Tarehe : March 8, 2026, 10:59 a.m.

Senyamule awataka Wanawake Kuongeza Bidii kwenye Uthubutu

 Kongwa

Mkuu wa Mkoa wa Dodoma Mhe. Rosemary Senyamule akizungumza katika Kilele cha Maadhimisho  ya Siku ya Kimaifa ya Wanawake Duniani Dodoma Mhe. Rosemary Senyamule amewataka wanawake nchini kuitumia siku hiyo kutathmini hatua mbalimbali zilizopigwa za usawa wa kijinsia  
huku akiwasisitiza kuongeza bidii  kwenye uthubutu.

Ameongeza kwa kuwataka kutumia siku hiyo kuhamasisha kuhusu fursa za haki za uchumi na kuwaunga mkono wanawake walioonesha njia.

Katika Maadhimisho hayo Watumishi Wanawake Wizara ya Madini wameungana na  wenzao kutoka Mkoa wa Dodoma ambapo takribani wanawake elfu Sita kutoka maeneo 
mbalimbali zikiwemo Wizara, taasisi na makundi mbalimbali  wameshiriki kuadhimisha ngazi ya Mkoa mkoani humo.

 Maadhimisho ya Siku ya Kimataifa ya Wanawake Duniani  huadhimishwa  tarehe 8 Machi kila mwaka.

Mwaka huu Maadhimisho hayo yamebebwa na kaulimbiu isemayo
Haki kwa Wanawake na Wasichana: Msingi wa Maendeleo Jumuishi kufikia Dira 2050

by: madini