwa ujumla.

Kwa upande wake, Mbunge wa Mkinga Dastan Kitandula alimpongeza Waziri Biteko kwa kukubali kutembelea Machimbo hayo ya Tanga stone na kumuomba kupatiwa wataalamu watakao toa mafunzo kwa wachimbaji hao ili wanufaike zaidi na asilimali zao.

Read more

Waziri Biteko Aipongeza FEMATA, Ataka Ushirikiano Zaidi

Tito Mselem- Tanga

Waziri wa Madini Doto Biteko amelipongeza Shirikisho la Vyama Vya Wachimbaji wa Madini Nchini (FEMATA) kutokana na namna linavyofanya kazi na kutaka ushirikiano zaidi ili Sekta ya Madini izidi kukua na kuheshimika ndani na nje ya mipaka ya Tanzania.

Waziri Biteko aliyasema hayo wakati aliposhiriki katika Mkutano wa Sita (6) wa Shirikisho hilo uliofanyika Jijini Tanga Agosti 31, 2019.

Waziri wa Madini Mhe. Doto Biteko akihutubia Mkutano wa 6 wa Shirikisho la vyama vya wachimbaji wadogo wa Madini (FEMATA) uliofanyika katika ukumbi wa Tanga Beach Resort uliopo Jijini Tanga

“Tunaichukulia FEMATA kama nyenzo muhimu katika kuendeleza sekta ya uchimbaji mdogo nchini, hivyo basi naomba niwakumbushe na nitoe wito kwa viongozi na wawakilishi wa FEMATA kuwa, muda wowote muwe huru kutushirikisha katika kuandaa mipango yenu ili mwisho wa siku tuwe na mtazamo mmoja,” alisema Waziri Biteko.

 Waziri Biteko aliongeza kwamba, ushirikiano wa FEMATA na Wizara ya Madini ni muhimu katika kuhakikisha ndoto ya Rais wa Jamhuri wa Muungano Tanzania Dkt. John Pombe Magufuli inafikiwa ya kuhakikisha wachimbaji wadogo wanawezeshwa ili waweze kukua na kuwa wachimbaji wa kati au wakubwa na hatimaye waweze kuongeza mchango kwenye pato la Taifa.

Aidha, Waziri Biteko aliwataka wanachama wa Shirikisho hilo kuwa na utaratibu wa kupitia masuala ya sheria za madini pomoja na kanuni zake ili wazifahamu vizuri.

“Nitafurahi sana kama kwenye mkutano huu mkipata wasaa wa kupitia Sheria ya Madini na Marekebisho yake, Kanuni za Madini, sheria mbalimbali za Kodi na pia masuala mbalimbali ya usimamizi kama vile masharti ya leseni zenu,” alisema.

Pia, Waziri Biteko aliwataka wachimbaji wadogo kutoa ushirikano kwa Maafisa wa Wizara ya Madini pindi watakapoanza kutoa elimu kwa wachimbaji madini maeneo mbalimbali ya uchimbaji.

“Sisi kama Wizara, tutaendelea kuchukua hatua mbalimbali za kuwawezesha wachimbaji wadogo kama vile kuwapatia maeneo ya kuchimba na muda sio mrefu Maafisa wangu kutoka Wizarani na Taasisi zake wataanza kutoa elimu mbalimbali kwa Wachimbaji wadogo naomba muwape ushirikiano,” alisema Waziri Biteko.

Kwa upande wake, Rais wa FEMATA John Bina alimpongeza Waziri wa Madini kwa ushirikano mzuri anaowapa wachimbaji wadogo hususan katika suala la kuwarasimisha maeneo ya uchimbaji madini na kuwapatia elimu ya masuala mbalimbali yanayohusu uchimbaji endelevu wa madini.

Pia, Bina alimpongeza Waziri Biteko kwa ujenzi wa Vituo vya Mfano ambavyo vitasaidia katika kuboresha na kuongeza ufanisi wa kazi za uchimbaji madini kwa wachimbaji wadogo nchini.

Viongozi wa Mkutano wa FEMATA wakiwa katika maombi ya ufunguzi wa Mkutano

Mbali na wanachama wa FEMATA, viongozi mbalimbali walishiriki mkutano huo akiwemo Mkuu wa Mkoa wa Tanga Martine Shigella, Rais wa FEMATA John Bina, Katibu Mkuu wa Wizara ya Madini, Prof. Simon Msanjila, Kamishna wa Madini Mhandisi David Mulabwa, Mwenyekiti wa Tume ya Madini Prof. Idris Kikula Mtendaji Mkuu wa Shirikisho la Wachimbaji Haroun Kanega na wengine wengi.

Read more

Mradi wa Kituo cha Mfano cha Uchenjuaji Dhahabu Kuwanufaisha Wananchi wa Bukombe

Na Tito Mselem

IMEELEZWA kuwa mradi wa kituo cha mfano cha uchenjuaji wa Dhahabu kilichopo katika wilaya ya Bukombe, mkoani Geita unatarajia kuwanufaisha wachimbaji wadogo wadogo wa Dhahabu na wananchi wanaozunguka eneo hilo kutokana na mradi huo unatekelezwa katika eneo lao.

Waziri wa Madini Mhe. Doto Biteko akipewa maelezo kutoka kwa msimamizi wa mradi wa kituo cha mfano cha uchenjuaji wa madini Katente.

Mradi huo uliogharimu kiasi cha shilingi Bilioni 1.6 unatekelezwa katika Kata ya Katente Halmashauri ya Wilaya ya Bukombe huku kituo hicho kikiwa na wataalamu elekezi (MAGIOLOGIA) kufuatia uwepo wa mitambo ya kisasa ya uchenjuaji Dhahabu kikamilifu pamoja na  vifaa vyote vya uchimbaji wa Dhahabu ili kuwasaidia wachimbaji hao watakaokodi na kuepuka dhana  Duni moko na sululu wanazotumia kwa sasa.

Waziri wa Madini na mbunge wa Jimbo hilo Doto Biteko alisema kuwa mradi huo utakuwa na tija kwakuwa kituo hicho kitatoa fursa za ajira kwa vijana wa maeneo hayo sambamba na kutekeleza miradi mingine ya maendeleo kwa wananchi kama kuchimbia kisima kirefu ili kuwapatia huduma ya maji safi na salama.

Biteko alibainisha hayo juzi alipotembelea mradi huo kwa lengo la kukagua maendeleo ya ujenzi wa kituo cha mfano cha uchenjuaji wa Madini ya Dhahabu kinachosimamiwa na STAMICO huku akisema kuwa kituo hicho kimegharimu zaidi ya shilingi Bilioni 1.6 na kubainisha kuwa kwa vituo hivyo kwa nchi nzima vimejengwa katika Mikoa ya Mbeya wilaya ya chunya, mkoa wa Geita Kata za Katente wilaya ya Bukombe pamoja na lwamgasa mkoani humo.

“Katika Wilaya ya Bukombe kwa sasa mradi huu una asilimia 85 na niwahakikishie kufikia Octoba mwaka huu utakuwa umekamilika, kila kitu kitafanyika hapahapa ikiwamo kabon, kitamaliza changamoto za wachimbaji na nimeagiza uongozi wa kituo hiki kujenga kisima kirefu ili wananchi wa maeneo haya wanufaike na mradi wa maji safi na salama hali hiyo itafanya waone mradi wa kituo hiki unatija kwao,” Alisema Waziri wa Madini Doto Biteko na kuongeza.

“Rais Magufuli amekusudia kuwasaidia watanzania wanyonge katika nchi yao, zamani wachimbaji wadogo wadogo walikuwa watafiti wa matajiri wakigundua Dhahabu katika maeneo yao anajitokeza tajiri anadai ni eneo lake kwa sasa hakuna utaratibu ho niwaombe mradi huo ni wa wananchi utatumika kubadirisha maisha na kama wachimbaji mtafanya kazi kwa bidii kipindi kijacho Bukombe itabadirika kimaendeleo,” alisema.

Waziri wa Madini Mhe. Doto Biteko akiongea na wachimbaji wadogo wa dhahabu Katente

Naye Diwani wa Kata ya Katente, Bahati Kayagila akionyesha furaha yake kwa Mheshimiwa Waziri wa Madini alisema kuwa Mradi wa kituo cha mfano cha uchenjuaji kujengwa kwenye kata yake kwa manufaa ya wananchi wa wilaya hiyo ni kuthamini mchango wa wananchi anaowaongoza na kuiomba serikali ikamirishe mapema mradi huo ili wananchi waweze kunufaika na kuleta maendeleo.

Kwa upande wake meneja wa STAMIKO Lojas Sezinga alisema kuwa Mitambo ya uchenjuaji imelenga kubadirisha maisha ya wachimbaji wadogo na kitatoa huduma za Giologia kwao pamoja na kutoa mafunzo mbalimbali ya upasuaji wa miamba ya mawe kutoka kwa wataalamu wake huku akisea kuwa kutokana na jitihada za Waziri kituo hicho kitakamilika na kufanya kazi na wachimbaji kwa vitendo na kuahidi kuwa kuwanufaisha wao.

Read more

Ziara ya Biteko Lindi Kampuni ya Indiana Yajisalimisha

Na Issa Mtuwa Dodoma

Kufuatia ziara aliyofanya Waziri wa Madini Doto Biteko mkoani Lindi na Mtwara hususani wilaya ya Nachingwea na kuibua sintofahamu juu ya Kampuni ya Ngwena Ltd kuhusu ushirika wake na Kampuni ya Indiana kutoka Australia, suala hilo limefanya Uongozi wa Kampuni ya Indiana kupitia Mkurugenzi wake Bob Adam kuja nchini kukutana na Waziri wa Madini ili kujadili kuhusu ushirika wao na Ngwena Ltd.

Leo Agosti 19, 2019 Waziri Biteko amekutana na kuzungumza na mkurugenzi huyo kuhusu ushirika wao wa kuunganisha kampuni hizo bila kuijulisha wizara.

Waziri Biteko amembana mwekezaji huyo kwa hoja tatu zilizopelekea kutopatika majibu ya moja kwa moja kutokana na kuto kuwepo kwa mwakilishi wa upande wa pili wa wa kampuni ya Ngwena Ltd.

  Viongozi mbalimbali wa Wizara ya Madini wakishiriki kikao cha Waziri wa Madini Doto Biteko alieshika kidevu na Mkurugenzi wa Indiana Bob Adam kushoto kwa waziri ofisini kwa waziri wa madini Jijini Dodoma. Kutoka kulia kwa waziri ni Mkurugenzi wa Sera na Mipango Augustine Ollal, Mkurugenzi wa huduma za sheria Edwin Igenge na Kamishna msaidizi (Local Content) Terence Ngole.

Hoja hizo ambazo waziri Biteko alitaka kufahamu kutoka kwa kampuni ya Indiana ni; mosi, makubaliano kati ya Indiana na Ngwena hayana taarifa kwa Wizara, ni kwa nini waliamua kuunganisha bila kuijulisha Wizara wakati kampuni moja ni ya Kitanzania na nyingine ni ya kigeni Mbili, Wizara inataka kuona makubaliano yao ya kimaslahi (fair deal) baina ya pande zote ili pia wizara ijue serikali inafaidikaje? Na tatu, kampuni husika zinatunzaje shehena kubwa ya sampuli za madini bila kuijulisha Taasisi ya  Jiolojia na Utafiti wa Madini Tanzania (GST) ambayo ndio yenye dhamana ya utunzaji?

Aidha, waziri Biteko aliendelea kuibana kampuni hiyo ya Indiana kupitia mkurugenzi wake huyo kwa kumuuliza uhusika wake katika kampuni ya Ngwena Ltd huku Mkurugenzi wa huduma za Sheria wa Wizara ya Madini Edwin Igenge akimhoji ni tangu lini ushirika wake na Ngwena ulianza? Je, ni kabla au baada ya marekebisho ya Sheria ya Mwaka 2017?

Akitoa majibu kwa baadhi ya hoja na maswali, Bob Adam amesema Indiana ndio inayomiliki Ngwena Ltd na kufadhili kifedha na masuala mengine. Kuhusu kabla au baada ya marekebisho ya sheria ya 2017 Adam hakuwa na uhakika wa moja kwa moja na alisema mpaka arejee kwenye nyaraka ili ajiridhshe.

“Kampuni yetu ndio inayo miliki Ngwena Ltd kwa maana Indiana inamiliki 60% ya hisa zote na ndio maana ninasema Indiana inamiliki Ngwena,” amesema Bob Adam.

Kutokana na hoja tatu za msingi kutopatiwa majibu ya kuridhisha kwa kukosekana kwa Uongozi wa Ngwena Ltd katika kikao hicho, Waziri Biteko ametaka kupangwa kwa tarehe nyingine huku akimtaka Adam kurudi tena nchini   akiwa na uongozi wa Ngwena Ltd ili kufahamu kiundani juu ya makubaliano yao kwani mpaka sasa kampuni inayotambuliwa na wizara ni Ngwena Ltd na siyo Indiana.

Wiki iliyopita Waziri wa Madini alifanya ziara mkoani Lindi wilaya ya Nachingwea na kutembelea eneo la Nditi ambalo kampuni ya Ngwena Ltd imewekeza, moja ya mambo aliyokutana nayo ni uwepo wa makubaliano (Joint-Venture) kati ya kampuni ya Ngwena Ltd na Indiana kutoka Australia kinyume cha sheria na uwepo wa shehena kubwa ya sampuli za madini zilizohifadhiwa kinyume cha sheria.

Read more

Taarifa Iliyochapishwa na Mtandao wa Voanews/Reuters Kuhusu Utoaji wa Leseni Mbili Kubwa (SML) Refineries na Smelters

Tarehe 24 Julai, 2019, saa 17:33 Mtandao wa Voanews ulichapisha taarifa yenye kichwa cha habari: Chinese Firms to Build Gold Smelter, Refineries in Tanzania, iliyoandikwa na Kampuni kubwa ya habari duniani ya Reuters.

Taarifa hiyo ilitaja chanzo cha habari kuwa ni hotuba ya Waziri wa Madini, Mhe. Doto Biteko aliyoitoa tarehe 24 Julai, 2019 Ikulu Jijini Dar es salaam wakati wa hafla fupi ya kupokea na kukabidhiwa dhahabu ya Tanzania iliyokamatwa nchini Kenya.

Sehemu ya taarifa iliyochapishwa na mtandao huo kwa lugha ya Kiingereza kwa tafsiri ya Kiswahili ilimnukuu Waziri Biteko akieleza kwamba;

Tanzania imetoa leseni za ujenzi wa Mitambo ya uchenjuaji madini, moja ya kuchenjulia kwa njia ya kuyeyusha (Smelter) na ya pili ya Mitambo miwili ya kuchenjulia dhahabu kwa njia ya kusafisha (refinery) kwa makampuni ya China kama sehemu ya jitihada za serikali kukusanya mapato kupitia sekta ya madini.

<<Soma Zaidi>>

Read more

Nyongo amaliza mgogoro wa mpaka kuhusu madini

Na Issa Mtuwa “WM” Nachingwea Mtwara

Mgogoro ulio dumu kwa muda mrefu  kuhusu mpaka wa uchimbaji madini uliohusisha eneo (leseni) moja kwenye ardhi ya halmashauri za wilaya mbili ya Nachingwea na Liwale  kila upande ukiwa na wachimbaji wadogo umetatuliwa na Naibu Waziri wa Madini Stanslaus Nyongo tarehe 15/08/2019 mara baada ya kufanya ziara katika eneo hilo na kufanya mkutano na wachimbaji wadogo wa pande zote mbili na viongozi wa kuu wa wilaya zote mbili.


  Naibu Waziri wa Madini Stanslaus Nyongo akitolea majibu kero za wachimbaji wadogo wa madini ya vito kiegei wilayani Nachingwea. Mwenye Tshirt ya blue na Mtandio ni Katibu tawala wa Nachingwea Husna Sekibobo anae mwakilisha mkuu wa wilaya hiyo.

Mgogoro huo wa mpaka na leseni umedumu kwa muda mrefu ukiwa na vyanzo viwili vikuu vya mgogoro. Moja,  mgogoro wa eneo ambalo wachimbaji wadogo wananchimba hivi sasa wamedai eneo hilo lilikuwa la Omar Said Kojogo ambae kwa mujibu wa wachimbaji wadogo walimlipa fidia ndugu Kojogi ili eneo hilo limilikishwe kwa jumuia ya wachimbajio wadogo lakini bado walikuwa hawajapatiwa leseni hiyo kama wamiliki wapya.

“Mhe. Naibu Waziri tatizo la mgogoro wa leseni hapa bado haujatatuliwa kwa kuwa sisi wenyewe wanaaporo tulichangishana na kumpa Omar Said Kojogo Tsh.  2,852,000/= ili leseni hiyo iwe ya wanaaporo (Wachimbaji wadogo) lakini mpaka leo hatujapatiwa” alisema Machui Bausi.

Chanzo cha pili cha mgogoro huo ni mgao wa mapato yanayopatikana katika eneo hilo. Kila halmashauri inataka ichukuwe  mapato kitu ambacho kilikuwa kinaleta mvutano nani anastahili kwa kuwa leseni ya eneo hilo ipo katika halmashauri zote mbili. za Nachingwea na Liwale zote za mkoa wa Lindi.

Aidha, changamoto nyingine ambayo wachimbaji wadogo wamemwambia Naibu Waziri ni tatizo la soko la kuuzia madini ambapo wamemuomba Naibu Waziri kuwasongezea soko la madini katika eneo hilo ili kuwaondolea ushawishi wa kutorosha na kwenda kutafuta soko kwingine na ili mapato ya serikali yasipotee.

“Mhe. Naibu Waziri sisi hapa kiliochetu ni soko, hapa tulipo hata ukitaka kuuza madini lazima uende Ruangwa au Tunduru umbali uliopo ni mkubwa kufika huko. Na soko kubwa la Madini ya vito ni Tunduru, kwa hiyo ili mapato ya serikali yasipoteee tunaomba soko liwe hapa hapa sisi tuuze madini yetu na watu wa TRA wawepo ili tukiuza tuu serikali inachukuwa chake hapo hapo” alisema Ijumaa Iddi mwenyekiti wa wachimbaji wadogo katika eneo hilo.

Katika kupatia majibu hoja zote zilizo wasilishwa, Naibu Waziri alianza kwa kusema.

“Mimi na waziri wangu Biteko iwe mchana iwe usiku, tutafika mahali popote ili kuhakikisha serikali inapata mapato kupitia madini, hivyo uwepo  wangu hapa  ni kwa sababu hiyo na ili pesa hiyo ipatikane lazima migogoro na hizi kero lazima zimalizwe ili mchimbe, muuze na kisha mlipe mapato ya serikali” alisema Nyongo.

Katika kujibu hoja, Naibu Waziri alianza kwa msimamisha Kaimu Afisa Madini Mkazi mkoa wa Lindi Mhandisi Iddi atoe ufafanuzi kuhusu  leseni na umiliki wa eneo hilo.

“Mhe. Naibu Waziri, kwanza kabisa niseme eneo hili lina leseni halali inayo milikiiwa na ndugu Omar Said Kojogo anae miliki kihalali kwa leseni Na. PML 36821 Southern Zone ya Tshs. 1,937,000. Na kwa mujibu wa sheria ya madini ya mwaka 2010 na marekebisho yake ya mwaka 2017 hairuhusu kutoa leseni kwenye eneo moja ambalo teyari ilishatolewa na mahali hapa palishatolewa leseni kama nilivyosema, na kama itakuwa hivyo mlabda kwa kesi maalum, hata hivyo suala hili lilishashugulikiwa na muda si mrefu leseni yao itakuwa teyari” alisema Mhandisi Idd Msikozi.

Kuhusu kilio cha masoko, Naibu waziri alisema kwanza anawashukuru wachimbaji hao kwa kitendo chao cha kulilia soko ili madini yao yakauzwe kwenye masoko rasmi. Amesema serikali imetoa agizo kila mkoa uwe na soko la madini ili serikali ipate fedha za kutosha kupitia madini ili fedha hizo zikatumike kwenye shuguli nyingine za maendeleo.

Amesema mpango wa sasa wa wizara ni kuhakikisha kuwa kuna vituo vya kununulia madini kwenye maeneo ya wachimbaji ili wanaporo wasitembee mwendo mrefu kufuata soko.


  Machui Bausi akiwasilisha kero za wachimbaji wa eneo la kiegei kwa Naibu Waziri wa Madini Stanslaus Nyongo kulia kwa mtoa kero.

“Ndugu zangu wanaaporo, kiliochenu kuhusu soko kimenigusa sanaa, na sisi kama wizara ndio kitu ambacho tunakisisitiza kila mahali, kwa hiyo hapa hapa naagiza Afisa Madini Mkoa na Uongozi wa Wilaya kaeni chini kwa haraka mjadili ili kituo cha kununulia madini hapa kianzishwe  mara moja na serikali ianze kukusanya mapato yake”. Aliongeza Nyongo.

Baada ya kutolea majibu ya hoja za wachimbaji hao, Naibu waziri pia aliwaagiza wachimbaji kuanzisha mfuko wa mahafa na dharula ili uwezo kuwasaidia mara miongoni mwao anapopatwa na tatizo ahudumiwe kwa huduma ya awali huku akisubiri utaratibu binafsi wa kutatua tatizo lake.

Kwa upande mwingine Nyongo ameuagiza uongozi wa Wilaya zote mbili ukae pamoja na kuweka utaratibu utakao wezesha kuwa na kituo cha kutolea huduma ya kwanza kwa maana pawe na “Nurse” kwenye eneo hilo kwa utaratibu watakao ukubaliana. Aidha, halmashauri hizo ziweke vyoo maeneo hayo kwa kuwa wachimbaji hao wanalipa fedha serikalini hivyo wanastahili huduma hiyo.

Wakati huo huo Naibu Waziri amewapongeza viongozi wa Wilaya zote mbili kwa jitihada zao za kutatua mgogoro huo awali kabla hajafika hasa katika kukubaliana namna kukusanya mapato ya kila upande kwani mapato yote yanakwenda kwenye mfuko mmoja wa serikali.

Kwa upande wao viongozi wa wilaya ya Nachingwea Katibu Tawala Husna Sekibobo na Mkuu wa Wilaya ya Liwale Sarah Chiwamba kwa pamoja walimshukuru Naibu Waziri kwa kufika katika eneo hilo na kujione hali halisi kutoa majibu ya moja kwa moja ya hoja zilizo wasilishwa na waliahidi maelekezo na maagizo yake watayatekelezwa.

Ziara ya Naibu Waziri ilikuwa ya kukamilisha ratiba ya ziara ya Waziri wa Madini Doto Biteko aliesitisha ziara yake mkoani humo na kurejea Dar es Salaam kwa ajili ya majukumu mengine.

Read more

Dhahabu Bandia Zakamatwa Mikoa ya Mwanza, Shinyanga

  • Ni Baada ya Kuanzishwa Operesheni Maalum
  •  Waziri Biteko amwagiza Katibu Mkuu kuwasimamisha Kazi Maafisa Madini waliosaidia kutorosha Madini
  • Ataja mbinu zinatumika kutorosha madini

Na Asteria Muhozya, Mwanza

Madini Feki ya Dhahabu yamekamatwa katika Mikoa ya Shinyanga na Mwanza, huku kilo 4.58 zikikamatwa Mkoa wa  Shinyanga na kilo 6.255 Mkoa wa  Mwanza.

 Akizungumza katika mkutano wa Wafanyabiashara wa Madini na Waandishi Jijini Mwanza Agosti 8, 2019, Waziri wa Madini Doto Biteko amesema, matokeo ya kukamatwa dhahabu hizo feki   yanatokana na  Operesheni Maalum ambapo  wizara  iliamua  kufuatilia mfumo mzima wa biashara ya madini ya dhahabu  kwa kuunda  Vikosi kazi  mbalimbali katika maeneo  kadhaa ili kubaini  na kudhibiti mianya ya udanganyifu na utoroshaji  wa madini.

Waziri Biteko ameongeza kuwa, baada ya vikosi kazi kuanza majukumu yake, katika vituo vingi  kumekuwa na ongezeko la dhahabu inayouzwa hususan inayozalishwa  kwa kutumia Zebaki.

Akitoa takwimu za mauzo  ya madini ya dhahabu  yaliyochenjuliwa  kwa Zebaki  na kuuzwa katika  Soko la Madini  Geita kuanzia  tarehe  17 Machi,2019 hadi   Agosti 3, 2019, amesema ni gramu 129,115.58 ambapo kati ya hizo, gramu  102,065.58 zimeuzwa kwa kipindi  cha Siku 14 kuanzia  tarehe 20 Julai, 2019 hadi tarehe 3 Agosti,2019 baada ya Operesheni maalum kuanza.

“ Ndugu wana habari, hii ina maana  katika kipindi cha  miezi 4 ni kilo 27  tu zilizouzwa  sokoni ukilinganisha  na kilo 102 zilizouzwa kwa siku 14 baada ya  kikosi kazi kuanza majukumu yake,” amesisitiza Waziri Biteko.

Akitoa takwimu za Wilaya ya Kahama Mkoa wa Shinyanga amesema  kabla ya kuanza  kwa operesheni  kuanzia tarehe 17 Juni, 2019 hadi 30 Juni,2019,  kiasi cha Tsh. 2,559,157,275.19 kilikusanywa  huku ndani ya kipindi cha majuma mawili baada ya operesheni  kuanzia tarehe  17 Julai, 2019 hadi  tarehe 31 Julai kiasi cha Tsh  2,817,602,551.14  kilikusanywa sawa na  ongezeko la Tsh. 258,445,275.95.

Ameongeza kuwa, kwa upande wa leseni  za biashara  kwenye soko la madini  Kahama kulikuwa na  dealers  watano tu  na baada ya operesheni idadi hiyo imeongezeka na kufikia  13, huku maombi ya biashara za madini yakiongezeka  kutoka  31 hadi 48.



Sehemu ya Wafanyabiashara wa Madini waliohdhuria mkutano kati yao na Waziri wa Madini.

 “ Wastani wa dhahabu iliyochenjuliwa kwa zebaki na kuuzwa kwenye kituo cha Kakola imefikia  kilo moja  hadi  kilo moja na nusu 1,500 kwa siku. Hii   maana yake ni kuwa kwa mwezi inatakiwa  kuuzwa dhahabu  kati ya  kilo  30 hadi kilo 45. Lakini kabla ya operesheni, kituo hiki hakikuwa na  na taarifa zozote  za mauzo ya dhdhabu na hii inaonesha kulikuwepo na utoroshaji  mkubwa wa madini,”. Amesema Biteko.

Kufuatia hali hiyo, Waziri Biteko amesema wapo Maafisa Madini wasio waaminifu ambao wamekuwa wakishirikiana na wafanyabiashara  katika kutorosha madini hayo nje ya nchi na hivyo kumwagiza Katibu Mkuu wa Wizara ya Madini, Prof. Simon Msanjila kuwasimamisha kazi haraka huku akitaka  Taasisi ya Kuzuia na Kupambana na Rushwa (TAKUKURU)  kulifanyia kazi suala hilo.

 “Wale Maafisa ambao wanajua hawawezi kabisa kufanya kazi zenu kwa uaminifu, ni bora waje waniambie niende utumishi niwaombee wapangwe wizara nyingine. Jueni kwamba mmepewa dhamana ya kufanya  kazi ambayo mnayo dhamana ya kulinda madini haya,” amesema Waziri Biteko.

Katika hatua nyingine, Waziri Biteko  amesema pamoja na serikali kuweka mfumo mzuri wa biashara ya madini   nchini kwa wachimbaji na wafanyabiashara, lakini bado  baadhi yao wameendelea kufanya biashara nje ya masoko  kinyume cha  utaratibu na hivyo kuendelea  kutorosha madini huku wakitumia mbinu chafu.


Wataalam kutoka Wizara ya Madini na Tume ya Madini wakikata Seal ili kufungua Madini fake yaliyokamatwa.

 Amezitaja mbinu hizo kuwa ni pamoja na kuhifadhi dhahabu kwenye  kwenye soksi wanazokuwa wamevaa  na kuwarahisishia wao  kupita mipakani  bila ya mtu yoyote kujua,  kutumia wenyeji wan chi husika  ili kuvuka mipaka na  kumsaidia kutorosha  dhahabu hiyo, kutumia gari kuficha mizigo kwa  kwa kuweka kwenye  spare tyre, juu ya bonet  huku baadhi ya magari yakiwa yametengenezewa seheu maalum na pindi  wanapofika mipakani  wapo wadau wao  kwa kushirikiana na  watumishi wa serikali  waliopo mipakani  huvusha dhahabu.

Mbinu nyingine ni pamoja na kupitia boti ziendazo nchi za jirani kwa  kuhifadhi  kwenye vitu kama vibakuli na kuweka dhahabu hiyo ambayo  huwekewa vitafunwa  vya aina mbalimbali.

Kufuatia hali hiyo, Waziri Biteko amewataka watumishi na wafanyabiashara wasiowaaminifu kufuata taratibu zinazotakiwa huku akieleza kuwa, tayari wizara inayo orodha ya wanaotorosha dhahabu hiyo kila wiki, ikiwemo jina la kampuni ya ndege inayosafirisha dhahabu hiyo na nchi zinakopelekwa

Aidha, amechukua fursa hiyo kuvipongeza vikosi vya Ulinzi na Usalama pamoja na wanahi wanaosaidia kutoa taarifa za utoroshaji wa madini hayo.

Read more

Waziri Biteko Aitaka halmashauri ya Uvinza kuratibu uanzishwaji soko la chumvi

Waziri wa Madini, Doto Biteko ameuagiza uongozi wa Halmashauri ya Uvinza ukishirikiana na kiwanda cha chumvi cha Uvinza, pamoja na ofisi ya Madini Mkoani Kigoma kujadili namna ya kuanzisha soko la chumvi  katika halmashauri hiyo.

Maelekezo hayo yametolewa kufuatia maombi ya wananchi wa halmashauri hiyo ya uvinza kulalamikia ukosefu wa soko la kuuzia bidhaa hiyo na kuiomba serikali kufanya utaratibu wa kufungua soko ili kuwawezesha kufanya biashara yao mahali salama.

Waziri wa Madini Doto Biteko akitembelea shughuli za uzalishaji wa madini ya chumvi wilayani Uvinza.

Agizo hilo limetolewa tarehe 29 July, 2019 katika ofisi za Kiwanda cha Chumvi cha Uvinza mara baada ya Waziri Biteko na ujumbe alioambatana nao kuwasili kwa lengo la kuzungumza na uongozi wa kiwanda hicho ili kuweka sawa mambo mbalimbali yaliyowasilishwa na wananchi wakati wa mkutano baina ya Waziri Biteko na Wachimbaji wadogo pamoja na wananchi wa Uvinza.

Moja kati ya malalamiko yaliyomfikia waziri Biteko ni malipo duni ya ujira kwa wafanyakazi wa kiwanda hicho ambapo aliutaka uongozi wa kiwanda hicho kujadili na kufikia maamuzi ya kuongeza ujira kwa wafanyakazi wa kiwanda hicho waliodai kulipwa ujira mdogo.

Aidha, Biteko aliutaka uongozi wa kiwanda hicho kufanya marekebisho hayo mpaka ifikapo tarehe mosi mwezi Agosti, 2019 mara baada ya Kiwanda kufanya mahesabu na kujiridhisha juu ya kiasi kinachobaki baada ya kutoa gharama za uwekezaji kiongezwe  katika malipo hayo ya ujira.

Akijibu hoja ya baadhi ya wananchi wa Uvinza waliolalamikia uongozi wa kiwanda hicho kuuza chumvi inayozalishwa kiwandani hapo hiyo bei kubwa inayowafanya walanguzi hao kupata faida kidogo, Biteko aliutaka uongozi wa kiwanda hicho na wachimbaji wengine wa chumvi wilayani humo kupunguza bei hiyo ili kuiwezesha jamii inayowazunguka kunufaika na uwepo wa chumvi katika mji wao.

Biteko aliutaka  uongozi wa kiwanda cha chumvi kuwapa wananchi sababu ya kuwapenda kwa kuwatendea mema. Aliendelea kwa kusema mtu mwenye kurekebisha bei ya chumvi kwa manufaa ya wafanyabiashara wadogo ni mwekezaji mkubwa. “ifanye jamii hii iugue siku ukiwa haupo, Ifanye jamii ikukumbuke kwa mema yako” Biteko alisisitiza .

Pamoja na hayo Waziri Biteko, aliutaka uongozi wa Halmashauri ya Uvinza, Ofisi ya Madini ya Mkoa wa Kigoma pamoja na uongozi wa kiwanda kukutana na kujadili namna na mahali patakapofaa kwa ajili ya kuanzisha soko la madini ili kuwaondolea adha ya soko la chumvi wananchi wa Uvinza.

Kufuatia malalamiko ya wananchi wa Uvinza ya kutozwa kiasi cha Tzs 500 ya ushuru kwa kila kilo 25 za chumvi, Waziri Biteko aliiagiza halmashauri ya Uvinza kufuta tozo hiyo na kueleza kuwa tozo hiyo haipo chini ya mamlaka yake na hivyo haitambui.

Matukio mbalimbali wakati wa ziara ya Waziri Wilayani  Uvinza

Akijibu kero ya mwananchi wa uvinza aliyejulikana kwa jina la Yona William Gwagula kwa niaba ya wanakikundi wa Twikome Salt Kinyo Chakuru juu ya watu waliokuwa wakiwatoza kodi kwa madai kuwa leseni iliyokuwa ikichimbwa na wanakikundi hao ni ya kwao jambo lililobainika kuwa si kweli, Waziri Biteko alimtaka Afisa Madini Mkazi wa Mkoa wa Kigoma David William Ndosi, kuifuta leseni hiyo mara moja na kuwapa wachimbaji hao wadogo ili waweze kuendeleza shughuli zao.

Kwa upande wake, Katibu wa Wachimbaji Wadogo wa Wilaya ya Uvinza,  Hamisa Omari Kambi akiwasilisha changamoto wanazokumbana nazo alisema ni pamoja na maeneo yao kuvamiwa,  ukosefu wa vitendea kazi,  halmashauri kutowapa kipaumbele wamiliki wa leseni kwenye tenda za Serikali pamoja na kuomba kurahisishwa kwa utolewaji wa  vibali vya kusafirisha Madini nje ya nchi ambapo changamoto zote zimepatiwa ufumbuzi.

Waziri Biteko atakuwepo Mkoani Kigoma kwa ziara ya siku mbili ambapo atafanya majadiliano na ofisi ya Mkoa wakishirikiana na Ofisi ya Tume ya Madini ili kujadili namna bora ya kuimarisha soko la Madini litakalowezesha  kuweka mazingira rafiki na salama kwa ajili ya nchi jirani ya Kongo, kutokana na kuonesha nia ya kushirikiana na Tanzania katika biashara ya Madini kupitia masoko yaliyoanzishwa hususani mkoani Kigoma.

 

Read more

Rais Magufuli Waziri Biteko waongea “kitakwimu” sekta ya Madini

Na Issa Mtuwa “WM”– Ikulu DSM

Tukio kubwa la kihistoria lililofanyika Ikulu jijini Dar es salaam tarehe 24/07/2019 la kupokea na kukabidhiana dhahabu yenye uzito wa Kg. 35 iliyokamatwa Kenya ikitokea Tanzania ndio lililo wafanya Rais wa Jamuhuri ya Muungano wa Tanzania Dkt. John Pombe Magufuli na Waziri wa Madini Doto Biteko kuongelea sekta ya madini kwa lugha ya “kitakwimu” (Namba).

Katika tukio hilo  Rais Dkt. John Pombe Magufuli alipokea na kukabidhiwa dhahabu hiyo iliyokamatwa Kenya baada ya kutoroshwa kutoka Tanzania siku ya tarehe 15/02/2018 baada ya kuvuka mipaka ya Tanzania na kukamatwa Kenya. Dhahabu hiyo ililetwa Tanzania na mjumbe maalum ambae pia ni Waziri wa Mambo ya Nje wa Kenya Monica Juma alie tumwa na Rais Uhuru Kenyata kuja kukabidhi dhahabu hiyo.

Akizungumzia mafanikio katika  sekta ya madini mara baada ya kupokea na kukabidhiwa dhahabu hiyo, Rais Magufuli alisema, tangu afanye mageuzi makubwa katika sekta ya madini sambamba na marekebisho ya sheria kumekuwa na mafanikio makubwa katika sekta hiyo.

Viongozi wa Wizara ya Madini, Tume ya Madini wakishuhudia huku wakirekodi takwimu mbalimbali ya dhahabu iliyokabidhiwa. Kutoka kushoto, Naibu Waziiri wa Madini Stanslaus Nyongo, wa tatu Waziri wa Madini Doto Biteko, alie geuka nyuma Kaatibu Mkuu Wizara ya Madini Prof. Simon Msanjila, anaeandika wa tano Mtendaji Mkuu wa Tume ya Madini Prof. Skukrani Manya na wa kwanza kulia Kamishna wa Tume ya Madini Prof. Abdulkarimu Mruma.

Alisema kuanzishwa kwa wizara maalum ya kusimamia madini, ujenzi wa ukuta huko Mirerani, uanzishwaji wa masoko ya madini na marekebisho ya sheria vimekuwa chachu ya mafanikio katika sekta hiyo.

Rais Magufuli aliyataja baadhi tuu ya mafanikio hayo kuwa ni  kupunguza kodi nyingi kwa wachimbaji wadogo, pia  tangu mwezi Machi 2019 jumla ya masoko 28 ya madini yameanzishwa nchini kote, ongezeko la mapato kutoka sekta ya madini ambapo mwaka 2017/2018 malengo ya makusanyo yalikuwa bilioni 191 lakini wizara ilikusanya bilioni 301 sawa na ongezeko la bilioni 110, mwaka 2018/2019 malengo yalikuwa kukusanya bilioni 310 lakini ikakusanywa bilioni 335 sawa na ongezeko la bilioni 25 na mwaka wa fedha 2019/2020 imekadiriwa kukusanya bilioni 470.35.

Kwa upande wa udhibiti wa matukio ya utoroshwaji wa madini, Rais Magufuli alisema, katika kipindi cha miaka mitatu jumla ya matukio 102 yaliripotiwa ambayo yalihusisha madini yenye uzito wa gramu 163, 566,416.45 na Carat 6826.68 huku thamani ya madini yote ikikadiriwa kuwa na zaidi ya bilioni 45.

Kwa upande wake Waziri wa Madini Doto Biteko akitoa maelezo kwa Mhe. Rais Magufuli, alisema takwimu za mauzo kwenye masoko ya madini kumekuwa na mafanikio makubwa. Alisema mpaka sasa zaidi madini yenye thamani ya bilioni 136.7 yameuzwa kwenye masoko yote nchini na serikali imepata mrabaha na clearance fee ya jumla ya bilioni 7.7. Aliongeza kuwa dhahabu iliyokuwa inakusanywa kwa mwaka sasa wanakusanya kwa siku moja kutokana na uwepo wa masoko hayo.

“Mhe. Rais pale Chunya kwa mwaka tulikuwa tunakusanya Kg. 12 lakini tunavyo zungumza tangu kuanzishwa kwa soko lile tarehe 21/03/2019 mpaka leo tarehe 24/07/2019 jumla ya Kg. 270 zimeuzwa kwenye soko hilo”. Alisema Biteko.

Kwa upande wa utoaji wa leseni za uchimbaji, Biteko alisema tangu mwaka 2010 wizara haijawahi kutoa leseni kubwa zenye gharama ya USD 100, lakini mwaka huu wanakwenda kutoa leseni mbili kubwa ambapo mchakato wake umekamilika. Aliongeza kuwa leseni 2673 za wachimbaji wadogo zimetolewa huku leseni za uchimbaji wa kati 32 na leseni 105 za utafiti wa madini zimetolewa.  Biteko aliongeza kuwa mwaka huu pia watatoa leseni 2 ya Refinery kwa ajili ya dhahabu na 1 ya Smelter.

Kuhusu wanao hujumu masoko ya madini alisema teyari wamesha ukamata mtandao wa wanaohujumu masoko hayo na mpaka sasa watu 12 wamekamtwa wanaendelea “kupatiwa elimu” polepole na vyombo vya dola.

Read more

Wachimbaji Madini waaswa kujikinga maambukizi ya TB

Na Nuru Mwasampeta -Geita

 

Waziri wa Madini, Doto Biteko amewaasa wachimbaji wadogo wa Madini wilayani Bukombe mkoani Geita kuepuka kujihusisha na shughuli za uchimbaji wa Madini bila ya kutumia vifaa vya usalama ili kujiepusha na maambukizi ya ugonjwa wa kifua kikuu.

Waziri Biteko Alitoa kauli hiyo leo tarehe 18 July,  2019 wakati wa makabidhiano ya pikipiki nne na bajaji 2  zilizotolewa ili kutumika katika kuchukua makohozi kutoka katika makazi ya wachimbaji wadogo wa Madini na wananchi wa Bukombe na kuyawasilisha katika maabara kwa uchunguzi.

Waziri wa Madini, Doto Biteko akipeana mkono na Mkuu wa Wilaya ya Bukombe Said Nkumba mara baada ya kukabidhiwa vifaa vya usafiri na kuvikabidhi kwa Muuguzi Mkuu wa Hospitali ya Wilaya ya Bukombe.

Makabidhiano hayo yamefanyika katika hospitali ya wilaya ya Bukombe yakishuhudiwa na Mkuu wa Wilaya ya Bukombe, Said Nkumba, waugizi,  na viongozi wengine wa chama na Serikali.

Akizungumza kabla ya makabidhiano hayo,  Waziri Biteko alisema kutokana na takwimu kuonesha kuwa maambhkizi ya kifua kikuu kwa wananchi wa Bukombe hisusani wachimbaji wadogo wa Madini kuwa wa juu, hiyo ni dhahiri kuwa watu wa Bukombe hawako salama.

Aidha, alilishukuru shirika la SHIDEFA kwa kuamua kuingilia Kati na kutafuta namna rahisi ya kuwafikia waadhirika kwa lengo la kuwasaidia na kuwawezesha kupata tiba kwa wakati.

Akikabidhi vifaa hivyo vya usafiri kwa niaba ya bodi ya wakurugenzi wa shirika binafsi la SHIDEFA, mjumbe wa shirika hilo ambaye jina lake halikufahamika alisema kutokana na adhari kubwa ya ugonjwa wa kifua kikuu kwa wachimbaji wadogo na jamii ya eneo hilo wameona ni vema kutoa vifaa hivyo vya usafiri ili vitumike katika kufuata makohozi kwenye makazi ya watu na kuyapeleka maabara ili kufanyiwa uchunguzi.

Aidha,  afisa Huyo wa SHIDEFA alifafanua kuwa Mara baada ya vipimo kuonesha namna yoyote ya maambukizi wahusika wataanzishiwa tiba na hivyo kuokoa maisha ya watu.

Kwa upande wake Mkuu wa Wilaya ya Bukombe, Said Nkumba,  amewataka wataalamu wa afya kutumia vifaa hivyo kwa umakini mkubwa  ili kuwapa moyo wafadhili wa kuendelea kutoa misaada kwa ajili ya sekta ya afya na jamii kwa ujumla.

Read more

Biteko awatangazia Unyakuo wakwepaji wa kodi, watoroshaji wa madini nje ya nchi.

Na Nuru Mwasampeta- Kahama

Waziri wa Madini, Doto Biteko awaeleza wachimbaji wadogo wa Madini, wanaokwepa  kulipa kodi na kujihusisha na utoroshaji wa madini nje ya nchi   kuwa wakati wao wa unyakuo  umekwisha kufika.

Ameyasema hayo mjini Kakola, halmashauri ya Msalala wilayani Kahama katika nyakati mbalimbali alipokuwa katika ziara ya kikazi iliyolenga kukagua na kujiridhisha kwa taarifa za ubadhirifu alizozipata kutoka kwa wenye mapenzi mema nan chi yao ya Tanznania.

Akizungumza katika hatua tofautitofauti wakati wa ziara hiyo, Biteko alibainisha kuwa wakazi 12 wa eneo hilo wamebainika kujihusisha na biashara ya madini pasipokufuata taratibu na sheria zilizowekwa aidha, wanajihusisha na kutorosha madini hayo na kuyauza nje ya nchi pasipo kulipia kodi za Serikali.

1. Wananchi wa Kakola wakinyosha mikono juu na kukiri kuwa watalipa kodi ya serikali mara baada ya kuongozwa na Waziri wa Madini, Doto Biteko alipokuwa akihitimisha hotuba yake alipofanya mkutano wa hadhara mjini Kakola wilayani Kahama Jana tarehe 17/07/2019

“Nawaambia kuwa biashara hiyo imefika mwisho na nawapa pole, na hakuna wa kuwasaidia, na jinsi tulivyokuwa tukihubiri habari za unyakuo na ninyi mtanyakuliwa”

“leo tumetembelea baadhi ya watu tuliokuwa na taarifa zao na kukutana na mambo ya kusikitisha ambayo hayavumiliki.” Biteko alisisitiza.

Mmoja miongoni mwao ndani ya wiki mbili amenunua dhahabu yenye thamani ya shilingi mil. 331,209,200/- kiasi cha kg 3.6 na ameyauza pasipo kuyalipia kodi ya serikali, ungekuwa  wewe serikali ungemfanyaje? Biteko alihoji.

Aidha, mnunuzi mwingine ndani ya wiki tatu amenunua dhahabu yenye thamani ya shilingi milioni 241,490,800/-  sawa kg 2.64 na hajalipia kodi hata shilngi moja japo akinunua kwa wachimbaji anawakata na pesa ya serikali, na badala yake zote husipeleki serikalini tukufanyaje? Saa ya unyakuo imefika tutawanyakua.

Akitoa salamu za Rais Wa Jamhuri ya Muungano wa Tanzania, Biteko alisema ametumwa na Rais kuwataka walipe kodi za serikali.

Pamoja na hayo, Biteko amebainisha mpango wa Serikali katika kurahisisha usimamizi wa mialo nchini na kubainisha kuwa mialo yote itawekwa sehemu moja na kuwa na uongozi maalum ukishirikisha uongozi wa wizara na ofisi ya mkurugenzi wa Halmashauri pamoja na uongozi wa wachimbaji wadogo wa madini.

Biteko amesema uamuzi huo umefikiwa ili kusaidia katika kutunza mazingira pamoja na kusaidia kupata taarifa sahihi za uzalishaji wa dhahabu katika mialo husika.

Pamoja na hayo serikali itaanzisha utaratibu wa kuchoma dhahabu katika eneo moja litakalochaguliwa ili kuondoa hali ya kila mmiliki wa mialo kuchoma dhahabu mahali anapojua yeye jambo ambalo linalochangia kwa kiasi kikubwa kutopatikana kwa taarifa muhimu za uzalishaji.

2. Waziri wa Madini, Doto Biteko akizungumza na Wananchi wa Kakola wilayani Kahama alipofanya mkutano wa hadhara Jana tarehe 17/07/2019

Kwa upande wake, mwenyekiti wa viwanda vya uchenjuaji wa madini Mkoani Shinyanga Nicodemas Majabe alisema kuwa wachimbaji wadogo wamekuwa wakishawishiwa na wanunuzi na kuuza madini kinyemela kwakuwa kwa wakati huo wanakuwa hawana fedha za matumizi wawapo mgodini.

Aliendelea kusema amepanga vikosi vya kuwadhibiti  wanunuzi na kuhakikisha dhahabu haisafirishwi kwenda nchini Kenya na kwingineko na kuongeza kuwa mnunuzi atakayeruhusiwa kununua madini ni yule mwenye leseni inayomruhusu kufanya hivyokutoka Wizara ya Madini kupitia Tume ya Madini.

Naye Kamishna wa Madini, kutoka Tume ya Madini, Prof Abdulkarim Mruma aliwataka wachimbaji wadogo wahakikishe wanauza dhahabu zao katika masoko ya madini yaliyoanzishwa jambo litakalowasaidia kuuza dhahabu zao kwa bei iliyopo sokoni

Prof. Mruma alikiri kuwa asilimia kubwa ya wachimbaji wamekuwa wakiendelea kuwa maskini na kudharaulika kwenye jamii kutokana na kila mmoja kuuza dhahabu yake sehemu ambayo si sahihi.

Read more

Tender for Procurement of Gemological Equipment, Laptop, Printers and POS Machines

MINING COMMISSION

Tender No. IE.053/2018-2019/HQ/G/18

 For

PROCUREMENT OF GEMOLOGICAL EQUIPMENT, LAPTOPS, PRINTERS AND POS MACHINES.

 Invitation for Tenders

Date: 21th June, 2019

 1. The Government of Tanzania has set aside funds for the operation of the Mining Commission during the financial year 2018/2019. It is intended that part of the proceeds of the fund will be used to cover eligible payment under the contract for the Procurement of Gemological Equipment, Laptops, Printers and POS Machines.

2. The Mining Commission now invites sealed tenders from eligible Suppliers of Gemological Equipment, Laptops, Printers and POS Machines as listed below:-

LOT No. DESCRIPTION OF GOODS UNITS QTY
1. Gemological equipment Each Various
2. Laptop, printers and POS Machines Each Various

The items in this Tender constitute TWO Lots, bidders may quote for ONE or BOTH Lots, bidders must quote for all items and quantity as specified in a particular Lot. Bids not quoting all items and quantities in applied Lot/Lots will be considered non – responsive and rejected for evaluation.

3. Tendering will be conducted through the National Competitive Method a procedure specified in the Public Procurement Regulations, 2013 – Government Notice No. 446 as amended in 2016, and is open to all Tenderers as defined in the Regulations.

>>Read More>>

Read more

Jarida la Nchi Yetu: Tolea Maalum la Wizara ya Madini, Mei 2019

Uongozi wa Wizara ya Madini unampongeza kwa dhati Mhe. Dkt. John Pombe Magufuli, Rais wa Jamhuri ya Muungano wa Tanzania, na Serikali anayoiongoza, ambapo katika kipindi cha miaka mitatu ya uongozi wake ameimarisha na kusisitizia usimamizi wa rasilimali za Taifa hususani madini ili kunufaisha Taifa kwa ujumla.

Katika kipindi cha uongozi wake, Wizara imefanikiwa kufanya marekebisho ya Sheria ya Madini, Miongozo na Kanuni za Sekta ya Madini ili kuhakikisha rasilimali hii inawanufaisha Watanzania na kuongeza mapato ya Serikali na kuongeza ukusanyaji wa maduhuli na hii imeonesha wazi nia ya Wizara ya Madini kutekeleza kwa vitendo maono ya Mhe. Rais kuwa “Rasilimali ya Madini Iwanufaishe Watanzania.”

Tunawiwa kwa namna ulivyosaidia sisi kufika hapa. Hatuna cha kukulipa isipokuwa kukuahidi kazi zaidi na uadilifu zaidi. Na kwa sababu hiyo basi, tunalitoa toleo hili maalum kuwa ni shukrani kwako na tunakuombea afya njema na nguvu zaidi katika kuendelea kuliongoza Taifa letu.

>>Soma Zaidi>>

Read more

Nafasi za kazi-Wakaguzi wasaidizi wa madini ujenzi na viwandani

UTANGULIZI

Tume ya Madini ni Taasisi iliyo chini ya Wizara ya Madini yenye jukumu la kusimamia shughuli za Madini nchini. Lengo kuu la Tume ni kuboresha usimamizi na udhibiti katika ukaguzi wa uzalishaji na biashara ya madini. Pia,Tume ina jukumu la kuhakikisha Sera, Sheria, Kanuni na taratibu zinazoongoza shughuli za Madini zinafuatwa ipasavyo ili kuongeza pato la Taifa kutoka katika sekta ya Madini.

Baadhi ya majukumu ya Tume ya Madini:-

  1. Kusimamia na kuratibu kikamilifu utekelezaji wa sheria na kanuni za Madini;
  2. Kusimamia na kudhibiti kwa ufanisi biashara ya Madini ili kuongeza mchango wa Sekta ya Madini kwenye pato la Taifa;
  3. Kusimamia utafutaji na uchimbaji endelevu wa rasilimali madini;
  4. Kutoa, kusitisha na kufuta leseni pamoja na vibali kulingana na Sheria,Kanuni za Madini;
  5. Kuchambua na kuthaminisha madini yaliyozalishwa na migodi mikubwa ,ya kati na midogo ili kuwezesha ukusanyaji wa mrabaha stahiki;
  6. Kufuatilia na kuzuia utoroshaji /magendo ya madini, na ukwepaji wa ulipaji mrabaha kwa kushirikiana na vyombo na Mamlaka nyingine husika za Serikali; na
  7. Kuandaa na kutoa bei elekezi za Madini mbalimbali kutokana na bei za soko za hapa nchini na za kimataifa.

NAFASI ZA KAZI

Tume ya Madini inawatangazia watanzania wote wenye sifa kuomba kazi za Mkataba, (Vibarua) katika Ofisi za Afisa Madini Wakazi katika Mikoa ifuatayo ili kujaza nafasi wazi: Mkoa wa Dares Salaam nafasi (4 ); Katavi nafasi (2); Geita nafasi (3); Dodoma nafasi (3); Kagera nafasi (2);Kahama nafasi (2); Kigoma nafasi (2); Kilimanjaro nafasi (3); Lindi nafasi (2); Mara nafasi (3); Manyara nafasi (2); Mbeya nafasi (2); Mirerani nafasi (3); Morogoro nafasi (2); Rukwa nafasi (3); Tanga ,nafasi (2), Tabora nafasi (2), Chunya nafasi (3); Singida nafasi (3); Simiyu nafasi (2); Shinyanga nafasi (2); Ruvuma nafasi (2); Mwanza nafasi (3); Mtwara nafasi (2); na Arusha nafasi (2).

Sifa za Mwombaji

i. Mwombaji awe amehitimu na kufaulu elimu ya kidato cha Nne; ii. Mwenye Cheti kutoka Chuo cha Madini; au

iii. Cheti cha uhasibu au ugavi kutoka chuo chochote kinachotambulika na Serikali; na

iv. Umri usiozidi miaka 45.

>>Soma Zaidi>>

Read more

Hotuba ya Mhe. Doto Biteko (Mb.), Waziri wa Madini akiwasilisha Bungeni makadirio ya mapato na matumizi ya fedha kwa mwaka 2019/20

UTANGULIZI

1.  Mheshimiwa Spika, baada ya kupokea taarifa iliyowasilishwa hapa Bungeni na Mwenyekiti wa Kamati ya Kudumu ya Bunge ya Nishati na Madini, ambayo imechambua bajeti ya Wizara ya Madini, naomba sasa Bunge lako Tukufu likubali kupokea, kujadili na kupitisha Taarifa ya utekelezaji wa majukumu kwa Mwaka 2018/19 pamoja na Mpango na Makadirio ya Mapato na Matumizi ya Kawaida na ya Maendeleo ya Wizara ya Madini pamoja na Taasisi zake kwa Mwaka 2019/20.

2. Mheshimiwa Spika, kwanza napenda kumshukuru Mwenyezi Mungu mwingi wa rehema kwa kuijalia nchi yetu amani na utulivu na kutuwezesha kushiriki katika mkutano huu wa 15 wa Bunge la Jamhuri ya Muungano wa Tanzania. Vilevile, kwa unyenyekevu namshukuru Mwenyezi Mungu kwa kuniwezesha kusimama mbele ya Bunge lako Tukufu kwa mara ya kwanza nikiwa Waziri wa Madini na kwamba ni mara yangu ya kwanza kuwasilisha Mpango na Makadirio ya Mapato na Matumizi ya Kawaida na ya Maendeleo ya Wizara.

3. Mheshimiwa Spika, kwa namna ya kipekee nitumie fursa hii pia kumshukuru Mheshimiwa Dkt. John Pombe Joseph Magufuli, Rais wa Jamhuri ya Muungano wa Tanzania kwa kuniamini na kuniteua kuwa Waziri wa Madini, Wizara ambayo ikisimamiwa 2 vizuri na kuwa na ufanisi itatoa mchango mkubwa katika ukuaji wa uchumi wa nchi. Aidha, nimpongeze Mheshimiwa Rais kwa kuendelea kuipa kipaumbele Sekta hii ya Madini kwa miongozo, maelekezo na maagizo mbalimbali anayoyatoa. Napenda kumuahidi Mheshimiwa Rais, Bunge lako Tukufu pamoja na Watanzania wote kwamba mimi pamoja na viongozi wenzangu na wafanyakazi wote wa Wizara ya Madini tutafanya kazi kwa bidii, maarifa na uadilifu mkubwa kwa kadri Mwenyezi Mungu atakavyotujalia ili kuhakikisha kuwa Sekta ya Madini inakuwa na manufaa kwa Watanzania na kuchangia ipasavyo katika Pato la Taifa.

>>Soma Zaidi>>

Read more

Sekta ya Madini kuifikisha nchi uchumi wa kati

Na Nuru Mwasampeta,

Waziri wa Madini, Doto Biteko amesema, katika kuhakikisha kwamba mchango wa sekta ya madini unaifikisha nchi kwenye uchumi wa kati ifikapo 2025, masoko ya madini ni muhimu.

Ameyasema hayo leo, alipokuwa akizindua soko la madini la Mkoa wa Mwanza ambapo amewataka viongozi mbalimbali wa serikali katika ngazi zote kushiriki kikamilifu katika kutekeleza mipango iliyowekwa na Serikali kupitia Wizara yake ili kuifikisha nchi katika uchumi huo wa kati.

Waziri wa Madini, Doto Biteko akizugumza na washiriki waliohudhuria hafla ya uzinduzi wa soko la Madini la Mkoa wa Mwanza tarehe 8/05/2019

Biteko amesema, wizara imechukua hatua mbalimbali ikiwa ni pamoja na kikao cha Waheshimiwa Wakuu wa Mikoa na Makatibu Tawala wa Mikoa kilichofanyika mwezi Januari, 2019 Jijini Dodoma kikao kilicholenga  kujenga uelewa wa pamoja juu ya maudhui ya kanuni wa uanzishwaji masoko ya madini nchini.

Aliendelea kusema, katika kuelekea uanzishwaji wa masoko ya madini nchini  ulioanza mapema mwezi Februari, wizara ilifanikiwa kufanya mafunzo kwa Wakuu wa Wilaya, Wakurugenzi pamoja na Makatibu Tawala wa Wilaya.

Pamoja na jitihada hizo, Wizara ilifanikiwa kufanya Mkutano Mkubwa wa kisekta mwishoni mwa mwezi Januari 2019 na kupokea maoni mbalimbali ya wadau yaliyopelekea Serikali kufanya mabadiliko ya sheria ya mwaka 2019 iliyohusisha utungwaji wa kanuni za masoko kwa ajili ya kuanzishwa masoko ya madini.

Aidha, Biteko amesema serikali ilikubali ombi la wadau la kupunguza utitiri wa kodi na tozo mbalimbali kwa wachimbaji wadogo na kuamua kufuta baadhi ya kodi hizo ikiwemo kodi ya zuio (withholding tax) pamoja na kodi ya ongezeko la thamani (VAT) kwa wachimbaji wadogo.

Akizungumzia historia ya uanzishwaji wa soko la madini mkoani Mwanza, Biteko alisema ilianza mnamo mwaka 2018 wakati wizara ilipounda kamati maalum kwa lengo la kubaini sababu ya utoroshwaji wa madini hasa madini ya dhahabu na vito.

Biteko anasema pamoja na hilo kamati ilibaini kuwa utitiri wa kodi na tozo mbalimbali zilizokuwa zikitozwa kwa wachimbaji wadogo wa madini ni sababu nyingine iliyochangia utoroshwaji wa madini nchini na kukiri chimbuko la uanzishwaji wa masoko ya madini kuwa ni Mwanza kupitia kamati hiyo.

“Uzinduzi wa soko hili unatoa majibu kwa maswali ya wananchi kuhusu changamoto ya utoroshwaji wa rasilimali madini ambayo imedumu kwa muda

Mwenyekiti wa Tume ya Madini, Prof. Idris Kikula akitoa salamu za tume wakati wa uzinduzi wa soko la madini mkoani Mwanza

mrefu” Biteko alikazia.

Aidha, Biteko amewataka wadau wote katika mnyororo mzima wa uendeshaji wa masoko ya madini kutimiza wajibu wao kwa uzalendo wa kiwango kinachostahili.

Kwa upande wake katibu Mkuu wa Madini, Prof. Simon Msanjila amewataka viongozi wa serikali kushiriki kikamilifu katika kusimamia rasilimali madini inayopatikana nchini.

Akielezea idadi ya masoko yaliyofunguliwa mpaka sasa, Prof. Msanjila alisema ni masoko ya madini 13 na siku ya leo masoko ya madini manne yanafunguliwa likiwemo la Mwanza, Kagera, Iringa na Songwe wakati taratibu za kukamilisha zoezi hilo kwa mikoa iliyosalia nchi nzima zikiendelea.

Akizungumza wakati wa uzinduzi huo Mkuu wa Mkoa wa Mwanza, John Mongela alisema, Mkoa wa Mwanza unazalisha madini ya dhahabu na madini ya ujenzi kwa kiasi kikubwa katika wilaya ya Kwimba na Misungwi na kiasi kidogo katika maeneo ya Sengerema. Alikiri uwepo wa uzalishaji wa madini ya almasi kwa kiwango kidogo katika maeneo ya Mabuki na Manangwa wilayani Misungwi.

Mongela amebainisha kuwa wananchi wa mkoa wa Mwanza wana imani kuwa usimamizi mzuri wa sekta ya madini utaipelekea nchi kufikia uchumi wa kati ifikapo mwaka 2025.

