[Speech]: HOTUBA YA MHESHIMIWA DKT. DOTO MASHAKA BITEKO (MB)

Tarehe : April 11, 2023
Ndugu Wageni Waalikwa, Kwa namna ya pekee sana ninamshukuru Mwenyezi Mungu mwingi wa Rehema kwa kutujalia uhai na afya njema katika siku hii muhimu ambayo tumekutana kwenye tukio hili la kihistoria la kuwakutanisha Wachimbaji Wadogo wa Madini ya Viwandani na Wamiliki wa Viwanda vinavyotumia Madini hayo. Ndugu Wageni Waalikwa, Kwa dhati naomba nitumie fursa hii kumshukuru Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, kwa miongozo yake anayoendelea kuitoa kwangu na kwa Viongozi wa Wizara katika kusimamia Sekta ya Madini nchini. Sisi kama Wizara tutaendelea kupokea na kuyafanyia kazi maelekezo yake ili kufikia matarajio ya Watanzania ya kuona Sekta ya Madini ikiboresha maisha yao na kuongeza Mchango wake hadi kufikia asilimia kumi (10) ya Pato la Taifa ifikapo Mwaka 2025.

by: madini