Tarehe : July 7, 2025, 12:40 p.m.

Dar aEs Salaam

Mkurugenzi Mtendaji wa Shirika la Madini la Taifa  (STAMICO) Dkt. Venance Mwasse amesema ushiriki wa pamoja  wa  Wizara taasisi zake pamoja na wadau wa  Sekta ya Madini katika banda la shirika hilo umeongeza tija kwa kuwa umewarahishia wageni kupata taarifa zote kwenye mnyororo wa shughuli za madini.

Amebainisha hayo leo Julai 7, 2025 baada ya kutembelea banda hilo ambapo
ameonesha kufurahishwa  na idadi kubwa ya wageni wanaotembelea banda huku wakionesha kufurahia huduma na elimu wanazozipata.

"Ni jambo  la kufurahisha kuona banda limetembelewa na wageni wengi ambao wanapata taarifa kutoka kwa wataalam na watoa huduma mbalimbali," amesema Dkt. Mwasse 

Kufuatia hali hiyo, ametoa wito kwa wananchi  kufika ndani ya banda hilo kutokana na uwepo wa  taarifa za kutosha ikiwemo fursa zilizopo katika Sekta ya madini.

Aidha,  ameweza kukutana na 
wataalam mbalimbali wanaoshiriki maonesho hayo kupitia banda hilo.

by: madini