Tarehe : March 29, 2025, 11:08 a.m.

Dodoma

Baadhi ya Watumishi Wanawake Wizara ya Madini Machi 28, 2025 waliwawakilisha wenzao   kutoa msaada kwa wahitaji waliolazwa katika Hospitali ya Rufaa ya Mkoa wa Dodoma.

Misaada iliyotolewa ni pamoja  na Bima ya Afya kwa kipindi cha mwaka mmoja kwa watoto Watatu (3)  waliolazwa katika hospitali hiyo, vifaa
 mbalimbali kwa watoto njiti ikiwemo sabuni, mafuta na mahitaji mengine ikiwa ni sehemu ya matendo ya huruma  kuelekea  Sikukuu za Eid na Pasaka. 

Akizungumza katika tukio hilo, Afisa Ustawi Mwandamizi hospitali hiyo  Elvira Mutagabwa, aliwashukuru watumishi hao kwa moyo waliouonesha wa kujali wenye mahitaji na kueleza kwamba, kitengo hicho kinazo changamoto nyingi  kutokana na idadi ya wanaohitaji misaada ya matibabu na hivyo kutoa wito kwa jamii kuona umuhimu kusaidia wenye mahitaji.

Akizungumza kwa niaba ya wawakilishi wa watumishi wanawake Wizara ya Madini, Nuru Kiterebu alisema watumishi hao walifika ikiwa ni sehemu ya kufanya matendo ya huruma  katika msimu huu wa kuelekea Sikukuu za Eid na Pasaka baada ya kupata taarifa kuhusu uwepo  uhitaji  wa huduma za matibabu.

" Huu ni mwanzo tukijaaliwa wakati mwingine tutaendelea kusaidia watoto wengine," alisema Kiterebu.

by: madini