Akihitimisha hotuba yake, Mkuu wa Mkoa Mongela alisema mkoa wake utahakikisha madini yote yanayozalishwa yanauzwa katika soko lililofunguliwa kwa kuzingatia sheria, kanuni pamoja na miongozo ya mbalimbali ya kisekta.

Amesema kuanzishwa kwa soko la madini Mwanza, ni fursa  ya kipekee kwani Mkoa wa Mwanza utakuwa ni kitovu cha biashara ya madini katika ukanda wa ziwa victoria kutokana na mazingira yake kijiografia pamoja na miundombinu.

Akizungumza kwa niaba ya wachimbaji na wafanyabiashara wa madini, Makono Kaniki aliiomba Serikali kupitia Wizara ya Madini kuongeza watumishi katika masoko yaliyofunguliwa ili kurahisisha zoezi zima la uuzaji na ununuzi wa madini.

Read more

Soko la Madini ya Bati (Tin) lafunguliwa Kyerwa-Kagera

Na Tito Mselem, Kyerwa

Naibu Waziri wa Madini Stanslaus Nyongo amefungua Soko la Madini ya Bati (Tin) Wilayani Kyerwa Mkoa wa Kagera na kuwataka wafanyabiashara wa Madini hayo kuacha kuyatorosha na kuyapeleka nchi za nje zikiwemo za Rwanda, Uganda na Kongo badala yake wametakiwa kuyauza kwenye soko lililozinduliwa kwakuwa changamoto za tozo na bei zimekwisharekebishwa hali itakayopelekea kuuza na kununua kulingana na soko la dunia.

Katika hatua nyingine, Naibu Waziri Nyongo ametoa mwezi mmoja kwa wamiliki wa leseni za uchimbaji wa Madini ya Bati (Tin) wasioendeleza leseni hizo kuziendeleza na wasiofanya hivyo watafutiwa na kupatiwa wengine wenye nia ya kuziendeleza.

Naibu Waziri Nyongo aliyasema hayo Mei 8 wakati akizindua Soko la Madini ya Bati lililoko wilaya ya Kyerwa mkoani Kagera.

“Hatutakuwa na msamaha kwa mtu au kampuni yoyote itakayoshikwa ikitorosha Madini ya Tin kupeleka nje ya nchi au kufanya biashara ya Madini hayo nje ya Soko hili tunalolizindua leo, atakayeshikwa atalipa faini mara tatu ya thamani ya Madini hayo na Madini hayo yatataifishwa na Serikali,” alisisitiza Naibu Waziri Nyongo.

Naibu Waziri aliongeza kwamba, katika kutekeleza agizo la Rais wa Jamhuri ya Muungano wa Tanzania, Dkt. John Magufuli la kufungua masoko ya Madini nchini,  tayari jumla ya masoko 13 ya Madini  yamekwishafunguliwa nchi nzima  na kueleza kuwa, bado Mikoa michache iko katika hatua za mwisho za kukamilisha  uanzishwaji wa masoko hayo.

Pia, aliwahakikishia wananchi wa Kyerwa na Kagera kwa ujumla kuwepo kwa ajira kupitia soko hilo lililozinduliwa na hivyo kuwataka kuchangamkia fursa mbalimbali zilizopo katika soko hilo.

Kwa upande wake, Mkuu wa Mkoa wa Kagera Brigedia Jenerali, Marco Gaguti alisema ataendelea kushirikiana na Wizara ya Madini katika kutatua changamoto zinazowakabili wachimbaji wa Madini ya Tin ikiwemo nishati ya umeme pamoja na mitaji kwa wachimbaji wadogo ili kuwawezesha kuongeza uzalishaji.

Brigedia Jenerali, Gaguti aliongeza kuwa, hivi sasa kuna takriban wachimbaji 1234 wa Madini ya Bati katika Wilaya ya Kyerwa, lakini bado uzalishaji haujakidhi matakwa ya kuelekea kwenye uchumi wa kati ikiwemo uzalishaji wa Tin kwa kiwango kikubwa na kinachotegemewa kama malighafi kwenye viwanda kwaajili ya hatua nyingine.

Read more

Katibu Mkuu Wizara ya Madini, azindua Soko la Madini Chunya

Na Greyson Mwase, Chunya

Katibu Mkuu wa Wizara ya Madini, Profesa Simon Msanjila amezindua Soko la Madini Chunya ikiwa ni sehemu ya utekelezaji wa maagizo yaliyotolewa na Rais wa Jamhuri ya Muungano wa Tanzania, Dkt. John Pombe Magufuli ya kutaka Wilaya ya Chunya kuhakikisha imekamilisha na kuzindua soko la madini ndani ya kipindi cha siku saba. Rais Magufuli alitoa agizo hilo tarehe 27 Aprili, 2019 wilayani Chunya katika mkutano wake na wachimbaji na wachenjuaji wa madini.

Uzinduzi huo ulishirikisha Mwenyekiti wa Tume ya Madini, Profesa Idris Kikula, Mkuu wa Wilaya ya Chunya, Mary-Prisca Mahundi,  Mkurugenzi wa Utawala na Usimamizi wa Rasilimaliwatu kutoka Wizara ya Madini, Issa Nchasi, Mhasibu Mkuu wa Wizara ya Madini, Anthony Tarimo na Kamishna Msaidizi- Uendelezaji wa Migodi kutoka Wizara ya Madini, Ali Ali.

Wengine walioshiriki katika uzinduzi huo ni pamoja na Mkurugenzi wa Ukaguzi na Biashara ya Madini kutoka Tume ya Madini, Dk. Venance Mwase, wawakilishi wa wachimbaji na wafanyabiashara wa madini, viongozi wa dini pamoja na vyombo vya habari.

Akizungumza wakati wa uzinduzi huo, Profesa Msanjila alisema kuwa, tangu kuingia madarakani kwa Serikali ya Awamu ya Tano, imekuwa ikisisitiza dhamira yake ya kuhakikisha Sekta ya Madini inakua, inanufaisha watanzania pamoja na kuchangia ukuaji wa Pato la Taifa.

Akielezea mafanikio ya Serikali kupitia Wizara ya Madini kwenye usimamizi  wa rasilimali za madini, Profesa Msanjila alisema kuwa,  ili kuhakikisha kuwa wananchi wote wananufahika na rasilimali za madini, Serikali ilitunga Sheria ya Mamlaka ya Nchi  Kuhusiana na Umiliki wa Maliasili Namba 5 ya Mwaka 2017; Sheria ya Mapitio na Majadiliano Kuhusu Masharti Hasi katika Mikataba ya Maliasili za Nchi Namba 6 ya mwaka 2017 pamoja na kufanya marekebisho ya Sheria ya Madini Sura ya 123.

Aliendelea kueleza kuwa Serikali pia imefuta baadhi ya tozo ambazo zilikuwa kero kwa wafanyabiashara wa madini hususan wachimbaji wadogo na kufafanua kuwa tozo hizo kuwa ni pamoja na kodi ya ongezeko la thamani (VAT) asilimia 18 na kodi ya zuio ya asilimia tano kwa wachimbaji wadogo.

Alisema kuwa, kuwekwa kwa mazingira mazuri ya kibiashara kwenye sekta ya madini pamoja na kufuta kodi na tozo mbalimbali zinazofikia asilimia 23 kutaondoa utoroshwaji wa madini na kusaidia wachimbaji wadogo kutambuliwa kupitia uanzishwaji wa masoko ya madini.

Alieleza manufaa mengine kuwa ni pamoja na kupunguza gharama za uendeshaji wa shughuli za wachimbaji wadogo na kuongeza wigo wa mapato ya nchi.

Katika hatua nyingine, Profesa Msanjila aliwataka  wachimbaji wote wadogo na wafanyabiashara wa madini  kuendelea kushirikiana na mamlaka mbalimbali  za Serikali katika kutekeleza majukumu  yao kwa kufuata sheria, kanuni, taratibu na miongozo mbalimbali  inayotolewa na Serikali.

Akielezea manufaa ya soko jipya la madini Chunya, Profesa Msanjila alisema soko litaziba mianya ambayo imekuwa chanzo cha utoroshwaji wa madini, ukwepaji kodi na hivyo kusababisha biashara nzima ya madini kufanyika kiholela katika maeneo mengi ya nchi.

Aliongeza kuwa kuanzishwa kwa Soko la Madini Chunya kutawezesha na kurahisisha biashara nzima ya madini na kuwa kiungo muhimu cha kuwakutanisha wachimbaji na wafanyabiashara kwa lengo la kuuza na kununua madini.

Profesa Msanjila aliendelea kufafanua manufaa mengine ya soko kuwa ni pamoja na kuwa suluhisho la tatizo la kupunjwa na kudhulumiwa na kuondoa  vitendo vya dhuluma ambavyo vimekuwa  vikiwahusisha wafanyabiashara wa madini wasiokuwa waaminifu kwa baadhi ya wachimbaji wadogo.

“Soko hili litaondoa  uwezekano wa wanunuzi  wa madini kuibiwa na wajanja wachache wanaojifanya  kuwa na madini wakati hawana, nawasihi wanunuzi wa madini kulitumia soko kikamilifu ili kuepuka udanganyifu na matapeli tu” alisema Profesa Msanjila.

Katika hatua nyingine Profesa Msanjila aliupongeza uongozi wa Wilaya ya Chunya, wafanyabiashara wa madini kwa kuhakikisha Soko la Madini Chunya limezinduliwa ndani ya muda uliopangwa.

Wakati huo huo akizungumzia hali ya uanzishwaji wa masoko ya madini nchini, Mwenyekiti wa Tume ya Madini, Profesa Idris Kikula alisema kuwa, hadi kufikia sasa masoko matano ya madini yameshafunguliwa katika mikoa ya Geita, Singida, Kahama, Arusha – Namanga na Chunya.

Aliongeza kuwa masoko mengine ya madini yanatarajiwa kufunguliwa kabla ya tarehe 05 Mei, 2019 ikiwa ni pamoja na Soko la Madini ya Dhahabu na Vito vya Thamani Ruvuma, Soko la Madini Shinyanga, Soko la Madini Dodoma na Soko la Madini Mbeya.

Profesa Kikula alitaja masoko mengine ambayo yanatarajiwa kufunguliwa hivi karibuni kuwa ni pamoja na Soko la Madini ya Bati (tin) na Soko la Madini ya Dhahabu Handeni.

Alisisitiza kuwa mikoa mingine ipo katika  hatua za mwisho kukamilisha vigezo mbalimbali vikiwemo vya kiusalama na miundombinu.

Read more

Biteko akutana na Viongozi Waandamizi wa Wizara na Tume ya Madini

Na Issa Mtuwa, Dodoma

Waziri wa madini Doto Biteko amewataka wafanyakazi wa wizara ya madini pamoja na taasisi zake kufanya kazi na kutekeleza majukumu yao kwa wakati ili kufikia malengo ya wizara hiyo.

Waziri wa Madini Doto Biteko katikati akisisitiza jambo wakati kikao cha kazi na viongo waandamizi wa wizara ya Madini na Tume ya Madini. Kushoto kwake ni Naibu Waziri wa Madini Stanslaus Nyongo na kulia kwake Katibu Mkuu wizara ya Madini Prof. Msanjila.

Ameyasema hayo jijini Dodoma wakati wa kikao chake na viongozi waandamizi wa wizara ya madini na tume ya madini. Katika kikao hicho pamoja na mambo mengine amezungumzia juu utekelezaji wa maagizo anayoyatoa na usimamizi wa utekeleza wa maagizo yake. Ameongeza kuwa anawategemea sana viongozi hao na wafanyakazi wote katika kufanikisha kazi na malengo ya wizara hiyo.

Ametolea mfano wa maagizo aliyowahi kuyatoa ni pamoja na ufutwaji wa leseni zisizo hai ndani ya siku 7 na zingine siku 30 na lile linalo husu mgodi wa North Mara kuhusu utiririshaji wa maji yenye sumu kwenda kwenye makazi ya wananchi ambapo alitoa pia siku 30 kuhakikisha maji hayo yanadhibitiwa.

Amewaambia viongozi hao kuwa akishatoa maagizo, kazi ya kusimamia utekelezaji wa maagizo hayo ni kazi yao. Amemshukuru na kumpongeza Mwenyekiti wa Tume Prof. Idris Kikula na tume yake kwa kazi nzuri wanayoifanya na ziara zake mikoani zimekuwa na tija.

Biteko amesisitiza kuwa anatambua mchango wa watumishi wote wa wizara yake hivyo amewaomba kuongeza bidii  na kuongeza umakini katika utekelezaji wa majukumu yao huku wakizingatia weledi na uadilifu.

Kikao hicho kimehudhuriwa na Naibu Waziri wa Madini Stanslaus Nyongo, Katibu Mkuu Wizara ya Madini Prof. Simon Msanjila na Makamishna. Kwa upande wa tume ya madini waliohudhuria ni pamoja na Mwenyekiti wa Tume Prof. Kikula, Mtendaji mkuu wa tume ya madini Prof. Shukrani Manya, Mkurugenzi wa Leseni Mhandisi Yahya Samamba, Mkurugenzi wa Biashara Dkt. Venance Bahati.

Read more

Nyongo kupokea ujumbe wa watu kumi kutoka China

Nuru Mwasampeta na Tito Mselem

Naibu Waziri wa Madini, Stansilaus Nyongo jana tarehe 28 April, 2019 amepokea ujumbe ulioongozwa na Naibu Waziri wa Maliasili wa Jamhuri ya Watu wa China waliofika kwa ajili ya kujadili maeneo ya kushirikiana katika sekta ya madini baina ya nchi hizo mbili yaani Tanzania na China.

Akizungumza wakati akifungua kikao cha majadiliano baina ya nchi hizo mbili, Nyongo aliwahakikishia wageni hao kuwa Serikali ya Awamu ya Tano imeweka mazingira mazuri ya kuwekeza nchini kupitia sekta ya Madini na kuwataka kutosita kutembelea maeneo mbalimbali ili kujionea fursa zilizopo na kuwekeza nchini Tanzania.

Naibu Waziri wa Madini, Stanslaus Nyongo (Mbele Kushoto) akiwa na Naibu Waziri wa Maliasili wa China Dkt, Zhong Ziran (Kulia) pamoja na wajumbe walioambatana nao katika kikao kilichofanyika katika ukumbi wa Uwanja wa Ndege wa Kimataifa wa Mwl. JK Nyerere Jana.

Nyongo amewadhihirishia wageni hao uwepo wa sera na sheria  zisizokandamiza upande wowote baina ya wawekezaji, wananchi na Serikali na hivo kuzifanya pande zote kunufaika na rasilimali na uwekezaji unaofanyika katika sekta ya madini.

Aidha, Nyongo amebainisha kuwa ushirikiano baina ya Tanzania na China ni wa muda mrefu ikiwa ni takribani miaka 50 na kufika kwa ujumbe huo kunabainisha wazi kuwa  urafiki na ukaribu baina ya nchi hizo hauna mashaka.

Akizungumza na waandishi wa Habari mara baada ya mkutano huo, Nyongo alisema wataalamu kutoka China wamekuja kuunganisha nguvu ya pamoja na watanzania ili kuweza kusaidiana katika kufanya tafiti za kina katika kujua kiasi cha madini yaliyopo, namna nzuri ya kuvuna madini hayo pamoja na namna ya kuyaongezea thamani madini yaliyopo nchini kabla ya kuyasafirisha nje ya nchi.

Pia, Nyongo amebainisha kuwa China ipo tayari kuleta wataalamu katika masuala ya madini watakaojikita katika kufanya shughuli za uchimbaji wa madini.

Naibu Waziri Nyongo amebainisha kuwa ujio wa ujumbe kutoka China utasaidia kuweka makubaliano ya pamoja baina ya Taasisi ya Utafiti na Jiolojia Tanzania na Taasisi ya Jiolojia na utafiti ya nchini China katika kusimamia masuala ya utafiti wa madini katika maeneo ambayo hayajafikiwa.

Zaidi ya hayo Nyongo amewadhihirishia wageni hao uwepo wa mazingira mazuri na rafiki ya uwekezaji yanayotokana na uwepo wa sera na sheria zisizokandamiza upande wowote baina ya wawekezaji na Serikali na kuwataka kutosita kuja kuwekeza nchini.

Kwa upande wake Kaimu Mtendaji Mkuu wa Taasisi ya Utafiti na Jiolojia nchini Bi Yourghbert Myumbilwa amesema ushirikiano huo utaleta manufaa makubwa kwani uzoefu wa China katika masuala ya utafiti ni mkubwa hivyo itawawezesha watumishi wa taasisi hiyo kupata uelewa mkubwa katika kutekeleza majukumu yao.

Akizungumzia ujio wa ujumbe wake nchini, Naibu Waziri wa Maliasili wa China Dkt. Zhong Ziran amesema ni kuweza kujadili na kukubaliana juu ya maeneo ya kushirikiana baina ya Tanzania na China kupitia maliasili madini inayopatikana nchini.

Ushirikiano huu baina ya Taasisi ya Utafiti na Jiolojia nchini na Taasisi ya Utafiti wa Jiolojia nchini China ni matokeo ya kikao kilichofanyika mwezi Desemba, 2018 baina ya aliyekuwa Waziri wa Madini, Angellah Kairuki na Waziri wa Maliasili wa China kilichofanyika katika ofisi za Wizara ya Maliasili nchini China ambapo Mhe. Kairuki alishiriki kongamano la uwekezaji lililofanyika  nchini humo na kuibua fursa mbalimbali zilizopo katika sekta ya madini.

Read more

Wachimbaji watelekeza Madini na pikipiki kukimbia msafara wa Mwenyekiti wa Tume ya Madini

Na Issa Mtuwa, Gairo

Wachimbaji wa Madini ya Rubi wilaya ya Gairo kata ya Iyombe kijiji cha Kirama, wamekimbia na kutelekeza Madini ya viwandani aina ya Rubi Nut, Pikipiki na vifaa mbalimbali vya kuchimbia baada ya kuona msafara wa Mwenyekiti wa Tume ya Madini Prof. Idris Kikula na Mwenyekiti wa ulinzi na usalama ambae pia ni Mkuu wa Wilaya (DC) ya Gairo Seriel Shaid Mchembe waliokuwa wanatembelea mgodi huo kuona shuguli za uchimbaji kwa lengo la kwenda kutatua kero zinazowakabili.

Msafara wa Tume ya Madini na wajumbe wa kamati ya ulinzi na usalama wakiwa kwenye eneo la mgodi Kijiji cha Kirama walipotembelea kukagua shuguli za uchimbaji katika eneo hilo wa mbele ni Athumani anae uongoza msafara kwenda kuonyesha anapochimba Sadick Athuan baada ya kukimbia

Msafara wa mwenyekiti wa Tume ya madini akiwa ameambatana na Kamishna wa Tume hiyo Dkt. Athanas Machiyeke na mwenyekiti wa kamati ya ulinzi na usalama ulianza majira ya saa tatu asubuhi kuelekea  kwenye eneo la mgodi.

Wakiwa njiani msafara huo ulikubwa na changamoto baada ya gari ya Polisi iliyokuwa inaongoza msafara huo kukwama kwenye maji katikati ya mto kwa muda wa saa moja kitendo kilichopelekea kuchelewa kufika kwenye eneo la mgodi.

Hata hivyo mara baada ya kufika kwenye nyumba ya mchimbaji mmoja alie tambuliwa kwa jina la Sadick Athuman maarufa kwa jina la (Saadam) alikutwa kijana mmoja aliejitambulisha kwa jina la Athumani mkazi wa Gairo mjini akilinda mahali apo ndipo mkuu wa Wilaya na vyombo vyake vya ulinzi na Mwenyekiti wa Tume na Kamishna waliingia ndani na kufanya msako na kukuta madini aina ya Rubi Nut yakiwa kwenye mifuko, Pikipiki moja na vifaa mbalimbali vya kuchimbia.

Alipo ulizwa bwana Athumani, nani anae miliki madini hayo, alisema ni madini ya bwana Saadam. Alipo ulizwa yeye anafanya nini alisema yeye ni kibarua tuu na mwenyewe Saadam yupo mgodini anaendelea na uchimbaji ndipo Mwenyekiti wa kamati ya ulinzi na usalama akamuamuru Athumani kwenda nae mpaka anakochimba bwana Saadam na mara baada ya kufika eneo la mgodi wachimbaji wote wakakimbia na kuelekea vichakani akiwemo bwa Saadam huku vifaa vya uchimbaji vikiwa vimetelekezwa sambamba na madini yale ya kwenye mfuko na pikipiki.

Kufuatia kitendo hicho mwenyekiti wa tume ya Madini Prof. Kikula amesikitishwa na kitendo hicho ambacho kinaashiria uchimbaji wa mgodi huo unafanyika bila kufuata sheria.

Kutokana na hali hiyoo, mwenyekiti wa tume amemuagiza afisa Madini Mkazi mkoa wa Morogoro Mhandisi Emmanuel Shija kufuatilia uhalali wa eneo hilo (Leseni na Codinates) na mwenendo mzima wa uchimbaji wake, endapo eneo hilo litakuwa na leseni mmiliki wake alipe maduhuli yote anayotakiwa kulipa tangu alipoanza na kama eneo hilo halijakatiwa leseni mgodi huo ufungwe mara moja na shuguli za uchimbaji zisitishwe mara moja.

Mwenyekiti wa Tume ya Madini Prof. Kikula wa pili kulia akiwa na kamati ya ulinzi na usalama wilaya ya gairo ikiongozwa na mwenyekiti wake Siriel Shaid Mchembe wa tatu kushoto na wa kwanza kulia ni Kamishna wa Tume ya Madini Dkt. Athanas Machiyeke wakionyesha baadhi ya vifaa ikiwemo pikipiki iliyo telekezwa na mchimbaji wa madini Sadick Athuman maarufu kwa jina la Saadam alie kimbia baada ya kuona msafara wa tume ya Madini.

Aidha, amesikitishwa na wachimbaji na wawekezaji katika eneo hilo kushindwa kusaidia shuguli za maendelo ya kijiji kinacho zunguka migodi hiyo ambapo ofisi yake haikumridhisha mwenyekiti wa tume.

Kwa upande wake Mkuu wa wilaya ya Gairo amesikitishwa na wachimbaji hao kwa kukiuka sheria zinazo ongoza shuguli za uchimbaji madini, amesema amekuwa akiwahimizi mara kadhaa wachimbaji wote wilayani humo kuzingatia na kufuata taratibu kabla hawajanza kazi za uchimbaji ikiwemo kukata leseni na kulipa maduhuli ya serikali.

Kufuatia kwa tukio hilo Mchembe amepiga marufuku kwa mtu yeyote katika wilaya ya Gairo kufanya shuguli za madini bila kuwa na kibali kutoka tume ya madini.

Wakati huo huo Mchembe amemuagiza Kamanda wa Polisi wilaya ya Gairo Lugano Piter Mwakisunga kuhakikisha anamkamata Sadick Athumani ndani ya siku saba na kumfikisha kwenye vyombo vya sheria.

Wakiwa kwenye mgodi wa eneo la mwekezaji wa kampuni ya Mofar Holdings (T) Ltd Kamishna wa Tume ya Madini Dkt. Machiyeke amemsisitiza mwekezaji huyo kuzingatia taratibu na sheria katika hatua ya kuajiri wafanyakazi na vibarua na manunuzi ya bidhaa kama muongozo unavyo sema.

Dkt. Machiyeke amesema, sheria inasisitiza kutoa kipaumbele kwa wananchi waozunguka mgodi na taifa kwa nafasi kubwa kabla ya kufikiria nje ya eneo hilo na nje ya nchi.

Mwenyekiti wa Tume ya Madini na Kamishna walikuwa wanahitimisha ziara yao ya siku tano katika mkoa wa Morogoro baada ya kutembelea wilaya ya Morogoro mjini, Ulanga, Mvomero na Gairo ambapo ujumbe wake mkubwa kwa wafanyakazi wa tume na wachimbaji madini ulikuwa ni uadilifu katika kazi zaona kuepuka rushwa

Read more

Tunataka kurahisisha mazingira biashara ya madini-Biteko

  • Naibu Waziri Nyongo ataka Soko la Madini Arusha kuanzishwa haraka

Waziri wa Madini Doto Biteko amesema Serikali kupitia Wizara yake inalenga kurahisisha Mazingira ya Biashara ya Madini ikiwemo kuwalea wachimbaji na kuwataka wafanyabiashara na wachimbaji kuhakikisha wanajisimamia wenyewe kwa manufaa yao na Taifa.

Waziri wa Madini Doto Biteko na Naibu Waziri wa Madini Stanslaus Nyongo wakimsikiliza Mwenyekiti wa TAMIDA Sam Mollel wakati akizungumza jambo katika kikao hicho. Wengine wanaofuatilia ni Kamishna wa Madini David Mulabwa na mmoja wa wajumbe wa chama hicho, Abe Latif.

Waziri Biteko ameyasema hayo alipokutana na viongozi wa Chama Cha Wafanyabiashara wa Madini Tanzania (TAMIDA), wakiongozwa na Mwenyekiti wa Chama hicho Sam Mollel ofisini kwake jijini Dodoma Aprili 10, kwa lengo la kujadili masuala mbalimbali yanayohusu biashara ya madini nchini.

Amekitaka chama hicho kuendelea kushirikiana na wizara kwa lengo la kusukuma mbele Sekta ya Madini ikiwemo kuhakikisha biashara ya madini inafanyika katika mazingira yenye kuzinufaisha pande zote na kuwasisitiza viongozi hao kuhakikisha wanachama wao wanafuata taratibu wanapofanya biashara ya madini.

Awali, kabla ya kujibu hoja zilizowasilishwa na chama hicho, Waziri Biteko amekipongeza  chama  hicho kwa kuwa kimekuwa kikitoa njia mbadala pindi kinapowasilisha changamoto na kero  zake badala ya kuishia kulalamika na kuongeza, “wizara inaona fahari kwa hilo na tunayachukulia kwa umuhimu maoni yenu,”.

Akizungumzia suala la kodi ya ongezeko la thamani na kodi ya zuio ambayo imeondolewa kwenye uchimbaji mdogo, Waziri Biteko amekitaka Chama hicho kutoa nafasi kwa serikali kufuatilia suala hilo. Waziri Biteko ameleeza hilo kufuatia hoja iliyowasilishwa na Mwenyekiti wa TAMIDA Sam Mollel ambaye ameeleza kuwa, katika mkoa wa Arusha, kodi hiyo bado inatozwa licha ya serikali kuiondoa.

Aidha, Waziri Biteko ametolea ufafanuzi wa changamoto kadhaa zilizowasilishwa na Mwenyekiti Sam Mollel kwa niaba ya chama hicho ikiwemo. Kuhusu bei elekezi, Waziri Biteko  amesema wizara itaendelea kushirikiana na wadau kuhakikisha suala hilo linakuwa shirikishi. Waziri Biteko amesema hilo baada ya TAMIDA kutoa pongezi kwa serikali kwa kutoa nafasi kwa wadau kukaa pamoja na serikali kujadili suala la bei elekezi ambapo Mwenyekiti huyo amemweleza Waziri Biteko kuwa, katika hilo, serikali na wadau wameanza vizuri.

Akitolea ufafanuzi kuhusu suala la kurejesha maonesho ya madini jijini Arusha, Waziri Biteko amesema suala la maonesho ya madini kufanyika arusha inawezekana lakini si kwa madini ya Tanzanite, na kuongeza kuwa, serikali imedhamiria kufanya shughuli zote zinazohusu madini hayo ndani ya ukuta unaozunguka machimbo ya mirerani lakini pia ikilenga kuubadilisha  mji wa  mirerani ufanane na madini hayo.

Baadhi ya Viongozi wa Chama Cha Wafanyabiashara ya Madini Tanzania (Tamida) wakifuatilia mkutano wao baina ya Waziri wa Madini Doto Biteko , Naibu Waziri na Viongozi wa Wizara.

Aidha, Waziri Biteko amezungumzia suala la kuongeza wataalam wa kuthamini madini ya Tanzanite Mirerani na kueleza kuwa, kutokana na unyeti na umuhimu wa suala hilo, tayari serikali imeanza kulifanyia kazi ili kuhakikisha inaongeza idadi ya wataalam kuwezesha shughuli za uthamini Mirerani, kufanyika kwa wakati. Ufafanuzi huo umetolewa baada ya Mwenyekiti wa TAMIDA Sam Mollel kuwasilisha changamoto ya kuwepo na  upungufu wa wataalam hao.

Kwa upande wake, Naibu Waziri wa Madini Stanslaus Nyongo akizungumza katika kikao hicho, ametaka kuanzishwa haraka kwa soko la Madini jijini Arusha na kueleza kuwa, kwa upande wa wizara itahakikisha inashirikiana na serikali ya mkoa kuhakikisha soko hilo linaanzishwa haraka. Naibu Waziri Nyongo amesema hayo akijibu hoja ya Mwenyekiti wa TAMIDA Sam Mollel ambaye ameleeza katika kikao hicho kuwa, Chama hicho kinaunga mkono Serikali kuhusu uanzishwaji wa masoko ya madini na kuitaka serikali ione umuhimu wa kuanzisha soko La madini la madini mkoani arusha kuwezesha biashara ya madini ya vito kufanyika kwa urahisi.

Kuhusu vibali vya Wataalam wa masuala ya ukataji na unga’rishaji wa madini kutoka nje ya nchi, Naibu Waziri Nyongo amesema kuwa, ni kweli kwamba serikali inawahitaji wataalam hao kwa kuwa pia watawezesha kutoa ujuzi huo kwa wataalam wa ndani ili kuhamasisha viwanda vya ukataji madini na kuongeza, “ serikali inaangalia namna ya kulipatia ufumbuzi suala hilo kwa kushirikiana na mamlaka zinazohusika kwa sababu pia tunataka watu wetu wanufaike na utaalam huo”,.

Pia, ameongeza kuwa, kutokana na kulichukulia suala la uongezaji thamani madini kwa umuhimu, inakitegemea kituo cha Jemolojia Tanzania (TGC) kwa ajili ya kuzalisha wataalam na kukitaka chama hicho kusaidia kuongeza idadi ya wanafunzi wanaodahiliwa katika kituo hicho kwa kuwa hivi sasa idadi bado ni ndogo.

Kikao hicho cha Waziri na TAMIDA ni cha kwanza tangu kuteuliwa kwa Waziri wa Madini Doto Biteko kuiongoza wizara husika.

Wengine waliohudhuria kikao hicho ni Viongozi Waandamizi kutoka wizara ya Madini na Tume ya Madini.

Read more

Agizo la Waziri halijadiliwi, ni kutekeleza–Prof. Kikula

Na Issa Mtuwa, Ulanga Morogoro

Mwenyekiti wa Tume ya Madini Prof. Idris Kikula amewataka  Watumishi wa tume hiyo ofisi ya Morogoro na Ulanga kutambua kwamba agizo la Waziri linalowataka kufuta leseni zisizofuata utaratibu wa kisheria sio la kujadili bali ni kutekeleza.

Mwenyekiti wa Tume ya Madini Prof. Idris Kikula wa pili kushoto akiwa katika eneo la wachimbaji wadogo Ipanko wilayani Ulanga akipata maelezo kutoka kwa Kaimu Afisa Madini Mkazi Morogoro Mhandisi Emmanuel Shija alipotembelea kujionea namna shuguli za uchimbaji zinavyofanyika. Wa kwanza kushoto ni Kamishna wa Tume hiyo Dkt. Athanas Macheyeki.

Prof. Kikula ameyasema hayo Aprili 10, 2019 wilayani Ulanga wakati akizungumza na watumishi wa tume hiyo wakati wa ziara yake.

Taarifa iliyosomwa kwake na Afisa Migodi Mkazi ofisi ya Mahenge Ulanga, Tandu Jilabi inaonyesha kuwa wilaya ya Ulanga ina leseni za wachimbaji wadogo 221 kati ya hizo ni leseni 9 tu ndio zinazofanya kazi huku leseni za uchimbaji wa kati zikiwa 5 na leseni za utafiti wa madini 13.

Kufuatia hali hiyo, Afisa Migodi Mkazi ofisi ya Mahenge ameiomba tume ya madini kufuta leseni zisizofanya kazi ili wapewe wenye uhitaji ili waweze kuziendeleza. Kufuatia ombi hilo, Mwenyekiti wa tume amesema jukumu la kuzifuta leseni hizo ni la kwake pamoja na Afisa Madini Mkazi Morogoro na halina mjadala kwakuwa muongozo wa utekeleza wa suala hilo ulishatolewa na waziri wa Madini.

“Suala la leseni zisizofanya kazi sio la kujadili, hili ni agizo la Waziri na kazi yetu ni kutekeleza na wenye kuzifuta ni ninyi, fuateni taratibu uliowekwa kwa mujibu wa sheria katika kuzifuta na sio kuzifuta lazima wote waliozishikilia leseni hizo kwa muda wote walipe fidia na wasipo fanya hivyo taratibu za kisheria zifuatwe kwani katika kipindi hicho chote serikali imekosa mapato yake. Kuanzia leo pitieni leseni zote na ifikapo Juni 30 mwaka huu leseni zote zisizo hai ziwe zimefutwa”, amesema Prof. Kikula.

Wakati huo huo, mwenyekiti wa tume amekutana na kuzungumza mwakilishi wa mwekezaji wa kampuni ya TanzGraphite (T) Ltd ambae ni Meneja Uhusiano wa Jamii na kuzungumzia kuhusu mgogoro uliopo baina ya mwekezaji huyo na baadhi ya wananchi wanaotakiwa kufanyiwa tathimini ili kupisha shuguli za uchimbaji wa madini katika eneo hilo.

Prof. Kikula ameonyesha kusikitishwa na mgogoro huo ambao amesema ni wa muda mrefu sasa na unachelewesha maendeleo ya watu na kuikosesha serikali mapato.

Ameongeza kimsingi wananchi wanapaswa kuelewa kuwa “right surface” (haki ya kumiliki vitu vilivyo juu ya ardhi) inampa mwananchi haki  ya kulipwa fidia ya mali zilizo juu ya ardhi anayo miliki lakini watambue kuwa kuna “resource right” (haki ya kumiliki raslimali zilizo chini ya ardhi) ikiwemo madini ambayo mmiliki wake ni serikali, ndio maana inapohitaji raslimali hizo humuondoa na kumfidia mliliki wa mali za juu ya ardhi, hivyo wananchi wanapo ng’ang’ania wanatakiwa walitambue hilo.

Pia, amesema kuwa, kwa mpango ulioanishwa na mwekezaji huyo unaonyesha manufaa kwa wananchi kupitia miradi ya maendeleo (CSR) ambapo amebainisha kuwa mwekezaji ameahidi kuwalipa fidia, kuwajengea nyumba za kisasa wale wote walio ndani ya eneo.

Mambo mengine ni pamoja na kuwapatia chakula kwa muda wa miaka miwili wakiwa kwenye makazi mapya watakayo jengewa na kila kaya kusomesha mtoto mmoja kwenye vyuo vya veta na wakihitimu wataajiriwa na mgodi ili waweze kupata kipato cha kusaidia na kuendeleza kaya zao.

Kamishna wa Tume ya Madini Dkt. Athanas Macheyeki kushoto akizungumza jambo na Mwenyekiti wa Tume ya Madini Prof. Idris Kikula mara baada ya kuzunguka na kukagua eneo la wachimbaji lililopo Iponka eneo ambalo awali lilifungiwa kufanya shuguli za uchimbaji.

Pamoja na hayo, mwekezaji huyo amemweleza mwenyekiti wa tume kuwa tayari wameshakubaliana kujengaa kituo cha afya, matundu ya vyoo kwa baadhi ya shule, kujenga shule na ukarabati wa vyumba vya madarasa katika shule mbalimbali. Hata hivyo hakusita kuonyesha kusikitishwa kwake na watu wachache wanaogoma kuondoka kupisha shuguli za uchimbaji huku kila kitu ikiwemo mtaji wa shuguli hizo ukiwa tayari.

Katika mgogoro huo, kaya 347 zinatakiwa kuondoka kupisha mwekezaji huyo na kati ya hizo kaya 62 ndio zinazo goma kuondoka ili mwekezaji aanze kazi ya uchimbaji. Mwenyekiti amesikitishwa na hali hiyo na na kuuomba uongozi wa mkoa na wilaya kuzungumza na kaya hizo sambamba na Baba Askofu aliyeko ndani ya eneo hilo ili mradi huo uanze kwani ni wa muda mrefu na serikali inakosa mapato.

Amesema kwa sasa anaziachia juhudi za serikali ya mkoa na wilaya katika kuupatia ufumbuzi mgogoro huo.

Mapema mwenyekiti alikutana na kufanya mazungumzo na Mkuu wa Wilaya ya Ulanga Ngolo Malenya ambapo amemshukuru kwa ushirikiano anao utoa kwa viongozi na wafanyakazi wa tume ya madini wilaya ya Ulanga.

Amesisitiza suala la uadilifu kwa wafanyakazi wa tume na amesema hilo litakuwa jambo la kwanza kulisema kila aendapo sambamba na ukusanyaji wa maduhuli ya serikali.  Aidha, amesema kipimo kikubwa cha kila mkuu wa kituo cha tume ya madini kitakuwa ni ukusanyaji wa maduhuli ambapo katika Mwaka wa Fedha 2018/2019 tume ilipangiwa kukusanya Bilioni 310 na mwaka wa fedha ujao tume imepangiwa kukusanya Bilioni 467.

Upande wake, Kamishna wa tume hiyo Dkt. Athanas Macheyeki amewakumbusha na kuwasisitiza watumishi wa tume na wachimbaji wa madini kuhakikisha wanasimamia ukusanyaji na ulipaji wa tozo na stahiki zote za serikali kwa wakati.

Amesema kwa kufanya hivyo raslimali za madini zitakuwa na tija kwa taifa kama anavyo sisitiza Rais John Pombe Magufuli kuwa anataka raslimali za madini ziwanufaishe watanzania wote na namna za kuwanufaisha ni kulipa stahiki za serikali zinazo tokana na madini ili zikatumike kujenga uchumi wa taifa.

Prof. Kikula na Dkt. Macheyeki wanaendelea na ziara yao mkoani Morogoro kukagua shuguli za Tume katika Wilaya mbalimbali ambapo leo walitembelea eneo la wachimbaaji wadogo ipanko wilayani ulanga.

Read more

Kufuatia ziara ya Naibu Waziri wa Madini, Mwakitolyo Wananchi watakiwa kumpisha mwekezaji kuchimba dhahabu

Na Greyson Mwase, Shinyanga

Naibu Waziri wa Madini, Stanslaus Nyongo amewataka wananchi wa kijiji cha Mwakitolyo kilichopo Wilayani Shinyanga Vijijini Mkoani Shinyanga kumpisha mwekezaji  ambaye ni  mgodi wa uchimbaji wa kati wa madini ya dhahabu wa kampuni ya  Hanan Afro Asia Geo Engineering (T) Limited kutoka China  kuendelea na maandalizi ya uchimbaji wa madini ya dhahabu, kwa kuwa ndiye aliyewekeza katika kijiji husika kwa kufuata sheria na kanuni zake.

Kutoka kushoto mbele, Kaimu Mkuu wa Mkoa wa Shinyanga, Jasinta Mboneko na Naibu Waziri wa Madini, Stanslaus Nyongo wakinukuu kero mbalimbali zilizokuwa zinawasilishwa na wananchi wa kijiji cha Mwakitolyo kilichopo Wilayani Shinyanga Vijijini mkoani Shinyanga (hawapo pichani) kwenye mkutano wa hadhara.

Naibu Waziri Nyongo ametoa agizo hilo mapema leo tarehe 03 Aprili, 2019 katika mkutano wake wa hadhara na wananchi wa kijiji hicho ikiwa ni sehemu ya ziara yake katika mkoa wa Shinyanga yenye lengo la kukagua shughuli za uchimbaji na uchenjuaji wa madini, kusikiliza na kutatua kero za wachimbaji wa madini.

Katika ziara yake Naibu Waziri Nyongo aliambatana na Kaimu Mkuu wa Mkoa wa Shinyanga, Jasinta Mboneko, Kaimu Afisa Madini Mkazi wa Mkoa wa Shinyanga, Hamis Kamando, Mkurugenzi wa Halmashauri ya Wilaya ya Shinyanga, Hoja Mahiba, Mbunge wa Jimbo la Solwa, Ahmed Salum, wawakilishi wa vyombo vya ulinzi na usalama vya mkoa, wataalam kutoka Wizara ya Madini, Tume ya Madini pamoja na waandishi wa habari.

Alisema kuwa, kumekuwepo na mgogoro wa muda mrefu kati ya wananchi wa kijiji cha Mwakitolyo na mwekezaji kutoka nchini China ambaye ni  kampuni ya Henan Afro-Asia Geo Engineering Co. Limited ambapo malalamiko yaliwasilishwa kwa Rais wa Jamhuri ya Muungano wa Tanzania, Dk. John Pombe Magufuli katika ziara yake aliyoifanya Wilayani Kahama Machi 10, 2018 ambapo alielezwa kuhusu unyanyasaji  uliofanywa wakati wa zoezi la uthamini na ulipaji wa fidia kwenye maeneo hayo kwa ajili ya kupisha uanzishwaji wa mgodi wa uchimbaji wa kati wa madini ya dhahabu.

Aliendelea kusema kuwa katika kutekeleza agizo la Rais Magufuli Machi 11, 2018 aliyekuwa Naibu Waziri wa Madini, Doto Biteko alitembelea eneo la Mwakitolyo linalolalamikiwa kwa lengo la kufanya mkutano na kusikiliza malalamiko ya wananchi ambapo baada ya kusikiliza malalamiko hayo aliahidi kwenda kufanyia kazi malalamiko yao na kuwapa mrejesho.

Aliendelea kueleza kuwa, iliundwa timu maalum kwa ajili ya kufanya uchunguzi kulingana na hadidu rejea iliyokuwa imepewa ambayo iliitaka timu kukutana na viongozi kuanzia ngazi ya mkoa hadi wilaya, kuainisha majina ya wananchi waliolipwa na ambao hawajalipwa fidia, vigezo vilivyotumika wakati wa uthaminishaji na ulipaji wa fidia pamoja na mapendekezo mbalimbali.

Mmoja wa wananchi wa kijiji cha Mwakitolyo kilichopo Wilayani Shinyanga Vijijini mkoani Shinyanga akiwasilisha kero yake kwa Naibu Waziri wa Madini, Stanslaus Nyongo (hayupo pichani) kwenye mkutano wa hadhara.

Nyongo aliendelea kufafanua kuwa, mara baada ya timu kumaliza kazi yake, ilibainika kuwa mwekezaji alilipa kiasi cha shilingi bilioni 1.63  kama fidia kwa wananchi waliokuwa katika eneo husika hivyo zoezi kukamilika kwa asilimia 99.6.

Alisisitiza kuwa pamoja na wananchi takribani 375 kulipwa fidia bado ilionekana kuwa wananchi wengi waliolipwa fidia sio wanakijiji wa Mwakitolyo na kuongeza kuwa wananchi 40 tu ndio walioonekana wamiliki halali wa mashamba pamoja na makazi.

Katika hatua nyingine Naibu Waziri Nyongo aliitaka Ofisi ya Halmashauri ya Wilaya ya Shinyanga kuharakisha upatikanaji wa maeneo mapya kwa ajili ya wanananchi 40 ambao ni wamiliki halali wa makazi na mashamba katika kijiji cha Mwakitolyo ili mwekezaji aweze kuanza shughuli za uchimbaji mara moja.

Aidha, Naibu Waziri Nyongo alimtaka Mkurugenzi wa Kampuni ya Henan Afro-Asia Geo Engineering Co. Limited kuhakikisha anadumisha mahusiano na wananchi wa kijiji cha Mwakitolyo na kumtaka kuhakikisha anashiriki katika uboreshaji wa huduma za jamii kama vile afya, elimu, barabara kama Sheria ya Madini pamoja na kanuni zake inavyofafanua.

Wakati huo huo Nyongo aliwataka wananchi kumpa ushirikiano mwekezaji ili kufaidi matunda ya uwekezaji  kwenye kijiji chao ikiwa ni pamoja na ajira kwa wazawa, utoaji wa huduma za vyakula, biashara, huduma za jamii hivyo kupaisha uchumi wa kijiji hicho.

Aliendelea kusema kuwa, madini ni mali ya watanzania wote, hivyo baada ya uwekezaji kuanza kampuni hiyo italipa kodi mbalimbali kwenye halmashauri na Serikali kuu hivyo kuboresha sekta nyingine kama vile miundombinu, afya, elimu n.k.

Naye Mbunge wa Solwa, Ahmed Salum akizungumza katika mkutano huo mbali na kumpongeza Naibu Waziri Nyongo kwa kutatua mgogoro huo, aliwataka wananchi kufanya kazi kwa bidii huku wakilinda amani ya nchi.

Naye Mkurugenzi wa Kampuni ya Henan Afro-Asia Geo Engineering Co. Limited, Zhang Jiangho mbali na kuishukuru Serikali kupitia Wizara ya Madini kwa kutatua mgogoro huo  uliodumu kwa muda mrefu, aliahidi kushirikiana na wananchi wa kijiji cha Mwakitolyo kwa kuboresha  huduma za jamii na kulipa kodi na tozo mbalimbali za Serikali.

Read more

Mwenyekiti wa Tume asikitishwa na ukosefu wa uadilifu kwa Watumishi wa Tume ya Madini

Na Issa Mtuwa, Morogoro

Mwenyekiti wa Tume ya Madini Prof. Idris Kikula amekerwa na kukasirishwa na ukosefu wa uadilifu kwa wafanyakazi wa Tume ya Madini katika baadhi ya Ofisi na kueleza kuwa, suala hilo halitavumilika kwa wanaokwenda kinyume na maadili ya kazi.

Mwenyekiti wa Tume ya Madini Prof. Idris Kikula akiongea na wafanyakazi wa Tume ya Madini kwenye ukumbi wa mikutano katika ofisi za Tume hiyo mkoani Morogoro. Kulia kwake ni Kamishna wa Tume hiyo Dkt. Athanas Macheyeki

Akizungumza na wafanyakazi wa Tume ya Madini Mkoa wa Morogoro katika siku ya kwanza ya ziara yake aliyoianza Aprili 8, 2019, Prof. Kikula amewaeleza wafanyakazi wa ofisi hiyo kuwa, yeye na viongozi wenzake wa tume wamekerwa na kusononeshwa na vitendo vya ukosefu wa uadilifu vinavyofanywa na baadhi ya wafanyakazi wa Tume ya Madini.

Ametolea mfano wa kitendo kilichofanywa na wanafanyakazi wa Tume hiyo wilayani Chunya ambapo watumishi wote wa kituo hicho wamesimamishwa kazi na Waziri wa Madini Doto Biteko kutokana na kukosa uadilifu na kutoa taarifa isiyo sahihi kwenye takwimu za madini.

“Kuna udanganyifu mkubwa unaofanywa na wachenjuaji madini, na udanganyifu huo unachochewa na watumishi wa Tume. Angalia mfano pale Chunya, wale wachenjuaji wamedanganya lakini ukifuatilia utagundua wafanyakazi wa tume wanahusika na huo udanganyifu, na ndio maana hata Waziri wa Madini aliamua kuchukua hatua ya kuwasimamisha kazi wafanyakazi wote wa kituo kile,” amesema Prof. Kikula.

Kufuatia hali hiyo, Prof. amekemea vitendo hivyo na kueleza kuwa, suala la uadilifu ni muhimu katika kazi za watumishi wa tume na kueleza kuwa, pamoja na kuwepo vishawishi vingi katika sekta ya madini, lakini wanapaswa kukumbuka kuwa kazi ni muhimu kwao na familia zao.

“Mimi na wenzangu tunaumizwa moyoni tunapoona wafanyakazi wa Tume wanakutwa na hatia ya ukosefu wa uadilifu inatusikitisha sana, sana”, amesisitiza Prof. Kikula.

Kaimu Afisa Madini Mkazi Morogoro Mhandisi Emmanuel Shija akisoma taarifa ya utekelezaji wa shuguli mbalimbali za Tume hiyo kwa mkoa wa Morogoro kwa mbele ya Mwenyekiti wa Tume ya Madini Prfo. Kikula.

Akitolea ufafanuzi kuhusu masuala mbalimbali yaliyowasilishwa na Kaimu Afisa Madini Mkazi, Prof. Kikula amewapongeza watumishi wote wa kituo cha madini Morogoro kwa kazi nzuri ya kusimamia ukusanyaji wa maduhuli na kuwaomba kuongeza bidii ili wafikie malengo waliyojiwekea.

Kuhusu masuala ya leseni, Prof. Kikula amemuagiza Kaimu Afisa Madini Mkazi kufuatilia leseni zote zilizopo na kubainisha leseni ambazo sio hai na kuzifuta kwa mujibu wa sheria. Aidha, amekumbusha kuhusu kufuata utaratibu halali uliowekwa kwa mujibu wa sheria katika hatua za ufutaji wa leseni hizo na kusema “asimuogope mtu lakini pia asimuonee mtu katika hatua hiyo ya ufutaji wa lesini zisizo hai”.

Aidha, Prof. Kikula amekiri kuwepo kwa changamoto na kuwataka watumishi hao kuwa na subira na kuongeza kuwa, Tume imepanga kununua magari 34 ambayo yatasambazwa katika mikoa yote ili kuongeza tija. Prof. Kikula amezungumza hayo baada ya kuwasilishwa kwa taarifa ya ofisi hiyo ambayo ilieleza kuwepo kwa changamoto kadhaa.

Kwa upande wake, Kaimu Afisa Madini Mkazi Morogoro Mhandisi Emmanuel Shija akisoma taarifa ya ofisi hiyo, pamoja na mambo mengine, amemweleza Mwenyekiti wa Tume masuala kadhaa yanayosimamiwa na ofisi hiyo ikiwemo uanzishwaji wa soko la Madini, ufutaji wa lesseni za uchimbaji kwa wamiliki wanaoshindwa kutimiza vigezo vya leseni zao, ukusanyaji wa maduhuli na changa moto zinazo wakabili katika kutekeleza majukumu yao.

Mhandisi Shija amesema, pamoja na changamoto zilipo, ofisi hiyo inafanya jitihada za kusimamia ukusanyaji wa maduhuli ambapo mpaka sasa imefikia asilimia 53 ya lengo na kwamba, inategemea kufikia malengo ya ukusanyaji waliyojiwekea.

Mwenyekiti wa Tume ya Madini Prof. Idris Kikula akitolea ufafanuzi masuala mbalimbali yaliyo wasilishwa na Kaimu Afisa Madini Mkazi Morogoro wakati wa kikao chake na wafanyakazi wa Tume ya Madini alipotembelea kwa ziara ya kikazi. Kulia kwake ni Kamishna wa Tume hiyo Dkt. Athanas Macheyeki na kushoto ni Mhandisi Emmanuel Shija Kaimu Afisa Madini Mkazi Morogoro.

Naye, Kamishna wa Tume ya Madini Dkt. Athanas Macheyeki ambaye amembatana na Mwenyekiti wa Tume, amewapongeza kwa ukusanyaji mzuri wa maduhuli na kuwataka kujiwekea muda wa utekelezaji wa malengo ili waweze kujipima vizuri.

“Unapojiwekea muda wa utekelezaji unakufanya uongeze bidii pindi unapoona uko nyuma ya muda ya utekelezaji wa lengo hivyo ni muhimu wa kulizingatia hilo,”amesema Dkt. Macheyeki.

Prof. Kikula na Dkt. Macheyeki wako mkoani Morogoro kwa ziara ya kikazi kukagua utekelezaji wa shuguli za Tume katika Wilaya mbalimbali zinazofanya shuguli za madini sambamba na kutatua kero za wachimbaji na wadau wa madini, mkoani humo.

Read more

Waziri Biteko akutana na kufanya mazungumzo na Wadau mbalimbali

Na Issa Mtuwa, Dodoma

Waziri wa Madini Doto Biteko amekutana na kufanya mazungumzo kwa nyakati tofauti na makundi mbalimbali ya wadau wa madini    Aprili 3, 2019, Ofisini kwake Jijini Dodoma.

Miongoni mwa aliokutana nao ni pamoja na Kampuni ya MAGAL Security System inayojihusisha na ufungaji wa mitambo ya usalama (security system) katika maeneo mbalimbali yakiwemo ya migodini.

Waziri Doto Biteko akitoa ufafanuzi wa mambo mbalimbali kwa Michael Gur Arie, Mkurugenzi wa Biashara na Uendelezaji wa Masoko wa Kampuni ya MAGUL Security System wa kwanza kushoto kwa Waziri alie ambatana na Idan Segev wa kwanza kulia walipo mtembelea ofisini kwake Jijini Dodoma kwa mazungumzo

Mkurugenzi wa Biashara na Uendelezaji wa Masoko wa kampuni hiyo, Michael Gur Arie, amemweleza Waziri kuwa, kampuni yake inataka kufanya kazi na Wizara ya madini katika masuala ya ufungaji wa mitambo ya usalama kwenye migodi hususani Mirerani.

Amesema kuwa, kampuni hiyo ina uwezo wa kufunga mitambo Mirerani na wizara ikawa na uwezo wa kufuatilia kinacho fanyika kwenye eneo lote la mgodi huku shughuli nyingine za ofisi zikiendelea.

Akizungumza katika kikao hicho, Waziri Biteko ameishukuru kampuni ya MAGAL kwa kumtembelea na kuzungumza nae kuhusu suala la usalama hususani Mirerani. Amesema suala la usalama mirerani linapewa kipaumbele na uzito mkubwa katika kulinda raslimali hiyo ili iwanufaishe Watanzania wote.

Ameongeza kuwa, serikali imelipa kipaumbele suala la usalama katika eneo la Mirerani na Wizara imekuwa na mpango wa awamu mbili katika kutekeleza suala hilo. Amesema, Awamu ya kwanza ilikuwa ni kujenga ukuta kuzunguka eneo lote la migodi ya Mirerani na kufunga kamera na awamu ya pili inasubiri ushauri wa namna ya kutekeleza huku utekelezaaji wake ukitarajiwa kutafanyika baada ya kupitishwa kwa Bajeti ya Wizara kwa Mwaka wa Fedha 2019/2020 na Bunge la Jamuhuri ya Muungano wa Tanzania.

Pia, waziri Biteko amekutana na Viongozi wa Shirikisho la Wachimbaji Wadogo Nchini (FEMATA) wakiongozwa na Rais wa Shirikisho hilo, John Bina.

Bina na ujumbe wake wamemtembelea Waziri Biteko kwa lengo la kukutana na kuzungumzia masuala mbalimbali yanayohusu shirikisho hilo ukizingatia kwamba, tangu ateuliwe kushika wadhifa huo hawajawahi kukutana na kufanya mazungumzo rasmi zaidi ya kukutana kwenye ziara mbalimbali.

Pamoja na mambo mengine, Bina amemweleza Waziri kuwa, Shirikisho lina laani vikali tukio la udanganyifu uliotokea hivi majuzi huko Chunya na kuongeza kwamba, FEMATA haikubaliana na udanganyifu unaofanywa na wachimbaji kwa kushirikiana na baadhi watendaji wa serikali waliopewa dhamana na kwamba halipo tayari kuwalinda wala kuwateteta.

Pia, Bina amezungumzia kuhusu Mgodi wa Buhemba uliofungwa na serikali akimuomba waziri kuufugua mgodi huo kwani  wanachi wengi walio katika eneo hilo wanategemea maisha yao  kutokana na uwepo wa mgodi huo.

Waziri Doto Biteko akimsikiliza Rais wa Shirikisho la Wachimbaji nchini (FEMATA), John Bina kulia wakati wa mazungumzo yao ofisini kwake Dodoma. Kushoto ni Mtendaji mkuu wa Shrikisho hilo amabe pia ni Kamishna wa Tume ya Madini Haroun Kinega.

Aidha, amemwomba Waziri maeneo mbalimbali yanayochukuliwa na serikali, afikirie kuwapatia wawekezaji wazawa ili wayaendeleze kwa  shughuli za uchimbaji. Bina ameongeza kuwa, FEMATA ina mpango wa kuanzisha Benki ya Wachimbaji (Miners Bank) kwa ajili ya kuwahudumia wachimbaji nchini.

Kwa upande wake, Waziri Biteko amemshukuru Rais wa FEMATA na ujumbe wake kwa kumtembelea. Amesema FEMATA na Wizara ya Madini huwezi kutenganisha kwa kupiga mstari kwa kuwa watu wa FEMATA ndio wadau wa wizara na kwamba hawajawahi kutofautiana na  kuomba ushirikiano huo uendelee.

Vilevile, Biteko amewashukuru FEMATA kwa kuunga mkono na kulaani kitendo cha udanganyifu uliofanywa na wachimbaji kwa kushirikiana na watendaji wa wizara huko Chunya kwa kutoa taarifa za uongo kuhusu uzalishaji wa madini.

Kuhusu kufunguliwa kwa mgodi wa Buhemba, Biteko amesema Wizara ina thamini maisha ya watu kuliko shuguli za uchimbaji na kuongeza kwamba hivi sasa kuna timu ya wataalamu ambao wamekwenda  Buhemba kufuatilia utekelezaji wa  waliyokubaliana katika kikao cha tarehe  6 Machi, 2019, na ripoti  hiyo inategemewa kuwa mwongozo wa iwapo mgodi huo ufunguliwe au ufungwe.

Akizungumzia kuhusu uanzishwaji wa Benki ya Wachimbaji amesema ni jambo zuri na kushauri kuanza na SACCOS ili kupima imani ya uaminifu wa wanchama wake katika kurejesha amana watakazo kuwa wanakopa.

Waziri Biteko amewahakikishia FEMATA kuwa wizara yake itaendelea kutoa ushirikiano mkubwa katika kutekeleza majukumu yake.

Read more

Waziri wa Madini Uganda afurahishwa na usimamizi wa sekta ya madini Nchini

Na Greyson Mwase, Geita

Waziri wa Madini Nchini Uganda, Peter Lokeris ames     ema kuwa amefurahishwa na usimamizi wa sekta ya madini nchini Tanzania na kusisitiza kuwa Uganda bado itaendelea kutuma wataalam wake pamoja na wachimbaji wadogo wa madini nchini Tanzania kwa ajili ya kujifunza namna bora ya uchimbaji na uchenjuaji wa madini.

Mkurugenzi wa kampuni ya Tan-Discover Mineral Consultancy Co. Ltd, Peter Kaheshi (kushoto) akitoa ufafanuzi kwa Waziri wa Madini Nchini Uganda, Peter Lokeris (kulia) mara baada ya yeye pamoja na ujumbe wake kufanya ziara katika kituo cha mfano cha Rwamgaza kwa ajili ya kutoa mafunzo ya namna bora ya uchimbaji na uchenjuaji wa madini kilichopo katika eneo la Rwamgaza Wilayani Geita Mkoani Geita.

Lokeris aliyasema hayo jana tarehe 02 Aprili, 2019 mara baada ya kutembelea migodi ya wachimbaji wadogo na wa kati ya madini iliyopo Wilayani Geita Mkoani Geita, ikiwa ni sehemu ya ziara yake ya siku nne nchini Tanzania yenye lengo la kujifunza namna Tanzania ilivyofanikiwa katika Sekta ya Madini kupitia Wizara ya Madini hususan katika kuwasaidia wachimbaji wadogo wa madini.

Akiwa ameongozana na  ujumbe wa maafisa waandamizi kutoka Serikali ya Uganda pamoja na wawakilishi wa wachimbaji wadogo aliwasili mkoani Geita na kupokelewa na Kaimu Mkuu wa Mkoa wa Geita ambaye pia ni Mkuu wa Wilaya ya Geita pamoja na Naibu Waziri wa Madini Nchini Tanzania, Stanslaus Nyongo.

Ziara hiyo pia ilihusisha wataalam kutoka Wizara ya Madini. Tume ya Madini, vyombo vya ulinzi na usalama vya mkoa pamoja na waandishi wa habari.

Akielezea hali iliyopelekea nchi ya Uganda kuichagua nchi ya Tanzania kama sehemu ya kujifunza kuhusu Sekta ya Madini, Lokeris alisema kuwa, baada ya kutanya  utafiti katika nchi za Aftika Mashariki, walibaini kuwa nchi ya Tanzania ni nchi iliyopiga hatua kubwa kwenye usimamizi wa sheria na kanuni za madini hali iliyopelekea wananchi wengi kunufaika nayo hususan wachimbaji wadogo wa madini.

Aliendelea kusema kuwa, Sekta ya Madini Nchini Uganda ndio inaanza kukua, hivyo wameona ni vyema kuja Tanzania  kwa ajili ya kujifunza na kwenda kuimarisha Sekta ya  Madini ili baada ya miaka kadhaa angalau iwe inakaribiana na nchi ya Tanzania.

Akielezea mikakati ya matumizi ya uzoefu mkubwa ujumbe huo ilioupata kutoka kwa nchi ya Tanzania, Waziri Lokeris alisema hatua ya kwanza itakayofanywa na Serikali ya Uganda kupitia Wizara yake ya  Madini ni kuhamasisha wachimbaji wadogo wa madini kuunda vikundi na kuwapatia leseni.

Aliongeza kuwa, mara baada ya kuwapatia leseni hatua itakayofuata itakuwa ni kuwaleta Tanzania kwa ajili ya mafunzo ambapo watajifunza kupitia wachimbaji wadogo wa madini wa Tanzania waliofanikiwa kwenye shugfhuli za uchimbaji na uchenjuaji wa madini.

