Tarehe : Jan. 10, 2022, 2:55 p.m.

Ninayo furaha kuwa nanyi hapa ili tuanze safari hii ambayo mamlaka imeniamini nitaweza kuitumikia. Na mimi natoa shukrani nyingi kwa fursa niliyopata.

Wakati juzi nasikia uteuzi wa Bw. Adolph Nduguru kuwa Katibu Mkuu Wizara ya Maadini nilipata moyo sana nitaenda vizuri kwa sababu ya Prof. Msanjila, Dkt. Biteko na Prof. Manya kwasababu ni watu ambao nilio nao karibu nikajua watakuwa viongozi wangu wazuri sana.

Kiongozi si anayefanya kila kitu bali anayeunganisha nguvu.

Nimetiwa moyo zaidi nilipoingia pale mlangoni nikaona nyuso zenye furaha, amani na utulivu nikaona sina shaka hata kidogo kazi itaendelea kama tulivyosema.

Nipo hapa kama kiongozi na mtumishi kujenga timu hii iliyopo hapa tunaahidi tutaendelea kuijenga kama ilivyojengwa na viongozi walionitangulia, sina shaka na viongozi walionitangulia.

Tuendelee kujenga na kusukuma gurudumu hili la Sekta ya Madini mbele ili kutumikia taifa letu ipasavyo na kumsaidia Mhe. Rais azma yake kupeleka maisha bora kwa watanzania.

by: madini