Afisa Migodi Mkazi wa Mkoa wa Geita, Ernest Maganga (kulia) akielezea namna biashara ya madini inavyofanyika kwenye Soko la Madini la Geita kwa Waziri wa Madini Nchini Uganda, Peter Lokeris (kushoto) na Waziri wa Madini Nchini Tanzania, Stanslaus Nyongo (katikati) pamoja na wajumbe kutoka Uganda na Tanzania kwenye ziara hiyo

Aliendelea kueleza kuwa, nia ya Serikali ya Uganda kupitia Wizara yake ya Madini ni kuhakikisha sekta hiyo inakua kwa kasi na kuanza kuzalisha dhahabu na kuuza nyingine nje ya nchi na kujipatia mapato makubwa.

“Tumefurahishwa na usimamizi mzuri kwenye sekta ya madini hususan kwenye eneo la uwezeshaji wa wachimbaji wadogo, tumeona namna wanavyochenjua madini huku wakizingatia sheria na kanuni za mazingira,”alisisitiza Waziri Lokeris.

Naye Naibu Waziri wa Madini Nchini Tanzania, Stanslaus Nyongo akielezea mafanikio ya sekta ya madini nchini alieleza kuwa, mafaniko yaliyopatikana ni pamoja na uboreshaji wa sheria mpya ya madini pamoja na kanuni zake inayotambua madini kama mali ya watanzania na kusisitiza kuwa wachimbaji wadogo wamekuwa wanufaika kwa kiasi kikubwa.

Aliongeza kuwa, Serikali kupitia Wizara ya Madini imeondoa tozo mbalimbali zisizo za lazima hali iliyopelekea wachimbaji wadogo kuzalisha madini kwa gharama nafuu na kulipa kodi na tozo mbalimbali serikalini.

Alieleza mafanikio mengine kuwa ni pamoja na uanzishwaji wa masoko nchini kama njia mojawapo ya kudhibiti utoroshwaji wa madini kwa kuhakikisha wachimbaji wa madini wanakuwa na soko la uhakika la kuuzia madini yao kwa bei yenye faida.

Naye mmiliki wa mgodi wa  dhahabu wa Blue Reef uliopo katika eneo la Rwamgaza Wilayani Geita mkoani Geita ambaye pia ni Mwenyekiti wa Chama Cha Wachimbaji wa Madini Mkoa wa Geita (GEREMA), Christopher Kadeo akizungumza na  ujumbe huo uliofanya ziara kwenye mgodi wake akielezea mchango  wa mgodi wake katika jamii iliyopo jirani alisema mgodi wake tangu ulipoanzishwa mwaka 1991 mpaka sasa umefanikiwa kuajiri watumishi  160 na vibarua takribani  200.

Alieleza mafanikio mengine kuwa ni pamoja na uboreshaji wa huduma za jamii kama vile afya, elimu, ulinzi kupitia ujenzi wa vituo vya polisi na kusisitiza kuwa mgodi umekuwa ukishirikiana kwa karibu zaidi na Tasisi nyingine za Serikali kama vile Shirika la Madini la Taifa (STAMICO), Chuo cha Madini Dodoma (MRI), Chuo Cha Ufundi Dar es Salaam (DIT), Wizara ya Madini, Tume ya Madini na mashirika mengine ya kimataifa.

Aidha, aliongeza kuwa mgodi wake umewahi kupewa tuzo ya utunzaji bora wa mazingira na Rais wa Awamu ya Tatu ya Serikali ya Jamhuri ya Muungano wa Tanzania, Benjamin Mkapa.

Akielezea mikakati ya mgodi wake kwenye shughuli za uchimbaji wa madini  alisema mgodi wake unatarajia kufanya utafiti zaidi ili kugundua madini zaidi na kuunganisha leseni zake tano unazomiliki na kutoka kwenye uchimbaji wa kati hadi mkubwa.

Read more

Waziri Biteko awasimamisha kazi Maafisa Madini Ofisi ya Madini Chunya

Na Tito Mselem, Chunya 

Waziri wa Madini Doto Biteko amewasimamisha kazi Maafisa Madini wote wa Ofisi ya Madini Chunya Mkoani Mbeya na kuteua Wajiolojia watakaokaimu nafasi hizo wakati wizara ikitafuta Maafisa wengine waaminifu watakaofanya kazi hizo.

Hatua hiyo imekuja baada ya kugundua wizi mkubwa wa madini ya dhahabu unaofanywa na maafisa hao wakishilikiana na wamiliki wa kampuni ya uchenjuaji wa dhahabu.

Baadhi ya Viongozi waandamizi wa Wizara ya Madini na Viongozi wengine wa Wilaya ya Chunya wakisikiliza maelezo ya namna wizi unavyofanyika katika mitambo ya kuchenjua dhahabu.

Akizungumza katika mkutano na wachimbaji wadogo wadogo pamoja na wamiliki wa makampuni ya uchenjuaji wa dhahabu Waziri Biteko, amesema udanganyifu unaofanywa na Maafisa hao wa Madini pamoja wenye  kampuni hizo za uchenjuaji ni mkubwa na  hahuitaji msamaha hata kidogo.

“Mimi kama Waziri mwenye dhamana katika sekta hii ya Madini ninawapenda sana wachimbaji ila nasikitika sana kwa wachimbaji na wenye makampuni ya uchenjuaji kutokuwa waaminifu,” amesisitiza Waziri Biteko.

Ameongeza kuwa, Maafisa wa madini hao ndiyo wanaotoa mianya ya wizi wa dhahabu unaofanyika kwenye kampuni zaa uchenjuaji wa dhahabu  wilayani humo.

Aidha, katika ziara hiyo Biteko ameifunga kampuni ya   Ntorah Gold Company Ltd inayohusika na uchenjuaji wa dhahabu wilayani  humo baada ya kutoa taarifa za udanganyifu kwa serikali.

Pia, Waziri Biteko ameongeza kwamba, Wilaya ya  Chunya ndiyo sehemu pekee Tanzania inayoongoza kwa wizi wa dhahabu na kutoa taarifa za uongo za kampuni za uchenjuaji wa dhahabu ikifuatiwa na wilaya ya Kahama iliyopo Mkoani Shinyanga.

Kwa upande wake, Katibu Mkuu wa Wizara ya Madini Prof. Simon Msanjla, amesema serikali imeondoa kodi zote kwa wachimbaji wadogo zilizokuwa zikilalamikiwa na wachimbaji pamoja na kampuni za uchenjuaji wa dhahabu lakini bado wizi unafanyika tena kwa kiwango kikubwa.

Naye, Mkuu wa Mkoa wa Mbeya Albert Chalamila amikiri kwamba hana elimu ya madini hivyo imekuwa vigumu kwake kudhibiti wizi huo   lakini anaamini wizi na udanganyifu upo tena kwa kiwango kikubwa.

“kiukweli sina elimu ya madini hasa kwenye upande wa uchenjuaji wa dhahabu, naamini kuna wizi mkubwa wa madini haya ya dhahabu na taarifa zisizo na ukweli”amesema  Chalamila.

Read more

KfW IPEX-Bank Mandated for Epanko Graphite Project

Kibaran Resources Limited (ASX:KNL) is pleased to report that it has signed a new agreement with German KfW IPEX-Bank for debt funding of the Epanko Graphite Project.

The agreement reappoints KfW IPEX-Bank to arrange senior debt funding for the Epanko Graphite Project in Tanzania (“Epanko” or the “Project”) after a hiatus of 18 months, during which many discussions have been held with the Tanzanian Ministry of Minerals, Mining Commission and the Bank of Tanzania concerning the regulatory changes introduced in July 2017 that have impacted on mineral project debt financings in the country, and is a reflection of the improved investment outlook in Tanzania.

As recently reported (refer ASX announcement Tanzania and Germany to Forge Closer Economic Relationship on 26 March 2019) the mining investment climate in Tanzania continues to improve and there is increasing confidence among international banks that the remaining regulatory aspects impeding new mine financing arrangements will be satisfactorily resolved.

Epanko is development ready with the Company having invested over $35 million to date in order to prepare the Project for construction and operation, including:

  • Completion of a bankable feasibility study;
  • Exhaustive due diligence by KfW IPEX-Bank appointed Independent Technical Engineers SRK Consulting on all technical and financial aspects of the Project as well as social, environmental and safety aspects to IFC Performance Standards and World Bank Group Environmental, Health and Safety Guidelines;
  • Sales and offtake agreements for graphite production in Germany with ThyssenKrupp and EGT and in Asia with Japanese group Sojitz Corporation; and
  • Mining Licence and environmental approvals in place.

>>Read More>>

 

Read more

Wizara itaendelea kuanzisha masoko ya madini-Biteko

Imeelezwa kuwa, Wizara ya Madini itaendelea kusimamia Uanzishwaji wa Masoko ya Madini katika maeneo mbalimbali nchini huku ikiendelea kufanya marekebisho ya Kanuni za Uanzishwaji wa masoko hayo.

Waziri wa Madini Doto Biteko ameysema hayo Machi 31, 2019 wakati akifunga Semina ya siku mbili iliyoandaliwa na wizara kwa Wabunge wa Kamati ya Kudumu ya Bunge ya Nishati na Madini pamoja na baadhi ya Wenyeviti wa Kamati zenye uhusiano na Sekta ya Madini.

Baadhi ya Wajumbe wa Kamati ya Kudumu ya Bunge ya Nishati na Madini na baadhi ya Wenyeviti wa Kamati nyingine wakifuatilia uwasilishaji wa mada uliotolewa na Wataalam kutoka Wizara ya Madini na Taasisi zake.

Semina hiyo ililenga kutoa elimu na kujenga uelewa wa pamoja kwa wabunge hao kuhusu sekta ya madini ambapo mada mbalimbali ziliwasilishwa.

Mada zilizowasilishwa ni pamoja na uanzishwaji wa masoko ya madini, mafanikio na changamoto ya Shirika la Madini la Taifa STAMICO), elimu kuhusu majanga ya asili (hasa matetemeko ya ardhi), ukaguzi migodini, biashara ya madini na shughuli zinazofanywa na Taasisi ya Uwazi na uwajibikaji katika Rasiimali za Madini, Mafuta na Gesi Asilia.

Waziri Biteko aliongeza kuwa, Wizara itaendelea kuwaelea wadau wa madini huku akiwataka kubadilika na kutenda matendo yenye manufaa kwa pande mbili na kuwaomba wabunge hao kushirikiana na serikali katika kutoa elimu kwa wadau wa madini ili waweze kuzingatia na kufuata taratibu zilizowekwa.

Pia, alisema serikali itaendelea kufanya kaguzi migodini kwa lengo la kuhakikisha wachimbaji wanachimba kwa usalama na kueleza kuwa, wizara imeomba kibali cha kuongeza maeneo mengine ya ukaguzi wa madini na kusema,“ tumepanga kuongeza vituo vingine 85”.

Aidha, alizungumzia maeneo yenye wizi wa dhahabu katika maeneo ya kuchanjua madini hayo na kuyataja kuwa ni Kahama na Chunya na kuwataka wahusika kuzingatia sheria.

Akizungumzia suala la kupunguza zaidi kodi kwa uchimbaji mdogo wa madini, alisema serikali haitapunguza tena kodi hizo kwa sasa mpaka hapo itakapoona manufaa yake.

Ikumbukwe kuwa, baada ya mkutano wa Kisekta uliofanyika Januari 22 mwaka huu chini ya Uenyekiti wa Rais wa Jamhuri ya Muungano wa Tanzania Dkt. John Magufuli na kuwashirikisha wadau mbalimbali wa madini baada ya wadau hao kuwasilisha kero zao kubwa ikiwa kodi, serikali ilifanya mabadiliko na kuondoa kodi kwenye uchimbaji mdogo wa madini kwa kuwafutia kodi ya ongezeko la thamani yaani VAT  (18%) na  kodi ya zuio( withholding tax).

Mbali na wajumbe wa kamati, wengine walioshiriki semina hiyo ni Wenyeviti wa Bodi za Taasisi zilizo chini ya Wizara pamoja na Watendaji na Wataalam kutoka wizara na taasisi zake.

Read more

Naibu Waziri Nyongo afunga mitambo yote ya kuchenjulia madini Kahama

Na Greyson Mwase, Kahama

Naibu Waziri wa Madini, Stanslaus Nyongo amefunga mitambo yote ya kuchenjulia madini ya dhahabu Wilayani Kahama baada ya kubaini udanganyifu mkubwa kwenye uchenjuaji wa madini.

Naibu Waziri Nyongo amechukua hatua hiyo kwenye ziara yake aliyoifanya mapema leo tarehe 31 Machi, 2019 Wilayani Kahama yenye lengo la kukagua shughuli za uchimbaji na uchenjuaji wa madini, kusikiliza na kutatua kero za wachimbaji wa madini.

Katika ziara hiyo, Naibu Waziri Nyongo aliambatana na Mkuu wa Wilaya ya Kahama, Anamringi Macha, Kamishna Msaidizi, Uendelezaji Migodi na Madini wa Wizara ya Madini,  Ali Saidi Ali, Kaimu Afisa Madini Mkazi wa Mkoa wa Kimadini wa Kahama, Andrea Fabian, wataalam kutoka Tume ya Madini, wawakilishi wa vyombo vya ulinzi na usalama pamoja na waandishi wa habari.

Akiwa katika ziara hiyo, alifanya ziara ya kushtukiza katika kampuni ya kuchenjua madini ya dhahabu ya Ng’ana Group inayomilikiwa na  Theogenes Zacharia pamoja na mwenzake aliyejulikana kwa jina la  Antidius na kubaini kampuni hiyo imekuwa ikiwaibia wateja wake kupitia mfumo wa uchenjuaji wa madini ya dhahabu.

Akiwa ameambatana na msafara wake mara baada ya kuwasili katika kampuni hiyo alioneshwa na wataalam kutoka Wizara ya Madini na Tume ya Madini waliopewa kazi maalum ya kuchunguza mfumo wa uchenjuaji wa dhahabu wa kampuni hiyo, sehemu ya mabomba ya mfumo iliyoharibiwa kwa makusudi kwa lengo la kunasa kiasi cha dhahabu kabla ya kufikishwa katika chombo maalum cha kupokelea kwa ajili ya mteja.

Kutoka kushoto Naibu Waziri wa Madini, Stanslaus Nyongo na Mkuu wa Wilaya ya Kahama, Anamringi Macha wakishuhudia kaboni ikichomwa ili kupata dhahabu katika kampuni ya kuchenjua madini ya dhahabu ya Ng’ana Group tarehe 31 Machi, 2019.

Alisema kuwa, kiasi cha kaboni iliyokuwa na dhahabu iliyokamatwa ilipelekwa kwa ajili ya kuchenjuliwa ili kubaini kiasi cha adhabu kilichokuwa kimeibiwa na kusisitiza kuwa baada ya kuchenjuliwa kiasi cha gramu 102 kiligundulika kutaka kuibwa.

Katika hatua nyingine mbali na kufunga mitambo ya kuchenjua madini ya dhahabu katika Wilaya ya Kahama, Naibu Waziri Nyongo alimwagiza Mkuu wa Wilaya ya Kahama, Anamringi Macha kwa kushirikiana na vyombo vya ulinzi na usalama vya Wilaya ya Kahama kuhakikisha watuhumiwa wote wa kampuni ya Ng’ana Group wanakamatwa na kufikishwa katika vyombo vya sheria.

Aidha, Naibu Waziri Nyongo alimwagiza Katibu Mkuu wa Wizara ya Madini, Profesa Simon Msanjila kumsimamisha kazi mara moja Kaimu Afisa Madini wa Mkoa wa Kimadini wa Kahama na uchunguzi kuanza mara moja.

Katika hatua nyingine, Nyongo alisema kuwa maafisa madini wa Ofisi ya Afisa Madini Mkazi wa Mkoa wa Kimadini wa Kahama wataanza kufungua mtambo mmoja mmoja wa kuchenjua madini ya dhahabu mara baada ya kujiridhisha na uendeshaji wake.

Awali akielezea siri ya wizi unaofanywa na kampuni ya  Ng’ana Group, mmoja wa wateja kutoka kampuni ya uchimbaji wa madini ya dhahabu ya  Joseph Magunila & Partners, aliyepeleka kaboni kwa ajili ya kuchenjuliwa ili kupata madini ya dhahabu, Wema Shibitali alisema kuwa, wakati zoezi la uchanjuaji likiendelea alishangaa kupata kiasi kidogo cha dhahabu tofauti na kaboni iliyokuwa imewekwa.

Alisimulia kuwa aliomba maafisa kutoka vyombo vya dola kufungua mfumo ili kubaini kama kuna madini yamebaki na kuongeza kuwa mara baada ya mfumo kufunguliwa walibaini kiasi kikubwa cha kaboni kilichokuwa kimebaki kwenye mfumo.

Aidha Shabitali aliishukuru Serikali kupitia Wizara ya Madini kwa kuwatetea wachimbaji wadogo kwa kuwa wamekuwa wakiibiwa na wachenjuaji wa madini ya dhahabu kwa muda mrefu.

Wakati huo huo akizungumza katika msafara huo, Mkuu wa Wilaya ya Kahama, Anamringi Macha mbali na kumpogeza Naibu Waziri Nyongo kwa kutembelea Wilaya yake na kushughulikia changamoto mbalimbali kwenye Sekta ya Madini, alisema kuwa ziara hiyo imewapa mwanga zaidi wa mbinu zinazotumiwa na wachenjuaji wa madini na kusisitiza kuwa ataendelea kusimamia kwa karibu zaidi kwa kushirikiana na vyombo vya ulinzi na usalama.

Aliwataka wachimbaji na wachenjuaji wa madini nchini kuunga juhudi zinazofanywa na Rais wa Awamu ya Tano pamoja na Serikali yake, Dkt. John Pombe Magufuli katika kulinda rasilimali za madini kwa kuwa waaminifu kwenye ulipaji wa kodi na tozo mbalimbali za Serikali.

Read more

Naibu Waziri Nyongo abaini udanganyifu madini Kahama

Aelekeza soko la madini kuanzishwa mara moja………

Na Greyson Mwase, Kahama

Naibu Waziri wa Madini, Stanslaus Nyongo ameelekeza soko la madini katika mkoa wa kimadini wa Kahama ikiwa ni pamoja na maeneo mengine ya Chunya, Musoma, Singida kuanzishwa mara moja ili kudhibiti utoroshwaji wa madini unaopelekea Serikali kukosa mapato yake.

Naibu Waziri Nyongo ameyasema hayo leo tarehe 31 Machi, 2019 katika mkutano wake na waandishi wa habari uliofanyika mjini Kahama. Wengine waliokuwepo katika mkutano huo ni pamoja na Kamishna Msaidizi, Uendelezaji Migodi na Madini wa Wizara ya Madini,  Ali Saidi Ali, Afisa Madini Mkazi wa Mkoa wa Kimadini wa Kahama, Andrea Fabian pamoja na wataalam kutoka Tume ya Madini.

Alisema kuwa, mara baada ya kufanya ziara yake ya siku moja katika Wilaya ya Kahama, alibaini kumekuwepo na udanganyifu mkubwa katika shughuli za uchenjuaji wa madini huku akitolea mfano wa kampuni ya Busami inayojihusisha na uchenjuaji wa madini ya dhahabu.

Alisisitiza kuwa, alibaini kumekuwepo na udanganyifu kwenye uzito na kiwango halisi cha dhahabu kwenye madini yaliyopatikana hali inayopelekea Serikali kukosa mapato yake stahiki.

“Kwa mfano katika mtambo wa kuchenjua dhahabu unaomilikiwa na kampuni ya Busami tumebaini kuna udanganyifu kwenye uchenjuaji, jana baada ya kufika na kuona namna uchenjuaji wa madini unavyofanyika na kuelekeza wataalam wa madini kuchenjua upya mchanga uliokuwepo kwenye maji yaliyohifadhiwa, tulibaini kuna madini,” alisema Nyongo

Katika hatua nyingine, Naibu Waziri Nyongo alisimamisha shughuli za uchenjuaji katika kampuni ya Busami na kutaka hatua za kisheria kuchukuliwa dhidi ya mmiliki wake.

Wakati huo huo, Naibu Waziri Nyongo alielekeza wamiliki wote wa mitambo  ya kuchenjulia madini ya dhahabu nchini kuhakikisha wanakuwa na mizani na mashine maalum za kupimia madini ya dhahabu zilizoidhinishwa na Wakala wa Vipimo Tanzania, na biashara ya madini kufanyika katika masoko ya madini yaliyoanzishwa na kusisitiza kuwa lazima madini yajulikane yanapopelekwa na Ofisi za Madini Nchini kuhakikisha zinatuza kumbukumbu sahihi.

Wakati huo huo Naibu Waziri Nyongo aliagiza Katibu Mkuu wa Wizara ya Madini, Profesa Simon Msanjila pamoja na Katibu Mtendaji wa Tume ya Madini, Profesa Shukrani Manya kufuatilia iwapo hatua za kisheria zimechukuliwa dhidi ya kampuni inayojihusisha na uchenjuaji wa madini ya dhahabu Wilayani Kahama ya Jema baada ya kukamatwa ikifanya udanganyifu hivi karibuni.

Read more

Kufuatia ziara ya Naibu Waziri Nyongo soko la madini kufunguliwa Kahama

Na Greyson Mwase, Kahama

Ofisi ya Afisa Madini Mkazi, Mkoa wa Kimadini wa Kahama inatarajia kuanzisha soko la madini mapema ikiwa ni moja ya mikakati ya Serikali kupitia Wizara ya Madini katika kudhibiti utoroshwaji wa madini.

Kutoka kulia Naibu Waziri wa Madini, Stanslaus Nyongo na Kamishna Msaidizi- Uendelezaji Migodi na Madini wa Wizara ya Madini, Ali Said Ali wakisikiliza kero za wamiliki wa mitambo ya kuchenjulia dhahabu (hawapo pichani) kupitia mkutano maalum uliofanyika Wilayani Kahama Mkoani Shinyanga.

Hatua hiyo imekuja kufuatia ziara ya Naibu Waziri wa Madini, Stanslaus Nyongo aliyoifanya mapema leo tarehe 30 Machi, 2019 katika Wilaya ya Kahama lengo likiwa ni kukagua shughuli za uchimbaji na uchenjuaji wa madini ya dhahabu, kusikiliza na kutatua kero za wachimbaji wa madini.

Katika ziara hiyo, Naibu Waziri Nyongo aliambatana na Kamishna Msaidizi- Uendelezaji Migodi na Madini wa Wizara ya Madini, Ali Said Ali wataalam kutoka Tume ya Madini pamoja na wawakilishi wa vyombo vya ulinzi na usalama.

Mara baada ya kufanya ziara katika baadhi  ya mitambo ya kuchenjua dhahabu, Nyongo alifanya kikao na wamiliki wa mitambo hiyo na kusikiliza kero mbalimbali pamoja na kuzitatua.

Mara baada ya kusikiliza kero husika ikiwa ni pamoja na ya kutokuwepo kwa soko la madini katika Wilaya ya Kahama, Naibu Waziri Nyongo alimwelekeza Afisa Madini Mkazi wa Mkoa wa Kimadini wa Kahama,  Adrea Fabian kuhakikisha sehemu ya ofisi yake inatumika kama soko la madini ya dhahabu ambapo wauzaji na wanunuzi watakuwa wanafanya biashara huku serikali ikipata mapato yake, kauli ambayo ilipokelewa kwa shangwe na wafanyabiashara wa madini ya dhahabu.

Aliendelea kusema kuwa kutokuwepo kwa soko la madini katika Wilaya ya Kahama, kunachochea utoroshwaji wa madini ya dhahabu kwakuwa inakuwa vigumu kwa wauzaji wa madini hayo kusafiri umbali mrefu hadi Geita kwa ajili ya kwenda kuuza madini hayo.

“Hapa tunataka kuhakikisha biashara ya madini inafanyika hapa hapa ili kuwarahisishia wafanyabiashara wa madini ya dhahabu huku Serikali ikipata mapato yake,” alisisitiza Naibu Waziri Nyongo.

Katika hatua nyingine, Nyongo aliutaka uongozi wa Ofisi ya Afisa Madini Mkazi wa Mkoa wa Kimadini wa Kahama kushirikisha mamlaka nyingine za Serikali kama vile Ofisi ya Mkuu wa Wilaya, Vyombo vya Ulinzi na Usalama, Mabenki na soko kuanza mara moja.

Aidha, Naibu Waziri Nyongo aliwataka wamiliki wa mitambo ya kuchenjua dhahabu kuunga mkono juhudi za Serikali ya Awamu ya Tano inayoongozwa na Dkt. John Pombe Magufuli katika kulinda rasilimali za madini kwa kutoa ushirikiano kwa Wizara ya Madini.

Wakizungumza katika nyakati tofauti wamiliki wa mitambo ya kuchenjulia dhahabu walioshiriki katika kikao hicho mbali na kumpongeza Naibu Waziri Nyongo wamesema kuwa uwepo wa soko hilo utawarahisishia sana biashara ya madini kutokana na kuepukana na matapeli huku serikali ikipata mapato yake stahiki.

Walisema kabla ya uamuzi huo wamekuwa wakisafirisha madini hadi Geita kwa ajili ya kuuza hali inayopelekea baadhi yao kuuza kwa watu wasio waaminifu.

Read more

Hatukunufaika na madini, haikuwa ajenda ya Kitaifa–Spika Ndugai

Na Asteria Muhozya,

Spika wa Bunge la Jamhuri ya Muungano wa Tanzania Job Ndugani, amesema awali, Taifa halikunufaika na rasilimali madini kwa kuwa sekta hiyo haikuwa ajenda ya Kitaifa.

Baadhi ya Wabunge wa Kamati ya Kudumu ya Bunge ya Nishati na Madini wakifuatilia mada mbalimbali zilizowasilishwa na wataalam wa Wizara ya Madini.

“Madini yaliachwa kwa wabunge ambao rasilimali hiyo inapatikana kwenye maeneo yao, haikuwa ajenda ya taifa, wengine walizungumzia zaidi masuala yanayowagusa kama korosho, pamba na mambo mengine, nashukuru tumefanya mabadiliko na sasa matokeo yameanza kuonekana,” amesema Spika Ndugai.

Amesema  kwa mwelekeo wa sasa, serikali imefika mahali ambapo manufaa ya rasilimali hiyo yameanza kuonekana kutokana na  mageuzi makubwa yaliyofanywa na Rais wa Jamhuri ya Muungano wa Tanzania, Dkt. John Magufuli na kumpongeza kutokana na namna anavyohakikisha rasilimali madini inalinufaisha taifa, na kuongeza, “kilio cha watanzania cha kutokunufaika na madini kimepata mwenyewe, Rais Magufuli amefanya uthubutu”.

Spika Ndugai ameyasema hayo Machi 30, 2019, wakati akifungua Semina kwa Wajumbe wa Kamati ya Kudumu ya Bunge ya Nishati na Madini na baadhi ya Wenyeviti wa Kamati nyingine za bunge wanaohudhuria semina ya siku mbili jijini Dodoma, iliyoandaliwa na Wizara ya Madini kwa lengo la kutoa elimu ili kupata uelewa wa sekta ya madini.

Amesema, awali, ikijulikana kama Wizara ya Nishati na Madini ilikuwa ni kazi hata kwa bunge hilo kupitisha Bajeti ya wizara hiyo kutokana na kwamba, sekta zote mbili nishati na madini   hazikuwa zikilinufaisha taifa na kusema, “ kulikuwa na kutokuridhika na sekta zote na hususan madini, kama taifa tulikuwa hatupati haki yetu tuliyoistahili”.

Kufuatia hali hiyo, Spika Ndugai amewataka Wabunge  na wananchi kuunga mkono jitihada zinazofanywa na Rais Magufuli  kwa kuwa  mchango wa sekta ya madini katika uchumi wa taifa utasaidia kusogeza mbele maendeleo ya taifa na watu wake.

Baadhi ya Wabunge wa Kamati ya Kudumu ya Bunge ya Nishati na Madini wakifuatilia mada mbalimbali zilizowasilishwa na wataalam wa Wizara ya Madini.

Aidha, amewaasa viongozi wote waliobeba dhamana ya kusimamia sekta husika kuhakikisha wanaichukulia dhamana waliyopewa kwa uzito wa kipekee  ili kuliwezesha taifa kufanana na nchi nyingine ambazo zimeendelea kutokana na rasilimali madini.

Pia, amepongeza mabadiliko yanayofanywa na Shirika la Madini la Taifa (STAMICO) na kueleza kwamba anafurahi kusikia STAMICO mpya tofauti na ilivyokuwa awali.

Akizungumzia Kamati mbili zilizoundwa na bunge kuchunguza biashara ya madini ya Tanzanite na Almasi, amesema kuwa, kamati hizo zilifanya kazi nzuri na kwamba  bunge litaendelea kuishauri serikali  ili kuhakikisha sekta  ya madini inazidi kuchangia zaidi katika uchumi wa taifa.

Ameongeza kuwa, ripoti hizo zilipokelewa vizuri na serikali na kwamba juhudi zilizochukuliwa zimewezesha uanzishwaji wa masoko ya madini huku STAMICO ikifanya mabadiliko makubwa.

Kwa upande wake, Waziri wa Madini Doto Biteko akizungumza katika semina hiyo, amesema  sekta ya madini ni muhimu kwa uchumi wa taifa la Tanzania na kueleza kuwa, mchango wa taifa umeendelea kuongezeka mwaka hadi mwaka na kueleza kuwa, mwaka 2017, sekta hiyo ilichangia asilimia 4.8 kwenye pato la taifa ikilinganishwa na asilimia 4.0 mwaka 2015.

Akizungumzia ukuaji wa sekta hiyo amesema umeongeza kwa kasi kutoka asilimia 9.0 mwaka 2015 kufikia 17.5 mwaka 2017, na kusema mafanikio hayo yametokana na juhudi za serikali kuhakikisha sekta hiyo inachangia zaidi  ili kufikia lengo la asilimia 10 ya mchango wake ifikapo mwaka 2025.

Baadhi ya Watumishi wa Wizara ya Madini, Wenyeviti wa Bodi ya Taasisi chini ya wizara na Wataalam kutoka wizarani na taasisi zake wakifuatilia hotuba ya ufunguzi wa Semina iliyotolewa na Spika wa Bunge la Jamhuri ya Muungano wa Tanzania, Job Ndugai kwa Wabunge wa Kamati ya Kudumu ya Bunge ya Nishati na Madini na baadhi ya wabunge wa kamati nyingine (hayupo pichani).

Akizungumzia marekebisho ya Sheria ya Madini yaliyofanywa mwaka 2017,  na usimamizi wa Rasilimali Madini, amesema umewezesha ongezeko la makusanyo ya maduhuli yatokanayo na shughuli za madini kutoka Shilingi bilioni 194 iliyotarajiwa kukusanywa mwaka 2017/18 hadi shilingi bilioni 301.29 sawa na asilimia 154.999 ya lengo la makusanyo kwa mwaka huo.

“Mhe. Spika, mwenendo wa ukusanyaji maduhuli kwenye sekta hii kwa mwaka 2018/19 ni wa kuridhisha ambapo hadi Februari kiasi cha shilingi 218,650,392 kimekusanywa hii ikiwa ni sawa na asilimia 105.6,” amesema Waziri Biteko.

Ameeleza kuwa, miongoni mwa sababu zilizopelekea mafanikio hayo ni pamoja na kuongezeka kwa mrabaha  kwa baadhi ya madini, kuanzisha kodi  mpya  ya ukaguzi ya asilimia 1; kuimarisha udhibiti wa utoroshaji wa madini; na kwa kushirikiana na wananchi  na vyombo vya ulinzi na usalama na kuzuia usafirishaji wa madini ghafi ya nje ya nchi ili  viwanda vya kusafishia na kuongeza ubora wa madini vijengwe  nchini.

Akizungumzia usimamizi wa shughuli za madini ya Tanzanite baada ya kukamilika kwa ukuta unaozunguka machimbo ya tanzanite Mirerani amesema udhibiti wa madini hayo umeimarika  na kusababisha kuongezeka kwa ukusanyaji wa maduhuli yatokanayo na madini hayo

Ameongeza kuwa, kufuatia juhudi hizo, ukusanyaji wa maduhuli kutokana na uzalishaji wa tanzanite kwa wachimbaji wa Wadogo na Kati uliongezeka hadi kufikia shilingi 1,436, 427, 228.99 kwa mwaka  2018, ikilinganishwa na  shilingi 71,861,970 kwa mwaka 2016.

“Uzalishaji umeongezeka kutoka migodi midogo na ya kati hadi kufikia kilo 781.204 kwa mwaka 2018 ikilinganishwa na kilo 147.7  zilizoripotiwa  kwa mwaka 2017 na kilo 164.6 za mwaka 2016,” amesema Waziri Biteko.

Naye, Mwenyekiti wa Kamati ya Kudumu ya Bunge ya Nishati na Madini Dustan Kitandula, ameishukuru Wizara kwa kuandaa semina hiyo kwa wabunge na kueleza kuwa, kamati hiyo itaendelea kupata uelewa kuhusu sekta ya madini.

Mbali na wabunge, wengine wanaoshiriki semina hiyo ni Wenyeviti wa Bodi za taasisi za zilizo chini ya wizara, Wataalam kutoka wizarani na taasisi zake.

Read more

Waziri Biteko azindua Bodi ya GST

  • AITAKA KUIWEZESHA GST KURAHISISHA MAISHA YA WACHIMBAJI

Asteria Muhozya na Samwel Mtuwa, Dodoma

Bodi ya Taasisi ya Jiolojia na Utafiti wa Madini Tanzania (GST), imetakiwa kuiwezesha taasisi hiyo kurahisisha maisha ya Wachimbaji Wadogo, wa Kati na Wakubwa kwa kuhakikisha wanapata taarifa za tafiti zinazofanywa na taasisi hiyo.

Baadhi ya Wajumbe wa Kamati ya Kudumu ya Bunge ya Nishati na Madini, Wajumbe wa Bodi ya Taasisi ya Jiolojia na Utafiti wa Madini Tanzania (GST), Watendaji wa wizara pamoja na watumishi mbalimbali kutoka GST wakifuatilia hotuba ya Waziri wa Madini Doto Biteko (hayupo pichani) wakati wa uzinduzi wa Bodi ya GST uliofanyika jijini Dodoma tarehe 27/3/2019.

Hayo yamesemwa na Waziri wa Madini Doto Biteko wakati akizundua Bodi ya GST na kueleza kuwa, shughuli za utafiti ni moja ya maeneo muhimu katika sekta ya madini kutokana na kutoa uhakika kwa wachimbaji na hivyo kukidhi matarajio ya wadau.

Pia, ameitaka bodi kuiwezesha taasisi hiyo kutoa ubunifu mpya utakaowezesha taasisi hiyo kuongeza mapato kwa serikali kutokana na shughuli na huduma zinazotolewa na GST.

Katika hatua nyingine, Waziri Biteko ameitaka bodi hiyo kuhakikisha GST inapata Ithibati ya maabara yake ikiwemo kutangaza huduma zinazotolewa na maabara hiyo ili kuwawezesha wadau kuifahamu na kuitumia.

Aidha, ameitaka bodi husika kutekeleza majukumu yake kwa kuzingatia sera, sheria na taratibu zilizowekwa na kueleza kwamba, taasisi hiyo inao watendaji wazuri wa kuiwezesha kutekeleza majukumu yake kiamilifu na kutumia fursa hiyo kumpongeza Kaimu Mtendaji Mkuu wa GST Yokberth Myumbilwa, kwa kusimamia vema utendaji wa GST.

Naye, Naibu Waziri wa Madini Stanslaus Nyongo amesema taasisi hiyo ni kitovu cha sekta ya madini nchini na kwamba ndiyo imeshikilia mstakabali wa wachimbaji wadogo, wa kati na wakubwa.

Ameongeza kuwa, bado yapo majukumu ya taasisi hiyo ambayo hayajafanikiwa na hivyo kuitaka bodi hiyo chini ya Prof. Ikungula kuhakikisha yanafanikiwa.

Kwa upande wake, Mwenyekiti wa Bodi hiyo Prof. Justinian Ikingura amesema bodi hiyo inatambua umuhimu wa rasilimali madini katika kuchangia pato na kukuza uchumi wa taifa ikiwemo kutambua nia na lengo la Serikali ya Awamu ya Tano chini ya Rais wa Jamhuri ya Muungano wa Tanzania, Dkt. John Magufuli.

Waziri wa Madini Doto Biteko, akimkabidhi kitendea kazi mmoja wa wajumbe wa Bodi ya GST , Kamishna wa Madini, David Mulabwa wakati wa uzinduzi wa bodi. Anayeshuhudia kulia ni Mwenyekiti wa Kamati ya Kudumu ya Bunge ya Nishati na Madini, Dustan Kitandula.

Amesema ili kufikia lengo hilo, ni muhimu GST ikawezeshwa ipasavyo kupitia wizara ili iongeze kasi na tija zaidi katika kutekeleza majukumu yake, hususan katika maeneo ya kufanya utafiti na kukusanya taarifa muhimu za kijiosayansi za kubaini maeneo yenye miamba yenye vishiria vyakuwepo madini ya kimkakati yanayohitajika zaidi katika matumizi ya teknolojia ya viwanda vya kielekitroniki, zana za utafiti wa mawasala ya anga na matumizi maalum katika viwanda vingine, ili kuvutia uwekezaji wa ndani na nje ya nchini katika maeneo hayo.

Kwa mfano madini lithium, cobalt na palladium yanazidi kupata umuhimu wa pekee katika matumizi ya viwanda vya kimkakati. Hivi majuzi takriba wiki moja iliyopita bei ya Palladium ilifikia kiasi cha dola za kimarekani 1,600 kwa wakia na kuzidi hata dhahabu ambayo ikiwa karibu dola 1,300 kwa wakia moja. Lakini si wengi wanatambua madini ya Palladium ambayo yako katika kundi la metali za Platinum, yaani Platinum Group Metals (PGM),” amesisitiza Prof. Ikingura.

Ameongeza kuwa, eneo jingine ni uboreshaji wa huduma za maabara za uchunguzi na upimaji wa miamba na madini yake ili zikidhi viwango vya kimataifa, na hivyo kuvutia wawekezaji katika sekta ya madini kutumia zaidi maabara za ndani ya nchini badala ya kupeleka sampuli katika maabara za nje ya nchi, na hivyo kupoteza fedha za kigeni.

Vilevile, amesema ipo haja ya kuboresha na kuongeza thamani taarifa za jiofikizia na jiokemia zilizo katika hifadhi au kanzidata ya GST ili ziweze kuwa na thamani kubwa zaidi  kwa taifa na kwa wawekezaji katika sekta ya madini, suala ambalo  litaiweesha GST kuongeza maduhuli ya serikali kupitia wizara.

Mbali ya Mwenyekiti, wajumbe wa bodi hiyo ni Abdulkarim Hamisi Mruma, Emanuel Mpawe Tutuba, Bibi Bertha Ricky Sambo, Shukrani Manya, David R. Mulabwa na Bibi Monica Otaru.

Bodi hiyo imezinduliwa Machi 27, 2019 Makao Makuu ya GST, jijini Dodoma.

Read more

Waziri Mkuu atembelea Mji wa Serikali

Na Greyson Mwase, 

Waziri Mkuu, Kassim Majaliwa, amewapongeza wakandarasi kwa kukamilisha ujenzi wa majengo ya ofisi za Serikali katika eneo la Ihumwa jijini Dodoma.

Ametoa pongezi hizo leo tarehe 27 Machi, 2019 mara baada ya kukagua maendeleo ya ujenzi huo na kuonesha kuridhishwa na hatua iliyofikiwa.

Naibu Waziri wa Madini, Stanslaus Nyongo (wa tatu kutoka kushoto) akiwa pamoja na baadhi ya viongozi waandamizi wa Serikali wakati wakimsubiri Waziri Mkuu, Kassim Majaliwa kwenye jengo la Wizara ya Madini kabla ya kuanza kwa ukaguzi kwenye jengo hilo.

“Nimefurahishwa sana na wakandarasi waliochukua zabuni za kujenga majengo ya ofisi hizi, hivyo ninawaomba Wakala wa Ujenzi Tanzania (TBA) watoe vyeti kwenye majengo ambayo yamekamilika kwa asilimia mia ili waanze kutumia majengo hayo kama ilivyokusudiwa,” alisema Majaliwa.

Katika  hatua nyingine, Waziri Mkuu Majaliwa  hakuridhishwa  na ubora  wa milango iliyopachikwa kwenye jengo la Ofisi ya Makamu wa Rais pamoja na Jengo la Wizara ya Fedha na kuagiza milango hiyo kubadilishwa.

Pia, Majaliwa ameliagiza Shirika la Umeme Tanzania (TANESCO) kupeleka umeme mkubwa katika eneo hilo kwa wakati ili majengo yakamilike kwa asilimia mia na kufikia azma ya Serikali ya kuhamia katika mji wa Serikali baada ya ofisi hizo kufunguliwa na Rais wa Jamhuri ya Muungano wa Tanzania, Dkt. John Mgufuli.

Kwa upande wake Waziri wa Fedha, Philip Mpango, amesema mradi wa ujenzi wa nyumba hizo umezalisha ajira kubwa kwa vijana kutokana na kuajiri takribani watu 1141 walioshiriki katika ujenzi huo.

Akizungumzia hatua iliyofikiwa katika ujenzi wa Jengo la Wizara ya Madini,   Naibu Waziri wa  Madini, Stanslaus Nyongo, amesema jengo la Wizara limekamilika kwa asilimia 99, na kubainisha kuwa, mkandarasi yupo katika hatua za mwisho ili aweze kukabidhi jengo hilo.

Read more

Kituo cha Madini na Jiosayansi Kunduchi, kinavyowanufaisha Watanzania

Na Nuru Mwasampeta,

TAARIFA za kijiolojia zinaonesha kuwa, Afrika ni bara lenye utajiri mkubwa wa rasilimali madini huku sehemu kubwa ya madini hayo yakiwa bado hayajaanza au yako kwenye hatua mbalimbali za uendelezaji.

Aidha, rasilimali za madini zilizopo barani Afrika hususani Tanzania, taarifa za kijiolojia zinadokeza kuwa yanaweza kuwa ni chanzo kikubwa cha kuharakisha maendeleo ya kiuchumi kwa Taifa na kijamii ikiwa kila mmoja aliyepewa jukumu la kuwajibika katika sekta ya madini atatumia utaalamu wake, weledi na ufanisi ili kupata matokeo chanya.

Ndiyo maana Serikali ya Awamu ya Tano chini ya Rais Dkt.John Magufuli kwa kutambua utajiri mkubwa wa madini tuliyonayo hapa nchini yakiwemo ya tanzanite, almasi,dhahabu, chuma au vito ameendelea kutoa hamasa kwa viongozi wenye mamlaka ya kuyasimamia madini kuongeza ubunifu na usimamizi wenye tija.

Kwa kutambua umuhimu wa madini katika kuharakisha maendeleo ya nchi, Wizara ya Madini kupitia viongozi wake kila kukicha wamekuwa wakifanya juhudi mbalimbali ili kutumia fursa zilizopo ndani na nje ya nchi kuleta tija kubwa kwenye sekta ya uchimbaji wa madini, uongezaji wa thamani na usimamizi wa sekta kwa matokeo makubwa.

WAZIRI NYONGO

Hivi karibuni, Naibu Waziri wa Madini, Stanslaus Nyongo, ameshiriki katika kikao cha 39 cha kutathmini utendaji wa Kituo cha Madini na Jiosayansi cha Afrika (AMGC)) katika kutekeleza maazimio ya nchi wanachama kilichofanyika nchini Sudani Februari 18, mwaka huu.

Neno jiosayansi linamaanisha sayansi inayohusu Dunia ikihusisha masuala yote yanayohusisha elimu ya miamba kama vile utafutaji wa madini, uchimbaji, uchenjuaji pamoja na biashara ya madini.

Hivyo, AMGC ni kituo kinachoratibu masuala hayo kwa nchi mwanachama wa umoja huo katika Bara la Afrika.

Kituo hicho kilichoanzishwa na Kamisheni inayohusu masuala ya Kiuchumi katika Umoja wa Afrika (UNECA) kwa lengo la kusimamia na kuratibu shughuli zote zinazohusu sekta ya madini chini ya Mwamvuli wa Dira ya Afrika kuhusu Madini (AMV) ili kupelekea maendeleo endelevu kwa nchi wanachama pasipo kuathiri mazingira.

Umoja huo ulianzishwa kwa mara ya kwanza mwaka 1977 ukijulikana kama Southern and Eastern African Mineral Centre (SEAMIC) ambapo shughuli zake zilikuwa zikifanyika katika jengo la Taasisi ya Jiolojia na Utafiti wa Madini (GST) jijini Dodoma, kabla ya kuhamia katika ofisi zilizopo Kunduchi jijini Dar es Salaam.

Gharama za ujenzi wa ofisi za kituo hicho zilitokana na michango ya nchi wanachama.

Aidha, kituo hicho kinafanya shughuli mbalimbali za madini ikiwa ni pamoja na kutoa mafunzo ya namna ya kukata na kuchenjua madini, kukata madini na kutengeneza bidhaa mbalimbali zitokanazo na madini, uchambuzi na huduma za ushauri katika maeneo tofautitofauti ya kimadini, pamoja na tafiti juu ya madhara yatokanayo na kemikali za kuchenjulia madini kwa mazingira.

Kabla ya mkutano uliowahusisha mawaziri wenye dhamana na sekta ya madini, kulitanguliwa na mikutano mingine miwili iliyohusisha Bodi ya Wakurugenzi wa kituo hiki ni kikao kidogo zaidi wakiwa ni wasimamizi wa karibu wa kituo kikao cha pili kinawahusisha watendaji wakuu katika wizara zenye dhamana ya madini, ambacho baada ya kikao waliwasilisha taarifa za kikao katika mkutano wa Baraza la Mawaziri la nchi wanachama kwa ajili ya kutolea maamuzi.

Kuhudhuria katika mkutano huo, Naibu Waziri wa Madini Nyongo amesema, amejifunza namna sekta ya madini nchini Sudan ulivyojipanga katika kuikwamua Sudan kiuchumi kutokana na rasilimani madini.

Ameendelea kueleza kuwa, nchi ya Sudan inazalisha madini ya dhahabu kwa wingi kwa kiasi cha tani 107 ukilinganisha na Tanzania inayofikisha kiasi cha takriban tani 50 kwa mwaka.

Nyongo anaeleza kuwa, kiasi cha tani 107 cha dhahabu kilichozalishwa nchini Sudan mwaka uliopita kiliuzwa nje ya nchi ambapo asilimia 90 ya madini hayo yalichimbwa na kuuzwa kutoka kwa wachimbaji wadogo.

Waziri Nyongo amekiri kuwa, sekta ya uchimbaji mdogo inao uwezo mkubwa wa kuchangia katika pato la Taifa tofauti na fikra za wengi zilivyo.

Kwa upande wake Kamishna Msaidizi wa Madini anayeshughulikia uwajibikaji wa migodi katika kutoa huduma na unufaikaji wa wazawa, Torence Ngole amesema uwepo wa kituo hicho kwa Watanzania una manufaa makubwa kwa Watanzania hususani wachimbaji wadogo katika kujipatia ujuzi.

Lakini pia kituo hicho kina maabara kubwa inayotumika katika kuchunguza madini na kuyabainisha ambapo wachimbaji wanaweza kupeleka madini yao na kuwa na uhakika zaidi wa mali waliyonayo.

Katika kupunguza migogoro katika kanda ya maziwa makuu kama vile Sudan na Jamhuri ya Kidemokrasia ya Kongo na nchi zenye migogoro na vita, Ngole amebainisha uwepo wa mashine maalumu inayoyafanya uchunguzi wa madini na kubaini madini hayo yanachimbwa nchi gani.

Amesema, ikibainika kuwa madini husika yanapatikana katika nchi zenye vita basi hayapewi kibali cha kuweza kuyauza na hivyo kuyanyima sifa ya kuuzika.

Hiyo ni moja kati ya mbinu ya kuleta amani na kupunguza kasi ya mauaji miongoni mwa nchi katika Bara la Afrika.

Pamoja na kuiwakilisha nchi katika kikao hicho cha mwaka, Ngole amesema alipata fursa ya kutembelea maonesho ya madini yanayoandaliwa na wizara yenye dhamana na madini nchini Sudan na kujifunza mambo muhimu ambayo nchi yetu ikiyafanya itasaidia katika kukuza sekta ya madini.

Amesema, kuwepo kwa maonesho ya madini kunafungua ukurasa kwa wachimbaji na wauzaji wa madini kukutana na kushirikishana uzoefu katika masuala yanayohusiana na sekta ya madini.

Swali unaweza kujiuliza je? Umoja wa kusimamia sekta ya madini Afrika una umuhimu gani?.

Akifafanua swali hilo, Ngole anasema, wakati wa uumbaji wa nchi/dunia mipaka ya kikanda na kijiografia havikuwepo, kutokana na hilo mipaka hiyo haizuii miamba ya madini iliyopo Tanzania inapofika baina ya mpaka wa nchi na nchi kukoma na kutokuendelea, kutokana na ukweli huo ushirikiano huo utazifanya nchi mwanachama kufanya shughuli za uchimbaji kwa namna zinazofanana na kutumia uzoefu wa nchi jirani kutambua uwepo wa madini katika nchi nyingine.

Ameongeza kuwa, katika kufanya tafiti za madini kuna ramani za madini zinatengenezwa, endapo kutakuwa na ushirikiano ramani hizo zitaandaliwa kwa vigezo vinavyofanana hivyo utangazaji wa sekta ya madini kufanana kwa nchi zote mwanachama.

Ameendelea kueleza kuwa, tafiti za pamoja zinasaidia sana katika kugundua aina mbalimbali za madini yaliyopo kwenye nchi wanachama kutokana na kufanya tafiti kwa pamoja na kubainisha kuwa mipaka ya kijiolojia iko tofauti na mipaka ya kijografia.

Pia ushirikiano unasaidia kupunguza changamoto ya utoroshwaji wa madini na kubainisha kuwa kutokuwepo na ushirikiano na mbinu za kuwafanya watoroshaji wa madini kukaguliwa katika mipaka ya nchi, nchi mwanachama hazitanufaika na madini yanayochimbwa kwani hayatalipiwa tozo zinazotakiwa na Serikali.

Katika hatua nyingine, inabainishwa kuwa, ushirikino ukiwepo baina ya nchi wanachama nchi hizo zitakuwa na sera zinazofanana kusimamia sekta ya madini.

Hii itatokana na mijadala wanayoifanya ya kubaini na kuchangia uzoefu katika kuendesha sekta, wawekezaji watashindwa kukimbia kimbilia, kwani sera zinafanana za nchi hizo zinafanana na kuamua kuwekeza mahali walipoanzia.

UMOJA UNAVYOJIENDESHA

Uendeshwaji wa kituo hicho unategemea michango ya nchi wanachama kwa asilimnia 60 ambapo kila nchi mwanachama anatakiwa kuchangia kiasi cha sh.milioni 150 (zaidi ya dola za Kimarekani 62,000) kwa mwaka na asilimia 40 zinatokana na kipato kitokanacho na ada za huduma zinazotolewa na kituo hicho.

KILICHOJADILIWA

Aidha, katika kikao hicho, kilijadili tathmini ya utekelezaji wa maelekezo yaliyotolewa na kikao cha maamuzi cha mwaka uliotangulia ili kujiridhisha na mwenendo wa kituo hicho na kubaini changamoto zinazopelekea maagizo hayo kutokutekelezwa.

UMUHIMU WA KITUO

Kwanza kabisa kituo cha umoja huo kipo nchini Tanzania katika Jiji la Dar es Salaam. Uwepo wa kituo hicho ni heshima kubwa taifa limepewa na kuaminiwa na nchi wanachama.

Umuhimu wa kwanza unaotokana na kituo ni elimu inayotolewa katika kituo hicho kwa wachimbaji wadogo wa madini, hivyo Watanzania wengi kunufaika.

Wachimbaji wanafundishwa namna ya kukata madini, kuyaongezea thamani kwa kutengeneza bidhaa mbalimbali zitokanazo na madini pamoja na njia bora za uchenjuaji wa madini.

Pili kituo kinatoa huduma za kimaabara, hivyo mtu yeyote mwenye madini na anataka kutambua madini yake anaweza kupata huduma hiyo katika kituo hicho.

Vikao vya utendaji wa kituo vinakaliwa kila mwaka sawasawa na utaratibu uliowekwa na nchi wanachama.

Read more

Wizara ya Madini yaieleza Kamati ya Bunge utekelezaji wa bajeti kwa mwaka wa fedha 2018/19

  • YATAJA MAFANIKIO YALIYOPATIKANA
  • TUME YA MADINI YAPONGEZWA

Wizara ya Madini na Taasisi zake leo Machi 25, imewasilisha kwa Kamati ya Kudumu ya Bunge ya Nishati na Madini, Taarifa ya Utekelezaji wa Bajeti kwa Mwaka wa Fedha 2018/19, kwa  kipindi  cha kuanzia  mwezi Julai 2018 hadi Februari, 2019.

Akiwasilisha kwa Kamati hiyo taarifa ya utekelezaji wa Wizara, Katibu Mkuu wa Madini Prof. Simon Msanjila pamoja na mambo mengine, ameelezea Mafanikio ya utekelezaji  wa bajeti kuwa ni pamoja na wizara kuvuka lengo la makusanyo ya maduhuli kwa asilimia 5.6 kwa kipindi cha Julai 2018 hadi Februari 2019. Lengo la makusanyo kwa kipindi kinachorejewa lilikuwa shilingi 207,065,336,001 ambapo makusanyo halisi yamekuwa shilingi 218,650,392,234.

Pia, amesema Serikali imeondoa kodi kwenye uchimbaji mdogo kwa kuwafutia kodi ya ongezeko la thamani (VAT 18), na kodi ya zuio (Withholding tax  asilimia 5).

Pia, amesema kuzinduliwa kwa Soko la Madini katika mkoa wa  Geita ni juhudi za kuhakikisha uwepo wa masoko ya madini na bei inayoridhisha kwa wachimbaji wa madini hususan wachimbaji wadogo ili kudhibiti uuzaji holela na utoroshaji madini hayo.

“Mhe. Kassim Majaliwa, Waziri Mkuu wa Jamhuri ya Muungano wa Tanzania alizindua rasmi soko hilo tarehe 17 Machi, 2019,” amesema Prof. Msanjila.

Vilevile, ameeleza kwamba, kufuatia Kongamano lililofanyika nchini China lililojulikana kama China Tanzania Mining Forum, kampuni tatu zimewasilisha maombi ya miradi ya ubia (JV) kati ya watanzania na wageni Ofisi ya TIC Kanda ya Kati kwa ajili ya kupatiwa Cheti cha Vivutio vya Uwekezaji kwenye ujenzi wa viwanda vya kuchataka madini ya Graphite. Miradi hiyo inatarajiwa kuwekeza zaidi ya Dola za Marekani milioni 30 na kuzalisha ajira mpya 600 itakapokamilika.

Naye, Waziri wa Madini Waziri wa Madini Doto Biteko, akizungumza katika kikao hicho, ameishukuru Kamati hiyo kwa kuendelea kuisimamia na kuishauri vizuri na kueleza kwamba, Dira Kuu ya wizara ni kuongeza mchango kwenye uchumi wa nchi unaotokana na rasilimali madini.

Pia, Waziri Biteko ameiomba Kamati hiyo kuendelea kuishauri wizara ikiwemo kuikosoa kwa lengo la kuwezesha kuongeza tija zaidi kwenye sekta ya madini.

Kwa upande wake, Mwenyekiti wa Kamati ya Kudumu ya Bunge ya Nishati na Madini Dustan Kitandula, amepongeza  jitihada zilizofanywa na wizara hususan kwa kuwezesha mkutano wa Kisekta baina ya serikali na wadau wa madini uliofanyika Januari 22 mwaka huu chini ya Uenyekiti wa Rais wa Jamhuri wa Muungano  wa Tanzania Dkt. John Magufuli na kueleza kwamba, mkutano huo ulifungua ukurasa mpya wa ushirikiano kati ya Serikali na wadau na hivyo kuutaka ushirikiano huo kuendelezwa ili uwezeshe kuendeleza sekta ya madini nchini.

Amesema matarajio ya Rais Magufuli kwenye sekta ya madini ni makubwa na hivyo kutaka jitihada zaidi kufanyika ili kukidhi maratajio hayo.

Aidha, wakichangia hoja kwa nyakati tofauti, wajumbe wa Kamati hiyo wameipongeza Tume ya Madini kwa ukusanyaji maduhuli na kwa utekelezaji wa majukumu yake ikiwemo ukaguzi migodini.

Read more

Biteko azitaka Taasisi za Madini kufikiri kibiashara

Na Asteria Muhozya,

Waziri wa Madini Doto Biteko amezitaka taasisi zilicho chini ya Wizara kufikiri kibiashara ikiwemo kutafuta njia zitakazowezesha sekta ya madini kuchangia zaidi katika pato la taifa.

Waziri wa Madini Doto Biteko katikati akipitia jambo wakati wa kikao kazi cha kupitia na kujadili Mpango Mkakati na Mkakati wa Kibiashara wa Kituo cha Jemolojia Tanzania (TGC). Kulia ni Naibu Waziri wa Madini Stanslaus Nyongo na kushoto ni Katibu Mkuu, Prof. Simon Msanjila.

Waziri Biteko ameyasema hayo Machi 23, jijini Dodoma wakati akifungua kikao kazi cha kupitia na kujadili Mpango Mkakati na Mkakati wa Kibiashara wa Kituo cha Jemolojia Tanzania (TGC) iliyoandaliwa na Wataalam Elekezi kutoka Chuo Kikuu cha Mzumbe.

Aidha, amezitaka taasisi hizo kuhama katika mtindo wa kutegemea ruzuku ya serikali badala yake zijiendeshe kibiashara na kuwataka watendaji wa wizara na taasisi kuhakikisha wanafanya mageuzi yatakayowezesha sekta hiyo kuchangia zaidi sambamba na kasi yake ya ukuaji kiuchumi.

“ Serikali kwa upande wake imeshafanya mageuzi makubwa. Tunataka Idara, kitengo na taasisi zifanye mageuzi. Tuwe na taasisi ambayo mfanyakazi anaweza kueleza amefanya nini kipya,” amesisitiza Waziri Biteko.

Pia, ameongeza kuwa, ukataji madini ni suala ambalo linalopaswa kuchukuliwa kwa uzito wa kipekee kutokana na umuhimu wake katika biashara ya madini na hususan kipindi hiki ambacho serikali inasisitiza shughuli za uongezaji thamani madini kufanyika nchini ikiwemo kuhamasisha ujenzi wa viwanda hivyo.

Vilevile, amewataka washiriki wa kikao hicho kuwasilisha mawazo chanya yatakayosaidia kuboresha mkakati huo utakopelekea uboreshaji wa kituo cha TGC.

Aidha, amewataka watendaji wa Kituo cha TGC kuhakikisha wanakitangaza kituo hicho ikiwemo kuwafanya wachimbaji wadogo wa madini kuwa marafiki wa kituo hicho.

Kwa upande wake, Naibu wa Waziri wa Madini Stanslaus Nyongo, amesema serikali iliona umuhimu wa Kituo cha TGC hali ambayo imepelekea kuandaliwa kwa mikakati hiyo na kueleza kuwa uwepo wake unapaswa kutoa mabadiliko katika kituo hicho na hususan katika eneo la uongezaji thamani madini.

Waziri wa Madini Doto Biteko akieleza jambo wakati akifungua kikao kazi cha kupitia na kujadili Mpango Mkakati na Mkakati wa Kibiashara wa Kituo cha Jemolojia Tanzania (TGC). Wengine ni watendaji wa Wizara na Taasisi.

Ameongeza kuwa, uongezaji thamani madini ni jambo ambalo serikali inaliangalia kwa umuhimu wake na kueleza kuwa ni miongoni mwa mambo  yaliyopelekea kufanyika kwa mabadiliko katika Sheria ya Madini ya Mwaka 2010 na 2017 ili taifa liweze kunufaika zaidi .

Ameeleza masuala mengine yaliyopelekea serikali kufanya mabadiliko ya sheria ya madini ni pamoja na kutaka kuongeza mapato ya serikali yanayotokana na madini, serikali kushiriki katika uchumi wa madini na kumiliki hisa, kushirikisha jamii katika miradi ya madini na kampuni za madini kushirikiana  na jamii.

Aidha, amewashukuru wataalam washauri Prof. Beatus Kundi na Prof. Marcellina Chijoriga kutokana na ushauri wao walioutoa kwa wizara wakati wa kupitia Mikakati hiyo.

Kwa upande wake, Katibu Mkuu wa Wizara yaMadini, Prof. Simon Msanjila amewataka watendaji wa Wizara kuhakikisha kila mmoja anaangalia eneo linalomhusu katika kituo hicho na kulifanyia kazi kikamilifu ili kufikia lengo linalotarajiwa .

Wizara ya Madini iliona umuhimu wa kukiimarisha Kituo cha TGC ili kijiendeshe kibiashara kutokana na fursa zilizopo katika sekta ya madini hususan kwenye ukataji wa madini. Pia, kutokana na fursa zilizopo katika ukataji wa madini ya vito na jimolojia kwa ujumla, wizara iliona TGC inaweza kujiendesha kibiashara na hivyo kuongeza mapato kwa serikali.

Kazi ya kuandaa Mikakati hiyo imetekelezwa kupitia Mradi wa Usimamizi Endelevu wa Rasilimali Madini (SMMRP) na  kuandaliwa na Wataalam Elekezi kutoka Chuo Kikuu cha Mzumbe na kupitiwa kikamilifu na Prof. Beatus Kundi na Prof. Marcellina Chijoriga kutoka Chuo Kikuu Cha Dar es Salaam.

Kikao hicho kimehudhuriwa na Watendaji kutoka Wizarani na taasisi zake.

Read more

Viongozi Waandamizi Madini watembelea jengo la Wizara, Ihumwa

  • Waziri Biteko asema wizara iko tayari kuwahudumia watanzania kutokea Ihumwa
  • Mkandarasi aahidi kukamilisha ujenzi ndani ya siku Tano

Viongozi Waandamizi wa Wizara ya Madini, wakiongozwa na Waziri wa Madini, Doto Biteko leo Machi 23, wametembelea Jengo la Wizara ya Madini lililopo mji wa Serikali eneo la Ihumwa, Jijini Dodoma kwa lengo la kukagua maendeleo ya ujenzi huo.

Waziri wa Madini Doto Biteko, (mwenye koti) Naibu Waziri wa Madini Stanslaus Nyongo (wa tatu kushoto) na Prof. Simon Msanjila (mwenye tisheti nyekundu) wakikagua maeneo maeneo mbalimbali ya jengo la Wizara

Akizungumza baada ya kukagua jengo hilo, Waziri wa Madini Doto Biteko amewahakikishia watanzania wote pamoja na wadau wa madini kuwa, wizara iko tayari kuwahudumia kutokea eneo hilo la Ihumwa pindi itakapohamia na kuwataka watumishi kujiandaa kuhamia eneo hilo mara baada ya mkandarasi kukabidhi jengo kwa wizara.

Vilevile, Waziri Biteko amezitaka taasisi nyingine zenye uhitaji wa kutumia madini ya mawe yanayopatikana nchini ikiwa ni pamoja na mable, kuwa wizara iko tayari kuwasaidia kwa kuwaunganisha na wajeta wake.

Pia, amemshukuru Waziri Mkuu wa Jamhuri ya Muungano wa Tanzania, Kassim Majaliwa kutokana na msukumo alioutoa kuhakikisha ujenzi wa majengo ya serikali unakamilika kwa wakati.

Aidha,  amempongeza Mkandarasi kampuni ya Mzinga Holding Co. Ltd kutokana na kuongeza kasi ya ujenzi ikiwemo kuzingatia ubora nakuongeza kwamba, wizara imeridhika na ujenzi.

Kwa upande wake, Naibu Waziri wa Madini Stanslaus Nyongo, ameeleza kuwa, wizara imepanga kulifanya eneo la ofisi hiyo kuwa kijani kwa kuhakikisha inapanda miti ya aina mbalimbali na kuhakikisha kwamba eneo hilo linawekewa mazingira mazuri ya kuvutia.

Naye, Katibu Mkuu wa Madini, Prof. Simon Msanjila Amesema Mkandarasi Kampuni ya Mzinga Holding Co. Ltd imeahidi kuikabidhi Wizara jengo hilo ndani ya kipindi cha siku Tano zijazo “awali ujenzi ulianza kwa kusuasua lakini sasa uko katika hatua nzuri na mkandarasi amezingatia ubora,” amesema Prof. Msanjila.

Akizungumzia mahitaji ya ofisi na idadi ya watumishi, amemsema kwa idadi ya watumishi wa wizara Makao Makuu ofisi zilizopo katika jego hilo zinatosheleza mahitaji na kuongeza kuwa, kwa kuanza Idara zote na Vitengo vya Wizara vinatarajia kuhamia katika eneo hilo isipokuwa Idara ya fedha kutokana na masuala ya mfumo wa kifedha.

Pia, ameeleza kuwa, wizara imetumia malighafi inayopatikana nchini yakiwemo madini ya mable ambayo yamepatikana kutoka kwa wachimbaji wadogo wa madini nchini.

Kwa upande wake, Mkandarasi wa kampuni hiyo   Hamisi Msangi ameihakikishia wizara kuwa , ndani ya siku tano zijazo, jengo hilo litakabidhiwa rasmi kwa wizara hiyo.

Read more

Taarifa ya uanzishaji masoko ya madini iliyosomwa na Prof. Simon Msanjila kwenye uzinduzi wa soko la dhahabu mkoani Geita

Mh. Kassim Majaliwa MajaliwaWaziri Mkuu wa Jamuhuri ya Muungano wa Tanzania,

Mheshimiwa Dotto M. Biteko (Mb.), Waziri wa Madini,

Mh. Dkt Medadi Kalemani, Waziri wa Nishati,

Waheshimiwa Manaibu Mawaziri Mliopo,

Mh. Robert Gabriel, Mkuu wa Mkoa wa Geita,

Waheshimiwa wakuu wa mikoa mliopo,

Ndugu Denis Bandisa, Katibu Tawala Mkoa wa Geita,

Waheshimiwa wakuu wa Wilaya,

Prof. Idris Kikula, Mwenyekiti wa Tume ya Madini,

Prof. Shukrani Manya, Katibu Mtendaji wa Tume ya Madini,

Katibu Tawala wa Wilaya,

Wakurugenzi wa Wilaya,

Watendaji wa Wizara na Tume ya Madini

Wawakilishi wa wachimbaji Madini

Wanahabari

Wageni waalikwa

Mabibi na Mabwana.

 

HABARI ZA MCHANA

 

Mheshimiwa Waziri Mkuu,

Awali ya yote napenda kumshukuru Mwenyezi Mungu kwa kutujalia kukutana hapa leo, katika uzinduzi wa soko la Madini ya dhahabu mjini Geita. Naomba pia nikushukuru wewe mwenyewe kwa kukubali kuja huku Geita kutufungulia soko hili la kwanza la aina yake, soko la dhahabu. Naomba pia uniruhusu niwashukuru sana wananchi wote wa mkoa wa Geita chini ya uongozi wa Mkuu wa Mkoa wa Geita kwa mwitikio wao wa haraka na chanya katika kujenga soko hili na hata leo tunawaona hapa wakiwa wamefika kwa wingi kushuhudia soko lao likizinduliwa. Naomba pia niwashukuru wengine wote waliokubali mwaliko wetu na kusafiri kokote walikotokea na kufika hapa kuungana nasi katika tukio hili muhimu.

Mheshimiwa Waziri Mkuu,

Tarehe 22/01/2019, Mh. Dkt. John Pombe Joseph Magufuli, Rais wa Jamuhuri ya Muungano wa Tanzania,alifungua na kushiriki mkutano Mkuu wa Kisekta wa wachimbaji wadogo uliolenga kusikiliza kero na changamoto zinazoikabili sekta hii ya madini hasa kwa wachimbaji wadogo.  Kupitia mkutano huo, Mh. Rais alipokea kero mbalimbali za wachimbaji wadogo, na kutoa maelekezo ya namna ya kuziondoa kero hizo. Moja ya kero iliyoainishwa na Wachimbaji wadogo, ni ukosefu wa masoko ya uhakika na rasmi ya Madini katika maeneo mbalimbali wanayofanyia shughuli zao za uchimbaji. Wadau hawa walieleza kuwa, ukosefu wa masoko rasmi na ya uhakika ndio sababu kubwa inayowafanya watoroshe madini na kuuza katika masoko yasiyo rasmi.

>>Soma Zaidi>>

Read more

Hotuba ya Mhe. Kassim M. Majaliwa (MB.), Waziri Mkuu wa Jamhuri ya Muungano wa Tanzania wakati akizindua soko la madini ya dhahabu mkoani Geita

SALAMU

Mheshimiwa Doto Mashaka Biteko (Mb.), Waziri wa Madini;

Mheshimiwa Mhandisi Robert Luhumbi, Mkuu wa Mkoa wa Geita;

Prof. Simon Msanjila, Katibu Mkuu Wizara ya Madini;

Ndugu Denis Bandisa, Katibu Tawala Mkoa wa Geita;

Prof. Idris Kikula, Mwenyekiti wa Tume ya Madini;

Waheshimiwa Wakuu wa Wilaya;

Makatibu Tawala wa Wilaya;

Wakurugenzi wa Wilaya;

Watendaji wa Wizara na Tume ya Madini;

Wawakilishi wa wachimbaji Madini;

Wanahabari;

Wageni Waalikwa;

Mabibi na Mabwana;

 

Habari za Asubuhi

 

SHUKRANI NA PONGEZI

Ndugu wananchi,

Nianze kwa kuushukuru Uongozi wa Mkoa wa Geita, Wizara ya Madini na Tume ya Madini kwa kunialika kuwa mgeni rasmi katika shughuli hii ya uzinduzi wa Soko la Madini ya Dhahabu la Mkoa wa Geita.

Pokeeni salamu kutoka kwa Mheshimiwa Dkt. John Pombe Joseph Magufuli, Rais wa Jamhuri ya Muungano wa Tanzania pamoja na Mheshimiwa Samia Suluhu Hassan, Makamu wa Rais wa Jamhuri ya Muungano wa Tanzania. Viongozi wetu hao wanawasalimu na kuwapongeza kwa kazi nzuri hususan katika kutekeleza kwa wakati maelekezo, mipango na miongozo mbalimbali inayotolewa na Serikali.

Niupongeze uongozi wa Mkoa kwa kutekeleza kwa haraka kuanzisha soko mara baada ya agizo lilolotolewa na Mheshimiwa Rais siku ya tarehe 22.01.2019.

MCHANGO WA SERIKALI KATIKA UKUAJI WA SEKTA YA MADINI

Ndugu Wananchi,

Tangu iingie madarakani, Serikali ya Awamu ya Tano imeendelea kujipambanua kuhusu dhamira yake ya kuhakikisha sekta ya madini inakua, inanufaisha watanzania pamoja na kuchangia ukuaji wa pato la taifa. Aidha, Serikali imeendelea kutekeleza maelekezo ya Ilani ya Uchaguzi ya Chama cha Mapinduzi (CCM) ya mwaka 2015 – 2020 ambayo yanaitaka Serikali kubuni na kutekeleza mikakati mahsusi itakayowezesha kupunguza au kukomesha kabisa vitendo vya utoroshaji madini kwenda nje ya nchi na biashara haramu ya madini nchini.

>>Soma Zaidi>>

Read more

Majaliwa atoa miezi mitatu kwa wakuu wa mikoa kukamilisha masoko ya madini

Nuru Mwasampeta na Greyson Mwase, Geita 

Waziri Mkuu wa Jamhuri ya Muungano wa Tanzania, Kassim Majaliwa ametoa muda wa miezi mitatu kwa wakuu wa mikoa hususan mikoa yenye utajiri mwingi wa madini ya metali na vito nchini kuhakikisha wanakamilisha na kufungua masoko ya madini ili kuwawezesha wachimbaji na wafanyabiashara ya madini kuwa na soko la uhakika la madini hayo.

Waziri wa Madini, Doto Biteko akifafanua jambo kwenye uzinduzi huo.

Majaliwa alitoa  agizo hilo kwenye uzinduzi wa Soko la Madini la Geita tarehe 17 Machi, 2019 uliofanyika katika viwanja vya Soko Kuu mkoani Geita na kuhudhuriwa na viongozi wengine wa kiserikali ikiwa ni pamoja na Waziri wa Madini, Doto Biteko, Katibu Mkuu wa Wizara ya Madini, Profesa Simon Msanjila, Mwenyekiti wa Tume ya Madini, Profesa Idris Kikula na Katibu Mtendaji wa Tume ya Madini, Profesa Shukrani Manya.

Wengine ni pamoja na Mwenyekiti wa Kamati ya Kudumu ya Bunge ya Nishati na Madini, Dustan Kitandula, watendaji kutoka Tume ya Madini, Wakuu wa Mikoa, wabunge, madiwani, viongozi wa dini, waandishi wa habari pamoja na wananchi kutoka katika mkoa wa Geita pamoja na mikoa ya  jirani.

Alisema kuwa, uanzishwaji wa masoko ya madini ni  sehemu ya utekelezaji wa maagizo ya Rais wa Jamhuri ya Muungano wa Tanzania, Dkt. John Magufuli aliyoyatoa tarehe 22 Januari, 2019 kwenye mkutano wake na wachimbaji wa madini nchini uliofanyika jijini Dar Es Salaam.

“Ninawataka wakuu wa mikoa kuhakikisha agizo hili linatekelezwa kabla ya mwaka wa fedha kumalizika Juni 30, 2019,” alisema Majaliwa.

Alisema kuwa, katika kuhakikisha Sekta ya Madini inakuwa na mchango mkubwa kwenye ukuaji wa uchumi wa nchi na kuwanufaisha watanzania wote, Serikali kupitia Wizara ya Madini ilianza kwa kuboresha Sheria ya Madini pamoja na kanuni zake na kuwataka wananchi kuchangamkia fursa hiyo.

Katibu Mkuu wa Wizara ya Madini, Simon Msanjila akitoa taarifa ya uzalishaji wa madini nchini kwenye uzinduzi huo.

Aliongeza kuwa, serikali imeamua kuondoa tozo mbalimbali zilizokuwa mzigo kwa wachimbaji wa madini uli uchimbaji wao uwe na faida kubwa na kuwawezesha kulipa kodi mbalimbali za Serikali.

Alisema kuwa, kufutwa kwa kodi na tozo mbalimbali kutapunguza kwa kiwango kikubwa utoroshwaji wa madini nje ya nchi na Serikali kujipatia pato kubwa linalotokana na shughuli za madini nchini.

Akielezea umuhimu wa masoko ya madini, Majaliwa alieleza kuwa mbali na kupunguza utoroshwaji wa madini, hakutakuwepo na dhuluma kwa wachimbaji wadogo wa madini kwani watakuwa na sehemu yenye uhakika ya kuuzia madini hayo kulingana na bei elekezi iliyotolewa na Serikali.

Aliendelea kueleza kuwa, soko la madini  litarahisisha huduma za uuzaji na ununuzi wa madini ambapo huduma zote zitatolewa ndani ya jengo moja hivyo kuokoa muda wa wauzaji na wanunuzi wa madini.

Katika hatua nyingine, Majaliwa alitoa tahadhari kwa wadau wote wa madini kuwa, atakayekamatwa anatorosha madini atachukuliwa hatua za kisheria ikiwemo utaifishaji wa madini atakayokuwa akiyatorosha.

Pia aliwataka viongozi na watendaji wa Serikali kusimamia kwa weledi, uaminifu na uadilifu, sheria, kanuni na miongozo mbalimbali  kuhusu sekta ya madini kwa lengo la kudhibiti utoroshwaji wa madini hususan dhahabu kwenda nje ya nchi.

Mwenyekiti wa Tume ya Madini, Profesa Idris Kikula (katikati) akizugumza na waandishi wa habari (hawapo pichani) kabla ya uzinduzi wa Soko la Madini la Geita kufanywa na Waziri Mkuu wa Jamhuri ya Muungano wa Tanzania, Kassim Majaliwa tarehe 17 Machi, 2019.

Aidha, aliitaka Wizara ya Madini, Tume ya Madini, Serikali ya Mkoa, Idara na Taasisi nyingine za Serikali  zinazohusika na maendeleo ya sekta ya madini kuheshimu mipaka ya majukumu yao ili waweze kulisimamia vizuri soko hilo na kufanya kazi kama ilivyokusudiwa.

“Wizara ya Madini, ishirikiane na vyama na mashirikisho ya wachimbaji na wafanyabiashara wa madini kuandaa mpango kazi mahususi kwa ajili ya utekelezaji wa majukumu ya soko hilo ili lisigeuke kuwa kikwazo kipya kwa wachimbaji na wafanyabiashara wa madini,” alisisitiza Majaliwa.

Aliendelea kusisitiza kuwa, Serikali imeamua kutoa mwelekeo mpya katika usimamizi na maendeleo ya  sekta ya madini ambapo utekelezaji  wa dhamira hiyo unakwenda sambamba na kuweka mazingira mazuri na miundombinu itakayowezesha kuimarika kwa sekta ya madini nchini.

Read more

Tutaendelea kuiunga mkono Wizara ya Madini-Mwenyekiti wa Kamati

Na Issa Mtuwa, Songea

Makamu Mwenyekiti wa Kamati ya Kudumu ya Bunge ya Nishati na Madini Mhe. Mariam Ditopile Mzuzuri amesema kamati yake inaipongeza na itaendelea kuiunga mkono Wizara ya Madini kwa kazi nzuri wanayoifanya.

Meneja wa Kanda ya Ujenzi SUMA JKT, Meja Atupele Mwamfup akitoa maelezo kuhusu ujenzi wa kituo na kutafsiri michoro mbalimbali ya jengo. Kutoka kushoto ni Mkurugenzi wa Utawala na Raslimali Watu Wizara ya Madini Issa Nchasi, Naibu Waziri wa Madini Stanslaus Nyongo, Makamu Mwenyekiti Mhe. Mriam Mzuzuri na wajumbe wengine.

Akiongea na waandishi wa habari mbele ya kamati yake Machi 13, 2019 mjini songea baada ya kukagua ujenzi wa kituo cha umahiri (Centre of excellence) kwa mkoa wa ruvuma, Mzuzuri amesema kamati yake inaridhishwa na kazi za Wizara ya Madini na wataendelea kuiunga mkono (support) hasa swala la wachimbaji wadogo.

“Tunawapongeza sana Wizara ya Madini, mnafanya kazi nzuri na sisi kama kamati niseme tutaendelea kuwaunga mkono (support) hasa hili la wachimbaji wadogo” alisema Mzuzuri.

Naibu Wziri wa Madini Mhe. Stanslaus Nyongo ameiambia kamati kuwa wizara yake imejipanga katika kukamilisha ujenzi wa vituo vyote vya umairi kikiwemo cha Songea kwa kuzingatia ubora. Amesema ujenzi wa vituo vyote unakwenda vizuri, hata hivyo kituo cha songea kilichelewa ujenzi wake tofauti na vituo vingine kwa sababu mbalimbali ikiwemo uhaba wa upatikanaji wa kokoto tatizo ambalo lilisha tatuliwa na kwa sasa ujenzi unaendelea kwa kasi.

“Mheshimiwa Mwenyekiti, Wizara imekusudia kukamilisha ujenzi wa kituo hiki na vingine kwa wakati na kama nilivyo tangulia kusema zile changamoto zimesha tatuliwa na tuaendelea vizuri. Naishukuru kamati yako kwa kutuunga mkono na ushauri wote uliotolewa tutauzingatia.” Alisema Nyongo.

Nae Katibu Tawala wa mkoa wa Ruvuma Prof. Riziki Shemdoe akiongea kwa niaba ya mkuu wa mkoa huo amewambia wajumbe wa kamati kuwa ni kweli kuna kipindi mkoa wa Ruvuma ulikumbwa na changamoto za upatikanaji wa kokoto na miradi mingi ya serikali ilisimama kutokana na kuwa na kampuni moja tu ya uzalishaji wa kokoto mkoa nzima, mara baada ya mitambo yake kuharibika na uzalishaji kusimama upatikanaji wa kokoto ulikuwa ni tatiizo.

Kituo cha Umahiri Songea ni miongoni mwa vituo mbalimbali vinavyo jengwa hapa nchini katika maeneo mbalimbali kama vile, kituo cha Bukoba, Simiyu, Tanga, Chuya kwa lengo la kuwasaidia wachimbaji wadogo kujifunza na kupata uelewa wa masuala mbalimbali madini.

Read more

Waziri Kairuki amkabidhi rasmi Wizara Biteko

Na Asteria Muhozya,

Waziri wa Nchi, Ofisi ya Waziri Mkuu anayeshughulikia Uwekezaji, Angellah Kairuki amemkabidhi rasmi Majukumu ya Uwaziri wa Wizara ya Madini, Waziri Doto Biteko katika kikao kilichohudhuriwa na Naibu Waziri wa Madini, Stanslaus Nyongo.

Waziri Kairuki amemshukuru Waziri Biteko kwa ushirikiano aliompatia kwa kipindi chote alichokuwa Waziri wa wizara hiyo na kueleza kwamba, kabla ya makabidhiano hayo, wamepata wasaa wa kupitia kwa pamoja majukumu na vipaumbele vya wizara ikiwemo maeneo muhimu yanayotakiwa kupewa msukumo.

Naye, Waziri Biteko, akizungumza mara baada ya kukabidhiwa majukumu hayo, amemshukuru Waziri Kairuki na kumwelezea kuwa ni Waziri aliyekuwa mwalimu mzuri kwake kwa kipindi chote alichokuwa Naibu Waziri.

Ameongeza, Waziri Kairuki hakuwahi kumnyima nafasi ya kujifunza ikiwemo kumtuma kutekeleza majukumu mbalimbali nafasi ambayo ilimkomaza.

“ Waziri hakuwahi kuninyima fursa, alinituma popote na nitaendelea kuhitaji ushauri wake katika kutekeleza majukumu yangu,” amesisitiza Biteko.

Makabidhiano hayo yamefanyika Machi 12, ofisini kwa Waziri Biteko Jijini Dodoma.

Waziri Biteko aliteuliwa Januari 8, 2019 kushika wadhifa huo baada ya Rais wa Jamhuri ya Muungano wa Tanzania Dkt. John Magufuli kufanya mabadiliko madogo katika Baraza la Mawaziri na kufanya uteuzi wa viongozi mbalimbali. Waziri Biteko alichukua nafasi ya aliyekuwa Waziri wa Madini Angellah Kairuki ambaye aliteuliwa kuwa Waziri wa Nchi, Ofisi ya Waziri Mkuu anayeshughulikia Uwekezaji.

Read more

Acacia yazungumza na Serikali kunusuru Mgodi usifungwe

Na Issa Mtuwa, Dodoma

Uongozi wa Kampuni ya Acacia kupitia Mgodi wa North Mara umezungumza na Serikali kuelezea hatua zilizochukuliwa hadi sasa kudhibiti maji yenye sumu ikiwa ni wiki moja tu ipite tangu Waziri wa Madini Doto Biteko, atangaze kufunga shuguli za mgodi huo endapo utashindwa kudhibiti maji ya sumu yanayotiririka kwenye makazi ya watu, ifike Machi 30 mwaka huu.

Tamko hilo la serikali limeifanya kampuni ya Acacia kuchukua hatua za haraka za kudhibiti maji hayo ili kukwepa rungu la serikali la kuufunga mgodi huo.  Machi 12, uongozi wa Acacia North Mara ulikutana na Waziri Biteko ofisini kwake jijini Dodoma kwa lengo la kueleza hatua iliyofikiwa ya kutekeleza agizo la serikali.

Uongozi wa kampuni hiyo ukizungumza katika kikao hicho, ulieleza kuwa, tayari mgodi huo umechukua hatua za haraka tangu kutolewa kwa agizo na kwamba hadi sasa suala la kudhibiti maji yenye sumu limeshetekelezwa na hakuna maji yanayotiririka kuelekea kwenye makazi ya watu.

Aidha, ulimweleza kuwa, pamoja na kudhibiti maji hayo kupitia bwawa la kuhifadhia maji yenye sumu yajulikanayo kitaalam kama “topesumu” (Tailings Storage Facility- TSF) mgodi umeanza kuchukuwa hatua za kujenga TSF mpya.

“Mhe. Waziri tumekuja kutoa mrejesho wa utekelezaji wa agizo lako, tunafurahi kukuambia kuwa tumetekeleza agizo hilo na kwa sasa hakuna maji yanayotiririka. Pamoja na hatua hiyo mgodi umeanza mchakato wa ujenzi wa bwawa jipya (TSF) la kuhifadhia topesumu,” walieleza.

Aidha, ulimweleza Waziri Biteko kuhusu hujuma za uharibifu wa miundombinu ya bomba la maji yenye sumu unaofanywa kwa maksudi na wakazi wanaozunguka mgodi ili kufifisha juhudi zao za kudhibiti maji hayo wakiwa na lengo la kuufanya mgodi uonekane haujachukuwa hatua kudhibiti jambo hilo, ambapo walionesha picha mbalimbali ya namna bomba lilivyo pasuliwa ili maji yatiririke kuelekeka kwa wananchi.

Akizungumza katika kikao hicho, Waziri Biteko alieleza kuwa, amepokea taarifa ya kampuni husika na kuwapongeza kwa hatua zilizochukuliwa na kusema kuwa, ukweli wa jambo hilo atauthibitisha mara baada ya kupata ripoti ya wataalam watakaokwenda kuhakikisha kuhusu utekelezaji wa agizo hilo na kuongeza,“katika hili sitanii juu ya kuufunga mgodi ikiwa utashindwa kudhibiti tope sumu,”.

“Naomba nirudie tena katika hili sitanii, sitabadilisha msimamo wangu kama serikali na utaendelea kubaki pale pale dawa pekee ni kutekelezwa kwa agizo hilo. Lakini niseme ukweli, nasikitishwa sana na kitendo hiki cha wananchi kupasua bomba, kwa hili sikubaliani nao na siwaungi mkono.

Pia, aliongeza kuwa, atawasiliana na Mkuu wa Mkoa na Mkuu wa Wilaya kuona namna ya kudhibiti hali hiyo ili wale watakao bainika wachukuliwe hatua.

Waziri Biteko alilitoa agizo hilo   Machi 6, alipoutembelea mgodi huo hapo kwa ziara ya kikazi  pamoja na kuzungumza na wananchi kwenye mkutano wa hadhara katika kijiji cha Nyamongo wilaya ya Tarime.

Read more

Kamati ya Bunge yaipongeza Wizara ya Madini

Na Issa Mtuwa, Dodoma

Kamati ya Kudumu ya Bunge ya Nishati na Madini imeipongeza Wizara ya Madini kwa utekelezaji wa Ujenzi wa Jengo la Taaluma la chuo cha Madini Dodoma (MRI) na Ujenzi wa Jengo la Ofisi za Wizara ya Madini lilipo eneo la Mji wa Serikali Ihumwa, Jijini Dodoma.

Mwenyekiti wa kamati ya kudumu ya Bunge ya Nishati na Madini, Mhe. Danstan Kitandula wa kwanza kushoto akisikiliza maelezo ya ujenzi wa jengo la taaluma la chuo cha Madini (MRI) kutoka kwa Kaimu Mkuu wa Chuo Fredrick Mangasini wa kwanza kulia na wapili yake ni Waziri wa Madini Mhe. Doto Biteo.

Hayo yamesemwa  Machi 13, 2019 na Wajumbe wa Kamati hiyo wakati wa kikao cha majumuhisho kilichofanyika kwenye jengo la wizara ya Madini Ihumwa, mara baada ya kukagua majengo yote mawili na kupewa taarifa ya ujenzi wake.

Wakiwa kwenye jengo la taaluma la chuo cha madini, wajumbe wamepongeza na kuridhishwa na  hatua ya ujenzi iliyofikiwa na kupongeza SUMA JKT  kujenge jengo hilo.

Jengo la Taaluma ni la ghorofa tatu lenye ofisi, vyumba vya kufundishia na ukumbi wa mikutano. Ujenzi huo utagharimu jumla ya shilingi 2, 863, 161, 369.00 hadi kukamilika kwake  na unatekelezwa chini ya chini ya Mradi wa Usimamizi Endelevu wa Raslimali Madini (SMMRP) kwa mkopo kutoka Benki ya  Dunia.

Akizungumzia ujenzi wa jengo la Wizara, Katibu Mkuu wa Wizara ya Madini Prof. Simon Msanjila amewaeleza wajumbe wa kamati kuwa, ujenzi huo ulianza tarehe 4/12/2018 na ulitakiwa kukamilika tarehe 31/01/2019, hata hivyo mkandarasi hakuweza kukamilisha ndani ya muda huo kutokana na sababu mbalimbali. Prof. Msanjila ameongeza kuwa, kwa kuzingatia ushauri wa msimamizi wa ujenzi huo, walifikia makubaliano ya kumuongezea muda mkandarasi hadi kufikia tarehe 28/02/2019.

Prof. Msanjila ameongeza kuwa, mpaka sasa ujenzi huo umefikia asilimia 80 na mwezi ujao wizara itakuwa tayari kuhamia. Amesema ujenzi huo umegharimu Jumla ya shilingi Milioni 975,360,028.10 zitatumika katika ujenzi huo.

Naye, Waziri wa Madini Doto Biteko ameiambia kamati kuwa, mkandarasi wa ujenzi huo, alipewa muda wa mwezi mmoja kukamilisha ujenzi wake ili wafanyakazi wa Wizara hiyo waanze kulitumia. Waziri emeleza kuwa wizara inaridhishwa na kasi ya mkandarasi katika ujenzi huo.

Biteko ameongeza kuwa, wizara imedhamiria kuhakikisha ujenzi huo unakamilika kwa wakati na kuthibitisha hilo wizara imemteuwa Mkurugenzi Msaidizi wa Utawala na Raslimaliwatu, Nsajigwa Kabigi ambae yupo muda wote wote eneo la ujenzi.

Wajumbe wa Kamati ya Kudumu ya Bunge ya Nishati na Madini na viongozi wa Wizara ya Madini wakiwa kwenye kikao cha majumuisho baada ya kutembelea miradi

Kwa upande wake, Mwenyekiti wa Kamati hiyo, Dunstan Kitandula amesema pamoja na wabunge kuipongeza wizara kwa kazi nzuri, ameishauri wizara na mkandarasi wa ujenzi huo, Mzinga Holdings Company kujielekeza kwenye manunuzi ya vifaa vinavyopatikana hapa nchini.

Wakichangia wajumbe wa kamati hiyo, Joseph Musukuma na Ally Keissy wakichangia wakati wa majumuhisho waliipongeza wizara na mkandarasi, hata hivyo, walishangaa muda waliopewa na hatua iliyofikia, msukuma alisema ni kazi ya kupongeza na  wameeleza pamoja na mkandarasi kutokamilisha kazi yake kwa wakati bado utendaji wake wa kazi unaridhisha na kasi  yake inaonekana.

Naye, Naibu Waziri wa Madini Stanslaus Nyongo aliwaambia wajumbe wa kamati kuwa, ujenzi wa jengo hilo la wizara unafanana ramani na wizara nyingine ikiwemo kiasi cha fedha zilizotolewa na serikali zote zikiwa na kiwango cha shilingi Bilioni moja.

Amesema muda uliotolewa ulilenga kutimiza azma ya wizara kuhamia eneo hilo kwa wakati. Aliwashukuru wajumbe kwa ushauri wao na  kueleza kwamba kama wizara watauzingatia.

Read more

Waziri Biteko azitaka nchi za Maziwa Makuu kudhibiti rasilimali ardhi

Na Issa Mtuwa Dodoma

Nchi Wanachama wa Maziwa Makuu zimetakiwa kushikamana kuunganisha nguvu katika kulinda na kusimamia matumizi ya raslimali ardhi ikiwemo madini ili kunufaisha nchi hizo.

Mjumbe kutoka Burundi Gerard Nayuburundi akiwasilisha mada kwenye mkutano wa kimataifa wa nchi wanachama wa Maziwa Makuu kwenye Hotel ya Morena Jijini Dodoma.

Hayo yamesemwa na Waziri wa Madini Doto Biteko wakati akifungua mkutano wa Kimataifa    wa nchi Wanachama wa Maziwa Makuu (International Conference on the Great Lakes Region – ICGLR) unaofanyika kwa siku mbili kuanzia tarehe 11-12 Machi 2019 katika Hotel ya Morena jijini Dodoma.

Biteko amezitaka nchi hizo kuunganisha nguvu ya pamoja katika kudhibiti raslimali ardhi ikiwemo madini na kujiwekea utaratibu utakao dhibiti shughuli za uzalishaji na biashara ya madini ili raslimali hizo zinufaishe mataifa yao na zisitumike vibaya.

“Unganisheni nguvu kwa pamoja, wekeni utaratibu utakao wafanya nchi wanachama kunufaika na raslimali ardhi/madini. Jitahidini kuhakikisha raslimali hizo hazitumiki vibaya kama ilivyo kubaliwa kwenye itifaki, hivyo lazima kuwe na utaratibu na sheria kwa kila nchi namna ya kudhibiti uzalishaji na biashara ya madini,” amesema Biteko.

Naye, Mtaalam kutoka Wizara ya Madini, Mhandisi Assah Mwakilembe amesema Mkutano huo unalenga kujadili na kupitia mfumo wa udhibitisho wa mnyororo wa madini kwa lengo la kudhibiti uzalishaji na biashara ya madini katika nchi za maziwa makuu kufuatia kuwepo tetesi zilizo kuwa zinahusisha raslimali ardhi (Madini) na ufadhili wa vita katika nchi za aaziwa makuu. (Region Certification Manual)

Akizungumza mara baada ya kuwasilisha mada kuhusu marekebisho ya Sheria Madini ya Mwaka 2017 Mkurugenzi wa Idara ya Sheria kutoka Wizara ya Madini, Edwin Igenge amesema kwa upande wa Tanzania, imetekeleza itifaki ya pamoja ya nchi wanachama wa Maziwa Makuu kama ilivyo kubaliwa.

Naibu Waziri wa Madini Mhe. Stanslaus Nyongo akiongea na wajumbe wa mkutano wa kimataaifa wa nchi wanachama wa Maziwa Makuu jijini Dodoma.

Ameongeza kuwa, utekelezaji wa itifaki kwa Tanzania ni pamoja na marekebisho ya sheria ya Madini ya Mwaka 2017 yaliyopelekea kuundwa kwa Tume ya Madini ambapo shuguli zote za usimamizi wa raslimali madini zimepewa Tume ya Madini ambapo kabla ya hapo shuguli hizo zilikuwa chini ya Kamishna wa Madini.

Igenge amesema kuanzishwa kwa itifaki katika nchi za maziwa makuu kulitokana na tetesi za uwepo wa matumizi mabaya ya raslimali ardhi ikiwemo madini ambapo kipato cha raslimali hizo inasadikika kuwa zilikuwa zinatumika kufadhili shuguli za za kivita katika nchi za maziwa makuu, hivyo kupelekea kuanzishwa kwa itifaki ya pamoja kwa lengo la kudhibiti.

Mkutano huo wa kimataaifa unahudhuriwa na wajumbe kutoka Tanzania, Burundi, Rwanda na wawakilishi wa Shirika la Maendeleo la Ujerumani (GIZ) na Sekretariati ya nchi wanachama wa Maziwa Makuu. Kwa upande wa  Tanzania inawakilishwa na Wizara ya Madini, Wizara ya Mambo ya Nje na Ushirikiano wa Afrika Mashariki, Shirikisho la Wachimbaji Tanzania (FEMATA), Chama cha Wanunuzi  na Wauzaji wa  Madini Tanzania  (TAMIDA), Tume ya Madini, Shirika la Madini la Taifa (STAMICO), Wakala wa  Jiolojia na Utafiti wa Madini (GST).

Katika mkutano huo, Waziri Biteko aliambatana na Naibu Waziri wa Madini Stanslaus Nyongo, Kamishna wa Madini Mhandisi Daivid Mulabwa, Mkurugenzi wa Sheria kutoka Wizara ya Madini Edwin Igenge na baadhi ya maafisa kutoka wizara ya Madini.

Read more

Waziri Biteko ateta na wenye nia ya kuwekeza nchini

Na Asteria Muhozya,

Waziri wa Madini Doto Biteko amekutana na Rais wa Kampuni ya Amtec Resources Management Ltd ya nchini Uingereza, Dkt. Peter Gollmer ambaye amemweleza Waziri Biteko kuhusu ujio wa kampuni zipatazo 3 kutoka mataifa mbalimbali zenye nia ya kuwekeza katika sekta ya madini.

Kamishna wa Madini David Mulabwa akizungumza jambo wakati wa kikao baina ya Waziri wa Madini Doto Biteko na Rais wa Kampuni ya Amtec Resources Management Ltd ya nchini Uingereza, Dkt. Peter Gollmer.

Dkt. Gollmer amesema kampuni hizo zimeonesha nia ya kuwekeza katika sekta ya madini hususan katika masuala ya utafiti na uchimbaji wa madini kutokana na ushawishi unaofanywa na Balozi wa Tanzania nchini Urusi Meja Jenerali Mstaafu Simon Mumwi  ambaye amekuwa akihamasisha watu wa mataifa mbalimbali nchini humo kuwekeza nchini.

Pia, ameeleza kwamba, kampuni hizo hazina shaka ya kuwekeza Tanzania kutokana na mazingira tulivu ya kisisasa yaliyopo nchini pamoja na utajiri wa rasilimali madini ambayo Tanzania imejaliwa kuwa nayo.

Akizungumza katika kikao hicho, Waziri Biteko amemweleza Dkt. Gollmer kuwa kikao hicho ni muhimu na kwamba milango kwa ajili ya wawekezaji wenye dhamira ya dhati ya kuwekeza nchini iko wazi na kuongeza kuwa, kama wizara inaratajia kukutana na kampuni hizo.

Wengine walioshiriki kikao hicho ni Kamishna wa Madini Mhandisi David Mulabwa, Mkurugeni wa Idara ya Sera na Mipango, Augustine Ollal na Katibu wa Waziri Kungulu Kasongi.

Read more

Nyongo abainisha changamoto zinazoikabili sekta ya madini

Na Nuru Mwasampeta,

Licha ya kwamba Wizara ya Madini kuwa miongoni mwa wizara nyeti katika kufikia uchumi wa viwanda, inakutana na changamoto nyingi.

Hayo yamebainishwa na Naibu Waziri wa Madini na Mbunge wa Jimbo la Maswa Mashariki katika mkutano wa hadhara na wananchi wa jimbo hilo Tarehe 9 Machi, 2019.

Naibu Waziri Nyongo alizitaja baadhi ya changamoto hizo kuwa ni pamoja na utoroshwaji wa Madini unaosababisha Taifa kutokupata kodi stahiki, uwepo wa mikataba isiyolinufaisha Taifa, hali mbaya ya wachimbaji wadogo na hali ya wachimbaji kufanya shughuli zao bila kuzingatia suala zima la usalama.

Pamoja na changamoto hizo, Naibu Waziri Nyongo alibainisha kuwa Serikali ya Awamu ya Tano ilifanyia marekebisho ya Sheria ya Madini ya mwaka 2010 mnamo mwaka 2017.

“Mimi pamoja na uongozi wote wa wizara ya Madini tumepewa dhamana kusimamia sheria hiyo ili Madini yaliyopo nchini yanufaishe Taifa na watu wake”, alisema Nyongo.

Awali kabla ya mkutano huo, Naibu Waziri Nyongo alifanya ziara ya kukagua miradi ya maendeleo katika jimbo hilo.

Read more

Nyongo akagua miradi ya maendeleo jimboni Kwake Maswa

Na Nuru Mwasampeta,

Katika kutekeleza ilani ya Chama cha Mapinduzi na utekelezaji wa ahadi za chama kwa wananchi, Naibu Waziri wa Madini ambaye pia ni Mbunge wa Jimbo la Maswa Mashariki Stanslaus Nyongo leo amekagua utekelezaji wa miradi ya maendeleo katika jimbo lake.

Naibu Waziri wa Madini Stanslaus Nyongo (kulia) akiambatana na wajumbe wa Chama na mhandisi wa barabara akikagua ujenzi wa Barabara ya km 1.5 ikiwa ni moja ya ahadi za chama

Nyongo alitembelea mradi wa ujenzi wa shule unaoendelea katika kata ya Nyalikungu na kuagiza shule hiyo ya  msingi ianze kupokea wanafunzi kuanzia mwezi huu ili kuwapa nafuu wanafunzi wanaotembea mwendo mrefu kutafuta elimu.

Aidha, Nyongo ameelekeza mwenge wa Jamhuri ya Muungano wa Tanzania utakapopita katika wilaya ya Maswa, ndipo shule hiyo ifunguliwe rasmi ili kuruhusu masuala mengine ya kimaendeleo kutekelezwa.

Mara baada ya kukamilisha ukaguzi katika eneo hilo, Nyongo alielekea katika kijiji cha  ambako alikagua maendeleo ya ujenzi wa zahanati ambao haukuwa wakuridhisha aidha, alitembelea hospitali ya Wilaya ya Maswa kujionea eneo lililopendekezwa kwa ajili ya ujenzi wa jengo la Mama na Mtoto ambalo mchakato wa ujenzi na upatikanaji wa pesa umekamilika.

Akizungumzia changamoto wanazokutana nazo katika eneo hilo la shule, Diwani wa Kata ya Nyalikungu, Joseph Bundara, alisema ni kutokuwa na barabara, huduma ya maji, umeme pamoja na ombi lakujengewa nyumba ya mwalimu ili kuishi karibu na mazingira ya shule.

Akizungumza wakati wa ukaguzi wa mradi wa shule iliyopo katika kata hiyo ya Nyalikungu Katibu wa CCM wilaya ya Maswa Mwl. Mathius Filagisa alimtaka Diwani wa kata hiyo kuhakikisha wakati wa ziara za viongozi wa juu wa Chama na CCM viongozi wote na watendaji wote wa Serikali wawepo katika ziara na mikutano   ili kujibu hoja zitakazoibuka wakati wa mikutano hiyo.

Tunatekeleza Ilani ya CCM kuleta makaimu kwenye ziara za waheshimiwa haifai mjitahidi mwaunge mkono viongozi wenu wakati wa utekelezaji wa majukumu yao wawapo majimboni” alikazia.

Read more

Serikali yakasirishwa na tabia ya uongozi wa mgodi

Na Issa Mtuwa, Tarime

Waziri wa madini Mhe. Doto Biteko ameonyesha kukerwa na tabia zinazofanywa na uongozi wa juu wa mgodi wa Acacia North Mara kwa serikali  kwa kushindwa kuhudhuria vikao mbalimbali vinavyo andaliwa baina ya pande hizo mbili, licha ya baadhi ya vikao kuongozwa na Waziri wa Madini lakini viongozi wa juu wa mgodi ambao ndio wafanya maamuzi na watekelezaji wa maagizo ya serikali wamekuwa wakishindwa kuhudhuria.

Waziri wa Madini Mhe. Doto Biteko wa tatu kulia akiwa na kamati ya ulinzi na usalama ya mkoa wa Mara wakielekea kwenye eneo la uchimbaji wa TSF kulia kwake ni mkuu wa mkoa wa Mara, Adam Kigoma Malima.

Biteko amesema hayo wakati akihutubia wananchi kwenye mkutano wa hadhara jana Machi 5, 2019 katika kijiji cha Nyamongo  wilayani Tarime ikiwa  ni muendelezo wa ziara yake ya kikazi kwenye migodi ya North Mara na Buhemba. Biteko amesema anakerwa na tabia za uongozi wa mgodi huo kwa kushindwa kuhudhuria mara kwa mara mikutano mbalimbali ya ndani na ile ya hadhara badala yake wamekuwa wakituma wawakilishi.

“Kuanzia leo, haki ya mungu, haki ya mungu, haki ya mungu, mimi Waziri wa Madini leo ni siku ya mwisho kukaa na hawa wawakilishi kwenye vikao, hasa kama hivi vinavyo husu hatima ya maisha ya watu alafu wafanya maamuzi hawahudhurii. Niwambie ukweli nasikitishwa sana na tabia hii. Hawa walipo sio saizi yangu, kama ni hawa hata mimi ningewaleta maafisa wa wizara tena wale wanaolingana na hawa.

Wanataka wawepo hadi afike Rais…!? nendeni mkawambie kwenye ngazi ya Wizara mimi ndio wamwisho katika kufanya maamuzi, kama mimi nipo kwa nini wao wasiwepoo…!? nyinyi mliokuja hapa nendeni mkawaambie hii ni mara ya mwisho wasifikiri serikali hii wanaweza kuiweka mfukoni, haikubaliki, hii tabia lazima ifike mwisho” alisema Biteko huku akisikitika sana.

Amesema kwa ujumla hafurahishwi na namna mambo yanavyokwenda mgodini hapo ukilinganisha na migodi mingine. Mgodi wa North Mara umezungukwa na matatizo mengi sana yakiwemo ya malipo yafidiaza wananchi, utiririshaji wa maji yenye sumu kwenda kwenye makazi ya wananchi.

Read more

Biteko-Maisha ya watu yanathamani kubwa kuliko shughuli za Mgodi

Na Issa Mtuwa, Tarime

Serikali imesema itaufunga mgodi wa North Mara ifikapo Machi 30, 2019 endapo mgodi huo utashindwa kuyadhibiti maji yenye sumu yanayo tiririka kutoka kwenye mabwawa ya kuhifadhia maji (topesumu) (Tailings Storage Facility -TSF) ya mgodi huo kuelekea kwenye makazi ya watu.

Hayo yamesemwa leo machi 5, 2019 na Waziri wa Madini Mhe. Doto Biteko alipotembelea mgodini hapo kwa ziara ya kikazi ambapo pamoja na mambo mengine alitembelea mabwawa wa topesumu (TSF) na kuzungumza na uongozi wa mgodi na baadae na wananchi kwenye mkutano wa hadhara uliofanyika katika kijiji cha Nyamongo wilaya ya Tarime kuzungumzia hatima ya malipo ya fidia za wananchi waliohamishwa kupisha shuguli  za mgodi.

Biteko amesema serikali hairidhishwi na namna mgodi wa North Mara kwa jinsi wanavyo zingatia swala la utunzaji wa maji yenye sumu kwenye (TSF) zao. Amesema serikali inathamini sana maisha ya watu na mtu mmoja mmoja, na kwamba maisha ya mtu mmoja ni bora kuliko shuguli zote za mgodi.

“Naomba niseme ukweli, tena kutoka moyoni, sijaridhishwa na hili jambo la utiririshaji wa maji yenye sumu kuelekea kwenye makazi ya watu. Serikali hii ya awamu ya tano ya Dkt. John Pombe Magufuli inathamini sana maisha ya watu wake kuliko kitu chochote. Thamani yamaisha ya mtanzania mmoja ni bora kuliko kinachochibwa hapa. Nitoe rai kwa mgodi ifikapo Machi 30, mwaka huu, hili jambo liwe limekwisha, kinyume cha hapo, nitafunga mgodi mpaka pale mtakapo tekeleza jambo hili” alisema Biteko.

Kwa upande wa uongozi wa mgodi umesema, utatekeleza agizo hilo na kwamba juhudi za kudhibiti topesumu kuelekea kwenye makazi ya watu limepewa kipaumbele na kwamba ndani ya muda huo litakuwa limekamilika.

Katika ziara hiyo, Waziri Biteko aliambatana na baadhi ya Maafisa wa Wizara hiyo akiwemo Kamishna wa Madini Mha. David Mlabwa na Afisa Madini mkoa wa Mara Mha. Nyaisara Mgaya, wengine ni kamati ya ulinzi na usalama mkoa wa mara wakiongwa na mwenyekiti wake ambae pia ni mkuu wa mkoa wa Mara bwana Adam Kigoma Malima.

Ziara hiyo inafuatia vikao mbalimbali vya awali vilivyofanyika mwaka huu vikilenga masuala mbalimbali yanoyo husu mgodi huo likiwemo swala la udhibiti wa maji yenye sumu (topesumu) yanayo lalamikiwa na wananchi wanaoishi kuzunguka mgodi huo, kikao cha kwanza kilifanyika Januari 19, chini ya makatibu wakuu wa wizara saba ((Madini, Makamu wa Rais Mazingira (NEMC), Ardhi, TAMISEMI, Afya, Fedha na Maji)) ambapo serikali ilitoa miezi nane kutekeleza maagizo yaliyopewa.

Read more

Wanawake Wizara za Madini, Nishati, GST waadhimisha siku yao na wenye Mahitaji Maalum

Na Nuru Mwasampeta,

Katika kuelekea Kilele cha Maadhimisho ya Siku ya Wanawake Duniani, Wanawake kutoka Wizara za Madini, Nishati na Taasisi ya Jiolojia na Utafiti wa Madini Tanzania (GST), leo Machi 5, wamefanya Matendo ya Huruma kwa kuwatembelea watu wenye mahitaji maalum na kutoa mahitaji mbalimbali ya kijamii.

Wawakilishi wa wanawake kutoka Wizara za Madini, Nishati na Taasisi ya Jiolojia na Utafiti wa Madini Tanzania (GST) wakiwa njiani kuelekea katika vituo vya watu wenye mahitaji maalumu katika Kata ya Buigiri, Halmashauri ya Chamwino, Jijini Dodoma ikiwa ni sehemu ya kuadhimisha Siku ya Wanawake Duniani.

Vituo vilivyotembelewa na wanawake hao ni Shule ya watoto wasioona na kituo cha watu wazima wasioona vilivyopo katika Kata ya Buigiri, Halmashauri ya Chamwino jijini Dodoma kwa lengo la kujumuika pamoja kabla ya kilele cha maadhimisho hayo ambayo hufanyika tarehe 8 Machi, kila mwaka.

Akizungumza kwa niaba ya ujumbe huo mara baada ya kuwasili katika shule ya watoto wasioona, Afisa Utumishi kutoka Wizara ya Madini  anayeshughulikia masuala ya wanawake Remida Ibrahim, amesema kutokana na wanawake kuguswa  zaidi na masuala ya kijamii ndio  sababu  iliyopekea  ujumbe huo  kufika kituoni hapo kwa  ajili ya kutoa mahitaji mbalimbali ili yaweze kuwasaidia watoto hao.

Remida amewaasa wanafunzi hao ambao asilimia tisini na tano wana ulemavu wa kutokuona kusoma kwa bidii ili kujikwamua  na maisha yao ya baadaye na kuwataka kuelewa kuwa Serikali inatambua uwepo wao na kwamba iko bega kwa bega katika kuhakikisha inachangia katika kutoa elimu bora.

Wanawake Watumishi wa Wizara za Nishati na Madini katika picha ya pamoja walipojumuika na watu wenye mahitaji maalumu ikiwa ni moja kati ya matukio katika kuadhimisha Siku ya Wanawake Duniani.

Kwa upande wake, Mwalimu Mkuu Msaidizi wa Shule hiyo, Historia Mputa, ameushukuru ujumbe wa wanawake kutoka katika makundi hayo kwa kutoa kipaumbele kwao na kuamua kutembelea kituo hicho na kueleza, “vituo vya watoto wenye mahitaji maalum ni vingi sana lakini mmeona vema kututembelea mahala hapa tunashukuru sana”, amesisitiza.

Baada ya kukamilisha shughuli ya kukabidhi zawadi katika kituo hicho, ujumbe hao ulihamia katika kituo cha wasioona watu wazima ambapo   walipata fursa ya kusikia historia fupi ya kituo na kusikiliza kero mbalimbali zinazokikabili kituo hicho na baadaye kukabidhi bidhaa zitakazosaidia katika kupata mahitaji kwa siku kadhaa.

Akizungumzia uanzishwaji wa kituo hicho, Mwenyekiti Msaidizi wa kituo hicho Yusuph Matando, amesema kituo hicho kilianzishwa mnamo mwaka 1992 na Mwalimu Keneth D. Mwanampalila na kufadhiliwa na Kendall Lee wa nchini Uingereza kwa lengo la kuwasaidia watu wasioona kujipatia mahitaji yao kwa shughuli za kilimo cha mbogamboga badala ya watu hao kuombaomba mtaani.

Yusuph amebainisha changamoto  zilizopo kituoni hapo kuwa ni hicho kuwa ni pamoja  kutokufikiwa na huduma ya umeme ,ugumu katika upatikanaji wa mbegu, uhaba wa mipira ya maji kwa ajili ya kumwagilia bustani zao pamoja na maji yanayopatikana katika kisima hicho kutokutosheleza mahitaji ya kijiji.

Siku ya wanawake duaniani huadhimishwa tarehe 8 Machi ya kila mwaka ikilenga kusisitiza kujenga mshikamano wa wanawake wote duniani, kuelimisha kuhusu jitihada zinazofanywa na serikali na taasisi zisizo za serikali katika kuwaendeleza wanawake na kuhamasisha utekelezaji wa Sera na mipango ya Serikali yenye lengo la kudumisha amani, usawa na maendeleo.

Kaulimbiu ya Maadhimisho ya Mwaka 2019 ni “ Badili fikra, fikiria usawa wa Kijinsia kwa Maendeleo Endelevu’’.

Read more

Biteko ahimiza wana Bukombe kuchapa kazi na kuchukia umaskini

Na Issa Mtuwa Bukombe

Kazi kubwa ya kiongozi yeyote aliepewa dhamana, ana wajibu wa kuhahikisha anabadilisha maisha ya watu kwa kushugulikia matatizo na kero zao kwenye eneo alilopewa, na ndio maana Rais Magufuli kila kukicha anawaza juu ya changamoto za Watanzania na anawahiza viongozi wote kushugulikia matatizo ya Watanzania.

Akiongea na Wananchi wa vijiji mbalimbali katika kata ya Ushirombo na Bugelenga wilaya ya Bukombe katika muendelezo wa ziara yake katika mkoa wa Geita, jana Machi 2, 2019, Waziri wa Madini Mhe. Doto Biteko amesema “dhana” ya kushugulika na matatizo ya watanzania katika wizara yake na wananchi wa jimbo lake kwa ujumla ndiyo inayomfikisha kila mara kwenye maeneo mbalimbali nchini kushugulikia matatizo yao ikiwemo Bukombe.

Waziri wa Madini Mhe. Doto Biteko akizungumza na Wananchi wakiwemo Wachimbaji wadogo wa Madini katika kijiji cha Busonjo kata ya Busonjo wilaya ya Bukombe mkoa wa Geita.

Akihutubia wananchi wa Kijiji cha Mkange kata ya Bugelenga, Biteko amewambia wananchi hawanabudi kuuchukia umaskini kwa kujishugulisha na kufanya kazi kwa bidii. Amesema hata yeye wanae muona leo, ni mtu alietokana na familia maskini na ndio maana hata kipindi akisoma walikuwa wakimuita “Doto Maziwa”, kwa kuwa sehemu kubwa ya gharama za masomo yake ilitokana kwa kuuza mazima hivyo kila familia ijitume kufanya kazi kwa kutumia fursa zilizopo.

“Ndugu zangu, ngoja niwaambie ukweli, nimetembea nchi nyingi sana, kuna nchi zina watu masikini zaidi kuliko hata sisi, mi niwaombe kama wewe huna ulemavu wa kukufanya ushindwe kufanya kazi ndugu zangu tuchapeni kazi, tuibadilishe Bukombe yetu” alisema Biteko.

Biteko amewaambia wananchi kuwa hataona fahari kama matatizo ya Watanzania katika sekta ya madini na wananchi wake wa Bukombe wanaendela kuwa na changamoto na hazipatiwi majawabu. Amesema kama ambavyo ameweka mkazo katika kuondoa kila aina ya kero kwenye sekta ya madini ndivyo hivyo hivyo anahakikisha anaondoa kero za wananchi wa Bukombe katika sekta Afya, Elimu, Miundombinu, Maendeleo ya jamii, vijana, wanawake na walemavu.

Katika ziara yake Biteko amekagua shuguli mbalimbali za maendeleo ikiwemo kuweka jiwe na msingi katika majengo ya zahanati, kukagua ujenzi wa vyumba vya madarasa na nyumba za waalimu, kukagua madaraja na miundombinu ya barabara katika kuhakikisha ilani ya  chama cha Mapinduzi inatekelezwa.

Read more

Biteko asema ufahari wa kiongozi uwe kwenye kuwatumikia Wananchi

Na Issa Mtuwa, Bukombe

Waziri wa Madini ambae pia ni Mbunge wa Bukombe Mhe. Doto Biteko amesema viongozi wa serikali wajibu wao mkubwa ni kuwatumikia wananchi, dhamana yao ya madaraka kama haina msaada kwa wananchi haina maana, yeye kama waziri na mbunge kama shida na matatizo ya wanchi wa Bukombe na sekta nzima ya madini atashindwa kuzitatua  haina maana ya uwepo wake na ndio maana anaumiza kichwa kila siku kuhakiksha sekta ya Madini inaleta tija kwa taifa huku pia wananchi wa Bukombe wanaozungukwa na Madini ya dhahabu pia wananufaika.

Waziri wa Madini Mhe. Doto Biteko akiongea kwenye kikao cha ndani na viongozi waandamizi wa Wilaya ya Bukombe katika siku yake ya kwanza ya ziara yake ya siku tatu wilayani humo.

Biteko ameyasema hayo leo tarehe 02/03/2019 akihutubia wananchi kwa nyakati tofauti tofauti wilaya ya Bukombe katika siku yake ya kwanza ya ziara yake ya siku tatu katika mkoa wa geita ambapo pamoja na mambo mengine anasikiliza na kutatua kero mbalimbali za wananchi na zinazo husu sekta ya madini.

“Rais Pombe Joseph Magufuli amekuwa akituambia mara kwa mara  nendeni mkawahudumie Watanzania muwaondolee kero, ule mfumo wa watu wakiwa ofisini anakuwa Boss Magufuli hataki mfumo huoo, anataka mabosi wawe wananchii, wananchi wasikilizwe kama wana jambo litatuliwe na kama haliwezekani waambiwe ukweli sio kudanganya” amesema Biteko.

Amesema Bukombe inautajiri wa madini ya dhahabu na endapo kila mmoja atajishugulisha katika kutafuta kwa kutumia fursa zilizopo maisha ya wana Bukombe yataboreka, ametoa wito kwa vijana, akina mama na kila mtu mwenye uwezo wa kufanya kazi ajishugulishe.

Aidha, ameongeza kwa kusema wajibu alionao kama Waziri wa Madini ni kuhakikisha kodi na malipo mbalimbali yanayohusiana na madini yanalipwa tena kwa wakati, na jamii zinazo zunguka migodi zinachangia maendeleo ya wananchi hao kama sheria inavyo wataka.

‘Msiwakamue sana hawa wawekezaji kwa sababu wanatumia fedha nyingi katika kuwekeza, sio kila shida ya kijiji, kata au wilaya mnakimbilia kwa mwekezaji wa mgodi hapaaaaaa….! lakini sizui kuwaomba msaada lakini kuwe na kipimo yale ya kisheria waacheni watekeleze ili wasipo timiza mimi nitawabana” aliongeza Biteko.

Read more

Prof. Msanjila ashikilia msimamo wa serikali kuhusu mgodi wa North Mara

Na Issa Mtuwa, Dodoma

Serikali kupitia Wizara ya Madini imesema bado imeshikilia msimamo wake kuhusu muda uliotolewa kwa Mgodi wa North Mara kutekeleza maagizo ya serikali yaliyotolewa kwenye kikao cha Januari 9, 2019 kuhusu Bwawa la kuhifadhi topesumu (Tailings Storage Facility -TSF).

Hayo yamesemwa na Katibu Mkuu wa Wizara ya Madini, Profesa Simon Msanjila Februari 26, 2019 wakati akizungumza katika mahojiano maalum ofisini kwake Jijini Dodoma, mara baada ya kufungua kikao cha pamoja baina ya wajumbe kutoka serikalini na wajumbe kutoka Mgodi wa North Mara waliokutana kujadili kuhusu hatua zilizofikwa na Mgodi katika kutekeleza maagizo hayo.

Amesema serikali haitoongeza muda zaidi ya ule uliotolewa katika kikao cha awali, na kusema kuwa msimamo wa serikali utabaki kuwa hivyo.

Katibu Mkuu wa Wizara ya Madini Prof. Simon Msanjila mwenye tai katikati kushoto akimsikiliza mmoja wa wajumbe wa kikao hicho wakati akichangia.

“Ndugu zangu katika kikao hiki kilenge kutoa majibu ya utekelezaji wa maagizo ya serikali kama yalivyowasilishwa kwenye kikao cha Januari 9, 2019, ni kwa kiasi gani mmetekeleza maagizo hayo,” alisema Prof. Msanjila.

Serikali kupitia kikao chake cha Januari 9, 2019 chini ya Makatibu Wakuu wa wizara saba (Madini, Makamu wa Rais Mazingira (NEMC), Ardhi, TAMISEMI, Afya, Fedha na Maji) kilitoa maagizo mbalimbali yakiwemo: Kujenga TFS mpya na Kukarabati TFS iliyopo kwa aajili ya kudhibiti mtiririko wa topesumu, maagizo ambayo mgodi ulipewa kuyatekeleza kwa muda wa miezi Nane (8) kuanzia Januari 9, 2019.

Akiongoza wakati wa mjadala wa uwasilishaji wa mada mbalimbali wa kikao hicho, chini ya Mwenyekiti wa kikao hicho Prof. Hudson Nkotaga aliwataka North Mara kueleza namna gani wametekeleza maagizo ya serikali kwa lengo la kupata mrejesho wa utekelezaji.

Kuhusu utekelezaji wa maagizo hayo, Meneja Usalama, Afya na Mazingira Reuben Ngusaru, kutoka mgodi wa North Mara amesema mgodi umeanza kutekeleza maagizo hayo na bado wanaendelea kutekeleza maagizo hayo na hata kikao cha tarehe 26 Februari ikiwa ni moja mkakati wa kutekeleza maagizo hayo kwa ufanisi.

Akizungumzia kuhusu hatua zilizochukuliwa na mgodi kudhibiti uvujaji unaoendelea kwenye (TSF) mpaka kufikia siku ya kikao cha Februari 26, mambo yaliyotekelezwa ni pamoja na: Kuondoa mawe na kusafisha mtaro uliopo upande wa Kaskazini mwa TSF. Kuvukiza (evaporation) maji yaliyotokana na uchenjuaji wa mawe yanayotengeneza tindikali asili (PAF Rock) (leachate water) badala ya kuyapeleka yote kwenye TSF na Programu zote zilizokuwepo za kupunguza maji katika TSF bado zinaendelea.

Aidha, kuhusu utekelezaji uliofikiwa katika kutekeleza agizo la Serikali la kujenga TSF mpya (Construction of a new TSF) Reuben amesema mpaka kufika tarehe 26 Februari, mgodi umefanya utambuzi wa eneo linalofaa kwa ajili ya ujenzi wa TSF mpya (Site Identification) nau sanifu wa awali (Conceptual design) ambapo usanifu wa awali umefanyika na ujenzi wa TSF mpya unatarajiwa kuwa na uwezo wa kuhifadhi tani milioni 45 za tope sumu (tailings) kavu kwa kadirio la ongezeko la tani 8200 kwa siku.

Maagizo ya serikali kwa mgodi wa North Mara yalitokana na ukaguzi uliofanywa na serikali kwenye mgodi huo uliohusisha timu kutoka ofisi mbalimbali za serikali zikiwemo, NEMC, Mkemia Mkuu wa Serikali, Wizara ya Madini, na Wizara ya Afya, uliopelekea kutolewa kwa maagizo yaliyolenga kudhibiti uharibifu wa mazingira uliokuwa unafanywa na mgodi.

Read more

Leseni za migodi mikubwa kutolewa karibuni

Na Asteria Muhozya, Dodoma

Serikali kupitia Wizara ya Madini inakamilisha taratibu za utoaji wa Leseni kwa Migodi Mikubwa ambazo hazijawahi kutolewa nchini, huku migodi hiyo ikitarajiwa kuanzishwa hivi karibuni.

Katibu Mkuu wa Wizara ya Madini Prof.Simon Msanjila akimsikiliza mmoja wa Viongozi wa Jumuiya ya Watendaji Wakuu wa Taasisi Binafsi.

Hayo yamebainishwa na Katibu Mkuu wa Wizara ya Madini Prof. Simon Msanjila alipokutana na viongozi wa Jumuiya ya Watendaji Wakuu wa Taasisi Binafsi ofisini kwake, jijini Dodoma.

Viongozi hao walikutana na Prof. Msanjila Februari 26, kwa lengo la kujitambulisha, kuelewa shughuli za serikali upande wa sekta ya madini, kupata uelewa kuhusu mabadiliko ya Sheria ya Madini na namna pande hizo mbili zinavyoweza kushirikiana katika kuendeleza sekta husika.

Prof. Msanjila aliwakaribisha viongozi hao kwenye sekta ya madini huku akiwataka kuzishawishi kampuni mbalimbali kuwekeza nchini hususani katika shughuli za uongezaji thamani madini na kueleza kuwa, suala hilo ni miongoni mwa maeneo ambayo serikali inayapa kipaumbele ikiwemo ujenzi wa vinu vya kusafisha na kuyeyusha madini.

Akizungumzia Sheria Mpya ya Madini ya Mwaka 2017, Prof. Msanjila amesema hakuna tatizo lolote katika utekelezaji wa sheria na kueleza kuwa, serikali kupitia wizara ya madini inapokea wawekezaji wengi wenye utayari na nia ya kuwekeza nchini huku utekelezaji wa sheria hiyo ukiwa si kikwazo na kuongeza kwamba, “hakuna mahali ambapo serikali inatengeneza sheria kwa ajili ya kumkandamiza mfanya biashara”.

“Hakuna tatizo lolote kwenye sheria ya madini. Hata wageni huwa tunakaa nao tunawaelimisha na wanatuelewa vizuri.  Kama kuna dosari ni vitu ambavyo tunaweza kuvirekebisha na tayari tumekwishakufanya hivyo kwa baadhi ya maeneo,” alisema Prof. Msanjila.

Mmoja wa viongozi wa jumuiya Jumuiya ya Watendaji Wakuu wa Taasisi Binafsi, Francis Nanai ambaye pia ni Mkurugenzi Mtendaji wa Kampuni ya Mwananchi Communications Limited, akizungumza jambo.

Aidha, katika kikao hicho Prof. Msanjila alitoa ushauri kwa viongozi hao kujitangaza zaidi kuhusu kazi zao huku akiwataka kutafuta wasaa kwa ajili ya pande hizo mbili kukutana ili wizara iweze kutoa elimu zaidi kwa Jumuiya hiyo kuhusu sekta ya madini ikiwemo fursa za uwekezaji zilizopo.

Pia, Prof. Msanjila alisema kuwa suala la kuaminiana linaweza kujengwa huku akiwataka watanzania kuwa wazalendo na namna wanavyotumia fedha za umma. Prof. Msanjila alizungumzia jambo hilo baada ya mmoja wa viongozi hao kueleza kuwa, bado kuna hali ya kutokuaminiana baina ya serikali na taasisi binafsi.

Kwa upande wake, mmoja wa viongozi wa jumuiya hiyo, Francis Nanai ambaye pia ni Mkurugenzi Mtendaji wa Kampuni ya Mwananchi Communications Limited amemweleza Prof. Msanjila kuwa, kama viongozi wa umoja huo, wamezipokea changamoto zilizotolewa kwao na Prof. Msanjila ikiwemo ushauri wa kukutana na wizara kwa lengo la kupata ufafanuzi na elimu  zaidi  kuhusu sekta ya madini.

Read more

Prof. Msanjila aongoza wadau kujadili rasimu Kanuni Uanzishwaji wa Masoko ya Madini nchini

Na Nuru Mwasampeta,

Katibu Mkuu wa Wizara ya Madini, Prof. Simon Msanjila ameongoza kikao kilicholenga kupokea maoni juu rasimu ya kanuni za uanzishwaji wa masoko ya madini nchini.

Washiriki wa kikao cha kutoa na kupokea maoni juu ya rasimu ya uanzishwaji wa kanuni za masoko ya madini nchini wakisubiri kuanza rasmi kwa kikao hicho.

Kikao hicho kilichofanyika katika ukumbi wa mikutano wa wizara kimewakutanisha, Makamishna Wasaidizi wa Wizara, Rais wa Shirikisho la Wachimbaji Madini Tanzania (FEMATA) John Bina, viongozi wa shirikisho hilo pamoja na wawakilishi wa wachimbaji wadogo kutoka mikoa ya kimadini nchini.

Akizungumza wakati wa Ufunguzi wa kikao, Prof. Msanjila alisema maoni ya wajumbe hao ni muhimu kwa watanzania na taifa kwa ujumla katika kuboresha kanuni hizo.

Aidha, Msanjila amebainisha kuwa, wadau wengine wamekwisha kutoa maoni yao katika makundi tofauti tofauti na pia maoni mengine yanaendelea kupokelewa kwa njia ya maandishi na kuwataka maoni hayo yakamilishwe ndani ya kipindi cha wiki moja.

Kabla ya kupokea maoni hayo, Mkurugenzi wa Idara ya Sheria wa Wizara, Edwin Igenge aliwasilisha rasimu ya kanuni hizo ili kutoa uelewa wa kile wanachopaswa kuchangia katika kutoa maoni yao.

Akiwasilisha rasimu hiyo, Igenge alisema hii ni sheria ndogo inayotokana na sheria mama ya madini. “Kanuni hizo zinatungwa kwa mujibu wa kifungu cha 27 (C) kifungu kidogo cha pili pamoja na kifungu cha 129 cha sheria ya madini,” amesema Igenge.

Aidha, amesema mahala patakapo kuwa na soko la madini kutakuwa na huduma zote zinazotakiwa ili kurahisisha ubadilishwaji wa fedha na  madini kama vile mabenki, ofisi za mamlaka ya Mapato (TRA), ofisi za masuala ya ulinzi na usalama, pamoja na ofisi mbalimbali za serikali.

Igenge amesema baada ya kukamilika na kupitishwa kwa kanuni hizo zitatafsiriwa na kupatikana katika lugha ya Kiswahili ili kuwawezesha wananchi wote kuelewa kanuni na mwongozo wa masoko ya madini.

Wajumbe wa mkutano wa kutoa na kupokea maoni juu ya rasimu ya uanzishwaji wa kanuni za masoko ya madini nchini wakifuatilia mada.

Akizungumzia baadhi ya vipengele vilivyopo katika rasimu hiyo, Igenge alisema sehemu ya kwanza inahusika na utangulizi yenye vifungu 3 cha kwanza ni jina la kanuni ambapo litaitwa ‘Kanuni za masoko za mwaka 2019’, pili ni maelezo ya wapi kanuni hizo zitatumika na kuratibiwa na kipengele cha mwisho kitatoa tafsiri ya maneno mbalimbali yanayotumika ndani ya kanuni hizo.

Sehemu ya pili ya kanuni inahusika na uanzishwaji wa masoko yenyewe, ambapo masoko yataanzishwa katika maeneo yenye tawala za mikoa na kuipa maelekezo Tume ya Madini kuhakikisha wanashirikiana na tawala za mikoa katika kuanzisha masoko hayo.

Aidha, alielezea msingi wa kwanza ni msingi wa uwazi, msingi wa matangazo ili watu waweze kujua madini yanauzwa na kununuliwa wapi, msingi wa haki ambao utazuia manunuzi haramu ya madini, lakini pia msingi wa mwendelezo ikiwa na maana masoko hayo kuwa ni masoko ya kudumu na si ya msimu.

Kwa upande wake, Rais wa Shirikisho la Wachimbaji wa Madini Tanzania (FEMATA), John Bina, ameiomba serikali kuyafanyia kazi maoni yaliyotolewa na wawakilishi wa wachimbaji wadogo ili kupata kitu kitakachokubalika na jamii nzima ya wachimbaji na wafanyabiashara wa madini.

Aidha, alikiri kufurahishwa na ufafanuzi uliotolewa katika kila kipengele cha rasimu ya kanuni za uanzishwaji wa masoko ya madini na kukiri kwamba wanaamini kuwa serikali ina nia njema na wananchi wake.

Read more

Wachimbaji madini watakiwa kuwa na mpango wa ufungaji Mgodi

Na Greyson Mwase, Pwani 

Mwenyekiti wa Tume ya Madini, Profesa Idris Kikula amewataka wachimbaji wa madini  ya ujenzi  aina ya kokoto katika mkoa wa Pwani kuwa na Mpango wa Ufungaji Mgodi utakaotumika kama mwongozo wa kuhakikisha mazingira yanaachwa yakiwa katika hali salama mara baada ya kumalizika kwa shughuli za uchimbaji wa madini hayo.

Mwenyekiti wa Tume ya Madini, Profesa Idris Kikula (kulia) pamoja na Kamishna-Tume ya Madini, Dkt. Athanas Macheyeki (katikati) wakiangalia moja ya bidhaa zinazotengenezwa na mgodi unaomilikiwa na Sisti Mganga uliopo katika Wilaya ya Bagamoyo Mkoani Pwani tarehe 21 Februari, 2019 ikiwa ni sehemu ya ziara yake katika mkoa huo yenye lengo la kukagua shughuli za uchimbaji wa madini ya kokoto, kusikiliza na kutatua kero za wachimbaji. Kushoto ni mmiliki wa mgodi huo, Sisti Mganga.

Profesa Kikula aliyasema hayo leo tarehe 21 Februari, 2019 katika nyakati tofauti alipofanya ziara yake katika migodi  inayojishughulisha na shughuli za uchimbaji wa madini ujenzi aina ya kokoto iliyopo katika Wilaya ya Bagamoyo mkoani Pwani yenye lengo la kutembelea wachimbaji wa madini hayo pamoja na kusikiliza na kutatua kero mbalimbali zinazowakabili.

Profesa Kikula katika ziara hiyo akiwa ameambatana na Kamishna – Tume ya Madini, Dkt. Athanas Macheyeki, wataalam kutoka Makao Makuu ya Tume ya Madini jijini Dodoma, Ofisi ya Afisa Madini Mkazi wa Mkoa wa Dar es Salaam, Ofisi ya Afisa Migodi Mkazi wa Lugoba pamoja na waandishi wa habari, Profesa Kikula alitembelea migodi ya Sisti Mganga, Gulf Concrete Company Limited na  Yaate Company Limited iliyopo katika Wilaya ya Bagamoyo.

Akizungumza katika nyakati tofauti mara baada ya kutembelea migodi hiyo, Profesa Kikula aliwataka wamiliki wa migodi kuhakikisha wanakuwa na mipango ya ufungaji migodi mapema badala ya kusubiri mpaka shughuli za uchimbaji madini zinapomalizika hivyo kufanya zoezi la ufungaji wa migodi kuwa gumu huku wakiacha mazingira yakiwa hatarishi.

“Ninapenda kuwakumbusha kuwa suala la kuwa na Mpango wa Ufungaji wa Migodi ni la lazima kulingana na Sheria ya Madini pamoja na kanuni zake, hivyo ninawataka kuhakikisha mnakuwa na mpango ili kuhakikisha mashimo hayaachwi wazi,” alisema Profesa Kikula.

Awali akiwa katika mgodi unaomilikiwa na Sisti Mganga Profesa Kikula  alielezwa mafanikio ya mgodi huo ikiwa ni pamoja na  kokoto za mgodi huo kutumika katika ujenzi wa daraja la Mto Wami uliopo mkoani Pwani,  reli ya kisasa ya standard gauge na utengenezaji wa marumaru kwa ajili ya soko la ndani ya nchi.

Katika hatua nyingine Mganga alitaja changamoto zinazoukumba mgodi huo kuwa ni pamoja na tozo kubwa kutoka katika halmashauri na tozo nyingine zinazotozwa na kijiji cha Kihangaiko  pasipo kuwa na risiti pamoja na ukosefu wa vifaa vya kisasa.

Profesa Kikula alisema kuwa, suala la tozo litafanyiwa kazi kwa kuliwasilisha mamlaka za juu kwa ajili ya kufanyiwa kazi na kusisitiza kuwa nia ya Serikali kupitia Tume ya Madini, ni kuhakikisha wachimbaji wa madini hususan wadogo wanafanya kazi katika mazingira mazuri yenye faida kubwa huku wakilipa kodi mbalimbali Serikalini pasipo vikwazo vyovyote.

Mmoja wa watendaji wa mgodi wa kuzalisha kokoto wa Gulf Concrete Company Limited, ulipo katika Wilaya ya Bagamoyo Mkoani Pwani, Ramesh Annlahamadu (kushoto) akifafanua jambo kwa Mwenyekiti wa Tume ya Madini, Profesa Idris Kikula (katikati) mara alipofanya ziara kwenye mgodi huo ikiwa ni sehemu ya ziara yake katika mkoa huo yenye lengo la kukagua shughuli za uchimbaji wa madini ya kokoto, kusikiliza na kutatua kero za wachimbaji tarehe 21 Februari, 2019. Kulia mbele ni Kamishna – Tume ya Madini, Dkt. Athanas Macheyeki.

Wakati huo huo, akiwa katika mgodi wa uzalishaji wa kokoto wa Gulf  Concrete Limited Profesa Kikula alitoa mwezi mmoja kwa uongozi wa mgodi huo kuhakikisha wanarekebisha kasoro ya mazingira kwa kuhakikisha vumbi linalotoka wakati wa shughuli za uchimbaji wa kokoto halisambai kwani linaathiri wananchi  wa vijiji vya jirani katika mgodi huo.

Alisema ni vyema wakazingatia Sheria ya Mazingira kwani vumbi mbali na kuathiri wananchi wanaoishi katika vijiji vya jirani linaweza kuathiri wafanyakazi wa mgodi huo.

Aidha, alituaka mgodi huo kuendelea kuhakikisha unatoa huduma kwa jamii inayozunguka mgodi huo na kutumia huduma za ndani ya nchi kama vile bidhaa pamoja na ajira kwa wazawa.

Katika hatua nyingine, Profesa Kikula akiwa katika mgodi wa kuzalisha kokoto wa Yaate Co. Limited, mbali na kuupongeza mgodi kwa kuaminiwa na kupewa kazi ya kusambaza kokoto kwenye mradi wa ujenzi wa reli ya kisasa ya standard gauge unaotelekezwa na kampuni ya Yapi  Merkezi na kutoa huduma mbalimbali kwa jamii inayouzunguka mgodi huo pamoja na ajira, aliutaka mgodi huo kuendelea kununua bidhaa/huduma kutoka kwa wananchi.

“Kutoa huduma bora kwa wananchi wanaozunguka mgodi kunaboresha mahusiano na kupunguza migogoro ya mara kwa mara inayoweza kujitokeza.

Awali akielezea mafanikio ya mgodi, Mkurugenzi Mtendaji wa Yaate Co. Limited, Eugen Mikongoti alisema  mradi umenufaisha watanzania wengi kwa kuchangia maendeleo ikiwa ni pamoja na ulipaji  wa zaidi ya shilingi bilioni 1.31 ambazo zimelipwa kama ushuru wa madini  kati ya kipindi cha mwezi Juni, 2018 hadi Januari, 2019 na shilingi milioni 338.8 zilizolipwa kama mrabaha.

Alieleza mafanikio mengine kuwa ni pamoja na utoaji wa fursa za ajira kwa watanzania hususan vijana wanaozunguka mgodi na kuziwezesha kampuni zinazomilikiwa na wazawa kushiriki katika miradi mikubwa  hivyo kuzijengea uwezo wa kitaalam na kupata fursa.

Mikongoti alitaja mafanikio mengine kuwa ni pamoja na kuwezesha maendeleo ya wanachi wanoishi karibu na mgodi kupitia huduma za jamii ambapo mpaka  sasa mgodi huo  unaendelea na ujenzi wa nyumba za watumishi na kuhudumia wananchi katika zahanati iliyopo mgodini.

Katika hatua nyingine Mikongoti alipongeza kazi kubwa zinazofanywa na Tume ya Madini chini ya Mwenyekiti wake Profesa Kikula ikiwa ni pamoja na kuwatembelea, kuwapa elimu na kutatua changamoto mbalimbali.

Read more

EoI-Consultancy Services for Carrying Out Scoping of Tanzania Extractive Industries Performance and Production of TEITI Report for the Fiscal Year 2016/17 and 2017/18

1. The Government of the United Republic of Tanzania through the Ministry of Minerals (MoM) has received financial support to meet eligible payments for Provision of Consultancy Services for Carrying out Scoping of Tanzania Extractive Industries performance and Production of TEITI report for the Fiscal Years 2016/17 and 2017/18. The reports will cover reconciliation of payments from extractive industries and revenue received by the Government during the period of July 1, 2016 to June 30, 2017 and July 1, 2017 to June 30, 2018.

2. Tanzania joined EITI in February 2009 with an objective of promoting transparency and accountability in its natural resources. The process in Tanzania is lead by a Tanzania Extractive Industries (Transparency and Accountability) Committee consisting of civil society organizations, government agencies and extractive companies. In October 2017 EITI Board declared Tanzania as having achieved meaningful progress with EITI standard. EITI meaningful progress means that the country has made significant progress for annual disclosure and reconciliation of all revenues from its extractive sector, helping citizens to see how much their country receives from oil, gas and mining companies. Tanzania under the TEITI Committee has produced eight (8) TEITI reports since it joined EITI in February 2009. The last report covering the fiscal year 2015/16 was published in April 2018.

>>Read More>>

 

Read more

Waziri Biteko ataka Jengo la kituo cha pamoja cha biashara kukamilika ifikapo Aprili mwaka huu

  • ASEMA ATAKAYEKAMATWA NA TANZANITE MARUFUKU KUINGIA TENA NDANI  YA UKUTA.
  • ATAKA MINADA YA TANZANITE ILIYOSIMAMISHWA SASA IANZE.
  • SUMA JKT msitucheleweshe,

ifikapo Aprili mwaka huu jengo liwe limekamilika. Jengo hili la Kituo cha Pamoja cha Biashara ya Madini litajengwa na SUMA JKT kwa gharama ya shilingi 1,148, 259,500.

  • Tunafunga CCTV camera kuzunguka ukuta. Lengo la uwekaji wa mitambo hii ni kuimarisha ulinzi kwa ajili ya rasilimali na watu  waliomo na wanaoingia ndani ya ukuta. Tunataka tukiwa Dar es Salaam na Dodoma tuwaone. Rai yangu kwenu ni kila mtu awe mlinzi wa rasilimali madini na kwa upande wafanyabiashara wapende kununua katika mkondo sahihi madini yao ili kuepuka usumbufu.

    Waziri wa Madini Doto Biteko akifuatilia jambo baada ya kuweka Jiwe la Msingi Kituo cha Pamoja Cha Biashara, eneo la Mirerani. Wengine wa kwanza kushoto ni Mkuu wa Mkoa wa Manyara, Alexander Mnyeti, Mwenyekiti wa Kamati ya Kudumu ya Bunge ya Nishati na Madini, Dustan Kitandula. Kulia ni mwanzo ni Katibu Mkuu wa Wizara ya Madini Prof. Simon Msanjila.

  • Tarehe 30 Januari 2019 nilisaini Kanuni za Mirerani Controlled Area. Nakuagiza Mkuu wa Wilaya ya Simanjiro Kamati ianze kazi tuanze kusimamia Kanuni hizi.
  • Tumekuja kumkabidhi mkandarasi site  hakuna kulala mpaka madini yalinufaishe taifa.
  • Mkandarasi wa CCTV nakukabidhi kazi hii nataka ufanye kazi yenye ubora na kumaliza ndani ya Mkataba tuliokubaliana bila kuongeza hata sekunde.
  • Tulieni tunakuja na utaratibu wa mashine. Wizi ni lazima  tuutoe kwenye fikra zenu.
  • Wakati ukuta huu unajengwa  kulikuwa na siasa nyingi. Wapo waliouita jela lakini leo mapato yameongezeka mnalipa kodi vizuri. Tunakwenda kuondoa vikwazo kwenye biashara ya madini. Mtalipa mrabaha usiozidi asilimia 7. Deni limebaki kwenu.
  • Suala kujengwa ukuta lilikuwepo tangu mwaka 2002 lakini haukujengwa. Ametokea mzalendo Rais Magufuli tumejenga. Asingekuwa yeye ingebaki hadithi nyingine.
  • Nitawashangaa sana baada ya jitihada hizi tunazozifanya mapato yakishuka. Mkuu wa Mkoa wasimamieni hawa  huku mkiwalea.
  • Jengo la biashara ya madini limejengwa mahususi ili kurahisisha uthaminishaji wa madini pindi yanapovunwa hapa ndani.Ma broker tumewajengea nyumba hii hapa tuheshimu taratibu.
  • Jengo hili la biashara na uthaminishaji litatumika kuwakutanisha wafanyabiashara wadogo na wenye madini ili kuweza kufanya biashara sehemu salama na  kwa uwazi. Kama alivyosema Katibu Mkuu, jengo hili limegharimu shilingi milioni 85.
  • Tanzania Tumegeuka kuwa darasa kwa jirani zetu  na nchi nyingine kutokana na namna tunavyosimamia Sekta ya madini. Watu wa mataifa wanakuja kujifunza lakini pia Tunapata mialiko mingi kutoka nchi mbalimbali ili tuwaeleze namna tunavyosimamia rasilimali hii.
  • Tutumie madini yetu kubadilisha maisha yetu. Tunataka siku moja watoto wa Simanjiro wasome kwenye shule nzuri, watumie barabara nzuri, akina mama wapate huduma za afya sehemu nzuri. Haya ndiyo mambo tunayoyataka. Siasa nyingine siyo agenda ya watanzania.
  • Tanzania ni nchi ya 3 Afrika kwa kuzalisha dhahabu, ya pili Afrka kwa madini ya vito na ya 18 duniani kwa kuzalisha dhahabu lakini utajiri huu wa madini na maisha ya watanzania havifanani.
  • Minada ya Tanzanite iliyosimamishwa sasa ianze.

    Waziri wa Madini Doto Biteko akizindua Jengo la Biashara na Uthaminishaji wa Madini, Mirerani. Wengine wanaoshuhudia ni Viongozi mbalimbali wa Mkoa, Wizara na Kamati ya Kudumu ya Bunge ya Nishati na Madini.

  • Chama Cha MAREMA unganeni,tukigundua hamna msaada tutawaacha.
  • Hatutaki kukwamishana,tunataka kusimamia sekta..Wachimbaji acheni majungu, toeni taarifa za kweli.
  • Hatutawatoza fedha nyingi lakini mtatuonesha vitambulisho. Natoa maelekezo kuanzia leo tozo za kiingilio zitatozwa kwa wale wanaofanya kazi. Ndani ya mgodi watalipa shilingi elfu 50,000 kwa mwaka, Mabroker watalipa shilingi elfu 30,000 kwa mwaka na wana Appolo, wafanyabiashara wadogo kama wachekechaji, mama lishe watalipa shilingi 20,000 kwa mwaka.
  • Naomba Wizara ya Kazi kupitia Mfuko wa fidia kwa wafanyakazi  ( WCF) na  Mifuko ya Hifadhi ya Jamii kuja kujifunza na kutengeneza muundo ambao unaendana na aina ya kundi hili ili kuweza kulihudumia kundi hili la wachimbaji wadogo wa madini.
  • Katika mkutano wa wadau wa tarehe 22 Januari, Rais wa Jamhuri ya Muungano wa Tanzania Dkt. John Magufuli  pamoja na mambo mengine alisisitiza kuimarisha mazingira ya ufanyaji biashara ya Madini Tanzania na pia kuimairisha usalama. Tuliagizwa kiualisia kuanza mara moja kuweka mifumo ya kidigitali kuzunguka ukuta.

ALIYOYASEMA MKUU WA MKOA WA MANYARA ALEXANDER MNYETI

  • Mkoa wa Manyara ni mkoa mkubwa wenye Tanzanite ambayo haipo  popote duniani. Unapokuwa Mkuu wa Mkoa kama huu lazima uweze kudhibiti Tanzanite. Nataka nikamwambie Mhe. Waziri  tuna madini mengi zaidi ya Tanzanite.
  • Kwenye madini lazima nibanane na wewe. Nisipodhibiti sina cha kumwambia Mhe. Rais. Tutapambana mpaka dakika ya mwisho kuhakikisha kodi zinapatikana. Babati tuna rubi ya kutosha. Nataka nikwambie ifanye Babati kuwa Makao Makuu ya Madini nchi nzima.
  • Waziri kazi yetu ni kusimamia mnayoyapitisha juu ili yasipotoshwe na yatekelezwe kwa Mujibu wa Sheria.
  • Rais alituelekeza tupitie na kukubaliana kuweka mazingira mazuri ya kuboresha Tanzania kupitia sekta hii. Tulikaa kujadili mabadiliko makubwa. Nina hakika mabadiliko makubwa yanakuja.
  • Waziri tumeshakubaliana na wadau hawa mambo mengi. Tunataka kuona mengi kutoka kwao.
  • Ni matarajio yangu kuwa shughuli nyingi zitafanyika ndani ya jengo la Kituo cha Biashara.
  • Nakipongeza Chama Cha Marema kwa kufanya kazi nzuri. Ukipingana na Serikali hakuna unachoweza kufanya. Hakuna aliye juu ya serikali.

ALIYOYASEMA MWENYEKITI WA  KAMATI YA KUDUMU YA  BUNGE YA NISHATI NA MADINI, DUSTAN KITANDULA

  • Rais ameonesha uungwana, mpira uko kwenu. Hisani pekee kwake ni ninyi kulipa kwa kuonesha kwa vitendo. Yale yaliyokuwa yakiwakwaza yameondoka, mlipe kodi.
  • Tumewaona mkiwa katika maandamano ya kumuunga mkono Rais. Kikao cha Januari 22 kilionesha dhamira ya Rais na aliahidi kutekeleza  kero zenu ndani ya kipindi kifupi. Tuliletewa miswada kufanya mabadiliko.
  • Nampongeza Rais kwa kuondoa vikwazo kwa wachimbaji wadogo. Serikali imedhamiria kuhakikisha sekta hii inalinufaisha taifa.

ALIYOYASEMA MBUNGE WA SIMANJIRO JAMES OLLE  MILLYA

  • Kuwepo kwa ukuta huu hakumaanishi hakuna majirani. Kwa mujibu wa Sheria na  taratibu zake  nakuomba  Mhe  Waziri migodi hii isaidie jamii. Wanaofanya uchimbaji wakumbuke vijiji vya jirani.
  • Baada  ya kujengwa ukuta bado wanapanga mistari mirefu. Wanaongia ndani wakaguliwe mapema.
  • Bado kuna changamoto kwako Mhe. Waziri na  Katibu Mkuu ikiwezekana muwaletee maji.

ALIYOYASEMA MWENYEKITI WA MAREMA, JUSTIN NYARI

  • Rais ameweka alama ambayo haitapotea, alama ambayo itakumbukwa kwa vizazi na vizazi.
  • Ujenzi wa kituo cha pamoja cha biashara ni  mwanzo mzuri kwetu na mkoa wetu na nchi yetu, wachimbaji wako tayari kushirikiana na serikali.
Read more

Wadau wa Tanzanite Mirerani waandamana kumpongeza Rais Magufuli

  • NI KUFUATIA KUPUNGUZA KODI ZA MADINI NA KUSIKILIZA KERO ZAO 
  • WAAHIDI KULIPA KODI

Maandamamo hayo yaliyofanyika Februari 16, yalihusisha wadau wote wa madini ya Tanzanite wanaofanya shughuli za uchimbaji ndani ya ukuta wakiwemo wachimbaji wadogo, wa Kati na Wakubwa, yakilenga kumpongeza Rais Dkt. John Magufuli kwa kupunguza kodi za madini, kusisitiza suala la uanzishwaji wa masoko ya madini na  mwongozo wa uongezaji thamani madini.

  • ALIYOYASEMA MKUU WA MKOA WA MANYARA, ALEXANDER MNYETI

Mhe. Rais ametuagiza mlipe kodi kwa hiari. Msipofanya hivyo mtalipa kwa nguvu. Lipeni kodi.

  • Nimepokea maandamano yenu na tutaandaa barua Maalum kwenda kwa Mhe. Rais kufikisha salam zenu.
  • Mnajua safari ya tulikotoka, tulipofika na tunaweza kutengeneza njia nzuri ya tunakotaka kufika. MAREMA inakwenda vizuri.
  • Mirerani acheni umbeya, kuna uongo mwingi, punguzeni uongo taarifa zenu zinatupotosha.
  • Mnajichonganisha wenyewe na serikali. Waajiri mnawatelekeza wafanyakazi wenu wakiugua wanakuwa mzigo wa serikali.

ALIYOYASEMA MWENYEKITI WA MAREMA, MKOA WA MANYARA, JUSTIN NYARI

  • Maandamano haya yanalenga kutoa pongezi kwa Rais Magufuli kwa kuondo kodi ambazo hazikuwa rafiki kwa wachimbaji.Tunampongeza Mhe. Rais kwa  kupeleka bungeni Muswada kwa hati ya dharura, ujenzi wa masoko  ya madini na mwongozo wa uongezaji thamani madini.
  • Wachimbaji wako tayari  kushirikiana na serikali kukuza uchumi kupitia sekta ya madini.

ALIYOYASEMA MBUNGE WA SIMANJIRO, JAMES OLLE MILLYA

Tunampongeza Rais kwa kuondoa VAT ya asilimia 18 kwenye sekta. Ameacha asilimia 7 tu huu ni upendo wa pekee.

Baada ya Januari 22 Mkuu wa Mkoa aliitisha kikao Januari 25 na migodi yote imeanza kufanya kazi na matunda yameanza kuonekana.

ALIYOYASEMA MKUU WA WILAYA YA SIMANJIRO, MHANDISI ZEPHANIA CHAULA

  • Kama Mhe. Rais amewaheshimu na ninyi mumheshimu, heshima hiyo ni kulipa kodi.

ALIYOYASEMA MWAKILISHI WA TANZANITE AFRIKA KWA NIABA YA WACHIMBAJI WA KATI, WILFRED MUSHI

  • Tunampongeza Mhe.Rais, kwa mara ya kwanza ameondoa kero za wachimbaji wa  Kati ambazo hazipishani sana na wachimbaji wadogo.
  • Nuru ya Tanzanite imenga’rishwa, Mirerani sasa inakwenda kutengeneza  tanzanite mpya.

ALIYOYASEMA MWAKILISHI WA TANZANITE ONE, FEISAL SHABHAI

  • Tunampongeza Rais Magufuli kwa kutambua uwepo wetu, kusikiliza kilio chetu na kuondoa changamoto zetu.
  • Tunatambua maendeleo yanayotarajiwa kutokana na rasilimali hii ambayo lengo ni kuwanufaisha watanzania na vizazi vijavyo viweze kuishi katika mazingira salama.

ALIYOYASEMA MWAKILISHI WA TAMIDA, HUSSEIN GONGA 

  • Tulikuwa na tashwishi kubwa juu ya kufanya biashara ya madini. Mhe Rais alisikia kilio cha wachimbaji na dealers.
  • Hawezi kuwepo mnunuzi bila mchimbaji, tulikuwa na changamoto ya kusafirisha madini ghafi.
  • Rais Magufuli ameondoa kodi ya VAT ya asilimia 18, ilikuwa kero kubwa.
  • Rais hajapoteza, mafanikio  atayaona tunamhakikishia. Biashara ya madini  sasa inakuwa nzuri.

ALIYOYASEMA MWAKILISHI WA BROKER,

  • Tunampongeza Rais kwa suala la ujenzi wa masoko ya madini nchi nzima, serikali itakusanya kodi ya kutosha.
  • Niwaombe Ma broker, kufanya uthamini wa madini, sitamwombea radhi broker yoyote atakayevunja sheria.

ALIYOYASEMA MWAKILISHI WA WANA APOLLO

  • Tunampongeza Rais Magufuli kwa kututambua wana Appolo na kutupa nafasi ya kuwasilisha kero zetu. Tunaahidi kushirikiana katika nyaja zote. Wana Appolo ndiyo wachimbaji wa tanzanite.
  • Tunayo sababu ya kumpongeza Mkuu wa Mkoa wa Manyara, leo wana Appolo tunapewa vipaza sauti. Kwa muda mrefu wana Appolo hawakuwa na sehemu ya kuzungumza
Read more

Watumishi Wizara ya Madini watakiwa kutoa huduma stahiki kwa wadau wake

Na Nuru Mwasampeta,

Naibu Waziri wa Madini, Stanslaus Nyongo amewataka watumishi wa wizara kuhakikisha wanatoa huduma stahiki kwa watanzania ili kuendana na kasi ya Serikali ya Awamu ya Tano ya Rais John Pombe Joseph Magufuli.

Naibu Waziri wa Madini, Stanslaus Nyongo akiwa katika picha pamoja na makundi mbalimbali yaliyoshiriki mkutano wa wizara na hafla ya kuwaaga wastaafu kutoka Chuo Cha Madini (MRI) na Wizara ya Madini Makao Makuu

Aidha, amewataka watumishi hao, kila mmoja kulingana na majukumu yake  kujipima utendaji wake binafsi kabla ya kungoja vipimo vilivyopo kwa kuzingatia miongozo na taratibu za Utumishi wa Umma.

Naibu Waziri Nyongo, ametoa kauli hiyo leo alipokuwa akifungua Mkutano wa Wafanyakazi wa Wizara kwa niaba ya Waziri wa Madini, Doto Biteko aliyekuwa katika utekelezaji wa majukumu mengine ya kitaifa.

Aidha, Nyongo amewaeleza watumishi hao kuwa wanao wajibu wa kuzingatia dhana nzima ya kuongeza ufanisi na tija katika utekelezaji wa majukumu yao ya kila siku kwa manufaa ya Taifa na watanzania kwa ujumla.

Pamoja na rai ya kila mtumishi kujipima utendaji wake, Nyongo amewakumbusha kuzingatia matumizi ya Opras katika kutekeleza na kujipima namna kila mmoja anavyotekeleza majukumu yake. Amesema Opras ni hitaji la kisheria kila mmoja hanabudi kulizingatia.

“Wote tnafahamu kuwa ipo miongozo mbalimbali inayotumika katika utendaji wetu wa kila siku hivyo ni rai yangu kuwa tuizingatie ili kutoa huduma stahiki kwa watanzania kwa ufanisi na viwango vinavyotakiwa.” Alisisitiza .

Aidha, Nyongo alieleza wajibu wa Wizara kwa kuzingatia miongozo iliyopo ikiwa ni pamoja na kuweka mazingira mazuri ya kazi yatakayowawezesha watumishi wake kutekeleza majukumu yao ipasavyo.

Pamoja na hilo, alikazia suala la kuwaendeleza watumishi, kuwajengea uwezo katika kazi zao pamoja na kushughulikia na kutatua changamoto zinazowakabili katika maeneo yao ya kazi.

Zaidi ya hapo, Nyongo alisisitiza suala la kuimarisha mawasiliano baina ya watumishi wa wizara lakini pia mawasiliano baina ya wizara na taasisi zilizo chini ya wizara na wadau wote wa sekta ya madini ili kuongeza ufanisi hatimaye kuongeza tija katika utendaji wa wizara.

Naibu Waziri wa Madini, Stanslaus Nyongo akiwa katika picha pamoja na makundi mbalimbali yaliyoshiriki mkutano wa wizara na hafla ya kuwaaga wastaafu kutoka Chuo Cha Madini (MRI) na Wizara ya Madini Makao Makuu

Kuhusu kuzingatia suala la afya za watumishi, Nyongo ameipongeza wizara kwa kuratibu mara kwa mara suala la upimaji wa afya kwa hiari kwa watumishi wake na kutoa rai kwa kila mmoja kutumia fursa hiyo na kujitokeza kupima afya zao kwa hiari.

Akihitimisha hotuba yake,  Nyongo amewasihi  watumishi wa wizara kuongeza juhudi na kuelekeza fikra zao katika kupelekea serikali ya viwanda kutokana na ukweli kwamba sekta ya madini ni mojawapo ya nguzo ya uchumi wa viwanda na kuwa itasaidia katika kuifikisha Tanzania kuwa miongoni mwa nchi zenye uchumi wa kati ifikapo 2025.

Kutokana na uwepo wa wastaafu katika mkutano huo, Nyongo alitumia fursa hiyo kuwapongeza sana wastaafu watano walijumuika katika mkutano na hafla fupi ya kuwaaga na kuwatakia maisha mema katika hatua nyingine ya maisha.

Kwa uande wake, Mkurugenzi Msaidizi wa Idara ya Utawala na Rasilimali Watu Nsajigwa Kabigi kwa niaba ya Katibu Mkuu wa Wizara ya Madini, Prof. Simon Msanjila alisema mkutano huo umelenga katika kujadili masuala mbalimbali ya kiutendaji ya wizara ili kupata mwelekeo wa namna bora ya kuleta ufanisi katika kutekeleza majukumu na shughuli za kila siku za wizara pamoja na kubadilishana mawazo, kufurahi pamoja na kuwaaga wastaafu.

Read more

Kampuni ya Jervois yaonesha nia kuwekeza Kabanga

Na Asteria Muhozya,

Waziri wa Madini Doto Biteko amekutana na Wawakilishi wa Kampuni ya Jervois Mining Limited ya Australia ambayo imeonesha nia ya kuwekeza katika mradi wa Nikel- Colbat, Kabanga.

Baadhi ya Wataalam wa Wizara ya Madini wakifuatilia kikao baina ya Waziri wa Madini na wawakilishi wa kampuni ya Jervois Mining Limited.

Akizungumza katika kikao hicho, Waziri Biteko ameendelea kusisitiza kuhusu kufuatwa kwa Sheria na taratibu kwa wenye nia ya kuwekeza katika Sekta ya Madini na kueleza kuwa, kwa upande wa Wizara, inafanya jitihada za kuondoa urasimu kwenye uwekezaji katika sekta husika.

“ Tunataka mwekezaji mwenye nia anapoonesha dhamira ya kuwekeza baada ya taratibu zote kukamilika basi aanze mara moja,” amesema Waziri Biteko.

Akizungumza katika kikao hicho mmoja wa wawakilishi wa kampuni hiyo Balozi Mstaafu Andrew Mcalister, amesema kuwa, nchi ya Tanzania inaweza kuwa mzalishaji mkubwa wa madini ya Colbat kutokana na ubora wake na mazingira ya uwekezaji yaliyopo nchini ikiwemo uwazi.

Mbali na Waziri Biteko, wengine waliohudhuria kikao hicho ni Naibu Waziri wa Madini Stanslaus Nyongo, na wataalam wengine wa wizara.

Read more

Nyongo ataka Watumishi Madini kuepuka rushwa

Na Asteria Muhozya, Dodoma

Naibu wa Waziri wa Madini Stanslaus Nyongo amewataka watumishi wa Wizara ya Madini kujiepusha na vitendo vya rushwa ikiwemo kuzuia rushwa katika sehemu zao za kazi kwani suala hilo linasababisha migogoro kwenye sekta ya madini.

Naibu Waziri wa Madini Stanslaus Nyongo akisisitiza jambo wakati akifungua mkutano wa Baraza la Wafanyakazi lililofanyika tarehe 13 Februari, 2019.

Naibu Waziri Nyongo aliyasema hayo Februari 13 wakati akifungua mkutano wa Baraza la wafanyakazi la wizara na kuongeza kuwa, serikali inafuatilia mienendo ya watumishi wa sekta husika.

Alisema kuwa, wako watumishi wanaomiliki leseni kwa dhuluma suala ambalo pia limechangia kuwepo kwa migogoro mingi kwenye sekta na kueleza kuwa, Rais wa Jamhuri ya Muungano wa Tanzania Dkt. Magufuli anasisitiza suala la kuzingatia maadili katika utumishi wa umma na hususan katika sekta ya madini.

Katika hatua nyingine, Naibu Waziri Nyongo alilitaka Shirika la Madini la Taifa (STAMICO) kuhakikisha linajiendesha kwa faida na kusisitiza kuwa Serikali inataka gawio.

Aidha, aliutaka uongozi wa STAMICO kuzingatia maslahi ya watumishi kwa kutoa motisha mbalimbali ikiwa ni pamoja na kuwapatia mafunzo lengo likiwa ni kuboresha utendaji kazi wa shirika kwa ujumla.

Akizungumzia mafanikio makubwa katika Sekta ya Madini, Naibu Waziri Nyongo alisema kuwa ni pamoja na mabadiliko ya Sheria ya Madini na kusisitiza kuwa kwa Afrika Tanzania imekuwa mfano kama nchi bora inayosimamia vyema rasilimali za madini.

“Sifa bora kwenye usimamizi wa Sekta ya Madini zisitufanye tubweteke bali tuendelee kufanya kazi kwa ubunifu wa hali ya juu huku tukizingatia maadili ya kazi,” alisema Nyongo.

Naibu Waziri wa Madini Sanslaus Nyongo na Viongozi Waandamizi wa Wizara pamoja na Viongozi wa TUGHE Taifa na TUGHE Tawi la Wizara ya Madini, wakiimba wimbo Maalum wa kuhamasisha Umoja wakati wa mkutano wa Baraza la Wafanyakazi.

Nyongo aliendelea kusema kuwa, kama moja ya mikakati ya kutoa motisha kwa watumishi, uongozi wa Wizara unatakiwa kutoa fursa mbalimbali kwa watumishi ikiwa ni pamoja na mafunzo.

Wakati huo huo, akizungumza kwa niaba ya watumishi, Mwakilishi wa Chama cha Wafanyakazi wa Serikali na Afya (TUGHE) Tawi la Wizara ya Madini, Joyce Manyama alisema kuwa watumishi kupitia chama chao watafanya kazi bega kwa bega na uongozi wa Wizara ili kuhakikisha kuwa Sekta ya Madini inakuwa na viwanda vingi vya uongezaji thamani madini ili kufikia malengo ya Serikali kupitia mchango wa Sekta ya Madini kwenye ukuaji wa Pato la Taifa.

Aidha, Manyama alichukua fursa hiyo kuishukuru Wizara ya Madini kwa kushirikiana na Shirika la Vyama vya Wachimbaji wa Madini Nchini (FEMATA), wachimbaji wadogo kwa kuitisha mkutano uliofanyika hivi karibuni baina yao na Rais wa Jamhuri ya Muungano wa Tanzania, Dkt. John Magufuli

Vilevile, aliishukuru Wizara kwa kuanzisha mfumo mpya wa utunzaji wa kumbukumbu za Wizara unaojulikana kama Electronic Filing Management System ambao utaboresha utunzaji wa kumbukumbu na kurahisisha upatikanaji wake pindi zinapohitajika.

Pia, aliiomba Wizara kuendelea kusimamia zoezi la upandishwaji wa vyeo ili watumishi waweze kupandishwa vyeo kulingana na sifa wanazokuwa nazo.

Naye Katibu Mkuu wa Wizara ya Madini, Profesa Simon Msanjila alisema kuwa Wizara itaendelea kuweka mazingira mazuri ya kazi ili kila mtumishi afanye kazi kwa ubunifu zaidi.

Aliongeza kuwa, kwa sasa Wizara inafanya vizuri ambapo Sekta ya Madini imekua kwa asilimia 18 huku mchango wa sekta kwa fedha za kigeni ikiwa ya tatu nyuma ya Kilimo na Utalii na kueleza kwamba, pamoja na mafanikio hayo, bado kuna rushwa na kukosekana uadilifu.

Read more

Biteko ameitaka bodi ya STAMICO kuhakikisha inachangia pato la taifa kabla ya mwezi Juni, 2019

Na Nuru Mwasampeta,

Waziri wa Madini, Doto Biteko ameitaka Bodi ya Wakurugenzi wa Shirika la Madini la Taifa (Stamico) kuhakikisha kuwa sekta ya Madini kupitia shirika hilo inaongeza mchango wake kwa pato la taifa kwa kulipa mrabaha na kodi mbalimbali za serikali na kuongeza wigo wa ajira za watanzania kwa kuzingatia maslahi mapana ya nchi katika kuendesha shirika hilo.

Naibu Waziri wa Madini, Stanslaus Nyongo akizungumza jambo kwa Bodi ya Wakurugenzi ya Stamico na Menejimenti ya Shirika hilo wakati wa hafla ya uzinduzi wa bodi hiyo jijini Dar es Salaam

Ameyasema hayo wakati wa ufunguzi wa Bodi ya Wakurugenzi wa Shirika hilo uliofanyika katika ukumbi wa ofisi za Stamico zilizopo maeneo ya Upanga jijini Dar es Salaam mnamo tarehe 12 February, 2019.

Biteko alisema anautambua wazi umuhimu wa Bodi hiyo katika kufanya maamuzi, kupitia Sheria na sera zinazohusiana na uendeshaji wa shirika hilo na ndio maana uundwaji wa bodi hiyo ulipewa kipaumbele mara tu baada ya yeye kuteuliwa kushika wadhifa huo wa Waziri wa Madini.

Ameendelea kwa kusema, uteuzi wao haukuwa rahisi na ulizingatia uwezo na uzoefu wa wajumbe katika kutekeleza majukumu ya Bodi pamoja na uzalendo walionao kwa taifa na kuwasihi kuhakikisha wanakuwa wasimamizi wazuri wa shirika hilo kwa manufaa ya Taifa.

Alisema, kigezo kikubwa kilichotumika katika uteuzi huo ni kuangalia ubunifu wa mtu mmoja mmoja, mahali anakofanyia kazi au alipofanyia kazi, “ninyi katika ofisi mlizopita mliacha mambo makubwa Imani yetu wizara ni kuwa mtatumia ubunifu huo katika kusimamia na kubadilisha taswira ya shirika letu”. Alisisitiza.

Alikiri kuwa Serikali imewaamini na kuwapa mamlaka ya kusimamia Shirika hilo tunaamini mnaweza ndio maana katika wengi mliteuliwa  ninyi.

Akibainisha majukumu ya Bodi hiyo, Biteko alisema ni pamoja na Kuisimamia Menejimenti ya Shirika katika utekelezaji wa majukumu yake ya kila siku kwa mujibu wa Sheria.

Kusimamia sera ya Shirika na kuanzisha mifumo ya udhibiti katika utekelezaji wa Sera hizo, Kupitia na kuidhinisha miundo ya Maendeleo ya Watumishi wa Shirika, kupitia na kuidhinisha mishahara na marupurupu ya watumishi wa shirika pamoja na kuanzisha mfumo mzuri wa kutoa gawio kwa wana hisa wa Shirika.

Mkurgenzi wa Utawala na Rasilimali Watu, Issa Nchasi akijitambulisha kabla ya uzinduzi wa Bodi ya Wakurugenzi wa Shirika la Madini la Taifa (Stamico) uliofanyika jijini Dar es Salaam.

Aidha, Biteko alilipongeza shirika kwa hatua nzuri waliyoifikia katika kutekeleza baadhi ya miradi ikiwa ni pamoja na uchimbwaji na uuzwaji wa makaa ya mawe wa Kabulo, kuanza uchenjuaji wa mabaki ya mchanga wa dhahabu katika eneo la mradi wa dhahabu wa Buhemba, kuzalisha na kuuza kokoto Ubena Zomozi, kuimarisha usimamizi wa miradi ya ubia ya TanzaniteOne na Buckreef na kampuni tanzu ya STAMIGOLD, na kuratibu shughuli za kuwaendeleza wachimbaji wadogo.

Biteko alikiri kuwa Serikali imechoshwa na kupata hasara kupitia katika shirika hilo, na kusema badala ya miradi inayoanzishwa katika shirika hilo kuzalisha faida inazalisha madeni na kuliingizia Taifa hasara ya mabilioni ya pesa.

Akitoa mfano wa watu wawili waliokwenda vitani, mmoja akiwa na moyo wa vita bila silaha na mwingine akiwa na silaha bila moyo wa kupigana Biteko alisema ni dhahiri yule mwenye moyo wa vita atashinda na kuitaka bodi hiyo kuiga mfano huo katika kutekeleza majukumu yake.

Aliendelea kusisitiza kuwa Serikali anaamini wajumbe wa bodi hiyo wanao moyo wa kupigana vita bila kubeba silaha na kuwasihi kuanzia hapohapokutekeleza majukumu yake, “anzeni hivyo mlivyo, ipeni Serikali sababu ya kuishawishi serikali kuleta pesa”. Alisisitiza.

Serikali ya awamu ya tano inafanya vitu vilivyoshindikana, Vilee vitu ambavyo watu wanasema haviwezekani ndivyo vinavyofanyika nasi tunaamini mmeteuliwa ili kurekebisha madhaifu ya Stamico yaliyoshindikana kwa muda mrefu, wakurekebisha na kulifanya shirika la Stamico kuwa bora ni ninyi bodi pamoja na  menejimenti ya shirika.

Aidha, ameitaka bodi hiyo kumtafuta popote pale mtu yeyote wanayedhani anaweza kulisaidia Shirika kuzalisha faida na vile vile amewataka kumpeleka mtu yeyote mwenye cheo chochote anayelirudisha shirika hilo nyuma ili atafutiwe kazi nyingine ya kufanya.

Mwenyekiti wa Bodi ya Wakurugenzi wa Shirika la Madini la Taifa, Mej. Gen (Mstaafu) Michael Isamuyo akizugumza jambo mara baada ya Waziri wa Madini Doto Biteko kuzindua rasmi bodi hiyo na kuipa meno kwa ajili ya kutekeleza majukumu ya Shirika.

“Haiwezekani shirika kutoka kuundwa kwake mwaka 1972 halijawahi kutoa gawio, haiwezekani lipo kwa ajili ya nini? Lakini watu wakizunguka wanalipwa posho lakini mwenye mali hapati kitu”. Biteko aling’aka.

Aidha, Biteko aliwataka wanabodi hao kubadilisha wimbo wa lawama unaosbabaishwa na shirika hilo na kuimba wimbo wa sifa, amekiri kutaka matokeo na sio stori. Alisema kwa namna anavyowafahamu wajumbe hao wa bodi wakishindwa kulibadilisha shirika hilo kwa awamu hii yeye binafsi atakuwa wa kwanza kuomba shirika hilo lifutwe.

Aliwataka wajumbe hao wa bodi kuifanya Stamico kuwa eneo la mataifa mengine kujifunzia namna bora ya kuendesha mashirika ya umma ikiwa ni pamoja na kuwaacha kufanya maamuzi yao kama shirika.

Alimuhakikishia Mwenyekiti wa bodi hiyo kuifanyia kazi changamoto ya uhaba wa wafanyakazi unaolikabili shirika mara tu baada ya kuurekebisha muundo wa uongozi wa shirika hilo aliokiri kuwa na vyeo vingi kulioko uwezo na uzalishaji wa shirika.

Aliitaka bodi hiyo kuhakikisha inabadilisha fikra na taswira ya shirika kwa kubadilisha namna ya kufikiri kwa watendaji wake ili wafikiri kibiashara zaidi na si kimishahara.

Alisisitiza kuwa anataka aibu ya Stamico ya miaka mingi iondolewe sasa na kama sio sasa basi sasa hivi, na kuwataka kutoa taarifa wakati wowote wanapoona wanakwama katika kutekeleza majukumu yao.

Aidha, Biteko aliitaka bodi hiyo kwenda kufuatilia suala la hisa za kampuni ya Tanzania Gemstone Industries Ltd (TGI) iliyosajiliwa mnamo mwaka 1969 ikiwa ni kampuni Tanzu ya Stamico na kutoliingizia faida yeyote shirika licha ya uzalishaji kufanyika na kuwa na umiliki wa hisa za kampuni ya Mundarara Mining Ltd kwa asilimia 50.

Alihitimisha kwa kusisitiza kuwa wizara haitaingilia masuala ya shirika lakini jicho lake litakuwa Stamico kutokana na kwamba kushindwa kwa shirika ni kushindwa kwa wizara na kushindwa kwa wizara ni kushindwa kwa Waziri kitu ambacho hatakikubali.

Waziri wa Madini, Doto Biteko akitoa maelekezo kwa mwenyekiti wa Bodi ya Stamico na Menejimenti ya shirika wakati wa uzinduzi wa Bodi hiyo uliofanyika katika ukumbi wa mikutano wa shirika hilo.

Kwa upande wake Mwenyekiti wa Bodi hiyo, Mej. Gen (Mstaafu) Michael Isamuyo alitoa shukrani zake kwa uteuzi uliofanywa wa kumpatia fursa ya kuwa Mwenyekiti wa bodi hiyo ambapo alieleza kuwa aliyeteuliwa mwezi Disemba Tarehe 6 na baadaye kuteuliwa kwa wajumbe wengine wa bodi ambao amekiri watafanya kazi kubwa kwa shirika na taifa.

Alikiri kuwa wajumbe wa bodi wametoka katika maeneo mbalimbali wakiwa na ujuzi na uzoefu tofauti tofauti ambao wakikaa pamoja katika kutekeleza majukumu watafanya kitu kikubwa na kusababisha mabadiliko makubwa kwenye Shirika kubwa la Taifa la madini.

Amekiri kuwa masuala yote waliyoagizwa watatekeleza kama walivyoelekezwa “Majukumu yetu tunayafahamu lakini haya majukumu ni muongozo tu, naamini tutatumia uwezo wetu, tutatumia akili zetu, uzoefu tulionao katika maeneo mbalimbali kuhakikisha kuwa tunatekeleza majukumu yetu kwa ufanisi kuhakikisha kwamba zile changamoto ambazo zipo na zitakazoendelea kujitokeza tunazigeuza kuwa fursa na tunazitatua”. Alisisitiza.

Amesema katika ameneo yote changamoto hazikosekani, lakini kufanya kazi kwa mazoea ndiko kunakorudisha nyuma mafanikio “huu mfumo wa kufanya kazi kwa mazoea bila ubunifu wowote utaturudisha nyuma alisema na haya ndiyo masuala uliyotushauri” amekiri kuwa bodi yake ina utashi huo na watahakikisha kuwa wanakuwa na ubunifu wa hali ya juu na kuifanya Stamico kujikwamua kutoka mahali walipo.

Akijibu hoja ya kuwa na moyo wa vita kabla ya kupata silaha, Isamuyo alisema yapo matatizo mengi kwa shirika ikiwa ni pamoja na suala la uhaba wa mitaji pamoja na wafanyakazi, na kuiri kuwa kutokana na moyo wa vita walionano changamoto hizo zitageuzwa na kuwa fursa.

Akitolea mfano ujenzi wa nyumba zenye vioo zilivyowafanya wezi kuichukulia ujenzi huwa kama fursa kwa kuwarahisishia kuingia  ndani ndani ya nyumba bila shida lakini pia hiyo kuwa ni fursa kwa wajenzi na wafanyabiashara kuzalisha kuzalisha nondo na kujengea ili kuwapa wezi kazi ya kufanya pindi wanapotaka kuvamia majengo ya watu kwa lengo la kuwaibia. Isamuyo ameahidi kugeuza changamoto za Stamico kuwa fursa na kulipeleka shirika mbele.

Kaimu Mkurugenzi wa Shirika la Madini a Taifa, Kanali Sylvester Ghuliku Akizungumza jambo wakati wa hafla ya uzinduzi wa Bodi ya Wakurugenzi wa Shirika hilo jijini Dodoma.

Amemuhakikishia Waziri wa Madini kuwa bodi hiyo haitashindwa kazi, “Hatutashindwa kwa sababu hamkushindwa kututeua, mlikuwa na majina mengi yenye sifa zinazofanana na zetu lakini hamkushindwa kututeua na kwa sababu ninyi hamkushindwa kututeua na sisi hatutashindwa kuhakikisha kwamba tunasonga mbele katika kutekeleza majukumu ya shirika” alisisitiza .

Amekiri kwamba kabla ya kuomba silaha ya mizinga sehemu yeyote tutahakikisha kwamba silaha ndogo zitafanya kazi na kuhakikisha adui anapigwa, amesema watumishi waliopo lazima wahakikishe kuwa wanafanya kazi na kuliletea shirika faida bila kutegemea mtu kutoka eneo lingine. Alisema waajiliwa wengine wakipatikana waje kuongeza nguvu lakini si kwa sababu waliopo wameshindwa kazi.

Kuhusu Mikataba isiyokuwa na tija, Isamuyo amewataka wanasheria kuhakikisha mikataba inayoingiwa sasa hivi inazalisha faida tofauti na ilivyokuwa awali.

Kuhusu agizo la kuhakikisha shirika linatoa gawio kwa serikali, Isamuyo amesema agizo hilo limetolewa kwa mwanajeshi, hilo ni agizo na litatekelezwa vizuri sana na kuahidi kufuatilia suala la kushughulikia hisa za kampuni ya Tanzania Gemstone Industries Ltd(TGI) ambayo ni kampni tanzu ya Stamico itashughulikiwa ipasavyo.

Ameiomba serikali kushughulikia changamoto za msingi na masuala mengine yanayopaswa kutatuliwa na wizara kufanyiwa maamuzi mapema ikiwa ni pamoja na suala la ajira mpya na kukiri kuwa shirika ni la kibiashara hivyo kila dakika inayopotea inazalisha hasara kwa shirika.

Uzinduzi wa Bodi hiyo ulishirikisha viongozi wote waandamizi wa wizara ikiwa ni pamoja na Naibu Waziri wa Madini, Stanslaus Nyongo aliyewataka Bodi hiyo kwenda kufanya kazi na kuithibitisha Imani ya serikali kwao, Katibu Mkuu wa Wizara, Prof. Simon Msanjila pamoja na Mkurugenzi wa Utawala na Rasilimali Watu, Issa Nchasi.

Read more

Mlolongo wa kodi sekta ya madini kuondolewa-Biteko

Na Samwel Mtuwa, Mwanza 

Mchakato wa kuondoa Mlolongo wa Kodi na Tozo kwa wachimbaji Wadogo wa Madini upo katika hatua za mwisho na ndani ya muda mfupi ujao, baadhi ya kodi na tozo hizo zitafutwa katika Sekta ya Madini.

Waziri wa Madini Doto Biteko akiteta jambo na baadhi ya Watendaji Waandamizi wa Wizara na Wadau wa warsha hiyo, mara baada ya kuifungua.

Hayo yamesemwa Februari 11, 2019 na Waziri wa Madini Doto Biteko wakati akifungua Warsha kuhusu namna ya kuanzisha masoko ya madini nchini inayofanyika Jijini Mwanza.

Warsha hiyo inayolenga katika kutoa elimu ya namna ya kuanzisha masoko ya madini imeanza leo na itafanyika kwa siku mbili hadi Februari 12, 2019 ikiwashirikisha Wakuu wa Wilaya, Makatibu Tawala, Wakurugenzi wa Mamlaka za Serikali za Mitaa na Wawakilishi wa Wachimbaji Wadogo.

Waziri Doto ameeleza, warsha hiyo ni muhimu kwa wizara  nan  nchi kwa ujuml kutokana na  lengo ililojiwekea wizara hivi sasa ya kuhakikisha mchango wa sekta ya madini kwenye Uchumi na maisha ya wananchi unaongezeka.

Ameongeza kuwa, ana imani kwamba kwa kuondoa baadhi ya tozo na kodi kwa wachimbaji wadogo zitawezesha kuziba mianya ya utoroshaji wa madini na hivyo kuongeza mchango wa sekta ya madini kwenye pato la taifa.

Waziri Biteko amefafanua kuwa, Mchakato wa kuandaa Kanuni za Masoko ya madini umezingatia mambo mbalimbali ikiwa ni pamoja na kujifunza kutoka nchi zenye masoko ya madini.

Ameeleza kuwa, Halmashauri zinaowajibu wa kuendelea kuwajenga, kuwalea, na kuwawezesha wachimbaji wadogo kwa sababu mazao yao ndio yanayotegemewa kuuzwa katika masoko hayo.

Ametaka njia pekee ya kujibu na kutolea ufanunuzi wa taarifa potofu ni kutumia maelekezo yaliyopo katika sheria ya Madini ya 2010 na Marekebisho yake ya 2017.

Waziri wa Madini Doto Biteko akiteta jambo na baadhi ya Watendaji Waandamizi wa Wizara na Wadau wa warsha hiyo, mara baada ya kuifungua.

“Pamoja na changamoto zilizopo kwenye usimamizi wa  sekta ya Madini nchini namshukuru Mungu kwani rasilimali hizi hazijageuka kuwa balaa,” amesema Biteko.

Katika hatua nyingne, amesema kuwa, Maafisa madini watakaokuwa kikwazo katika uanzishwaji wa masoko ya madini watachukuliwa hatua za kisheria.

Wadau katika warsha hiyo ni kutoka Mikoa ya Mwanza Dodoma, Arusha, Geita, Shinyanga, Mara, Manyara, Kagera, Tabora, Singida, Mbeya, Morogoro,na Ruvuma.

Warsha hiyo imeandaliwa na wizara ya Madini kwa ushirikiano na Taasisi ya Uongozi.

Read more

Naibu Waziri Nyongo afungua warsha kujadili mpango ufungaji migodi

Na Nuru Mwasampeta, Dodoma

Kufuatia kutokuwepo kwa mwongozo wa ufungaji wa migodi pindi shughuli za uchimbaji zinapofikia kikomo, Wizara ya Madini kupitia Tume ya Madini imeandaa rasimu ya mwongozo ambayo inajadiliwa na wadau kutoka Taasisi za Kiserikali na wadau mbalimbali wa madini zikiwemo makampuni za uchimbaji kutoka Chamber of Mine.

Mkurugenzi wa Ukaguzi wa Migodi na Mazingira, Dr. Abdurahman Mwanga akiwasilisha rasimu ya ufungaji wa migodi kwa wadau waliojumuika kwa lengo la kuiboresha.

Akifungua warsha ya kujadili rasimu hiyo, Naibu Waziri wa Madini, Stanslaus Nyongo, amewataka washiriki na waalikwa wote kufanya kazi hiyo kwa weledi mkubwa ili kuuboresha mwongozo huo.

Amesema, mwongozo huo utawasaidia wawekezaji watakaokuwa na nia ya kuwekeza nchini kujua taratibu na namna wanavyopaswa kufanya pindi wanapoandaa mpango wao wa kufunga mgodi ambao kwa mujibu wa taratibu, unapaswa kuwasilishwa serikalini kabla ya kuanza shughuli za uchimbaji nchini.

Kwa mujibu wa Kanuni ya 206 ya Sheria ya Madini ya 2010 kama ilivyorekebishwa mwaka 2107, kila mmiliki wa leseni ya uchimbaji wa madini wa kati na mkubwa anatakiwa kuandaa mpango wa ufungaji migodi na kuwasilisha kwa Mkaguzi Mkuu wa leseni ambaye ataandaa mkutano wa kamati ya kitaifa ya ufungaji migodi ambayo hupitia, kuujadili na kupitisha mpango huo.

Naibu Waziri Nyongo ameongeza kuwa, Mpango huo wa ufungaji wa migodi unaeleza kwa kina namna migodi itakavyofungwa na kurudisha eneo katika hali inayoweza kufaa kwa matumizi mengine.

Aidha, amesema kuwa, mipango hiyo huelezea namna wamiliki wa migodi watakavyowawezesha wafanyakazi pamoja na jamii inayozunguka eneo la migodi waliokuwa wakifanya kazi katika migodi hiyo pindi migodi hiyo inapofungwa.

Amesema mwongozo huo utaweka wazi namna bora ya kuandaa mpango wa kufunga mgodi pamoja na kuhifadhi mazingira kwa mujibu wa Sheria ya Madini na Sheria nyingine zinavyoelekeza.

Naibu Waziri, Nyongo amesema anatarajia mpango huo uendane na mazingira ya Tanzania na mwongozo ikiwemo kuhakikisha kuwa unajali vizazi na vizazi vitakavyofuata baada ya madini kuisha na kusema “Lazima tujue kwamba kuna vizazi vitakavyokuja baadaye, madini tunayo ni rasilimali yetu, lakini lazima tujue kuna vizazi vingine vinakuja,”

Kamishna Msaidizi wa migodi na Maendeleo ya Madini Ali S. Ali akijitambulisha kabla ya ufunguzi wa warsha ya maandalizi ya mwongozo wa ufungaji wa migodi unaofanyika kwa siku mbili katika ukumbi wa VETA jijini Dodoma.

Ameongeza kuwa, uchimbaji unaendana na uharibifu wa mazingira, lakini ni lazima kuwaza namna ambavyo vizazi vinavyokuja vitakavyoishi.

Amebainisha kuwa, hatua hiyo ni muhimu ambayo kama taifa linategemea kikao hicho kiwe na manufaa kwa taifa la leo na vizazi vijavyo.

Akizungumza na washiriki wa warsha hiyo inayofanyika katika ukumbi wa mikutano wa Chuo cha Ufundi (Veta) kwa siku mbili, Nyongo ameupongeza uongozi wa Tume ya Madini kwa hatua nzuri waliyoifikia katika kuandaa mwongozo huo.

Aidha, nyongo amesema Tume ya Madini kwa kushirikiana na Wizara ya Madini kupitia mradi wa Usimamizi Endelevu wa Rasilimali Madini (SMMRP), iliandaa rasimu ya kwanza ya mwongozo wa huo ambao unajadiliwa na wajumbe hao ili wamekutana ili kupata mwongozo unaokubalika kwa taifa.

Aidha, Nyongo ameeleza kuwa, maoni yaliyotolewa na wadau kwa Rais wa Jamhuri ya Muungano wa Tanzania Dkt. John Magufuli wakati wa Mkutano wa kisekta uliofanyika mwezi Januari, yanafanyiwa kazi na hivyo kuahidi kuwa wadau wa madini na taifa watapata mrejesho wa kile kilichowasilishwa.

Akizungumza na waandishi wa habari baada ya ufunguzi wa warsha hiyo, Mkurugenzi wa Ukaguzi wa Migodi na Mazingira kutoka Tume ya Madini, Dkt. Abdurahman Mwanga amesema katika nchi mbalimbali duniani suala la ufungaji wa migodi limekuwa ni gumu, hivyo, mwongozo unaoandaliwa utaonesha nini hasa kinapaswa kufanyika mara baada ya mgodi kufungwa.

Kwa upande wake, Meneja Mkuu wa Mgodi wa Neoroika, Honest Mrema, ulioko katika mkoa wa Songwe unaomilikiwa na Shanta mining, amesema rasimu hiyo ni nzuri na imetoa nafasi nzuri kwa wadau kukaa meza moja na watendaji wa serikali kujadili changamoto zinazowakabili kuhakikisha wanapochimba wanapata kile wanachotarajia.

Wadau mbalimbali wa madini walioshiriki katika warsha ya maandalizi ya mwongozo wa ufungaji wa migodi unaofanyika kwa siku mbili katika ukumbi wa VETA jijini Dodoma wakimsikiliza Mkurugenzi wa Ukaguzi wa Migodi na Mazingira, Dr. Abdurahman Mwanga akiwasilisha rasimu hiyo tayari kwa majadiliano.

Aidha, amebainisha kuwa, madini ni rasilimali, na pindi yanapochimbwa kuna uharibifu unatokea hivyo katika uharibifu kurudisha mazingira katika hali yake ya kawaida ni kuifanyia ardhi hivyo masuala muhimu.

Akielezea umuhimu wa maandalizi ya mwongozo huo, Mwenyekiti wa Chama cha Wanawake Wachimbaji Madini (TAWOMA), Eunice Negele, amesema rasimu inayojadiliwa itaisaidia jamii pamoja na vizazi vijavyo kwa kuwa, itawafanya wawekezaji kuhakikisha wanaiacha ardhi yenye kufaa kwa matumizi mengine tofauti na uchimbaji.

Read more

Wizara yakutana na Kampuni zinazokusudiwa kujenga vinu vya kuyeyusha, kusafisha madini

Na Asteria Muhozya,

Katika jitihada za kuhamasisha shughuli za Uongezaji Thamani Madini Nchini, kuanzia tarehe 6 hadi 7 Februari, 2019, Wizara ya Madini ilikutana na baadhi ya Kampuni zinazokusudiwa kujenga Vinu vya Kuchenjua, Kuyeyusha na Kusafisha Madini nchini.

Lengo la wizara kukutana na kampuni hizo ilikuwa ni kuangalia uwezo wa kifedha, teknolojia na Utayari wao. Kampuni hizo ni kutoka Ndani na Nje ya Nchi.

Serikali inahamasisha shughuli za uongezaji Thamani madini kufanyika nchini ili kuongeza pato, ajira na uhuishaji wa teknolojia kwa wazawa.

Read more

Waziri Biteko akutana na Watumishi Tume ya Madini

Na Greyson Mwase,

Waziri wa Madini, Doto Biteko leo tarehe 06 Februari, 2019 amekutana na watendaji na watumishi wa Tume ya Madini katika makao makuu ya Tume yaliyopo jijini Dodoma, lengo likiwa ni kusikiliza na kutatua changamoto mbalimbali zinazoikabili Tume.

Waziri wa Madini, Doto Biteko (katikati) akisikiliza mapendekezo mbalimbali yaliyokuwa yanawasilishwa na watumishi wa Tume ya Madini (hawapo pichani)

Kikao hicho  kilihudhuriwa na Katibu Mkuu wa Wizara ya Madini, Profesa Simon Msanjila, Mkurugenzi wa  Utawala na Usimamizi wa Rasilimaliwatu kutoka Wizara ya Madini, Issa Nchasi na  Mwenyekiti wa Tume ya Madini, Profesa Idris Kikula.

Wengine ni pamoja na Kamishna kutoka Tume ya Madini, Dkt. Athanas Macheyeki, Katibu Mtendaji wa Tume ya Madini, Profesa Shukrani Manya, Wakurugenzi, Mameneja pamoja na watumishi wa  Tume ya Madini.

Katika kikao hicho Waziri Biteko ametoa maelekezo mbalimbali ikiwa ni pamoja na vituo vya ukaguzi wa madini ya ujenzi kufufuliwa, kikao cha kamati tendaji kukutana mara kwa mara kwa ajili ya kupitia na kuidhinisha maombi mbalimbali ya leseni za madini na watumishi kufanya kazi kwa uadilifu.

Read more

Biteko apangua hoja hofu ya wadau kuwekeza nchini

Na Nuru Mwasampeta,

Waziri wa Madini, Doto Biteko amewatoa hofu Wawekezaji wa Nje na kueleza kuwa, Mabadiliko yaliyofanywa katika Sheria ya Madini ya Mwaka 2017, hayana lengo la kuwakandamiza isipokuwa yamelenga katika kuifanya rasilimali madini kuwanufaisha wote, wawekezaji na watanzania.

Waziri wa Madini, Doto Biteko (kulia) akiagana na Balozi wa Canada nchini mara baada ya kumaliza kikao baina yao. Katikati ni Naibu Waziri wa Madini, Stanslaus Nyongo.

Aliyasema hayo Januari 4, 2019 katika kikao baina yake na Balozi wa Canada nchini Pamela O’Donnel, ambacho pia kilihudhuriwa na Naibu Waziri wa Madini, Stanslaus Nyongo, Kamishna wa Madini, Mhandisi David Mulabwa, Mkurugenzi wa Idara ya Sera na Mipango, Augustine Ollal.

Akielezea lengo la kuonana na uongozi wa juu wa Wizara, Balozi O’Donnel alisema amefika ili kupata uelewa wa mabadiliko mbalimbali yaliyotokea katika sekta ya madini pamoja na maeneo mengine ili kuwatoa hofu wawekezaji kutoka katika taifa lake wanaopenda kuwekeza nchini.

Pamoja na nia yake ya kupata ufumbuzi kwa masuala ya Sheria ya Madini, Balozi O’Donnel alihoji kuhusu masuala mengine ikiwemo utawala wa kisheria, mikataba ya madini, kodi na tozo mbalimbali pamoja na upatikanaji wa vibali vya kufanya kazi nchini kwa wananchi kutoka nchini Canada.

Akijibu hoja hizo, Waziri Biteko aliwataka wawekezaji kutoka nchini Canada kutokuwa na wasiwasi kwa mabadiliko hayo na kuwataka kutembelea ofisi ya madini ili kupata ufafanuzi wa jambo lolote lenye utata katika kufanikisha nia njema ya kuwekeza nchini. “Tupo kwa ajili yao, wasisite kupata ufafanuzi wa jambo lolote linalohusu sekta ya madini,” alisisitiza.

Aliongeza kuwa, mataifa mbalimbali duniani yanafanya mabadiliko katika masuala mbalimbali na kueleza kuwa, si vibaya kwa Tanzania kufanya mabadiliko kwa jambo lolote ambalo lina manufaa kwa taifa.

Waziri Biteko alieleza kuwa, madini ni rasilimali inayokwisha, hivyo ni muhimu madini yanapochimbwa yawaletee faida watanzania  na pindi  yatakapokwisha wajivunie rasilimali madini iliyokuwepo kutokana na maendeleo yaliyoletwa na Madini hayo kama vile barabara bora, shule, ujenzi wa vituo vya Afya na masuala mengine ya maendeleo.

“Sheria ya awali ilikuwa hainufaishi taifa na watanzania ndio maana mabadiliko yanafanyika.Mabadiliko ni kitu kizuri, tunahitaji rafiki atakayesababisha mabadiliko kutokea hivyo hawana haja ya kuogopa, tunawakaribisha kuwekeza” alisisitiza Biteko.

Akifafanua zaidi, Biteko alieleza kuwa, mabadiliko ya sheria ya madini yamekuwa yakifanyika kulingana na sera inayoongoza. Alieleza kuwa tangu kutungwa kwa sheria ya madini mwaka 1998 mabadiliko yamefanyika kwa awamu mbili yaani mwaka 2010 na mwaka 2017 lengo likiwa ni moja tu, rasilimali madini iweze kulinufaisha taifa na Watanzania.

Waziri wa Madini, Doto Biteko (kushoto), akizungumza jambo wakati wa kikao na Balozi wa Canada nchini Pamela O’Donnel (wa pili kutoka kushoto).

Aidha, alibainisha kuwa mabadiliko ya kisheria yanayotokea katika sekta ya madini yanapitia mchakato wa kutosha kwa kuwashirikisha wadau mbalimbali wa sekta na hayatokei kwa ghafla kama inavyozungumzwa.

Waziri Biteko alisema serikali imekusudia kuziwezesha benki za ndani kukua na hivyo kuwataka wawekezaji kutunza fedha zao katika benki za ndani na endapo wawekezaji watataka kutunza fedha zao katika benki za nje watumie benki zenye usajili nchini Tanzania.

Kuhusiana na suala la upatikanaji wa vibali kwa wataalamu wa kigeni kufanya kazi nchini, Biteko alifafanua  kuwa, Serikali haizuii wataalamu kutoka nje kufanya kazi nchini isipokuwa kuwepo uwazi na uwajibikaji na Serikali ikijiridhisha na  kubaini kuwa nchini hakuna mtaalamu wa kufanya kazi fulani serikali haitasita kutoa kibali kwa watu kutoka nje ya nchi kuja kufanya kazi nchini.

Kwa upande wa utawala wa kisheria, Biteko alikiri kuwa Serikali ya Awamu ya Tano inaongoza nchi kwa Sheria na taratibu bila kuchagua wala kubagua.

Biteko alitanabaisha kuwa kutokana na ukweli kwamba wapo watu ambao wamejikita katika kuamini mitazamo hasi na hawataki ukweli ni suala gumu kubadili mitazamo yao, na kueleza kuwa, itakuwa rahisi kwa wale watakaokubali ukweli na kubadili mitazamo hasi waliyonayo juu ya serikali ili kwenda sambamba.

Kwa upande wake, Naibu Waziri wa Madini, Stanslaus Nyongo alisema, wawekezaji ni wadau muhimu wa maendeleo na hakuna taifa lolote lililo tayari kuwakatisha tamaa wadau wa maendeleo.

Aidha, alibainisha mambo manne yaliyopelekea Sheria ya Madini kufanyiwa marekebisho ili kukidhi matakwa ya taifa na watu wake kwa ujumla na kusema kuwa mambo hayo ni pamoja na kuongeza mapato kwa taifa kwa kuongeza mrabaha wa madini ya vito na almasi kutoka asilimia 5 mpaka asilimia 6.

Waziri wa Madini, Doto Biteko (kushoto), Mkurugenzi wa Idara ya Sera na Mipango (Kulia), katikati ni Katibu wa Waziri Kungulu Masakala wakifuatilia hoja kutoka kwa Balozi wa Canada nchini Pamela O’Donnel (Hayupo pichani)

Alisema, suala lingine ni uongezaji thamani wa rasilimali madini inayopatikana nchini ili inaposafirishwa nje ya nchi iwe ya viwango vyenye ubora mkubwa na hivyo kusaidia kuongeza mapato kwa taifa. Aidha, amebainsha kuwa kuna baadhi ya madini kama ya graphite yanayoongezwa thamani kwa asilimia 90 na kusafirishwa nje ya nchi kuongezewa ubora zaidi.

Akifafanua hilo, Nyongo alisema ili kulipelekea taifa kuwa na viwanda vya kutosha, serikali imefanya mabadiliko hayo ili kupata wawekezaji watakaojenga viwanda vya kuchakata madini nchini ili yasafirishwe yakiwa katika viwango bora na kupelekea ongezeko la fedha za kigeni nchini.

Pia, Naibu Waziri Nyongo alizungumzia suala la uwajibikaji wa wawekezaji kwa jamii ya kitanzania na kusema kuwa, ili kuwafanya wawekezaji kuwatumia wazawa katika kufanikisha shughuli za uchimbaji na biashara ya madini, Sheria mpya imeweka wazi masuala mbalimbali yanayopaswa kufanywa na wazawa na manunuzi ya baadhi ya mahitaji kufanyika ndani ya nchi na si vinginevyo ikiwa ni pamoja na kuajili wazawa.

Mwisho Naibu Waziri Nyongo alizungumzia suala la kuzuia wawekezaji kumiliki leseni wasizozifanyia kazi. Alisema  kuwa, wapo  baadhi ya wawekezaji wamekuwa wakitumia leseni za madini  kuombea mikopo katika taasisi za kifedha nje ya nchi na baada ya kupata mikopo hiyo wamekuwa  wakiendesha shughuli zao nje ya Tanzania.

Alibainisha kuwa, ili kuwabana wawekezaji hao sheria imekuja ikiweka wazi muda maalum wa mmiliki wa leseni kumiliki leseni hiyo vinginevyo maeneo yanarudishwa serikalini ili kutoa fursa kwa watu wenye nia ya kufanya kazi kuendelea na kazi.

Read more

Katibu Mkuu Madini amsimamisha kazi Afisa Dodoma

Na Asteria Muhozya,                                                                    

Katibu Mkuu wa Wizara ya Madini Prof. Simon Msanjila amemsimamisha kazi Fundi Sanifu wa Madini, Asheni Daudi wa Ofisi ya Madini Dodoma baada ya kuagizwa na Waziri wa Madini Doto Biteko.

Waziri wa Madini Doto Biteko akitafakari jambo wakati wa ziara yake ya kushtukiza katika eneo ambalo shughuli za uuzaji wa madini zinafanyika bila kuwa na leseni. Mbele ni Katibu Mkuu wa Wizara ya Madini, Prof. Simon Msanjila. Wengine ni Maafisa wa Wizara.

Hatua hiyo ilifikiwa Januari 30, 2019, baada ya Waziri Biteko akiongozana na Katibu Mkuu na Wataalam wengine wa wizara vikiwemo Vyombo vya Ulinzi na Usalama, kufanya ziara ya kushtukiza katika Kiwanda cha Kuchenjua madini ya Dhahabu cha   Umoja kilichopo eneo la Viwanda la Kizota (Industrial Area) na kubaini mapungufu makubwa katika utendaji kazi wa wataalamu hususan uandaaji wa tarifa za uzalishaji wa madini.

Akizungumza katika eneo hilo, Waziri Biteko alisema wizara ilipata taarifa kutoka kwa raia wema kuhusu mienendo inayoendelea katika eneo hilo ambapo wahusika ambao ni Maafisa Madini wamekuwa hawatoi taarifa halisi za uzito na ubora wa dhahabu zinazozalishwa baada ya kuchenjuliwa, hivyo, serikali kukosa mapato stahiki.

Waziri Biteko aliongeza kuwa, tayari anayo majina yote ya wanaofanya michezo ya ujanja ujanja kwenye viwanda vya kuchenjua dhahabu, huku akieleza kuwa, hatua madhubuti zitachukuliwa kwa wote wanaofanya vitendo hivyo na kuongeza kwamba, zoezi hilo litakuwa endelevu kwa lengo la kuwabaini wanaojihusisha na vitendo hivyo na kuwataka maafisa madini kuwa makini.

Aidha, alimwagiza Kamishna wa Madini kufanya kaguzi katika viwanda vyote vya kuchenjua dhahabu kwa lengo la kubaini utendaji wa kazi wa viwanda hivyo, ikiwemo taarifa za uzalishaji zinazotolewa na kusema “Lazima tufike mahali tuheshimu taratibu, madini haya ni mali ya nchi”, alisisitiza Biteko.

Wakati huo huo, Waziri Biteko alimtaka Afisa Madini Mkoa wa Dodoma kujitathmini kutokana na mambo yanavyokwenda katika eneo lake la kazi na kumtaka kuwasilisha kwa Kamishna wa Madini na kwa Waziri wa Madini taarifa za uzalishaji madini ya dhahabu kwa kipindi cha miezi sita.

Waziri wa Madini Doto Biteko akieleza jambo wakati akimhoji Munuzi wa Madini Matondo Michembe (wa pili kulia) ambaye alikutwa akifanya shughuli hizo bila kuwa na leseni ya kufanya biashara hiyo. Wa kwanza kulia ni Katibu Mkuu wa Wizara ya Madini, Prof. Simon Msanjila.

Pia, katika ziara yake, Waziri Biteko alibaini mnunuzi wa madini ya dhahabu katika eneo la Kizota aliyefahamika kwa jina la Matondo Michembe ambaye anafanya shughuli hizo bila kuwa na leseni ya biashara ya madini hayo. Hivyo, alimwagiza Michembe kuwasilisha taarifa za utendaji wake kwa Kamishna wa Madini na Waziri wa Madini hususan  soko analouzia madini  hayo ya dhahabu.

Kwa upande wake, Katibu Mkuu Prof. Simon Msanjila alieleza kuwa, kiutaratibu ilikuwa lazima taarifa za uzalishaji na kiasi kilichozalishwa kujazwa katika vitabu maalum ndani ya kiwanda hicho lakini jambo hilo halikufanyika kama inavyotakiwa.

Aliongeza kuwa, Afisa huyo amesimamishwa ili kupisha uchunguzi na endapo itabainika, taratibu za kiutumishi zitachukuliwa.

Read more

Waziri wa Madini Doto Biteko akutana na Mwenyekiti wa TEITI Jijini Dodoma

Na Rhoda James,

Waziri wa Madini Doto Biteko, Januari 29, 2019, alikutana na Mwenyekiti wa Taasisi ya Uwazi na Uwajibikaji katika Rasilimali za Madini, Mafuta na Gesi asilia (TEITI), Ludovick Utouh, ofisini kwake Jijini Dodoma. Lengo likiwa ni kujadili masuala mbalimbali yanayohusiana na utekelezaji wa majukumu ya TEITI nchini.

Read more

Nafasi za mafunzo ya uongezaji thamani madini TGC

Kituo cha Jemolojia Tanzania (TGC) kilicho chini ya Wizara ya Madini kinatangaza nafasi za mafunzo ya muda mfupi (Short Course) katika fani za ukataji na usanifu wa madini ya vito (Lapidary training course) , Utambuzi wa madini ya vito (Gem Identification), usonara (Introduction to jewelry) pamoja na mafunzo ya muda mrefu ya diploma in Gem & Jewellery Technology. Mafunzo hayo yatatolewa katika Kituo cha Jemolojia Tanzania (TGC) ambacho kipo Jijini Arusha katika barabara ya Themi-Njiro mkabala na Ofisi ya Madini Arusha.

Fomu ya maombi/Application form

>>Soma Zaidi>>

Read more

Wachimbaji wadogo kutunukiwa Vyeti vya Uhifadhi wa Mazingira

Na Nuru Mwasampeta,

Waziri wa Madini, Doto Biteko amekutana na Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka Mafwenga, ofisini kwake jijini Dodoma.

Biteko ameshukuru Dkt. Mafwenga kwa kuonesha nia ya kuwasaidia wachimbaji wadogo kupata cheti cha mazingira baada ya kubainisha njia bora za kuwawezesha wachimbaji wadogo kupata uelewa juu ya uhifadhi wa mazingira.

Akizungumza katika kikao hicho kilichofanyika Januari 28, 2019, Dkt. Mafwenga amesema kutokana na mwamko mkubwa iliyonayo Serikali wa kuwasaidia wachimbaji wadogo kukua na kufanikiwa katika sekta ya uchimbaji mdogo wa madini, Nemc itajikita katika kuhakikisha inashirikiana na wizara katika kuhamasisha na kuelimisha wachimbaji wadogo juu ya umuhimu wa uhifadhi wa mazingira.

Aidha, amebainisha kuwa, kutokana na vigezo vya awali ambavyo viliwafanya wachimbaji wadogo kutokupewa cheti cha mazingira zitaboreshwa na kuwawezesha kupata cheti hicho.

Amesema, wachimbaji wadogo watapaswa kusajili miradi yao katika Ofisi za Kanda za Baraza la Hifadi la Mazingira  ambao watakagua miradi hiyo na baada ya kujiridhisha watawapatia vyeti hivyo.

Read more

Biteko awataka Maafisa madini kuepuka tuhuma za rushwa, urasimu

Na Nuru Mwasampeta,

Waziri wa Madini Doto Biteko, amewataka Maafisa Madini wa mikoa kuepuka tuhuma za rushwa na urasimu na kubainisha kuwa, hatamfumbia macho Mtumishi yeyote atakayebainika kutekeleza majukumu yake kinyume na Sheria.

Aidha, amewataka maafisa hao kuwabaini na kuwatambua wachimbaji wadogo waliopo katika maeneo yao ya kazi.

Biteko aliwaeleza maafisa hao kuwa wizara haita mfumbia macho mtumishi yeyote asiyetekeleza majukumu yake na kukiri kuwa ni vema kufanya kazi na watu wachache kuliko kufanya kazi na mamia ya watu wasiokidhi mahitaji na kasi ya wizara katika kutekeleza majukumu yao.

Biteko alitoa maagizo hayo mwishoni mwa wiki alipofanya mkutano baina yake, Katibu Mkuu wa Wizara, Prof. Simon Msanjila, Mtendaji Mkuu wa Tume ya Madini, Profesa Shukrani Manya pamoja na maafisa Madini wa Mikoa. Mkutano huo uliolenga  kutoa msisitizo katika kutatua changamoto zinazowakabili wachimbaji na wafanyabiashara wa madini katika maeneo yao ya kazi.

“Tunao wachimbaji wadogo wengi, wengi sana. Walio rasmi na wasio rasmi. Mwenye wajibu wa kuwatambua wachimbaji hao ni ninyi. Lazima sasa hivi mkatengeneze data base kwenye mikoa yenu ili kujua  akina nani wanajihusisha na shughuli za uchimbaji mdogo ili tutakapotaka  kuwasaidia wachimbaji wadogo misaada hiyo itolewe kwa wahusika kuliko kubahatisha,” alisisitiza Biteko.

Waziri wa Madini, Mhe. Doto Biteko, akizungumza na waandishi wa habari wakati wa kikao baina ya uongozi wa wizara na Maafisa Madini wa Mikoa kilichofanyika katika ofisi ndogo za wizara jijini Dar es Salaam

“Tunataka kuanzisha soko la madini, na Serikali itatoa nafuu (incentive) kwa wachimbaji wadogo,  nafuu kwenye kodi, nafuu kwenye ushuru,  sasa hawa wachimbaji wadogo watakaonufaika na punguzo hilo lazima tuwajue ni akina nani, lazima tuwe pro- active katika utendaji wetu wa kila siku” alikazia.

Aidha, Waziri Biteko aliwataka Maafisa hao kwenda kutekeleza na kusimamia  Sheria  na kukataa kila aina ya maelekezo yanayotolewa kwao  ambayo yanayokiuka sheria katika utekelezaji wa majukumu yao.

Biteko aliongeza kwa kuwataka Maafisa madini wa mikoa kuhakikisha wanafanya kazi na kulifanya jina la Wizara ya Madini linakuwa zuri kuliko kuonekana kama watu wasiokuwa na mwelekeo wa kiutendaji.

Biteko alibainisha kuwa mpaka sasa wizara imehamisha watumishi 57 makao makuu ya wizara ambao wizara imejiridhisha kuwa utendaji kazi wao hauridhishi na kwamba zoezi hilo litaendelea kwa lengo la kuimarisha utendaji wizarani.

Zaidi ya hayo, Biteko aliwataka Maafisa Madini hao kuhakikisha kuwa wanashirikiana na kamati za ulinzi na usalama za mikoa pamoja na Wakuu wa Wilaya katika utekelezaji wa majukumu yao ya kila siku na kuwataka kuwajibika kwao kwani ni wawakilishi wa Rais na wanasimamia shughuli za Serikali.

Aliongeza kuwa, wakuu wa wilaya ni wasimamizi wa Serikali katika maeneo hayo, ni wawakilishi wa Rais katika wilaya na mikoa hiyo ni wasimamizi wa kazi zote za serikali ikiwepo ya madini hivyo hawana budi kushirikiana nao.

Biteko aliwataka maafisa Madini hao kuwasilisha changamoto wanazokutana nazo ziwe ni za kibajeti au vifaa  ili waweze kusaidiwa na kuwawezesha kutekeleza majukumu yao na kuwaagiza kumtumia Katibu Mkuu wa Wizara Prof. Simon. Msanjila katika kutatua changamoto hizo.

Akizungumzia suala la uanzishwaji wa vituo vya madini katika mikoa. Biteko alisema, Kanuni za kusimamia vituo hivyo zimekwisha andaliwa na zitasainiwa wakati wowote na kuwataka maafisa hao kutambua kuwa wao ni watu muhimu katika kusimamia vituo hivyo.

Biteko alisema anatamani ndani ya miezi sita sekta ya madini ibadilike, mtu akija aone kuna maendeleo, aliwasihi kuhama kwenye majina ya kuitwa wala rushwa, tuhame kuitwa warasimu tuhame kwenye sifa za watu wanaosimamia masuala ya madini pamoja na kujihusisha na shughuli za uchimbaji jambo ambalo ni kinyume na sheria.

Akihitimisha kikao hicho, Biteko aliwataka maafisa hao kuhakikisha mapendekezo yote yaliyotolewa katika mkutano wa kisekta kila mtu katika mkoa wake akayafanyie kazi. Pia  aliwaagiza kufanyia kazi maelekezo yote yaliyotolewa na viongozi wa wizara kwa nyakati tofauti ikiwa ni pamoja na yale yaliyotolewa na aliyekuwa Waziri wa Madini,  Angellah Kairuki pamoja na  Naibu Waziri wa Madini, Stanslaus Nyongo.

Kwa upande wake Mtendaji Mkuu wa Tume ya Madini, Prof. Shukrani  Manya alieleza kufurahishwa na kukiri kwenda kufanyia kazi maagizo yote yaliyotolewa na kiongozi wa wizara hiyo.

Read more

Waziri Biteko aanza kutatua mgogoro kati ya Mzee Mchata, Kampuni ya Mantra

Na Asteria Muhozya,

Waziri wa Madini, Doto Biteko leo Januari 28, amekutana na Mzee Eric Mchata na Kampuni ya madini ya Uranium ya Mantra Tanzania kwa lengo la kutatua mgogoro uliopo baina ya pande hizo mbili.

Kikao hicho, kinafuatia malalamiko yaliyowasilishwa kwa Rais wa Jamhuri ya Muungano wa Tanzania Dkt. John Magufuli Januari 22 na  Mzee Mchata wakati wa mkutano wa Kisekta ulioshirikisha wachimbaji wadogo na wadau wa madini uliofanyika jijini Dar es Salaam.

Wakati akisikiliza kero za wachimbaji na wadau wa madini walioshiriki kikao hicho, Rais Magufuli alipokea kero ya Mzee Mchata aliyemweleza kwamba amekuwa na mgogoro na kampuni hiyo kwa kipindi cha takribani miaka 12 na bado hajapata suluhu.

Akijibu kero iliyowasilishwa na Mzee Mchata, Rais Magufuli aliitaka Wizara ya Madini kuhakikisha mgogoro huo unafikia mwisho.

Read more

Taarifa kwa Umma-Uteuzi wa Wenyeviti na Wajumbe wa Bodi za Taasisi zilizo chini ya Wizara ya Madini

Rais wa Jamhuri ya Muungano wa Tanzania Mh. Dkt John Pombe Joseph Magufuli amemteua Prof. Justinian Rwezaula Ikingura kuwa Mwenyekiti wa Bodi ya Taasisi ya Jiolojia na Utafiti wa Madini Tanzania (GST) tarehe 18/01/2019. Kufuatia uteuzi huo Waziri wa Madini Mh. Doto Mashaka Biteko, kwa mujibu wa Kanuni ya 3(1)(b)(c)(d) na (e) ya Kanuni ya The Mining (Geological Survey), amewateua wajumbe wa Bodi ya GST kama ifuatavyo:

  1. Abdulkarim Hamisi Mruma
  2. Emanuel Mpawe Tutuba
  3. Bibi Bertha Ricky Sambo
  4. Shukrani Manya
  5. David R. Mulabwa
  6. Bibi Monica Otaru

>>Soma Zaidi>>

Read more

Waziri Mkuu Majaliwa ataka kanuni za uanzishwaji masoko ya madini kukamilishwa haraka

  • Aitaka Wizara ya Madini kutoa Mwongozo wa Usafirishaji Madini Nje.
  • Waziri Biteko asema, Rasimu ya Kwanza imekamilika,
  • Asisitiza Masoko yaanze mwezi Februari

 Asteria Muhozya na Samwel Mtuwa, Dodoma

Waziri Mkuu wa Jamhuri ya Muungano wa Tanzania, Kassim Majaliwa ameitaka Wizara ya Madini kuharakisha ukamilishaji wa Kanuni za Uanzishwaji Masoko ya Madini nchini, ikiwemo kuhakikisha masoko hayo yaanza haraka.

Waziri Mkuu Majaliwa ameyasema hayo Januari 26, wakati wa kikao kazi kilichowakutanisha Mawaziri kutoka wizara mbalimbali, Wakuu wa Mikoa yote nchini, Wizara ya madini, Makatibu Tawala wa Mikoa, Taasisi mbalimbali zikiwemo Tume ya Madini, Benki Kuu ya Tanzania na Kituo cha Uwekezaji Nchini, (TIC).

Amesema kikao hicho ni sehemu ya utekelezaji wa maelekezo ya Rais wa Jamhuri wa Muungano wa Tanzania Dkt. John Magufuli aliyayotoa Januari 22 wakati akifungua Mkutano wa Kisekta uliowashirikisha wachimbaji na wadau wa madini nchini ambapo Rais Magufuli alisisitiza juu ya kuanzishwa kwa masoko ya madini.

Aidha, ameipongeza Wizara ya Madini kwa kikao hicho na kusema kwamba, kimelenga katika kujenga uelewa wa pamoja kwa Wakuu wa Mikoa, Makatibu Tawala wa Mikoa na Maafisa Madini wa Mikoa kuhusu kanuni na namna ya kuendesha Masoko hayo.

Akisisitiza kuhusu usimamizi wa masoko ya madini, Waziri Mkuu amesema kuwa, Wakuu wa Mikoa kwa kushirikiana na Maafisa Madini ndiyo watakuwa wasimamizi wakuu wa masoko hayo  na kuongeza kuwa, katika ngazi ya Wilaya, masoko hayo yatasimamiwa na wakuu wa wilaya na kueleza “kwenye wilaya msimamizi ni mkuu wa wilaya, wakuu wa wilaya mkaripoti kwa wakuu wa mikoa wawasaidie,”.

Pia, ametaka pindi kanuni hizo zitakapokamilika kuzifikisha kwa Wakurugenzi wa Majiji, Manispaa na Halmashauri za Wilaya na  katika maeneo yote yenye machimbo wakiwemo wachimbaji na Wafanyabiashara ikilenga kuwezesha wadau hao kufikiwa na kanuni hizo na kuwa na uelewa wa kutosha na hatimaye ziweze kusimamiwa kikamilifu kwa kushirikiana  na Tume ya Madini.

Katika kuhakikisha kwamba masoko hayo yanaendeshwa  kwa usalama, ameitaka mikoa kuhakikisha kunakuwa na na hali ya ulinzi na usalama kwenye maeneo hayo ili  kuwahakikishia wafanyabiashara, wachimbaji na wananchi kwa ujumla usalama wa kutosha wakati wa kuuza madini hayo katika masoko yatakayoanzishwa.

Akizungumzia mwongozo wa usafirishaji madini nje ya nchi, ameitaka  wizara  ya madini kutoa mwongozo huo mapema na kueleza kuwa, baada ya serikali kutafakati kwa kina, imetoa mwongozo wa kusafirisha baadhi ya madini nje ya nchi na hivyo kuitaka wizara kutoa mwongozo huo kwa Wakuu wa Mikoa yote nchini.

 Kwa upande wake, Waziri wa Madini Doto Biteko amesema kuwa, tayari rasimu ya kwanza ya Kanuni hizo imekamilika na kueleza kuwa, kikao kazi kinalenga jambo ambalo halikuwahi kufanyika tangu nchi ya Tanzania ipate uhuru na hivyo kuwataka wakuu wa mikoa kulifanya kuwa jambo linalowahusu wote.

Amesema kwa sasa wachimbaji na wafanyabiashara wa madini hawana maeneo maalum wanayoweza kufanyia biashara  ya madini  hali ambayo inachangia kuwepo utoroshaji wa madini na hivyo kuikosesha serikali mapato.

Ameongeza, ili  kukabiliana na changamoto ya masoko ya madini, Wizara iliunda kamati iliyojumuisha wajumbe kutoka katika taasisi mbalimbali za serikali zikiwemo Ofisi ya Rais Ikulu, Ofisi ya Rais TAMISEMI, Ofisi ya Mwanasheria Mkuu wa Serikali, Wizara ya Madini, Wizara ya Fedha, Wizara ya Viwanda na Biashara, Benki  Kuu na Tume ya Madini.

Amesema kuwa, Kamati hiyo iliundwa ili kuandaa rasimu ya Kanuni za kuanzisha na kusimamia Masoko ya Madini Nchini na kuongeza kuwa katika kuandaa kanuni hizo, jina la Kanuni linalondekezwa The Mining (Mineral and Gem House) Regulations, 2019,” amesema Waziri Biteko.

Ameongeza kuwa, Marekebisho ya sheria yaliyofanyika mwaka 2017 katika sheria ya Madini ya Mwaka 2010 yalilenga kulinda maslahi ya taifa na kuhakikisha sekta ya madini inachangia ipasavyo katika kukuza na kuimarisha mchango wa sekta katika pato la Taifa na kuongeza kwamba, si kweli kwamba marekebisho hayo yamefukuza wawekezaji bali yameongeza idadi ya wanaotaka kuwekeza katika sekta ya madini.

Katika hatua nyingine, Waziri Biteko amewataka Wakuu wa Mikoa kuhakikisha masoko ya madini yanaanza mara moja wakati kanuni hizo zinaendelea kuboreshwa na kusisitiza wakuu hao wahakikishe yaanza ifikapo mwezi Februari mwaka huu.

“Lazima Wakuu wa Mikoa tuanze. Wakuu wa Mikoa tutaanza na Kanuni hizi, hizi. Tutaendelea kuziboresha lakini lazima tuanze. Na kanuni hizi zikipita, lazima kila anayehusika atafanya biashara kupitia kanuni hizi,” amesisitiza Waziri Biteko.

Halikadhalika, amewataka washiriki wa kikao hicho kuhakikisha wanazipitia kanuni hizo kwa lengo la kufanya maboresho na kutoa mapendekezo yatakayowezesha kuwa na kanuni zitakazowezesha taifa kunufaika na rasilimali hiyo na kuongeza, “ hizi kanuni zikiwa mbovu itakuwa yetu wote,”.

Pia, amewaomba Wakuu wa Mikoa, Maafisa Tawala wa Mikoa, Maafisa Madini Wakazi wa Mikoa na Wadau kwa ujumla kufanya kazi kwa pamoja ili kuweza kutimiza ndoto za muda mrefu za Wachimbaji wadogo Wafanyabiashara wa Madini, Wadau na Watanzania wote kwa ujumla za kuhakikisha kwamba sekta ya madini inachangia zaidi katika taifa na inalinufaisha.

Naye, Waziri , Ofisi ya Rais ,Tawala za Mikoa na Serikali za Mitaa (TAMISEMI), Suleiman Jafo amesema kuwa, Waziri Biteko ameanza vizuri na  kueleza kuwa,  kikao hicho kitasaidia kupata mambo mbalimbali yatakayosaidia katika uanzishwaji wa masoko hayo na kueleza kuwa, timu yake ya mikoa iko tayari.

“Mhe. Waziri nimefurahi sana namna wakuu wa mikoa walivyozungumza wakati wa majadiliano ya kuboresha Kanuni hizi. Tunakwenda kuona namna ya kuanzisha masoko haya,”.

Aidha, amewataka wakuu wa mikoa kulichukulia jambo hilo kama matarajio ya Rais Magufuli anavyotaka kuona kwamba madini yanalinufaisha taifa.

Read more

Waziri Biteko amaliza mgogoro kati ya Kampuni ya BEAL na MTL

Na Rhoda James

Waziri wa Madini, Doto Biteko amemaliza mgogoro uliokuwepo kati ya Kampuni ya Barrick Exploration Africa Limited (BEAL) na Megagems Tanzania Limited (MTL) uliodumu kwa muda mrefu.

MTL ambaye ni mlalamikiji alikuwa anadai kulipwa kiasi cha Dola za Marekani 10,000 na Kampuni ya BEAL.

Akisuluhisha mgogoro huo Waziri Biteko ameitaka Kampuni ya BEAL kumlipa mlalamikaji kwa kuwa vibali vyote vinaonesha kuwa anastahili kulipwa.

Kikao hicho kimefanyika leo tarehe 25 Januari, 2019 jijini Dodoma katika Ofisi ya Waziri wa Madini, Doto Biteko.

Read more

STAMICO sasa imefanya kitu-Kamati ya Bunge

Na Asteria Muhozya, Dodoma

Shirika la Madini la Taifa (STAMICO) limeonesha kuwatia moyo Wajumbe wa Kamati ya Kudumu ya Bunge ya Nishati na Madini baada ya kuwasilisha taarifa yake kwa kamati hiyo iliyoonesha kuwepo mafanikio kutokana na kuendeleza mgodi wake wa Kiwira, kuendeleza uchimbaji na uuzaji makaa ya mawe kupitia mgodi wake wa Kabulo na uzalishaji dhahabu katika mgodi wa STAMIGOLD.

Wakichangia hoja baada ya kuwasilishwa kwa taarifa kuhusu hatua zilizofikiwa katika kuendeleza migodi ya Kiwira, Stamigold, Buhemba na Backreef, na taarifa ya utekelezaji wa majukumu kwa kipindi cha nusu mwaka 2018/19, kuanzia mwezi Julai hadi Desemba, 2018, wajumbe hao wamesifu jitihada zinazofanywa na shirika hilo kwa kufufua mgodi wake wa Kiwira na uzalishaji unaofanywa Stamigold na Kabulo na kueleza kuwa, hivi sasa kuna mambo yanafanyika na yanakamilika.

Pamoja na mafanikio hayo, kamati imeitaka wizara kuendelea kuzifanyia kazi changamoto za uchimbaji mdogo wa madini nchini huku ikitakiwa kufanyia kazi ushauri uliotokana na mkutano wa Kisekta kati Rais wa Jamhuri ya Muungano wa Tanzania, Dkt. John Magufuli na wadau wa madini uliofanyika Januari 22, 2019.

Aidha, wameitaka wizara kutumia mkutano huo kupanga mipango itakayowezesha Tanzania Ijayo kunufaika na rasilimali madini ikiwemo kuhakikisha inawawezesha wachimbaji wadogo kukua kutoka uchimbaji mdogo, kwenda wa kati na hatimaye kuwa wachimbaji wakubwa.

Vilevile, wajumbe wa kamati wameishauri wizara kulifanyia kazi suala la mitobozano huku ikitakiwa kuweka mazingira mazuri ya kuepusha ajali za wachimbaji wadogo migodini.

Akitoa taarifa kwa kamati hiyo, Kaimu Mkurugenzi Mtendaji wa STAMICO, Deusdedith Magala, amesema kuwa, katika kipindi cha nusu mwaka wa utekelezaji wa bajeti ya Mwaka wa Fedha 2018/19, kuanzia mwezi Julai hadi Disemba, 2018, mgodi wa Kabulo umezalisha tani 4,052 na kuuza tani 1,302 za makaa yenye thamani ya shilingi 96.2 milioni ambapo kutokana na mauzo hayo, serikali imepokea mrabaha na ada ya ukaguzi wa shilingi 8,062,961.31 na ushuru wa huduma shilingi 738,597.94.

Magala ameeleza kuwa, mgodi wa STAMIGOLD umezalisha wakia 7581.55 za dhahabu na wakia 1,014.33 za madini ya fedha yenye jumla ya thamani ya shilingi bilioni 21.3, na kuongeza kwamba, mauzo hayo yameuwezesha mgodi huo kulipa mrabaha wa shilingi bilioni 1.27 katika kipindi hicho.

Akitaja mafanikio mengine, Magala amesema kuwa, shirika hilo limekamilisha ukarabati wa kinu cha kusagia makaa ya mawe kwa lengo la kuongeza thamani ya makaa yanayochimbwa katika mgodi wa Kabulo ili kukidhi mahitaji ya soko.

Aidha, amesema ukarabati mwingine ni pamoja na matengenezo ya njia za kusafirisha makaa ya mawe ikiwemo reli na mikanda; matengenezo ya mashine za kusaga na kuchekecha makaa, uhunzi na uchongaji vipoli na kusema kuwa, ukarabati huo ulitumia gharama ya shilingi 31,471,010.

“Mhe. Mwenyekiti vilevile, shirika linaendelea na tathmini ya kufufua mgodi wa chini wa Kiwira ili nao ujumuishwe katika uzalishaji wa makaa,” amesema Magala.

Akitoa ufafanuzi kuhusu akiba ya uwepo wa makaa ya makaa katika mgodi wa Kiwira, Magala amesema kuwa, unakadiriwa kuwa na wastani wa tani milioni 35.14 za mashapo ya makaa, ambapo kati ya mashapo hayo, yaliyothibitishwa yanafikia tani milioni 22.14 na mashapo yanayoweza kuvunwa kwa faida yanafikia tani milioni 14.64.

Akieleza mikakati ya shirika hilo, Magala amesema kuwa, ni pamoja na kutafuta mbia wa kuendeleza mradi wa visusu vya dhahabu wa Buhemba, kutafuta mkandarasi wa uchimbaji ili kutekeleza sehemu ya uchimbaji wa kokoto katika mradi wa Ubena Zomozi, kuendelea kutafuta mkandarasi mwingine wa uchimbaji ili aweze kuongeza uzalishaji wa makaa ya mawe katika mgodi wa Kabulo na kuendelea kufuatilia vibali vya kuajiri kutoka mamlaka ya ajira za utumishi wa Umma ili kuongeza nguvu kazi ya shirika.

Kwa upande wake, Naibu Waziri wa Madini Stanslaus Nyongo akizungumzia mafanikio ya mgodi wa Stamigold amesema kwamba mgodi huo unafufuka tofauti na ilivyokuwa awali ambapo sasa unazalisha ikiwemo kulipa madai ya wafanyakazi.

Akizungumzia changamoto ya mitobozano, amesema kuwa, wizara inashirikiana na mamlaka za mikoa na wilaya kuhakikisha inatatua migogoro hiyo na kuongeza kuwa, wizara inafanya jitihada za kuwaendeleza wachimbaji wadogo kwa kuwa endapo wataendelezwa, watawezesha kuwepo na mapato ya uhakika kwa serikali kutokana na idadi yao nchini.

Wizara ya Madini na taasisi zake ilianza kukutana na Kamati hiyo kuanzia Januari 21 hadi 23, ambapo taarifa ya utekelezaji kwa wizara na taasisi zake kwa kipindi cha Nusu Mwaka, (2018/19) ziliwasilishwa kwa kamati hiyo.

Read more

Aliyoyasema Rais wa Jamhuri ya Muungano wa Tanzania, Dkt. John Magufuli wakati akifungua mkutano wa Kisekta Januari 22, 2019

  • Zile asilimia 1, 5, 6, 18 na nyingine zilizokuwa zinatozwa kwa kitu kimoja kwa kweli haziwezi kukubalika.
  • Bado hatujafikia tunakotaka kwenda. Lengo ni kufikia asilimia 10. Hivi sasa tunachangia asilimia 4.8 bado tuna safari ndefu ya kufikia malengo. Tunayo nafasi ya kufikia asilimia 10. Watanzania tuna wajibu wa kusukuma mbele uzalendo wetu. Usipolipa kodi unawaumiza watanzania, watoto na wajukuu wetu.
  • Uzalishaji kutoka kwa wachimbaji na mapato umeongezeka kidogo. Nawapongeza kidogo Wizara na wadau kwa mafanikio haya yaliyopatikana.
  • Bei ya Almasi soko la nje ni Dola 5,000, soko la Maganzo ni dola 4,000. Serikali inaambiwa ni dola 2,000.
  • Ifike mahali sisi wachimbaji tujiulize kwa nini tunawadhulumu watanzania? Uzalendo umepungua Tanzania.
  • Niliagiza Kamera zifungwe Mirerani. Mpaka sasa hazijafungwa Naagiza ndani ya mwezi mzima kamera ziwe zimefungwa. Zisipofungwa mjiandae kuondoka.
  • Tunashindwa kusimamia utekelezaji wa Mikataba. Wito kwa Wizara na Mamlaka kusimamia mikataba na kufanya kaguzi za mara kwa mara.
  • Tatizo hata TRA hawajachangamka. Nakwambia Kamishna General waambie watu wako wachangamke.
  • Toeni michango yenu, tangulizeni uzalendo kwa maslahi ya Taifa. Sina tatizo lolote mkijadiliana kwa maslahi ya taifa.
  • Tatizo la Wizara ya Madini hawataki kufanya maamuzi. Tuwe na tabia ya kuamua. Kama umepewa wizara amua, kama umepewa mkoa amua.
  • Tunataka ninyi mtupe hotuba siyo sisi tutoe hotuba. Nataka mzungumze kwa uwazi.
  • Nimesikia changamoto za Mabenki kwamba wachimbaji wanahamahama. Kwa kuwa nimekuja kusikia changamoto, nina Imani Waziri atasema changamoto zilizopo.
  • Mumkabidhi hayo mliyokubaliana. Muwape mawaziri wangu wayafanyie kazi. Mimi mniletee
  • Maeneo yote ya madini ambayo hayaendelezwi yarudishwe serikalini.

MASWALI YALIYOULIZWA NA MHE. RAIS WAKATI WA MKUTANO WA KISEKTA

  • Kwa nini katika ripoti ya Benki ya Dunia hatuongozi kuuza madini? Kwanini madini yanatoroshwa na kwanini TRA hawakusanyi kodi?
  • Kwanini Tanzania tunaongoza kwa kuzalisha Afrika Mashariki laini kwanini hatuongozi kwenye mauzo?
  • Kwanini Makamishna wanalipwa mishahara na madini yanatoroshwa?
  • Je Wakuu wa Mikoa wanasimamiaje?
  • Kwanini madini ya Bati yanachimbwa, hayauzwi yanatoroshwa nchi jirani?
  • Kwanini pamoja na kujengwa ukuta Mirerani madini yanatoroshwa?
  • Kwanini hatuna masoko ya madini kama dhahabu wakati Mawaziri wapo, Makatibu Wakuu wapo?
  • Tumeshindwa kitu gani kuwa na Smelters?
  • Center za kuuza Madini ni muhimu. Wataalamu wetu mmeshindwaje kujenga center za Madini?

ALIYOYASEMA WAZIRI WA MADINI DOTO BITEKO

  • Changamoto walizozieleza ni za kweli. Kikao hiki ni cha mashauriano. Tunataka tufungue ukurasa mpya. Wakati wote Mhe. Rais anatuambia tuwahudumie nyie, tuwafuate. Nawaomba wachimbaji, wafanyabiashara tushirikiane.
  • Hivi ninavyoongea tayari tumeunda Timu ya Wataalam wanajadili kanuni za Masoko haya. Tunakuja na utaratibu utakaowezesha kufanya biashara.
  • Sasa saa yakutembea imekwisha, tutakimbia.
  • Hakuna dawa ya uaminifu kama kupenda nchi yako. Tuipende nchi yetu, tuithamini nchi yetu.

ALIYOYASEMA RAIS WA SHIRIKISHO LA VYAMA VYA WACHIMBAJI TANZANIA (FEMATA) JOHN BINA

  • Rais umewapa wachimbaji heshima kubwa. Kitu hiki hakiwajawahi kutokea. Hata mimi leo nakaa High table.
  • Tunashukuru umesaidia kufuta tozo za kodi kwenye madini ya chumvi.
  • Umeimarisha uhusiano kati ya wachimbaji na serikali katika ngazo zote.
  • Tanzania hakuna masoko rasmi. Yaliyopo siyo rasmi ikiwemo kukosekana kwa bei elekezi.
  • Umejenga ukuta Mirerani ili Tanzanite itunufaishe wote.
  • Wachimbaji wadogo wa madini wako milioni 6. Tukichukua wachimbaji milioni moja ambao watauza gramu 5 kwa siku ina maana tutapata tani 5 za dhahabu kwa mwaka. Kwa idadi hiyo, serikali itapata kodi nyingi kutoka kwa wachimbaji wadogo

MAPENDEKEZO YA FEMATA

  • Kuwepo na Benki ya Madini (Mineral Bank) ifanye kazi chini ya BoT.
  • Mwongozo wa kiwango gani cha madini kilichochakatwa kwa ajili ya kusafirishwa nje utolewe.
  • Tanzanite ipewe utambulisho ili ijulikane inapotoka itakapouzwa popote duniani
  • Serikali iharakishe kuanzisha soko la kuuzwa madini nchini.
  • Tunaomba asilimia 0.3 ikatwe kwa Mujibu wa Sheria siyo kwa kukadiria
  • Tunaomba kutengwa maeneo kwa ajili ya wachimbaji wadogo.
  • GST na STAMICO waongezewe nguvu ili kutambua mashapo ya almasi.
  • Tunaomba serikali ipeleke umeme migodini.
  • Serikali itoe vitambulisho kwa wachimbaji. Hii itasaidia ulipaji wa kodi.
  • Tunaomba kuanzishwa kwa Siku ya Madini. Tunapendekeza iwe tarehe 5 Julai kumuenzi Mhe. Rais kwa mabadiliko ya Sheria ya Madini. Siku hiyo iitwe Magufuli Day.

ALIYOYASEMA NAIBU GAVANA WA BoT, BENARD KIBESE

  • Mashirikiano baina ya BoT, Tume ya Madini na Wizara ya Madini katika kuanzisha Mineral Center. Mpaka sasa BoT wanaandaa Kanuni za kuhifadhi madini ya vito na dhahabu .
  • BoT itanunua refine gold ikiwa mmoja wa wanunuzi wa dhahabu.

ALIYOSEMA MWENYEKITI WA   UMOJA WA MABENKI TANZANIA, ABDULMAJID NSEKELE

  • Benki zinashindwa kutoa mikopo kwa wachimbaji wadogo kutokana na ukosefu wa leseni na wengine kukodisha hivyo kushindwa kutambua uhalali wao.
  • Wachimbaji wadogo wanashindwa kufanya upembuzi yakinifu wa mapato yao ambayo husaidia benki kufanya tathmini.
  • Kuwepo kwa teknolojia duni kwa wachimbaji wadogo.
  • Kukosekana kwa mshikamano baina ya wachimbaji. 

IMEANDALIWA NA KITENGO CHA MAWASILIANO SERIKALINI

Read more

Kamati ya Bunge yaipongeza Wizara ukusanyaji maduhuli

Na Asteria Muhozya, Dodoma

Kamati ya Kudumu ya Bunge ya Nishati na Madini imeipongeza Wizara ya Madini kwa ukusanyaji maduhuli ambapo katika kipindi cha nusu Mwaka wa Fedha 2018/19, cha kuanzia mwezi Julai hadi 31 Disemba, 2018, ilikusanya shilingi 167,742,947,332 kati ya shilingi 310,598,007,000 iliyopangiwa.

Akiwasilisha taarifa kwa Kamati hiyo kwa niaba ya Katibu Mkuu, Kamishna wa Madini Mhandisi David Mulabwa, amesema kuwa, shilingi 310,320,0004,000 zilipangwa kukusanywa kupitia Tume ya Madini, na shilingi 278,003, 000 katika Makao Makuu ya Wizara na Chuo cha Madini Dodoma.

“ Mhe. Mwenyekiti, hivyo lengo la makusanyo kwa kipindi cha nusu mwaka Julai hadi Disemba 2018 ni shilingi 155,299,003,500. Hadi kufikia tarehe 31 Disemba, 2018, wizara ilifanikiwa kukusanya kiasi cha shilingi 167,742,947,332 sawa na asilimia 108.01 ya lengo,” amesema Kamishna Mulabwa.

Akizungumzia juhudi za wizara katika kuvutia uwekezaji katika sekta ya madini, amesema wizara iliandaa kongamano la kutangaza fursa za uwekezaji katika sekta ya madini nchini lililojulikana kama China Tanzania mining Forum lililenga kutangaza fursa za uwekezaji zilizopo katika sekta ya madini nchini, ikiwemo kutafuta soko la madini hayo nchini China na kuangalia fursa za ushirikiano kati ya Wizara ya madini Tanzania na Wizara ya maliasili ya China.

“ Mhe. Mwenyekiti kongamano hilo pia lilitumika kuwakutanisha wachimbaji wa Tanzania na watengenezaji wa mitambo mbalimbali ambayo hutumika kwenye shughuli za uchimbaji na uchenjuaji wa madini,”amesema Kamishna Mulabwa.

Kamishna Mulabwa ameongeza kuwa, katika kongamano hilo jumla ya wachimbaji wadogo 40 na wakubwa 4 kutoka Tanzania walishiriki kongamano hilo.

Kwa upande wake, Naibu Waziri wa Madini Stanslaus Nyongo akijibu hoja za Kamati kuhusu suala la ukusanyaji wa maduhuli amesema bado Wizara haijaridhika na kiwango kilichokusanywa na kuongeza kuwa, kama wizara katika mipango yake yenyewe ya ndani, imepanga kukusanya zaidi ya kiwango cha bilioni 310 iliyopangiwa.

“ Mhe. Mwenyekiti sisi wenyewe ndani tumejiwekea malengo yetu ya kukusanya zaidi ya kiasi tulichopangiwa. Tunajiongeza tuongeze kiwango hicho sisi wenyewe.  Tunafanya hivyo ili mwakani hata kama tutaongezewa kiwango basi tuwe tayari tumekwisha jipanga,” amesisitiza Naibu Waziri Nyongo.

Akizungumzia udhibiti wa madini, amesema kuwa, Wizara inaendelea za jitihada na kudhibiti utoroshaji madini ambapo kwa upande wa madini ya tanzanite udhibiti unaendelea na kusema kuwa, kwa sasa madini hayo yanapita katika mfumo unaoeleweka.

“Kesho Januari 22, tutakuwa na mkutano wa Kisekta, watakuja wachimbaji na wafanyabiashara naamini watamweleza Mhe. Rais kero zao na tutasikia. “Lakini pia tumewaalika wakuu wa Mikoa ambayo shughuli za madini zinafanyika, tunataka kuweka mazingira mazuri kwa sekta.

Kuhusu changamoto za masoko ya madini, amesema wizara inataka kuhakikisha kwamba biashara ya madini inakuwa wazi na halali huku ikijipanga kukusanya zaidi kodi za serikali na kuongeza kuwa, wizara inajipanga kuweka mfumo mzuri wa soko la madini jambo ambalo litazinufaisha pande zote.

“ Mhe. Rais anataka tununue tuweke reserve. Lakini pia Serikali ikinunua kwa bei ya soko, hata wachimbaji watafurahi,” amesema Nyongo.

Akizungumzia suala la uhifadhi wa mazingira amesema kuwa wizara imeweka utaratibu wa pindi wawekezaji wanapoanzisha mgodi ni lazima waweke mpango wa namna watakavyofunga migodi huku suala la uhifadhi wa mazingira likipewa umuhimu wake.

Ameongeza kuwa, wizara inaweka mkazo kwa migodi kueleza mpango wa ufungaji migodi ambao utaacha mazingira yakiwa salama.

Wakizungumza katika kikao hicho kwa nyakati tofauti, wajumbe wa Kamati hiyo, licha ya kuipongeza wizara kwa ukusanyaji wa maduhuli, wameitaka wizara kuweka mikakati madhubuti katika suala uongezaji thamani madini kutokana na zuio la usafirishaji madini ghafi nje ya nchi.

Aidha, wajumbe hao wameitaka Wizara kuendelea kukiimarisha Kituo chake cha Jimolojia Tanzania (TGC) ili kuweza kutoa wataalam wa kutosha katika tasnia hiyo ya uongezaji tthamani madini.

Read more

Maafisa madini watakiwa kutobagua Migodi

Na Asteria Muhozya, Mbinga

Maafisa Madini nchini wametakiwa kutobagua migodi midogo kwa kuelekeza nguvu kwenye migodi mikubwa  tu  huku wakisisitizwa kutatua migogoro kwenye maeneo yao ya kazi na kuelezwa kuwa,  watakaobainika wakibagua migodi hiyo na kutotatua migogoro wataondolewa  kwenye nafasi zao.

Naibu Waziri wa Madini Stanslaus Nyongo akisamiliana na baadhi ya wachimbaji wa madini ya Sapphire katika kijiji cha Masuguru mara baada ya kuwasili kijijini hap wakati wa ziara yake ya kukagua shughuli za uchimbaji madini wilayani humo

Hayo yalibainishwa Januari 17 na Naibu Waziri wa Madini Stanslaus Nyongo wakati  akizungumza na wachimbaji wadogo wa madini aina ya Sapphire wakati wa  ziara yake katika kijiji cha Masuguru, Wilayani Mbinga mkoa wa Ruvuma.

Naibu Waziri Nyongo alifanya ziara hiyo ikilenga kukagua shughuli za uchimbaji madini wilayani humo pamoja na kusikiliza kero za wachimbaji katika migodi hiyo,  ambapo wachimbaji waliwasilisha kero za kutaka kutengewa maeneo kwa ajili ya shughuli za uchimbaji, bei elekezi za madini  ikiwemo kuunganishwa na  huduma ya umeme kwenye migodi yao.

Akizungumza kijijini hapo, alimtaka Afisa Madini mkoa wa Ruvuma hukakikisha anaishughulikia kero hiyo na kuitatua  mara moja na kuongeza kuwa, Rais wa Jamhuri ya Muungano anataka wachimbaji nchini wachimbe madini, hivyo,  maafisa madini   kote nchini wahakikishe wanashughulikia kero katika maeneo yao ya kazi ikiwemo kusuluhisha migogoro.

“Sisi ni matajiri, tumebarikiwa madini ya vito. Wachimbaji chimbeni lakini mchimbe katika maeneo yaliyoruhusiwa kuchimbwa”.alisisitiza.

Alisema kuwa, kama mgogoro ni mkubwa wapo viongozi wa vyama vya wachimbaji wahakikishe kuwa  wanafikisha migororo hiyo na kusema “tuleteeni na sisi lakini  usipoishughulikia migogoro hiyo tutakuondoa.

Aliongeza kwamba, serikali inalenga katika kuwatoa wachimbaji wadogo kutoka katika uchimbaji mdogo kwenda uchimbaji wa  kati na hatimaye mkubwa na ndiyo sababu inaendelea na ujenzi wa vituo vya umahiri  katika maeneo mbalimbali nchini ikilenga katika kutoa elimu ya uchimbaji bora, uchenjuaji bora, biashara ya madini na ujasiliamali ili kuhakikisha kwamba wachimbaji wadogo wanakua.

Aliongeza kuwa,  elimu  ya ujasiliamali ni muhimu kwa wachimbaji wadogo kwa kuwa itawaandaa kuwa na uchimbaji endelevu na wenye tija.

Sehemu ya Wachimbaji Wadogo wa Madini ya Saphire wakiwa wameshika mabango yenye ujumbe Maalum kwa Naibu Waziri Stanslaus Nyongo baada ya kuwasili katika kijiji cha Masuguru Wilaya ya Mbinga Mkoani Ruvuma.

Akijibu ombi la ruzuku,  aliwataka wachimbaji wadogo kujiunga katika vikundi vidogo vidogo  ili iwe rahisi kwa wachimbaji hao kufikiwa  ikiwemo kupatiwa huduma za leseni, elimu, vifaa, kuwamilikisha, kuwapatia mikopo na  kuwafuatilia  jambo ambalo litapelekea wafanye kazi kwa urahisi na kwa kulipa kodi za serikali na  wao kubaki na kipato  kitakachowezesha maisha bora.

Alisema uwepo wa mazingira mazuri migodini utasaidia vijana kufanya kazi na hivyo kuwa na taifa lenye watu wanaofanya kazi.  Aliwataka maafisa madini wote kuhakikisha wanashughulikia migogoro ya wachimbaji wadogo na kueleza kwamba, endapo serikali itakuta migogogoro ya wachimbaji wadogo  katika maeneo yao wataondolewa.

Aliongeza kwamba, wizara imejipanga na tayari kuna baadhi ya maeneo yametengwa kwa ajili ya wachimbaji  na kuwasisisitiza kuhakikisha wanauza madini  wanayoyachimba katika maeneo rasmi.

Akizungumzia suala la broker, aliwataka kuhakikisha wanakuwa na leseni ya kufanya shughuli hizo ikiwemo vifaa vya kupimia madini na kuwataka kulipa kodi. Pia, aliwatahadharisha wachimbaji wanaoshirikiana na broker wasiokuwa  na leseni   kuacha kwani kwa kufanya hivyo ni kwamba  kwamba wote wanaliibia taifa.” Maafisa madini hakikisheni mnawajua ma broker wote  na wawe na leseni na walipe kodi, “ alisisitiza Nyongo.

Akijibu ombi la  ruzuku lililowasilishwa  kwake,  alisema fedha za ruzuku zilizokuwa zikitolewa awali  hazikuwafikia walengwa wote  na kueleza kuwa, wapo waliopata ruzuku hizo lakini hawakuwa wachimbaji na kuongeza kwamba, hivi sasa wizara inaangalia namna bora ya kuwasaidia wachimbaji.

Kwa upande wake, Afisa Madini Mkoa wa Ruvuma  Abraham  Nkya alisema kuwa, mkoa huo tayari umetenga maeneo kwa ajili ya wachimbaji wadogo na kwamba watashirikiana na wachimbaji hao ili  suala hilo liweze kuwasilishwa Tume ya Madini kwa  ajili ya hatua zaidi.

Awali , kiongozi wa wachimbaji   aliwasilisha ombi kwa Naibu Waziri   la wachimbaji kupatiwa  ruzuku. Alisema mkoa huo umebarikiwa madini ya ujenzi, nishati, viwanda    huku eneo la Masuguru likibariwa madini ya Sapphire. Alisema eneo hilo liliombwa kwa ajjili ya uchimbaji mdogo lakini mpaka  sasa bado halijatengwa.

Pia, alisema ipo changamoto ya kukosekana elimu kwa watendaji vijijini ambao wamesababisha mgizo mkubwa wa kodi kwa wachimbaji.

Read more

Madini kufanya mazungumzo barabara mgodi wa Makaa, Ngaka

Na Asteria Muhozya, Mbinga

Naibu Waziri wa Madini Stanslaus Nyongo amesema Wizara yake itafanya mazungumzo na  Mamlaka zinazohusika na masuala  ya barabara ili kuweka mazingira bora ya miundombinu hiyo  kwa lengo la  kuwezesha biashara ya makaa ya mawe na shughuli za uzalishaji makaa hayo kufanyika kwa ufanisi zaidi katika mgodi wa makaa ya mawe  Ngaka, uliopo wilayani Mbinga mkoa wa Ruvuma.

Naibu Waziri wa Madini Stanslaus Nyongo (wa tatu kushoto) akiongozwa na Meneja wa mgodi wa Makaa ya Mawe TANCOAL, David Kamenya (aliyenyoosha mikono) kutembelea maeneo ambapo uchimbaji wa makaa hayo unafanywa katika machibo yaliyopo Wilayni Mbinga mkoa wa Ruvuma.

Alisema mgodi huo wa Ngaka chini ya kampuni ya TANCOAL ndiyo taswira ya uzalishaji makaa ya mawe nchini hivyo, serikali haina budi kuweka mazingira bora yatakayowezesha kupunguza gharama za uendeshaji jambo ambalo litapunguza gharama kwa walaji wa nje na ndani ikizingatiwa kuwa, ni kampuni ya Kimataifa kutokana na kuhudumia wateja kutoka nchi mbalimbali zikiwemo Rwanda, Burundi, Uganda nchi na nyingine.

Kauli ya Naibu Waziri Nyongo inafuatia changamoto ya barabara iliyowasilishwa kwake na Meneja Mgodi wa TANCOAL Mhandisi David Kamenya, ambaye alimweleza Naibu Waziri kuwa, ukosefu wa miundombinu imara ikiwemo madaraja imechangia shughuli za upakiaji makaa hayo kutokuzidi tani 20 kwa kila gari jambo ambalo linapelekea kuwepo na foleni kubwa  kutokana na uhitaji wa makaa hayo.

Naibu Waziri Nyongo alifanya ziara mgodini hapo Januari 17 ikilenga kukagua shughuli za madini mkoani Ruvuma pamoja na kuangalia changamoto mbalimbali ambazo mgodi huo unakabiliana nazo katika utekelezaji wa shughuli zake.

Pamoja na kuridhia ombi hilo, Naibu Waziri aliitaka kampuni hiyo kuongeza kasi ya uzalishaji kutokana na mahitaji makubwa ya bidhaa hiyo katika soko la nje na ndani na kuitaka kutobweteka huku ikitakiwa kuboresha huduma inazotoa ikiwemo kuongeza vifaa vya kazi.

“Nimeona changamoto ya barabara. Kama serikali ni lazima tuifanyie kazi changamoto hii ili kuwezesha uzalishaji zaidi wa makaa. Sisi tutaendelea kutoa leseni kwa wazalishaji wengine ili kuweka ushindani, hivyo msibeweteke, tunahitaji sana makaa haya kwa uchumi wa taifa letu kwa kuwa tunayo hazina ya kutosha ya rasilimali hii,” alisema Nyongo.

Naibu Waziri wa Madini Stanslaus Nyongo akieleza jambo baada ya kutembelea eneo ambalo shughuli za upakiaji makaa ya mawe zinafanywa na mgodi wa TANCOAL kwa ajili ya makaa hayo kusafirishwa maenezo mbalimbali ndani na nje ya nchi.

Aliongeza kuwa, kufuatia serikali kuweka zuio la uingizaji makaa kutoka nje, ni lazima kuweka mazingira bora ya uzalishaji wa madini hayo ikiwemo kuwezesha biashara hiyo   na kuutaja mgodi wa makaa ya mawe wa Kabulo unaomilikiwa na Shirika la Madini la Taifa (STAMICO) kuwa ni eneo jingine ambalo miundombinu ya barabara ni lazima iboreshwe kuwezesha  ufanisi zaidi wa shughuli za uzalishaji madini hayo.

Alisema kuwa, ili serikali iendelee kupata mrabaha zaidi kutokana na rasilimali hiyo suala hilo lazima lichukuliwe kwa uzito ili kuongeza mapato zaidi.

Aidha, akijibu ombi la kampuni hiyo kutaka kurudishiwa eneo ambalo lilitolewa kwa ajili ya Kiwanda cha Dangote na Rais John Magufuli, kwa kuwa bado haijanza kuchimba mpaka sasa, Naibu Waziri Nyongo alizitaka pande zote ikiwemo wizara na kampuni hizo kukutana Januari 22 mara baada ya kikao cha wadau wa sekta ya madini ili kujadili suala hilo ili hatimaye shughuli za uzalishaji zianze katika eneo hilo.

Mbali na hilo, kampuni hiyo ilimwomba Naibu Waziri kuwezesha upatikanaji  wa leseni mbili zilizoombwa na kampuni hiyo ikilenga kutumia makaa hayo kuzalisha umeme  kwa ajili ya matumizi ya mgodi. Naibu Waziri aliahidi kuwa, kupitia Tume ya Madini, suala hilo litakuwa limekamilika ndani ya kipindi cha wiki mbili.

Katika hatua nyingine, Naibu Waziri Nyongo aliitaka Halmashauri ya Mbinga kubuni miradi kwa ajili ya vijana na wanawake yenye lengo la kuhamasisha matumizi ya makaa ya mawe kwa ajili ya matumizi ya majumbani na kuachana na matumizi ya mkaa kwa kuwa umekuwa ukisababisha uharibifu wa mazingira.

Wakati huo huo, akizungumzia suala la Mrabaha wa serikali  wa asilimia 3, alisema usilipwe kwa bei ya maeneo ya uchimbaji   bali ulipwe kwa bei ya sokoni. Hivyo, aliwataka wazalishaji wote na Maafisa wa Tume ya Madini kuhakikisha wanatoza bei ya sokoni na siyo ya uzalishaji.

Sughuli za upakiaji Mkaa ya Mawe zikiendelea katika Mgodi wa TANCOALtayari kwa ajili ya kusafirishwa maeneo mbalimbali.

Kwa upande wake, Meneja wa  mgodi  Mhandisi  David  Kamenya akizungumzia ubora wa makaa hayo, alisema kuwa, Makaa ya Ngaka yana ubora wa kimataifa  na ndiyo sababu imepelekea kupata wateja wengi kutoka nchi mbalimbali na kuongeza kwamba makaa hayo yana uwezo wa kufanya matumizi mbalimbali na kuongeza kuwa, kwa siku kampuni hiyo inapakia idadi ya magari yapatayo 100.

AKizungumzia malengo ya baaaye, alisema kuwa, idadi ya mashine ndani ya siku chache zinatarajiwa kuongezwa na kwamba kampuni imelenga kuzalisha hadi tani 5,000 kwa siku kutoka 3,000 za sasa.

Akizungumzia uwezeshaji kwa vijana na akina mama, alisema kuwa, tayari kipo kikundi cha wakina Mama cha Mbarawala ambacho kimewezeshwa na  mgodi huo kwa kupatiwa mafunzo  ya namna ya kuandaa makaa hayo maalum kwa matumizi ya majumbani na kuongeza kuwa, hivi karibuni kikundi hicho kimepata  Cheti cha ubora kutoka shirika la Viwango nchini (TBS) jambo ambalo litawezesha kikundi hicho kuuza  makaa yake kwa ajili ya matumizi ya majumbani na hivyo kupunguza matumizi ya mkaa unaotokana na kukatwa miti.

Pia, Mhandisi Kamenya alimweleza Naibu Waziri Nyongo kuwa, mbali na kupatiwa mafunzo kikundi hicho pia kimepatiwa mashine ambayo inauwezo wa kuzalisha tani mbili za makaa hayo kwa saa.

Akishukuru kwa niaba ya kikundi, Meneja Usimamizi wa Mbarawala, Joyce Haule alisema kuwa,  wanaishukuru kampuni hiyo kwa kuwawezesha na  kwamba kikundi kinalenga kuzalisha tani 10 kwa siku na kuongeza kuwa, hadi sasa tayari kimepata wateja kutoka maeneo mbalimbali zikiwemo nchi za Rwanda ambao  awali walitaka kwanza kikundi hicho  kuwa na cheti cha ubora wa makaa hayo.

Baadhi ya magari yakisubiri kupakia makaa ya mawe tayari kwa kusafirishwa maeneo mbalimbali ndani nan je ya nchi,

Kwa upande wake, Mkuu wa Wilaya ya Mbinga, Cosmas Ishenyi alimweleza Naibu Waziri kuwa, kama Wilaya itahakikisha kuwa, inashirikiana na mamlaka zinazohusika kuweka mazingira bora ya kuwezesha mundombinu bora ya barabaraba  ili TANCOAL iweze kufanya shughuli zake kwa ufanisi zaidi.

Katika hatua nyingine, akizungumza na Katibu Tawala Mkoa wa Ruvuma, Prof. Riziki Shemdoe, ofisini kwake Januari 18, Naibu Waziri alimweleza Prof. Shemdoe umuhimu wa kuwezesha miundombinu ya barabra kuelekea katika mgodi huo wa Ngaka.

Pia, Naibu Waziri alimweleza Prof. Riziki kuhusu mipango ya Serikali ya kuwa na vituo kwa ajili ya biashara ya madini na umuhimu wa mikoa kutenga maeneo kwa ajili ya shughuli hizo. “ Tunataka kuwa na utaratibu wa kuwa na maeneo ya kuuza na kununua madini ili kuwa na  utaratibu maalumu,” aliongeza

Kwa upande wake, Prof. Shemdoe alimwomba Naibu Waziri kusaidia upatikanaji wa wawekezaji kwa ajili ya viwanda vya kuchenjua dhahabu mkoani humo na kukumbushia suala la uchimbaji madini katika Mto Muhuwesi.

TANCOAL ni kampuni yenye ubia na Serikali kupitia Shirika la Maendeleo la Taifa (NDC) ambapo serikali inamiliki hisa kwa asilimia 30.

Read more

Waziri Biteko, Prof. Msanjila wautaka mgodi wa North Mara kutii mamlaka za Serikali

Na Nuru Mwasampeta

Waziri wa Madini, Doto Biteko ameutaka uongozi wa mgodi wa North Mara kutii Mamlaka ya Serikali kwa kutekeleza maagizo yanayotolewa na mamlaka za Serikali nchini.

Waziri wa Madini, Doto Biteko, akiwasomea viongozi wa north Mara baadhi ya taarifa alizonazo juu ya masuala ya tathmini za fidia ya ardhi zilizofanywa namatokeo yake pamoja na kile wanachopaswa kuwa wamekitekeleza mpaka siku ya kikao hicho tarehe 17 Januari, 2019

Biteko alitoa kauli hiyo Jana tarehe 17 mwezi Januari katika kikao kilichoanza kwa utulivu mkubwa lakini kadri dakika zilivyokuwa zikisonga mbele kiligeuka kichungu na kuwapelekea wajumbe kutoka mgodi wa North Mara na Bulyanhulu kuridhia kuanza kuwalipa fidia wananchi wanaozunguka mgodi huo ambao wamekaa kwa muda mrefu pasipo kulipwa fidia zao.

Katika kikao hicho, Waziri wa Madini, Doto Biteko, alianza kwa kuwahoji viongozi wa mgodi wa North Mara na Bulyankulu juu ya  changamoto kubwa iliyopo katika eneo lao ambapo bila kusita walikiri wazi kuwa ni suala la malipo ya fidia ya ardhi kwa wananchi wanaouzunguka mgodi huo.

Akizungumzia ukiukwaji katika kutekeleza maagizo ya Serikali Waziri Biteko aliwaeleza wajumbe hao kuwa ili kuonesha wanatii mamlaka ya Serikali walipaswa kuwa wamechukua hatua kadhaa katika kuelekea kutatua changamoto hiyo.

Biteko alionesha kusikitishwa na mwitikio unaooneshwa na wawekezaji hao ambao kutoka kikao cha mwisho kilipokaa na kuafikiana kuanza kulipa fidia ya ardhi kwa wananchi wanaozunguka mgodi huo ni miezi minne na hakuna chochote kilichofanyika.

“Hatuwezi kuwa tunakaa, tunafikia maamuzi ninyi mnayapinga, ni nani yupo juu ya Serikali” Waziri Biteko alihoji. “Mnajua suala la ardhi ni kubwa sana, mnajua ni maelekezo ya Rais, sasa Rais ameagiza halafu hakitokei kitu! Mimi sielewi kabisa. Afadhali watu wangeanza kulipwa unaweza sema sasa hatua za malipo zinafanyika lakini kuko kimya”aling’aka.

Akizungumzia chanzo cha mgogoro kuchukua muda mrefu Biteko alisema ni tathmini iliyofanyika kwa mara ya pili  kupelekea kiasi cha fidia mgodi unaopaswa kuwalipa wananchi kuongezeka kutoka bilioni 1.6 hadi kufikia  bilioni 12.

Akifafanua hilo mara baada ya kuzungumza na mthaminishaji Mkuu wa Serikali (jina halikupatikana) kwa njia ya simu, Biteko alisema ameelezwa kwamba tathmini inayofuatwa ni ile iliyofanyika kwa mara ya pili maana hiyo ndiyo current na kukazia kuwa hawawezi kufuata ya awali kutokana na kwamba muda wa kuwalipa fidia hizo ulipaswa kutokuzidi miezi sita tangu tathmini kufanyika.

Waziri wa Madini, Doto Biteko akipiga simu kwa Mthamini Mkuu wa Serikali (jina halikupatikana mapema) kuhoji juu ya kile viongozi wa North Mara wanadai kuwa changamoto katika kutekeleza suala la ulipaji wa fidia kwa wananchi wanaozunguka mgodi huo.

Ilielezwa kwamba, mara baada ya tathmini kufanywa kwa ajili ya malipo ya fidia, haipaswi kuzidi miezi sita na baada tu ya tathmini kufanyika; walipaswa kutoa tangazo ili kusimamisha uendelezaji wa maeneo ili kutokuongeza uwekezaji utakaopelekea wananchi kulipwa zaidi.

Biteko alieleza kuwa wananchi wanaomiliki maeneo hayo wakiendelea kufanya shughuli za maendeleo katika maeneo yao baada ya miezi sita kutoka tathmini ilipofanyika ni dhahiri kuwa gharama ya kumlipa fidia mwananchi huyo itaongezeka tu.

Aidha, Biteko aliwaeleza wajumbe hao kuwa uongozi wa mgodi huo hawazifuati mamlaka husika katika kutatua changamoto hiyo na kubainisha kuwa mgogoro huo hautatatuliwa na wizara ya Madini isipokuwa ni watu wenye mamlaka na masuala ya ardhi.

Akijibu hoja ya mmoja kati ya wajumbe kutoka North Mara aliyejaribu kueleza kuwa kiongozi mkuu wa masuala ya kisheria katika mgodi huo anayeishi nchini Uingereza ni sharti aelezwe pindi maamuzi na maagizo yeyote yanapopokelewa katika mgodi ili kufanya maamuzi yanayokidhi matakwa ya mgodi. Katibu Mkuu wa Wizara ya Madini, Prof. Simon Msanjila alihoji endapo north Mara ipo juu ya Serikali?

Prof. Msanjila aliendelea kwa kusema haiwezekani mtu asiyekuwa na maamuzi katika mgodi kushiriki katika vikao vinavyojadili na kutoa maamuzi halafu mtu asiyeshiriki katika vikao hivyo akapinga maamuzi hayo.

“Yaani Waziri atoe maamuzi halafu mtu aliyeko Uingereza ayapinge that is totally subbodination maamuzi  ya mwisho yakishafanywa na Serikali hakuna serikali nyingine au kampuni yoyote ile iyapinge! Maamuzi yanayotolewa Tanzania hayawezi kwenda kujadiliwa London sio Sheria hiyo, ndio maana kampuni lazima iwe imesajiliwa Brella, kwa hiyo mambo ya kusema mshauri yupo London, South Africa No”. Alikazia Msanjila.

Msaidizi wa Waziri Kungulu Masakala ( wa Kwanza Kushoto), Wawakilishi kutoka Tume ya Madini, na Mkurugenzi Msaidizi wa idara ya Sera na Mipango Glads Qambaita wakiwa katika kikao baina ya Wizara chini ya Waziri wa Madini, Doto Biteko (hayupo pichani) na uongozi wa mgodi wa North Mara.

Don’t talk about London or South Africa tunapoongelea masuala ya Tanzania tunaongea  kwa sheria za Tanzania we have nothing to do with London hiyo ni yao” alisisitiza.

Msanjila aliwakumbusha makubaliano waliyoafikiana katika vikao vya nyuma kuwa yaliyowataka wajumbe wa vikao vya maamuzi wasiokuwa na nguvu ya kufanya nakutekeleza makubaliano ya kikao wasishiriki katika vikao hivyo ili kuepuka kupotezeana muda.

Huyu ni waziri, anamwakilisha Rais, hamuwezi kwenda kuomba ushauri London kwa maagizo yaliyotolewa na waziri, hiyo si sheria. Prof. Msanjila Alikazia.

Baada ya mahjiano makali na yaliyochukua muda mrefu kikao kilifikia muafaka na ujumbe kutoka North Mara kukiri kuwa kutokana ukweli kwamba baadhi ya wananchi waliofanyiwa tathmini malipo yao hayana shida watakwenda na kuanza kufanya taratibu za malipo.

Walikiri kuwa mara baada ya kufika katika vituo vyao vya kazi watakwenda kuendelea na taratibu za malipo ili kuonesha uungwana na kuionesha Serikali na jamii kuwa wamechukua hatua kwa makubaliano yaliyoafikiwa na viongozi wakuu wa nchi.

Aidha, walikiri kuwa wamejifunza kitu kutokana na kikao hicho na kukiri wanaendelea kujifunza kwani wameona madhara makubwa katika kuchelewesha malipo hayo na kuipelekea kampuni hasara kwa kulipa zaidi ya mara mbile ya kile walichotakiwa kulipa awali.

Zaidi ya hapo, wamejifunza juu ya uhalisia wa kisheria upande wa  tathmini ya ardhi kuwa huwa  hai kwa kipindi cha miezi sita na ikizidi hapo inafanyika tathmini nyingine lakini pia wamejifunza juu ya taratibu na sheria za kusitisha shughuli za maendeleo kwa wananchi kwa kutangaza kusimamisha shughuli za maendeleo katika maeneo yaliyofanyiwa tathmini kwa kipindi cha miezi sita na pia kulipa fidia kwa wakati ili wananchi wakajiendeleze katika maeneo mengine watakayohamia.

Aidha, Bi Jane Reuben- Lekashingo alisema kuwa si lengo lao kupinga maamuzi ya serikali ila wanachelewa kutokana na taratibu za kiutendaji wanaazopaswa kuzifuata  ili kukidhi matakwa na taratibu  za kampuni katika kutekeleza majukumu yao na kukiri kuwa sasa watasimamia sheria za nchi na kutekeleza makubaliano yaliyofikiwa katika vikao vya maamuzi.

Read more

Madini kuweka msukumo miradi ya Liganga, Mchuchuma

Na Asteria Muhozya, Ludewa

Wizara ya Madini imesema itashirikiana na Wizara ya Viwanda, Biashara na Uwekezaji kupitia Shirika la Maendeleo ya Taifa (NDC) kuweka msukumo ili kuhakikisha  kwamba miradi ya Makaa ya Mawe Mchuchuma na ule wa Chuma Linganga inaanza kutekelezwa.

Naibu Waziri wa Madini Stanslaus Nyongo akitoka katika Ofisi za Wilaya ya Ludewa tayari kwa ziara ya kutembelea katika mgodi wa Liganga kwa ajili ya kujionea changamoto za utekelezaji wa mradi huo. Kushoto ni Mkuu wa Wilaya ya Ludewa, Andrea Tsere.

Kauli hiyo ilitolewa Januari 16 na Naibu Waziri wa Madini Stanslaus Nyongo wakati wa ziara yake ya kukagua shughuli za madini mkoani Njombe  na kuona namna ya kutatua changamoto  zinazohusu Wizara ya Madini   katika utekelezaji wa miradi hiyo.

Alisema miradi hiyo ni moja ya miradi ya kimkakati ambayo Taifa linatarajiwa kunufaika kwa kiasi kikubwa, hivyo kutokana na umuhimu wake, wizara ya madini itashirikiana na wizara hiyo kuhakikisha hatua zaidi zinapigwa ili hatimaye miradi hiyo ianze kutekelezwa kwa kuwa imechukua muda mrefu.

Aliongeza kuwa, ni miradi mikubwa ambayo taifa linatarajiwa kunufaika nayo  kupitia ajira  na kuongeza pato la nchi huku akiyataja madini ya chuma kuwa  moja ya malighafi muhimu kwa uchumi  wa Tanzania ya viwanda  na kusema kuwa, kama taifa, linautolea macho mradi huo na kwamba serikali imedhamiria kuutekeleza.

Aliongeza kwamba, katika Serikali ya Awamu ya Tano, Rais wa Jamhuri ya Muungano wa Tanzania Dkt. John Magufuli anayo imani kubwa  kuwa  miradi hiyo itaanza huku  serikali ikitegemea  kupeleka  maendeleo  kwa wananchi kupitia miradi husika.

“Wizara yetu ndiyo inatoa leseni za madini na tayari tulishatoa leseni ya Makaa ya mawe mchuchuma kwa hiyo nimefika kuangalia changamoto ambazo ziko upande wa wizara yetu kuweza kuzitatua ili tutoke hapa. Miradi hii tumeisikia miaka mingi ni wakati sasa tunataka ianze.” alisisitiza Nyongo.

Aliongeza kuwa, ikiwa wizara ndiyo inatoa leseni za madini,  inaowajibu wa kujua yule aliyepewa leseni kama anaifanyia kazi na kuongeza, “Sisi tuliotoa leseni lazima tuangalie tuliyempa leseni amekwama wapi  lakini pia tujue  miradi hii inaanza lini? Makaa ya mawe na chuma vyote vinahitajika kwa taifa. Tunatambua makaa ya mawe ni madini ambayo yana tija kwa uchumi kwa nchi,” alisema Nyongo.

Naibu Waziri wa Madini Stanslaus Nyongo akiangalia makaa ya katika mgodi wa Liganga alipoutembelea hivi karibuni. Naibu Waziri alifanya ziara hiyo kwa lengo la kujua changamoto za utekelezaji wa mradi huo. Anayemweleza jambo ni Mtalaam kutoka Shirika la Maendeleo la Taifa (NDC), Mhandisi Paschal Malesa.

Akifafanua zaidi kuhusu miradi hiyo alisema kuwa, mradi wa Makaa ya Mawe unatarajiwa kuzalisha umeme ambao mbali ya kuuza kwa Shirika la Umeme Tanzania (TANESCO), umeme huo unatarajia kutumika katika kuzalisha madini ya Chuma Liganga.

“Mpango ni Liganga kutumia megawati 250 kwa shughuli zake za kuzalisha chuma na megawati 350 zitauzwa Tanesco kuzalisha umeme,” aliongeza.

Akifafanua sababu za kuchelewa kwa miradi hiyo, alisema ni kutokana na changamoto za kimkataba ambazo bado ziko katika majadiliano katika ngazi za juu na kuitaja baadhi ya mikataba hiyo kuwa ni  kuwa ni pamoja na mikataba ya upunguzaji wa kodi.

Aliongeza kuwa, wizara ya madini ikiwa ni wizara ambayo inasimamia Sheria ya Madini, imelenga kuhakikisha kwamba miradi hiyo mikubwa inaanza ili hatimaye iweze kuwanufaisha watanzania na taifa.

Akielezea suala la fidia kwa wananchi waliopisha miradi hiyo, alianza kwa kumpongeza Mkuu wa Wilaya ya Ludewa kwa kutenganisha suala la miradi hiyo na fidia  ambapo alisema kwamba taratibu za juu zikikamilika, wananchi watalipwa fidia  na hivyo kuwataka kuwa na subira na kuwa tayari kupisha utekelezaji wa miradi hiyo.

Awali,  Mkuu wa Mkoa wa Njombe , Christopher Ole Sendeka alimweleza waziri umuhimu wa wizara ya madini kujielekeza  kwenye kupata taarifa halisi kuhusu tafiti zilizofanyika awali kuhusu  akiba iliyopo ya madini ya chuma  Liganga na Makaa ya Mawe mchuchuma.

Aidha, aliongeza kuwa, mbali na chuma na makaa ya mawe mkoa huo unayo madini mbalimbali ikiwemo dhahabu ambayo bado haijachimbwa kwa kiasi kikubwa.

Miradi ya Makaa ya Mawe Mchuchuma na Chuma Liganga, inatekelezwa kwa ubia kati ya Serikali ya Tanzania kupitia Shirika la Maendeleo la Taifa (NDC) na kampuni ya Sichuan Hongda Group Ltd, ya China.

Pia, akiwa mkoani humo, Naibu Waziri alitembelea mgodi wa Kokoko Kokoto wa Nyakamtwe Quary, ambapo alitoa changamoto kwa mmiliki wa mgodi huo kuongeza kasi ya uzalishaji na kuwa wabunifu kutumia fursa  za miradi mikubwa ya ujenzi  inayotekelezwa na serikali ikiwemo ya ujenzi wa reli ili kokoto hizo ziweze kutumika.

Read more

Wachimbaji madini Suguta wapata leseni

  • Watoa pongezi kwa Mwenyekiti Tume ya Madini

Na Greyson Mwase, Dodoma

Kikundi cha wachimbaji wadogo wanaojishughulisha na  uchimbaji wa madini aina ya sunstone katika machimbo ya Suguta yaliyopo katika Wilaya ya Kongwa mkoani Dodoma, kijulikanacho kwa jina la “Hapa Kazi Tu” kimepongeza Tume ya Madini kwa kutatua mgogoro uliokuwepo kwa muda mrefu pamoja na kuwapatia leseni.

Afisa Madini Mkazi wa Mkoa wa Dodoma, Jonas Mwano (kulia) akimkabidhi leseni ya madini Mwenyekiti wa Kikundi cha wachimbaji wadogo wanaojishughulisha na uchimbaji wa madini aina ya sunstone katika machimbo ya Suguta yaliyopo katika Wilaya ya Kongwa mkoani Dodoma, kijulikanacho kwa jina la “Hapa Kazi Tu”, Elisha Cheti (kushoto)

Pongezi hizo zimetolewa leo tarehe 16 Januari, 2019 katika makabidhiano ya leseni ya uchimbaji wa madini hayo katika Ofisi ya Afisa Madini Mkazi wa Mkoa wa Dodoma zilizopo jijini Dodoma.

Kutatuliwa kwa mgogoro kati ya kikundi hicho na wananchi wa kijiji cha Suguta ni matokeo ya ziara ya Mwenyekiti wa Tume ya Madini, Profesa Idris Kikula aliyoifanya mapema Septemba 05, 2018 katika machimbo hayo na kukuta kikundi hicho kikiendesha shughuli za uchimbaji wa madini pasipo kusajiliwa na kutokuwa na leseni ya uchimbaji wa madini.

Mara baada ya kufanya ziara katika eneo husika Profesa Kikula alielekeza Mwenyekiti wa Chama cha Wachimbaji wa Madini wa Mkoa wa Dodoma (DOREMA), Kulwa Mkalimoto, Afisa Madini Mkazi wa Mkoa wa  Dodoma, pamoja na Mkuu wa Wilaya ya Kongwa, Deogratius John Ndejembi kuhakikisha kikundi cha wachimbaji hao kinasajiliwa na kupatiwa leseni ndani ya muda mfupi.

Aidha, Profesa Kikula alimwelekeza Afisa Madini Mkazi wa Mkoa wa Dodoma kwa kushirikiana na Mwenyekiti wa Chama cha Wachimbaji wa Madini wa Mkoa wa Dodoma (DOREMA), Kulwa Mkalimoto kuhakikisha mgogoro uliokuwepo kati ya kikundi hicho na wananchi wa kijiji cha Suguta unamalizika.

Akitoa shukrani hizo kwenye Ofisi ya Afisa Madini Mkazi wa Mkoa wa Dodoma, Mwenyekiti wa kikundi cha “Hapa Kazi Tu” Elisha Cheti alisema kuwa ziara ya Profesa Kikula ilipelekea kuongezeka kwa kasi ya usajili wa kikundi na hatimaye wakafanikiwa kuomba leseni ya kuchimba madini kupitia Ofisi ya Afisa Madini Mkazi wa Mkoa wa Dodoma.

Alisema mara baada ya kupata leseni pamoja na barua ya utambulisho wanatarajia kuanza shughuli za uchimbaji madini na kulipa kodi na tozo mbalimbali Serikalini.

Naye  Mwenyekiti wa DOREMA, Kulwa Mkalimoto mbali na kuipongeza na kuishukuru Tume ya Madini kwa utoaji wa leseni amekitaka kikundi kilichopewa leseni kuendesha shughuli za uchimbaji wa madini kwa kufuata sheria na kanuni za madini huku kikihakikisha hakuna uharibifu wowote wa mazingira.

Naye Afisa Madini Mkazi wa Mkoa wa Dodoma, Jonas Mwano akizungumza wakati wa makabidhiano hayo alifafanua kuwa, maombi ya leseni ya uchimbaji wa madini ya kikundi husika yalipitishwa kupitia kikao cha Kamati ya Ufundi ya Tume kilichokaa tarehe 22 Novemba, 2018.

Mwano alitoa wito kwa wachimbaji wadogo wasio rasmi kuunda vikundi, kusajili na kuomba leseni na kusisitiza kuwa ofisi yake itahakikisha leseni za madini zinatolewa kwa kasi ili waweze kuchimba pasipo kusumbuliwa huku wakilipa kodi na tozo mbalimbali Serikalini.

“Sisi kama Tume, tunaamini wachimbaji wadogo wana mchango mkubwa sana kwenye ukuaji wa sekta ya madini; tunaunga juhudi za Rais wa Jamhuri ya Muungano wa Tanzania Dk. John Magufuli za kuhakikisha watanzania wote wananufaika na rasilimali za madini,” alisisitiza Mwano.

Read more

Waziri Biteko akutana na kampuni ya Tanzaplus

Na Greyson Mwase,

Waziri wa Madini, Doto Biteko leo tarehe 16 Januari, 2019 amekutana na kampuni  inayojishughulisha na uyeyushaji wa madini ya bati katika wilaya ya Kyerwa mkoani Kagera ya Tanzaplus katika Ofisi za Wizara ya Madini zilizopo jijini Dodoma.  Kikao chake  pia kilishirikisha Mkurugenzi wa Sera na Mipango kutoka Wizara ya Madini, Augustine Ollal, Mhandisi Migodi Mkuu kutoka Tume ya Madini, Conrad Mtui pamoja na wataalam kutoka Wizara ya Madini. Lengo la kikao hicho lilikuwa ni kampuni ya Tanzaplus Minerals kwa kushirikiana na kampuni nyingine ya AIMGROUP kutambulisha teknolojia ya mfumo wa usimamizi wa uzalishaji, usafirishaji na uuzaji wa madini. Waziri Biteko aliitaka kampuni ya Tanzaplus kuendelea kufanya utafiti zaidi juu ya mfumo husika kwa kushirikisha wadau mbalimbali  kabla ya kuwasilisha pendekezo lake Serikalini.

Read more

Biteko akutana na wawekezaji mradi wa uchimbaji wa uranium

Na Nuru Mwasampeta, Dodoma

Waziri wa Madini, Doto Biteko ameitaka  kampuni inayojishughulisha na uchimbaji wa madini  ya uranium katika mto Mkuju ulioko mkoani Lindi ya Uranium One  kutokusita kuwasiliana naye pindi wanapokutana na changamoto katika utekelezaji wa  mradi wao.

Waziri wa Madini, Doto Biteko akisalimiana na Mkurugezni Mkuu wa kampuni ya Uranium One Holdings N.V, Vladimir Hlavinka mara baada ya kuwasili ofisini kwake kwa mazungumzo. Katikati ni Mkurugenzi Mtendaji wa Kampuni ya Mantra, Fredrick Kibodya.

Aliyasema hayo jana  tarehe 15 Januari, 2019 katika kikao chake na watendaji wa kampuni hiyo kilichofanyika ofisini kwake jijini Dodoma.

Aidha, Biteko alisema kuwa maombi yote ya leseni kubwa za uchimbaji wa madini zinawasilishwa katika baraza la Mawaziri ili kuweza kuridhiwa baada ya wawekezaji kuonesha nia na kuwasilisha maombi ya leseni hizo.

Biteko alikiri kuwa anao uelewa wa kile kinachoendelea katika uwekezaji huo kutokana na ushirikishwaji alioupata kutoka kwa aliyekuwa Waziri wa Madini, Angellah Kairuki kupitia vikao mbalimbali alivyoshiriki.

Akizungumzia lengo la ujio wao katika kikao hicho, Mkurugenzi Mtendaji wa kampuni ya Uranium One, Frederick Kibodya alisema ni kuelezea maendeleo waliyofikia katika uwekezaji huo pamoja na kumpongeza kwa kuteuliwa kuwa Waziri wa Madini.

Alisema, uteuzi huo umelenga katika kukuza sekta ya madini ikiwa ni pamoja na mradi wa uchimbaji wa madini ya uranium, “Tunaimani kubwa kwako na tunamshukuru Mungu kwa kukupa nafasi hii” alisema Kibodya.

Akizungumzia uwekezaji uliofanyika mpaka sasa katika mradi huo alisema ni kiasi cha dola za kimarekani Milioni mia mbili ($200mil) kutoka mradi ulipoanza mwaka 2009.

Akizungumzia manufaa ya mradi huo  Kibodya alisema ni pamoja na kusaidia katika kukuza teknolojia nchini. Alisema madini hayo yakichimbwa yanatumika katika kuzalisha umeme ambayo ni teknolijia mpya nchini.

Waziri wa Madini, Doto Biteko akimsikiliza kwa makini Mkurugenzi Mtendaji wa Kampuni ya Mantra, Fredrick Kibodya akichangia mada katika kikao baina ya wizara na kampuni ya Uranium One Holdings N.V ofisini kwa waziri jijini Dodoma

Mradi utasaidia katika kuongeza ajira nchini. Aliendelea kufafanua kuwa kwa kipindi cha ujenzi wa mradi wanatarajia kuajiri watanzania 1600 kwa kipindi cha miezi kumi na nane.

Aidha, alibainisha kuwa kutakuwepo na uzalishaji wa ajila zisiso rasmi kiasi cha watu 4500 wakati wa ujenzi na 2300 pindi uzalishaji utakapoanza.

Alisema, mradi utasaidia katika kuhamisha utaalamu kutoka kwa wawekezaji kwenda kwa wazawa na mradi umelenga katika kutoa elimu ya ajira na utaalamu kwa wazawa.

Pia Kibodya alisema, mradi unatarajia kuliingizia taifa pato la kiasi cha dola za kimarekani milioni 220 kama kodi kwa mwaka, kiasi ambacho  kitakuwa kikibadilika kadri uzalishaji unavyoongezeka.

Mradi wa uchimbaji madini ya uranium katika mto Mkuju unafanywa kwa ushirikiano baina ya Serikali ya Tanzania na Mbia wa kampuni ya Mantra anayejulikana kama Rosatom.

Read more

Naibu Waziri Nyongo aamuru kukamatwa wamiliki Mgodi wa Nyakavangala

Na Asteria Muhozya, Iringa

Naibu Waziri wa Madini Stanslaus Nyongo ameamuru kukamatwa kwa Wamiliki wa mgodi wa Nyakavangala unaomilikiwa na  Thomas Masuka and Partners  kufuatia wamiliki hao kutofautiana juu ya taarifa  waliyoiwasilisha kwa Naibu Waziri kuhusu namna mgodi huo unavyoendeshwa ikiwemo ulipaji wa kodi na mrabaha wa serikali.

Sehemu ya wachimbaji wadogo wakifuatilia mkutano baina yao na Naibu Waziri wa Madini Stanslaus Nyongo. (Hayupo pichani)

Aidha, Naibu waziri amewataka wamiliki hao kutoa maelezo ya kina kuhusu ni lini watalipa kodi zote wanazodaiwa na serikali baada ya kuonekana kuwa mgodi huo unadaiwa zaidi ya shilingi milioni 128 za mrabaha ambazo imedaiwa kuwa, wapo baadhi ya wamiliki ambao wamekuwa wakikusanya fedha hizo lakini zimekuwa hazilipwi.

Katika ziara yake mkoani humo, Naibu Waziri alisema kuwa pamoja na kujionea shughuli za uchimbaji katika migodi ya dhahabu ya Ulata na Nyakavangala, amebaini ukwepaji mkubwa wa kodi pamoja na mrabaha wa serikali.

Pia, amemtaka Afisa Madini kutoa maelekezo ya kina kuhusu suala zima la ulipwaji wa kodi na mrabaha wa serikali, huku akiagiza zoezi hilo pia limuhusishe Afisa Msimamizi wa madini aliyekuwepo katika kipindi ambacho fedha hizo hazikulipwa.

“Hatutaki ugomvi hapa kwenye migodi. Tunataka mgodi ufanye kazi. Dhahabu ziuzwe mahali panapoonekana. Hapa naona hesabu za viroba tu. Mnunuzi wa dhahabu hapa ni nani”, alihoji Naibu  Waziri.

Wakati akizungumza na wachimbaji katika mkutano wa hadhara, amewataka wachimbaji hao kuchimba kwa kuzingatia usalama  huku akisisitiza suala la kufuata sheria na taratibu  huku akiwataka kutoa taarifa za  uhakika kwa wale wote wanaokikuka sheria ikiwemo watoroshaji wa madini huku akisisitiza  utoaji  taarifa hizo usiwe wa majungu.

Akitolea ufafanuzi suala la fedha za mrabaha, amesema fedha hizo hazipaswi kuelekezwa katika masuala mengine na wamiliki wa migodi ikiwemo kutumiwa katika huduma za jamii badala yake  zinapaswa kulipwa serikalini.

Afisa Madini anayesimamia Mikoa ya Iringa na Njombe Wilfred Machumu akieleza jambo wakati wa kikao baina ya Naibu Waziri wa Madini Stanslaus Nyongo na wamiliki wa mgodi wa Thomas Masuka and Partners. Kulia ni Naibu Waziri Nyongo. Nayefuatia ni Mkuu wa Wilaya ya Iringa, Richard Kasesela.

Naye, Mkuu wa Wilaya ya Iringa Richard Kasesela aliwataka wamiliki hao kukaa chini na kukubaliana namna ya kulipa kiasi cha fedha ambacho wanadaiwa na serikali huku akimtaka Afisa kutoka Halmashauri anayehusika na masuala ya usimamizi wa fedha kuhakikisha kwamba fedha ambazo mgodi huo ulipaswa kuzilipa kama mrabaha zinapatikana.

Mgodi huo wa Nyakavangala unamilikiwa na Thomas Masuka kwa ushirikiano na wawekezaji wengine wazawa wapatao 20. Wakati akiagiza kukamatwa kwao, wamiliki 8 kati ya 20 ndiyo walikuwa wamehudhuria kikao kati yake na wamiliki hao.

Naibu Waziri Nyongo alitoa agizo hilo Januari 15 wakat akihitimisha ziara yake ya siku mbili mkoani humo.

Read more

Naibu Waziri aagiza wanunuzi haramu wa dhahabu Ulata kukamatwa

Kufuatia kukaidi Wito wa kuonana na Naibu Waziri wa Madini  Stanslaus Nyongo na Mkuu wa Wilaya ya Iringa Richard Kasesela kutokana na kufanya ununuzi haramu wa madini ya dhahabu ikiwemo kufadhili uchimbaji haramu, Naibu Waziri Nyongo amevitaka vyombo vya  Ulinzi na Usalama mkoani Iringa kuwakamata Mansoor  Almasi na Jacob Mwapinga iwapo watashindwa kuripoti wenyewe katika Mamlaka zinazohusika.

Naibu Waziri wa Madini Stansaus Nyongo akisisitiza jambo wakati wa ziara yake ya kukagua mgodi wa Nyakavangala. Nyuma yake ni Mkuu wa Wilaya ya Iringa, Richard Kasesela.

Naibu Waziri Nyongo ametoa agizo la kukamatwa wahusika hao baada ya kukiuka agizo la kuonana na viongozi hao  kwa hiari ambapo walielekezwa kuonana na Naibu Waziri na Mkuu wa Mkoa  Januari 15.

Pia, kabla ya wito wa Naibu Waziri, awali, wahusika hao walitakiwa kuonana na Mkuu wa Wilaya ya Iringa wakiwemo Maafisa Madini kwa ajili ya kuupatia suluhisho mgogoro huo katika mgodi wa dhahabu wa Ulata, kijiji cha Ulata wilaya ya Iringa unaomilikiwa na Ibrahimu Msigwa.

Naibu Waziri Nyongo alibaini kuwa Mansoor na Mwapinga wanafanya ununuzi wa madini  kinyume cha Sheria  ikiwemo kufadhili  shughuli za uchimbaji katika mgodi ambao siyo wamiliki wake.

Pia, Naibu Waziri ameelekeza baada ya  wahusika hao kukamatwa wanatakiwa kutoa maelezo  kueleza ni lini watalipa kodi wanazodaiwa na serikali  baada ya kufanya shughuli hizo bila kulipa kodi.

Akizungumza  katika mkutano wa hadhara na wachimbaji hao, Naibu Waziri Nyongo aliwaeleza kuwa, Serikali inamtambua Ibrahimu Msigwa kama mmiliki halali baada ya kuwa na vibali vya kumiliki leseni ya mgodi huo na hivyo kutoa wito wa kuonana na pande zote ili kuhakikisha  kuwa anatoa suluhisho la mgogoro uliopo baina ya Msigwa, Mansoor, Mwapinga na wachimbaji.

Akihitimisha ziara yake mkoani Iringa Januari 15, Naibu Waziri Nyongo amesema kuwa, amebaini ukwepaji mkubwa wa kodi katika migodi  ya Ulata na  Nyakavangala.

Mkuu wa Wilaya ya Iringa Richard Kasesela akimwonesha jambo Naibu Waziri wa Madini Stanslaus Nyongo wakati wa ziara yake ya kukagua migodi ya Nyakavangala.

Amesema wamiliki wa leseni wanaotumia mrabaha kwa ajili ya kufanya masuala mengine ya kijamii wanakiuka taratibu na kueleza kuwa, fedha za kufanyia shughuli za maendeleo zinapaswa kutoka katika fedha za Uwajibikaji kwa jamii ambazo halmashauri zinapanga kupitia Baraza la Madiwani.

Kwa upande wake, Mkuu wa Wilaya ya Iringa, Richard Kasesela amesema wahisika  Mwapinga na Almasi wana kiburi na kwamba waliitwa kwa ajili ya kuongea ili ku[ata fursa ya kujieleza na a kueleza ni lini watalipa mrabaha  lakini wamekaidi hivyo kinachofuatia ni wahusika kukamatwa.

Naibu Waziri Nyongo alifanya ziaea katka mgodi wa Ulata Janauri 14 akilenga kukagua shughuli za uchimbaji madini katika mgodi huo ikiwemo kutatua mgogoro uliokuwep katika mgodi huo baina ya mmiliki halali Ibrahimu Msingwa, wanunuzi  haramu  wa madini hayo Mansoor Almasi na Jacob Mwapinga.

Read more

Nyongo ataka wanaomiliki migodi kwa kuvamia wasimame mara moja

Na Asteria Muhozya, Iringa

Naibu Waziri wa Madini Stanslaus Nyongo amewataka wachimbaji wanaomiliki migodi kwa kuvamia maeneo bila kuwa na leseni, wasimame mara moja.

Naibu Waziri wa Madini Stanslaus Nyongo akiteta jambo na Katibu Tawala wa Wilaya ya Iringa, Hashim Komba wakati akiondoka katika eneo la mgodi wa Ulata kijiji cha Ulata Wilaya ya Iringa, mara baada ya kuzungumza na wachimbaji wadogo na kutatua mgogoro uliokuwepo mgodini hapo.

Naibu Waziri Nyongo ametoa kauli hiyo katika  mgodi wa Ulata kijiji cha Ulata wilayani Iringa , wakati wa ziara yake iliyolenga  kukagua shughuli za uchimbaji madini ikiwemo kusikiliza na kutatua kero za wachimbaji wadogo.

Aidha, kauli ya Naibu Waziri inafuatia mgogoro uliopo katika mgodi huo kati ya  mwenye leseni ya kumiliki mgodi huo Ibrahim Msigwa , wachimbaji wadogo wanaochimba katika eneo hilo na  Mansoor Almasi anayetajwa kuwa mmiliki mwingine na mnunuzi wa madini  ya dhahabu yanayochimbwa mgodini hapo ambaye kwa mujibu wa taratibu,  hana  vibali  vinavyomruhusu kufanya shughuli hizo.

Akilenga kutatua na kuumaliza mgogoro uliopo mgodini hapo, Naibu Waziri amemtaka Mansoor Almas, kufika katika ofisi ya Mkuu wa Wilaya ya Iringa ifikapo Januari 15, na endapo atakiuka agizo hilo atachukuliwa hatua kali za kisheria.

“Sisi kama serikali ambao ndiyo tunatoa vibali tunamtambua bwana Msigwa kuwa ndiye mmiliki halali. Nataka kuonana na huyu Mansour na yoyote anayedharau serikali tutakula nae sahani moja,” alisisitiza Naibu Waziri.

Naibu Waziri alisema lengo la kutaka Mansour kufika wilayani hapo ni kutaka kusikia kutoka pande zote ili  mgogoro huo uweze kutatuliwa na kufika mwisho jambo ambalo litawezesha  shughuli za uchimbaji katika eneo husika kuendelea vizuri  ili pande zote yaani serikali na wachimbaji wanufaike.

Akifafanua kuhusu suala la shughuli za uchimbaji, Naibu Waziri amesisitiza kuwa, ili kuwa mchimbaji halali ni lazima kuwa na kibali kutoka serikalini na kuongeza kwamba, ni vigumu kuomba kwenye leseni ya mtu mwingine.

Pia, amewataka wachimbaji wadogo kutoshirikiana na wale wote wanaopindisha  utekelezaji wa sheria na taratibu katika shughuli za uchimbaji madini na badala yake washirikiane na wale wenye vibali vya umiliki  kutoka serikalini.

Afisa Madini Mkoa wa Iringa na Njombe Mhandisi Wilfred Machumu akizungumza jambo wakati wa mkutano kati ya Naibu Waziri na wachimbaji katika mgodi wa Ulata, kijiji cha Ulata. Kulia ni Naibu Waziri wa Madini Stanslaus Nyongo na katikati ni Katibu Tawala Wilaya ya Iringa, Hashim Komba.

Pia, Naibu Waziri Nyongo aliwataka wale wote wasiokuwa na uwezo wa kuchimba kuingia mikataba na wachimbaji wengine wenye uwezo ili kuwezesha lengo la kumiliki leseni kutimia kwa kuhakikisha kwamba zinafanyiwa kazi. “ unaweza kuingia mkataba na mchimbaji  wengine wakiwemo wa kati

“ Nataka muelewe kwamba, mnaochimba mnachimba kwa niaba ya watanzania kwa sababu watanzania ambao siyo wachimbaji. Hawa wanafaidika kutokana na kodi na mrabaha unaolipwa kutokana na shughuli zenu, kwa kuwa fedha hizo zinatumika katika kutoa huduma nyingine,” alisema Nyongo.

Awali, wachimbaji hao waliwasilisha kero kwa Naibu Waziri kuhusu mgogoro wa umiliki wa mgodi huo umesababisha shughuli za uchimbaji mgodini hapo kuwa mgumu suala ambalo linasababisha ugumu wa kupata kipato cha kujikimu na kuendesha familia zao.

Wachimbaji wao walimshukuru Naibu Waziri kwa kufika kwake mgodini hapo  ambapo walipata fursa ya kueleza kero ikiwemo  suala la bei elekezi ya madini hayo ambalo walimlalamikia kuwa, wamekuwa wakiwauzia wanunuzi wa  madini hayo akiwemo Mansoor Almasi na Ibrahim Msigwa kwa kiasi cha shilingi 45,000 kwa gramu moja jambo ambalo Naibu Waziri ameeleza kuwa, atakapoonana na wahusika hao atawaeleza kuhusu suala hilo.

Akitoa utetezi wake kwa Naibu Waziri kuhusu kero zilizowasilishwa dhidi yake na wachimbaji hao, Msigwa amesema mazingira mabaya mgodini hapo yaliyowasilishwa na wachimbaji yanatokana na kuwepo kwa kesi mahakamani jambo ambalo linamfanya ashindwe kuendelea na shughuli za uchimbaji kama inavyompasa.

Wakati huo, huo,  katika kikao na uongozi wa Mkoa wa Iringa, Katibu Tawala wa Mkoa huo Happines Seneda, alimweleza Naibu Waziri kuhusu umuhimu wa kuwa na Afisa Madini wa Mkoa huo badala ya kutegemea AFisa Madini wa Mkoa wa Njombe jambo ambalo ameeleza kwamba, uwepo wake mkoani humo utaongeza ufanisi katika ufuatiliaji wa shughuli za madini.

Akijibu ombi hilo, Naibu Waziri Stanslaus Nyongo alimweleza  Katibu Tawala huyo kuwa, Wizara imelenga kuhakikisha kwamba kila Mkoa unakuwa na Afisa Madini baada ya kuondolewa kwa Makamishna wa Madini wa Kanda kufuatia Mabadiliko ya Sheria ya Madini ya Mwaka 2010 na Maboresho yake ya Mwaka 2017.

Naibu Waziri Nyongo alitembelea mgodi huo Januari 14, 2019.

Read more

Waziri Biteko aanza kazi

  • Awataka watumishi kufanyia kazi maagizo ya Rais Magufuli
  • Amshukuru Waziri Kairuki kuwa, amemfundisha Mengi
  • Aitaka STAMICO kuanza kutoa gawio kwa Serikali

 Na Asteria Muhozya,

Waziri wa Madini Doto Biteko amekutana na Menejimenti ya Wizara ya Madini, Taasisi zake pamoja na Wenyeviti wa Tume ya Madini na Bodi ya Shirika la Madini la Taifa (STAMICO), jijini Dodoma, katika kikao ambacho pia kimejadili namna ya kutekeleza maagizo ya Rais wa Jamhuri ya Muungano wa Tanzania, Dkt. John Magufuli aliyoyatoa wakati akimwapisha Waziri Biteko kushika wadhifa huo Januari 9, 2019.

Baadhi ya Watendaji wa Wizara na Taasisi wakifuatilia kikao hicho

Biteko amewataka watumishi  wa Wizara na Taasisi zake ambao hawayajayasikiliza maagizo yaliyotolewa na Rais Magufuli kuhakikisha kuwa wanayasikiliza ili kuweka uelewa wa pamoja na kushirikiana katika kutekeleza majukumu  ya wizara kwa lengo la kuhakikisha kwamba sekta ya madini inaimarika.

“ Tuliulizwa dhahabu inauzwa wapi? Basi tusisubiri tena Rais atuulize inauzwa wapi,” amesisitiza Biteko.

Aidha, amesisitiza kuwepo kwa ushirikiano wa pamoja miongoni mwa watumishi wa wizara katika utekelezaji wa majukumu hayo na kusisitiza kuhusu mabadiliko yanayoonekana kupitia sekta ya madini ikiwemo kufanya kazi na kuongeza kuwa, “ Kinachotuunganisha mahali hapa ni kazi na wala si dini ama jambo lingine,”.

Ameongeza kuwa, kiu kubwa ya Rais Magufuli ni kuona kuwa watanzania wote wananufaika na rasilimali madini huku akisisitiza kuwa, kiu yake binafsi ni kuona taswira nzuri inajengeka kuhusu sekta hiyo ikiwemo kufanya kazi kwa weledi na kuongeza kuwa, matokeo bado hayaonekani.

“Vipaji mlivyonavyo mvitumie vizuri vitoe matokeo yanayoonekana. Fanyeni kazi ambazo zitaacha matokeo yatakayo dumu. Natamani ningezungumza na watumishi wote ili kila mmoja aelewe kile ninachosema,” amesisistiza Biteko.

Vilevile, amewataka watendaji kuchukua hatua badala ya kutumia muda mrefu kutafuta miongozo wakati wanapotekeleza majukumu jambo ambalo linachelewesha utekelezaji wa majukumu. “ Unasubiri mwongozo gani ilhali unayo Sheria ya Madini?amehoji Waziri Biteko.

Baadhi ya Watendaji wa Wizara na Taasisi wakifuatilia kikao hicho

Pia, amechukua fursa hiyo kumshukuru aliyekuwa Waziri wa Madini Angellah Kairuki na kueleza kuwa, ni kiongozi ambaye amemfundisha mambo mengi.

“ Namshukuru sana dada yangu, rafiki yangu Angellah. Alinipokea vizuri sana. Hakuna ushirikiano nilioukosa kwake. Amenifundisha mengi ikiwemo kukaa kwenye kikao na kujadili mambo kwa kina,” amesema Biteko.

Pamoja na hayo, Biteko ametumia fursa hiyo kumshukuru Naibu Waziri Nyongo kwa kuwa naye pamoja katika kipindi chote ambacho alikuwa Naibu Waziri katika wizara ya madini.

Katika hatua nyingine, Waziri Biteko ameitaka STAMICO kuhakikisha kuwa, inaanza kutoa gawio kwa Serikali na ikiwezana, jambo hilo lifanyike kabla ya mwaka ujao wa fedha.

Kwa upande wake, Naibu Waziri wa Madini Stanslaus Nyongo, awali akizungumza katika kikao hicho, amewataka watumishi ambao hawakupata fursa ya kusikia maagizo ya Rais Magufuli kufanya hivyo ili kila mmoja asimame kwa lengo moja.

“ Hatukusemwa vizuri. Nchi nzima imesikia na dunia imesikia. Tukiendelea hivi, hatutavumiliwa,” amesisitiza Nyongo.

Pia, ameitaka Tume ya Madini kuhakikisha inazingatia na kutekeleza maagizo yaliyotolewa na Rais Magufuli ikiwemo kutekeleza wajibu wao.

Awali, akizungumza katika kikao hicho, Katibu Mkuu wa Wizara ya Madini Profesa Simon Msanjila amesema kwamba, kikao hicho ni cha kwanza na Waziri Mpya ikiwemo Mjumbe wa Bodi ya STAMICO na kuongeza kuwa, kinalenga kutoa utambulisho rasmi wa Waziri Mpya wa Madini na kusikia maelekezo ya Waziri Biteko kufuatia maagizo yaliyotolewa na Waziri.

Naye, Mwenyekiti wa Bodi ya STAMICO, Meja Jenerali Mstaafu Michael Isamuhyo amemweleza Waziri Biteko kuwa, anayapokea majukumu yote yaliyo mbele yake ya kuhakikisha kwamba shirika hilo linatekeleza majukumu yaliyo mbele yake.

Kikao hicho kimefanyika tarehe 11 Januari, 2019.

Read more

Waziri Biteko apokelewa na Watumishi madini

Asteria Muhozya na Nuru Mwasampeta,

Waziri wa Madini Doto Biteko amewasili Makao Makuu ya Wizara jijini Dodoma na kupokelewa na Watumishi wa Wizara ya Madini na baadhi ya Taasisi zake.

Watumishi wa Wizara ya Madini wakimkaribisha Waziri wa Madini Doto Biteko katika wizara hiyo mara baada ya kuwasili kutoka kuapishwa Ikulu jijini Dar es Salaam. Sambamba ni Naibu Waziri wa Madini, Stanslaus Nyongo.

Biteko aliteuliwa kuwa Waziri wa Madini Januari 8 baada ya Rais wa Jamhuri ya Muungano wa Tanzania Dkt. John Pombe Magufuli kufanya mabadiliko madogo katika Baraza la Mawaziri na kufanya uteuzi wa viongozi mbalimbali wa wizara na taasisi.

Akizungumza na watumishi hao, amewataka kujipanga na kushirikiana pamoja na viongozi wa wizara na kuongeza kuwa, wao kama viongozi wanawategemea sana watumishi kuweza kutekeleza majukumu yao kikamilifu.

“Mimi sio mgeni ni mwenyeji, wote tunafahamiana.  Nawashuru kwa kutupokea mimi na mwenzangu Nyongo. Ninyi ndiyo wenye wizara sisi hatuwezi kuwa hapa kama ninyi hamjatupa ushirikiano,” amesema Biteko.

Ameongeza kuwa, anataka kuona watumishi wa wizara hiyo wakiwa na furaha na kufanya kazi kwa furaha katika kutekeleza wajibu na majukumu ya wizara husika na kueleza kuwa, “Nataka nione wafanyakazi wanafurahi kufanya kazi. Kuna mtu unaweza kumlazimisha kufika kazini lakini si kufanya kazi,” amesema.

Naye, Naibu Waziri wa Madini Stanslaus Nyongo amesema mabadiliko yaliyotokea ni kwa ajili ya kuongeza ufanisi zaidi katika utekelezaji wa majukumu ya wizara na kuongeza kuwa, Rais Dkt. Magufuli wakati akimwapisha Waziri Biteko Januari 9, alitoa maagizo kwa viongozi hao, ambao wao waliyapokea kwa niaba ya watumishi wote wa wizara na taasisi zake.

Awali, Waziri Biteko alikuwa ni Naibu Waziri katika wizara hiyo ambayo ilikuwa ikiongozwa na Waziri Angellah Kairuki ambaye ameteuliwa kuwa Waziri wa Nchi, Ofisi ya Waziri Mkuu anayeshughulikia Uwekezaji.

Read more

Biteko aapishwa kuwa Waziri wa Madini

Na Asteria Muhozya,

Aliyekuwa Naibu Waziri wa Madini Doto Biteko ameapishwa leo Januari 9 kuwa Waziri wa Madini katika hafla iliyofanyika Ikulu jijini Dar es Salaam.

Waziri Biteko aliteuliwa Januari 8 kushika wadhifa huo baada ya Rais wa Jamhuri ya Muungano wa Tanzania Dkt. John Pombe Magufuli kufanya mabadiliko madogo katika Baraza la Mawaziri na kufanya uteuzi wa viongozi mbalimbali wa wizara na taasisi.

Waziri Biteko anachukua nafasi ya aliyekuwa Waziri wa Madini Angellah Kairuki ambaye ameteuliwa kuwa Waziri wa Nchi, Ofisi ya Waziri Mkuu anayeshughulikia Uwekezaji.

Read more

Biteko awaeleza watanzania kuwa Serikali ina macho

  • Aeleza itafika kokote madini yanakochimbwa pasipo vibali halali

Na Nuru Mwasampeta

Naibu Waziri wa Madini, Doto Biteko amewaeleza watanzania wasiofuata Sheria katika utafutaji, uchimbaji na biashara ya madini nchini kuwa Serikali inaona na itafika popote madini yanapochibwa pasipo vibali halali vya kufanya shughuli hiyo.

Naibu Waziri wa Madini Doto Biteko (wa pili) akifuatiwa na Katibu Mkuu wa Madini Prof. Simon Msanjila wakitoka katika jengo la ofisi za mwekezaji wa hifadhi za wanyamapori ya Makao, Mwiba Limited kuelekea eneo linalosadikiwa kuendesha shughuli za Uchimbaji hifadhini humo.

Biteko ameyasema hayo mwishoni mwa wiki, Tarehe 5 mwezi Januari, 2019 alipofanya ziara ya kukagua eneo ambako shughuli za uchimbaji wa madini ya shaba ulifanywa pasipo kibali na kubaini viashiria vya uchimbaji katika hifadhi ya Wanyama pori ya Makao iliyopo katika Halmashauri ya Wilaya ya Meatu Mkoani Simiyu.

Akizungumzia lengo la ziara hiyo, Biteko alisema kumekuwa na viashiria vya kuwepo kwa watu wasiokuwa waaminifu na kujiingiza katika shughuli ya uchimbaji pasipokuwa na vibali jambo ambalo halikubaliki na halitavumilika. “Sisi madini yanatuuma, tukisikia kuna watu wanachimba tutafika mahali popote kujua madini hayo yanachimbwa na kupelekwa wapi” Biteko alikazia.

Aliendelea kwa kusema, huu mchezo ulifanyika sana na sasa nimekuja kuwaambia hautajirudia tena. Endapo mtu yeyote anataka kuchimba madini ya yoyote ikiwa ni pamoja na madini ya ujenzi kama vile mchanga wa kutengenezea barabara sharti afike katika ofisi zetu za madini aeleze nia na eneo analotakiwa kutengeneza barabara na wahusika watamuonesha eneo la kuchimba mchanga kwa utaratibu wa kisheria kwa matumizi hayo si kujiamlia tu.

Biteko alisisitiza kuwa lengo la ziara hiyo si kutoa kibali kwa watu kuchimba katika hifadhi  hiyo. “Sisi hatujaja kupromote watu wachimbe bali tumekuja kwa sababu watu wanachimba pasipo taratibu.

Alibainisha kuwa ili mtu yeyote apate kibali cha kuchimba katika hifadhi hiyo sharti apate kibali kutoka mamlaka kuu nne ambazo ni Wizara ya Maliasili na Utalii, Wizara ya Maji kwa sababu katika hifadhi hiyo kuna vyanzo vya maji, Mamlaka ya Mazingira (NEMC)pamoja na Wizara ya Madini.

Katika ziara hiyo ya kushtukiza Biteko aliambatana na Katibu Mkuu wa Wizara ya Madini, Profesa Simon Msanjila aliyeelezea sheria na taratibu zinazopaswa kufuatwa ili mtu yeyote kuweza kujihusisha na shughuli za Madini.

Pori kwa pori mbugani, Prof. Simon Msanjila akiongoza wajumbe walioambatana kujiridhisha, kukagua pamoja na kutoa kauli ya serikali kwa wafanya biashara wa madini wanaojihusisha na biashara hiyo kinyume na taratibu na sheria ya nchi, Nyuma yake mwenye suti ni Mkuu wa Wilaya ya Meatu Dkt. Joseph Eliaza Chilongani

Aidha, Profesa Msanjila aliwataka watanzania kujua kuwa rasilimali madini zinazopatikana nchini ni kwa manufaa ya watanzania wote hivyo ni lazima wafuate utaratibu ili mapato yatokanayo na tozo mbalimbali kutokana na utafiti, uchimbaji na biashara ya madini ziwanufaishe watanzania wote. “Lazima niwaambie haya madini ni ya watanzania wote” alikazia.

Akizungumzia chanzo cha taarifa ya kuwepo kwa uchimbaji katika hifadhi hiyo Leons Welenseile (Mjiolojia) alisema mnamo mwaka 2016 Mkuu wa Mkoa wa Simiyu alifanya ziara iliyolenga kutatua mgogoro baina ya kampuni ya inayomiliki leseni ya uwindaji wanyamapori katika hifadhi hiyo Mwiba Holdings Limited na wananchi wanaozunguka hifadhi hiyo baada ya wananchi kutoridhishwa na kile walichokuwa wakikipata kutoka kwa mwekezaji huyo.

Walipokuwa njiani kutoka katika kusuluhisha mgogoro huo ndipo wataalamu wa madini katika mkoa huo walikutana na loli lililobeba mchanga pasipokuwa na vibali halali vya kufanya uchimbaji huo nakubaini kuwa  shughuli hiyo ilikuwa ikifanywa na kampuni hiyo ya mwiba kwa lengo la kukarabati barabara katika hifadhi hiyo pasipo kujua kuwa walipaswa kuwa na leseni ya kuchimba mchanga huo na kupigiwa hesabu iliyopelekea kulipa mrabaha wa milioni 50 baada ya kukiri kufanya shughuli hiyo kwa muda mrefu.

Kwa upande wake Mkuu wa Wilaya ya Meatu Dkt. Joseph Eliaza Chilongani alikiri kutokuwa na taarifa za uchimbaji huo na kuwataka wataalamu na maafisa madini katika eneo lake kutoa taarifa pindi masuala ya ukiukwaji wa taratibu na sheria za nchi yanapotokea katika eneo lake ili kuweza kushirikiana katika kutatua changamoto hizo.

Read more

Watumishi Madini waungana na wenzao kumpongeza Rais Magufuli kwa kutumika kikokotoo cha zamani

Na Asteria Muhozya,

Watumishi wa Wizara ya Madini wameungana na watumishi wengine nchini kumpongeza Rais wa Jamhuri ya Muungano wa Tanzania Dkt. John Magufuli  kwa uamuzi wake wa kutangaza  kutumika kwa kikokotoo cha zamani cha mafao ya Wastaafu.

Wafanyakazi wa Madini wakishiriki maandamano ya kumpongeza Rais wa Jamhuri wa Muungano wa Tanzania uamuzi wake wa kutangaza kutumika kwa kikokotoo cha zamani cha mafao ya Wastaafu.

Watumishi hao wameungana katika maandamano ya amani yaliyoanzia katika Ofisi za Bunge na kupokelewa na  Waziri Mkuu wa Jamhuri ya Muungano wa Tanzania, Kassim Majaliwa katika Bustani  za Nyerere Square, jijini Dodoma.

Akizungumza na watumishi kutoka sekta mbalimbali, Waziri Mkuu Majaliwa amesema Serikali itaendelea kushirikiana na Vyama vya Wafanyakazi katika hatua zote za majadiliano ya suala hilo hadi pale pande zote zitakaporidhika.

Ameongeza kuwa, maombi  yaliyowasilishwa na Shirikisho la Vyama vya Wafanyakazi nchini (TUCTA)  yameanza kufanyiwa kazi na mengine yanaendelea kufanyiwa kazi.

Akizungumzia ombi  la mishahara mipya ya wafanyakazi amesema Tume ya Mishahara na Motisha inaendelea kulifanyia kazi suala hilo na pindi litakapokamilika, taarifa itatolewa.

Kuhusu madeni ya watumishi amesema serikali inaendelea kulipa madeni hayo ikiwemo malimbikizo mbalimbali ya watumishi.

Kuhusu kupandishwa madaraja, amesema  tayari Ofisi ya Rais Menejimenti ya Utumishi wa Umma imeanza kushughulikia suala  hilo ambapo tayari utekelezaji umekwisha anza kwa baadhi ya sekta na kuongeza kwamba serikali itaharakisha suala hilo ili wenye sifa wapate madaraja mapya.

Aidha, amesisitiza kwamba serikali iko pamoja na watumishi wote na haitowaangusha na kuwataka watumishi kuendelea kufanya kazi kwa weledi.

Wafanyakazi wa Madini wakishiriki maandamano ya kumpongeza Rais wa Jamhuri wa Muungano wa Tanzania uamuzi wake wa kutangaza kutumika kwa kikokotoo cha zamani cha mafao ya Wastaafu.

” Tuendelee kujituma. Kazi zinazofanyika zinaonekana. Hata utoaji huduma unaendelea vizuri. Uko umoja wa wafanyakazi unaonekana na watumishi wanawahudumia wananchi,” amesema Waziri Mkuu.

Katika hatua nyingine ameendelea kusisitiza suala la kutowahamisha watumishi bila kulipwa fedha za uhamisho.

Awali, akisoma hotuba ya Wafanyakazi,  Katibu Mkuu wa TUCTA  amemweleza Waziri Mkuu kuwa  bado kiwango cha mishahara wanayolipwa watumishi hakitoshi na kuongeza kuwa bado wafanyakazi wanabeba mzigo wa kodi ya mapato hususan wale wenye viwango vya juu vya madaraja.

Aidha, amemweleza Waziri Mkuu  kuwa viongozi waache kunyanyasa wafanyakazi na pindi wanapoondolewa kwenye utumishi waondolewe taratibu za kazi.

Mwisho ameiomba serikali kufanya uchunguzi wa matumizi ya mifuko hiyo.

Read more

Matinga: Utafiti kuongeza tija na uzalishaji wa madini kwa wachimbaji wadogo

Na Priscus Benard, Mpanda Katavi

Kaimu Mkuu wa Mkoa wa Katavi ambaye pia ni Mkuu wa Wilaya ya Mpanda Lilian Matinga amewataka wachimbaji wadogo kuachana na  kutafuta na kuchimba madini kimazoea badala yake  wafuate njia ya kisayansi katika kutafuta, kuchimba na kuchenjua madini katika maeneo yao ili kuongeza tija, pato lao na Taifa kwa ujumla.

Kaimu Mtendaji Mkuu wa GST, Yokbeth Myumbilwa akifafanua jambo wakati wa ufunguzi wa mafunzo hayo.

Aliyasema hayo Disemba 4  wakati wa ufunguzi wa mafunzo kwa wachimbaji wadogo eneo la D reef na Kapanda Mkaoni Katavi,  na kuongeza kuwa, masuala ya madini ni ya kisayansi na hivyo  kuwataka wachimbaji wadogo kuondoa dhana mbaya iliyojengeka kwa baadhi yao kuwa ukitaka kufanikiwa katika kuchimba madini unatakiwa uende kwa waganga wa jadi.

Mafunzo hayo kwa wachimbaji wadogo, yanafuatia utafiti wa kina wa jiosayansi uliofanywa na wataalam kutoka Taasisi ya Jiolojia na Utafiti wa Madini Tanzania (GST)  kwa kushirikiana na wataalam kutoka Shirika la Madini la Taifa (STAMICO).

Aliongeza kuwa, utafiti huo umefanyika kufuatia nia na azma ya Serikali ya Awamu ya Tano  inayoongozwa na Rais Dkt. John Magufuli katika kuhakikisha kuwa wachimbaji wadogo wanaondokana na uchimbaji usio na tija na kwenda kwenye uchimbaji utakaoongeza kiwango cha uzalishaji na hivyo kuongeza kipato kwa wachimbaji na kuboresha maisha yao na jamii kwa ujumla.

“Baada ya kutumia taarifa za utafiti huu ni matumaini yangu kuwa kipato chenu na mapato yatokanayo na uchimbaji mdogo wa madini kwa ujumla yataongezeka,” alisema  Matinga.

Pia, Matinga aliwataka wachimbaji wadogo kuwa wazalendo katika kulipa kodi ili kuunga mkono juhudi za Rais Dkt. Magufuli katika kuliletea taifa maendeleo makubwa zaidi.

“Miradi ya maendeleo inahohitaji fedha ni mingi ukianzia elimu bure, mradi wa reli ya kisasa, bwawa la kuzalisha umeme na mengine mengi,” alisisitiza Matinga.

Wachimbaji wadogo wa madini mkoani Katavi wakifuatilia mafunzo,

Awali, akitoa taarifa ya mazfunzo hayo, Kaimu Mtendaji Mkuu wa GST, Yokbeth Myumbilwa alisema utafiti wa kina ulifanyika kwa lengo la  kubaini uwepo na kiasi cha madini, mwelekeo wa miamba, ubora na tabia za mbale katika maeneo ya D-reef, Kapanda na Ibindi Mkoani Katavi.

Myumbilwa alibainisha kuwa matokeo ya utafiti huo yanaonesha uwepo wa mbale za dhahabu kiasi cha tani 4,394,162 zenye wakia 45,773.40 (kilo 1,423.71) za dhahabu katika eneo la D-reef na tani 452,215 zenye wakia 1,831.92 (kilo 56.98) za dhahabu katika eneo la Kapanda.

“Matokeo haya ni kwa maeneo ya D-reef na Kapanda yenye ukubwa wa jumla ya kilomita za mraba 0.06 yaliyofanyiwa uchorongaji,” alisema Myumbilwa.

Pia, alieleza kuwa, wataalamu wa GST wapo Mpanda kwa ajili ya kutoa mafunzo (mrejesho) juu ya matokeo ya utafiti huo. “Kuna watu walifikiri hatutarudi tena lakini niwahakikishie Serikali ya awamu ya tano ipo pamoja nanyi ndiyo maana tumerudi hapa kuwapa mafunzo baada ya kukamilika utafiti uliofanyika tokea 2016,” alisema Myumbilwa.

Vilevile, alisema kuwa, kupitia mafunzo hayo yatatoa msukumo katika kuboresha utafutaji, uchenjuaji na uchimbaji salama na hatimaye kuongeza tija na kipato cha wachimbaji wadogo.

“Wachimbaji wadogo wanapoteza fedha zao na muda mwingi kwa sababu nyingi ikiwa ni pamoja na kuchimba kwa kubahatisha na kutokujua njia bora za unjenjuaji madini na hivyo kupelekea madini yao mengi kupotea kupitia mabaki,” alisisitiza.

Mnamo Mwaka 2016 Serikali ilitenga kiasi cha dola za kimarekani 3,703,630 kwa ajili ya utafiti wa kina wa jiosayansi chini ya mradi wa Usimamizi Endelevu wa Rasilimali Madini (SMMRP) ili kuboresha maisha ya mchimbaji mdogo na kutatua changamoto zinazomkabili ikiwa ni pamoja na uzalishaji mdogo na uchimbaji usiozingatia usalama na afya kwa mchimbaji.

Read more

Biteko akalipia ajali maeneo ya wachimbaji wadogo wa madini

Na Nuru Mwasampeta

Naibu Waziri wa Madini, Doto Biteko amewataka wachimbaji wadogo wa madini kuzingatia uchimbaji salama ili kuepusha ajali zinazotokea mara kwa mara katika maeneo ya migodi. Ametanabaisha kuwa akifa mtanzania mmoja huyo Mtanzania ni muhimu kuliko mgodi wote, ‘kuliko mtanzania mmoja afe ni bora huo mgodi usiwepo’.

Mkuu wa Wilaya ya Butiama, Annarose Nyamubi (aliyesimama) akieleza jambo mbele ya Naibu Waziri wa Madini, Doto Biteko (Kushoto) alipofika ofisini kwake kuelezea uwepo wake katika wilaya hiyo.

Aliyasema hayo leo tarehe 04 mwezi Januari alipokuwa akifungua mafunzo ya wachimbaji wadogo katika eneo la uchimbaji mji wa Buhemba wilayani Butiama mkoani Mara inayoendelea kwa siku mbili.

Biteko alibainisha kuwa, Buhemba ni eneo linaloongoza kwa ajali kwenye migodi, huu mgodi ulifungwa na toka umefunguliwa kuna vifo vya wachimbaji kumi na mbili na majeruhi 20, Serikali haiwezi ikakubali hali hiyo iendelee “Mimi nakwambia mwenyekiti sitakubali hali hii iendelee mimi mwenyewe nitakuja kuufunga tena mgodi huu kama hali hiyo itaendelea hatuwezi kupoteza maisha ya watanzania” Biteko alisisitiza.

Biteko aliongeza kwa kusema, Serikali haiko tayari kuona kuwa watu wanaendelea kufa ndio maana imeamua kufika na kuandaa mafunzo  kwa ajili ya wachimbaji wadogo ili  waweze kufundishwa namna bora za uchimbaji salama na wenye tija.

Biteko alisema mafunzo hayo yanalenga kuwafundisha wachimbaji wadogo masuala ya uchimbaji salama, uchenjuaji, afya, na mazingira ya uchimbaji katika mkoa huu wa Mara.

Akiwapongeza wananchi na wachimbaji wadogo wa madini Buhemba, Biteko alisema kumetokea ugonjwa mmoja kwa watanzania wa kukwamisha mradi wa Serikali,  wananchi wanaanza vurugu na kudai fidia lengo ikiwa ni kukwamisha tu utekelezaji wa miradi ya maendeleo kwa watanzania lakini Buhemba mmeonesha ushirikiano mkubwa kutoka mwanzo mpaka mwisho wa utafiti.

Aidha, Biteko alimshukuru Mkuu wa Wilaya kwa ushirikiano anaoufanya katika kusimamia shughuli za uchimbaji wa madini. Amesema mara nyingi wachimbaji wadogo wanakuwa kama watoto yatima lakini si kwa hapa Buhemba. Hawana mlezi, wanajiendesha wenyewe na wakati mwingine mamlaka za serikali zinajitokeza pindi matatizo yanapotokea lakini Mkuu wa wilaya amekuwa bega kwa bega.

Baadhi ya Wachimbaji wadogo waliohudhuria mafunzo yaliyoandaliwa kwa ajili yao yenye lengo la kuboresha sekta ya uchimbaji mdogo wa Madini yanayoendelea katika wilaya ya Butiama mjini Buhemba mkoani Mara.

Aidha, Biteko aliwasihi wachimbaji wadogo wa Buhemba kuchangia kwa ukamilifu katika pato la taifa. Alisema wakati wote ukikutana na kesi ya utoroshwaji wa madini mhusika mkuu anakuwa ni mchimbaji mdogo. Aliendelea kwa kuwaeleza wachimbaji hao kuwa wamepata Rais ambaye anawapenda, anawajali anawadhamini, Rais anayependa  wachimbaji wadogo wahame kutoka kwenye daraja la chini na kuwa watanzania wanaofurahia maisha kwenye nchi yao  kwa kuthaminiwa na kuheshimiwa, “nilidhani zawadi pekee ambayo mngeipa Serikali na Rais wetu DKt ni nyie kusimamiana mkalipa kodi vizuri, mhame kwenye mfumo wa kukwepa kodi na kutorosha madini”. Biteko alisisitiza

Pamoja na hayo Biteko alibainisha kuwa, katika mkoa wa Mara wilaya inayoongoza kwa kulipa kodi ni wilaya ya Butihama, alisema kiasi cha milioni 57 za kitanzania zimelipwa kwa mwezi jana, hata hivyo aliwahimiza wachimbaji hao  kufanya zaidi ili kuipa serikali wajibu mkubwa wa kuwahudumia.

“Ninapima mapenzi ya Rais Kwenu, halafu ninapima kile mnachochangia ninyi kwenye pato la Taifa haviendani” Mimi nilidhani mtu anayekupenda nawewe unamlipa kwa kumpenda zaidi. Rais wetu anawapenda wachimbaji wadogo hataki mtangetange, mpeni sababu ya kuendelea kuwapenda, mpeni sababu ya kuendelea kuwahudumia, siku mtu akiwagusa Rais awateteee kutokana na kodi zenu”

Naomba sana muwe wazalendo, muwe waaminifu, ili mchango wenu katika sekta hii uweze kuonekana na kutumika katika maeneo mengine nchini. Ili Serikali iweze kuhudumia maeneo mengine kama vile elimu, afya, usafirishaji na mambo mengine ni kutoka katika kodi. Simamianeni ninyi kwa ninyi, onyanenyi ninyi kwa nini bora mtu mbaya bora ake nje ya sekta.

Kwa upande wake Mwenyekiti wa Wachimbaji Wadogo Mkoa wa Mara (MAREMA) Dave Bita alitoa shukrani zake za dhati kwa serikali kwa kutupa jicho kwa wachimbaji wadogo kwa lengo la  kuwawezesha kuwa na uchimbaji wenye tija. Aliishukuru Serikali kwa kujipanga kuwajengea kituo cha mafunzo kwa ajili ya kuboresha na kuimarisha masuala ya utafutaji na uchimbaji wa madini.

Ameishkuru Serikali kwa kuwasilisha taarifa ya utafiti ulioanza mwezi Oktoba 2016 kwa wachimbaji wa Butiama matokeo yatakayowapelekea kunufaika na uchimbaji wao.

Aidha, Dave amewataka wachimbaji wadogo kutengeneza mazingira ya kukubali kuwalipa posho viongozi wanaowasimamia katika shughuli zao vinginevyo wataendelea kugombana na viongozi hao siku kwa siku na hata kupelekea migogoro. Amesema wachimbaji wadogo hawako tayari kuwalipa viongozi wanaowasimamia katika maeneo ya uchimbaji.

Aidha, amewasihi wachimbaji wadogo kutumia mafunzo yanayotolewa kwa manufaa ameomba watoe ushirikiano kwa voiongozi watakaowachagua pamoja na kuwasihi kukitumia kwa manufaa kituo cha mafunzo kinachojengwa na serikali kwa ajili yao.

Read more

Biteko amewataka wachimbaji wadogo wa madini kuwa wazalendo kwa Taifa

Na Nuru Mwasampeta

Naibu Waziri wa Madini Doto Biteko amewataka wachimbaji wadogo wa madini kuwa wazalendo na waaminifu kwa nchi kwa kulipa kodi stahiki zinazotokana na biashara ya madini wanayoifanya.

Naibu Waziri wa Madini, Doto Biteko (wa tatu kushoto) akiwa katika picha ya pamoja na baadhi ya watumishi wa Umma. Pamoja na wachimbaji wadogo wa madini waliohudhuria mafunzo yanayotolewa na wizara ili kuboresha utendaji wao.

Biteko amesema anashangazwa kuona kuwa mchango wa wachimbaji wadogo katika pato la taifa ni mdogo ilihali asilimia 96 ya shughuli za uchimbaji zinafanywa na wachimbaji wadogo na asilimia nne tu zimeshikwa na wachimbaji wakubwa na ndio wanachangia Zaidi katika ukuaji wa pato la taifa.

Biteko amebainisha kuwa hayo ni matokeo ya ukwepaji wa baadhi ya wachimbaji wadogo katika kulipa kodi stahiki zitokanazo na uchimbaji wa madini.

Ameyasema hayo leo tarehe 2 Januari, 2019 wakati akifungua  rasmi mafunzo kwa wachimbaji wadogo katika eneo la Katente mkoani Geita.

Akifungua mafunzo hayo, Biteko amesema, mnamo mwaka 2016 Serikali ilitenga kiasi cha dola za kimarekani 3,703,630 kwa ajili ya utafiti wa kina wa jiosayansi chini ya mradi wa Usimamizi Endelevu wa Rasilimali Madini (SMMRP) ili kuboresha maisha ya mchimbaji mdogo na kutatua changamoto zinazomkabili ikiwa ni pamoja na uzalishaji mdogo na uchimbaji usiozingatia usalama na afya kwa mchimbaji.

Biteko alibainisha kuwa kazi ya utafiti katika mji wa Katente umekamilika kama inavyoshuhudiwa kupitia mafunzo yanayotolewa kwa wachimbaji wadogo wa eneo hilo yatakayosaidia kupunguza upotevu wa muda, uharibifu wa mazingira, upotevu wa mitaji pamoja na upotevu wa madini ya dhahabu yanayotokana na uelewa wa namna ya kufanya kazi hiyo.

Aidha, Biteko alibainisha kuwa, Baada ya matokeo ya utafiti huo uliofanywa kwa ushirika baina ya Taasisi ya Jiolojia na Utafiti wa Madini Tanzania (GST) na  Shirika la Madini la Taifa (Stamico) na kubaini changamoto zinazowakabili wachimbaji wadogo katika kukua kiuchumi.

Wachimbaji wadogo wa madini katika mji wa Katente wakifuatilia kwa makini mafunzo juu ya uchimbaji wa madini yanayoendelea kutolewa na Wizara ya Madini

Kutokana na changamoto zilizobainishwa na utafiti huo, Serikali kupitia Wizara ya Madini imeanza kujenga madarasa na kufunga mitambo kwa ajili ya mafunzo Zaidi na kubainisha kuwa eneo la Katente ni moja kati ya maeneo ambayo mafunzo hayo yatatolewa.

Pamoja na kupewa mafunzo hayo, Biteko amewataka wachimbaji hao kuunda vikundi na kufanya shughuli zao ndani ya vikundi ili kuirahisishia Serikali kuwatambua na kuwapa huduma stahiki zitakazowawezesha kuboresha kazi zao pamoja na afya zao.

Akizungumzia jitihada zinazofanywa na Serikali katika kuboresha sekta ya uchimbaji mdogo; Biteko alisema ni pamoja na kuendelea kutenga maeneo maalaum kwa ajili ya wachimbaji wadogo, kutoa ruzuku, kurahisisha utoaji wa leseni, pamoja na kutoa mafunzo ya mara kwa mara ili kuwapa wachimbaji wadogo uelewa katika shughuli ya uchimbaji.

Utafiti huo ulifanyika kufuatia nia na adhma ya Serikali ya Awamu ya Tano kupitia Rais Dr. John Pombe Magufuli katika kuhakikisha kuwa wachimbaji wadogo wanaondokana na uchimbaji usio na tija na kwenda kwenye uchimbaji utakaoongeza kiasi cha uzalishaji na baadaye kuongeza kipato kwa wachimbaji wadogo na taifa kwa ujumla.

Kwa upande wake, Kaimu Mkurugenzi Huduma za Jioloji kutoka Taasisi ya Jiolojia na Utafiti wa Madini Tanzania (GST) Maruvuko Msechu alisema mafunzo yanayofunguliwa ni matokeo ya dhamira ya Serikali ya Awamu ya Tano yenye lengo la kuhakikisha watanzania wanafaidika na uwepo wa madini nchini ili kujiondoa katika lundo la umaskini kwa kuongeza kipato na kuimarisha sekta mtambuka za uchumi.

Msechu alisema, Utafiti huo ulifanyika katika maeneo ya Ngazo, Kereza, na Katente wilayani Bukombe ukihusisha matumizi ya taaluma ya jiolojia, jiofizikia, na jiokemia ukihusisha uchukuaji wa sampuli mbalimbali za udongo na miamba.

Msechu aliongeza kwa kusema kuwa matokeo ya utafiti huo yalipelekea kufanyika kwa utafiti wa kina katika eneo la Katente, utafiti ulioanza rasmi tarehe 28 mwezi Oktoba, 2016 ambao ulipelekea jumla ya chorongo 19 za DD na 24 za RC kuchorongwa na kukusanya jumla ya sampuli 2821.

Aidha aliushukuru uongozi wa Halmashauri ya Wilaya ya Bukombe, Mkuu wa Wilaya pamoja na kamati ya ulinzi ya wilaya ya Bukombe kwa ushirikiano waliouonesha kipindi chote cha kufanya utafiti huo.

Read more

Nishati waunga mkono jitihada za Rais kuwezesha wachimbaji madini wadogo

  • Naibu Waziri Biteko apongeza wachimbaji kuunganishwa na huduma umeme

Na Veronica Simba, Geita

Wizara ya Nishati inatekeleza mkakati wa kuwaunganishia umeme wa uhakika wachimbaji wadogo wa madini kote nchini, ikiwa ni sehemu ya kuunga mkono jitihada za Rais John Magufulu kuiwezesha sekta hiyo izalishe kwa tija kwa manufaa yao binafsi na ya Taifa kwa ujumla.

Waziri wa Nishati ambaye pia ni Mbunge wa Chato, Dkt Medard Kalemani (katikati), akisalimiana na Naibu Waziri wa Madini Doto Biteko (kushoto), walipowasili kwenye hafla ya uwekaji jiwe la msingi katika kiwanda cha kuchenjua dhahabu cha Padalu kilichopo Chato Geita, Januari 2, 2019.Kulia ni Mkuu wa Wilaya ya Chato, Mhandisi Msafiri Mtemi.

Akizungumza katika hafla ya uwekaji jiwe la msingi wa kiwanda cha kuchenjua dhahabu, kinachomilikiwa na kampuni ya Padalu, kijijini Lumasa, Chato; Waziri wa Nishati ambaye pia ni Mbunge wa eneo hilo, Dkt Medard Kalemani, alisema serikali imefunga transfoma tano zenye uwezo wa KVA 400 hadi 1,000 ili kuwawezesha wachimbaji wadogo wa Geita kuzalisha kwa tija.

“Umeme huu mkubwa utawawezesha wachimbaji kuchimba ,kuchenjua na kuongeza thamani dhahabu yao ili kuiongezea thamani, iwapatie faida na waweze kulipa kodi na mrabaha serikalini,” alisema.

Akieleza zaidi, Waziri Kalemani alisema yako maeneo mkoani humo ambayo bado hayajafikiwa na huduma hiyo lakini akabainisha kuwa utaratibu wa kufunga transfoma nyingine tano zenye uwezo uleule, unafanyika ili kuyafikia maeneo ya wachimbaji yaliyosalia ikiwemo Mbogwe na Nyakafuru.

Aidha, alifafanua kuwa, umeme uliounganishwa kwa ajili ya kiwanda hicho cha kuchenjua dhahabu, utawanufaisha pia wananchi wa maeneo jirani ambao wataanza kuunganishiwa huduma hiyo kuanzia wiki ijayo.

Waziri pia alitumia fursa hiyo kufafanua kuhusu gharama za umeme katika maeneo ya vijijini ambapo alibainisha kuwa serikali imedhamiria wananchi wa vijijini watozwe shilingi 27,000 tu kwa ajili ya huduma ya kuunganishiwa umeme.

“Wananchi maeneo yote ya vijijini nchi nzima, gharama za kuunganishiwa umeme ni shilingi 27,000 tu. Msikubali kutozwa zaidi. Iwe ni umeme wa REA au wa TANESCO, gharama ni hiyo na siyo zaidi,” alisisitiza Waziri.

Kwa upande wake, Naibu Waziri wa Madini, Doto Biteko ambaye alikuwa Mgeni Rasmi katika hafla hiyo alipongeza jitihada ambazo zimekuwa zikifanywa na Wizara ya Nishati katika kuhakikisha wachimbaji madini wadogo nchini wanakuwa na uchimbaji wenye tija kwa kuwapelekea huduma ya umeme.

Awali, uongozi wa kiwanda hicho cha uchenjuaji dhahabu ulieleza kuwa, ujenzi wake ulifanyika kufuatia agizo la Rais Magufuli la kuwataka wachimbaji kuyaongeza thamani madini yao hapa nchini kabla ya kusafirisha nje ya nchi.

Read more

Doto Biteko atoa maagizo mazito kwa wachimbaji kokoto Dodoma

Na Nuru Mwasampeta

Kufuatia ziara ya Mhe. Waziri Mkuu wa Jamhuri ya Muungano wa Tanzania, Kassim Majaliwa  aliyoifanya hivi karibuni katika eneo la Ihumwa ambako ujenzi wa Mji wa Serikali unaendelea  na kubaini uhaba wa kokoto katika ujenzi huo,  leo Disemba 30, Naibu Waziri wa Madini Doto Biteko akifuatana na Naibu Waziri Ofisi ya Waziri Mkuu Kazi Ajira na Vijana Anthony Mavunde wamefanya ziara ya kushtukiza kwenye maeneo yanayochimba kokoto hizo na kubaini madudu.

Naibu Waziri wa Madini, Doto Biteko, akitoa tamko la Serikali kwa wachimbaji wa kokoto alipofanya ziara kujionea kinachoendelea katika machimbo hayo baada ya kubainika uhaba wa kokoto katika eneo la ujenzi wa ofisi za Serikali Ihumwa jijini Dodoma.

Naibu Mawaziri hao wamebaini machimbo ya kokoto yakiwa yamefungwa kwa madai kuwa wafanyakazi wako likizo, zikiwemo mashine za kusagia mawe hayo zikiwa  zimeharibika kwa takribani miezi mitatu na hivyo kupelekea uzalishaji kusimama.

Akizungumza katika eneo hilo la machimbo, Naibu Waziri wa Madini, Doto Biteko amesema anashangazwa kuona kuwa watumishi katika mgodi wa kokoto wanakwenda likizo wakati mahitaji ya kokoto ni makubwa  na soko la  uhakika.

“Mmechukua  zabuni  kwa ajili ya kusambaza kokoto kutoka kwa   Wakala wa Majengo Tanzania (TBA), Shirika la Nyumba la Taifa (NHC),na  kampuni ya MZINGA wenye uhitaji mkubwa kwa ajili ya ujenzi wa mji wa Serikali unaoendelea halafu mnadai mko likizo,?” amehoji Biteko.

Akizungumza  kwa njia ya simu na Mkurugenzi wa Kampuni ya Laroy Aggregate Co. Ltd , Biteko amemtaka  mkurugenzi huyo aliyefahamika kwa jina la Joel Mchovu kuhakikisha kuwa, ifikapo  Januari 2, 2019 kokoto ziwe zimezalishwa na kusambazwa kwa wahitaji kama walivyokubaliana ili ujenzi uendelee kwa kasi iliyokusudiwa.

Aidha, amewataka watendaji hao kufanya kazi kwa juhudi na weledi mkubwa ili kuzalisha kiasi kinachotosheleza mahitaji vinginevyo oda zitahamishwa na kupewa kampuni za zinazozalisha kokoto zilizopo Chalinze ambazo zinaonesha  uwezo mkubwa katika uzalishaji wa kokoto.

“Mfahamu kwamba endapo tutatoa oda kwa watu wa Chalinze maana halisi ya ujenzi wa mji wa Serikali kwa watu wa Dodoma haitakuwepo kwani hamtanufaika na ujenzi huu,” amesisitiza Biteko.

Biteko amewataka wananchi wa Dodoma kutambua kuwa, ujenzi wa mji wa Dodoma ni fursa kwao ya kuweza kujikwamua kiuchumi na kuboresha maisha yao binafsi hivyo, wanapaswa kuwajibika ili kupata manufaa hayo. “Fursa kubwa imepatikana na soko la uhakika lipo nitawashangaa kuona kuwa mnapoteza fursa hii,” amesisitiza.

Naibu Waziri wa Madini, Doto Biteko akisaini kitabu cha wageni alipotembelea katika machimbo ya kokoto ya kampuni ya Laroy Aggregate Co. Ltd, Kulia kwake ni Naibu Waziri Ofisi ya Waziri Mkuu Kazi, Ajira na Vijana Anthon Mavunde na kushoto ni msaidizi wake Kungulu K. Masakala

Naye, Fundi wa Mitambo ya kuchoronga mawe katika mgodi wa WADI, Gao Peng, amesema kuwa, kampuni hiyo iko katika hatua za kutengeneza mashine iliyoharibika ili kuwawezesha kuendelea na uzalishaji wa kokoto hizo na kueleza kwamba mashine hiyo imeharibika kwa takribani kipindi cha  miezi mitatu sasa na hivyo kufanya uzalishaji wa kokoto hizo kusimama.

Kwa upande wake, Naibu Waziri Ofisi ya Waziri Mkuu Kazi, Ajira na Vijana Anthony Mavunde, amesema anajisikia vibaya kuona kazi katika maeneo ya machimbo hazifanyiki na kuwataka wananchi wanaofanya shughuli hizo kuongeza nguvu, weledi na ufanisi ili  waweze kunufaika.

“Dodoma tumejaliwa kuwa na mawe mengi ya kuzalisha kokoto na madini mengine ya ujenzi, mahitaji ni makubwa kutokana na kasi ya ujenzi iliyopo lakini bado wana Dodoma mmelala,” amesema Mavunde.

Kwa upande wake, Afisa Madini wa Mkoa wa Dodoma, Mhandisi Jonas Mwano amekiri kuwepo kwa leseni hai za uchimbaji wa madini ya kokoto 75 katika mji wa Chigongwe na leseni 66 zimekwisha tolewa kwa waliowasilisha maombi ya leseni hizo na hivyo kuwataka wamiliki wa leseni hizo kuhakikisha wanazifanyia kazi leseni zao vinginevyo zitagawiwa kwa watu wengine.

Aidha, Mwano amekiri kuwa, awali wamiliki wengi wa leseni za madini ya kokoto walikuwa hawazalishi vya kutosha kwa madai kuwa soko lilikuwa adimu lakini sasa soko ni la uhakika na hivyo kuwataka wazalishe kokoto za kutosha ili kutoiangusha Serikali.

Pia, Mhandisi Mwano ameahidi kutembelea maeneo ya uchimbaji wa kokoto kila siku kufuatia maagizo ya Naibu Waziri Doto Biteko ili kuhakikisha kazi ya uzalishaji wa kokoto hizo unaridhisha na kutosheleza mahitaji ya ujenzi katika jiji la Dodoma.

Read more

Miaka mitatu ya Dkt. Magufuli ilivyoboresha sekta ya madini

Na Asteria Muhozya

Ni takriban Miaka Mitatu sasa tangu Rais wa Jamhuri ya Muungano wa Tanzania Dkt. John Pombe Joseph Magufuli aingie madarakani kuliongoza Taifa la Tanzania katika Serikali ya Awamu ya Tano.

Tangu Rais Magufuli aingie madarakani mwaka 2015, Serikali anayoiongoza imefanya mabadiliko makubwa kwenye Sekta ya Madini kwa ajili ya kuhakikisha kuwa rasilimali madini zinawanufaisha zaidi Watanzania.

Wanafunzi wa Shule za Sekondari jijini Arusha wakiangalia Madini ya Tanzanite wakati wa Maonesho ya 6 ya Kimataifa ya Madini ya Vito na Usonara ya Arusha (AGF) yaliyofanyika Mwezi Mei,2017.

Katika hatua za awali za kutekeleza mabadiliko hayo, Rais Magufuli Mwaka 2017, alianzisha Wizara mpya ya Madini baada ya kutenganishwa kwa iliyokuwa Wizara ya Nishati na Madini kupitia Hati ya Majukumu (Instrument) Na.144 ya tarehe 22 Aprili, 2016 na Marekebisho yake ya tarehe 7 Oktoba, 2017.

Wizara hii ya Madini inaongozwa na Waziri wa Madini Angellah Kairuki na Naibu Mawaziri wawili, Stanslaus Nyongo na Doto Biteko pamoja na Katibu Mkuu wa Wizara hiyo, Profesa Simon Msanjila.

Mbali na uundwaji wa wizara hii mpya, yamefanyika mabadiliko ya Sheria ya Madini ya Mwaka 2010, utungwaji wa Sheria ya Mapitio na Majadiliano kuhusu Masharti Hasi katika Mikataba ya Maliasili za nchi wa Mwaka 2017, na Sheria ya Mamlaka ya nchi kuhusiana na Umiliki wa Maliasili za nchi wa Mwaka 2017.

Utungwaji wa Sheria hizo mpya na mabadiliko ya Sheria ya Madini na Kanuni zake kumeboresha ulipaji wa mrabaha wa Serikali kutoka asilimia nne (4) na kuwa asilimia sita (6) ya bei ya madini ghafi kwa madini ya metali na vito na kuanzishwa kwa ada ya ukaguzi wa madini ya kiasi cha asilimia moja (1).

Mabadiliko haya pia yanaiwezesha Serikali kuwa na umiliki wa asilimia zisizopungua 16 za hisa huru kwenye Migodi mikubwa na ya kati, kodi ya zuio ya asilimia tano ya thamani ghafi ya madini imeanzishwa kwa wachimbaji wadogo.

Akizungumza katika kipindi Maalum cha TUNATEKELEZA, Waziri wa Madini Angellah Kairuki anasema, Serikali imeweza kufanya majadiliano na wamiliki wa migodi ya ACACIA na TANZANITE ONE ambapo majadiliano hayo yameleta matokeo chanya kwa Acacia kukubali kuilipa Serikali kiasi cha Dola za Marekani Milioni 300.

Katika maelezo yake, Waziri Kairuki anaongeza kuwa, baada ya majadiliano na Kampuni ya Tanzanite One wamekubali kulipa fidia pamoja na kodi watakayokubaliana kutokana na dosari zilizokuwepo hapo awali. “Tume maalum iliyoundwa na Rais inaendelea na majadiliano na makampuni yote makubwa yenye Mikataba na Serikali. Serikali ya Awamu ya Tano, imedhamiria kuhakikisha rasilimali za madini zinasimimiwa ipasavyo ili ziweze kuchangia kwa ufanisi katika uchumi wa Taifa na ustawi wa Watanzania,” anasema Waziri Kairuki.

Waziri wa Madini Angellah Kairuki akiangalia bidhaa za mapambo zilizotokana na madini yanayopatikana nchini baada ya kuongezwa thamani.

Aidha, Kairuki anaeleza kuwa, Mabadiliko ya Sheria yamewezesha na kuzuia usafirishaji wa madini ghafi nje ya nchi ili madini yaongezewe thamani hapa nchini. Aidha, Waziri Kairuki anasisitiza, mabadiliko hayo yanaifanya migodi ilazimike kutumia bidhaa na huduma za ndani ya nchi na kutoa uwezo wa usimamizi kisheria wa Sekta ya Madini kutakakoleta ufanisi mkubwa.

Akisisitiza suala hili katika moja ya mikutano yake na wadau wa sekta ya madini nchini, Waziri Angellah Kairuki anasema Serikali imeweka ZUIO la kusafirisha madini ghafi nje ya nchi ikiwa na lengo la kuyaongezea thamani kabla ya kuyasafirisha. Katika kulisimamia hilo, anasema, Serikali kupitia Wizara ya Madini inaandaa Muswada wa Sheria ya uongezaji Thamani Madini, ili kuwezesha shughuli za Uongezaji Thamani madini kufanyika kwa kuzingatia Sheria na kusimamia vyema shughuli za uongezaji thamani madini nchini.

“Dhamira ya Serikali ni kujenga na kuendeleza Viwanda vya ndani, kuongeza Mapato ya Serikali kutoka Sekta ya Madini, na kurekebisha mapungufu yaliojitokeza katika utekelezaji wa Sheria zilizopo katika shughuli za uongezaji thamani madini hususani kwenye eneo la masonara,” anasisitiza Waziri Kairuki.

Waziri Kairuki anaongeza kwamba, Wizara inaendelea kuhamasisha uwekezaji katika shughuli za uongezaji thamani madini na kuendelea kutoa leseni za uchenjuaji na uyeyushaji wa madini ya metali. Pia, anafafanua kuwa, jumla ya maombi 27 ya uwekezaji kwenye smelters na refineries (ujenzi wa vinu (viwanda) vya uchenjuaji kwa ajili ya kusafisha na kuongeza thamani madini ya metali) yaliwasilishwa na uchambuzi unaendelea kufanyika ili kupata mwekezaji atakayekidhi vigezo.

Akizungumzia ukuaji wa Sekta ya madini katika Awamu hii anasema, Sekta ya Madini ilikua kwa asilimia 17.5 Mwaka 2017 ikilinganishwa na asilimia 9.1 Mwaka 2015. Mchango wa Sekta ya Madini katika Pato la Taifa uliongezeka na kufikia asilimia 4.8 Mwaka 2017 ikilinganishwa na asilimia 4.0 Mwaka 2015.

Waziri Kairuki anasisitiza kuwa, Wizara imevuka malengo ya makusanyo ya maduhuli iliyopewa  mwaka 2017/18 ya Shilingi bilioni 194.66 na kuweza kukusanya Shilingi bilioni 298 sawa na asilimia 153.09.

Pia anaongeza, kuongezeka kwa kiwango cha ukuaji wa Sekta ya Madini kumetokana na kuimarishwa kwa udhibiti wa biashara haramu na utoroshwaji wa madini; kuimarishwa kwa ukaguzi na usimamizi katika sehemu za uzalishaji, biashara ya madini; na usafirishaji wa madini nje ya nchi; kuongezeka kwa viwango vya mrabaha na kuanzishwa kwa ada ya ukaguzi wa madini kufuatia marekebisho ya Sheria ya Madini ya Mwaka 2010 yaliyofanyika Mwaka 2017 na Kanuni zake.

Waziri wa Madini Angellah Kairuki akimsikiliza mmoja wa Wachimbaji wa Madini ya Bati katika moja ya ziara zake za kukagua shughuli za uchimbaji madini, Kyerwa mkoani Kagera.

Akizungumzia uundwaji wa Tume ya Madini, ambayo ni zao la Mabadiliko ya Sheria ya Madini ya Mwaka, 2010, baada ya kufutwa kwa Wakala wa Ukaguzi wa Madini Tanzania (Tanzania Mineral Audit Agency –TMAA), Waziri Kairuki anasema kuundwa kwa Tume ya Madini, kumepelekea  usimamizi  wa karibu zaidi wa maeneo yenye uchimbaji wa madini. Aidha, uwepo wa ofisi za madini katika mikoa mbalimbali nchini unarahisisha ushughulikiaji wa maombi ya leseni, kupunguza migogoro na kuongeza makusanyo ya mrabaha.

“Pia, Tume imesimamia shughuli za uchimbaji ndani ya ukuta wa Mererani ili kudhibiti utoroshwaji wa Madini ya Tanzanites na madini mengine ili kuimarisha ukusanywaji wa kodi za Serikali,” anasema Waziri Kairuki.

Akizungumza katika Mkutano baina ya Waziri Kairuki na Wafanyabiashara wa Madini ya Tanzanite jijini Arusha, Mwenyekiti wa Chama Cha Wafanyabiashara wa Madini Tanzania (TAMIDA) Sam Mollel anasema ukuta uliojengwa kuzunguka migodi ya Tanzanite Mirerani umeongeza Imani kubwa kwa walaji wa madini hayo zikiwemo nchi za Marekani na Ulaya huku akisisitiza kuwa, ukuta wa Mirerani umedhibiti ajira za watoto migodini na kuondoa wizi wa vifaa migodini.

Haya ni baadhi tu ya mafanikio yaliyofanywa na Serikali ya Awamu ya Tano katika Sekta ya Madini. Kwa hakika watanzania hawana budi kuunga mkono jitihada hizi zinazofanywa na Serikali ambazo zinalenga kuhakikisha kwamba rasilimali madini zinalinufaisha taifa na watanzania wote.

Aidha, katika kuhakikisha kwamba sekta ya madini inachangia zaidi katika pato la Taifa na ukuaji wa uchumi, Waziri Kairuki anasema katika kipindi cha miaka mitano ijayo, lengo la wizara ni kuhakikisha Sekta ya Madini inachangia zaidi katika pato la Taifa ili hadi ifikapo mwaka 2025 sekta husika iweze kuchangia hadi kufikia asilimia kumi (10%).

Read more

Prof. Msanjila awataka STAMICO kuutangaza mtambo wa kuchoronga miamba

Na Nuru Mwasampeta

Katibu Mkuu wa Wizara ya Madini Prof. Simon Msanjila amelitaka Shirika la Madini la Taifa (STAMICO) kutumia mtambo wa kuchoronga miamba kwa ufanisi ili kuliletea tija Taifa pamoja na  shirika hilo kutokana na  kipato kitakachotokana na uwepo wa mtambo huo.

Kaimu Mkurugenzi wa Rasilimali Watu na Utawala Nsajigwa Kabigi, akieleza jambo kuhusu mtambo huo mbele ya Katibu Mkuu wa Wizara ya Madini, Prof. Simon Msanjila (mwenye tai) na wajumbe walioshiriki katika tukio hilo.

Ameyasema hayo leo Desemba 24, 2018 wakati wa hafla fupi ya kuukabidhi rasmi mtambo huo kwa STAMICO kwa ajili ya kuanza kuutumia.

Akizungumza katika makabidhiano hayo, Prof. Msanjila amesema, ununuzi wa mtambo huo ni uwekezaji mkubwa ambao Serikali imeufanya kwa shirika la Stamico hivyo, halina kuutumia vyema ili uweze kuleta tija.

Akizungumzia gharama za mtambo huo, Prof. Msanjila amesema umegharimu kiasi cha Dola za Kimarekani milioni moja na laki tatu(USD 1.3) ambazo yeye kama Mtendaji Mkuu wa wizara anaona kuwa na deni kubwa kwake, na hivyo kuahidi kuusimamia ipasavyo ili kuhakikisha mtambo huo unazalisha faida na kuwa chachu ya kuweza kununua mitambo mingine  kama hiyo ili kukuza sekta ya madini nchini.

Aidha, amelitaka Shirika hilo kujitangaza vema ili wananchi na hususn wadau wa madini wanaojihusisha na shughuli za uchimbaji na utafutaji wa madini kufahamu uwepo wa mtambo huo ili uweze kutumika hata kwa kampuni binafsi ili kujiongezea kipato lakini pia kuwasaidia wachimbaji wadogo wa madini. “Kwa zabuni nilizozisikia mpaka sasa mtambo huu utazalisha pesa za kutosha” amesema Msanjila.

Mbali na kukabidhi mtambo huo, Prof. Msanjila ameitaka Stamico kuwasilisha taarifa za mapato na matumizi ya mtambo huo kila robo ya mwaka ili kuweza kufanya tathmini endapo mtambo unatumika kwa faida.

Pia, ameliagiza shirika hilo kuhakikisha kuwa, mtambo huo unawezesha manunuzi ya mtambo mwingine mpya kila mwaka ili ndani ya miaka mitano shirika liweze kumiliki mitambo mitano na kurahisisha utekelezaji wa shughuli za uchimbaji na utafutaji wa madini.

Akizungumzia ubora wa mtambo huo, Mkurugenzi wa Kampuni  ya Geo field Tanzania Ltd Denis Dillip ambaye ndiye mnunuzi wa mtambo huo amesema, mtambo huo ni wa kisasa na unatumika katika kuchimba aina tatu za miamba lakini pia unaweza kutumika katika kuchimba visima vya maji.

Aidha, Denis ameishukuru Serikali kwa wazo la kununua mtambo huo na kukiri kuwa, utawasaidia wchimbaji wadogo katika kuendeleza kazi zao za uchimbaji na utafutaji wa madini.

Katibu Mkuu wa Madini, Prof. Simon Msanjila akisalimiana na Kaimu Mkurugenzi wa Rasilimali na Utawala, Nsajigwa Kabigi mara baada ya kuwasili katika ofisi za STAMICO kwa ajili ya makabidhiano ya mtambo wa kuchoronga miamba. Katikati ni Kaimu Mkurugenzi Mtendaji wa STAMICO Kanali Sylvester Ghuliku.

Kwa upande wake, Kaimu Mkurugenzi Mtendaji wa Shirika la Madini la Taifa (STAMICO), Kanali Sylvester Ghuliku amekiri kuwa mtambo huo ni talanta waliyopewa na serikali na kuahidi kutoifukia na badala yake watahakikisha unatumika kwa faida na kuhakikisha unazalisha faida kwa serikali.

“Dola za kimarekani milioni 1.3 mlizotuamini na kutukabidhi ni pesa nyingi sana, na hamjatukabidhi ili zikae kwenye makabati, tutahakikisha tunautumia mtambo huu kwa weledi mkubwa ili uweze kuleta tija, ni imani yangu kuwa mtambo huu utanufaisha si Stamico pekee bali pia wachimbaji wadogo, wa kati, wakubwa na sekta nzima ya madini nchini,” amesema Ghuliku.

Ameongeza kuwa, mtambo huo unahitajika sana katika kufanikisha shughuli za utafutaji wa madini, hivyo atahakikisha katika kipindi cha mwaka mmoja stamico inazalisha ipasavyo kupitia mtambo huo na hivyo kuwezesha manunuzi ya mtambo mwingine wa aina hiyo.

Read more

Profesa Kikula aongoza kikao cha kazi Tume ya Madini

Na Greyson Mwase, Dodoma

Leo tarehe 21 Desemba, 2018 Mwenyekiti wa Tume ya Madini, Profesa Idris Kikula ameongoza kikao cha kazi cha Tume ya Madini kilichofanyika jijini Dodoma. Kikao hicho kilishirikisha makamishna wa Tume ambao ni Mtendaji  Mkuu wa Shirikisho la Vyama vya Wachimbaji Madini Nchini (FEMATA), Haroun Kinega, Katibu Mkuu wa Wizara ya Ardhi, Nyumba na Maendeleo ya Makazi,  Dorothy Mwanyika, Katibu Mkuu wa Wizara ya Ulinzi na Jeshi la Kujenga Taifa, Dkt. Florence Turuka na  Naibu Mwanasheria Mkuu wa Serikali, Dkt. Evaristo Longopa.

Wengine ni Dkt. Athanas Macheyeki, Profesa Abdulkarim Mruma Katibu Mtendaji wa Tume ya Madini, Profesa Shukrani Manya pamoja na watendaji wa Tume ya Madini.

Pamoja na mambo mengine kikao hicho kilijadili taarifa mbalimbali za utekelezaji wa majukumu ya Tume na Mpango Mkakati wa Tume wa miaka mitano (2019/20 -2023/2024). Katika kikao hicho kati ya masuala yaliyokubaliwa ni pamoja na leseni ambazo hazifanyiwi kazi kufutwa na tathmini ya kina kufanyika kwa waombaji wa leseni ili kubaini kama wanakidhi vigezo kama vile uwezo wa kifedha na utaalam.

Read more

Prof. Msanjila akutana na ujumbe wa Serikali ya India

Na Asteria Muhozya, Dodoma

Katibu Mkuu wa Wizara ya Madini Prof. Simon Msanjila amekutana na Ujumbe wa Serikali kutoka nchini India pamoja na Kampuni ya National Mineral Development Corporation (NMDC) jijini Dodoma, katika kikao ambacho pia kimeshirikisha watendaji kutoka Wizarani, Taasisi ya Jiolojia na Utafiti wa Madini Tanzania (GST) na Tume ya Madini.

Sehemu ya ujumbe kutoka Serikali ya India na Kampuni ya NMDC pamoja na watendaji wa wizara wakifuatilia kikao hicho.

Ujumbe huo umefika wizarani kwa lengo la kuonana na uongozi wa Wizara kwa ajili ya kufanya majadiliano juu ya nia yao ya kufanya uwekezaji kwenye shughuli za uchimbaji wa madini na kupata maeneo mapya ya uchimbaji. Awali kampuni hiyo ilikutana na Shirika la STAMICO na kufanya majadiliano kuona ni kwa namna gani wanaweza kushirikiana katika utekelezaji wa malengo yao kupitia fursa mbalimbali zilizopo katika sekta ya madini nchini.

Akizungumza katika kikao hicho kilichofanyika Desemba 18, Katibu Mkuu Prof. Msanjila amewakaribisha na kuwapongeza kwa nia yao ya kufanya uwekezaji nchini na kuueleza ujumbe huo kuwa, kampuni ya NMDC inayo fursa ya kuchagua kuwekeza ikiwa kama kampuni inayojitegemea ama kwa kuingia ubia na Shirika la Madini la Taifa la (STAMICO).

Aidha, ameuleza ujumbe huo kuwa, wizara inazo taasisi ambazo zinasimamia masuala yanayohusu leseni na shughuli za utafiti na kuusisitiza kujadiliana na Kamishna wa Madini, Mkurugenzi wa Sheria na Tume ya Madini kwa ajili ya kupata taratibu zinazotakiwa kisheria kuhusu masuala ya leseni na mahitaji mengine wanayotakiwa kutekeleza kabla ya kuwasilisha mpango huo kwenye ofisi yake. Aidha, aliutaka ujumbe huo kujadiliana na GST kwa masuala yanayohusu shughuli za utafiti wa madini.

Pia, Prof. Msanjila ameishauri kampuni husika kukata leseni ya utafiti kwanza ili kufanya utafiti katika maeneo waliyoyakatia leseni na kuwasilisha taarifa hizo katika ofisi ya GST ndipo waendelee na utaratibu wa kupata leseni ya uchimbaji. Vilevile, ameutaka ujumbe huo kuwa tayari kuwasiliana na wizara pindi unapohitaji kupata ufafanuzi wa masuala yote ya yanayohusu uwekezaji katika sekta husika.

Kampuni ya NMDC inajishughulisha na shughuli za uchimbaji wa madini ya chuma na iko chini ya Wizara inayoshughulikia madini ya chuma ya India.  Pia kampuni hiyo pia inajishughulisha na utafiti wa madini mbalimbali kama vile madini ya chuma, shaba, phosphate, nk. katika nchi mbalimbali na barani Afrika.

Read more

Mgodi wa Wachimbaji Wadogo Mahenge Wafunguliwa

  • Ni baada ya kufungwa kwa miezi Mitano
  • Biteko azidua Ofisi ya Madini Ulanga

Na Rhoda James, Mahenge

Naibu Waziri wa Madini, Doto Biteko ameufungua mgodi wa Wachimbaji Wadogo wa Mahenge baada ya kufungwa kwa takribani miezi Mitano tangu   Julai 10, 2018.

Naibu Waziri wa Madini, Doto Biteko (katikati) akikata utepe kuashiria uziduzi wa Ofisi ya Madini Wilayani Ulanga katika Mji wa Mahenge uliofanyika tarehe 14 Desemba, 2018.

Mgodi huo wa madini ya Vito aina ya Spino uliopo Wilayani Ulanga ulisimamishwa kutokana na kukiukwa kwa taratibu za uchimbaji wa madini ikiwemo  kutolipa kodi za Serikali.

Akizungumza katika mkutano kati yake na wachimbaji Biteko alisema kuwa, Sekta ya Madini haipo kwa ajili ya kufunga migodi, na kuongeza kuwa, hakuna mchimbaji yeyote atakayeruhusiwa kuchimba katika eneo hilo hadi pale atakapokuwa amelipa madeni yake angalau ya awamu ya kwanza.

Pia, alisema kuwa, ikiwa kuna mchimbaji ambaye atakiuka taratibu za uchimbaji, atachukuliwa hatua za kisheria  na si kwa kufungiwa mgodi tu bali atapelekwa mahakamani ili sheria ichukue mkondo wake.

“Nyie ni wadau muhimu katika sekta ya maendeleo, na mkilipa kodi, ikaonekana imefanya nini, hata wawekezaji hawatakwepa kulipa kodi,” alisema Biteko.

Aliwataka Wachimbaji Wadogo wa Mahenge kubadilika na kufuata taratibu zilizowekwa kisheria na kusema kuwa, Serikali